← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


46:01 )1( [ai]וֻנטַל ישראל וְכָל דְלֵיה וַאֲתָא לִבאֵר שָבַע וְדַבַח/ונכיס#3#/ דִבחִין/ניכסין#3#/ לַאֲלָהָא דַאֲבוּהִי יִצחָק׃
46:02 )1( [ai]וַאֲמַר יוי לישראל \בְחַזוָא דְלֵיליָא /בחזוי ליליא#3#/ וַאֲמַר יַעֲקֹב יַעֲקֹב וַאֲמַר הָאֲנָא׃
46:03 )1( [ai]וַאֲמַר אֲנָא אֵל אֲלָהָא דַאֲבוּך לָא תִדחַל מִלְמֵיחַת לְמִצרַיִם אֲרֵי לְעַם סַגִי אֲשַוֵינָך תַמָן׃
46:04 )1( [ai]אֲנָא אֵיחוֹת עִימָך לְמִצרַיִם וַאֲנָא אַסקִינָך אַף אַסָקָא וְיוֹסֵף יְשַוֵי יְדוֹהִי עַל עֵינָך׃
46:05 )1( [ai]וְקָם יַעֲקֹב מִבְאֵר שַבַע וְנטַלוּ בְנֵי ישראל יָת יַעֲקֹב אֲבוּהוֹן וְיָת טַפלְהוֹן וְיָת נְשֵיהוֹן בְעַגַלתָא דִשלַח פרעֹה לְמִיטַל יָתֵיה׃
46:06 )1( [ai]וֻדבַרוּ יָת גֵיתֵיהוֹן וְיָת <כל#3#> קִניָנְהוֹן דִקנוֹ בְאַרעָא דִכנָעַן וַאֲתוֹ למצרים יַעֲקֹב וְכֹל בְנוֹהִי עִמֵיה׃
46:07 )1( [ai]בְנוֹהִי/זרעיה#3#/ וֻבנֵי בְנוֹהִי עִמֵיה בְנָתֵיה וֻבנָת בְנוֹהִי וְכֹל בְנוֹהִי אֵיתִי עִמֵיה לְמִצרָיִם׃
46:08 )1( [ai]וְאִלֵין שְמָהָת בְנֵי ישראל דְעָלוּ לְמִצרַיִם יַעֲקֹב וֻבנוֹהִי בוּכרֵיה דיעקב רְאוּבֵן׃
46:09 )1( [ai]וֻבנֵי רְאוּבֵן חֲנוֹך וֻפַלוּא וְחַצרוֹן וְכַרמִי׃
46:10 )1( [ai]וֻבנֵי שִמעוֹן יְמוּאֵל וְיָמִין וְאוֹהַד וְיָכִין וְצוֹחַר וְשָאוּל בַר כְנַעֲנֵיתָא׃
46:11 )1( [ai]וֻבנֵי לֵוִי גֵרְשוֹן קְהָת וֻמרָרִי׃
46:12 )1( [ai]וֻבנֵי יְהוּדָה עֵר וְאוֹנָן וְשֵלָה וָפַרַץ וָזָרַח וֻמִית עֵר וְאוֹנָן בארעא דִכנָעַן וַהווֹ בְנֵי פַרַץ חַצרֹן וְחָמוּל׃
46:13 )1( [ai]וֻבנֵי יִשׂשָׂכָר תוֹלָע וֻפוָּה וְיוֹב וְשִמרוֹן׃
46:14 )1( [ai]וֻבנֵי זְבוּלוּן סַרַד וְאֵילוֹן וְיַחלְאֵל׃
46:15 )1( [ai]אִלֵין בְנֵי לְאָה דִילֵידַת לְיַעֲקֹב בְפַדַן דַאֲרָם וְיָת דִינָה בְרַתֵיה כָל נְפַש בְנוֹהִי וֻבנָתֵיה תְלָתִין וֻתלָת׃
46:16 )1( [ai]וֻבנֵי גָד צִפיוֹן וְחַגִי שוּנִי וְאַצבֹל עֵרִי וַאֲרוֹדִי וְאַראֵלִי׃
46:17 )1( [ai]וֻבנֵי אָשֵר יִמנָה וְיִשוָה וְיִשוִי וֻברִיעָה וְשַרַח אֲחָתְהוֹן וֻבנֵי בְרִיעָה חַבַר וֻמַלכִיאֵל׃
46:18 )1( [ai]אִלֵין בְנֵי זִלפָה דִיהַב לָבָן לְלֵאָה בְרַתֵיה וִילֵידַת יָת אִלֵין לְיַעֲקֹב שֵית עַסרֵי נַפשָן׃
46:19 )1( [ai]בְנֵי רָחֵל אִיתַת יעקב יוֹסֵף וֻבִניָמִן׃
46:20 )1( [ai]וְאִיתִילִידוּ לְיוֹסֵף בארעא דמצרים דִילֵידַת לֵיה אָסְנַת בַת פוֹטִיפַרַע רַבָא דְאוֹן יָת מְנַשַה וְיָת אַפרָיִם׃
46:21 )1( [ai]וֻבנֵי בִניָמִין בַלַע וֻבַכַר וְאַשבֵיל גֵרָא וְנַעֲמָן אֵחִי וָרֹאש מוּפִין וְחוּפִים וָאָרד׃
46:22 )1( [ai]אִלֵין בְנֵי רָחֵל דְאִיתִילֵיד/די אתלידו#3#/ לְיַעֲקֹב כֹל נַפשָתָא אַרבַע עַסרֵי׃
46:23 )1( [ai]וֻבנֵי דָן חוּשִים׃
46:24 )1( [ai]וֻבנֵי נַפתָלִי יַחצְאֵל וְגוּנִי וְיֵצַר וְשִלָם׃
46:25 )1( [ai]אִלֵין בְנֵי בִלהָה דִיהַב לָבָן לְרָחֵל בְרַתֵיה וִילֵידַת יָת אִלֵין לְיַעֲקֹב כֹל נַפשָתָא שְבַע׃
46:26 )1( [ai]כָל נַפשָתָא דַעֲלָא \עִם יעקב /ליעקב#3#/ לְמִצרַיִם נָפְקֵי יִרכֵיה בָר מִנְשֵי בְנֵי יעקב כֹל נַפשָתָא שִתִין וְשֵית׃
46:27 )1( [ai]וֻבנֵי יוֹסֵף דְאִיתיְלִידוּ/די איתלידו#3#/ לֵיה בְמִצרַיִם נַפשָתָא תַרתֵין כֹל נַפשָתָא לְבֵית/דבית#3#/ יַעֲקֹב דְעַלָא לְמִצרַיִם שִבעִין׃
46:28 )1( [ai]וְיָת יְהוּדָה שְלַח קְדָמוֹהִי לְוָת יוֹסֵף לְפַנָאָה קְדָמוֹהִי לְגוֹשַן וַאֲתוֹ לְאַרעָא דְגוֹשַן׃
46:29 )1( [ai]וְטַקֵיס/ותקיס#3#/ יוֹסֵף רְתִיכוֹהִי וֻסלֵיק לְקַדָמוּת ישראל אֲבוּהִי לְגוֹשַן וְאִתַחזִי לֵיה וֻנפַל עַל צַורֵיה וֻבכָא עַל צַורֵיה עוֹד׃
46:30 )1( [ai]וַאֲמַר ישראל ליוסף אִילוּ אֲנָא מָאִית <ברם#3#> זִמנָא/בזמנא#3#/ הָדָא מְנַחַם אֲנָא בָתַר דַחזֵיתִינוּן לְאַפָך אֲרֵי עַד כְעַן \קַיָים אַת /את קיים#3#/׃
46:31 )1( [ai]וַאֲמַר יוֹסֵף לַאֲחוֹהִי וֻלבֵית אֲבוּהִי אִיסַק וַאֲחַוֵי לְפַרעֹה וְאֵימַר לֵיה אַחַי וֻבֵית אַבָא דבארעא דִכנָעַן אֲתוֹ לְוָתִי׃
46:32 )1( [ai]וְגַברַיָא רָעַן עָנָא אֲרֵי גֻברֵי מָרֵי גֵיתֵי הֲווֹ וְעָנְהוֹן וְתוֹרֵיהוֹן וְכֹל דִילְהוֹן אֵיתִיוּ׃
46:33 )1( [ai]וִיהֵי אֲרֵי/כד#3#/ יִקרֵי לְכוֹן פַרעֹה וְיֵימַר מָא עוּבָדְכוֹן׃
46:34 )1( [ai]וְתֵימְרוּן גֻברֵי מָרֵי גֵיתֵי הְווֹ עַבדָך מִזְעוּרַנָא/מעולימנא#3#/ וְעַד כְעַן אַף אְנַחנָא אַף אֲבָהָתַנָא בְדִיל דְתִיתְבוּן בארעא דְגוֹשַן אֲרֵי מְרַחֲקִין/בעירא#3#/ מִצרָאֵי כֹל רָעֵי עָנָא׃

next chapter