The Comprehensive Aramaic Lexicon

02:01[1]	והוה יום דינא רבא יום שבוק/שיבוק#1#/ סורחניא ואתו כתי מלאכיא למקום בדינא קדם ייי ואתא אף/לחוד#1#/ סטנא במצעיהון למקום בדינא קדם ייי:
02:02[1]	ואמר ייי לסטנא הי מנן את אתי ואתיב סטנא ית ייי ואמר /מן#2#/ למשוט בארעא למבדק בעובדי בני נשא ומן מהלכא בה:

02:03[1]	ואמר ייי לסטנא איפשר דשויתא לבך על עבדי איוב ארום לית דכמוהי/דכוותיה#2#/ בארעא דעממי גבר שלים ותריץ דחיל מן קדם ייי ועדי מן ביש ועד כדון הוא מתוקף/מתקף#1#/ בשלימותיה וגריתא מימרי ביה לסלעמותי׳ מגן:

02:04[1]	ואתיב סטנא ית/קדם#1#/ ייי ואמר איברא מטול איברא וכל די לבר נש ימסור מטול נפשיה:
02:05[1]	וברם אושיט כדון מחת ידך וקריב לגרמיה ולבשׂריה/ולנפשיה#2#/ אין לא באנפי מימרך ירגזנך:
02:06[1]	ואמר ייי לסטנא הא הוא מסיר בידך לחוד ית נפשיה נטור:
02:07[1]	ונפק סטנא בהרמנא מן קדם ייי ומחא ית איוב בשיחנא בישא מן פרסת רגליה ועד מוקריה:
02:08[1]	ונסיב ליה פיחר לאתקרצפא/לאיתקרספא#1#/ ביה והוא יתיב במצע קטמא:
02:09[1]	ואמרת ליה דינה אתתיה עד כדון את מיתוקף בשלימותך בריך מימרא דייי ומות:
02:10[1]	ואמר לה היכמה \די מללן/דממללן#1#/ חדא מן נשיא דעבדן קלנא מבית אבהתהון היכדין את ממללא לחוד ית טבא נקבל מן קדם ייי וית בישא לא נקבל בכל דא לא חב איוב בספותיהי/בסיפוותוי#1#/ ברם ברעיוניה הרהיר במלין:
02:11[1]	ושמעו תלתא חברי איוב ית כל בישתא הדא דאתת עלוהי/עלוי#1#/ כד חמון ית אילני פרדסיהון די יבישו ולחם סעודתהון אתהפיך לבישׂרא חייא וחמר משתיהון אתהפיך לדמא ואתו גבר מן אתריה \ובי הוא/ובההיא#1#/ זכותא אתפציו מן אתר דמזומן להון בגיהנם אליפז דמן תימן ובלדד דמן שוח וצופר דמן נעמה ואתחברו כחדא למיתי למינד ליה ולנחמותיה:
02:11[2]	ושמעו תלתא חברי דאיוב ית כל בישתא הדא דאתת עלוי ואתו גבר מן אתרה אליפז דמן תימן ובלדד דמן שוח וצופר דמן נעמה ואתחברו כחדא למיתי למנד עלוהי ולנחמותה:
02:12[1]	וזקפו ית עיניהון מן רחיק ולא אשתמודעוהי וארימו קלהון ובכו ובזעו גבר /ית#1#/ מעיליה וזרקון/ודרקון#1#/ עפרא על רישיהון לצית שמיא:
02:13[1]	ויתיבו עמיה לארעא שובעא יומין ושובעא לילוון ולית דמליל/דממליל#1#/ עמיה פתגם ארום דחמון ארום סגא כיבא לחדא: