← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


26:01 )1( [ai]וַהֲוָה כַפנָא בארעא בָר מִכַפנָא קַדמָאָה דַהוָה בְיוֹמֵי אברָהָם וַאֲזַל יִצחָק לְוָת אֲבִימַלַך מַלכָא דִפלִשתָאֵי לִגרָר׃
26:02 )1( [ai]וְאִתגְלִי לֵיה יוי וַאֲמַר לָא תֵיחוֹת לְמִצרַיִם שְרִי בארעא דְאֵימַר לָך׃
26:03 )1( [ai]דוּר בארעא הָדָא וִיהֵי מֵימְרִי בְסַעֲדָך וַאֲבָרְכִינָך אֲרֵי לָך וְלִבנָך אַתֵין יָת כֹל אַרעָתָא הָאִלֵין וַאֲקַיֵים יָת קְיָמָא דְקַיֵימִית לאברהם אֲבוּך׃
26:04 )1( [ai]וְאַסגֵי יָת בְנָך כְכוֹכְבֵי שְמַיָא וְאִיתֵין לִבנָך יָת כֹל אַרעָתָא הָאִלֵין וְיִתבָרְכוּן בְדִיל בְנָך כֹל עַמְמֵי ארעא׃
26:05 )1( [ai]חֲלָף דְקַבֵיל אברהם לְמֵימְרִי/במימרי#3#/ וֻנטַר מַטְרַת מֵימְרִי פִקוֹדַי קְיָמַי וְאוֹרָיָתִי׃
26:06 )1( [ai]וִיתֵיב יִצחָק בִגרָר׃
26:07 )1( [ai]וֻשאִילוּ אֲנָשֵי אַתרָא \עַל עֵיסַק אִיתְתֵיה /לאיתתיה#3#/ וַאֲמַר אֲחָת הִיא אֲרֵי דְחֵיל לְמֵימַר אִיתְתִי דִלמָא יִקטְלוּנַנִי אֲנָשֵי אַתרָא עַל רִבקָה אֲרֵי שַפִירַת חֵיזוּ הִיא׃
26:08 )1( [ai]וַהֲוָה כַד סְגִיאוּ לֵיה תַמָן יוֹמַיָא וְאִסתַכִי אֲבִימַלַך מַלכָא דִפלִשתָאֵי מִן חֲרַכָא וַחזָא וְהָא יִצחָק מְחָאִיך עִים/ית#3#/ רִבקָה אִיתְתֵיה׃
26:09 )1( [ai]וֻקרָא אֲבִימַלַך ליצחק וַאֲמַר בְרַם הָא אִיתְתָך הִיא וְאֵיכְדֵין אֲמַרת אֲחָת הִיא וַאֲמַר לֵיה יִצחָק אֲרֵי אֲמַרִית דִלמָא אִתקְטִיל/אימות#3#/ עֲלַה׃
26:10 )1( [ai]וַאֲמַר אִבִימַלַך מָא דָא עֲבַדת לַנָא כִזעֵיר פוֹן שְכֵיב דִמיַחַד/חד דמיתאחד#3#/ בְעַמָא יָת/עִם#3#/ אִיתְתָך וְאֵיתִיתָא/ותהא מייתי#3#/ עֲלַנָא חוֹבָא׃
26:11 )1( [ai]וֻפַקֵיד אֲבִימַלַך יָת כֹל עַמָא לְמֵימַר דְיַנזֵיק לְגַברָא/בגברא#3#/ הָדֵין וֻלאִיתְתֵיה/ובאיתתיה#3#/ אִתקְטָלָא יִתקְטִיל׃
26:12 )1( [ai]וֻזרַע יִצחָק בארעא הַהִיא/ההוא#3#/ וְאַשכַח בְשַתָא הַהִיא עַל חַד מְאָה בִדשַעֲרוּהִי/בשערוהי#3#/ וֻבָרְכֵיה יוי׃
26:13 )1( [ai]וֻרבָא גֻברָא אָזֵיל סָגֵי וֻרָבֵי עַד דִרבָא לַחדָא׃
26:14 )1( [ai]וַהֲוָה לֵיה גֵיתֵי עָנָא וְגֵיתֵי תוֹרֵי וַעֲבוּדָה/וֻפֻלחָנָא#3#/ סַגִי וְקַנִיוּ בֵיה פְלִשתָאֵי׃
26:15 )1( [ai]וְכֹל בֵירֵי דַחפַרוּ עַבדֵי אֲבוּהִי בְיוֹמֵי אברהם אֲבוּהִי טָמוּנִין פְלִשתָאֵי וֻמלוֹנִין עַפרָא׃
26:16 )1( [ai]וַאֲמַר אֲבִימַלַך לְיִצחָק אִיזֵיל מֵעִמַנָא/מלותנא#3#/ אֲרֵי תַקֵיפַת מִנַנָא לַחדָא׃
26:17 )1( [ai]וַאֲזַל מִתַמָן יִצחָק וֻשרָא בְנַחלָא דִגרָר וִיתֵיב תַמָן׃
26:18 )1( [ai]וְתָב יִצחָק וַחפַר יָת בֵירֵי דְמַיָא דַחפַרוּ בְיוֹמֵי אַברָהָם אֲבוּהִי וְטָמוּנִין פְלִשתָאֵי בָתַר דְמִית אברהם וֻקרָא לְהוֹן שְמָהָן כִשמָהָן \דַהוָה קָרֵי /דִקרוֹ#3#/די קרא#3#/ לְהוֹן אֲבוּהִי׃
26:19 )1( [ai]וַחפַרוּ עַבדֵי יִצחָק בְנַחלָא וְאַשכַחוּ תַמָן בֵיר דְמַיִין נָבְעִין׃
26:20 )1( [ai]וֻנצוֹ רָעֲוָתָא דִגרָר עִם רָעֲוָתָא דְיִצחָק לְמֵימַר דִילַנָא מַיָא וֻקרָא שְמַה דְבֵירָא עֵיסַק אֲרֵי אִתעַסַקוּ עִימֵיה׃
26:21 )1( [ai]וַחפַרוּ בֵיר אוּחרִי וֻנצוֹ אַף עֲלַה וֻקרָא שְמַה שִׂטנָה׃
26:22 )1( [ai]וְאִסתַלַק מִתַמָן וַחפַר בֵיר אוּחרִי וְלָא נְצוֹ עֲלַה וֻקרָא שְמַה רְחֹבוֹת וַאֲמַר אֲרֵי כְעַן אַפתִי יוי לַנָא וְיַפְשִינַנָא/וְנִפוֹש#3#/ בארעא׃
26:23 )1( [ai]וֻסלֵיק מִתַמָן לִבאֵר שָבַע׃
26:24 )1( [ai]וְאִתגְלִי לֵיה יוי בְלֵיליָא הַהוּא וַאֲמַר אֲנָא אֲלָהֵיה דְאברהם אֲבוּך לָא תִדחַל אֲרֵי בְסַעֲדָך מֵימְרִי וַאֲבָרְכִינָך וְאַסגֵי יָת בְנָך בְדִיל אברהם עַבדִי׃
26:25 )1( [ai]וֻבנָא תַמָן מַדבְחָא וְצַלִי בִשמָא דַיוי וֻפרַסֵיה תַמָן לְמַשכְנֵיה וֻכרוֹ תַמָן עַבדֵי יִצחָק בֵירָא׃
26:26 )1( [ai]וַאֲבִימַלַך אֲתָא/אזל#3#/ לְוָתֵיה מִגרָר וְסִיעַת רָחֲמוֹהִי/מִרָחְמוֹהִי#3#/ וְפִיכֹל רַב חֵילֵיה׃
26:27 )1( [ai]וַאֲמַר לְהוֹן יִצחָק מָדֵין אֲתֵיתוֹן לְוָתִי וְאַתוּן סְנֵיתוֹן יָתִי וְשַלַחתוּנִי מִלְוָתְכוֹן׃
26:28 )1( [ai]וַאֲמַרוּ מִחזָא חֲזֵינָא אֲרֵי הֲוָה מֵימְרָא דַיוי בְסַעֲדָך וַאֲמַרנָא תִתקַייַם כְעַן מוֹמָתָא דַהוָת בֵין אֲבָהָתַנָא בֵינַנָא וֻבֵינָך וְנִגזַר קְיָם עִמָך׃
26:29 )1( [ai]אִם תַעֲבֵיד עִימַנָא בִישָא כְמָא דְלָא אַנזֵיקנָך וֻכמָא דַעֲבַדנָא עִימָך לְחוֹד טָב וְשַלַחנָך בִשלָם אַת כְעַן בְרִיכָא דַיוי׃
26:30 )1( [ai]וַעֲבַד לְהוֹן מִשתִיָא וַאֲכַלוּ וֻשתִיוּ׃
26:31 )1( [ai]וְאַקדִימוּ בְצַפרָא וְקַיִימוּ גְבַר לַאֲחוּהִי וְשַלַחִינוּן יצחק וַאֲזַלוּ מִלְוָתֵיה בִשלָם׃
26:32 )1( [ai]וַהֲוָה בְיוֹמָא הַהוּא וַאֲתוֹ עַבדֵי יִצחָק וְחַוִיאוּ לֵיה עַל עֵיסַק בֵירָא דַחפַרוּ וַאֲמַרוּ לֵיה אַשכַחנָא מַיָא׃
26:33 )1( [ai]וֻקרָא יָתַה שִבעָה עַל כֵין שְמַה דְקַרתָא בְאֵר שָבַע עַד יוֹמָא הָדֵין׃
26:34 )1( [ai]וַהֲוָה עֵשָׂו בַר אַרבְעִין שְנִין וֻנסֵיב אִיתְתָא יָת יְהוּדִית בַת בְאֵירִי חִיתָאָה וְיָת בָשְמַת בַת אֵילוֹן חִתָאָה׃
26:35 )1( [ai]וַהוַאָה מְסָרְבָן וֻמַרגְזָן עַל מֵימַר יִצחָק וְרִבקָה׃

next chapter