← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


04:01 )1( [ai]וַאְתֵיב מֹשַה וַאְמַר וְהָא לָא יְהֵימְנוּן לִי וְלָא יְקַבְלוּן מִנִי/במימרי#3#/ אְרֵי יֵימְרוּן לָא אִתגְלִי לָך יוי׃
04:02 )1( [ai]וַאְמַר לֵיה יוי מָדֵין דִביְדָך/בִידָך#3#/ וַאְמַר חוּטרָא׃
04:03 )1( [ai]וַאְמַר רְמִיהִי לארעא וֻרמָהִי לארעא וַהְוָה לְחִיוֵי/לְחִויָא#3#/ וַעְרַק מֹשַה מִן קְדָמוֹהִי׃
04:04 )1( [ai]וַאְמַר יוי לְמֹשַה אוֹשֵיט/שלח#3#/ יְדָך וַאְחוֹד/וְאֵיחוֹד#3#/ בְדַנבֵיה/בזנביה#3#/ וְאוֹשֵיט יְדֵיה וְאַתקֵיף בֵיה וַהְוָה לְחוּטרָא בִידֵיה׃
04:05 )1( [ai]בְדִיל דִיהֵימְנוּן אְרֵי אִתגְלִי לָך יוי אְלָהָא דַאְבָהָתְהוֹן אְלָהֵיה דְאַברָהָם אְלָהֵיה דיצחק וַאְלָהֵיה דְיַעְקֹב׃
04:06 )1( [ai]וַאְמַר יוי לֵיה עוֹד אַעֵיל כְעַן יְדָך בְעִטפָך וַאְעֵיל יְדֵיה בְעִטפֵיה וַאפְקַה וְהָא יְדֵיה חָוְרָא/חיורא#3#/ כְתַלגָא׃
04:07 )1( [ai]וַאְמַר אַתֵיב יְדָך לְעִטפָך וַאְתֵיב יְדֵיה לְעִטפֵיה וְאַפְקַה מֵעִטפֵיה וְהָא תַבַת הְוָת כְבִסרֵיה׃
04:08 )1( [ai]וִיהֵי אִם לָא יְהֵימְנוּן לָך וְלָא יְקַבְלוּן לְקָל אָתָא קַדמָאָה וִיהֵימְנוּן לְקָל אָתָא בָתְרָאָה׃
04:09 )1( [ai]וִיהֵי אִם לָא יְהֵימְנוּן אַף לִתרֵין אָתַיָא הָאִלֵין וְלָא יְקַבְלוּן מִינָך וְתִיסַב מִמַיָא דִבנַהרָא וְתֵישוֹד לְיַבַשתָא וִיהוֹן מַיָא דְתִיסַב מִן נַהרָא וִיהוֹן לִדמָא בְיַבַשתָא׃
04:10 )1( [ai]וַאְמַר מֹשַה קדם יוי בְבָעוּ יוי לָא גְבַר דְמִלוּל אְנָא אַף מֵאִתמָלִי/מֵאַתמָלִי#3#/ אַף מִדְקַמוֹהִי/מידקדמוהי#3#/ אַף מֵעִידָן דְמַלֵילתָא עִם עַבדָך אְרֵי יַקִיר מַמלַל וְעַמִיק לִישָן אְנָא׃
04:11 )1( [ai]וַאְמַר יוי לֵיה מַן שַוִי פוּמָא לַאְנָשָא אוֹ מַן שַוִי אִלֵימָא אוֹ חַרשָא/חרישא#3#/ אוֹ פְתִיחָא/פקיחא#3#/ אוֹ עְוִירָא הְלָא אְנָא יוי׃
04:12 )1( [ai]וֻכעַן אִיזֵיל וֻמֵימְרִי יְהֵי עִם פוּמָך וְאַלְפִינָך <מה#3#> דִתמַלֵיל׃
04:13 )1( [ai]וַאְמַר בְבָעוּ יוי שְלַח כְעַן בְיַד מַן דְכָשַר לְמִשלַח/דתשלח#3#/׃
04:14 )1( [ai]וֻתקֵיף רוּגזָא דַיוי בְמֹשַה וַאְמַר הְלָא אַהְרֹן אְחוּך לֵיוָאָה גְלֵי קְדָמַי אְרֵי מַלָלָא יְמַלֵיל הוּא וְאַף <הָא#3#> הוא נָפֵיק לְקַדָמוּתָך וְיִחזֵינָך וְיִחדֵי בְלִיבֵיה׃
04:15 )1( [ai]וֻתמַלֵיל עִמֵיה/ליה#3#/ וֻתשַוִי יָת פִתגָמַיָא בְפוּמֵיה וֻמֵימְרִי יְהֵי עִם פוּמָך וְעִם פוּמֵיה וְאַלֵיף יָתְכוֹן יָת דְתַעבְדוּן׃
04:16 )1( [ai]וִימַלֵיל הוּא לָך עִם עַמָא וִיהֵי הוּא יְהֵי לָך לִמתוּרגְמָן וְאַת תְהֵי לֵיה לְרָב׃
04:17 )1( [ai]וְיָת חוּטרָא הָדֵין תִיסַב בִידָך דְתַעְבֵיד בֵיה יָת אָתַיָא׃
04:18 )1( [ai]וַאְזַל מֹשַה וְתָב לְוָת יַתַר חְמוּהִי וַאְמַר לֵיה אֵיזֵיל כְעַן וְאֵיתוּב לְוָת אַחַי דִבמִצרַיִם וְאִחזֵי הְעַד כְעַן <אינון#3#> קַיָימִין וַאְמַר יִתרוֹ לְמֹשַה אִיזֵיל לִשלָם׃
04:19 )1( [ai]וַאְמַר יוי לְמֹשַה בְמִדיָן אִיזֵיל תוּב למצרים אְרֵי מִיתוּ כֹל גֻברַיָא דִבעוֹ לְמִקטְלָך׃
04:20 )1( [ai]וֻדבַר מֹשַה יָת אִיתְתֵיה וְיָת בְנוֹהִי וְאַרכֵיבִינוּן עַל חְמָרָא וְתָב לְאַרעָא דמצרים וֻנסֵיב מֹשַה יָת חוּטרָא דְאִתעְבִידוּ בֵיה נִיסִין מִן קדם יוי בִידֵיה׃
04:21 )1( [ai]וַאְמַר יוי לְמֹשַה בִמהָכָך לִמתָב למצרים חְזִי <ית#3#> כֹל מוֹפְתַיָא דְשַוִיתִי בִידָך וְתַעְבֵידִינוּן קדָם פרעה וַאְנָא אְתַקֵיף יָת לִיבֵיה וְלָא יְשַלַח יָת עַמָא׃
04:22 )1( [ai]וְתֵימַר לפרעה כִדנָן אְמַר יוי בְרִי בוּכרִי ישראל׃
04:23 )1( [ai]וַאְמַרִית לָך שַלַח יָת בְרִי וְיִפלַח קְדָמַי וֻמסָרֵיב/ואם מסריב#3#/ אַת לְשַלָחוּתֵיה הָא אְנָא קָטֵיל יָת בְרָך בוּכרָך׃
04:24 )1( [ai]וַהְוָה בְאוֹרחָא בְבֵית מְבָתָא וְעָרַע בֵיה מַלאְכָא דַיוי וֻבעָא לְמִקטְלֵיה׃
04:25 )1( [ai]וֻנסֵיבַת צִפֹרָה טִנָרָא וֻגזַרַת יָת עֻרלַת/עָרלַת#3#/ בְרַה וְקָרֵיבַת לִקדָמוֹהִי וַאְמַרַת בִדמָא דִמהוּלתָא הָדֵין/הדא#3#/ אִתיְהֵיב חַתנָא לַנָא׃
04:26 )1( [ai]וְנָח מִנֵיה בְכֵין אְמַרַת אִלוּלֵי דְמָא דִמהוּלתָא הָדֵין אִתחַיַיב חַתנָא קְטוֹל׃
04:27 )1( [ai]וַאְמַר יוי לְאַהְרֹן אִיזֵיל לְקַדָמוּת מֹשַה לְמַדבְרָא וַאְזַל וְעָרְעֵיה בְטוּרָא דְאִתגְלִי עְלוֹהִי יְקָרָא דַיוי וְנַשֵיק/ושק#3#/ לֵיה׃
04:28 )1( [ai]וְחַוִי מֹשַה לְאַהְרֹן יָת כֹל פִתגָמַיָא דַיוי דְשַלחֵיה/דְשַלְחֵיה#3#/ וְיָת כֹל אָתַיָא דְפַקְדֵיה׃
04:29 )1( [ai]וַאְזַל מֹשַה וְאַהְרֹן וֻכנַשוּ/ואכנישו#3#/ יָת כֹל סָבֵי בְנֵי ישראל׃
04:30 )1( [ai]וֻמַלֵיל אַהְרֹן יָת כֹל פִתגָמַיָא דְמַלֵיל יוי עִם מֹשַה וַעְבַד אָתַיָא לְעֵינֵי עַמָא׃
04:31 )1( [ai]וְהֵימֵין עַמָא וֻשמַעוּ אְרֵי דְכִיר יוי יָת בְנֵי ישראל וַאְרֵי גְלֵי קְדָמוֹהִי <ית#3#> שִעבוּדְהוֹן וֻכרַעוּ וֻסגִידוּ׃

next chapter