The Comprehensive Aramaic Lexicon

24:01 )1( [ai]	וְאַברָהָם סִיב עָל בְיוֹמִין וַיוי בָרֵיך יָת אַברָהָם בְכוֹלָא׃
24:02 )1( [ai]	וַאֲמַר אַברָהָם לְעַבדֵיה סָבָא דְבֵיתֵיה דְשַלִיט בְכָל דְלֵיה שַו כְעַן יְדָך תְחוֹת יִרכִי׃
24:03 )1( [ai]	וַאֲקַיֵים עֲלָך בְמֵימְרָא דַיוי אֲלָהָא דִשמַיָא וַאֲלָהָא דְאַרעָא דְלָא תִסַב אִתְתָא לִברִי מִבְנָת כְנַעֲנָאָה דַאֲנָא יָתֵיב בֵינֵיהוֹן׃
24:04 )1( [ai]	אֲלָהֵין לְאַרעִי וֻליַלָדוּתִי תֵיזֵיל וְתִיסַב אִתְתָא לִברִי לְיִצחָק׃
24:05 )1( [ai]	וַאֲמַר לֵיה עַבדָא מָא אִם לָא תֵיבֵי אִתְתָא לְמֵיתֵי בָתְרַי לְאַרעָא הָדָא הַאָתָבָא אָתִיב יָת בְרָך לְאַרעָא דִנפַקתָא מִתַמָן׃
24:06 )1( [ai]	וַאֲמַר לֵיה אַברָהָם אִסתְמַר לָך דִלמָא תָתִיב יָת בְרִי לְתַמָן׃
24:07 )1( [ai]	יוי אֲלָהָא דִשמַיָא דְדַברַנִי מִבֵית אַבָא וֻמֵאֲרַע יַלָדוּתִי וֻדמַלֵיל לִי וֻדקַיֵים לִי לְמֵימַר לִבנָך אַתֵין יָת אַרעָא הָדָא הוּא יִשלַח מַלאֲכֵיה קדמך וְתִסַב אִתְתָא לִברִי מִתַמָן׃
24:08 )1( [ai]	וְאִם לָא תֵיבֵי אִתְתָא לְמֵיתֵי בָתְרָך וֻתהֵי זָכָא מִמוֹמָתִי דָא לְחוֹד/לחות#3#/ יָת בְרִי לָא תָתִיב לְתַמָן׃
24:09 )1( [ai]	וְשַוִי עַבדָא יָת יְדֵיה תְחוֹת יִרכָא דְאַברָהָם רִבוֹנֵיה וְקַיֵים לֵיה עַל פִתגָמָא הָדֵין׃
24:10 )1( [ai]	וֻדבַר עַבדָא עַסרָא גַמלִין מִגַמלֵי רִיבוֹנֵיה וַאֲזַל וְכֹל טוּב/שפר#3#/ רִבוֹנֵיה בִידֵיה וְקָם וַאֲזַל לַאֲרָם דְעַל פְרָת לְקַרתָא דְנָחוֹר׃
24:11 )1( [ai]	וְאֲשרִי גַמלַיָא מִבַרָא לְקַרתָא \עִם בֵירָא /לבאירא#3#/ דְמַיָא לְעִדָן רַמשָא לְעִדָן דְנָפְקָן מַליָתָא׃
24:12 )1( [ai]	וַאֲמַר יוי אֲלָהֵיה דְרִבוֹנִי אברהם זָמֵין כְעַן קדמי יוֹמָא דֵין וַעֲבֵיד טֵיבוּ עִם רִבוֹנִי אברהם׃
24:13 )1( [ai]	הָא אֲנָא קָאֵים עַל עֵינָא דְמַיָא וֻבנָת אֲנָשֵי קַרתָא נָפְקָן לְמִמלֵי מַיָא׃
24:14 )1( [ai]	וֻתהֵי עוּלֵימְתָא דְאֵימַר לַה אַרכַנִי כְעַן קֻלְתִיך וְאַשתֵי וְתֵימַר אֵישת וְאַף גַמלָך אַשקֵי יָתַה זָמֵינתָא לְעַבדָך לְיִצחָק וֻבַה אִידַע אֲרֵי עֲבַדת טֵיבוּ עִם רִיבוֹנִי׃
24:15 )1( [ai]	וַהֲוָה הוּא עַד לָא שֵיצִי לְמַלָלָא וְהָא רִבקָה נְפַקַת דְאִיתיְלֵידַת/די איתלידת#3#/ לִבתוּאֵל בַר מִלכָה אִיתַת נָחוֹר אָחוּהִי דאברהם וְקוּלְתַה עַל כִתפַה/כַתפַה#3#/׃
24:16 )1( [ai]	וְעוּלֵימְתָא \שַפִירָא לְמִחזֵי /שפירת חיזו#3#/ לַחדָא בְתוּלְתָא וֻגבַר לָא יַדעַה וֻנחַתַת לְעֵינָא וֻמלָת קוּלְתַה וֻסלֵיקַת׃
24:17 )1( [ai]	וֻרהַט עַבדָא לְקַדָמוּתַה וַאֲמַר אַשקַנִי/אטעמני#3#/ כְעַן זְעֵיר מַיָא מִקוּלְתִיך׃
24:18 )1( [ai]	וַאֲמַרַת אֵישת רִבוֹנִי וְאוֹחִיאַת וַאֲחֵיתַת קוּלְתַה עַל יְדַה וְאַשקִיתֵיה׃
24:19 )1( [ai]	וְשֵיצִיאַת לְאַשקָיוּתֵיה וַאֲמַרַת אַף לְגִמלָך אִמלֵי עַד דִיסַפְקוּן לְמִשתֵי׃
24:20 )1( [ai]	וְאוֹחִיאַת וֻנפַצַת קוּלְתַה לְבֵית שִקיָא וֻרהַטַת עוֹד לְבֵירָא לְמִמלֵי וֻמלָת לְכֹל גַמלוֹהִי׃
24:21 )1( [ai]	וְגֻברָא שָהֵי/שָתֵי#3#/ בַה מִסתַכַל שָתִיק לְמִדַע הֲאַצלַח יוי אוֹרחֵיה אִם לָא׃
24:22 )1( [ai]	וַהֲוָה כַד סְפִיקוּ גַמלַיָא לְמִשתֵי וֻנסֵיב גַברָא קְדָשָא דְדַהבָא תִקלָא מַתקָלֵיה וֻתרֵין שֵירִין עַל יְדַהָא מַתקַל עֲסַר סִלעִין דַהבָא/דדהבא#3#/ <הוה#3#> מַתקָלְהוֹן׃
24:23 )1( [ai]	וַאֲמַר בַת מַן אַת חַוַא כְעַן לִי הֲאִית בֵית אֲבוּיִיך אֲתַר כָשַר לַנָא לִמבָת׃
24:24 )1( [ai]	וַאֲמַרַת לֵיה בַת בְתוּאֵל אֲנָא בַר מִלכָה דִילֵידַת לְנָחוֹר׃
24:25 )1( [ai]	וַאֲמַרַת לֵיה אַף תִבנָא אַף כִסְתָא סַגִי עִמַנָא אַף אֲתַר כָשַר לִמבָת׃
24:26 )1( [ai]	וֻכרַע גֻברָא וֻסגֵיד קדם יוי׃
24:27 )1( [ai]	וַאֲמַר בְרִיך יוי אֲלָהֵיה דְרִיבוֹנִי אברהם דְלָא מְנַע/שבק#3#/ טֵיבוּתֵיה וְקוּשטֵיה מִן רִבוֹנִי אֲנָא בְאוֹרַח תָקְנָא דַבְרַנִי יוי לְבֵית אֲחוּהִי דְרִיבוֹנִי׃
24:28 )1( [ai]	וֻרהַטַת עוּלֵימְתָא וְחַוִיאַת לְבֵית אִמַה כְפִתגָמַיָא הָאִלֵין׃
24:29 )1( [ai]	וֻלרִבקָה אַחָא וֻשמֵיה לָבָן וֻרהַט לָבָן לְוָת גֻברָא לְבָרָא לְעֵינָא/לות עינא#3#/׃
24:30 )1( [ai]	וַהֲוָה כַד חֲזָא יָת קְדָשָא וְיָת שֵירַיָא עַל יְדֵי אֲחָתֵיה וְכַד שְמַע יָת פִתגָמֵי רִבקָה אֲחָתֵיה לְמֵימַר כְדֵין מַלֵיל עִמִי גֻברָא וַאֲתָא לְוָת גֻברָא וְהָא קָאֵים עִלָוֵי/על#3#/ גַמלַיָא עַל עֵינָא׃
24:31 )1( [ai]	וַאֲמַר עוֹל בְרִיכָא דַיוי לְמָא אַת קָאֵים בְבָרָא וַאֲנָא פַנִיתִי בֵיתָא וַאֲתַר כָשַר לְגַמלַיָא׃
24:32 )1( [ai]	וְעָל גֻברָא לְבֵיתָא וֻשרָא {מִן}<זממי> גַמלַיָא וִיהַב תִבנָא וְכִסְתָא לְגַמלַיָא וֻמַיָא לְאַסחָאָה רַגלוֹהִי וְרַגלֵי גֻברַיָא דְעִמֵיה׃
24:33 )1( [ai]	ושַוִיאוּ קְדָמוֹהִי לְמֵיכַל וַאֲמַר לָא אֵיכוֹל עַד דַאֲמַלֵיל פִתגָמַי וַאֲמַר מַלֵיל׃
24:34 )1( [ai]	וַאֲמַר עַבדָא דאברהם אֲנָא׃
24:35 )1( [ai]	וַיוי בָרֵיך יָת רִיבוֹנִי לַחדָא וֻרבָא וִיהַב לֵיה עָן וְתוֹרִין וְכַספָא וְדַהבָא וְעַבדִין וְאַמהָן וְגַמלִין וֻחמָרִין׃
24:36 )1( [ai]	וִילֵידַת שָׂרָה אִיתַת רִיבוֹנִי בַר לְרִיבוֹנִי בָתַר דְסֵיבַת וִיהַב לֵיה יָת כֹל דְלֵיה׃
24:37 )1( [ai]	וְקַיֵים עֲלַי רִבוֹנִי לְמֵימַר לָא תִסַב אִיתְתָא לִברִי מִבְנָת כְנַעֲנָאָה דַאֲנָא יָתֵיב בַאֲרַעהוֹן׃
24:38 )1( [ai]	אֲלָהֵין לְבֵית אַבָא תֵיזִיל וֻלזַרעִיתִי וְתִיסַב אִיתְתָא לִברִי׃
24:39 )1( [ai]	וַאֲמַרִית לְרִבוֹנִי מָא אִם לָא תֵיתֵי/תֵיזֵל#3#/ אִתְתָא בָתְרַי׃
24:40 )1( [ai]	וַאֲמַר <לי#3#> יוי דִפלַחִית קְדָמוֹהִי יִשלַח מַלאֲכֵיה עִמָך וְיַצלַח אוֹרחָך וְתִסַב אִתְתָא לִברִי מִזַרעִיתִי וֻמִבֵית אַבָא׃
24:41 )1( [ai]	בְכֵין תְהֵי זָכָא מִמוֹמָתִי אֲרֵי תְהָך/תעול#3#/ לְזַרעִיתִי וְאִם לָא יִתְנוּן לָך וֻתהֵי זָכָא מִמוֹמָתִי׃
24:42 )1( [ai]	וַאֲתֵית יוֹמָא דֵין לְעֵינָא וַאֲמַרִית יוי אֲלָהֵיה דְרִבוֹנִי אַברָהָם אִם אִית כְעַן רַעֲוָא קְדָמָך לְאַצלָחָא אוֹרחִי דַאֲנָא אָזֵיל עֲלַה׃
24:43 )1( [ai]	הָא אֲנָא קָאֵים עַל עֵינָא דְמַיָא וֻתהֵי עוּלֵימְתָא דְתִפוֹק לְמִמלֵי וְאֵימַר לַה אַשקַנִי כְעַן זְעֵיר מַיָא מִקוּלְתִיך׃
24:44 )1( [ai]	וְתֵימַר לִי אַף אַת אֵישת וְאַף לְגַמלָך אִמלֵי הִיא אִיתְתָא דְזָמֵין יוי לְבַר רִיבוֹנִי׃
24:45 )1( [ai]	אֲנָא עַד לָא שֵיצִיתִי לְמַלָלָא בְלִיבִי/עם לבי#3#/ וְהָא רִבקָה נְפַקַת וְקוּלְתַה עַל כַתפַה/כִתפַה#3#/ וֻנחַתַת לְעֵינָא וֻמלָת וַאֲמַרִית לַה אַשקַנִי כְעַן׃
24:46 )1( [ai]	וְאוֹחִיאַת וַאֲחֵיתַת קוּלְתַה מִינַה/מעלה#3#/ וַאֲמַרַת אֵישתְ וְאַף גַמלָך אַשקֵי וֻשתִיתִי וְאַף <ית#3#> גַמלַיָא אַשקִיאַת׃
24:47 )1( [ai]	וֻשאֵילִית יָתַה וַאֲמַרִית בַת מַן אַת וַאֲמַרַת בַת בְתוּאֵל בַר נָחוֹר דִילֵידַת לֵיה מִלכָה וְשַוֵיתִי קְדָשָא עַל אַפַה וְשֵירַיָא עַל יְדַהָא׃
24:48 )1( [ai]	וֻכרַעִית וֻסגֵידִית קְדָם יוי וֻבָרֵיכִית יָת יוי אֲלָהֵיה דְרִבוֹנִי אַברָהָם דְדַבְרַנִי בְאוֹרַח קְשוֹט לְמִסַב יָת בַת אֲחוּהִי דְרִיבוֹנִי לִברֵיה׃
24:49 )1( [ai]	וֻכעַן אִם אִיתֵיכוֹן עָבְדִין טֵיבוּ וֻקשוֹט עִם רִבוֹנִי חַווֹ לִי וְאִם לָא חַווֹ לִי וְאִתפְנֵי עַל יַמִינָא אוֹ עַל סְמָלָא׃
24:50 )1( [ai]	וַאֲתֵיב לָבָן וֻבתוּאֵל וַאֲמַרוּ מִן קדם יוי נְפַק פִתגָמָא לֵית אֲנַחנָא יָכְלִין לְמַלָלָא עִימָך בִיש אוֹ טָב׃
24:51 )1( [ai]	הָא רִבקָה קְדָמָך דְבַר וְאִיזֵיל וֻתהֵי אִתְתָא לְבַר רִבוֹנָך כְמָא דְמַלֵיל יוי׃
24:52 )1( [ai]	וַהֲוָה כַד שְמַע עַבדָא דְאַברָהָם יָת פִתגָמֵיהוֹן וֻסגֵיד עַל ארעא קדם יוי׃
24:53 )1( [ai]	וְאַפֵיק עַבדָא מָנִין דִכסַף וֻמָנִין דִדהַב וֻלבוּשִין וִיהַב לְרִבקָה וֻמַגדָנִין יְהַב לַאֲחוּהָא וֻלאִימַה׃
24:54 )1( [ai]	וַאֲכַלוּ וֻשתִיוּ הוּא וְגַברַיָא דְעִמֵיה וֻבָתוּ וְקַמוּ בְצַפרָא וַאֲמַר שַלחוּנִי לְוָת רִיבוֹנִי׃
24:55 )1( [ai]	וַאֲמַר אֲחוּהָא וְאִימַה תִתֵיב/תִסַב#3#/ עוּלֵימְתָא עִימַנָא עֲידָן בְעִידָן אוֹ עַסרָה יַרחִין בָתַר כֵין תֵיזִיל׃
24:56 )1( [ai]	וַאֲמַר לְהוֹן לָא תְאַחֲרוּן יָתִי וַיוי/ומן קדם ייי#3#/ אַצלַח אוֹרחִי שַלחוּנִי וַאֲהָך \לְוָת רִבוֹנִי /לריבוני#3#/׃
24:57 )1( [ai]	וַאֲמַרוּ נִקרֵי לְעוּלֵימְתָא וְנִשמַע מָא דְהִיא אָמְרָה׃
24:58 )1( [ai]	וֻקרוֹ לְרִבקָה וַאֲמַרוּ לַה הֲתֵיזְלִין עִם גֻברָא הָדֵין וַאֲמַרַת אֵיזֵיל׃
24:59 )1( [ai]	וְשַלַחוּ יָת רִבקָה אֲחָתְהוֹן וְיָת מֵינֵיקתַה וְיָת עַבדָא דְאַברָהָם וְיָת גַברוֹהִי׃
24:60 )1( [ai]	וֻבָרִיכוּ יָת רִבקָה וַאֲמַרוּ לַה אֲחָתַנָא אַת הִוַא לְאַלפִין וֻלרִבְוָן וְיֵירְתוּן בְנַכִי יָת קִרוֵי סָנְאֵיהוֹן׃
24:61 )1( [ai]	וְקַמַת רבקה וְעוּלֵימָתַהָא וֻרכִיבָא עַל גַמלַיָא וַאֲזַלָא בָתַר גֻברָא וֻדבַר עַבדָא יָת רִבקָה וַאֲזַל׃
24:62 )1( [ai]	וְיִצחָק עָל בְמֵיתוֹהִי/מימתוהי#3#/ מִבֵירָא דְמַלאַך קַייָמָא אִיתַחזִי עֲלַה וְהוּא יָתֵיב בַאֲרַע דָרוֹמָא׃
24:63 )1( [ai]	וֻנפַק יִצחָק לְצַלָאָה בְחַקלָא לְמִפנֵי/לעידן#3#/לעדן מפני#3#/ רַמשָא וֻזקַף עֵינוֹהִי וַחזָא וְהָא גַמלַיָא אָתַן׃
24:64 )1( [ai]	וֻזקַפַת רבקה יָת עֵינַהָא וַחזָת יָת יצחק וְאִתרְכֵינַת מֵעַל גַמלָא׃
24:65 )1( [ai]	וַאֲמַרַת לְעַבדָא מַן גֻברָא דֵיכִי דִמהַלֵיך בְחַקלָא לְקַדָמוּתַנָא וַאֲמַר עַבדָא הוּא רִבוֹנִי וֻנסֵיבַת עִיפָא וְאִתכַסִיאַת׃
24:66 )1( [ai]	וְאִשתַעִי עַבדָא לְיִצחָק יָת כֹל פִתגָמַיָא דַעֲבַד׃
24:67 )1( [ai]	וְאַעֲלַה יצחק לְמַשכְנָא וַחזָא וְהָא תָקְנִין עוֹבָדַהָא כְעוֹבָדֵי שָׂרָה אִימֵיה וֻנסֵיב יָת רבקה וַהוָת לֵיה לְאִיתוּ/לאנתו#3#/ וְרִחמַה וְאִתנַחַם יִצחָק בָתַר <דמיתת#3#> אִמֵיה׃

next chapter