← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

81012: Tobit (medieval text)

Click on a word for lexical analysis
Click on a red-colored coordinate for comments and/or translations of the line

07:12.01 דמשה יי׳ אלהא דשמיא יפרוקינכון בליליא דין ויפקיד עליכון טיבותיה
07:12.02 ושלמיה: ודבר רעואל ית שרה ברתיה ויהב יתה לטוביה לאנתו אמר
07:12.03 ליה סיב יתה כהלכת אוריתא דמשה ודבר יתה לאבוך: וקרא רעואל
07:12.04 לעדנה אתתיה לאיתאה ניירא למכתב עלוהי כתובתא לברתיה ועבדת
07:12.05 כן וכתבו כתובתא וחתמו יתה סהדין ואכלו ושתו: אמר רעואל לעדנה
07:12.06 אנתתיה אתקיני אידרון בית משכבא ואעלי ברתך ועבדת כן וגפיפת
07:12.07 עדנה לשרה ברתה ובכת ואמרת ברתי יעביד עמך אלהא דשמיא
07:12.08 בליליא הדין חיסדא וישגח עליכי ויתן לך חדווא על דוונא דהוו לך
07:12.09 בעידנין דעברו:
08:12.10 והוה כד שלימו לאתקנא אידרונא וערסא ועלו לתמן טוביה ושרה
08:12.11 אנתתיה ודכר טוביה מלוי רפאל ונסיב ליבא דנונא ושוי על מחתה
08:12.12 וקטר תחות גלימת שרה ואשמדאי קביל ריחא וערק בסייפי ארעא
08:12.13 דמצרים ורפאל קטריה ואסריה לתמן: ונפקו מן אידרונא ואחדו דשא
08:12.14 בדיל תרויהון וקם טוביה מן ערסא ואמר לשרה אחתי קומוי ונירמי
08:12.15 תחנונא קדם אלהא דיפקיד עלנא חיסדיה וטיבותיה וצלי טוביה קדם
08:12.16 אלהא ואמר בריך את יי׳ אלהיה דישראל ובריך שמך לעולם יברכונך
08:12.17 שמיא וכל ברייתך את בריתא אדם ויהבת ליה סמ[ך] ית חוה
08:12.18 אתתיה ומינהון כל בני אינשא ואמרת לא תקין למיהוי אדם בלחודוהי
08:12.19 אעביד ליה סמך לקבליה וכען אלהא את ידעת ארום לא בדיל זנותא
08:12.20 נסבית אחתי דא אלהין כהלכת אוריתא חוס עלנא והב לנא חסדך
08:12.21 לאתחברא אך חדא בשלם והב לנא בנין טבין ואתיבת שרה ואמרת
08:12.22 אמן: ועל לוותה בליליא הוא והות בפילגות ליליא קם רעואל ואמר
08:12.23 לעבדוהי לחפרא קברא בליליא ואמר להון אם מית טליא נקבריניה
08:12.24 בליליא ואינש לא יידע ולא יהא לנא חיסודא וקרא לעדנה אנתתיה
08:12.25 ואמר לה שדרי חדא מן אמתין לאידרונא דבוצינא בידה ותחזי אם