← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


23:01 )1( [ai]לָא תְקַבֵיל שֵימַע דִשקַר לָא תְשַוֵי יְדָך עִם חַייָבָא לְמִהוֵי לֵיה סָהִיד שַקָר׃
23:02 )1( [ai]לָא תְהֵי בָתַר סַגִיאֵי לְאַבאָשָא וְלָא תִתמְנַע מִלְאַלָפָא מָא דִבעֵינָך/דמתבעי לך#3#/ עַל דִינָא בָתַר סַגִיאֵי שָלֵים דִינָא׃
23:03 )1( [ai]וְעַל מִסכֵינָא לָא תְרַחֵים בִדִינֵיה׃
23:04 )1( [ai]אְרֵי תִפגַע/תְעָרַע#3#/ תוֹרָא דְסָנאָך אוֹ חְמָרֵיה דְטָעֵי/דתעי#3#/ אָתָבָא תָתִיבִינֵיה לֵיה׃
23:05 )1( [ai]אְרֵי תִחזֵי חְמָרָא דְסָנְאָך רְבִיַע תְחוֹת טוּענֵיה/טעוניה#3#/ וְתִתמְנַע מִלְמִשקַל/מִלְמִשבַק#3#/ לֵיה מִשבָק תִשבוֹק/תִשבוּק#3#/ מָא דִבלִיבָך עְלוֹהי וֻתפָרֵיק עִמֵיה׃
23:06 )1( [ai]לָא תַצלֵי דִין מִסכֵינָך בְדִינֵיה׃
23:07 )1( [ai]\מִפִתגָמָא דְשִקרָא /מפתגמין בטלין#3#/ הְוִי רַחִיק וְדִזכִי וְדִנפַק דְכֵי/זכאי#3#/ מִן דִינָא לָא תִקטוֹל/תִקטוּל#3#/ אְרֵי לָא אְזַכֵי חַיָיבָא׃
23:08 )1( [ai]וְשוּחדָא לָא תְקַבֵיל אְרֵי שוּחדָא מְעַוַר עֵינֵי חַכִימִין וֻמקַלקֵיל פִתגָמִין תְרִיצִין׃
23:09 )1( [ai]וֻלגִיוֹרָא לָא תָעִיקוּן וְאַתוּן יְדַעתוּן יָת נַפשָא דְגִיוֹרָא אְרֵי דַיָירִין הְוֵיתוֹן בארעא דמצרים׃
23:10 )1( [ai]וְשֵית שְנִין תִזרַע יָת אַרעָך וְתִכנוֹש יָת עְלַלתַה׃
23:11 )1( [ai]וֻשבִיעֵיתָא תִשמְטִינַה וְתִרטְשִינַה וְיֵיכְלוּן מִסכֵינֵי עַמָך וֻשאָרְהוֹן תֵיכוֹל חַיַת/חיות#3#/ בָרָא כֵין/כדין#3#/ תַעְבֵיד לְכַרמָך לְזֵיתָך׃
23:12 )1( [ai]שִיתָה יוֹמִין תַעְבֵיד עוּבָדָך/עבידתך#3#/ וֻביוֹמָא שְבִיעָאָה תְנוּחַ בְדִיל דִינוּחַ תוֹרָך וֻחמָרָך וְיִשקוֹט בַר אַמתָך וְגִיוֹרָא׃
23:13 )1( [ai]וֻבכֹל דַאְמַרִית לְכוֹן תִסתַמרוּן וְשוֹם טָעְוָת עַמְמַיָא לָא תִדכְרוּן לָא יִשתְמַע עַל פוּמְכוֹן׃
23:14 )1( [ai]תְלָת זִמנִין תֵיחוֹג/תחוגון#3#/ קְדָמַי בְשַתָא׃
23:15 )1( [ai]יָת חַגָא דְפַטִירַיָא תִיטַר שַבעָה/שִבעָה#3#/ יוֹמִין תֵיכוֹל פַטִירָא כְמָא דְפַקֵידתָך לִזמַן יַרחָא דַאְבִיבָא אְרֵי בֵיה נְפַקתָא מִמִצרַיִם וְלָא יִתַחזוֹן קְדָמַי רֵיקָנִין׃
23:16 )1( [ai]וְחַגָא דִחצָדָא בִכוּרֵי עוֹבָדָך/עוּבָדָך#3#/ דְתִזרַע בְחַקלָא וְחַגָא דְכנָשָא בְמִפְקַה דְשַתָא בְמִכנְשָך יָת עוֹבָדָך/עוּבָדָך#3#/ מִן חַקלָא׃
23:17 )1( [ai]תְלָת זִמנִין בְשַתָא יִתַחזוֹן כֹל דְכוּרָך קְדָם רִבוֹן עָלְמָא יוי׃
23:18 )1( [ai]לָא תִכוֹס עַל חְמִיַע דַם פִסחִי וְלָא יְבִיתוּן <לְצַפרָא#3#> בָר מִמַדבְחָא תַרבֵי נִכסַת חַגָא עַד צַפרָא׃
23:19 )1( [ai]רֵיש בִכוּרֵי אַרעָך תַיתֵי/תֵיתֵי#3#/ לְבֵית מַקדְשָא דַיוי אְלָהָך לָא תֵיכְלוּן בְסַר בַחלַב׃
23:20 )1( [ai]הָאְנָא שָלַח מַלאְכָא קְדָמָך לְמִיטְרָך בְאוֹרחָא וֻלאַעָלוּתָך לְאַתרָא דְאַתקֵינִית׃
23:21 )1( [ai]אִסתְמַר מִן קְדָמוֹהִי וְקַבֵיל לְמֵימְרֵיה וְלָא תְסָרֵיב לְקִבלֵיה אְרֵי לָא יִשבוֹק לְחוֹבֵיכוֹן אְרֵי בִשמִי מֵימְרֵיה׃
23:22 )1( [ai]אְרֵי אִם קַבָלָא תְקַבֵיל לְמֵימְרֵיה וְתַעְבֵיד כֹל דַאְמַלֵיל וְאִסנֵי יָת סָנְאָך וַאְעֵיק/וְאַעֵיק#3#/ לְדִמעִיקִין לָך׃
23:23 )1( [ai]אְרֵי יְהָך מַלאְכִי קְדָמָך וְיַעֵילִינָך לְוָת אְמוֹרָאֵי וְחִתָאֵי וֻפרִזָאֵי וכנענאי חיואי ויבוסאי וַאְשֵיצֵינוּן׃
23:24 )1( [ai]לָא תִסגוֹד לְטָעְוָתְהוֹן וְלָא תִפלַחִינִין וְלָא תַעְבֵיד כְעוּבָדֵיהוֹן/כְעוֹבָדֵיהוֹן#3#/ אְרֵי \פַגָרָא תְפַגַרִינוּן /גַמָרָא תגמרינון#3#/ וְתַבָרָא תְתַבַר קָמָתְהוֹן׃
23:25 )1( [ai]וְתִפלְחוּן קדם/יָת#3#/ יוי אְלָהְכוֹן וִיבָרֵיך יָת מֵיכְלָך וְיָת מִשתָך/מִשתְיָך#3#/ וְאַעְדֵי מַרעִין בִישִין מִבֵינָך׃
23:26 )1( [ai]לָא תְהֵי תָכְלָא וְעַקרָא בְאַרעָך יָת מִניַן יוֹמָך אֵישַלֵים/אַשלֵים#3#/׃
23:27 )1( [ai]יָת אֵימְתִי אְשַלַח קְדָמָך וְאִתבַר/וַאְשַגֵיש#3#/ואקטול#3#/ יָת כֹל עַמָא דְאַת אָתֵי/עָלֵיל#3#/ לְאָגָחָא <קְרָב#3#> בְהוֹן וְאִמסַר/ואתן#3#/ יָת כָל בַעלֵי דְבָבָך קְדָמָך מַחזְרֵי קְדָל׃
23:28 )1( [ai]וְאִשלַח/וַאְשַלַח#3#/ יָת עָרָעִיתָא קְדָמָך וֻתְתָרֵיך יָת חִויָאֵי יָת כנענאי וית חיתאי מִן קְדָמָך׃
23:29 )1( [ai]לָא אְתָרֵיכִינוּן מִן קְדָמָך בְשַתָא חְדָא דִלמָא תְהֵי ארעא צָדיָא וְתִסגֵי עְלָך חַיַת/חיות#3#/ בָרָא׃
23:30 )1( [ai]זְעֵיר זְעֵיר אְתָרֵיכִינוּן מִן קְדָמָך עַד דְתִסגֵי/דתיפוש#3#/ וְתַחסֵין יָת ארעא׃
23:31 )1( [ai]וַאְשַוֵי יָת תְחוּמָך מִיַמָא דְסוּף וְעַד יַמָא דִפלִשתָאֵי וֻמִמִדבְרָא/וֻמִמַדבְרָא#3#/ וְעַד פְרָת/נהרא#3#/ אְרֵי אִמסַר בְיַדכוֹן יָת יָתְבֵי ארעא וֻתתָרֵיכִינוּן מִן קְדָמָך׃
23:32 )1( [ai]לָא תִגזַר לְהוֹן וֻלטָעְוָתְהוֹן קִיָם/קְיָם#3#/׃
23:33 )1( [ai]לָא יִתְבוּן בְאַרעָך דִלמָא יְחַיְיבוּן יָתָך קְדָמַי אְרֵי תִפלַח יָת טָעְוָתְהוֹן אְרֵי יְהוֹן לָך לְתַקלָא׃

next chapter