← Back
The Comprehensive Aramaic Lexicon
← Return to the Text Browser
click on the file description for more information
74701: NLI94503

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

1:01 ࡏࡎࡉࡓࡉࡀ ࡎࡄࡓࡉࡀ
1:02 ࡁࡀࡓࡀ ࡏࡎࡉࡓࡉࡀ
1:03 ࡃࡉࡅࡉࡀ ࡆࡉࡊࡓࡉࡀ
1:04 ࡄࡀࡓࡔࡉࡉࡀ ࡅࡏ
1:05 ࡎࡉࡓࡀ ࡋࡉࡋࡉࡀࡕࡀ ࡍ
1:06 ࡁࡔࡃࡃࡉࡀ ࡖࡐࡓ
1:07 ࡆࡋࡀ ࡅࡏࡎࡉࡓࡀ ࡋࡉࡋࡉࡀࡕࡀ
1:08 ࡁࡔࡅࡔࡋࡀࡕࡀ ࡖࡀ
1:09 ࡁࡔࡅࡌࡀࡉࡅࡍ ࡖࡄࡉࡉࡀ ࡓࡁࡉࡀ̊ ࡅࡁࡔࡅࡌࡇ ࡖࡌࡍࡃࡀ ࡖࡄࡉࡉࡀ ࡀࡎࡉࡀ ࡌࡀࡓࡀࡉࡅࡍ ࡖࡊࡅࡋࡄࡅࡍ ࡀࡎࡅࡀࡕࡀ ࡀࡎࡅࡕࡀ ࡅࡆࡀࡓࡆࡕࡀ ࡅࡄࡀࡕࡀࡌࡕࡀ ࡅࡍࡈࡓࡕࡀ ࡓࡁࡕࡉࡍ ࡖࡔࡓࡀࡓࡀ ࡕࡄࡅࡉࡋࡇ ࡅࡕࡏࡍࡀࡈࡓࡇ ࡋࡁࡀࡉࡕࡇ ࡅࡃࡅࡓࡇ ࡅࡄࡉࡊࡋࡇ ࡅࡁࡉࡍࡉࡀࡍࡇ
1:10 ࡅࡋࡆࡅࡇ ࡅࡋࡁࡍࡇ ࡆࡉࡊࡓࡉࡀ ࡅࡋࡁࡍࡀࡕࡇ ࡍࡅࡒࡁࡀࡕࡀ ࡅࡐࡂࡓࡇ ࡖࡌࡀࡄࡀࡍ ࡁࡓࡆࡀࡃࡅࡉࡀ ࡅࡆࡀࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡄࡓࡏࡆࡀࡂ ࡏࡎࡉࡓࡉࡀ ࡎࡄࡓࡉࡀ ࡁࡎࡃࡃࡉࡀ ࡖࡐࡓࡆࡋࡀ ࡅࡏࡎࡉࡓࡀ ࡋࡉࡋࡉࡀࡕࡀ ࡁࡔࡅࡔࡋࡀࡕࡀ ࡖࡀࡁࡀࡓࡀ ࡏࡎࡉࡓࡉࡀ ࡃࡉ̊ࡅࡉࡀ ࡆࡉࡊࡓࡉࡀ ࡄࡀࡓࡀࡔࡉࡀ
1:11 ࡅࡏࡎࡉࡓࡀ ࡋࡉࡋࡉࡀࡕࡀ ࡍࡅࡒࡁࡀࡕࡀ ࡄࡀࡓࡔࡀࡕࡀ ࡖࡌࡄࡀࡅࡉࡀࡋࡅࡍ ࡄࡉ̊ࡋࡌࡉࡀ ࡎࡀࡉࡍࡉࡀ ࡅࡃࡀࡌࡅࡀࡕࡀ ࡎࡀࡉࡍࡀࡕࡀ ࡋࡁࡍࡉࡀ ࡀࡍࡀࡔ[ࡀ ࡅࡋࡁࡍࡇ] ࡖࡀࡃࡀ̊ࡌ̊ ࡅ̊ࡌ̊ࡈࡀࡍࡐࡋࡅࡍ ࡅࡌࡀࡒࡌࡉࡋࡅࡍ ࡁࡀࡓࡐࡉࡋࡉࡀ ࡓࡅ̊ࡓ̊ࡁࡀࡕ̊ࡀ ࡖࡄࡉࡔࡅࡊࡀ ࡏࡎࡉࡓࡉࡀ ࡊࡅࡋࡄࡉࡍ ࡓ̊ࡅ̊ࡄࡉࡀ ࡁࡉࡔ̊ࡀࡕࡀ ࡀࡒࡀࡕ̊ࡀ ࡑࡄࡍࡀ̊ࡕࡀ
1:12 ࡅࡆࡉࡐࡓࡀࡍ̊ࡉࡀࡕࡀ ࡖࡓࡏࡔࡀࡉࡄࡉࡍ ࡋࡍࡏࡔࡒࡋࡀ ࡅࡂࡏࡋࡉࡀ ࡐࡓࡑࡅࡐࡉࡍ ࡋࡍࡏࡃࡀࡋࡉࡀ ࡅࡋࡁࡉࡔ ࡋࡍࡏࡎࡊࡀࡍࡇ ࡋࡐࡂࡓࡇ ࡅࡁࡀࡉࡕࡇ ࡅࡋ̊ࡆ̊ࡅࡇ̊ ࡅࡋࡁࡍࡇ ࡅࡋࡁࡍࡀࡕࡇ̊ ࡖࡌ̊ࡀࡄࡀࡍ ࡁࡓࡆࡀࡃࡅࡉࡀ ࡅࡋࡆࡀࡅࡇ ࡌࡀࡁࡅࡓࡆࡀࡒ ࡐ̊ࡕ ࡅࡁࡀࡄࡓࡏࡆࡀࡂ ࡅࡋࡁࡍࡀࡉࡅࡍ ࡆࡉࡊࡓࡉࡀ ࡅࡋࡁࡍࡀࡕࡅࡍ ࡍࡅࡒࡁࡀࡕࡀ ࡏࡎࡉࡓ
1:13 ࡅࡄࡕࡉࡌ ࡐࡂࡓࡇ ࡅࡁࡀࡉࡕࡇ ࡅࡆࡀࡅࡇ ࡅࡁࡍࡇ ࡅࡁࡍࡀࡕࡇ ࡖࡌࡀࡄࡀࡍ ࡁࡓ ࡆࡀࡃࡅࡉࡀ ࡅࡃࡆࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡀࡄࡓࡏࡆࡀࡂ ࡌࡍ ࡉࡀࡌࡉࡍ̊ࡅ̊ࡍ ࡋࡎ̊ࡌ̊ࡀ̊ࡋࡅࡍ ࡅ̊ࡌ̊ࡉࡍ̊ ࡎࡌ̊ࡀ̊ࡋࡅࡍ ࡋࡉࡀࡌࡉࡍࡅࡍ ࡅࡌࡉࡍ ࡆࡉࡌࡕࡀ ࡖࡓࡏࡔࡀ̊ࡉࡅࡍ ࡅࡀࡋࡌࡀ ࡋࡈࡅࡐࡓࡉࡀ ࡖࡋࡏࡂࡓࡀࡉࡅࡍ ࡅࡌࡉࡍ ࡈࡅࡐࡓࡉࡀ ࡖࡋࡏࡂࡓ[ࡀ]ࡉࡅࡍ
1:14 ࡅࡀࡋࡌࡀ ࡋࡆࡉࡌࡕࡀ ࡖࡓࡏࡔࡀࡉࡅࡍ ࡀࡌࡉࡍ ࡀࡌࡉࡍ ࡎࡀࡋࡀ ࡕࡄࡅࡉࡋࡇ ࡀࡎࡅࡕࡀ ࡅࡆࡀࡓࡆࡕࡀ ࡅࡄࡀࡕࡀࡌࡕࡀ ࡋࡐࡂࡓࡇ ࡅࡁࡀࡉࡕࡇ ࡅࡋࡆࡅࡇ ࡅࡋࡁࡍࡇ ࡅࡋࡁࡍࡀࡕࡇ ࡖࡌࡀࡄࡀࡍ ࡁࡓࡆࡀࡃ̊[ࡅ]ࡉࡀ [ࡅ]ࡋࡆࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡄ̊ࡓࡏࡆࡀࡂ ࡄࡉࡉࡀ ࡆࡀࡊࡉࡍ > ࡀࡆࡀࡈ ࡔࡅࡌ̊ࡉࡊ ࡅࡀࡓࡅࡀࡆࡀࡈ ࡒࡀࡓࡉࡋࡉࡊ ࡆࡅࡈࡀࡓࡕࡉࡀ ࡖࡀࡄࡀ
1:15 ࡅࡃࡀࡄࡅࡀࡕࡀ ࡅࡒࡀࡔࡉࡔࡕࡀ ࡖࡏࡎࡕࡓࡀࡕࡀ ࡍࡅࡒࡁࡀࡕࡀ ࡌࡏࡃࡊࡀࡓ ࡃࡊࡏࡓࡉࡕ ࡏࡅ ࡉࡀࡃࡊࡅࡓࡉࡀ ࡉࡀࡃࡊࡓࡉࡊ ࡗ ࡔࡀࡌࡉࡔ ࡕࡀࡂࡀ ࡋࡂࡀࡈ ࡅࡌࡋࡊࡅࡕࡀ ࡒࡀࡁ̊ࡉࡋ ࡕࡋ[ࡀࡕ]ࡌ̊ࡀ̊ ࡅ̊ࡔ̊ࡏࡕ[ࡉ]ࡍ ࡅ̊ࡄ̊ࡀࡃ ࡔࡍࡉࡀ ࡀࡊࡀࡋ ࡅࡄࡀࡉࡆࡀࡊ ࡌࡍ ࡁࡀࡉࡕࡇ ࡀࡐࡒࡅࡉࡀ ࡄࡀࡉࡆࡀࡊ ࡀࡍࡀࡕ ࡋࡉࡋࡉࡕࡀ ࡕࡀࡂࡀ ࡋࡂࡀࡕ ࡅࡌࡀࡋࡊࡅࡕࡀ ࡒࡀࡁࡉࡋࡕ
1:16 ࡕࡋࡀࡕࡌ̊ࡀ ࡅࡔࡏࡕࡉࡍ ࡅࡄࡀࡃ ࡔࡍࡉࡀ ࡀࡊࡋࡉࡕ ࡅࡄࡀࡉࡆࡀࡊ ࡀࡍࡀࡕ ࡋࡉࡋࡉࡕࡀ ࡌࡍ ࡁࡀࡉࡕࡉࡊ ࡀࡐࡒࡅࡊ ࡅࡀ{ࡎ}<ࡕ>ࡍࡀࡋࡉࡊ ࡒࡅࡐࡕࡉࡊ ࡏࡋ ࡓࡉࡔࡉࡊ ࡅࡒࡅࡐࡀࡕ ࡋࡅࡃࡍࡉࡊ ࡏࡋ ࡓ̊ࡉ̊ࡔ̊ ࡌ̊ࡋ̊ࡅࡂࡉࡊ ࡅࡌࡂࡏࡋ̊ࡀ̊ࡋࡉࡕ ࡀࡐࡒࡅࡊ ࡌࡍ ࡀࡓࡒࡀ ࡖࡌࡉࡑࡓࡀࡉࡉࡇ ࡅࡀࡌࡓࡉࡕ ࡀࡍ̊ࡀ ࡄࡏࡉࡀ ࡋࡉࡋࡉࡕࡀ ࡖࡄࡈࡉࡕࡉ̊ࡁࡅࡍ ࡁࡁࡍࡉࡀ ࡀࡍࡀࡔࡀ ࡅࡁࡁࡍࡇ ࡖࡌࡀࡄࡀࡍ
1:17 ࡁࡓࡆࡀࡃࡅࡉࡀ ࡅࡁࡆࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡄࡓࡏࡆࡀࡂ ࡎࡃࡉࡌࡉࡕ ࡅࡄࡃࡉࡌࡉࡕ ࡅࡌࡁࡀࡈࡋࡉࡕ ࡅࡌࡀ̊ࡆ̊ࡉ̊ࡄࡉࡕ ࡌࡍ ࡐࡂࡓࡇ ࡅࡁࡀࡉࡕࡇ ࡅࡌ̊ࡉࡍ ࡆࡀࡅࡇ ࡅࡌࡉࡍ ࡁࡍࡇ ࡆࡉࡊࡓࡉࡀ ࡅࡌ̊[ࡉࡍ] ࡁ̊ࡍ̊ࡀ̊ࡕࡇ ࡍࡅࡒࡁ̊ࡀ̊ࡕ̊ࡀ̊ ࡖࡌࡀࡄࡀࡍ ࡁࡓࡆࡀࡃࡅࡉࡀ ࡅࡆࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡀࡄࡓࡏࡆࡀࡂ ࡎࡃࡉࡌࡉࡀ ࡅࡄࡓࡉࡌࡉࡀ ࡓࡀࡆࡉࡀ ࡖࡁࡐࡅࡌࡉࡊ ࡐࡊࡏࡓࡀ ࡏࡉࡃࡉࡊ ࡋࡏࡄࡅࡓࡉࡀ ࡂࡀࡍࡁࡉࡊ
1:18 ࡅࡋࡏࡂࡓࡉࡊ ࡁࡀࡁࡒࡀࡕࡀ ࡖࡐࡀࡓࡆࡋࡀ ࡂࡁࡉࡁࡀ ࡒࡅࡌࡕࡉࡊ ࡌࡍ ࡄࡀࡆࡉࡍ ࡐࡂࡓࡀ ࡅࡁࡀࡉࡕࡀ ࡖࡌࡀࡄࡀࡍ ࡁࡓ ࡆࡀࡃࡅࡉࡀ ࡅࡆࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡀࡄࡓ̊ࡏࡆࡀࡂ ࡎࡃࡉࡌࡉࡀ ࡅࡌࡀࡊ̊ࡓ̊ࡀࡊ̊ ࡏ̊ࡋ̊ࡉ̊ࡊ ࡄ̊ࡀ̊ࡁ̊[ࡋ]ࡀ̊ ࡖࡐࡓࡆࡋࡀ ࡏࡎ̊ࡅ̊ࡓ̊ࡉ̊ࡊ̊ ࡁ̊ࡄࡀࡋࡉࡍ ࡅࡁࡄࡀࡍࡉࡊ ࡓࡀࡆࡉࡀ ࡖࡀࡁࡀ ࡄࡀࡉࡀ ࡖࡀࡁࡀࡄࡀࡕࡉࡊ ࡒࡃࡌࡀࡉࡉࡇ ࡁࡂࡀࡅࡀࡉࡅࡍ ࡏࡎࡉࡓࡉࡀ ࡅࡏࡕ̊ࡎࡀࡓ̊ ࡀࡍࡀࡕ̊ ࡋࡉ̊ࡋ̊ࡉࡕࡀ ࡌࡍ ࡄ̊ࡀࡆࡉࡍ ࡐࡂࡓࡀ ࡅࡁࡀࡉࡕࡀ̊
1:19 ࡅࡌࡉࡍ ࡆࡀࡅࡇ ࡅࡁࡍࡇ ࡅࡁࡍࡀࡕࡇ ࡖࡌࡀࡄࡀࡍ ࡁࡓ ࡆࡀࡃࡅࡉࡀ ࡅࡌࡉࡍ ࡆࡅࡇ ࡌࡀࡁࡅࡓࡆࡀࡒ ࡐࡕ ࡅࡁࡀࡄࡓࡏࡆࡀࡂ ࡅࡌࡉࡍ ࡁࡍࡀ ࡆࡉࡊࡓࡉࡀ ࡅࡌࡉࡍ ࡁࡍࡀࡕࡀ ࡍࡅࡒࡁࡀ̊ࡕ̊ࡀ ࡅ̊ࡏࡎࡅࡓࡉࡊ ࡋࡀࡋࡀࡌ ࡀࡋࡌࡉࡀ ࡋࡍࡏࡔ̊ࡕࡓࡉࡀ ࡅࡄ̊ࡉ̊ࡉࡀ ࡆࡀࡊࡉࡍ > ࡏࡋ ࡀࡌࡋࡀ ࡖࡍࡄࡀࡔࡀ ࡅࡐࡓࡆࡉࡋ ࡂࡍࡉࡍࡀ ࡔࡀࡌࡀࡍࡀ ࡒࡀࡋࡇ ࡖࡌࡋࡉࡊ ࡌࡋࡀࡊࡉࡀ ࡖࡏࡋ ࡁࡀࡁ̊ࡀ ࡖࡀࡓࡒࡀ ࡖࡍࡄࡅࡓࡀ ࡒࡀࡉࡌࡍࡀ ࡀࡍࡀ ࡄࡅ ࡂࡁࡓࡀ ࡈࡀࡁࡀ ࡖࡌࡔࡀࡋࡀࡈ̊ ࡏࡋ
1:20 ࡔࡏࡕࡉࡍ ࡅࡔࡏࡉࡕ ࡔࡊࡉࡍࡀࡕࡀ ࡖࡍࡄࡅࡓࡀ ࡖࡏࡎࡕࡊࡉࡕ ࡏࡎࡕࡊࡉࡕ ࡅࡄࡉࡆࡉࡕࡉࡍࡅࡍ ࡋࡎࡄࡓࡉࡀ ࡅࡋࡃ[ࡉ]ࡅ̊ࡉ̊ࡀ ࡖࡉࡀࡕࡁࡉࡀ ࡁࡀࡓࡁࡉࡀ ࡆࡀࡅࡉࡀࡕࡇ ࡖࡁࡀࡉࡕࡀ ࡅࡀࡌࡓ̊ࡍࡀࡋࡅࡍ ࡏࡎࡉࡓࡉࡀ ࡎࡄࡓࡉ̊ࡀ̊ ࡅࡃࡉࡅࡉࡀ̊ ࡏࡋࡀ̊ࡉ̊ࡉ̊ࡇ ࡅࡌࡉࡑࡀࡉࡉࡇ ࡅࡕࡅࡕࡀࡉࡉࡇ ࡅࡓࡅࡄ̊ ࡄࡀࡓࡔࡉࡀ ࡖࡆࡀࡍࡉࡀ ࡅࡌࡆࡀࡍࡉࡀ ࡏࡎࡉࡓࡉࡀ ࡃࡉࡅࡉࡀ ࡖࡁࡊࡀࡅࡉ̊ࡀ ࡉࡀࡕࡁࡉࡀ ࡏࡎࡉࡓࡉࡀ ࡃࡉࡅࡉࡀ ࡖࡔࡅࡃࡀ ࡋࡍࡀࡎࡁࡉࡀ ࡅࡒࡅࡓࡁ̊ࡀࡍࡀ ࡋࡌࡒ̊ࡀ̊ࡁࡋࡉࡀ ࡏࡎࡉࡓ ࡁࡀࡉࡕࡀ ࡅࡊࡀࡅࡇ
1:21 ࡏࡎࡉࡓࡉࡀ ࡌࡋࡀࡊࡉࡀ ࡖࡊࡏࡎࡉࡀ ࡖࡀࡋࡌࡀ ࡄࡀࡆࡉࡍ ࡏࡎࡉࡓ ࡁࡉࡆࡁࡀࡈ ࡀࡁࡅࡄࡅࡍ ࡖࡌࡋࡀࡊࡉࡀ ࡏࡎࡉࡓ ࡆࡀࡉࡍ̊ࡇ ࡅࡕࡅࡒࡐࡇ ࡌࡍ ࡐࡂࡓࡇ ࡅࡁࡀࡉࡕࡇ ࡅࡃࡀࡅࡓࡇ ࡖࡌࡀࡄࡀࡍ ࡁࡓࡆࡀࡃࡅࡉࡀ ࡅࡌࡉࡍ ࡌࡀࡁࡅࡓࡆࡀࡒ̊ ࡐࡕ ࡅࡁ̊ࡀ̊ࡄࡓࡏࡆࡀࡂ ࡆ[ࡅ]ࡇ ࡏࡎ̊ࡉ̊ࡓࡀ ࡏࡉࡃࡇ ࡖࡌࡀࡓࡉࡀ ࡁࡓࡀࡆࡀ ࡅࡐࡀࡓࡆࡋࡀ ࡏࡎࡉࡓ {ࡒࡉࡓ} ࡒࡉࡓࡎࡇ [ࡅ]ࡌࡀࡄࡓࡇ ࡖࡌࡀࡄࡀࡍ ࡁࡓࡆࡀࡃࡅࡉࡀ ࡅࡆࡅࡇ ࡅࡃࡁࡍࡇ ࡅࡁ̊ࡍࡀ̊ࡕ̊ࡇ̊ ࡌࡍ ࡒࡉࡃࡔࡀ ࡖࡍࡁࡅ ࡅࡏࡈࡀࡓ
1:22 ࡌࡍ ࡄࡅࡌࡓࡉࡕࡀ ࡖࡍࡁࡅ ࡏࡕࡂࡁࡉࡋ ࡏࡎࡉࡓ ࡐࡀࡋࡂࡀ ࡅࡐࡏࡂࡀ ࡏࡎࡉࡓ ࡉࡀࡄࡈࡀ ࡅࡆࡉࡒࡀ ࡏࡎࡉࡓࡀ ࡄࡅࡌࡓࡕ̊ࡀ ࡏࡎࡉࡓࡀ ࡓࡂࡉࡆࡕࡀ ࡏࡎࡉࡓࡀ ࡐࡓࡀࡍࡂࡅࡎ ࡏࡎࡉࡓࡀ ࡎࡀࡉࡍࡕࡉࡍ ࡅࡐࡕ ࡄࡀࡓࡉࡀ̊ ࡏࡎࡉࡓࡉࡀ ࡄࡀࡑࡁࡉࡀ ࡅࡐࡀࡎࡒ̊ࡉࡀ ࡏࡎࡉࡓࡀ ࡑ[..]ࡕ̊ࡀ ࡐࡅࡂࡃࡀࡕࡀ ࡑࡉࡐࡕࡀ ࡅࡒࡉࡔࡕࡀࡍࡏࡉࡕࡀ ࡏࡎࡉࡓ ࡌࡋࡀࡊࡀ ࡅࡐࡏࡈ̊[ࡉࡀࡓ]ࡀ̊ ࡖࡌࡀࡄ̊ࡉࡉࡀ ࡅࡔࡀࡒࡉࡐ ࡁࡏࡁࡓࡇ ࡖࡉࡀࡌࡉࡍࡇ ࡏࡋ ࡁࡀࡁࡇ ࡖࡍࡀࡅࡎࡀ ࡅࡁࡏࡁࡓࡇ ࡖࡎࡌࡀࡋࡇ
1:23 ࡏࡋ ࡁࡍࡇ ࡖࡀࡃࡀࡌ ࡌࡏࡃࡊࡀࡓ ࡃࡊࡏࡓࡀࡕ ࡏࡅ ࡉࡀࡃࡊࡅࡓࡉࡀ ࡉࡀࡃࡊࡓࡀࡊ ࡃࡅࡊࡓࡀࡍࡉࡀ̊ ࡁࡉࡔࡉࡀ ࡋࡀࡊ ࡍࡄࡅࡋࡀࡊ ࡀࡔࡓࡕ ࡁࡓ ࡁ[ࡉ]ࡋ ࡏࡎࡉࡓ ࡅࡄࡕࡉࡌ {ࡄࡀࡆࡉࡊ} ࡄࡀࡆࡉࡍ ࡊࡀࡎࡀ ࡋࡁࡉࡕࡇ ࡅࡃࡅࡓࡇ ࡖࡌࡀࡄࡀࡍ ࡁࡓ ࡆࡀࡃࡅࡉࡀ̊ ࡁࡀࡎࡀࡓࡀ ࡖࡊࡅࡔࡈࡀ ࡅࡌࡋࡀࡋࡀ ࡓࡁࡀ ࡖࡄࡉࡉࡀ ࡒࡃࡌࡀࡉࡉࡇ ࡍࡏࡕࡎࡀࡓ ࡒࡉࡓࡎࡇ ࡅࡌࡀࡄࡓࡇ ࡖࡌࡀࡄࡀࡍ ࡁࡓࡆࡀࡃࡅࡉࡀ ࡅࡃࡆࡅࡇ ࡌࡀࡁࡅࡓࡆࡀࡒ ࡐࡕ {ࡐ} ࡅࡁࡀࡄࡓࡏࡆࡀࡂ ࡋࡀࡋࡀࡌ
1:24 ࡀࡋࡌࡉࡀ ࡋࡍࡀࡎࡉࡉࡋࡁࡅࡍ ࡅࡋࡍࡏࡄ̊ࡈࡉ̊ࡁࡅࡍ ࡀࡓࡂࡅࡔ ࡅࡌࡀࡓࡂࡅࡔ ࡁࡄࡀࡆࡉࡍ ࡐࡂࡓ̊ࡀ ࡅ̊ࡁࡉࡕࡀ ࡖ[ࡌࡀ]ࡄࡀࡍ ࡁࡓࡆࡀ[ࡃࡅ]ࡉ[ࡀ ࡅࡃࡆࡅࡇ] ࡌ̊[ࡀࡁࡅࡓࡆࡀ]ࡒ̊ ࡐ[ࡕ ࡅ]ࡁࡄࡓࡏࡆࡀࡂ ࡋࡍࡏ̊ࡄࡅࡉࡁࡇ ࡅࡄࡉࡉࡀ ࡆࡀࡊࡉࡍ > ࡌࡍ ࡌࡀࡓࡁࡀ ࡀࡕࡉࡍࡀ ࡋࡌࡀࡃࡍࡀ ࡀࡆࡉࡋࡍࡀ ࡀࡍࡀࡄࡅ ࡓࡀࡁࡉࡀ ࡆࡓࡉࡆࡀ ࡖࡊࡅࡐࡀࡎ ࡐࡓࡆࡉࡋ ࡋࡁࡉࡔࡍࡀ ࡅࡄࡏࡌࡉࡀࡍࡀ ࡖࡐࡀࡓࡆࡋࡀ ࡁࡄࡀࡋࡑࡀࡉ ࡏࡎࡉࡓࡋࡉࡀ ࡌࡎࡀࡍࡉࡀ ࡖࡐࡓࡆࡋࡀ ࡁࡋࡉࡂࡓࡀࡉ ࡎࡉࡌࡉࡋ̊ࡉࡀ
1:25 ࡔࡅࡈࡀ ࡖࡐࡓࡆࡋࡀ ࡁࡏࡉࡃࡀࡉ ࡋࡂ̊ࡉ̊ࡈ̊[ࡍࡀ] ࡓࡀࡆࡀ ࡖࡔࡅࡌ̊ࡉ̊[ࡀ] ࡁࡏࡉࡃࡀ[ࡉ... ࡅࡐ]ࡀࡂࡀࡍࡀ ࡁ̊ࡍ̊ࡀࡋࡉࡀ ࡅࡁࡍࡏࡅࡋࡉࡀ ࡅࡁࡃࡉࡅࡉࡀ ࡅࡁࡁࡍࡉࡀ ࡏࡍࡂࡀࡓࡉࡀ ࡅࡁࡄࡅࡌࡓࡉࡀ ࡆࡀࡃࡍࡉࡀࡕࡀ ࡅࡁࡓࡅࡄ̊ࡉࡉࡀ ࡖࡔࡄࡒࡀ ࡅࡐࡀࡉࡒࡀ ࡅࡔࡀࡓࡉࡀ ࡏࡋ ࡁࡍࡉࡀ ࡀࡍࡀࡔࡀ ࡅࡌࡏࡄࡉࡆࡉࡀࡋࡅࡍ ࡁࡄࡀࡆࡉࡍ ࡔࡉࡕࡀ ࡌࡍ ࡊࡅࡋࡄࡉࡍ ࡔࡀࡉࡉࡇ ࡔࡅࡌ̊ࡀ̊ ࡖ[ࡄࡉࡉࡀ ࡀࡃࡊࡓࡉࡕ ࡏࡋ ...
1:26 // ࡀࡍ̊ࡀ ࡄࡅ [ࡄ]ࡋ̊ࡉ̊ࡑ [ࡆࡓࡉ]ࡆ̊ [...] ࡀࡋࡉࡐ ࡀࡋࡉࡐ ࡐࡓࡎࡉࡀ ࡋࡉࡀࡌࡉࡍࡇ ࡖࡌࡀࡄࡀࡍ ࡁࡓ ࡆࡀࡃࡅࡉࡀ ࡅࡓࡅࡁ̊ࡂࡀ̊ࡍ ࡓࡅࡁ̊ࡂ̊ࡀ̊ࡍ ࡐࡓࡎࡉࡀ ࡋࡎ[ࡌࡀࡋ]ࡇ ࡄࡉࡉࡀ ࡆࡀࡊࡉࡍ [...
1:27 ࡅࡓࡅࡄࡉࡉ̊ࡀ ࡅࡄࡅࡌࡓ[ࡉࡀ ...
1:28 [...] ࡄࡉࡉࡀ ࡆࡀࡊ[ࡉࡍ] >