← Back
The Comprehensive Aramaic Lexicon
← Return to the Text Browser
click on the file description for more information
51013: TgJ Je

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


07:01 )1( [ai]פִתגָם נְבוּאָה דַהֲוָה עִם יִרמְיָה מִן קֻ יוי לְמֵימַר׃
07:02 )1( [ai]קוּם בִתרַע בֵית מַקדְשָא דַיוי וְתִתנַבֵי תַמָן יָת פִתגָמָא הָדֵין וְתֵימַר קַבִילוּ פִתגָמָא דַיוי כָל דְבֵית/בֵית#2#/ יְהוּדָה דְעָלִין/דעללין#3#/ בְתַרעַיָא הָאִלֵין לְמִסגַד קֳדָם יוי׃
07:03 )1( [ai]כִדְנָן אֲמַר יוי צְבָאוֹת אֲלָהָא דְיִשרָאֵל אַתקִינוּ אוֹרחָתְכוֹן וְעוֹבדֵיכוֹן <בישיא#3#> וְאַשרֵי יָתְכוֹן בְאַתרָא הָדֵין׃
07:04 )1( [ai]לָא תִתרַחצוּן לְכוֹן עַל פִתגָמֵי נְבִיֵי שִקרָא דְאָמְרִין <למימר#3#> קֳדָם הֵיכְלָא דַיוי אַתוּן פָלְחִין קֳדָם הֵיכְלָא דַיוי אַתוּן דָבְחִין/פלחין ודבחין#3#/ קֳדָם הֵיכְלָא דַיוי אַתוּן סָגְדִין \תְלָת זִמנִין בְשַתָא /ובשתא אתון בשתא#3#/ אַתוּן מִתַחזַן קֳדָמוֹהִי׃
07:05 )1( [ai]אֲרֵי אִם אַתקָנָא תְתַקְנוּן/תַתקְנוּן#2#/ יָת אוֹרחַתְכוֹן/אורחכון#3#/ וְיָת עוּבָדֵיכוֹן אִם מִעבָד תַעבְדוּן דִין דִקשוֹט בֵין גֻברָא וֻבֵין חַברֵיה׃
07:06 )1( [ai]גִיוּר יְתַם וְאַרמְלָא לָא תֵינְסוּן וְדַם זַכַי לָא תֵישְדוּן בְאַתרָא הָדֵין וֻבָתַר טָעֲוָת עַמְמַיָא לָא תְהָכוּן לְאַבאָשָא לְכוֹן׃
07:07 )1( [ai]וְאַשרֵי יָתְכוֹן בְאַתרָא הָדֵין בְאַרעָא דִיהַבִית לַאֲבָהָתְכוֹן לְמִן עָלְמָא וְעַד עָלְמָא׃
07:08 )1( [ai]הָא אַתוּן מִתרַחצִין לְכוֹן עַל פִתגָמֵי נְבִיֵי שִקרָא בְדִיל דְלָא לַהְנָאָה׃
07:09 )1( [ai]גַנָבִין קָטוֹלֵי נַפשָן וְגַיָפִין וֻמִשתַבעִין לִשקַר וֻמַסְקִין בֻסמִין לְבַעלָא וְאָזְלִין בָתַר טָעֲוָת עַמְמַיָא דְלָא יְדַעתוּן׃
07:10 )1( [ai]\וְאָתַן אַתוּן /וְאַתון אָתַן#3#/ וְקָיְמִין קֳדָמַי בְבֵיתָא הָדֵין דְאִתקְרִי שְמִי עֲלוֹהִי וְאָמְרִין אַתוּן שֵיזֵיבנָא/שֵיזְבַנָא#3#/ בְדִיל לְמַעֲבַד יָת כָל תוֹעֵיבָתָא הָאִלֵין׃
07:11 )1( [ai]הַכְבֵית כְנֵישַת רַשִיעִין הֲוָה בֵיתָא הָדֵין דְאִתקְרִי שְמִי עֲלוֹהִי בְעֵינֵיכוֹן אַף קֳדָמַי כֵין גְלוֹ אֲמַר יוי׃
07:12 )1( [ai]אֲרֵי אִיזִילוּ כְעַן לַאֲתַר בֵית מַקדְשִי/בֵית שְכִינְתִי#3#/ דִבשִילוֹ דְאַשרִיתִי שְכִינְתִי תַמָן בְקַדמֵיתָא וַחֲזוֹ יָת דַעֲבַדִית לֵיה מִן קֳדָם בִישוּת עַמִי/בני#3#/ יִשרָאֵל׃
07:13 )1( [ai]וֻכעַן חֲלָף/#3#/ דַעֲבַדתוּן יָת כָל עוּבָדַיָא הָאִלֵין אֲמַר יוי וֻשלַחִית לְוָתְכוֹן יָת כָל עַבדַי נְבִיַיָא מַקדֵים וֻמַמלֵיל וְלָא קַבֵילתוּן וְאִתנַבִיאוּ לְכוֹן וְלָא תַבתוּן/אְתֵיבתון#3#/׃
07:14 )1( [ai]וְאַעֲבֵיד לְבֵיתָא דְאִתקְרִי שְמִי עֲלוֹהִי דְאַתוּן רְחִיצִין בֵיה וֻלאַתרָא דִיהַבִית לְכוֹן וְלַאֲבָהָתְכוֹן כְמָא דַעֲבַדִית לְשִילוֹ׃
07:15 )1( [ai]וְאַגלֵי יָתְכוֹן מֵאֲרַע/מארעא#3#/ בֵית שְכִינְתִי כְמָא דְאַגלִיתִי יָת כָל אֲחֵיכוֹן יָת כָל זַרעָא דְיִשרָאֵל/דְבֵית יִשרָאֵל#3#/׃
07:16 )1( [ai]וְאַת לָא תְצַלֵי עַל עַמָא הָדֵין לָא תִתחַנַן עֲלֵיהוֹן בְבָעוּ/בעו#3#/ וֻצלוֹ/ובצלו#3#/ וְלָא תִבעֵי מִן קֳדָמַי אֲרֵי לָא רַעֲוָא קֳדָמַי לְקַבָלָא צְלוֹתָך׃
07:17 )1( [ai]הְלֵית/הְלָא#3#/ אַת חָזֵי מָא דְאִינוּן עָבְדִין בְקִרוַיָא דְבֵית יְהוּדָה וֻבשוּקֵי יְרוּשלַם׃
07:18 )1( [ai]בְנַיָא/#3#/ מְלַקְטִין אָעַיָא/אעא#3#/ וַאֲבָהָתָא/ואבהתן#3#/ מַדלְקִין יָת נוּרָא וֻנשַיָא לָיְשָן לֵישָא/לְיָשָא#2#/ית לישא#3#/ לְמַעֲבַד כַרדוֹטִין לְכוֹכְבָת שְמַיָא וֻלנַסָכָא נִסכִין לְטָעֲוָת עַמְמַיָא בְדִיל לְאַרגָזָא קֳדָמַי׃
07:19 )1( [ai]הַמְדַמַן דִקדָמַי אִנוּן/דאינון#3#/ מַרגְזִין אֲמַר יוי הֲלָא לְאַבאָשָא לְהוֹן בְדִיל דְיִבַהתוּן בְעוּבָדֵיהוֹן׃
07:20 )1( [ai]בְכֵין כִדְנָן אֲמַר יוי אֲלֹהִים הָא רוּגזִי וְחִמתִי חָל בְאַתרָא/על אתרא#3#/ הַדֵין עַל אֲנָשָא וְעַל בְעִירָא וְעַל אִילָן חַקלָא וְעַל אִיבָא דְאַרעָא וִישֵיצֵי וְלָא יְהֵי חֲיָס׃
07:21 )1( [ai]כִדְנָן אֲמַר יוי צְבָאוֹת אֲלָהָא דְיִשרָאֵל עֲלָוָתְכוֹן אוֹסִיפוּ עַל נִכסַת קֻדשֵיכוֹן וַאֲכוּלוּ בִשׂרַא׃
07:22 )1( [ai]אֲרֵי/#3#/ לָא מַלֵילִית עִם אֲבָהָתְכוֹן וְלָא פַקֵידתִינוּן בְיוֹמָא דְאַפֵיקִית יָתְהוֹן/יתכון#3#/ מֵאַרעָא דְמִצרָיִם עַל עִסקֵי עֲלָוָן וְנִכסַת קֻדשִין׃
07:23 )1( [ai]אֲלָהִין יָת פִתגָמָא הָדֵין פַקֵידִית יָתְהוֹן/יתכון#3#/ לְמֵימַר קַבִילוּ לְמֵימְרִי וְאַהוֵי לְכוֹן לַאֲלָה/לאלהא#3#/ וְאַתוּן תְהוֹן קֳדָמַי לְעַם וֻתהָכוּן בְכָל אוֹרחָא דַאֲפַקֵיד יָתְכוֹן בְדִיל דְיִיטַב לְכוֹן׃
07:24 )1( [ai]וְלָא קַבִילוּ/שמעו#3#/ וְלָא אַרכִינוּ יָת אֻדנְהוֹן וְהַלִיכוּ/ואזלו#3#/ בְעֵיצָתְהוֹן בְהַרהוּר לִבְהוֹן בִישַא וְאַחזַרוּ בְפֻלחָנִי קְדָל וְלָא שָוִיאוּ דַחלְתִי לָקֳבֵיל אַפֵיהוֹן׃
07:25 )1( [ai]לְמִן יוֹמָא דִנפַקוּ אֲבָהָתְכוֹן מֵאַרעָא דְמִצרַיִם עַד יוֹמָא הָדֵין וֻשלַחִית לְוָתְכוֹן יָת כָל עַבדַי נְבִיַיָא בְכָל/#3#/ יוֹם מַקדֵים וֻמַשלַח׃
07:26 )1( [ai]וְלָא קַבִילוּ לְמֵימְרִי וְלָא אַרכִינוּ יָת אֻדנְהוֹן וְאַקשִיאוּ יָת קְדָלְהוֹן אַבאִישוּ מֵאֲבָהָתְהוֹן׃
07:27 )1( [ai]וֻתמַלֵיל עִמהוֹן יָת כָל/#3#/ פִתגָמַיָא הָאִלֵין וְלַא יְקַבְלוּן מִנָך וְתִתנַבֵי לְהוֹן וְלָא יָתִיבוּנָך׃
07:28 )1( [ai]וְתֵימַר לְהוֹן דֵין עַמָא דְלָא שְמַעוּ/קבילו#3#/ לְמֵימְרָא דַיוי אַלָהֲהוֹן וְלָא קַבִילוּ אֻלפָן פְסַקַת הֵימָנוּתָא וְאִתמְנַעַת מִפוּמְהוֹן׃
07:29 )1( [ai]תַלִישִי עַל רַברְבַך דִגלוֹ וְטוּלִי עַל נִגדִין אִליָא אֲרֵי רַחֵיק יוי וֻרטַש/ורטיש#3#/ יָת עַם/#3#/ דָרָא דַעֲבַרוּ עַל מֵימְרֵיה׃
07:30 )1( [ai]אֲרֵי עֲבַדוּ בְנֵי יְהוּדָה דְבִיש קֳדָמַי אֲמַר יוי שַוִיאוּ שִקוּצֵיהוֹן בְבֵיתָא דְאִתקְרִי שְמִי עֲלוֹהִי לְסַאָבוּתֵיה׃
07:31 )1( [ai]וֻבנוֹ <ית#3#> בָמַת תוֹפַת/תופא#3#/ דִבחִילַת בַר הִנוֹם לְאוֹקָדָא יָת בְנֵיהוֹן וְיָת בְנָתְהוֹן בְנוּרָא דְלָא פַקֵידִית בְאוֹרָיתִי וְלָא רַעֲוָא קֳדָמַי׃
07:32 )1( [ai]בְכֵין הָא יוֹמַיָא אָתַן אֲמַר יוי וְלָא יִתאֲמַר עוֹד תוֹפַת וְחִילַת בַר הִנוֹם אֲלָהֵין חִילַת קְטִילַיָא ויִקבְרוּן בְתוֹפַת מִבְלִי/מִדְלָא יְהֵי#2#/"מאין"#3#/ אֲתַר׃
07:33 )1( [ai]וֻתהֵי נְבֵילְתָא דְעַמָא הָדֵין מְשַגְרָא/מְשֻגְרָא#2#/ <לְמֵיכַל#3#> לְעוֹפָא דִשמַיָא וְלִבעִירָא דְאַרעָא וְלֵית דְמַנִיד׃
07:34 )1( [ai]וַאֲבַטֵיל מִקִרוַיָא דְבֵית יְהוּדָה וֻמִשוּקֵי יְרוּשלַם קָל בְיָע וְקָל חַדוָא קָל חַתנִין וְקָל כַלָן אֲרֵי לְחָרבָא תְהֵי אַרעָא׃

next chapter