← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

81012: Tobit (medieval text)

Click on a word for lexical analysis
Click on a red-colored coordinate for comments and/or translations of the line

03:07.01 אשמע חיסודא תוף: ביומא ההוא עלת צלותא דתרויהון קדם כורסי
03:07.02 יקרא דאלהא רבא ושלח מלאכא רפאל לאסאה תרויהון ית טובי
03:07.03 לאעדאה חיורא מעינוי וית שרה בת רעואל למיתן לטוביה בר טובי
03:07.04 לאינתו ולאעדאה אשמדאי מלכא דשידי מינה: וכד שיצי טובי ית
03:07.05 צלותיה תב לביתיה ושרה בת רעואל נחתת מעיליתא דאבוהא כד
03:07.06 שיציאת לצלאה:
04:07.07 בה בשעתא דכר טובי ית כספא דאפקיד בידא דגבאל בקורי ריגש
04:07.08 בארעא דמדי ואמר בליביה הא שאלית ית נפשי ליממת איקרי ית ברי
04:07.09 טוביה ואודע ליה עסקא דכספא עד לא אימות: וקרא טוביה בריה
04:07.10 ואמר ליה ברי כד אימות קבר יתי ביקר וייקר ית אימך ולא תשבקינה
04:07.11 כל יומי חייהא ועביד לה כל דתקין בעינהא ולא תסרב על מימר
04:07.12 פומהא אידכר כמה אתעיקת עלך וכד מיתא קבר יתה עמי בקברא חד:
04:07.13 וכל יומך יי׳ אלהך תדחל ולא תצבי למיחטי ולא תעבר על תפקדתייא
04:07.14 עביד צדקתא כל יומך ולא תהך עם גבר חטוף ארום אם תעביד קשוט
04:07.15 טב לך בכל דלך וכל עבדי צדקתא טוביהון: ברי מנכסך עביד צדקתא
04:07.16 ולא תתכסי מן גבר חסיך ואלהא לא יכסה שכינתיה מינך, ברי עד
04:07.17 דאית יוכלא בידך למעבד צדקתא עביד ואם מתרחק מינך עותרא
04:07.18 עביד צדקתא ותקנה נכסין ואם תעביד צדקתא דרופתק טב תקנה ביום
04:07.19 ריתחא ארום היא משיזבא מן מותא ולא תשבוק למרה למיחת חשוכא
04:07.20 טבתא וכל מאן דעביד לה יתקיים בדילה הלא אבהתנא לא אישתבחו
04:07.21 אילהין בצדקתא באברהם אבונא כתבא מפרש "כי ידעתיו למען אשר
04:07.22 יצוה את בניו ואת ביתו אחריו וגו׳ לעשות צדקה ומשפט ביצחק כת׳