Click on a word for lexical analysis
Click on a red-colored coordinate for comments and/or translations of the line
| 096:001 | שבחו קדם ייי תושבחתא חדתא שבחו אנגלי מרומא שבחו קדם ייי כל צדיקי ארעא: |
| 096:002 | שבחו קדם ייי בריכו שמיה בשרון מיומא ליומא פורקניה: |
| 096:003 | אישתעיו בעממיא איקריה בכל עמיא/עממיא#1#/ פרישותיה: |
| 096:004 | ארום רב ייי ומשבח לחדא ודחיל הוא על כל אלהא: |
| 096:005 | ארום כל דחלת עממיא טעותא וייי שמיא עבד: |
| 096:006 | שבחא ושיבהורא קדמוי עושנא ותושבחא/ואודיצותא#1#/ בבית מקדשיה: |
| 096:007 | הבו/איהבו#1#/ זמר קדם ייי יחוסי עמיא הבו/איהבו#1#/ קדם ייי איקר ועושנא: |
| 096:008 | הבו/איהבו#1#/ קדם ייי איקר ורוממו שמיה {ת}<ס>וברו ושוברו תיקרובתא ועולו לקדמוי לדרתוי: |
| 096:009 | סגודו קדם ייי בשיבהורת קודשא רת{ו}<י>תו מן קדמיה כל יתבי ארעא: |
| 096:010 | אמרו בעמיא/בעממיא#1#/ ייי מלך לחוד תקין תבל דלא תתמוטט/תזוע#1#/ ידין עמיא בתירוצא: |
| 096:011 | יחדון חיילי דשמיא וידוצון צדיקי ארעא יכלי ימא ומלייה: |
| 096:012 | יביע/יבוע#1#/ תושבחא חקל וכל די ביה הבכן/אדין#1#/ ישבחון כל אילני חורשא: |
| 096:013 | קדם ייי ארום אתא ארום אתא למידן ארעא ידון תבל בצדקתא/בזכו#1#/ ועמיא/ועממיא#1#/ בהימנותיה: |