The Comprehensive Aramaic Lexicon

← Return to the Text Browser

click on the file description for more information

81050: TgTospr (Targumic Toseftot to the Prophets)

Click on a word for lexical analysis
Click on a red-colored coordinate for comments and/or translations of the line

previous chapter

Kasher (text:111) book12 33:07	"תרג<ום> ירוש<למי> הן אראלם" הא כד איתגליתי על אברהם אבוהון ואמרית למיתן ליה ית יצחק הימין במימרי ובתר כדון בתינייתא כד אמרית ליה דייסקיניה לעלתא לא איתעכב ואזל ובנא מדבחא בטוור מוריה ואסקיה לעלתא קמון כל אנגלי מרומא מלאכי זיע מלאכי רתיתא וצווחין מברא למחיצתהון ואמרין ריבוני[ה] דעלמא הלא הוא דין אברהם צדיקא דמטול זכותיה איתבסס עלמא ויהבתה ליה בר לסוף מאה שנין ואמרת ליה ארום ביצחק איתקרי לך בנין ואפילו מלאכי שלמא דקיימין במשריתא דשכינתא במרירותא בכיין עד דאיתגוללו רחמי וחסית עלוי
Kasher (text:111) book12 33:08	"נשמו מסלות" כדון איצטדיאו צדיקיא דמהלכין בשבילי אבהת עלמא פסקו חסידייא דמהלכין באורחן דתקנן קדמי אשניאו קיימי אורייתא בגין כן איתרחקו מקירויהון ואזלו בגלותא לא איתחשבו קדמוי בני נשא

Kasher (text:111) book12 33:09	"אבל" איתאבלו על חורבנא יתבי ארעא ובית מקדשא איצטדא וקרתא דירוש<לם> כמדברא צדיא איתפכרו שוריא רמייא דחסינין כמתנן וכרמלא