The Comprehensive Aramaic Lexicon

032:001 [ai]	לדוד שכלא טבא/#1#/ אמר דוד טובוי \דמן שבקין /דבר נשא דשבקין#1#/ ליה מרודוי חפיין על חיטאוי׃
032:002 [ai]	\טב למשה בר עמרם /טובוהי דבר נשא#1#/ דלא חשיב ייי ליה עויין בדיל דלא הות ברוחיה נכלא׃
032:003 [ai]	מטול/ארום#1#/ דשתקית מן פתגמי אורייתא בליין גרמיי בנהמותי כולא יומא׃
032:004 [ai]	ארום יימם ולילי תקיפת/תוקפך#1#/ עלי מחתך איתהפיך רוטבי היך שרבא דקייטא לעלמא׃
032:005 [ai]	חובתי אודעינך ועויתי לא חפית אמרית אודי על מרודיי קדם ייי ואת/ואנת#1#/ שבקתא עויית חובי לעלמין׃
032:006 [ai]	מטול דא יצלי כל חסידא קדמך/לוותך#1#/ לעידן רעותיה לחוד לעידן דייתון עממין סגיאין היך מיא לותיה לא ימטון למבאשא/לאבאשא#1#/׃
032:007 [ai]	את/אנת#1#/ הוא ייי טמור לי ממעיקא/בסיטרך#1#/ תנטרינני ביעת שזבותא תחזרינני לעלמא׃
032:008 [ai]	אשכלינך ואליפינך באורחא דנן תהך אימלכינך ואישוי עלך לטבא עייני׃
032:009 [ai]	לא תהוון כסוסיא והיך כודנא דלית בהום ביונא בזממא ופרומביא תיקוניה לאיתחסמא כחדא לא יתקרב/יקרב#1#/ לותך׃
032:010 [ai]	סגיאין כיבין לרשיעא ודכלי/ודרחיץ#1#/ בייי טיבותא יחזריניה׃
032:011 [ai]	חדו במימרא דייי ובעו/ובועו#1#/ צדיקיא ושבחו כל תריצי לבא/רעיונא#1#/׃

next chapter