← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


19:01 )1( [ai]וְעָלוּ תְרֵין מַלאֲכַיָא לִסדֹם בְרַמשָא וְלוֹט יָתֵיב בְתַרעָא דִסדוֹם וַחזָא לוֹט וְקָם לְקַדָמוּתְהוֹן וֻסגֵיד עַל אַפוֹהִי עַל ארעא׃
19:02 )1( [ai]וַאֲמַר בְבָעוּ כְעַן רִבוֹנַי זוּרוּ כְעַן לְבֵית עַבדְכוֹן וְבִיתוּ וְאַסחוֹ רַגלֵיכוֹן וְתַקדְמוּן וֻתהָכוּן לְאוֹרַחכוֹן וַאֲמַרוּ לָא אֲלָהֵין בִרחוֹבָא נְבִית׃
19:03 )1( [ai]וְאַתקֵיף בְהוֹן לַחדָא וְזָרוּ לְוָתֵיה וְעָלוּ/ואתו#3#/ לְבֵיתֵיה וַעֲבַד לְהוֹן מִשתִיָא וֻפַטִיר אַפָא/אְפָא#3#/ לְהוֹן וַאֲכַלוּ׃
19:04 )1( [ai]עַד לָא שְכִיבוּ וַאֲנָשֵי קַרתָא אֲנָשֵי סְדוֹם אַקִיפוּ עַל בֵיתָא מֵעוּלֵימָא וְעַד סָבָא כֹל עַמָא מִסוֹפֵיה/מסיפי#3#/׃
19:05 )1( [ai]וֻקרוֹ לְלוֹט וַאֲמַרוּ לֵיה אָן גֻברַיָא דַאֲתוֹ לְוָתָך בְלֵיליָא אַפֵיקִינוּן לְוָתַנָא וְנִידַע יָתְהוֹן׃
19:06 )1( [ai]וֻנפַק לְוָתְהוֹן לוֹט לְתַרעָא וְדַשָא אַחַד בָתְרוֹהִי׃
19:07 )1( [ai]וַאֲמַר בְבָעוּ כְעַן אֲחַי לָא תַבאֲשוּן׃
19:08 )1( [ai]הָא כְעַן לִי תַרתֵין בְנָן דְלָא יְדַעוּנִין גְבַר/אינש#3#/ אַפֵיק כְעַן יָתְהוֹן לְוָתְכוֹן וַעֲבִידוּ לְהוֹן כִידתָקֵין/כתקין#3#/ בְעֵינֵיכוֹן לְחוֹד לְגַברַיָא הָאִילֵין לָא תַעבְדוּן מִדָעַם אֲרֵי עַל כֵין עָלוּ בִטלַל שָרִיתִי׃
19:09 )1( [ai]וַאֲמַרוּ קְרַב לְהַלאָה וַאֲמַרוּ חַד אֲתָא לְאִיתוֹתָבָא וְהָא דָאֵין דִינָא כְעַן נַבאֵיש לָך מִדִילְהוֹן/מנהון#3#/ וְאַתקִיפוּ בְגַברָא בְלוֹט לַחדָא וֻקרִיבוּ לְמִתבַר דַשָא׃
19:10 )1( [ai]וְאוֹשִיטוּ גֻברַיָא יָת יַדהוֹן וַאֲעִילוּ יָת לוֹט לְוָתְהוֹן לְבֵיתָא וְיָת דַשָא אֲחַדוּ׃
19:11 )1( [ai]וְיָת גֻברַיָא דְבִתרַע בֵיתָא מְחוֹ בְשַברָרָיָא מִזְעֵירָא וְעַד רַבָא וֻלאִיוּ/ולאו#3#/ לְאַשכָחָא תַרעָא׃
19:12 )1( [ai]וַאֲמַרוּ גֻברַיָא לְלוֹט עוֹד מָא/מאן#3#/ לָך הָכָא <הלא#3#> חַתנָא וֻבנָך וֻבנָתָך וְכֹל דְלָך בְקַרתָא אַפֵיק מִן אַתרָא׃
19:13 )1( [ai]אֲרֵי מְחַבְלִין אֲנַחנָא יָת אַתרָא הָדֵין אֲרֵי סְגִיאַת קְבִילְתהוֹן קדם יוי וְשַלחַנָא יוי לְחַבָלוּתַה׃
19:14 )1( [ai]וֻנפַק לוֹט וֻמַלֵיל עִם חַתנוֹהִי נָסְבֵי בְנָתֵיה וַאֲמַר קוּמוּ פוּקוּ מִן אַתרָא הָדֵין אֲרֵי מְחַבֵיל יוי יָת קַרתָא וַהֲוָה כִמחָאֵיך בְעֵינֵי חַתנוֹהִי׃
19:15 )1( [ai]וֻכמִיסַק צַפרָא הֲוָה וֻדחַקוּ מַלאֲכַיָא בְלוֹט לְמֵימַר קוּם דְבַר יָת אִיתְתָך וְיָת תַרתֵין בְנָתָך דְאִשתְכַחָא מְהֵימְנָן עִמָך דִלמָא תִלקֵי בְחוֹבֵי קַרתָא׃
19:16 )1( [ai]וְאִתעַכַב וְאַתקִיפוּ/ותקיפו#3#/ואחידו#3#/ גֻברַיָא בִידֵיה וֻביַד אִיתְתֵיה וֻביַד תַרתֵין בְנָתֵיה בִדחָס/בדרחים#3#/ יוי עֲלוֹהִי וְאַפְקוּהִי וְאַשרְיוּהִי מִבַרָא לְקַרתָא׃
19:17 )1( [ai]וַהֲוָה כַד אַפֵיק יָתְהוֹן לְבָרָא וַאֲמַר חוּס עַל נַפשָך לָא תִסתַכִי לַאחוֹרָך וְלָא תְקוּם/תתעכב#3#/ בְכֹל מֵישְרָא לְטוּרָא אִשתֵיזַב דִלמָא תִלקֵי׃
19:18 )1( [ai]וַאֲמַר לוֹט לְהוֹן בְבָעוּ <כען#3#> יוי/ריבוני#3#/׃
19:19 )1( [ai]הָא כְעַן אַשכַח עַבדָך רַחמִין קְדָמָך/בעינך#3#/ וְאַסגִיתָא טֵיבוּתָך/טובך#3#/ דַעֲבַדת עִמִי לְקַיָמָא יָת נַפשִי וַאֲנָא לֵית אֲנָא יָכֵיל לְאִשתֵיזָבָא לְטוּרָא דִלמָא תְעָרְעִינַנִי בִשתָא וְאֵימוּת׃
19:20 )1( [ai]הָא כְעַן קַרתָא הָדָא קָרִיבָא לְמִיעִירַק לְתַמָן וְהִיא זְעֵירָא אִשתֵיזַב כְעַן לְתַמָן הֲלָא זְעֵירָא הִיא וְתִתקַייַם נַפשִי׃
19:21 )1( [ai]וַאֲמַר לֵיה הָא נְסֵיבִית אַפָך אַף לְפִתגָמָא הָדֵין בְדִיל דְלָא לְמִהפְכִי יָת קַרתָא דִבעֵיתָא עֲלַה׃
19:22 )1( [ai]אוֹחִי אִשתֵיזַב לְתַמָן אֲרֵי לָא אִיכוֹל לְמַעֲבַד פִתגָמָא/מידעם#3#/ עַד מֵיתָך/מיעלך#3#/ לְתַמָן עַל כֵין קְרָא שְמַה דְקַרתָא צוֹעַר׃
19:23 )1( [ai]שִמשָא נְפַק עַל ארעא וְלוֹט עָל/אתא#3#/ לְצוֹעַר׃
19:24 )1( [ai]וַיוי/ומן קדם ייי#3#/ אַמטַר עַל סְדוֹם וְעַל עֲמֹרָה גוּפרֵיתָה וְאִישָתָא מִן קדם יוי מִן שְמַיָא׃
19:25 )1( [ai]וַהפַך יָת קִרוַיָא הָאִלֵין וְיָת כֹל מֵישְרָא וְיָת כֹל יָתְבֵי קִרוַיָא וְצִמחַה דארעא׃
19:26 )1( [ai]וְאִסתְכִיאַת אִיתְתֵיה מִבָתְרוֹהִי/מאחורוהי#3#/ וַהוָת קָמָא דִמלַח׃
19:27 )1( [ai]וְאַקדֵים אַברָהָם בְצַפרָא לְאַתרָא דְשַמֵיש תַמָן בִצלוֹ קדם יוי׃
19:28 )1( [ai]וְאִסתַכִי/ואודיק#3#/ עַל אַפֵי סְדוֹם וַעֲמוֹרָה וְעַל \כֹל אַפֵי /אַפֵי כֹל#3#/ אֲרַע מֵישְרָא וַחזָא וְהָא סְלֵיק תַנְנָא דארעא כְתַנְנָא דַאֲתוּנָא׃
19:29 )1( [ai]וַהֲוָה בְחַבָלוּת/כד חבל#3#/ יוי יָת קִרוֵי מֵישְרָא וֻדכִיר יוי יָת אַברָהָם וְשַלַח יָת לוֹט מִגוֹ הֲפֵיכְתָא כַד הֲפַך יָת קִרוַיָא דַהוָה יָתֵיב בְהוֹן לוֹט׃
19:30 )1( [ai]וֻסלֵיק לוֹט מִצוֹעַר וִיתֵיב בְטוּרָא וְתַרתֵין בְנָתֵיה עִימֵיה אֲרֵי דְחֵיל לְמִיתַב בְצוֹעַר וִיתֵיב בְמעָרְתָא הוּא וְתַרתֵין בְנָתֵיה׃
19:31 )1( [ai]וַאֲמַרַת רַבְתָא לְזעֵירְתָא אֲבוּנָא סִיב וֻגבַר לֵית בארעא לְמֵיעַל עֲלַנָא כְאוֹרַח כֹל אַרעָא׃
19:32 )1( [ai]אֵיתַא נַשקֵי יָת אֲבוּנָא חַמרָא וְנִשכוֹב עִימֵיה וֻנקַיֵים מֵאֲבוּנָא בְנִין׃
19:33 )1( [ai]וְאַשקִיאָה יָת אֲבוּהֵין חַמרָא בְלֵיליָא הוּא וְעַלַת/וְקַמַת#3#/ רַבְתָא וֻשכֵיבַת עִים אֲבוּהָא וְלָא יְדַע בְמִשכְבַה וְבִמקִימַה׃
19:34 )1( [ai]וַהֲוָה בְיוֹמָא/מיומא#3#/ דְבָתְרוֹהִי וַאֲמַרַת רַבְתָא לִזעֵירְתָא הָא שְכֵיבִית בְרַמשִי/אַף רמשא#3#/ עִם אַבָא נַשקֵינֵיה חַמרָא אַף בְלֵיליָא וְעוּלִי שְכוּבִי עִמֵיה וֻנקַיֵים מֵאֲבוּנָא בְנִין׃
19:35 )1( [ai]וְאַשקִיאָה אַף בְלֵיליָא הַהוּא יָת אֲבוּהֵין חַמרָא וְקַמַת זְעֵירְתָא וֻשכֵיבַת עִמֵיה וְלָא יְדַע בְמִשכְבַה וֻבִמקִימַה׃
19:36 )1( [ai]וְעַדִיאָה תַרתֵין בְנָת לוֹט מֵאֲבוּהוֹן׃
19:37 )1( [ai]וִילֵידַת רַבְתָא בַר וֻקרָת שְמֵיה מוֹאָב הוּא אֲבוּהוֹן דְמוֹאֲבָאֵי עַד יוֹמָא דֵין/הָדֵין#3#/׃
19:38 )1( [ai]וֻזעֵירְתָא אַף הִיא יְלֵידַת בַר וֻקרָת שְמֵיה בַר עַמִי הוּא אֲבוּהוֹן דִבנֵי עַמוֹן עַד יוֹמָא דֵין/הָדֵין#3#/׃

next chapter