The Comprehensive Aramaic Lexicon

click on the file description for more information

Click on a word for lexical analysis
Click on a red-colored coordinate for comments and/or translations of the line

05:08(000)	ענת מלכת׳ ואמרת אנת מלכא אין אשכחית חיסדא ורחמין קדמך ואין על מלכא שפיר למיתן שאלתי ולמעבד ית בעותי ייתי מלכא והמ׳ לשירותא דאעביד לכון ולמחר אעביד כפתגמא דמלכא

05:08(001)	ומטול תלתא פתגמי׳ זמנת אסתר ית המן לשירותא

05:08(002)	פתגמא קדמאה דידעת אסתר \דמחא המן היך <<דאזיל>> התך בשליחותא /דחמא המן היך קטל התך דהוה הליך בשליחותא#1#/ בין אסתר למרדכי ואמרת אסתר אזמין המן לשירות׳
05:08(003)	פתגמא תניינא מטול דעקרת סנאתא מליביה ותוב איטננא בין <<אחשורוש>> להמן ודיימר מלכא מה היא הדא מילתא דמכולהון שליטי דידי לא קרת אסתר לשירותא אלא המן
05:08(004)	פתגמא תליתאה אמרת אסת׳ כולהון דבית ישראל עייניהון תליין עלוי דאיבעי מן מלכ׳ אחש׳ ונקטליה להמן אלא אזמין יתיה לשירות׳ מטול דנתהפך לבהון דבני ישר׳ ונתפנון לות אבוהון דבשמיא ונבעי רחמין מן קדמוי