← Back
The Comprehensive Aramaic Lexicon
← Return to the Text Browser
click on the file description for more information
51018: TgJ Ob

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

01:01 )1( [ai]נבוּאַת עוֹבַדיָה כִדנָן אֲמַר יוי אֲלֹהִים לַאֲדוֹם בְסוֹרַא/שמועה#3#/ שְמַענָא מִן קֳדָם יוי וְאִזגַד בְעַמְמַיָא שְלִיַח קוּמוּ וְנִתעַתַד עֲלַה לִקרָבָא׃
01:02 )1( [ai]הָא חַלָש יְהַבתָך <עשו רשיעא#3#> בְעַמְמַיָא בְסִיר אַת לַחדָא׃
01:03 )1( [ai]רֲשַע לִבָך אַטעֲיָך דְאַת דָמֵי לְנִשרָא דְשָרֵי בְשִנֵי כֵיפָא בְרוּמָא מוֹתְבֵיה אֲמַר בְלִבֵיה מַן יַחֲתִינַנִי לְאַרעָא׃
01:04 )1( [ai]אִם תְרִים כְנִשרָא וְאִם בֵינֵי כוֹכְבַיָא תְשַוֵי מְדוֹרָך מִתַמָן בְמֵימְרִי אַחֲתִינָך אֲמַר יוי׃
01:05 )1( [ai]אִם גַנָבִין אֲתוֹ עֲלָך אִם בָזוֹזֵי לֵיליָא אֵיכְדֵין הֲוֵיתָא דָמוּך עַד דִגנַבוּ מִסָתְהוֹן אִם חָטוֹפִין כְקָטוֹפִין אֲתוֹ עֲלָך הֲלָא מַשאֲרִין לָך עוֹלְלָן׃
01:06 )1( [ai]אֵיכְדֵין אִתבְלֵיש עֵשָו אִתגַלַיוּ מַטמוּרוֹהִי׃
01:07 )1( [ai]מִן תְחוּמָא אַגלְיוּך כָל אֲנָש קְיָמָך/שלמך#3#/ אַטעֲיוּך יְכִילוּ לָך אֲנָש שְלָמָך אָכְלֵי <לחם#3#> פָתוּרָך שַוִיאוּ תַקלָא תְחוֹתָך מִדְלֵית בָך סֻכלְתָנוּ׃
01:08 )1( [ai]הֲלָא בְעִדָנָא הַהוּא אֲמַר יוי וָאוֹבֵיד חַכִימִין מֵאַדוֹם וְכָל גְבַר דְבֵיה סוּכלְתָנוּתַא מִכַרכָא/מטורא#3#/ דְעֵשָו׃
01:09 )1( [ai]וְיִתַברוּן גִיבָרָך <יתבי#3#> דָרוֹמָא בְדִיל דְיִשתֵיצֵי גֻברָא דְבֵיה צוּרכָא מִכַרכָא <רבא#3#> דְעֵשָו מִקְטוֹל׃
01:10 )1( [ai]מֵחֲטוֹף/מחטוך#3#/ אֲחוּך יַעֲקֹב תִחפֵינָך בַהתָא וְתִשתֵיצֵי לְעָלַם׃
01:11 )1( [ai]בְיוֹם מְקָמָך מִקֳבֵיל בְיוֹמָא דְבַזוּ עַמְמַיָא נִכסוֹהִי וְנוּכרָאִין עָלוּ בְקִרווֹהִי וְעַל יְרוּשלַם רְמוֹ עַדבִין אַף אַת <עשו רשיעא חשיב#3#> כְחַד מִנְהוֹן׃
01:12 )1( [ai]וְדַחֲזֵיתָא בְיוֹמָא דַאֲחוּך בְיוֹם תְבָרֵיה וְדַחדִיתָא לִבנֵי יְהוּדָה בְיוֹם תְבָרְהוֹן וֻדאַסגִיתָא לְמַלָלָא רַברְבָן בְעִידָן/ביום#3#/ עָקָא׃
01:13 )1( [ai]דְעַלתָא בְתַרעֵי עַמִי בְיוֹם תְבָרְהוֹן דַחזִיתָא אַף אַת בְבִשתֵיה בְיוֹם תְבָרֵיה וֻדאוֹשֵיטתָא יְדָך בְנִכסוֹהִי בְיוֹם תְבָרֵיה׃
01:14 )1( [ai]וֻדקַמתָא עַל פִרקָא לְשֵיצָאָה יָת מְעָרְקוֹהִי וְדִמסַרתָא <ית#3#> מְשֵיזְבוֹהִי בְעִדָן עָקָא׃
01:15 )1( [ai]אֲרֵי קָרִיב יוֹמָא דַעֲתִיד לְמֵיתֵי מִן קֳדָם יוי עַל כָל עַמְמַיָא כְמָא דַעֲבַדתָא <כֵין#3#> יִתעֲבֵיד לָך גִמלָך יִתָתַב/יתוב#3#/ בְרֵישָך׃
01:16 )1( [ai]אֲרֵי כְמָא דַחדִיתוּן עַל מַחַת טוּרָא דְקוּדשִי <כֵין#3#> יִשתוֹן כַל עַמְמַיָא כַס פוֹרעָנוּתְהוֹן תְדִירָא וְיִשתוֹן וְיִסתַלעֲמוּן וִיהוֹן כִד לָא הֲווֹ׃
01:17 )1( [ai]וֻבטוּרָא דְצִיוֹן תְהֵי שֵיזָבָא וִיהוֹן קַדִישִין וְיַחסְנוּן/ויירתון#3#/ דְבֵית יַעֲקֹב נִכסֵי עַמְמַיָא דַהֲווֹ מַחסְנִין לְהוֹן׃
01:18 )1( [ai]וִיהוֹן דְבֵית יַעֲקֹב תַקִיפִין כְאִישָתָא וֻבֵית יוֹסֵף חַסִינִין כְשַלהָבִיתָא וֻבֵית עֵשָו חַלָשִין כְקַשָא וְיִשלְטוּן בְהוֹן וְיִקטְלוּנוּנון וְלָא יְהֵי שֵיזָבָא לְבֵית עֵשָו אֲרֵי בְמֵימְרָא דַיוי גְזִיר כֵין׃
01:19 )1( [ai]וְיַחסְנוּן יָתְבֵי דָרוֹמָא יָת כַרכָא דְעֵשָו וְיָתְבֵי שָפֵילתָא יָת אֲרַע פְלִשתָאֵי וְיַחסְנוּן יָת <קִרוֵי#2#> אַפרַיִם וְיָת קִרוֵי שוֹמְרוֹן וֻדבֵית בִניָמִין יַחסְנוּן יָת קִרוֵי יָתְבֵי אֲרַע גִלעָד׃
01:20 )1( [ai]וְגָלוּת עַמָא הָדֵין לִבנֵי יִשרָאֵל \דִבאֲרַע כְנַעֲנָאָה /יחסנון ית ארע כנען#3#/ עַד צָרְפַת וְגָלוּת יְרוּשלַם דְבִספָמיָא יַחסְנוּן יָת קִרוֵי אֲרַע דָרוֹמָא׃
01:21 )1( [ai]וְיִסְקוּן מְשֵיזְבִין בְטוּרָא דְצִיוֹן לִמדָן יָת כַרכָא <רבא#3#> דְעֵשָו וְתִתגְלֵי מַלכוּתָא דַיוי <בקריב#3#> עַל כָל יָתְבֵי אַרעָא <ותהי מלכותא דייי קים לעלם ולעלמי עלמיא#3#>׃