← Back
The Comprehensive Aramaic Lexicon
← Return to the Text Browser
click on the file description for more information
60422: Balai 6 : On approaching death

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

00:0 ܕܚܡܫܐܼ ܒܪ ܩܠܗܿ
01:1 ܡܟܝܠ ܐܫܬܒܗܪ ܕܐܝܓܘܢܝ ܐܫܿܬܠܡܼ܂
01:2 ܘܬܨܘܬܢܝ ܦܪܘܩܝ ܕܩܿܢܝܬ ܓܠܝܘܬܐܿ܂
01:3 ܕܠܐ ܥܿܨܝܬ ܦܘܩܕܢܟ
02:1 ܒܥܕܢ ܦܘܪܫܢܐ ܙܕܩ ܫܘܒܗܪܐܼ܂
02:2 ܕܠܐ ܐܝܬ ܬܘܟܠܢܐ ܥܕܡܐ ܠܥܘܢܕܢܐܼ܂
02:3 ܕܢܟܠܐ ܡܠܝܢ ܚ̈ܝܐ
03:1 ܟܠ ܝܘܡ̈ܝ ܚܝ̈ܝ ܒܩܢܛܐ ܡܗܠܟ ܗܿܘܝܬ܃
03:2 ܕܡܛܘܠ ܡܪ̈ܗܛܝ ܒܨܦܬܐ ܪܕܿܐ ܗܿܘܝܬܼ܂
03:3 ܡܟܝܠ ܦܫ ܩܢܛܐ
04:1 ܚܼܬܿܡܐ ܗܘ ܥܘܢܕܢܐ ܕܢܿܛܪ ܬܓܘܪܬܐܼ܂
04:2 ܕܡܩܿܒܠ ܪܗܛܐ ܘܡܿܫܠܼܡ ܓܘܥܠܢܐܼ܂
04:3 ܠܟܠܢܫܼ ܐܝܟ ܥܼܡܠܗ
05:1 ܡܬܚܒܠܝܢ ܦܓܪ̈ܐ ܘܡܬܢܛܪܝܢ ܥܼܡ̈ܠܐ܃
05:2 ܘܡܬܢܚܡܝܢ ܓܘܫ̈ܡܐ ܘܐܬܿܝܢ ܣܘܥܪ̈ܢܐܼ܂
05:3 ܘܡܢܗܘܢ ܦܘܪ̈ܥܢܐ
06:1 ܫܬܩ ܡܠܼܐ ܙܒܢܐ ܦܓܪܐ ܥܠ ܥܦܪܐܼ܂
06:2 ܘܐܝܟ ܕܒܼܛܠ ܙܘ̈ܥܘܗܝ ܠܐ ܡܬܛܥܝܢ ܥܼܡ̈ܠܘܗܝܼ܂
06:3 ܕܟܬܘܒܗܘܢ ܚܟܝܡ܂
07:1 ܣܥܪܢܢ ܘܛܥܝܢܢ ܘܐܢܬ ܢܿܛܪܬܼ ܕܝܠܼܢ܂
07:2 ܒܥܕܢ ܢܘܚܡܐ ܡܬܩܪܝܢ ܒܡܫܡܥܬܢ܂
07:3 ܥ̈ܒܿܕܐ ܕܦܠܚܢܢ
08:1 ܘܕܛܼܥܐ ܛܒ̈ܬܗ ܢܒ̈ܥܢ ܩܕܡ ܥܝܢ̈ܘܗܝܼ܂
08:2 ܘܛܘܒܘܗܝ ܡܐ ܕܚܼܙܐ ܕܠܐ ܥܒܪ ܠܛܒ̈ܬܗ
08:3 ܡܢܝܢ ܒܝ̈ܫܼܬܗ
09:1 ܒܥܠܡܐ ܩܿܢܛ ܗܿܘܝܬ ܕܐܬܢܐ ܠܟ ܥܼܡ̈ܠܝܼ܂
09:2 ܕܒܝܫܼܐ ܒ̈ܥܼܠܠܬܐ ܦܚ̈ܐ ܛܿܡܪ ܗܘܐܼ܂
09:3 ܦܿܠܛܬ ܡܢ ܢܫ̈ܒܘܗܝ
10:1 ܥܠ ܬܪܥܟ ܩܿܡܬ ܒܠܠܝܐ ܘܒܐܝܡܡܐܼ܂
10:2 ܕܢܣܿܝܬ ܕܠܐ ܫܿܪܝܼܬ ܡܓܢ ܠܢܩ̈ܘܫܐܿ܂
10:3 ܐܢ ܡܓܪܝܢ ܪܘܚܐ
11:1 ܠܡܐܐ ܫ̈ܢܝܢ ܚܝ̈ܝ ܒܐܓܪܐ ܡܛܘ ܥܡܟܼ܂
11:2 ܘܐܝܟ ܝܘܡܐ ܩܕܡܐ ܥܿܡܠܬ ܒܐܚܪܝܐܼ܂
11:3 ܕܠܟ ܐܣܓܐ ܐܫܦܪ
12:1 ܐܿܘܪܬ ܓܘܪܓܐ ܐܝܟ ܣܝܡܬܐ ܠܒ̈ܢܝܼ܂
12:2 ܕܢܩܢܘܢ ܡܪ̈ܗܛܐ ܕܒܝܘܡ ܥܘܢܕܢܐܿ܂
12:3 ܡܩܢܝܢ ܫܘܒܗܪܐ
13:1 ܫܡܥܬܟ ܦܪܘܩܐ ܘܢܿܛܪܬ ܦܘܩܕܢܟܼ܂
13:2 ܘܡܟܝܠ ܒܥܿܐ ܐܢܐ ܦܘ‍<‍ܪ‍>‍ܫ‍{‍ܪ‍}‍ܢܐ ܕܡܿܠܝܟ܂
13:3 ܠܟܐܢ̈ܐ ܕܢܩܦܘ ܠܟ
14:1 ܟܠܝܘܡ ܣܛܢܐ ܩܪ̈ܒܘܗܝ ܡܚܿܠܦ ܗܘܐ܃
14:2 ܒܣܟܪܐ ܕܗܝܡܢܘܬܝ ܓܐܪ̈ܘܗܝ ܡܘܪܥ ܗܿܘܝܬܼ܂
14:3 ܘܬܒܪܬ ܙܟܘܬܗ
15:1 ܠܐ ܥܿܒܕܬ ܪܓܬܝ ܒܫܪܝܢܝ ܫܪ̈ܝܬܐ܃
15:2 ܘܠܐ ܗܘܼܐ ܠܠܘܠܝܬܐ ܐܬܪܐ ܒܬܢܘܪܐܼ܂
15:3 ܕܟܘܪܟ ܢܣܟܗ ܠܝ
16:1 ܐܝܬܒ ܘܨܿܠܿܐ ܠܝ ܒܝܫܼܐ ܘܠܐ ܨܕܢܝܼ܂
16:2 ܘܚܙܢܝ ܘܟܼܪܝܬܿ ܠܗ ܕܠܐ ܣܡ ܒܦܠܚܟ܂
16:3 ܚܕܐ ܫܘܡܬܐ ܕܣܢܝܐ
17:1 ܥܒܿܪܬ ܒܝܬ ܢܟ̈ܠܘܗܝ ܘܠܐ ܥܪܩܠܘܢܝ ܢܫ̈ܒܘܗܝܼ܂
17:2 ܘܩܿܡܬ ܒܩܪ̈ܒܘܗܝܼ ܘܢܿܛܪܬ ܗܕܡ̈ܝ܂
17:3 ܡܢ ܣܘܪܛܬܐ ܕܓܐܪܗ
18:1 ܠܐ ܨܕܢܝ ܢܟܠܗ ܘܠܐ ܕܒܨܢܝ ܣܝܦܗܼ܂
18:2 ܕܫܿܬ ܒܝܬ ܦܚ̈ܘܗܝ ܘܥܒܿܪܬ ܒܝܬ ܓܐܪ̈ܘܗܝܼ܂
18:3 ܘܢܿܦܩܬ ܙܟܝܐ
19:1 ܠܟ ܚܕܘܬܐ ܒܥܘܢܕܢܝ ܕܢܿܛܪܬ ܩܢܘܡܝ ܕܟܝܐܼ܂
19:2 ܘܠܒܥܠܕܒܒܝ ܐܒܠܐ ܕܠܐ ܚܝܒܢܝ ܢܟܠܗ܂
19:3 ܘܠܐ ܐܚܣܪܢܝ ܓܐܪܗ
20:1 ܥܡܝ ܚܼܙܩܬܿ ܚܕܘܬܝ ܕܠܟ ܚܕܘܬܐ ܗܘ ܥܘܢܕܢܝܼ܂
20:2 ܘܕܡܥܩ ܒܥܠ ܪܕܐ ܛܒ ܪܘܙܐ ܬܪܥܝܬܝܿ܂
20:3 ܕܦܿܠܛܬ ܘܠܐ ܠܒܟܢܝ
21:1 ܫܒܩܬܢܝ ܥܡ ܒܝܼܫܐ ܕܐܥܒܕ ܬܟܬܘܫܐܼ܂
21:2 ܘܠܐ ܐܿܙܥܪܬ ܫܘܒܚܟ ܕܠܐ ܐܙܕܟܝ ܥܒܼܕܟ܂
21:3 ܡܢ ܣܢܐܐ ܕܩܘܫܬܟ
22:1 ܒܥܘܕܪܢܟ ܦܪܘܩܝ ܩܪܒܗ ܡܫܿܗܐ ܗܘܿܝܬܼ܂
22:2 ܘܟܠ ܝܘܡ ܡܿܩܼܪܒ ܗܘܐ ܘܟܠ ܝܘܡ ܒܗܿܬ ܗܘܐܼ܂
22:3 ܒܙܝܢܟ ܙܟܐ ܗܿܘܝܬ
23:1 ܠܐ ܙܟܢܝ ܒܩܪ̈ܒܘܗܝ ܕܥܡܝ ܗܘܬ ܛܝܒܘܬܟܼ܂
23:2 ܗܦܼܟ ܣܡ ܠܝ ܫܕܠܐ܂ ܘܐܢܐ ܕܢܣܝܬܗܼ܂
23:3 ܒܣܿܪܬ ܪ̈ܓܝܓܬܗ
24:1 ܚܡܪܗ ܡܣܠܐ ܗܘܿܝܬ ܕܚܠܟ ܥܗܕ ܗܘܿܝܬܼ܂
24:2 ܦܘܪ̈ܦܥܐ ܫܿܛܬ ܕܥܗܿܕܬ ܠܡܪܪ̈ܐ܂
24:3 ܕܦܠܚܼܘܗܝ ܩܿܪܒܘ ܠܟ
25:1 ܙܩܿܦܬ ܠܟ ܚܝ̈ܝ ܕܪܢܿܝܬ ܒܨܠܝܒܟܼ܂
25:2 ܘܦܫܿܛܬ ܠܟ ܐܝ̈ܕܝ ܕܚܿܙܝܬ ܥܠ ܩܝܣܐܿ܂
25:3 ܕܝܠܟ ܕܡ̈ܬܝܚܢ
26:1 ܒܙܚܟ ܫܿܡܥ ܗܘܿܝܬ ܘܒܐܝܩܪܝ ܡܒܣܐ ܗܘܿܝܬܼ܂
26:2 ܪܘܩܟ ܥܿܗܕ ܗܘܿܝܬ ܘܠܩܢܘܡܝ ܐܿܠܨ ܗܘܿܝܬ܂
26:3 ܕܢܛܥܢ ܘܢܣܝܒܪ
27:1 ܒܟܘܬܝܢܟ ܕܐܫܠܚܘ ܫܿܛܬ ܠܠܒܘܫܐ܂
27:2 ܕܝܩܪܬܗ ܠܨܥܪܟ ܒܠܒܘܫܝ ܕܡܡܟܟܼ܂
27:3 ܟܣܢܝ ܬܫܒܘܚܬܟ