← Back
The Comprehensive Aramaic Lexicon
← Return to the Text Browser
click on the file description for more information
51019: TgJ Jonah

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

01:01 )1( [ai]וַהֲוָה פִתגָם נְבוּאָה מִן קֳדָם יוי עִם יוֹנָה בַר אֲמִתַי לְמֵימַר׃
01:02 )1( [ai]קוּם אִיזֵיל לְנִינְוֵיה קַרתָא רַבְתָא וְאִתנַבִי עֲלַה אֲרֵי סְלֵיקַת בִישָתְהוֹן לִקדָמִי׃
01:03 )1( [ai]וְקָם יוֹנָה לְמִערַק לְיַמָא מִן קֳדָם דְיִתנַבֵי בִשמָא דַיוי וֻנחַת לְיָפוֹ וְאַשכַח אִלפָא דְאָזְלָא בְיַמָא וִיהַב אַגרַה וֻנחַת בַה לְמֵיזַל/לְמֵיעַל#2#/ עִמְהוֹן בְיַמָא/לְיַמָא#2#/ מִן קֳדָם דְיִתנַבֵי בִשמַא דַיוי׃
01:04 )1( [ai]וַיוי אֲרֵים רוּחַ רַב/#2#/ עַל יַמָא וַהֲוָה נַחשוֹל רַב בְיַמָא וְאִלפָא בָעיָא לְאִיתְבָרָא׃
01:05 )1( [ai]וֻדחִילוּ סַפָנַיָא וֻבעוֹ גְבַר מִן דַחלְתֵיה וַחֲזוֹ אֲרֵי לֵית בְהוֹן צְרוֹך וֻרמוֹ יָת מָנַיָא דְאִלפָא לְיַמָא לְאָקָלָא מִנְהוֹן <מעליהון#3#> וְיוֹנָה נְחַת לְאַרעִית שִדָא דִבאִלפָא וֻשכֵיב וֻדמוּך׃
01:06 )1( [ai]וֻקרֵיב לְוָתֵיה רַב סַפָנַיָא וַאֲמַר לֵיה מָא אַת/לך#3#/ דָמוּך קוּם צַלִי קֳדָם אֲלָהָך מָא אִם יִתרַחַם מִן קֳדָם יוי עֲלַנָא וְלָא נֵיבַד׃
01:07 )1( [ai]וַאֲמַרוּ גְבַר לְחַברֵיה אֵיתוֹ וְנִרמֵי עַדבִין וְנִידַע בְדִיל מַן בִשתָא הָדָא לַנָא וֻרמוֹ עַדבִין וֻנפַל עַדבָא עַל יוֹנָה׃
01:08 )1( [ai]וַאֲמַרוּ לֵיה חַוִי כְעַן לַנָא בְדִיל מַן/מָא#2#/ בִשתָא הָדָא לַנָא מָא עֲבִידְתָך וֻמנָן אַת אָתֵי אֵידָא/ומה#3#/ הִיא מְדִינְתָך וְאֵי מִדֵין עַמָא אַת׃
01:09 )1( [ai]וַאֲמַר לְהוֹן יְהוּדָאָה אֲנָא וֻמִן קֳדָם יוי אֲלָהָא דִשמַיָא אֲנָא דָחֵיל דַעֲבַד יָת יַמָא וְיָת יַבַשתָא׃
01:10 )1( [ai]וֻדחִילוּ גֻברַיָא דַחלָא רַבָא וַאֲמַרוּ לֵיה מָא דָא עֲבַדתָא אֲרֵי יְדַעוּ גֻברַיָא אֲרֵי מִן קֳדָם דְיִתנַבֵי בִשמָא דַיוי הוּא עָרִיק אֲרֵי חַוִי לְהוֹן׃
01:11 )1( [ai]וַאֲמַרוּ לֵיה מָא נַעֲבֵיד לָך וִינוּחַ יַמָא מִנַנָא אֲרֵי יַמָא אָזֵיל וְנַחשוֹלֵיה תַקִיף׃
01:12 )1( [ai]וַאֲמַר לְהוֹן סַבוּנִי וֻרמוּנִי לְיַמָא וִינוּחַ יַמָא מִנְכוֹן <מעליכון#3#> אֲרֵי יָדַע אֲנָא אֲרֵי בְדִילִי נַחשוֹלָא רַבָא הָדֵין עֲלֵיכוֹן׃
01:13 )1( [ai]וְשָיְטִין גֻברַיָא לְאָתָבָא/לנחתא#3#/ לְיַבַשתָא וְלַא יְכִילוּ/יָכְלִין#2#/ אֲרֵי יַמָא אָזֵיל וְנַחשוֹלֵיה תַקִיף עֲלֵיהוֹן׃
01:14 )1( [ai]וְצַלִיוּ קֳדָם יוי וַאֲמַרוּ קַבֵיל בָעוּתַנָא יוי לָא כְעַן נֵיבַד בְחוֹבַת נַפשֵיה דְגֻברָא הָדֵין וְלָא תִתֵין עֲלַנָא חוֹבַת דַם זַכַי אֲרֵי אַת <הוא#3#> יוי כְמָא דְרַעֲוָא קֳדָמָך עֲבַדתָא׃
01:15 )1( [ai]וֻנסִיבוּ/ונטלו#3#/ יָת יוֹנָה וֻרמוּהִי לְיַמָא וְנָח יַמָא מִנַחשוֹלֵיה׃
01:16 )1( [ai]וֻדחִילוּ גֻברַיָא דַחלָא רַבָא מִן קֳדָם יוי וַאֲמַרוּ לְדַבָחָא דֵיבַח קֳדָם יוי וְנַדַרוּ/ושלימו#3#/ נִדרִין׃

next chapter