The Comprehensive Aramaic Lexicon

034:01	ܩܘܪܒܢܐ ܕܝܢ ܒܫܒܬܐ ܐܘܿ ܒܚܕܒܫܒܐ ܒܠܚܘܕ ܢܗܼܘܐ܂ ܘܒܝܘܡܐ
034:02	ܕܨܘܡܐ܂ ܒܪܡܫܐ ܕܝܢ ܢܪܬܐ ܘܢܿܠܦ ܗܠܝܢ ܐܪܙܢܐܝܬ܂ ܘܠܗܿܢܘܿܢ ܕܒܿܩܐ
034:03	ܕܐܝܼܬ ܠܗܘܿܢ ܐܕܢ̈ܐ ܠܡܫܼܡܥ܂ ܐܢܕܝܢ ܒܟܘܪܗܢܐ ܕܦܓܪܐ ܢܗܼܘܐ܂ ܕܢܿܚܠܡ
034:04	ܢܦܫܗ ܩܠܝܠܐܝܬ ܢܐܨܦ܂ ܟܕ ܡܣܬܝܒܪ ܢܘܼܢ̈ܐ܂ ܘܐܡܝܼܢܐܝܬ ܡܢ ܚܡܪܐ ܗܘܿ
034:05	ܕܩܘܕܫܐ ܩܠܝܠ܂ ܐܝܟܢܐ ܕܠܐ ܡܛܠ ܗܝܿ ܕܢܿܓܣ ܐܦ ܬܒܛܠ ܥܕܬܐ܂
034:06	ܘܢܬܒܣܡܘܢ ܗܿܢܘܿܢ ܕܝܿܠܦܝܼܢ ܡܠܬܐ܀ ܟܕ ܡܿܠܦ ܕܝܢ ܒܥܕܬܐ܂ ܗܟܢܐ
034:07	ܢܡܿܠܠ ܙܗܝܼܪܐܝܼܬ܂ ܐܝܟ ܓܒܪܐ ܕܝܿܕܥ ܕܡܠܦܢܘܬܐ ܕܟܠܗܿ ܬܫܡܫܬܐ ܕܐܒܐ
034:08	ܕܟܠ܂ ܗܝܿ ܕܚܬܝܬܐܝܼܬ ܡܬܟܬܒܐ ܠܣܗܕܘܬܐ ܐܡܿܪ܂ ܘܟܠܗܝܢ ܗܠܝܢ ܢܐܡܪ܂
034:09	ܟܠܗܝܢ ܗܠܝܢ ܕܗܼܘ ܚܬܝܬܐܝܬ ܟܕ ܝܿܕܥ ܢܬܥܗܕ ܩܕܡܝܐ܂ ܐܢܓܝܪ ܗܘܼ ܗܠܝܢ
034:10	ܕܐܿܡܪ ܝܿܕܥ܂ ܠܗܠܝܢ ܙܿܕܩ ܠܗ ܕܢܣܒܪ܂ ܕܝܕܥܘ ܐܦ ܫܿܡܘ̈ܥܐ܂ ܘܥܡ ܟܠܗ
034:11	ܥܡܠܐ ܢܬܟܫܦ ܠܡܪܝܐ܂ ܐܝܟܢܐ ܕܦܐܪ̈ܐ ܕܪܘܼܚܐ ܩܕܝܫܐ ܬܥܒܕ ܡܠܬܗ
034:12	ܒܗܠܝܢ ܕܫܡܥܝܢ܀
034:13	ܒܛܟܣܐ ܕܝܢ ܘܒܝܼܕܥܬܐ ܟܠܡܕܡ ܢܥܒܕ܂ ܘܠܡܬܬܪ̈ܬܝܢܐ ܢܫܪܐ܂ ܟܕ
034:14	ܒܗܘ̈ܓܝܐ ܘܡܪ̈ܬܝܢܘܬܐ ܢܒܝܼ̈ܝܬܐ ܘܫ̈ܠܝܚܝܬܐ ܕܡ̈ܠܐ ܡ̈ܠܦܢܝܬܐ ܡܿܪܬܐ
034:15	ܠܗܘܿܢ܂ ܐܝܟܢܐ ܕܢܕܥܘܢ ܠܗܘܿ ܕܒܗ ܡܘܕܝܢ܂ ܠܡܗ̈ܝܡܢܐ ܕܝܢ ܢܿܠܦ ܐܪܙܢܐܝܼܬ܂
034:16	ܟܕ ܫܿܪܐ ܩܕܡܝܬ ܠܡܬܬܪ̈ܬܝܢܐ܂ ܘܡܢ ܒܬܪ ܡܠܦܢܘܼܬܐ ܐܪܙܢܝܬܐ ܢܩܿܪܒ܂
034:17	ܐܝܟܢܐ ܕܟܕ ܝܿܕܥܝܢ ܒܐܝܢܐ ܐܪܙܐ ܡܫܬܘܬܦܝܼܢ܂ ܥܡ ܕܚܠܬܐ ܢܩܪܒܘܢ܀
034:18	ܟ̄ܓ̄܂ ܢܩܪܒ ܕܝܢ ܒܫܒܬܐ܂ ܠܚ̈ܡܐ ܬܠܬܐ ܠܡܘܠܝܐ ܕܬܠܝܬܝܘܼܬܐ܂
034:19	ܠܡܘܼܠܝܐ ܕܝܢ ܕܐܘܢܓܠܝܘܢ܂ ܒܚܕܒܫܒܐ ܐܪܒܥܐ ܠܚܡ̈ܐ ܢܩܪܒ܀
034:20	ܚܠܦ ܗܝܿ ܕܛܥܼܐ ܥܡܐ ܥܬܝܼܩܐ܂ ܟܕ ܕܝܢ ܡܿܩܪܒ܂ ܢܗܘܐ ܦܪܝܼܣ ܦܪܣܐ
034:21	ܕܐܦ̈ܝ ܬܪܥܐ܂ ܘܠܓܘ ܡܢܗ ܢܩܿܪܒ ܥܡ ܩܫܝ̈ܫܐ ܘܡܫܡ̈ܫܢܐ܂ ܘܐܪ̈ܡܠܬܐ
034:22	ܩܢܘ̈ܢܝܬܐ܂ ܘܐܦܘܕ̈ܝܩܢܘܼ ܘܡܫܡ̈ܫܢܝܬܐ܂ ܘܩܿܪ̈ܘܝܐ܂ ‍{‍ܘ‍}‍ܗܠܝܢ ܕܐܝܼܬ ܠܗܘܿܢ