← Back
The Comprehensive Aramaic Lexicon
← Return to the Text Browser
click on the file description for more information
51007: TgJ Ju

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


08:01 )1( [ai]וַאְמַרוּ לֵיה אְנָש <דבית#3#> אַפרַיִם מָא פִתגָמָא הָדֵין/"הזה"#3#/ עְבַדתָא לַנָא בְדִיל מָא/דלא#3#/ לָא קְרֵיתָא לַנָא כַד אְזַלתָא לְאָגָחָא קְרָבָא בְמִדיַנָאֵי וְדָיְנִין עִמֵיה בִתקוֹף׃
08:02 )1( [ai]וַאְמַר לְהוֹן מָא עְבַדִית כְעַן כְוָתְכוֹן הְלָא טָבִין חַלָשַיָא דְבֵית אַפרַיִם מִתַקִפַיָא דְבֵית אְבִיעַזַר׃
08:03 )1( [ai]בְיַדכוֹן מְסַר יְיָ יָת רַברְבֵי מִדיָן יָת עוֹרֵב וְיָת זְאֵב וֻמָא יְכֵילִית לְמַעְבַד כְוָתְכוֹן בְכֵין נַחַת רוּחְהוֹן מִנֵיה בְמַלָלוּתֵיה <ית#3#> פִתגָמָא הָדֵין׃
08:04 )1( [ai]וַאְתָא גִדעוֹן לְיַרדְנָא עָבַר הוּא וֻתלָת מְאָה גֻברָא דְעִמֵיה כַד מְשַלהַן וְרָדְפִין׃
08:05 )1( [ai]וַאְמַר לַאְנָשֵי סֻכוֹת הַבוּ כְעַן פִתָא דְלַחמָא לְעַמָא דְעִמִי אְרֵי מְשַלהַן אִנוּן וַאְנָא רָדֵיף בָתַר זַבַח וְצַלמֻנָע מַלכֵי מִדיָן׃
08:06 )1( [ai]וַאְמַרוּ רַברְבֵי סֻכוֹת הַכְאִלוּ זַבַח וְצַלמֻנָע כְעַן מְסִירִין בִידָך אְרֵי נִתֵין לְחֵילָך לַחמָא׃
08:07 )1( [ai]וַאְמַר גִדעוֹן בְכֵין כַד יִמסַר יְיָ יָת זַבַח וְיָת צַלמֻנָע בִידִי וַאְדוּש יָת בִסרְכוֹן עַל כוּבֵי מַדבְרָא וְעַל בַרקָנַיָא׃
08:08 )1( [ai]וֻסלֵיק מִתַמָן לִפנוּאֵל וֻמַלֵיל עִמְהוֹן/לותהון#3#/ כְהָדָא/כחדא#3#/כדא#3#/ וַאְתִיבוּ יָתֵיה אְנָשֵי פְנוּאֵל כְמָא דַאְתִיבוּ אְנָשֵי סֻכוֹת׃
08:09 )1( [ai]וַאְמַר אַף לַאְנָשֵי פְנוּאֵל לְמֵימַר כַד אְתוּב בִשלָם אְתָרַע יָת מִגדְלָא הָדֵין׃
08:10 )1( [ai]וְזַבַח וְצַלמֻנָע בְקַרקֹר וֻמַשרְיָתְהוֹן עִמְהוֹן כַחְמֵשַת עְסַר אַלפִין כָל דְאִשתְאַרוּ מִכֹל מַשרְיָת בְנֵי מַדנְחָא וֻדאִתקְטַלוּ מְאָה וְעַסרִין אַלפִין גֻברָא שָלְפֵי סֵיפָא/חרבא#3#/׃
08:11 )1( [ai]וֻסלֵיק גִדעוֹן בְאוֹרַח מַשרְיָת עַרבָאֵי/עְרוֹעֵר#3#/ דְשָרַן בִשכוּנִין בְמַדבְרָא מִמַדנְחָא לְנֹבַח וְרָמְתָא וֻמחָא יָת מַשרִיתָא וֻמַשרִיתָא שָרְיָא לְרֻחצָן׃
08:12 )1( [ai]וַאְפַכוּ זַבַח וְצַלמֻנָע וֻרדַף בָתְרֵיהוֹן וַאְחַד/וכבש#3#/ יָת תְרֵין מַלכֵי מִדיָן יָת זַבַח וְיָת צַלמֻנָע וְכָל מַשרִיתָא אְזִיעַ׃
08:13 )1( [ai]וְתָב גִדעוֹן בַר יוֹאָש מִן קְרָבָא עַד לָא מֵיעַל שִמשָא׃
08:14 )1( [ai]וַאְחַד עוּלֵימָא מֵאְנָשֵי סֻכוֹת וְשַאְלֵיה וֻכתַב לֵיה יָת רַברְבֵי סֻכוֹת וְיָת סָבַהָא שִבעִין וְשִבעָה גֻברָא׃
08:15 )1( [ai]וַאְתָא לְוָת אְנָשֵי סֻכוֹת וַאְמַר הָא זַבַח וְצַלמֻנָע דְחַסֵידתוּן יָתִי לְמֵימַר הַכְאִלוּ זַבַח וְצַלמֻנָע כְעַן מְסִירִין בִידָך אְרֵי נִתֵין לְגֻברָך דִמשַלהַן לַחמָא׃
08:16 )1( [ai]וֻדבַר יָת סָבֵי קַרתָא וְיָת/וֻנסֵיב יָת#3#/ודבר ית#3#/ כוּבֵי מַדבְרָא וְיָת בַרקָנַיָא וְגָרַר/וגריד#3#/ותבר#3#/ואלקי בהון#3#/ עְלֵיהוֹן יָת גֻברֵי/אְנָשֵי#2#/ סֻכוֹת׃
08:17 )1( [ai]וְיָת מִגדַל פְנוּאֵל תָרַע וְקַטֵיל יָת אְנָשֵי קַרתָא׃
08:18 )1( [ai]וַאְמַר לְזַבַח וֻלצַלמֻנָע אֵיכָא גֻברַיָא דְקַטֵילתוּן/דִקטַלתוּן#2#/ בְתָבוֹר וַאְמַרוּ כְוָתָך כֵין אַף אִנוּן חַד מִנְהוֹן כְחַזוָא דִבנֵי מַלכָא׃
08:19 )1( [ai]וַאְמַר אַחַי בְנֵי אִמָא אִנוּן קַיָים הוּא יְיָ אִלוּ קַיֵימתוּן יָתְהוֹן לָא קַטֵילִית יָתְכוֹן׃
08:20 )1( [ai]וַאְמַר לְיַתַר בֻכרֵיה קוּם קַטֵיל/קְטוֹל#2#/ יָתְהוֹן וְלָא שְלֵיף עוּלֵימָא חַרבֵיה אְרֵי דָחֵיל אְרֵי עַד כְעַן <הוּא#3#> יָנִיק/עולימא#3#/׃
08:21 )1( [ai]וַאְמַר זַבַח וְצַלמֻנָע קוּם אַתְ וֻשלוֹט בַנָא אְרֵי כְגֻברָא כֵין גִיבָרוּתֵיה וְקָם גִדעוֹן וֻקטַל יָת זַבַח וְיָת צַלמֻנָע וֻנסֵיב יָת עִנקַיָא דִבצַורֵי גַמלֵיהוֹן׃
08:22 )1( [ai]וַאְמַרוּ אְנָש יִשׂרָאֵל לְגִדעוֹן מְלוֹך עְלַנָא אַף אַתְ אַף בְרָך אַף בַר בְרָך אְרֵי פְרַקתַנָא מִיַד מִדיַנָאֵי׃
08:23 )1( [ai]וַאְמַר לְהוֹן גִדעוֹן לָא אַמלוֹך אְנָא עְלֵיכוֹן וְלָא יִמלוֹך בְרִי עְלֵיכוֹן יְיָ מַלכָא עְלֵיכוֹן׃
08:24 )1( [ai]וַאְמַר לְהוֹן גִדעוֹן שָאֵיל אְנָא מִנְכוֹן שְאָלָא וְהַבוּ לִי גְבַר קְדָשֵיה <אִנוּן#3#> מִן בִזְתָא אְרֵי קְדָשֵי דְדַהבָא לְהוֹן אְרֵי עַרבָאֵי קַטִילוּ/אינון#3#/׃
08:25 )1( [ai]וַאְמַרוּ מִתָן נִתֵין וֻפרַסוּ יָת כְסוּתָא וֻרמוֹ לְתַמָן גְבַר קְדָשֵיה מִן בִזְתָא׃
08:26 )1( [ai]וַהְוָה מַתקַל קְדָשֵי דַהבָא דִשאַל אַלַף וֻשבַע מְאָה דַהבָא בָר מִן סַהְרוֹנַיָא וֻכלִילַיָא וֻלבוּשֵי אַרגְוָנָא דְעַל מַלכֵי מִדיָן וֻבָר מִן עִנקַיָא/זוגייא#3#/סיבכייא#3#/ דִבצַורֵי גַמלֵיהוֹן׃
08:27 )1( [ai]וַעְבַד יָתֵיה גִדעוֹן לְאֵיפוֹדָא וַאְקֵים יָתֵיה בְקַרתֵיה בְעָפרָה וֻטעוֹ כָל יִשׂרָאֵל בָתְרוֹהִי תַמָן וַהְוָה לְגִדעוֹן וֻלבֵיתֵיה/ולאינש ביתיה#3#/ לְתַקלָא׃
08:28 )1( [ai]וְאִתְבַרוּ/ואיתכנעו#3#/ מִדיַנָאֵי קֳדָמ/מִן קֳדָם#3#/ בְנֵי יִשׂרָאֵל וְלָא אוֹסִיפוּ לְאָרָמָא רֵישְהוֹן וֻשדוֹכַת אַרעָא דְיִשׂרָאֵל אַרבְעִין שְנִין בְיוֹמֵי גִדעוֹן׃
08:29 )1( [ai]וַאְזַל יְרֻבַעַל בַר יוֹאָש וִיתֵיב בְבֵיתֵיה׃
08:30 )1( [ai]וֻלגִדעוֹן הְווֹ שִבעִין בְנִין נָפְקֵי יִרכֵיה אְרֵי נְשִין סַגִיאָן הְוַאָה לֵיה׃
08:31 )1( [ai]וֻלחֵינְתֵיה/ופלקתיה#3#/ דְבִשכַם יְלֵידַת לֵיה אַף הִיא בַר וְשַוִי יָת שְמֵיה אְבִימַלַך׃
08:32 )1( [ai]וֻמִית גִדעוֹן בַר יוֹאָש בְסֵיבוּ טָבָא וְאִתקְבַר בְקַברָא דְיוֹאָש אְבוּהִי בְעָפרָה דַאְבוּהִי דְעָזַר׃
08:33 )1( [ai]וַהְוָה \כַד מִית /בתר דמית#3#/ גִדעוֹן וְתָבוּ בְנֵי יִשׂרָאֵל וֻטעוֹ בָתַר בְעָלַיָא וְשַוִיאוּ לְהוֹן בְעֵיל קְיָם לְטָעְוָתָא׃
08:34 )1( [ai]וְלָא אִדְכַרוּ בְנֵי יִשׂרָאֵל יָת פֻלחָנָא דַיְיָ אְלָהְהוֹן דְשֵיזֵיב יָתְהוֹן מִיַד כָל בַעְלֵי דְבָבֵיהוֹן מִסְחוֹר סְחוֹר׃
08:35 )1( [ai]וְלָא עְבַדוּ טֵיבוּ עִם בֵית יְרֻבַעַל <הוא#3#> גִדעוֹן כְכָל טָבְתָא דַעְבַד עִם יִשׂרָאֵל׃

next chapter