The Comprehensive Aramaic Lexicon

click on the file description for more information

Click on a word for lexical analysis
Click on a red-colored coordinate for comments and/or translations of the line


par11 ms1 05:14	והוה מיומא די זמינת אסתר ית המן לשירותא איתעקו בני ישראל ואמרין דין לדין הדין מסא{נ}<כ>ינן בכל יומא ויומא דתיבעי אסתר מן מלכא למיקטל ית המן והוא מזמנא ליה לשירותא, ביה שעתא שפכו דבית ישראל כולהון ליבהון ואיתרחיצו על אבוהון בשמיא וכן אמרו קדמוי עני יתן עני כל מעיקיא דהיך דתליין עבדוי למריהון והיך עיני אמתא לריבונתה כך תליין עיננא עלך עד עידן דתתגלי ותפרוק יתן דהא שנאה ובעלי דבבא מגדף ואמ׳ מן אינון יהודאין בכן בכל צלותהון ועבד בעותהון ביה בליליא מטול דבכל זמנא דפריק יתהון מבעלי דבביהון בליליא, בליליא פריק יתהון מפרעה ומסנחריב ומן כל דקמו עליהון: