The Comprehensive Aramaic Lexicon

3:154.17	1ܿ1 ܘܟܕ ܗܟܝܠ ܦܛܪܘܣ ܩܡ ܒܥܕܢܐ ܕܬܪܢܓܠܐ ܩܪܐ ܒܗ܂ ܒܪܫܥܬܗ ܟܕ
3:154.18	ܨܒܐ ܗܘܐ ܕܢܥܝܪ ܠܢ܂ ܚܙܐ ܕܟܠܢ ܥܝܪܝܢ ܐܢܚܢܢ܂ ܥܕܟܝܠ ܓܝܪ ܗܘ
3:154.19	ܫܪܓܐ ܢܗܪ ܗܘܐ܂ ܫܐܠ ܒܫܠܡܢ ܘܚܙܐ ܕܟܠܢ ܝܬܒܝܢ ܐܢܚܢܢ܂ ܘܫܪܝ
3:154.20	ܕܢܐܡܪ ܗܘܐ܂ 1ܿ2 ܕܠܐ ܬܣܒܪܘܢ ܕܠܐ ܗܘܬ ܩܫܝܐ ܕܥܠ ܫܪܪܐ ܐܢܫ ܢܡܠܠ
3:154.21	ܥܡ ܟ̈ܢܫܐ ܕܡܚܠܛܝܢ ܡܢ ܟܠ ܓܢܣ܂ 1ܿ3 ܗܘ ܓܝܪ ܡܕܡ ܕܐܝܬܘܗܝ
3:154.22	ܕܢܐܡܪܝܘܗܝ ܠܟܠ ܐܢܫ ܠܐ ܫܠܝܛ ܠܗ܂ ܡܛܠ ܗܢܘܢ ܚܪ̈ܥܐ ܘܒ̈ܝܫܐ܂
3:154.23	ܘܕܢܕܓܠ ܕܝܢ ܠܐ ܙܕܩ܂ ܡܛܠ ܗܢܘܢ ܕܡܚܒܝܢ ܫܪܝܪܬܐ܂ 1ܿ4 ܡܢܐ ܗܟܝܠ
3:154.24	ܢܥܒܕ ܗܿܘ ܕܩܕܡ ܟ̈ܢܫܐ ܡܡܠܠ ܠܗ܂ ܠܫܪܪܐ ܢܛܫܐ܂ ܘܐܝܟܢܐ ܡܦܝܣ
3:154.25	ܠܗܢܘܢ ܕܫܘܝܢ܂ 1ܿ5 ܘܐܠܐ ܫܪܪܐ ܢܡܠܠ ܠܗܢܘܢ ܕܠܐ ܨܒܝܢ ܕܢܚܘܢ ܠܗܿܘ
3:154.26	ܕܫܕܪܗ ܛܠܡ܂ ܗܿܘ ܕܠܡ̈ܠܘܗܝ ܗܢܝܢ ܕܠܡܪ̈ܓܢܝܬܐ ܕܡ̈ܝܢ܂ ܦܩܕ
3:154.27	ܕܠܗܢܘܢ ܕܐܣܟܡܐ ܕܟܠܒ̈ܐ ܘܕܚܙܝܪ̈ܐ ܩܢܝܢ ܠܐ ܢܬܠ ܐܢܝܢ܂ 1ܿ6 ܗܢܘܢ
3:154.28	ܕܡܐ ܕܢܣܒܘ ܐܢܝܢ ܒܚܟܡ̈ܬܐ ܘܒܨܢ̈ܥܬܐ ܕܡ̈ܠܐ ܕܡܣ̈ܠܝܬܐ ܡܢ ܢܦܬܐ
3:154.29	ܐܝܬܝܗܝܢ ܡܠܝܦܝܢ ܠܗܝܢ܂ ܐܝܟܢܐ ܕܒܢܦ̈ܫܬܐ ܕܗ̈ܕܝܘܛܐ ܫܘܒܗܪܐ
3:154.30	ܕܬܫܒܘܚܬܐ ܢܗܘܐ ܠܗܘܢܿ܂ 1ܿ7 ܕܡܛܠ ܗܕܐ ܒܣ̈ܓܝܐܬܐ ܡܬܟܪܟ ܗܘܝܬ
3:156.01	ܘܡܬܗܦܟ ܐܝܟܢܐ ܕܡܠܬܐ ܕܐܠܗܘܬܐ ܗܿܝ ܕܥܠ ܟܠ ܫܠܝܛܐ ܡܛܠ
3:156.02	ܗܢܘܢ ܕܠܐ ܫܘܝܢ ܐܛܫܐ ܘܐܟܣܐ܂ 2ܿ1 ܘܟܕ ܗܢܝܢ ܦܛܪܘܣ ܐܡܪ ܗܘܐ܂
3:156.03	ܐܩܝܠܘܣ ܐܡܪ ܠܗ܂ ܕܬܪܝܨܐܝܬ ܐܡܪܬ ܕܡܛܠ ܗܕܐ ܠܢ ܐܡܪ ܠܢ ܗܢܝܢ
3:156.04	ܕܝܠܗ ܕܫܪܪܐ܂ 2ܿ2 ܘܗܘ ܦܛܪܘܣ ܐܡܪ܂ ܕܡܕܡ ܕܨܒܝܢ ܐܢܬܘܢ ܫܐܠܘ
3:156.05	ܡܟܝܠ 2ܿ3 ܘܗܘ ܐܩܝܠܘܣ ܐܡܪ ܕܥܠ ܡܠܬܐ ܗܿܝ ܕܥܠ ܪܫܢܘܬܐ܂ ܐܘ
3:156.06	ܥܠ ܪ̈ܫܢܘܬܐ ܘܫܘ̈ܠܛܢܐ ܐܡܪ ܠܢ܂ ܘܗܿܝ ܕܐܬܥܕܠ ܣܝܡܘܢ ܐܝܟ ܕܠܐ
3:156.07	ܝܐܐ ܕܢܬܐܡܪ ܕܒܪܐ ܕܐܠܗܐ ܐܝܬܘܗܝ ܡܫܝܚܐ ܕܠܐ ܢܣܬܒܪ ܠܗ ܕܚܐܫ
3:156.08	ܗܢܝܢ ܕܕܡ̈ܝܢ ܠܕܢܨܒ̈ܬܐ܂ ܘܕܫܪܟܐ ܕܗܢܘܢ ܕܕܠܐ ܢܦܫܐ ܐܢܘܢ ܘܕܚܝܘ̈ܬܐ ܗܢܝܢ
3:156.09	ܢܦܫܢ̈ܝܬܐ܂
3:156.10	2ܿ4 ܘܗܘ ܕܝܢ ܦܛܪܘܣ ܟܕ ܚܙܐ ܕܟܠܢ ܗܢܝܢ ܗܢܝܢ ܨܒܝܢ ܗܘܝܢ ܕܢܫܡܥ܂
3:156.11	ܠܟܠܗܿ ܡܠܬܐ ܕܥܠ ܗܢܝܢ ܐܓܥܠ ܠܢ ܗܟܢܐ܂ 3ܿ1 ܕܗܘ ܫܡܐ ܕܪܫܢܘܬܐ
3:156.12	ܥܠ ܣ̈ܓܝܐܬܐ ܨܒ̈ܘܬܐ ܡܦܪ̈ܫܬܐ ܡܬܐܡܪ ܐܦ ܥܠ ܗܢܘܢ ܡܬܪ̈ܓܫܢܐ
3:156.13	ܘܐܦ ܥܠ ܗܢܘܢ ܡܬܝ̈ܕܥܢܐ܂ 3ܿ2 ܐܠܐ ܡܛܠ ܕܠܐ ܩܕܡ ܢܣܝܢܐ ܕܡܬܪ̈ܓܫܢܐ
3:156.14	ܥܠ ܗܢܝܢ ܡܬܝ̈ܕܥܢܐ ܢܣܬܒܪ ܕܩܪܝܒܝܢ ܐܢܚܢܢ܂ ܝܐܝܐ ܘܙܕܩܐ ܕܠܘܩܕܡ
3:156.15	ܡܢ ܗܢܝܢ ܕܡܬܚ̈ܙܝܢ ܢܫܪܐ܂ ܘܡܐ ܕܬܚܘ̈ܝܬܐ ܫܪܝܪܬܐ ܐܝܟ ܥܪܒܘܬܐ ܢܣܒܢ
3:156.16	ܡܢܗܘܢ܂ ܗܝܕܝܢ ܬܘܒ ܥܠ ܡܕܪܟܢܘܬܐ ܕܗܢܝܢ ܕܒܝܕܥܬܐ ܡܬܝ̈ܕܥܢ
3:156.17	ܢܫܪܟ܂ 3ܿ3 ܘܢܫܪܐ ܡܢ ܗܕܐ ܕܫܡܫܐ ܐܬܣܝܡ ܪܝܫܐ ܕܢܫܬܠܛ ܥܠ
3:156.18	ܐܝܡܡܐ܂ ܘܣܗܪܐ ܕܝܢ ܥܠ ܗܢܘܢ ܕܠܩܘܒܠܗ܂ ܘܗܢܘܢ ܗܢܘܢ
3:156.19	ܕܢܫܬܠܛܘܢ ܐܬܣܝܡܘ ܡܢ ܗܿܘ ܕܐܦ ܗܕܐ ܕܢܗܘܘܢ ܐܝܬܝܗܘܢ ܡܢ ܫܘܪܝܐ
3:156.20	ܡܢܗ ܢܣܒܘ܂ 3ܿ4 ܘܗܘ ܗܘ ܕܠܗܘܢ ܠܗܠܝܢ ܬܩܢ ܫܡܝܐ ܘܐܪܥܐ ܩܕܡ
3:156.21	ܒܪܐ ܒܫܘܪܝܐ ܘܥܡ ܗܢܝܢ ܕܝܢ ܘܐܦ ܗܢܝܢ ܚ̈ܝܘܬܐ ܕܥܠ ܐܪܥܐ ܘܕܒܝܡܐ
3:156.22	ܘܦܪܚܬܐ ܘܐܝ̈ܠܢܐ ܘܥܩܪ̈ܐ ܬܩܢ܂ ܘܒܬܪܟܢ ܠܗ ܠܒܪ ܐܢܫܐ܂ ܘܠܐ ܗܘܐ
3:156.23	ܒܠܚܘܕ ܫܘܪܝܐ ܕܢܗܘܐ ܐܝܬܘܗܝ ܢܣܒ܂ ܐܠܐ ܐܦ ܕܢܚܐ ܐܝܟ ܦܘܩܕܢܐ
3:156.24	ܕܐܠܗܐ ܕܝܗܒ ܠܗ܂ 3ܿ5 ܘܗܟܢܐ ܕܝܢ ܣ̈ܓܝܐܬܐ ܪ̈ܫܢܘܬܐ ܐܝܬܝܗܝܢ ܠܐ ܡܫܟܚܐ܂
3:156.25	ܚܕܐ ܗܝ ܓܝܪ ܪܫܢܘܬܐ ܘܚܕܐ ܗܿܝ ܕܕܠܐ ܫܘܪܝ ܗܝ܂ ܗܢܝܢ ܕܝܢ ܕܒܬܪ
3:156.26	ܬܪ̈ܬܝܗܝܢ ܐܝܟ ܕܒܚܘܫܚܐ ܡܬܐܡܪ̈ܢ ܐܦܢ ܡܬܩܪ̈ܝܢ ܪ̈ܫܢܘܬܐ܂ 3ܿ6 ܩܕܡܬ
3:156.27	ܕܝܢ ܐܡܪܬ ܘܐܦ ܥܠܬܐ ܕܗܢܐ ܕܘܪܓܐ ܕܢܓܕ ܘܡܣܩ ܡܢ ܗܢܝܢ
3:156.28	ܡܬܪ̈ܓܫܢܝܬܐ ܠܘܬ ܗܢܝܢ ܡܬܝܕܥ̈ܢܝܬܐ ܐܝܟܢܐ ܕܒܗܕܐ ܐܘܪܚܐ ܙܗܝܪܐܝܬ
3:156.29	ܘܫܪܝܪܐܝܬ ܬܬܚܫܚܘܢ ܘܥܠ ܡܫܠܡܢܘܬܐ ܕܗܢܝܢ ܡܬܝ̈ܕܥܢܝܬܐ ܙܗܝܪܘܬܐ
3:156.30	ܬܩܢܘܢܿ܂ 3ܿ7 ܐܡܪܝܢ ܐܢܚܢܢ ܗܟܝܠ ܕܐܠܗܐ ܕܠܐ ܫܘܪܝ ܗܘ܂ ܟܕ ܒܚܦܝܛܘܬܐ
3:156.31	ܕܠܐ ܡܬܚܒܠܐ ܡܬܕܪܓܝܢ ܐܢܚܢܢ܂ ܘܡܬܢܓܕܝܢ ܐܢܚܢܢ ܠܘܬܗ܂ ܘܠܐ ܗܘܐ
3:156.32	ܗܘܝܘ ܥܠܬ ܢܦܫܗ ܘܐܦܠܐ ܕܗܘ ܝܠܕ ܠܢܦܫܗ܂ ܐܝܬܘܗܝ ܓܝܪ ܕܠܐ
3:158.01	ܫܘܪܝܐ ܘܐܝܬܝܐ ܗܘ ܕܠܐ ܗܘܐ܂ 3ܿ8 ‍<‍ܘܗܿܝ ܕܠܐ ܗܘܐ‍>‍ ܠܗܕܐ ܕܡܢܐ ܐܝܬܘܗܝ
3:158.02	ܡܩܪܒ ܠܢ ܕܢܕܥ܂ ܐܠܐ ܕܠܐ ܗܘܐ ܡܗܢܐ ܗܘܐ܂ ܗܢܘܢ ܕܝܢ ܕܩܪܐܘܗܝ
3:158.03	ܠܐܝܬܝܐ ܕܠܐ ܗܘܐ ܐܒܐ ܕܢܦܫܗ ܘܝܠܕ ܢܦܫܗ ܕܢܛܠܡܘܢܝܗܝ ܐܡܪܚܘ܂
3:158.04	ܕܐܫܬܥܒܕܘ ܠܬܪ̈ܥܝܬܐ ܘܠܚܘ̈ܫܒܐ ܢܣ̈ܝܣܐ 3ܿ9 ܕܐܣܬܢܩ ܓܝܪ ܕܢܐܠܕ
3:158.05	ܢܦܫܗ ܗܿܘ ܕܐܝܬܘܗܝ ܩܕܡ ܕܢܗܘܐ ܒܕܡܘܬ ܛܠܝ̈ܐ ܐܬܚܫܒܘ ܘܣܒܪܘ܂
3:158.06	ܘܗܿܘ ܕܠܐ ܐܝܬܘܗܝ ܚܠܦ ܗܿܘ ܕܐܝܬܘܗܝ ܣܡܘ܂ ܘܐܝܟ ܗܿܘ ܕܒܝܕ ܢܦܫܗ
3:158.07	ܗܘܐ ܐܡܪܘ ܒܫܢܝܘܬܐ ܕܫܢܘ ܘܠܢܨܒ̈ܬܐ ܕܢܕܡ̈ܘܢܝܗܝ ܠܗܘ ܐܝܬܝܐ ܕܠܐ
3:158.08	ܗܘܐ ܗܢܘܢ ܕܝ̈ܘܢܐ ܐܡܪܚܘ 3ܿ10 ܗܢܝܢ ܕܝܢ ܟܠܗܝܢ ܠܓܘ ܡܢ ܪܫܥܐ
3:158.09	ܐܝܬܝܗܝܢ ܘܢܩܝܦܐ ܠܗܝܢ ܬܘܒ ܠܐ ܡܪܓܫܢܘܬܐ܂ ܠܐ ܓܝܪ ܝܕܥܘ ܕܗܼܘ
3:158.10	ܟܕ ܗܼܘ ܐܡܪܝܢ ܕܐܝܬܘܗܝ ܘܕܠܐ ܐܝܬܘܗܝ܂ ܒܗܝ ܓܝܪ ܕܝܠܕ ܢܦܫܗ
3:158.11	ܐܝܬܘܗܝ ܗܘܐ܂ ܘܒܗܝ ܕܝܢ ܕܡܬܝܠܕ ܡܢ ܢܦܫܗ ܠܐ ܐܝܬܘܗܝ ܗܘܐ܂
3:158.12	3ܿ11 ܠܐ ܗܟܝܠ ܐܝܬܘܗܝ ܗܘܐ ܡܛܠ ܕܡܬܝܠܕ ܘܐܝܬܘܗܝ ܗܘܐ ܡܛܠ
3:158.13	ܕܝܠܕ܂ ܘܕܬܪܬܝܢ ܕܝܢ ܢܐܡܪ ܥܠܘܗܝ ܕܗܘ ܟܕ ܗܘ ܐܝܬܘܗܝ ܠܐ ܡܦܣ
3:158.14	ܠܢ ܗܘ ܡܘܠܟܢܐ ܕܕܚܠܬ ܐܠܗܐ܂ 4ܿ1 ܘܬܘܒ ܕܝܢ ܐܦ ܗܢܘܢ ܚܘ̈ܫܒܐ
3:158.15	ܕܓܿܘܐ܂ ܒܛܝܠܐܝܬ ܘܙܗܝܪܐܝܬ ܕܚܩܝܢ ܠܗ ܡܢܢ ܠܗܢܐ ܓܘܕܦܐ ܘܗܿܝ
3:158.16	ܕܝܐܝܐ ܠܐܝܬܝܐ ܕܠܐ ܗܘܐ ܕܢܐܡܪ ܝܗܒܝܢ ܠܢ܂ 4ܿ2 ܡܢܐ ܗܟܝܠ ܐܢܫ ܢܐܡܪ܂
3:158.17	ܡܐ ܕܐܫܬܐܠ ܡܢ ܗܢܘܢ ܕܪܫܝܥܐܝܬ ܩܕܡܘ ܐܡܪܘ܂ ܠܐ ܗܘܐ ܕܠܘܩܕܡ
3:158.18	ܐܝܬܘܗܝ ܗܘ ܕܕܢܗܘܐ ܐܒܐ ܕܢܦܫܗ ܥܬܝܕ ܗܘܐ܂ 4ܿ3 ܗܘ ܗܟܝܠ ܕܗܕܐ
3:158.19	ܕܐܝܬܘܗܝ ܐܝܬ ܠܗ܂ ܩܕܡ ܕܠܢܦܫܗ ܢܬܠ ܕܢܗܘܐ ܐܝܬܘܗܝ ܐܒܐ
3:158.20	ܕܢܦܫܗ ܘܝܠܕ ܢܦܫܗ ܒܐܝܕܐ ܬܪܥܝܬܐ ܕܢܬܐܡܪ ܡܫܟܚܐ܂ ܘܕܠܐ ܐܝܬܘܗܝ
3:158.21	ܠܗܝ ܕܩܕܡ ܐܝܬܘܗܝ ܐܝܕܐ ܟܝ ܐܬܐ ܕܚܘܫܒܐ ܐܝܬܝܗܿ܂ ܘܡܪܚܘܬܐ ܗܼܝ
3:158.22	ܕܝܢ ܕܢܐܡܪ ܕܗܘܐ ܡܢ ܢܦܫܗ ܗܿܘ ܐܝܬܝܐ ܕܠܐ ܗܘܐ܂ 4ܿ4 ܓܕܫܐ ܕܝܢ ܗܕܐ
3:158.23	ܠܗܢܘܢ ܕܗܟܢܐ ܐܡܪܝܢ ܕܐܝܟ ܕܒܡܪܕܘܬܐ ܢܐܡܪ ܗܿܝ ܕܗܘܝܐ ܠܗܢܘܢ ܕܪܘܝܢ
3:158.24	ܕܠܛܠܢܝ̈ܬܗܘܢ ܚܠܦ ܚܦܪ̈ܐ ܫܘܪܝܢ܂
3:158.25	4ܿ5 ܕܡܛܠ ܗܕܐ ܘܠܐ ܕܩܕܡ ܟܠܡܕܡ ܒܥܬܐ ܥܠ ܗܢܘܢ ܕܠܐ ܡܝܘ̈ܬܐ ܐܢܘܢ
3:158.26	ܢܥܒܕ ܟܕ ܡܫܪܝܢ ܐܢܚܢܢ ܡܢ ܡܫܠܡܢܘܬܗ ܕܡܪܢ ܐܝܟܐ ܕܡܠܦ ܠܢ
3:158.27	ܥܒܕܘܬܐ ܕܡܝܘ̈ܬܐ ܕܡܫܬܥܒܕܝܢ ܠܗܢܘܢ ܕܠܐ ܡܝܬܝܢ ܕܩܢܕܝܢܘܣ
3:158.28	ܘܢܣܝܘܢܐ ܥܕܡܐ ܠܗ ܠܡܘܬܐ ܢܣܝܒܪ ܒܣܒܪܐ ܘܒܣܘܟܝܐ ܕܗܢܝܢ
3:158.29	ܛܒ̈ܬܐ ܕܡܠܟܘܬܐ ܒܗܝ ܕܐܡܪ܂ 4ܿ6 ܕܠܐ ܬܕܚܠܘܢ ܡܢ ܗܢܘܢ ܕܩܛܠܝܢ ܦܓܪܐ܂
3:158.30	ܘܢܦܫܐ ܠܐ ܡܫܟܚܝܢ ܕܢܩܛܠܘܢܿ ܕܚܠܘ ܕܝܢ ܡܢ ܗܿܘ ܕܡܫܟܚ ܐܦ ܦܓܪܐ
3:158.31	ܐܦ ܢܦܫܐ ܕܢܘܒܕ ܒܓܗܢܐ܂ 4ܿ7 ܘܒܫܪܪܐ ܕܝܢ ܐܢ ܗܘ ܕܥܡ ܦܓܪܐ ܠܐ ܡܝܬܐ
3:158.32	ܢܦܫܐ ܘܐܦ ܠܐ ܡܬܦܣܩܐ܂ ܘܐܦ ܠܐ ܡܕܡ ܚܫܐ ܡܢ ܗܢܝܢ ܕܚܐܫ ܦܓܪܐ
3:160.01	ܐܝܟ ܗܢܝܢ ܕܐܘ ܪܕܝܐ ܕܠܓܘ ܐܘ ܕܪܕܝܐ ܕܠܒܪ ܐܘ ܕܩܛܝܢܘܬܐ ܐܘ ܕܥܒܝܘܬܐ܂
3:160.02	ܐܘ ܕܚܘܠܡܢܐ ܐܘ ܕܟܘܪܗܢܐ܂ ܐܘ ܕܦܣܩܐ ܐܘ ܕܡܠܝܦܢܘܬܐ܂ 4ܿ8 ܐܠܐ ܘܐܦ ܒܗ
3:160.03	ܒܝܠܕܗܘܢ ܕܒ̈ܢܝ ܐܢܫܐ ܠܐ ܡܕܡ ܡܟܕܪ ܠܗܿ ܠܢܦܫܐ ܒܗ ܒܪܕܝܐ܂ ܐܠܐ
3:160.04	ܕܒܟܘܠ ܕܘܟܐ ܒܙܘ̈ܥܝܗܿ ܩܝܡܐ ܗܼܝ ܒܩܢܘܡܗܿ ܕܠܐ ܫܘܚܠܦ܂ ܒܗܿ
3:160.05	ܕܝܢ ܒܡܬܙܝܥܢܘܬܗܿ ܡܦܪܫܬܐ ܠܘܬ ܟܘܠ ܨܒܘ ܠܗ ܠܦܓܪܐ ܬܪܨܐ܂
3:160.06	ܪܕܐ ܗܟܝܠ ܘܚܐܫ ܒܐܝܬܘܬܗ ܘܒܩܢܘܡܗ ܗܼܘ ܦܓܪܐ܂ 4ܿ9 ܐܝܟܢܐ ܕܡܫܟܚܐ
3:160.07	ܕܒܗ ܒܢܣܝܢܐ ܢܬܒܩܐ ܘܢܐܠܦ܂ ܡܢ ܒܬܪ ܓܝܪ ܩܘܝܡܗܘܢ ܕܗܢܘܢ
3:160.08	ܕܡܬܝܠܕܝܢ ܗܝ ܣܦܝܩܘܬܗ ܕܟܪܣܐ ܡܛܠ ܬܪܒܝܬܐ ܕܥܘܠܐ ܕܕܚܐ
3:160.09	ܘܡܬܕܚܐ ܐܝܟ ܕܒܬܟܬܘܫܐ ܒܡܠܬܐ ܒܪܘܝܬܐ܂ 4ܿ10 ܘܗܿܘ ܕܐܬܩܝܡ ܡܣܬܪܗܒ
3:160.10	ܕܢܦܘܩ܂ ܗܼܘ ܕܝܢ ܕܩܝܡܗ ܡܣܬܪܗܒ ܕܢܦܩܗ܂ 4ܿ11 ܘܗܝ ܕܝܢ ܗܕܐ
3:160.11	ܥܠܬܐ ܡܫܢܝܐ ܠܗܘܢ ܠܚܘ̈ܒܠܐ ܠܝܘܒ̈ܠܐ ܘܠܡܦܪܝܢܘܬܐ ܕܝܠܗܿ ܕܕܡܘܬܐ܂
3:160.12	ܘܡܐ ܕܓܕܫܐ ܕܝܢ ܚܫܐ ܐܘ ܩܢܕܝܢܘܣ ܕܓܘܐ ܗܘܐ܂ ܐܘ ܕܡܕܡ ܡܢܬܐ
3:160.13	ܐܝܟ ܕܒܣܓܝ ܡܣܬܩܒܠ܂ 5ܿ1 ܐܠܐ ܓܝܪ ܐܦ ܟܘܠ ܡܕܡ ܕܥܒܕܐ ܗܼܘ
3:160.14	ܕܪܓܬ ܢ̈ܫܐ ܡܩܕܡ ܡܛܝܒ ܘܡܩܕܡ ܡܠܛ ܟܝܢܐܝܬ ܒܟܘܠܗܝܢ ܩܘܡ̈ܬܐ
3:160.15	ܕܟܠ ܐܢܫ܂ ܐܝܟ ܗܟܢܐ ܕܛܠܝܐ ܐܚܪܢܝܐܝܬ ܘܒܐܣܟܡܐ ܐܚܪܢܐ ܕܗܿܘ ܕܐܬܥܠܡ܂
3:160.16	ܘܕܓܒܪܐ ܕܝܢ ܐܚܪܢܝܐܝܬ܂ 5ܿ2 ܗܘ ܓܝܪ ܛܠܝܐ ܐܝܬ ܗܼܘ ܒܗ ܚܝܠܗܿ
3:160.17	ܕܫܘܬܦܘܬܐ ܕܗܢܝܢ܂ ܠܐ ܕܝܢ ܐܝܬ ܠܗ ܒܚܝܠܗ ܐܦ ܙܘ̈ܥܝܗܿ ܕܢܦܫܐ܂
3:160.18	ܗܿܘ ܕܝܢ ܐܬܥܠܡ܂ ܡܛܝܒ ܗܼܘ ܠܗ ܠܚܐܦܐ ܠܐ ܕܝܢ ܥܕܟܝܠ ܐܝܬ
3:160.19	ܠܗ ܚܫܚܬܗܝܢ ܕܗܢܝܢ ܕܫܪܐ܂ ܘܗܿܘ ܕܝܢ ܕܓܒܪܐ ܗܼܘ ܩܢܐ ܥܡ ܨܒܝܢܗ
3:160.20	ܐܦ ܫܘܡܠܝܗܿ ܕܚܫܚܬܐ܂ 5ܿ3 ܘܠܐ ܗܘܐ ܕܝܢ ܡܢ ܗܢܝܢ ܒܠܚܘܕ ܡܫܟܚܐ
3:160.21	ܕܢܐܡܪ ܥܠ ܢܦܫܐ ܕܠܐ ܡܝܬܐ ܘܥܠ ܦܓܪܐ ܕܪܕܘܝܐ ܗܘ܂ ܐܠܐ ܐܦ ܡܢ
3:160.22	ܗܢܝܢ ܦܘܩ̈ܕܢܐ ܕܠܗܿ ܕܝܠܗܿ ܐܝܟ ܕܠܓܘܐ ܐܬܝܗܒܘ ܐܝܟܢܐ ܕܗܘ ܡܪܢ
3:160.23	ܐܡܪ܂ 5ܿ4 ܕܐܬܐܡܪ ܠܩܕܡ̈ܝܐ ܕܠܐ ܬܓܘܪ܂ ܐܢܐ ܕܝܢ ܐܡܪ ܐܢܐ ܕܐܦ ܠܐ ܡܢ ܚܙܬܐ
3:160.24	ܘܚܘܪܐ ܠܪܓܬܐ ܐܫܬܥܒܕ܂ ܘܣܓܝ ܐܠܗܐܝܬ ܐܡܪ܂ 5ܿ5 ܐܢ ܓܝܪ ܗܘ
3:160.25	ܦܓܪܐ ܟܝܢܐܝܬ ܦܟܝܪ ܗܼܘ ܠܘܬ ܪܓܬ ܫܘܬܦܘܬܐ ܕܢܫ̈ܐ܂ ܗܢܘ ܕܝܢ
3:160.26	ܩܛܝܪܐܝܬ ܡܫܥܒܕ ܠܘܬ ܗܢܝܢ ܕܡܢܗܝܢ ܩܒܠ ܐܦ ܕܢܗܘܐ ܐܝܬܘܗܝ܂
3:160.27	ܘܕܒܗܘܢ ܒܐܣܟ̈ܡܐ ܗܢܝܢ ܢܗܘܐ ܕܗܝ ܗܕܐ ܐܝܬܝܗܿ ܠܘܩܕܡ ܕܝܠܗ
3:160.28	ܕܦܓܪܐ ܐܝܟܢܐ ܗܟܝܠ ܐܢܫ ܢܣܒܪ ܕܠܦܓܪܐ ܗܼܘ ܐܬܐܡܪܬ ܗܕܐ 5ܿ6 ܕܠܐ
3:160.29	ܬܓܘܪ ܐܢܐ ܕܝܢ ܐܡܪܢܐ ܕܐܦ ܠܐ ܠܪܓܬܐ ܬܫܬܥܒܕ ܘܠܐ ܗܘܐ ܕܝܢ ܠܗܝ
3:160.30	ܕܡܚܪܪܐ ܗܝ ܒܩܢܘܡܗܿ ܡܢ ܚ̈ܫܐ ܕܐܝܟ ܗܢܝܢ܂ ܘܐܝܬ ܠܗܿ ܕܬܓܕ ܘܬܕܒܪ
3:160.31	ܒܣܘܥܪܢܗܿ ܠܗ ܠܦܓܪܐ ܠܐܝܟܐ ܕܦܘܩܕܢܗܿ ܕܪܒܘܬܐ ܡܪܬܐ ܠܗ܂
3:160.32	5ܿ7 ܗܟܢܐ ܓܝܪ ܐܦ ܡܛܠ ܕܡܣܟܝܢ ܐܢܚܢܢ ܘܡܣܒܪܝܢ ܐܢܚܢܢ ܠܗܢܝܢ
3:160.33	ܕܥܬܝ̈ܕܢ ܠܐ ܪܓܙܝܢ ܐܢܚܢܢ܂ ܘܠܚܡܬܐ ܙܟܝܢ ܐܢܚܢܢ܂ ܘܡܢ ܢ̈ܫܐ ܡܦܢܝܢ
3:160.34	ܐܢܚܢܢ ܚܙܬܢ ܘܪܥܝܢܢ ܕܒܣܒܪܐ ܕܗܢܝܢ ܕܥܬܝ̈ܕܢ ܪܥܝܢܢ ܡܦܪܚܝܢ ܐܢܚܢܢ
3:162.01	ܘܐܝܟ ܕܐܡܪܬ ܕܠܐ ܗܘܐ ܟܠܗ ܗܢܐ ܡܐ ܕܐܝܬܝܢ ܥܒܕܐ ܗܼܘ ܘܡܫܥܒܕܐ
3:162.02	ܕܪܓܬ ܢܫ̈ܐ܂ ܐܠܐ ܡܕܡ ܡܢܢ ܐܝܬܘܗܝ ܥܒܕܐ ܒܟܝܢܗ ܐܝܟ ܕܚܘܝܢܢ
3:162.03	ܗܿܘ ܕܐܝܬܘܗܝ ܦܓܪܐ܂ ܘܡܕܡ ܕܝܢ ܡܢܢ ܐܝܬܘܗܝ ܕܨܒܝܢܐ ܗܿܘ ܕܐܝܬܘܗܝ
3:162.04	ܙܘܥܗܿ ܕܢܦܫܐ ܗܝ ܕܠܐ ܡܝܬܐ܂ 6ܿ1 ܘܕܗܢܝܢ ܗܟܝܠ ܗܟܢܐ ܐܝܬܝܗܝܢ
3:162.05	ܥܩܒܬܐ ܫܦܝܪܬܐ ܠܡܕܪܟܢܘܬܐ ܕܗܢܝܢ ܡܬܝ̈ܕܥܢܝܬܐ ܐܫܟܚܢ ܐܝܟ ܕܢܐܡܪ
3:162.06	ܐܢܫ ܒܨܒܝܢܐ ܕܐܠܗܐ܂ 6ܿ2 ܘܡܟܝܠ ܢܪܕܐ ܕܠܐ ܡܚܫܘܠܐ ܟܕ ܡܬܚܫܚܝܢ
3:162.07	ܐܢܚܢܢ ܒܣܘܟܢܐ ܗܢܐ ܕܢܦܫܐ ܕܠܐ ܡܝܬܐ܂ ܘܬܘܒ ܠܐ ܡܟܝܠ ܢܫܒܘܩ ܚܫܐ
3:162.08	ܦܓܪܢܐ ܕܢܥܘܠ ܒܩܢܘܡܐ ܗܿܘ ܡܬܝܕܥܢܐ ܘܠܐ ܡܝܘܬܐ ܟܕ ܐܝܩܪܐ ܗܢܐ
3:162.09	ܟܠܗ ܦܠܓܝܢ ܐܢܚܢܢ ܚܕ ܠܚܕ ܡܢ ܗܢܝܢ ܡܬܝܕ̈ܥܢܐ܂ ܐܝܟ ܡܐ ܕܗܘ
3:162.10	ܛܟܣܐ ܡܦܣ ܕܐܝܬܝܗܘܢ ܐܘ ܕܡܩܕܡܝܢ ܐܝܬܝܗܘܢ܂ 6ܿ3 ܐܝܬܘܗܝ ܗܟܝܠ
3:162.11	ܠܘܩܕܡ ܗܿܘ ܐܝܬܝܐ ܕܠܐ ܗܘܐ ܕܥܠܘܗܝ ܐܦ ܢܒ̈ܝܐ ܐܣܗܕܘ܂ ܕܐܢܐ ܐܢܐ
3:162.12	ܩܕܡܝܐ ܘܐܢܐ ܐܢܐ ܒܬܪܟܢ܂ ܘܠܒܪ ܡܢܝ ܐܠܗ ܐܚܪܝܢ ܠܝܬ܂ ܟܕ ܗܿܝ
3:162.13	ܕܠܒܪ ܡܢܝ ܡܒܕܩܐ ܕܐܝܬܘܗܝ ܕܠܐ ܫܘܪܝ ܘܐܝܬܝܐ ܕܠܐ ܗܘܐ܂
3:162.14	7ܿ1 ܘܗܘ ܕܝܢ ܩܠܡܣ ܘܗܢܘܢ ܫܪܟܐ ܠܚܕ̈ܕܐ ܪܡܙܝܢ ܗܘܘ ܕܨܒܝܢ ܗܘܘ
3:162.15	ܕܢܫܡܥܘܢ ܡܢܐ ܐܝܬܘܗܝ ܗܿܘ ܐܝܬܝܐ ܕܠܐ ܗܘܐ܂ 7ܿ2 ܘܗܘ ܕܝܢ ܦܛܪܘܣ
3:162.16	ܐܬܒܝܢ ܘܐܡܪ ܕܠܐ ܗܘܐ ܩܢܕܝܢܘܣ ܗܼܘ ܙܥܘܪܐ܂ ܕܥܠ ܗܿܘ ܕܕܠܐ ܫܘܪܝ
3:162.17	ܗܼܘ ܢܐܡܪ ܘܢܫܡܥ܂ ܘܐܢܬܘܢ ܕܝܢ ܡܛܠ ܢܝܚܗܘܢ ܘܚܘܒܗܝܢ ܕܗܢܝܢ
3:162.18	ܕܐܬܐܡܪ ܕܬܦܠܘܢ ܒܩܢܕܝܢܘܣ ܕܠܐ ܡܬܡܫܚ ܡܬܪܓܪܓܝܢ ܐܢܬܘܢܿ ܘܐܦ
3:162.19	ܠܝ ܕܗܝ ܗܕܐ ܐܚܫ ܐܝܟ ܕܕܡܝܐ ܡܨܝܕܝܢ ܐܢܬܘܢ ܕܣܒܪܝܢ ܐܢܬܘܢ ܕܡܫܟܚ
3:162.20	ܐܢܐ ܕܐܢܣܐ ܕܠܗܿܘ ܕܟܣܐ ܗܼܘ ܘܠܐ ܡܬܡܠܠ ܐܡܪܝܘܗܝ܂ 7ܿ3 ܡܠܟ ܐܢܐ
3:162.21	ܠܟܘܢ ܕܝܢ ܐܚܝ̈ ܘܟܢܘ̈ܬܝ ܕܠܐ ܬܒܥܘܢ ܗܕܐ ܕܡܢܐ ܐܝܬܘܗܝ܂ ܐܠܐ ܗܕܐ
3:162.22	ܒܠܚܘܕ ܕܐܝܬܘܗܝ ܐܚܒܘ ܕܬܫܡܥܘܢ܂ ܐܦ ܓܝܪ ܕܢܬܐܡܪ ܥܠܘܗܝ
3:162.23	ܕܗܢܐ ܒܣܓ̈ܝܐܬܐ ܠܐ ܘܠܐ ܘܠܐ ܙܕܩ܂ 7ܿ4 ܐܝܬܘܗܝ ܗܟܝܠ ܐܝܬܝܐ ܕܠܐ ܗܘܐ
3:162.24	ܘܠܐ ܗܘܐ ܒܫܡܐ ܫܚܝܡܐ ܡܝܩܪ܂ ܐܝܬܘܗܝ ܓܝܪ ܐܦ ܕܠܐ ܫܘܪܝ܂ ܗܼܘ
3:162.25	ܕܝܢ ܗܢܐ ܕܠܐ ܫܘܪܝ܂ ܘܐܝܬܝܐ ܗܿܘ ܕܠܐ ܗܘܐ ܕܐܝܬܘܗܝ ܐܠܗܐ܂ ‍{‍ܘܠܐ ܗܘܐ#4#‍}‍ ܡܢ ܗ̈ܘܝܐ
3:162.26	ܡܫܬܒܚ ܥܕܡܐ ܠܛܒܐ ܒܠܚܘܕ܂ ܘܡܢܗ ܕܝܢ ܕܝܠܗ ܡܬܕܪܟ܂ 7ܿ5 ܠܐ
3:162.27	ܓܝܪ ܡܫܟܚ ܡܕܡ ܡܢܗ ܕܡܩܕܡ ܐܝܬܘܗܝ ܗܘܐ܂ ܘܡܕܡ ܕܒܬܪܟܢ
3:162.28	ܗܘܐ܂ ܕܢܚܙܐ ܢܦܫܗ ܒܗܕܐ ܕܐܝܬܘܗܝ ܘܕܠܐ ܫܘܪܝ ܐܝܬܘܗܝ܂ 7ܿ6 ܗܕܐ ܓܝܪ
3:162.29	ܒܥܬܐ ܘܥܘܩܒܐ ܕܗ̈ܘܝܐ ܗܼܝ ܕܡܛܠ ܗܕܐ ܗܝ ܟܣܝܘܬܗ ܕܐܝܬܘܗܝ ܘܠܐ
3:162.30	ܡܬܐܡܪ ܕܢܩܕܡ ܢܬܒܩܐ ܒܗܕܐ ܕܐܝܬܘܗܝ ܕܘܟܬܐ ܕܒܥܬܐ ܠܝܬ ܠܗܿ܂ ܠܐ
3:162.31	ܓܝܪ ܬܪܝܢܐ ܠܗ ܗܕܐ ܕܐܝܬܘܗܝ܂ ܡܢ ܗܿܝ ܕܢܥܩܒ ܕܐܝܬܘܗܝ܂ 7ܿ7 ܝܕܥ
3:162.32	ܗܼܘ ܗܟܝܠ ܢܦܫܗ ܘܠܐ ܡܘܣܦ ܡܫܐܠ ܥܠ ܢܦܫܗ܂ 7ܿ8 ܐܠܐ ܗܢܝܢ ܘܐܦ
3:162.33	ܠܒܪ ܡܢ ܡܐ ܕܙܕܩ ܘܘܠܐ ܐܡܪܢܢ܂ ܪܚܝܡܐ ܗܼܝ ܓܝܪ ܠܐܝܬܝܐ ܗܿܘ ܕܠܐ
3:164.01	ܗܘܐ ܕܒܫܠܝܐ ܘܒܫܬܩܐ ܒܠܚܘܕ ܢܬܝܩܪ܂ 7ܿ9 ܕܕܠܐ ܫܘܪܝ ܗܼܘ ܗܟܝܠ ܗܢܐ
3:164.02	ܩܢܘܡܐ ܐܝܟ ܚܝܠܐ ܕܝܠܢ ܕܠܐ ܩܢܕܝܢܘܣ ܡܢܢ ܩܒܠܬܘܢ܂ 8ܿ1 ܗܼܘ ܗܟܝܠ
3:164.03	ܐܠܗܐ ܗܿܘ ܕܕܠܐ ܫܘܪܝ ܐܝܬܘܗܝ ܝܠܕ ܠܒܪܗ ܒܘܟܪܗ ܩܕܡ ܟܘܠܗܝܢ
3:164.04	ܒܪ̈ܝܬܐ ܐܝܟ ܡܐ ܕܠܐܠܗܐ ܝܐܐ܂ ܟܕ ܐܫܬܚܠܦ ܘܠܐ ܐܬܚܠܦ܂ ܘܠܐ
3:164.05	ܐܬܦܠܓ ܘܠܐ ܪܕܐ܂ ܘܠܐ ܒܨܪ ܡܕܡ܂ 8ܿ2 ܥܗܕܝܢ ܐܢܬܘܢ ܓܝܪ ܕܐܝܟܢܐ ܗܢܝܢ
3:164.06	ܚ̈ܫܐ ܕܦܓܪܐ ܐܝܬܝܗܘܢ ܗܢܘܢ ܕܐܦ ܠܢܦܫܐ ܕܢܬܠ ܐܢܘܢ ܥܪܩܢܢ
3:164.07	ܕܕܚܠܢܢ ܕܕܡ ܠܐ ܡܝܘܬܘܬܗܿ ܡܐ ܕܗܢܝܢ ܐܬܝܗܒ ܠܗܿ ܬܒܛܠ ܠܗܿ܂
3:164.08	8ܿ5 ܒܗܿ ܗܟܝܠ ܒܗܿܝ ܕܐܝܬܘܗܝ ܐܠܗܐ ܝܠܕ܂ ܘܠܐ ܗܘܐ ܕܚܫ ܦܣܩܐ
3:164.09	ܡܕܡ܂ 8ܿ6 ܒܗܿܝ ܕܨܒܐ ܓܝܪ ܠܐ ܗܘܐ ܚܝܠܗ ܚܓܝܪܐ ܐܫܬܟܚ ܠܘܬ
3:164.10	ܨܒܝܢܗ܂ ܘܐܦܠܐ ܥܒܪ ܚܝܠܗ ܠܢܝܫܐ ܕܨܒܝܢܗ ܐܠܐ ܒܫܘܝܘܬܐ ܐܝܟ ܡܐ
3:164.11	ܕܨܒܐ ܗܟܢܐ ܐܦ ܝܠܕ ܒܗܿܝ ܕܐܝܬܘܗܝ ܘܠܐ ܗܘܐ ܒܗܿܝ ܕܚܫ܂ 8ܿ7 ܐܢ ܓܝܪ
3:164.12	ܗܢܘܢ ܓܘ̈ܫܡܐ ܕܠܩܛܝܪܐ ܕܥܒܝܘܬܐ ܡܫܥܒܕܝܢ ܩܘܝܡܐ ܕܛܠܢܝ̈ܬܐ
3:164.13	ܡܫܡܠܝܢ܂ ܚܕ ܟܡܐ ܝܬܝܪܐܝܬ ܠܗܿܘ ܚܝܠܐ ܐܝܬܝܐ ܕܠܐ ܗܘܐ ܢܬܠ ܠܗ
3:164.14	ܗܕܐ ܕܢܩܝܦ ܗܼܘ ܠܗ ܝܚܝܕܐ ܕܡܢܗ܂ 8ܿ9 ܕܡܛܠ ܗܕܐ ܗܟܝܠ ܒܫܪܪܐ
3:164.15	ܝܠܕܐ ܒܘܠܝܬܐ ܐܫܬܡܗ܂ ܡܛܠ ܕܒܩܢܘܡܗ ܠܐ ܐܝܬܘܗܝ ܐܒܐ܂ 8ܿ10 ܥܗܕ
3:164.16	ܐܢܐ ܕܝܢ ܕܐܬܥܕܠ ܗܘܐ ܣܝܡܘܢ ܕܐܡܪܢ ܗܘܝܢ ܕܒܪܐ ܕܐܠܗܐ ܐܝܬܘܗܝ
3:164.17	ܡܫܝܚܐ ܘܓܘܕܦܐ ܐܡܪ ܥܠܝܢ܂ ܕܐܝܟ ܠܡ ܠܒܢ̈ܝ ܐܢܫܐ ܘܠܢܨܒ̈ܬܐ
3:164.18	ܡܫܘܝܢ ܐܢܬܘܢ ܠܗ ܠܐܠܗܐ܂ ܘܐܢܬܘܢ ܡܢ ܟܘܠܗܿ ܢܦܫܟܘܢ ܕܬܐܠܦܘܢ
3:164.19	ܐܣܬܪܗܒܬܘܢ܂ 9ܿ1 ܘܟܕ ܕܝܢ ܟܘܠܢ ܪܡܙܢ ܠܗ ܚܒܝܒܐܝܬ܂ ܗܘ
3:164.20	ܦܛܪܘܣ ܐܡܪ ܕܓܠܝܐ ܗܼܝ ܐܘܪܚܗܿ ܕܠܐ ܗܝܡܢܘܬܐ ܐܘ ܐܩܝܠܐ ܘܐܢܬܘܢ
3:164.21	ܫܪܟܐ ܕܐܚܪ̈ܢܐ܂ 9ܿ2 ܗܿܘ ܓܝܪ ܕܠܐ ܫܪܝܪܐܝܬ ܝܕܥ ܘܥܕܡܐ ܛܒܐ ܗܼܘ ܒܠܚܘܕ
3:164.22	ܒܡܫܡܥܬܗ ܩܒܠ ܕܚܠ ܕܢܗܝܡܢ܂ ܡܐ ܕܝܢ ܕܐܫܬܪܬܚ ܡܢ ܗܿܘ
3:164.23	ܕܡܫܟܚ ܕܥܠܬܐ ܕܠܐ ܗܝܡܢܘܬܗ ܡܢܗ ܢܛܪܘܕ ܒܚܕܘܬܗ ܕܗܢܐ ܫܘܕܝܐ
3:164.24	ܡܬܚܦܛ܂ ܘܠܐ ܡܫܬܐܠ ܕܢܟܣܐ ܗܿܝ ܠܐ ܗܝܡܢܘܬܗ ܕܥܠܝܗܿ ܕܒܥܬܗ
3:164.25	ܒܚܘܒܗ ܕܨܒܐ ܕܢܐܠܦ܂ ܣܓ̈ܝܐܐ ܐܢܘܢ ܓܝܪ ܟܘܪ̈ܗܢܝܗܿ ܕܠܐ ܗܝܡܢܘܬܐ܂
3:164.26	9ܿ3 ܐܠܐ ܬܗܘܐ ܡܠܬܢ ܕܥܠ ܗܕܐ ܡܢ ܒܬܪܟܢ ܕܕܡ ܬܓܕܢ ܠܘܬ ܣܒܪܐ
3:164.27	ܫܟܝܚܐ ܕܗܝܡܢܘܬܐ܂ ܘܠܒܥܬܐ ܩܕܡ ܗܝܡܢܘܬܐ ܬܩܪܒܢܝ܂ ܒܟܠ ܕܘܟܐ
3:164.28	ܗܟܝܠ ܢܬܩܕܡ ܢܬܝܩܪ ܡܢ ܠܘܬܢ ܗܘ ܐܠܗܐ ܘܗܝ ܒܥܬܐ ܕܥܠܘܗܝ܂
3:164.29	9ܿ5 ܢܬܝܕܥ ܠܟܘܢ ܗܟܝܠ ܕܐܝܟ ܡܐ ܕܝܐܐ ܠܐܠܗܐ ܝܠܕ ܠܝܚܝܕܝܗ ܘܠܒܪܗ
3:164.30	ܒܘܟܪܗ ܩܕܡ ܟܠܗܝܢ ܒܪ̈ܝܬܐ܂ 9ܿ6 ܠܐ ܗܘܐ ܓܝܪ ܠܣܘܥܪܢܐ ܕܢܦܫܗ ܐܬܐ
3:164.31	ܘܢܦܫܗ ܝܠܕ܂ ܠܐ ܓܝܪ ܡܩܘܐ ܗܘܐ ܕܠܐ ܚܫܐ ܘܕܠܐ ܡܚܘܬܐ܂ ܐܠܘ ܗܼܘ ܒܗ
3:164.32	ܣܥܪ ܗܘܐ܂ 9ܿ7 ܕܪܫܥܐ ܐܢܝܢ ܓܝܪ ܗܢܝܢ ܕܢܣܒܪ ܥܠ ܐܝܬܝܐ ܗܘ ܕܠܐ
3:166.01	ܗܘܐ ܐܝܟ ܗܢܝܢ܂ ܒܩܢܕܝܢܘܣ ܓܝܪ ܗܘܝܢ ܗܢܘܢ ܪ̈ܫܝܥܐ ܕܐܝܟ ܗܿܘ
3:166.02	ܕܒܘܠܝܬܐ ܐܬܦܪܣܘ ܘܪܘܪܒܐܝܬ ܓܕܦܘ ܥܠܘܗܝ ܕܐܝܬܝܐ ܗܕܐ ܕܢܩܒܬ
3:166.03	ܕܟܪ܂ ܥܗܝܕ ܐܢܐ ܕܝܢ ܕܐܦ ܥܠܝܗܿ ܕܗܕܐ ܐܕܟܪܬܟܘܢ ܗܘܝܬ ܐܘ ܐܚܝ̈܂
3:166.04	10ܿ1 ܒܗܝ ܗܟܝܠ ܕܐܝܬܘܗܝ ܝܠܕ ܗܼܘ ܐܠܗܐ ܐܝܟܢܐ ܕܐܬܩܕܡܬ ܐܬܐܡܪܬ܂
3:166.05	ܕܡܛܠ ܗܕܐ ܝܚܝܕܝܐ ܒܫܪܪܐ ܐܬܩܪܝ܂ ܡܢܗ ܓܝܪ ܕܐܝܬܝܐ ܐܝܬܝܗܿ ܐܝܬܘܬܗ܂
3:166.06	ܘܒܪܐ ܫܪܝܪܐܝܬ ܐܬܩܪܝ ܡܢܗ ܓܝܪ ܕܗܘ ܐܝܬܝܐ ܕܠܐ ܗܘܐ ܐܬܝܠܕ܂
3:166.07	10ܿ2 ܠܦܟܢܘܬܗܘܢ ܕܝܢ ܗܿܝ ܕܠܣܘܓܦܢܐ ܐܝܬܝܗܿ ܡܟܝܟܐܝܬ ܘܒܩܠܝܠ
3:166.08	ܩܠܝܠ ܢܪܝܚ ܕܗܢܘܢ ܕܡܡܪܚܝܢ ܕܠܗܿܘ ܐܝܬܝܐ ܒܫܡܐ ܕܗܘܝܐ ܒܠܚܘܕ
3:166.09	ܢܦܪܫܘܢ ܘܠܗ ܠܗܘܝܐ ܕܦܪܝܫ ܒܕܠܩܘܒܠܐ ܕܫܡܐ ܡܫܬܒܗܪܝܢ
3:166.10	ܒܩܢܘܡܐ ܕܐܝܬܝܐ ܗܿܘ ܕܠܐ ܗܘܐ܂ ‍<‍ܘܐܢ‍>‍ ܕܝܢ ܗܟܢܐ ܡܬܐܡܪ܂ 10ܿ3 ܡܬܩܪܐ ܗܿܘ
3:166.11	ܡܕܡ ܕܠܐ ܐܝܬܘܗܝ܂ ܘܗܿܘ ܕܝܢ ܡܕܡ ܕܐܝܬܘܗܝ ܠܐ ܡܬܩܪܐ܂ 10ܿ4 ܐܝܬܘܗܝ
3:166.12	ܓܝܪ ܡܢ ܐܝܬܘܬܐ ܒܩܢܘܡܗ܂ ܐܢ ܕܝܢ ܡܬܩܪܐ ܗܘܝܐ ܡܨܥܪ ܗܼܘ ܕܒܗܿܘ
3:166.13	ܡܕܡ ܕܠܐ ܐܝܬܘܗܝ ܐܬܩܪܝ܂ ܝܬܝܪܐܝܬ ܕܝܢ ܕܗܘ ܐܠܗܐ ܐܝܬܘܗܝ ܡܠܝܠܐ
3:166.14	ܡܢ ܢܦܫܗ܂ ܘܗܼܘ ܡܢ ܢܦܫܗ ܕܠܐ ܫܘܪܝ ܗܼܘ ܐܝܟܢܐ ܠܐ ܕܪܫܥܐ ܗܼܝ
3:166.15	ܗܕܐ܂ 10ܿ5 ܗܢܘ ܕܝܢ ܐܦ ܠܐ ܡܫܟܚܐ ܕܢܐܡܪ܂ ܕܗܼܘ ܟܕ ܗܼܘ ܐܝܬܘܗܝ
3:166.16	ܐܝܬܝܐ܂ ܘܗܘ ܟܕ ܗܘ ܡܠܝܠܐ ܐܝܬܘܗܝ ܕܠܐ ܐܦ ܗܘ ܠܢܦܫܗ ܝܬܝܪܐܝܬ
3:166.17	ܡܚܒ ܕܢܩܦ ܐܘ ܕܢܦܠ ܒܛܟܣܐ ܕܬܪܝܢܘܬܐ ܕܣܡ ܕܡܝܩܪ ܗܼܘ ܝܠܕܐ
3:166.18	ܡܢ ܠܐ ܝܠܝܕܘܬܐ܂ 10ܿ6 ܚܕ ܓܝܪ ܠܐ ܐܝܬܘܗܝ ܘܐܦ ܠܐ ܕܝܢ ܗܘ ܠܢܦܫܗ
3:166.19	ܡܦܣ ܗܘܐ܂ ܘܐܡܪ ܕܬܒ ܠܟ ܡܢ ܝܡܝܢܝ ܥܕܡܐ ܕܐܣܝܡ ܒܥܠܕܒܒ̈ܝܟ
3:166.20	ܟܘܒܫܐ ܬܚܝܬ ܪ̈ܓܠܝܟ܂ 10ܿ7 ܐܠܐ ܘܐܦ ܠܐ ܐܫܬܓܫ ܠܘܬ ܢܦܫܗ܂ ܕܡܢܗ
3:166.21	ܢܩܘܐ ܐܝܬܝܐ ܘܡܢܗ ܠܗܘܝܐ ܢܬܢܓܕ܂ 11ܿ2 ܕܢܐܡܪ ܕܝܢ ܗܢܝܢ ܥܠ ܐܠܗܐ
3:166.22	ܪܘܫܥܐ ܗܘ ܪܒܐ܂ ܓܠܝܐ ܗܼܝ ܓܝܪ ܘܟܠܗܘܢ ܗܢܘܢ ܕܐܦܢ ܩܠܝܠ
3:166.23	ܡܫܟܚܝܢ ܕܢܬܒܝܢܘܢܿ ܡܘܕܝܢ ܥܠ ܩܢܘܡܗ ܕܐܝܬܝܐ ܗܿܘ ܕܠܐ ܗܘܐ ܕܒܝܠܕܐ
3:166.24	ܕܡܢܗ ܠܐ ܚܐܫ܂ 11ܿ3 ܘܐܢ ܕܝܢ ܒܬܪ ܝܠܕܐ ܘܐܦܠܐ ܡܡܬܘܡ ܩܡܘ ܕܠܩܘܒܠܐ
3:166.25	ܕܠܐ ܢܫܠܡܘܢ܂ ܟܕ ܒܡܢܝܢܐ ܐܬܦܪܫܘ܂ ܠܐ ܓܝܪ ܐܝܬܘܗܝ ܐܒܐ ܕܢܦܫܗ܂
3:166.26	ܐܝܟܢܐ ܠܐ ܝܬܝܪܐܝܬ ܒܫܠܡܘܬܐ ܕܐܝܬܘܬܐ ܕܢܩܘܐ ܐܚܒ ܗܘ ܐܝܬܝܐ ܒܩܢܘܡܗ
3:166.27	ܘܒܝܠܕܐ ܕܝܢ ܐܬܡܢܝ ܠܬܪܝܢܘܬܐ܂ 11ܿ4 ܕܗܕܐ ܕܝܢ ܣܟܠܘܬܐ ܐܡܗܿ ܐܝܬܝܗ
3:166.28	ܠܐ ܝܕܥܬܐ ܕܥܠ ܐܠܗܐ܂ ܚܒܪܬܗܿ ܕܝܢ ܘܚܬܗܿ ܠܐ ܝܠܘܦܘܬܐ ܘܗܼܝ ܕܪܘܚܐ
3:166.29	ܕܩܘܕܫܐ܂ 11ܿ5 ܗܿܝ ܕܪܗܒܘܢܐ ܗܼܝ ܘܢܛܘܪܐ ܕܗܢܝܢ ܕܡܢ ܡܪܢ ܐܬܝܗܒ ܠܢ܂
3:166.30	ܗܿܝ ܕܠܐ ܗܘܐ ܡܢ ܒܬܪ ܝܘ̈ܡܬܐ ܣܓ̈ܝܐܐ ܕܡܣܩܬܗ ܩܒܠܢܗܿ܂ 11ܿ6 ܕܝܠܗ
3:166.31	ܕܝܚܝܕܐ ܐܝܬܝܗܿ ܛܒܥܐ ܘܕܡܘܬܐ ܚܬܝܬܐ ܕܚܝܠܗ ܐܝܟܢܐ ܕܐܦ ܗܘ ܒܪܐ
3:166.32	ܝܚܝܕܝܐ ܘܒܘܟܪܐ ܕܩܕܡ ܟܠ ܡܕܡ ܨܠܡܐ ܐܝܬܘܗܝ ܚܬܝܬܐ ܕܕܠܐ
3:168.01	ܡܫܓܢܝ܂ ܕܚܝܠܐ ܕܐܝܬܘܗܝ ܕܠܐ ܗܘܐ܂ ܘܨܠܡܐ ܗܼܘ ܒܠܚܘܕܘܗܝ ܕܠܐ
3:168.02	ܡܫܓܢܝ ܘܚܙܬܗ ܕܝܢ ܕܐܝܬܝܐ ܗܘ ܕܠܐ ܗܘܐ ܝܗܒ ܟܕ ܡܬܚܙܐ
3:168.03	ܠܡ̈ܬܝܕܥܢܐ ܘܐܦ ܠܡܬܪ̈ܓܫܢܐ܂ 11ܿ8 ܗܼܘ ܓܝܪ ܐܝܬܝܐ ܗܿܘ ܕܠܐ ܗܘܐ ܠܐ
3:168.04	ܐܝܬܘܗܝ ܐܠܐ ܚܝܠܗ ܗܼܘ ܟܠܗ ܕܐܝܬܝܐ ܒܐܝܬܘܬܗ ܘܒܐܠܗܘܬܗ܂ ܘܗܢܐ
3:168.05	ܟܠܗ ܐܝܟ ܡܐ ܕܐܝܬܘܗܝ ܡܚܘܐ܂ 11ܿ9 ܘܠܗܢܘܢ ܕܝܢ ܕܠܐ ܒܛܝܠܐܝܬ
3:168.06	ܡܫܐܠܝܢ ܐܝܬܝܐ ܕܠܐ ܗܘܐ ܐܣܬܒܪ܂ ܠܘܬ ܗܢܘܢ ܕܝܢ ܕܡܩܕܡܐ ܠܒܥܬܗܘܢ
3:168.07	ܕܚܠܬܐ ܕܐܠܗܐ܂ ܠܐ ܒܠܚܘܕ ܕܢܐܡܪܘܢ ܕܐܝܟ ܗܟܢܐ ܡܫܬܐܠܝܢ ܐܠܐ ܐܦ
3:168.08	ܕܢܪܢܘܢ ܡܙܕܗܪܝܢ܂ 11ܿ10 ܕܚܕ ܗܟܝܠ ܐܝܬܘܗܝ ܐܝܬܝܐ ܕܠܐ ܗܘܐ܂ ܘܚܕ ܝܠܕܐ
3:168.09	ܫܪܝܪܐ ܗܝ ܪܘܚܐ ܕܩܘܕܫܐ ܒܪܐ ܕܬܬܩܪܐ ܠܐ ܡܫܟܚܐ܂ ܘܐܦ ܠܐ ܒܘܟܪܐ܂
3:168.10	ܡܬܡܢܝܐ ܕܝܢ ܥܡ ܐܒܐ ܘܥܡ ܒܪܐ ܐܝܟ ܕܛܒܥܐ ܗܝ ܓܠܝܦܐ ܩܕܡܐ
3:168.11	ܕܚܝܠܗ ܕܬܪܝܢܐ܂ 11ܿ11 ܘܐܦ ܓܝܪ ܗܼܘ ܒܪܐ ܕܝܠܗ ܕܐܒܐܼ ܚܝܠܗ ܗܼܘ ܘܕܡܘܬܗ
3:168.12	ܘܨܠܡܗܿ ܨܝܪܐ ܕܐܝܬܘܬܗ ܒܨܒܝܢܐ ܫܘܝܐ ܐܝܟ ܝܠܕܐ ܕܐܝܬܘܬܗ ܒܘܠܝܬܐ ܥܡܗ
3:168.13	ܡܬܚܙܐ܂ 11ܿ12 ܘܣܓܝ̈ܐܬܐ ܕܝܢ ܘܐܦ ܐܚܪ̈ܢܝܬܐ ܥܠ ܐܒܐ ܘܥܠ ܒܪܐ ܘܥܠ
3:168.14	ܪܘܚܐ ܕܩܘܕܫܐ ܐܡܪ܂ ܘܐܦܝܣܢ ܠܟܠܢ ܘܠܐ ܒܨܝܪ ܡܢ ܒܘܚܪܢܐ ܕܥܝܢܐ
3:168.15	ܠܪܓܫܬܐ ܕܡܫܡܥܬܢ ܫܪܪܐ ܝܗܒ ܗܟܢܐ ܕܟܠܢ ܟܕ ܫܡܥܢ ܚܢܓܬ
3:168.16	ܠܢ ܥܠ ܒ̈ܢܝ ܐܢܫܐ ܕܟܡܐ ܫܪܥܘ ܘܗܦܟܘ ܡܢ ܫܪܪܐ܂
3:168.17	12ܿ1 ܘܟܕ ܕܝܢ ܢܓܗܬ ܩܕܡ ܕܫܡܫܐ ܢܣܩ܂ ܗܘ ܦܛܪܘܣ ܥܡ ܕܠܝ̈ܠܐ ܡܢ
3:168.18	ܒܝܬܐ ܢܦܩ܂ ܘܦܢܐ ܐܬܐ ܠܘܬܢܿ ܘܐܝܟ ܥܝܕܗ ܨܠܝ ܘܝܬܒ܂ ܘܗܝܕܝܢ ܥܠ
3:168.19	ܐܢܫ ܠܘܬܢܿ ܘܐܡܪ ܕܟܢܫܐ ܣܓܝܐܐ ܕܐ̈ܢܫܐ ܐܬܐ ܘܒܕܘܟܬܐ ܕܕܪܬܐ ܬܚܝܬ ܐܐܪ
3:168.20	ܐܝܬܝܗܘܢ ܘܣܝܡܘܢ ܒܡܨܥܬܗܘܢ ܩܐܡ܂ ܘܒܡ̈ܠܐ ܒܝ̈ܫܬܐ ܡܢܣܐ
3:168.21	ܕܠܡܫܡܥܬܗܘܢ ܢܩܕܡ ܢܠܒܘܟ܂ 12ܿ2 ܘܗܘ ܕܝܢ ܦܛܪܘܣ ܟܕ ܫܡܥ܂
3:168.22	ܒܪܫܥܬܗ ܢܦܩ ܘܩܡ ܒܕܘܟܬܐ ܗܿܝ ܕܐܬܡܠܝ ܥܡܗ ܡܠܠ܂ ܘܡܢ
3:168.23	ܕܘܟܬܗ ܟܠܗ ܟܢܫܐ ܐܬܦܢܝ ܘܒܚܕܘܬܐ ܥܝ̈ܢܝܗܘܢ ܒܗ ܐܨܕܘ܂ 12ܿ3 ܘܗܘ
3:168.24	ܕܝܢ ܣܝܡܘܢ ܟܕ ܐܬܒܝܢ ܒܛܝܒܘܬܐ ܣܓܝܐܬܐ ܕܥܡ ܦܛܪܘܣ ܡܢ ܚܘܒܐ
3:168.25	ܗܘ ܣܓܝܐܐ ܕܠܘܬܗ ܕܟܠܗ ܗܘ ܟܢܫܐ ܐܬܕܡܪ 12ܿ4 ܘܐܡܪ ܟܕ ܬܗܝܪ
3:168.26	ܕܡܬܕܡܪܢܐ ܒܣ̈ܟܠܘܬܗܘܢ ܕܒ̈ܢܝ ܐܢܫܐ ܕܠܝ ܚܪܫܐ ܩܪܝܢ ܘܠܦܛܪܘܣ
3:168.27	ܪ̈ܚܡܝܢ ܘܡܚܒܝܢ܂ ܟܕ ܗܐ ܡܛܠ ܕܝܕ̈ܘܥܝ ܐܢܘܢ ܘܒ̈ܢܝ ܥܝܕܝ ܠܝ
3:168.28	ܝܬܝܪܐܝܬ ܚܝܒܝܢ ܗܘܘ ܕܢܚܒܘܢܿ܂ 12ܿ5 ܕܡܛܠ ܗܢܐ ܐܦ ܡܢܗܿ ܕܗܕܐ ܐܬܐ
3:168.29	ܠܐܝܠܝܢ ܕܪܥܝܢܐ ܐܝܬ ܒܗܘܢܿ ܗܘ ܦܛܪܘܣ ܡܫܟܚܐ ܕܢܬܝܕܥ ܕܚܪܫܐ
3:168.30	ܗܘ܂ ܕܠܝ ܡܢ ܥܝܕܐ ܡܬܚܝܒܐ ܗܘܬ ܕܢܚܒܘܢܢܝ܂ ܠܐ ܐܝܬ ܠܝ ܗܕܐ
3:168.31	ܕܢܚܒܘܢܢܝ܂ ܘܠܗ ܕܝܢ ܣܓܝܐܐ ܗܕܐ ܕܢܚܒܘܢܝܗܝ ܕܠܐ ܡܬܚܝܒܐ ܗܘܬ
3:168.32	ܠܗܿ13ܿ1 ܘܟܕ ܣܓܝ̈ܐܬܐ ܗܟܝܠ ܐܝܟ ܗܢܝܢ ܗܘ ܣܝܡܘܢ ܠܘܩܒܠ
3:170.01	ܦܛܪܘܣ ܐܡܪ ܗܘܐ ܐܝܟ ܕܠܘܩܒܠ ܚܪܫܐ܂ ܗܘ ܦܛܪܘܣ ܡܢ ܒܬܪ
3:170.02	ܕܫܐܠ ܒܫܠܡܐ ܕܟܠܗ ܟܢܫܐ ܦܢܝ ܠܗ ܦܬܓܡܐ ܘܐܡܪ܂ ܕܣܦܩ
3:170.03	ܠܗ ܐܘ ܣܝܡܘܢ ܠܒܘܣܪܢܗ ܕܐܢܫ ܗܼܘ ܡܣܡ ܒܪܥܝܢܗ܂ 13ܿ2 ܘܐܢ
3:170.04	ܕܝܢ ܗܕܐ ܡܛܥܝܐ ܠܟ܂ ܕܗܢܘܢ ܕܒ̈ܢܝ ܥܝܕܟ ܘܝܕܘ̈ܥܝܟ ܗܘܘ܂ ܠܐ ܒܠܚܘܕ
3:170.05	ܠܐ ܪܚܡܝܢ ܠܟ܂ ܐܠܐ ܐܦ ܣܢܝܢ ܠܟ܂ ܡܐ ܕܡܢܝ ܥܠܬܐ ܕܗܕܐ ܫܡܥܬ
3:170.06	ܒܗܬ܂ 13ܿ3 ܐܝܬܝܗܿ ܕܝܢ ܗܕܐ ܕܡܛܠ ܕܡܛܥܝܢܐ ܐܢܬ ܘܫܪܪܐ ܕܝܢ ܡܫܬܘܕܐ
3:170.07	ܐܢܬ܂ ܣ̈ܓܝܐܐ ܡܚ̈ܒܝ ܫܪܪܐ ܗܘܘ ܠܟ ܪ̈ܚܡܐ 13ܿ4 ܗܢܘܢ ܕܡܛܠ ܕܕܠܩܘܒܠܐ
3:170.08	ܕܫܘܕܝܟ ܚܙܘ ܒܟ܂ ܠܐ ܒܠܚܘܕ ܠܐ ܪܚܡܘܟ ܐܠܐ ܡܛܠ ܕܪ̈ܚܡܝ ܫܪܪܐ
3:170.09	ܐܢܘܢ ܐܝܟ ܕܐܡܪܬ ܠܟ ܠܡܛܥܝܢܐ ܣܢܐܘܟ܂ 13ܿ5 ܠܐ ܕܝܢ ܡܪܦܝܢ ܗܘܘ ܠܟ
3:170.10	ܒܠܚܘܕܝܟ܂ ܡܛܠ ܕܥܠ ܪܒܘܬܐ ܐܦܢ ܡܫܬܘܕܐ ܗܘܝܬ ܕܬܚܘܐ ܐܢܘܢ
3:170.11	ܐܡܬܝ ܕܗܘ܂ 13ܿ6 ܘܟܡܐ ܕܠܐ ܩܪܝܒ ܗܿܘ ܕܒܫܪܪܐ ܡܫܟܚ ܗܘܐ ܕܢܚܘܐ܂
3:170.12	ܐܢܘܢ ܡܣܝܒܪܝܢ ܗܘܘ ܠܟ܂ ܟܕ ܕܝܢ ܩܪܒ ܠܘܬܗܘܢ ܣܒܪܗ ܕܪܒܘܬܐ
3:170.13	ܗܝܕܝܢ ܒܘܠܝܬܐ ܒܟ ܒܣܝܢ ܘܒܣܪܝܢ ܠܟ܂ ܘܠܗܿ ܕܝܢ ܠܪܒܘܬܐ
3:170.14	ܡܚܒܝܢ܂ 13ܿ7 ܐܢܬ ܕܝܢ ܟܕ ܗܢܝܢ ܕܕܠܐ ܢܡܘܣ ܐܢܝܢ ܡܢ ܫܘܪܝܐ ܣܥܪ
3:170.15	ܗܘܝܬ ܣܒܪ ܗܘܝܬ ܠܟ ܕܡܛܥܐ ܗܘܝܬ ܠܗܘܢ ܓܕܫ ܠܟ ܗܟܝܠ
3:170.16	ܕܠܩܘܒܠܐ ܕܗܢܝܢ ܕܣܒܪܬ ܡܛܠ ܕܠܐ ܗܘܐ ܒܠܚܘܕ ܠܗ ܠܫܪܪܐ ܠܐ
3:170.17	ܝܕܥ ܗܘܝܬ܂ ܐܠܐ ܐܦܠܐ ܡܢ ܝܕܘ̈ܥܘܗܝ ܫܡܝܥ ܠܟ܂ 13ܿ8 ܘܐܠܘ ܕܝܢ ܫܡܝܥ
3:170.18	ܗܘܐ ܠܟ܂ ܝܕܥ ܗܘܝܬ ܕܡܢܐ ܐܝܬܝܗܿ ܗܿܝ ܕܠܝܬ ܡܕܡ ܕܟܣܐ ܕܠܐ
3:170.19	ܢܬܝܕܥ܂ ܘܐܦܠܐ ܕܡܛܫܝ ܕܠܐ ܢܬܓܠܐ܂ ܗܢܝܢ ܕܐܪ̈ܙܐ ܕܐܠܗܐ ܐܝܬܝܗܝܢ܂
3:170.20	ܘܠܗܢܘܢ ܕܫܘܝܢ ܒܨܒܝܢܗ ܡܬܓܠܝܢ܂ ܒܪܡ ܕܝܢ ܐܢܬ ܐܠܘ ܫܡܥ
3:170.21	ܗܘܝܬ ܐܘ ܒܥܓܠ ܐܘ ܒܬܘܚܪܬܐ ܐܡܝܢܐܝܬ ܝܠܦ ܗܘܝܬ ܫܪܝܪܬܐ܂ ܘܐܦܢ
3:170.22	ܕܝܢ ܒܥܓܠ ܠܐ ܡܗܝܡܢ ܗܘܝܬ ܠܢܘܓܪܐ ܒܬܘܚܪܬܐ ܐܝܟ ܠܐ ܡܗܝܡܢܐ
3:170.23	ܒܗ ܒܢܣܝܢܐ ܡܫܬܡܠܐ ܗܘܝܬ ܘܡܬܛܦܝܣ܂
3:170.24	14ܿ1 ܘܟܕ ܗܢܝܢ ܘܐܝܠܝܢ ܕܢܩ̈ܦܢ ܠܗܝܢ ܗܘ ܦܛܪܘܣ ܐܡܪ܂ ܗܝܕܝܢ
3:170.25	ܣܝܡܘܢ ܐܡܪ ܕܠܐ ܬܒܛܠܝܢܝ ܡܢ ܕܐܬܒܥܟ ܗܿܘ ܫܘܕܝܟ ‍<‍ܕܐܬܡܠܝ#4‍>‍܂ 14#2 ܐܡܪܬ
3:170.26	ܓܝܪ ܕܡܫܟܚ ܐܢܐ ܕܐܚܘܐ ܕܗܘ ܢܡܘܣܐ ܡܚܘܐ ܥܠ ܢܘܗܪܐ ܕܠܐ ܡܣܬܝܟ
3:170.27	ܕܡܢ ܥܠܡ܂ ܟܕ ܬܪ̈ܝܢ ܫܡ̈ܝܐ ܐܝܬܝܗܘܢ ܒܠܚܘܕ ܗܢܘܢ ܕܐܦ ܡܗܘܐ
3:170.28	ܗܘܘ܂ ܕܡܢܗܘܢ ܥܠܝܐ ܐܝܬ ܐܬܪܐ ܕܢܘܗܪܐ ܗܿܘ ܕܠܐ ܣܟܐ ܕܒܗ ܒܠܚܘܕܘܗܝ
3:170.29	ܥܡܪ ܗܿܘ ܕܒܫܪܪܐ ܐܒܐ ܗܘ ܟܣܝܐ܂ ܘܠܗܘ ܟܘܪܣܝܐ ܕܡܩܘܐ ܠܥܠܡ
3:170.30	ܥܒܕ ܠܗ܂ 14ܿ3 ܘܒܕܡܘܬܗ ܕܗܿܘ ܗܘܐ ܗܢܐ ܕܡܬܚܙܐ܂ ܘܐܝܬ ܠܗ
3:170.31	ܕܢܥܒܪ܂ 14ܿ4 ܘܡܢ ܩܛܝܪ ܚܕ ܐܝܬܘܗܝ ܐܒܐ ܕܟܘܠ ܡܕܡ ܕܬܪ̈ܝܢ ܫܡܝܐ
3:172.01	ܠܐ ܡܫܬܟܚܝܢ ܘܬܪ̈ܝܢ ܕܠܐ ܡܣܬܝܟܝܢ ܕܢܗܘܘܢ ܐܝܬܝܗܘܢ ܠܐ ܡܫܟܚܐ܂ ܘܐܢ
3:172.02	ܕܝܢ ܠܐ ܐܦܠܐ ܚܕ ܡܢܗܘܢ ܕܠܐ ܣܟܐ ܐܝܬܘܗܝ܂ ܡܣܬܝܟ ܠܗ ܓܝܪ ܚܕ
3:172.03	ܚܕ ܡܢܗܘܢ ܡܢ ܚܒܪܗ܂ 14ܿ5 ܐܢ ܗܟܝܠ ܗܼܝ ܗܕܐ ܠܐ ܗܘܐ ܕܠܐ ܐܝܬܝܗܿ
3:172.04	ܒܠܚܘܕ ܐܡܪ ܐܢܬ ܐܠܐ ܐܦ ܡܚܘܐ ܐܢܬ ܡܢܗ ܕܢܡܘܣܐ܂ ܠܗܠܝܢ ܡ̈ܠܐ
3:172.05	ܣܓܝ̈ܐܬܐ ܐܪܦܐ ܘܒܪܫܥܬܗ ܐܡܪ܂ 14ܿ6 ܘܗܘ ܦܛܪܘܣ ܐܡܪ ܕܐܠܘ ܡܛܠܬܟ
3:172.06	ܕܐܡܝܢܐܝܬ ܡܛܠ ܗܕܐ ܕܬܐܡܪ ܠܩܘܒܠܢ ܐܬܝܬ ܡܬܒܥܐ ܗܘܐ ܡܢܝ
3:172.07	ܕܐܡܪ܂ ܐܦܠܐ ܡܬܘܡ ܚܕܐ ܡܠܬܐ ܡܢܝ ܐܝܬ ܗܘܐ ܠܟ ܕܬܫܡܥ܂ 14ܿ7 ܐܠܐ
3:172.08	ܡܛܠ ܕܐܠܨܐ ܠܗ ܠܐܟܪܐ ܕܡܛܠ ܛܒܘܬܗ ܕܐܪܥܗ ܙܪܥ܂ ܕܕܠܝܠܬܐ ܐܦ
3:172.09	ܢܘܒܕ ܕܗܿܝ ܡܠܬܐ ܒܕܡܘܬ ܙܪܥܐ ܢܦܠܐ ܐܘ ܥܠ ܫܘܥܐ܂ ܐܘ ܥܠ
3:172.10	ܐܘܪܚܐ ܕܪܝܫܬܐ ܐܘ ܥܠ ܒܘܪܐ ܕܟܘ̈ܒܐ܂ ܕܗܢܝܢ ܕܝܢ ܗܢܝܢ ܗܼܘ ܡܠܦܢܢ
3:172.11	ܛܒܐ ܕܡܝ܂ ܟܕ ܨܒܐ ܕܢܚܘܐ ܥܠ ܦܘܪ̈ܫܢܐ ܕܨܒ̈ܝܢܐ ܕܠܐ ܕܡܝܢ܂ 15ܿ1 ܘܗܘ
3:172.12	ܣܝܡܘܢ ܐܡܪ ܕܡܣܬܒܪ ܐܢܬ ܠܝ ܕܡܪܓܙ ܪܓܙܬ܂ ܘܡܛܠ ܗܕܐ ܡܘܕܐ
3:172.13	ܐܢܐ܂ ܕܡܫܬܐܠ ܐܢܐ ܡܢܗܿ ܕܒܥܬܐ܂ 15ܿ2 ܘܗܘ ܦܛܪܘܣ ܐܡܪ ܕܝܕܥ ܐܢܐ ܕܡܛܘܠ
3:172.14	ܕܐܪܓܫܬ ܕܥܬܝܕ ܐܢܬ ܕܬܬܟܣܣ܂ ܐܣܟܡܬܢܐܝܬ ܨܒܝܬ ܕܡܢ ܒܥܬܐ
3:172.15	ܬܫܬܐܠ܂ 15ܿ3 ܘܐܠܐ ܡܢܐ ܐܣܟܠܬ ܕܪܓܙܬ ܥܠ ܓܒܪܐ܂ ܕܠܗܢܐ ܟܘܠܗ
3:172.16	ܟܢܫܐ ܨܒܐ ܕܢܛܥܐ܂ ܘܥܡ ܗܕܐ ܕܡܕܡ ܠܝܬ ܠܗ ܕܢܐܡܪ ܡܕܢܐ ܢܦܫܗ
3:172.17	ܒܡܟܝܟܘܬܐ ܘܐܝܟ ܕܒܫܘܠܛܢܐ ܐܦ ܦܩܕ ܕܢܒܥܐ ܐܝܟܢܐ ܕܗܘ ܨܒܐ܂ ܘܠܐ
3:172.18	ܗܘܐ ܐܝܟܢܐ ܕܗܼܝ ܒܥܬܐ ܥܗܢܐ ܘܨܒܝܐ܂
3:172.19	15ܿ4 ܘܗܘ ܣܝܡܘܢ ܐܡܪ ܕܐܠܨ ܐܢܐ ܢܦܫܝ ܕܐܓܪ ܪܘܚܐ ܥܡ ܗܕܝܘܛܘܬܟ܂
3:172.20	ܐܝܟܢܐ ܕܐܚܘܐ ܕܐܢܬ ܨܒܐ ܐܢܬ ܕܬܛܥܐ ܠܥܡܐ ܗܢܐ܂ ܘܐܢܐ ܕܝܢ ܫܪܪܐ ܐܡܪ
3:172.21	ܐܢܐ܂ 15ܿ5 ܘܐܦ ܗܫܐ ܡܪܦܐ ܐܢܐ ܠܗܿ ܠܒܥܬܐ܂ ܗܿܝ ܕܥܠ ܗܿܘ ܕܠܐ ܡܣܬܝܟ܂
3:172.22	ܘܠܘܩܒܠ ܗܢܝܢ ܕܡܫܐܠ ܐܢܐ ܠܟ ܦܢܐ ܠܝ ܦܬܓܡܐ܂ ܕܐܢ ܐܝܟ ܕܐܡܪܬ
3:172.23	ܐܠܗܐ ܥܒܕ ܟܠ ܡܕܡ ܡܢ ܐܝܟܐ ܗܘ ܒܝܫܐ܂ 15ܿ6 ܘܗܘ ܦܛܪܘܣ ܐܡܪ
3:172.24	ܕܬܫܐܠ ܐܝܟ ܗܟܢܐ ܠܐ ܐܝܬܝܗ ܗܕܐ ܕܗܿܘ ܕܒܥܐ ܐܠܐ ܕܗܿܘ ܕܝܠܦ܂ ܘܐܢ
3:172.25	ܗܟܝܠ ܕܬܐܠܦ ܨܒܐ ܐܢܬ ܐܘܕܐ܂ ܘܠܘܩܕܡ ܡܠܦ ܐܢܐ ܠܟ ܕܐܝܟܢܐ
3:172.26	ܡܫܟܚܐ ܕܬܐܠܦ܂ ܘܟܢ ܡܐ ܕܝܕܥܬ ܕܬܫܡܥ ܡܫܪܐ ܐܢܐ ܕܐܚܘܝܟ܂ 15ܿ7 ܘܐܢ
3:172.27	ܕܝܢ ܠܐ ܨܒܐ ܐܢܬ ܕܬܐܠܦ܂ ܐܝܟ ܕܬܪܝܨܐܝܬ ܝܕܥܬ܂ ܐܢܐ ܩܕܡܝܐ ܫܪܪܐ ܕܒܐܝ̈ܕܝ
3:172.28	ܡܬܟܪܙ ܣܐܡ ܐܢܐ ܒܡܨܥܬܐ܂ ܣܝܡ ܐܦ ܐܢܬ ܗܿܘ ܡܕܡ ܕܡܣܬܒܪ ܠܟ
3:172.29	ܕܫܪܪܐ ܐܝܬܘܗܝ܂ ܐܝܟܢܐ ܕܡܐ ܕܐܬܚܙܝܘ ܓܠܝܐܝܬ ܫܪ̈ܪܐ ܕܬܪ̈ܝܢ ܒܗܿ ܒܒܥܬܐ
3:172.30	ܡܠܬܐ ܐܝܕܐ ܕܡܝܬܪܐ ܘܫܪܝܪܐ ܬܬܝܕܥ܂ 15ܿ8 ܘܗܘ ܣܝܡܘܢ ܐܡܪ܂ ܕܐܬܝܐ ܠܝ
3:172.31	ܕܐܓܚܟ ܕܡܢܘ ܡܫܬܘܕܐ ܕܡܠܦ ܠܝ܂ ܗܢܘ ܕܝܢ ܡܣܝܒܪ ܐܢܐ ܠܗܿ
3:174.01	ܠܗܕܝܘܛܘܬܟ ܘܠܫܘܒܗܪܟ܂ ܘܡܘܕܐ ܐܢܐ ܕܨܒܐ ܐܢܐ ܕܐܠܦ ܐܚܙܐ ܐܝܟܢܐ
3:174.02	ܡܫܟܚ ܐܢܬ ܕܬܠܦܝܢܝ܂ 16ܿ1 ܘܗܘ ܦܛܪܘܣ ܐܡܪ ܕܐܢ ܒܫܪܪܐ ܕܬܐܠܦ ܨܒܐ
3:174.03	ܐܢܬ܂ ܠܘܩܕܡ ܐܝܠܦ ܕܐܝܟܢܐ ܕܠܐ ܒܝܕܥܬܐ ܫܐܠܬ܂ ܐܡܪܬ ܓܝܪ ܕܐܢ
3:174.04	ܐܠܗܐ ܟܠ ܡܕܡ ܥܒܕ܂ ܡܢ ܐܝܟܐ ܗܘ ܒܝܫܐ܂ ܩܕܡ ܓܝܪ ܗܕܐ ܬܠܬܐ
3:174.05	ܫ̈ܘܐܠܝܢ ܩܕܝܡܝܢ ܒܘܠܝܬܐ܂ 16ܿ2 ܠܘܩܕܡ ܕܐܢ ܐܝܬܘܗܝ܂ ܘܟܢ ܕܡܢܐ
3:174.06	ܐܝܬܘܗܝ܂ ܘܗܝܕܝܢ ܕܠܡܢܐ ܐܝܬܘܗܝ܂ ܘܡܢ ܐܝܟܐ ܐܝܬܘܗܝ܂ 16ܿ3 ܘܗܘ
3:174.07	ܣܝܡܘܢ ܦܢܝ ܦܬܓܡܐ ܕܐܘ ܗܕܝܘܛܐ ܘܠܐ ܝܕܘܥܐ܂ ܡܢܘ ܡܢ ܒ̈ܢܝ ܐܢܫܐ
3:174.08	ܕܠܐ ܡܘܕܐ ܕܐܝܬܘܗܝ ܒܥܠܡܐ ܒܝܫܐ܂ 16ܿ4 ܕܡܛܠ ܗܕܐ ܐܢܐ ܐܝܟ ܕܠܡܢ
3:174.09	ܕܪܥܝܢܐ ܘܬܪܥܝܬܐ ܕܓܘܐ ܐܝܬ ܠܗ܂ ܫܐܠܬܟ ܕܡܢ ܐܝܟܐ ܗܘ ܒܝܫܐ܂ ܠܐ
3:174.10	ܗܘܐ ܐܝܟ ܕܨܒܐ ܐܢܐ ܕܐܠܦ ܐܢܐ ܕܟܠܡܕܡ ܝܕܥ ܐܢܐ ܡܢܟ ܕܡܕܡ ܠܐ ܝܕܥ
3:174.11	ܐܢܬ܂ ܐܠܐ ܕܐܟܣܟ ܨܒܐ ܐܢܐ ܕܡܕܡ ܠܐ ܝܕܥ ܐܢܬ܂ 16ܿ5 ܘܠܐ ܬܣܒܪ ܕܡܛܠ
3:174.12	ܕܪܓܙܬ ܥܠܝܟ܂ ܗܟܢܐ ܩܫܝܐܝܬ ܡܠܠܬ܂ ܐܠܐ ܡܛܠ ܕܚܐܣ ܐܢܐ ܥܠ
3:174.13	ܗܢܝܢ ܕܩܪܝܒܝܢ ܕܨܒܐ ܐܢܬ ܕܬܒܛܠ ܐܢܘܢ܂ 16ܿ6 ܘܗܘ ܦܛܪܘܣ ܐܡܪ ܠܗ܂
3:174.14	ܕܣܓܝ ܒܝܫܐ ܐܢܬ ܕܟܕ ܗܢܐ ܟܠܗ ܨܥܪܬ܂ ܐܡܪܬ ܕܠܐ ܪܓܙܬ܂ ܗܕܐ ܕܠܐ
3:174.15	ܡܫܟܚܐ ܕܢܬܚܙܐ ܬܢܢܐ܂ ܟܕ ܢܘܪܐ ܠܐ ܬܩܕܡ ܬܗܘܐ܂ 16ܿ7 ܒܪܡ ܕܝܢ ܐܡܪ ܐܢܐ
3:174.16	ܡܛܠ ܕܠܐ ܐܣܬܒܪ ܠܟ ܕܡܒܛܠܘ ܡܒܛܠܢܐ ܐܝܟ ܕܠܐ ܐܝܬ ܠܝ ܕܐܟܣ
3:174.17	ܠܡܠܬܐ ܗܿܝ ܕܡܢܟ ܒܝܫܐܝܬ ܐܬܐܡܪܬ܂ 16ܿ8 ܐܡܪܬ ܓܝܪ ܕܟܠ ܐܢܫ ܡܘܕܐ
3:174.18	ܗܼܘ ܕܐܝܬܘܗܝ ܒܝܫܐ܂ ܘܗܼܝ ܗܕܐ ܕܓܠܬܐ ܐܝܬܝܗܿ܂ ܠܘܩܕܡ ܓܝܪ ܐܦܢ
3:174.19	ܕܐܝܬܘܗܝ ܟܘܠܗ ܥܡܐ ܕܝܗܘ̈ܕܝܐ ܟܦܪ ܒܗ ܠܒܪ ܡܢ ܟܘܪܣܝܐ
3:174.20	ܕܡܘܫܐ ܒܠܚܘܕ܂ 17ܿ1 ܘܗܘ ܣܝܡܘܢ ܦܣܩܗܿ ܠܡܠܬܐ ܘܐܡܪ܂ ܕܬܪܝܨܐܝܬ
3:174.21	ܗܟܝܠ ܪ̈ܢܝܢ ܗܢܘܢ ܕܐܡܪܝܢ ܕܐܝܬܘܗܝ ܒܝܫܐ ܐܘ ܠܐ܂ 17ܿ2 ܘܗܘ ܦܛܪܘܣ
3:174.22	ܐܡܪ ܕܠܐ ܗܘܐ ܗܕܐ ܣܝܡܐ ܠܝ ܗܫܐ ܕܐܚܘܐ܂ ܐܠܐ ܕܠܐ ܗܘܐ ܟܠܗܘܢ ܒ̈ܢܝ
3:174.23	ܐܢܫܐ ܐܡܪܝܢ ܕܐܝܬܘܗܝ ܒܝܫܐܼ܂ 17ܿ3 ܘܗܝܕܝܢ ܕܬܪܬܝܢ ܘܠܐ ܗܘܐ ܠܟ ܕܬܫܐܠ
3:174.24	ܕܡܢܐ ܐܝܬܘܗܝ ܗܼܘ ܒܝܫܐ ܐܝܬܘܬܐ ܗܼܘ ܘܩܢܘܡܐ ܐܘ ܣܘܥܪܢܐ ܐܘ ܓܕܫܐ܂
3:174.25	ܒܪܡ ܕܝܢ ܐܦ ܐܚܪ̈ܢܝܬܐ ܐܝܬ ܣ̈ܓܝܐܬܐ܂ 17ܿ4 ܘܟܢ ܒܬܪ ܗܢܝܢ ܗܝܕܝܢ ܕܥܠ
3:174.26	ܡܢܐ ܗܘ ܘܐܝܟܢܐ ܗܘ܂ ܘܠܡܢܐ ܐܝܬܘܗܝ ܗܘ ܒܝܫܐ܂ ܕܡ ܠܗ ܠܐܠܗܐ܂
3:174.27	ܐܘ ܠܡܠܐܟܐ ܐܘ ܠܒ̈ܢܝ ܐܢܫܐ܂ ܐܘ ܠܪ̈ܫܝܥܐ ܐܘ ܠܙܕܝ̈ܩܐ ܐܘ ܠܟܠܗܘܢ܂
3:174.28	ܐܘ ܐܦ ܠܐ ܠܐܢܫ܂ 17ܿ5 ܘܡܢܐ ܕܝܢ ܕܚܫܚ ܗܘ ܟܝ ܐܘ ܠܐ ܚܫܚ܂ ܗܢܘ ܕܝܢ
3:174.29	ܐܦ ܣܓܝ̈ܐܐ ܐܚܪ̈ܢܐ ܫܘ̈ܐܠܐ ܠܗܢܐ ܫܪܒܐ ܕܣܝܡ ܩܕܡܝܢ ܢܩܦܝܢ܂ 17ܿ6 ܘܗܘ
3:174.30	ܣܝܡܘܢ ܦܢܝ ܦܬܓܡܐ܂ ܕܫܒܘܩ ܠܝ ܕܐܬܥܒܪܬ ܒܫܘܐܠܝ ܩܕܡܝܐ܂
3:174.31	ܘܣܒܪ ܥܠܝ ܕܗܫܐ ܩܕܡܝܬ ܡܫܐܠ ܐܢܐ ܠܟ ܕܐܝܬܘܗܝ ܒܝܫܐ ܐܘ ܠܐ܂
3:176.01	18ܿ1 ܘܗܘ ܦܛܪܘܣ ܐܡܪ ܠܗ܂ ܕܐܝܟܢܐ ܡܫܐܠ ܐܢܬ ܐܝܟ ܝܠܘܦܐ ܐܘ ܐܝܟ
3:176.02	ܡܠܦܢܐ ܐܘ ܐܝܟ ܗܿܘ ܕܒܥܐ܂ 18ܿ2 ܐܢ ܓܝܪ ܐܝܟ ܝܠܘܦܐ ܐܝܬ ܠܝ ܕܐܠܦܟ
3:176.03	ܕܡܢܐ ܩܕܡ ܒܝܫܐ ܙܕܩ ܠܟ ܕܬܫܐܠ ܐܝܟܢܐ ܕܒܗ ܒܢܩܦܐ ܘܒܗ ܒܛܟܣܐ
3:176.04	ܡܢ ܢܦܫܟ ܬܕܥܝܘܗܝ ܠܒܝܫܐ܂ 18ܿ3 ܘܐܢ ܕܝܢ ܐܝܟ ܡܠܦܢܐ ܠܐ ܣܢܝܩ ܐܢܐ
3:176.05	ܕܐܠܦ܂ ܐܝܬ ܠܝ ܓܝܪ ܗܿܘ ܕܡܢܗ ܟܠܡܕܡ ܝܠܦܬ܂ 18ܿ4 ܘܐܢ ܕܝܢ ܐܝܟ
3:176.06	ܒܥܘܝܐ܂ ܐܢܚܢܢ ܬܪܝܢ ܢܣܝܡ ܒܡܨܥܬܐ ܡܣܡ ܒܪܥܝܢܝܢ ܘܗܝܕܝܢ ܡ̈ܠܝܢ
3:176.07	ܢܥܒܕ܂ 18ܿ5 ܠܐ ܓܝܪ ܙܕܩ ܠܟ ܕܬܫܐܠ ܐܝܟ ܝܠܘܦܐ܂ ܘܬܐܡܪ ܠܩܘܒܠܢ ܐܝܟ
3:176.08	ܡܠܦܢܐ܂ ܐܝܟܢܐ ܕܡܢ ܒܬܪ ܦܘܢܝ ܦܬܓܡܝ ܕܝܠܝ ܕܝܠܟ ܬܗܘܐ ܕܬܐܡܪ܂
3:176.09	ܕܛܒܐܝܬ ܐܘ ܒܝܫܐܝܬ ܐܡܪܬܗܿ ܐܢܐ ܠܡܠܬܐ܂ 18ܿ6 ܕܡܛܠ ܗܕܐ ܠܐ ܡܫܟܚ
3:176.10	ܐܢܬ܂ ܕܟܕ ܒܕܘܟܬܐ ܕܕܠܩܘܒܠܐ ܩܐܡ ܐܢܬ ܕܐܢܬ ܬܗܘܐ ܒܟܐܢܘܬܐ ܕܝܢܐ܂ ܐܢ
3:176.11	ܗܟܝܠ ܨܒܐ ܐܢܬ ܕܬܒܥܐ ܥܡܝ ܒܡ̈ܠܐ܂ ܬܪ̈ܝܢ ܢܣܝܡ ܡܣܡ ܒܪ̈ܥܝܢܝܢ
3:176.12	ܒܡܨܥܬܐ܂ ܘܟܕ ܐܢܚܢܢ ܐܝܟ ܕܠܩܘܒܠܐ ܠܘܩܒܠ ܚ̈ܕܕܐ ܐܡܪܝܢ ܐܢܚܢܢ܂
3:176.13	ܗܢܐ ܥܡܐ ܪܚܡ ܠܐܠܗܐ ܕܩܪܝܒ ܟܐܢܐ ܕܢܗܘܐ ܕܝܢܐ܂ 19ܿ1 ܘܗܘ ܣܝܡܘܢ
3:176.14	ܐܡܪ܂ ܕܠܐ ܡܣܬܒܪܐ ܠܟ ܟܝ ܗܕܐ ܕܣܟܠܐ ܗܼܝ ܕܠܟܢܫܐ ܕܠܐ ܝܕܥ ܘܠܐ
3:176.15	ܪܕܐ ܢܓܒܐ ܠܢ ܕܝܢܐ܂ 19ܿ2 ܘܗܘ ܦܛܪܘܣ ܐܡܪ܂ ܕܠܐ ܗܘܐ ܗܟܢܐ ܗܼܝ
3:176.16	ܐܡܝܢܐܝܬ܂ ܗܿܘ ܓܝܪ ܡܕܡ ܕܡܢ ܚܕ ܥܛܠܐܝܬ ܡܫܬܟܚ ܡܢ ܣܓܝ̈ܐܐ
3:176.17	ܡܫܟܚ ܕܢܬܨܝܕ ܗܢܘܢ ܕܐܝܟ ܕܒܣܓܝ ܐܦ ܛܒܗܘܢ ܕܡܘܬܐ ܕܢܒܝܘܬܐ
3:176.18	ܣܥܪ܂ 19ܿ3 ܘܥܡ ܗܢܝܢ ܕܝܢ ܟܠܗܝܢ ܗܼܘ ܗܢܐ ܟܢܫܐ ܕܩܪܝܒ ܡܛܠ ܕܪܚܡ
3:176.19	ܠܐܠܗܐ ܗܼܘ ܚܕ ܐܝܬܘܗܝ ܒܫܠܡܘܬܗ ܠܘܬ ܚܘܒܗ ܕܫܪܪܐ܂ ܐܝܟܢܐ
3:176.20	ܕܬܪ̈ܝܢ ܡܐ ܕܠܐ ܫܠܡܝܢ ܚܕ ܟܢܫܐ ܠܐ ܐܝܬܝܗܘܢ܂ 19ܿ4 ܘܗܼܘ ܕܝܢ ܗܢܐ ܟܢܫܐ
3:176.21	ܕܩܪܝܒ ܕܐܝܟ ܚܕ ܒܪ ܐܢܫܐ ܐܝܬܘܗܝ ܡܢܗ ܕܫܬܩܗܘܢ ܐܬܒܝܢ ܕܐܝܟܢܐ
3:176.22	ܥܡ ܟܠܗ ܫܠܝܐ ܕܝܐܐ ܘܙܕܩ ܐܝܟ ܡܐ ܕܚܙܐ ܐܢܬ ܐܦ ܩܕܡ ܕܡܕܡ ܢܐܠܦܘܢ
3:176.23	ܠܗ ܠܫܪܪܗ ܕܐܠܗܐ ܐܝܩܪܐ ܡܩܪܒܝܢ ܫܠܝܐ ܘܫܬܩܐ ܕܡܢ ܠܘܬܗܘܢ
3:176.24	19ܿ5 ܕܝܬܝܪ ܡܢ ܗܢܐ ܕܢܬܠܘܢ ܡܢ ܢܦܫܗܘܢ ܥܕܟܝܠ ܠܐ ܝܠܦܘ܂ 19ܿ6 ܕܡܛܠ
3:176.25	ܗܕܐ ܡܣܒܪ ܐܢܐ ܒܐܠܗܐ ܕܨܒܝܢܗܘܢ ܛܒܐ ܕܠܘܬܗ ܡܩܒܠ܂ ܘܠܗܿܘ
3:176.26	ܕܐܝܙܓܕܐ ܕܫܪܪܐ ܐܝܬܘܗܝ ܙܟܘܬܐ ܝܗܒ ܐܝܟܢܐ ܕܐܦ ܠܗܘܢ ܗܿܘ ܕܟܪܘܙܐ
3:176.27	ܗܼܘ ܕܫܪܪܐ ܢܬܓܠܐ ܘܢܬܝܕܥ܂
3:176.28	20ܿ1 ܘܗܘ ܣܝܡܘܢ ܐܡܪ ܕܥܠ ܐܝܕܐ ܨܒܐ ܐܢܬ ܕܢܒܥܐ ܐܡܪ ܕܐܦ ܐܢܐ
3:176.29	ܠܘܩܒܠܗܝܢ ܐܬܥܬܕ ܘܥܡܟ ܒܥܬܐ ܐܥܒܕ܂ 20ܿ2 ܘܗܘ ܦܛܪܘܣ ܦܢܝ
3:176.30	ܠܗ ܦܬܓܡܐ ܕܐܢ ܐܝܟ ܡܐ ܕܠܝ ܫܦܪ ܨܒܐ ܐܢܬ ܕܬܥܒܕ ܐܢܐ ܐܝܟ
3:176.31	ܦܘܩܕܢܗ ܕܡܠܦܢܝ ܨܒܐ ܐܢܐ ܕܐܥܒܕ܂ ܗܿܘ ܕܟܕ ܐܬܐ ܠܥܡܐ ܕܝܠܢ ܕܥܒܪ̈ܝܐ
3:176.32	ܕܝܕܥ ܗܘܐ ܠܗܘܢ ܕܚܕ ܗܘ ܐܠܗܐ ܐܡܪܝܢ ܗܿܘ ܕܫܡ̈ܝܐ ܘܐܪܥܐ ܘܟܠ
3:178.01	ܕܒܗܘܢ ܥܒܕ ܡܛܠ ܕܬܪܝܨܐܝܬ ܝܕܝܥܢ ܗܘܘ ܗܼܝ ܗܕܐ ܕܢܒܥܘܢ ܠܐ ܦܩܕ
3:178.02	ܠܗܘܢܿ ܐܠܐ ܕܨܒܝܢܗ ܕܗܢܐ ܕܢܫܟܚܘܢ ܡܠܟ ܐܢܘܢܿ ܡܛܠ ܕܝܕܥ
3:178.03	ܕܒܫܘܠܛܢܗܘܢ ܕܒ̈ܢܝ ܐܢܫܐ ܐܝܬܝܗܿ ܕܢܬܡܨܘܢ ܕܢܫܟܚܘܢ ܘܢܥܒܕܘܢ ܗܢܝܢ
3:178.04	ܕܥܠܝܗܝܢ ܡܬܕܝܢܝܢ܂ 20ܿ3 ܕܡܛܠ ܗܕܐ ܐܡܪ ܕܢܒܥܐ ܐܢܚܢܢ ܠܐ ܗܘܐ ܕܡܢ
3:178.05	ܐܝܟܐ ܗܼܘ ܥܘܠܐ܂ ܐܝܟܢܐ ܕܐܢܬ ܩܕܡ ܩܠܝܠ ܒܥܝܬ ܘܐܡܪܬ ܕܡܢ ܐܝܟܐ
3:178.06	ܗܼܘ ܒܝܫܐ ܐܠܐ ܡܠܟ ܕܠܘܩܕܡ ܟܐܢܘܬܗ ܕܛܒܐ ܢܫܟܚ܂ ܒܗܝ ܕܐܡܪ
3:178.07	ܕܒܥܘ ܠܘܩܕܡ ܗܿܝ ܟܐܢܘܬܗ ܕܐܠܗܐ܂ ܘܗܢܝܢ ܟܠܗܝܢ ܢܬܬܘ̈ܣܦܢ
3:178.08	ܠܟܘܢܿ ܘܐܠܘ ܕܝܢ ܠܗ ܠܐܠܗܐ ܠܐ ܝܕܥܝܢ ܗܘܘ܂ ܠܐ ܡܠܟ ܗܘܐ ܠܗܘܢ
3:178.09	ܕܠܘܩܕܡ ܟܐܢܘܬܗ ܢܒܥܘܢ܂ 20ܿ4 ܘܗܘ ܣܝܡܘܢ ܐܡܪ ܕܡܛܠ ܗܟܝܠ
3:178.10	ܕܠܥܒܪ̈ܝܐ ܐܝܟ ܕܠܗܢܘܢ ܕܬܪܝܨܐܝܬ ܠܐܠܗܐ ܝܕܥܝܢ ܘܕܟܠ ܐܢܫ ܒܫܘܠܛܢܐ
3:178.11	ܕܝܠܗ ܐܝܬ ܠܗ ܕܢܣܥܘܪ ܗܢܝܢ ܕܥܠܝܗܝܢ ܡܬܬܕܝܢ܂ ܘܠܝ ܕܝܢ ܗܢܝܢ
3:178.12	ܕܠܗܢܘܢ ܫܦܪ̈ܢ ܠܐ ܫ̈ܠܡܢ ܠܝ܂ ܡܢ ܐܝܡܟܐ ܐܫܪܐ܂ 21ܿ1 ܘܗܘ ܦܛܪܘܣ
3:178.13	ܐܡܪ܂ ܕܐܢܐ ܡܠܟ ܐܢܐܼ ܕܠܘܩܕܡ ܢܒܥܐ ܕܐܢ ܒܢ ܐܝܬܝܗܿ ܗܕܐ ܕܢܕܥ ܗܢܝܢ
3:178.14	ܕܒܦܘܪܫܢܐ ܡܬܒܚܪܢ܂ 21ܿ2 ܘܗܘ ܣܝܡܘܢ ܐܡܪ܂ ܕܠܐ ܐܡܝܢܐܝܬ ܐܠܐ ܥܠ
3:178.15	ܐܠܗܐ ܗܿܘ ܕܒܗ ܐܦ ܟܠܗܿ ܒܪܝܬܐ ܕܟܠ ܐܢܫ ܬܠܝܐ܂ 21ܿ3 ܘܗܘ ܦܛܪܘܣ
3:178.16	ܐܡܪ ܕܡܕܝܢ ܫܪܝܪܐ ܗܼܝ ܠܟ ܗܕܐ ܕܐܝܬ ܗܘ ܒܢ ܫܘܠܛܢܐ ܕܢܕܥ܂ ܕܐܢ
3:178.17	ܗܟܝܠ ܐܝܢ ܫܪܝܪܐ ܗܼܝ ܠܟ ܒܠܚܘܕ ܐܘܕܐ܂ ܘܥܠ ܐܠܗܐ ܐܝܟ ܡܐ
3:178.18	ܕܫܦܪ ܠܟ ܢܫܪܐ܂ 21ܿ4 ܘܗܘ ܣܝܡܘܢ ܐܡܪ܂ ܠܐ ܐܡܝܢܐܝܬ ܐܝܬ ܒܢ ܘܒܫܘܠܛܢܢ
3:178.19	ܗܕܐ܂ ܘܦܛܪܘܣ ܐܡܪ ܕܐܢ ܗܟܝܠ ܠܐ ܐܝܬܝܗܿ ܒܫܘܠܛܢܢ ܗܕܐ ܝܬܝܪܬܐ
3:178.20	ܗܼܝ ܗܕܐ ܕܢܒܥܐ ܥܠ ܐܠܗܐ ܐܢ ܗܘ ܕܠܝܬ ܒܫܘܠܛܢܢ ܕܢܒܥܐ ܘܕܢܫܟܚ܂
3:178.21	ܕܡܛܠ ܗܕܐ ܫܦܝܪ ܡܠܟܬ ܕܢܒܥܐ ܠܘܩܕܡ ܐܢ ܐܝܬ ܒܢ ܫܘܠܛܢܐ
3:178.22	ܗܢܐ܂ 21ܿ5 ܘܗܘ ܣܝܡܘܢ ܐܡܪ ܕܠܐ ܡܫܟܚܝܢ ܐܢܚܢܢ ܐܦܠܐ ܗܼܝ ܗܕܐ ܕܢܕܥ
3:178.23	ܕܐܢ ܐܝܬ ܒܢ ܡܕܡ ܫܘܠܛܢܐ܂ 21ܿ6 ܘܗܘ ܦܛܪܘܣ ܐܬܒܝܢ ܕܠܚܪܝܢܐ ܝܗܒ
3:178.24	ܢܦܫܗ ܡܛܠ ܕܐܙܕܟܝ ܐܝܟܢܐ ܕܠܦܘܫܟܐ ܟܠܗܿ ܒܥܬܐ ܢܦܢܐ܂ ܘܦܢܝ ܠܗ
3:178.25	ܦܬܓܡܐ܂ 21ܿ7 ܕܐܝܟܢܐ ܗܟܝܠ ܝܕܥ ܐܢܬ ܕܠܝܬ ܡܕܡ ܕܒܫܘܠܛܢܗ ܕܒܪ
3:178.26	ܐܢܫܐ ܕܢܕܥ܂ ܟܕ ܗܼܝ ܗܕܐ ܠܘܩܕܡ ܝܕܥ ܐܢܬ܂ 22ܿ1 ܘܗܘ ܣܝܡܘܢ ܐܡܼܪ
3:178.27	ܕܠܐ ܝܕܥ ܐܢܐ ܐܢ ܗܼܝ ܗܕܐ ܠܘܩܕܡ ܝܕܥ ܐܢܐ܂ ܠܐܢܫ ܐܢܫ ܓܝܪ ܐܝܟ ܕܚܠܝܩ ܠܗ
3:178.28	ܐܦ ܝܕܥ ܘܐܦ ܥܒܕ ܘܐܦ ܚܿܐܫ܂
3:178.29	22ܿ2 ܘܗܼܘ ܦܛܪܘܣ ܐܡܼܪ ܕܚܙܝܢ ܐܢܬܘܢ ܐܘ ܐܚ̈ܝܢ ܒܐܝܕܐ ܟܠܗܿ ܣܟܠܘܬܐ
3:178.30	ܘܣܘܪܚܢܐ ܣܝܡܘܢ ܡܫܬܟܚ܂ ܗܿܘ ܕܩܕܡ ܕܐܢܐ ܐܬܐ܂ ܡܠܦ ܗܘܐ ܐܝܟ ܗܿܘ
3:178.31	ܕܒܗܘܢ ܗܼܝ ܕܒ̈ܢܝ ܐܢܫܐ ܘܒܫܘܠܛܢܗܘܢ ܐܝܬ ܠܗܘܢ ܐܦ ܕܢܕܥܘܢ
3:178.32	ܘܐܦ ܕܢܥܒܕܢܘܢ ܗܠܝܢ ܕܨܒܝܢ܂ ܗܫܐ ܕܝܢ ܕܐܬܪܒܨ ܡܢܗܝܢ ܕܡ̈ܠܐ ܟܦܪ
3:178.33	ܠܗ ܕܒܫܘܠܛܢܗܘܢ ܕܒ̈ܢܝ ܐܢܫܐ ܠܝܬ ܕܢܕܥܘܢ ܐܘ ܢܥܒܕܘܢ ܐܦܢ ܡܐ
3:180.01	ܕܗܼܘ ܕܡܠܦ ܗܘܐ܂ ܘܗܫܐ ܕܩܪܝܒ ܡܢܣܐ ܕܢܠܦ ܗܢܝܢ܂ 22ܿ3 ܘܐܝܟܢܐ
3:180.02	ܕܝܢ ܗܼܘ ܐܠܗܐ ܕܐܢ ܥܠ ܫܪܪܐ ܐܘ ܥܠ ܣܘܥܪܢܐ ܠܗܢܘܢ ܕܡܕܡ
3:180.03	ܒܫܘܠܛܢܐ ܕܝܠܗܘܢ ܠܝܬ ܠܗܘܢ܂ 22ܿ4 ܘܒܗܕܐ ܕܝܢ ܡܠܬܐ ܡܬܚܒܠ
3:180.04	ܠܗ ܘܡܫܬܪܐ ܟܠܡܕܡ ܐܡܪܢܐ ܕܝܢ ܕܐܦ ܚܦܝܛܘܬܐ ܕܠܘܬ ܡܝܬܪܘܬܐ
3:180.05	ܘܡܥܘܠܝܢ ܕܝ̈ܢܐ ܕܣܝܡܝܢ ܒܪܫܐ ܕܥܘ̈ܠܐ ܕܠܐ ܗܘܐ ܒܨܒܝܢܗܘܢ ܚܛܘ
3:180.06	22ܿ5 ܘܡܬܠܠܠܝܢ ܕܝܢ ܐܦ ܢܡܘ̈ܣܐ ܕܡܦܪ̈ܫܝܢ ܣܘܥܪ̈ܢܐ ܛܒ̈ܐ ܡܢ ܒܝ̈ܫܐ܂
3:180.07	ܘܕܘܝܐ ܗܼܘ ܗܘ ܡܝܬܪܐ ܕܡܣܝܒܪ ܟܐܢܘܬܐ ܘܡܬܒܣܡܝܢ ܒܝ̈ܫܐ ܕܡܪܕܝܢ
3:180.08	ܘܡܬܓܐܝܢ 22ܿ6 ܕܠܝܬ ܟܐܢܘܬܐ ܘܕܝܼܢܐ܂ ܘܡܢ ܩܛܝܪ ܡܛܘܠ ܕܟܐܢܘܬܐ
3:180.09	ܒܥܡܠܐ ܗܿܘܝܐ܂ ܘܗܼܘ ܕܝܢ ܥܘܠܐ ܒܢܝܚܐ ܐܝܬܘܗܝ ܐܡܝܢܐܝܬ ܐܝܬܝܗܝܢ
3:180.10	ܫܦܝܪ̈ܬܐ ܘܢܝ̈ܚܬܐ ܕܒܝ̈ܫܐ܂ ܘܣܢ̈ܝܬܐ ܕܝܢ ܘܩ̈ܫܝܬܐ ܕܛܒ̈ܐ܂ ܘܡܕܝܢ ܐܦ ܠܝܬ
3:180.11	ܗܼܘ ܐܠܗܐ ܘܐܦܠܐ ܟܐܢܐ ܗܘ܂ ܐܢ ܗܼܘ ܕܛܒܬܐ ܠܐ ܡܬܥܕܪܐ܂ ܘܟܢܘܬܐ ܠܐ
3:180.12	ܡܬܒܥܝܐ܂ 22ܿ7 ܘܗܢܝܢ ܗܟܝܠ ܗܢܝܢ ܣܝܡܘܢ ܠܐ ܚܘܝ܂ ܘܨܒܐ ܕܢܥܪܘܩ
3:180.13	ܡܢ ܡܟܣܢܘܬܐ ܣܓܝܐܬܐ ܘܡܫܬܐܠ ܡܢ ܒܥܬܐ ܒܥܠܬܐ ܕܠܝܬ ܠܡ
3:180.14	ܒܫܘܠܛܢܗܘܢ ܕܒ̈ܢܝ ܐܢܫܐ ܕܢܒܥܘܢ ܘܢܫܟܚܘܢ܂ 22ܿ8 ܘܗܼܘ ܕܝܢ ܗܢܐ ܐܠܘ
3:180.15	ܒܫܪܪܐ ܝܿܕܥ ܗܘܐ ܗܕܐ ܠܐ ܗܘܐ ܟܕ ܐܢܐ ܪܚܝܩ ܐܢܐ ܡܢܣܐ ܗܘܐ ܕܢܠܦ܂
3:180.16	ܐܠܐ ܐܢܐ ܕܝܢ ܐܡܿܪ ܐܢܐ܂ ܕܠܒܪ ܐܢܫܐ ܚܐܪܘܬܐ ܐܝܬ ܠܗ܂ ܘܫܠܝܛ ܗܘ
3:180.17	ܒܢܦܫܗ܂ 22ܿ9 ܘܗܘ ܣܝܡܘܢ ܐܡܼܪ܂ ܕܡܢܐ ܐܝܬܝܗܿ ܚܐܪܘܬܐ܂ ܕܫܠܝܛ ܒܢܦܫܗ
3:180.18	ܐܡܼܪ܂ ܘܗܼܘ ܦܛܪܘܣ ܐܡܼܪ ܕܐܢ ܠܝܬ ܒܫܘܠܛܢܟ ܕܬܐܿܠܦ܂ ܡܢܐ ܨܿܒܐ
3:180.19	ܐܢܬ ܕܬܫܡܥ܂ ܘܗܼܘ ܣܝܡܘܢ ܐܡܼܪ ܐܠܐ ܠܝܬ ܠܟ ܕܬܐܡܪ ܥܠ ܗܕܐ
3:180.20	ܡܕܡ܂ 23ܿ1 ܘܗܼܘ ܦܛܪܘܣ ܐܡܼܪ ܕܐܡܪܢܐ ܠܐ ܗܘܐ ܕܡܢܟ ܐܬܐܠܨܬ܂ ܐܠܐ ܐܝܟ
3:180.21	ܕܡܢ ܗܿܢܝܢ ܕܩܪܝܒܝܢ ܐܬܒܥܝ ܡܢܝ ܕܚܐܪܘܬܐ ܐܝܬܝܗܿ ܐܝܕܥܬܗܿ ܘܦܘܪܫܢܗܿ
3:180.22	ܕܢܦܫܐ ܕܐܝܬ ܠܗܿ ܡܛܝܒܘܬܐ ܕܬܨܠܐ ܠܘܬ ܣܘܥܪ̈ܢܐ ܐܝܠܝܢ ܕܨܒܝܐ܂
3:180.23	23ܿ2 ܘܗܼܘ ܣܝܡܘܢ ܒܗܕܐ ܫܒܚܗ ܠܦܛܪܘܣ ܘܐܡܼܪ ܕܒܫܪܪܐ ܪܘܪܒܐܝܬ
3:180.24	ܘܕܠܐ ܦܘܚܡ ܐܡܼܪܬ܂ ܟܕ ܓܝܪ ܫܦܝܪ ܐܡܿܪ ܐܢܬ ܝܕܥܢܐ ܕܐܣܗܕ ܥܠܝܗܝܢ܂
3:180.25	ܗܕܐ ܕܝܢ ܡܫܐܠ ܐܢܐ ܠܟ܂ ܘܐܢ ܒܫܪܪܐ ܬܐܡܪܝܗܿ ܠܝ܂ ܥܠ ܐܚܪ̈ܢܝܬܐ
3:180.26	ܡܬܛܦܝܣ ܐܢܐ ܠܟ܂ 23ܿ3 ܗܿܝ ܕܝܢ ܕܨܒܐ ܐܢܐ ܕܐܠܦ ܐܝܬܝܗܿ ܗܕܐ ܕܐܢ ܗܼܘ
3:180.27	ܗܘ ܐܠܗܐ ܨܿܒܐ ܕܢܗܘܐ ܡܕܡ ܘܐܝܬܘܗܝ܂ ܘܠܐ ܨܿܒܐ ܒܡܕܡ ܘܠܐ ܐܝܬܘܗܝ܂
3:180.28	ܐܝܢ ܐܘ ܠܐ ܦܿܢܐ ܠܝ ܦܬܓܡܐ܂ 23ܿ4 ܘܗܼܘ ܦܛܪܘܣ ܦܢܝ ܠܗ ܦܬܓܡܐ܂
3:180.29	ܕܐܢ ܗܘ ܕܣܘܪܚܢܗ ܘܣܟܠܘܬܗ ܕܫܘܐܠܟ ܠܐ ܝܿܕܥ ܐܢܬ܂ ܫܒܩ ܐܢܐ ܠܟ
3:180.30	ܘܐܢܐ ܡܘܕܥ ܐܢܐ ܠܟ܂ ܘܐܢ ܕܝܢ ܟܕ ܝܕܥ ܐܢܬ ܫܐܠܬ܂ ܣܟܠܐܝܬ ܘܒܝܫܐܝܬ
3:180.31	ܠܐ ܬܪܝܨܐܝܬ ܥܒܕܬ܂ 23ܿ5 ܘܗܼܘ ܣܝܡܘܢ ܐܡܼܪ܂ ܕܝܡܐ ܐܢܐ ܒܗܿ ܒܗܿܝ ܕܐܝܬܝܗܿ
3:180.32	ܥܠܬܐ ܕܟܠ ܡܕܡ܂ ܗܿܝ ܕܐܘ ܒܟܝܢܐ ܐܘ ܒܦܘܪܫܢܐ ܡܬܢܩܡܐ ܡܢ ܗܢܘܿܢ
3:180.33	ܕܡܣܟܠܝܢ ܕܓܠܝܐܝܬ ܠܝܬ ܠܝ ܕܐܿܡܪ ܕܠܐ ܝܕܥܢܐ ܠܗܿ ܠܣܟܠܘܬܐ
3:182.01	ܘܠܣܘܪܚܢܐ ܕܡܠܬܐ ܕܫܐܠܬ܂ 24ܿ1 ܘܗܼܘ ܦܛܪܘܣ ܦܢܝ ܠܗ ܦܬܓܡܐ܂
3:182.02	ܕܡܛܠ ܕܐܘܕܝܬ ܕܠܐ ܝܕܥ ܐܢܬ ܐܝܠܦ܂ 24ܿ2 ܕܗܼܘ ܫܘܐܠܟ ܥܠ ܬܪ̈ܝܢ ܫܪ̈ܒܝܢ
3:182.03	ܕܐܝܬܝܗܘܢ ܕܠܩܘܒܠܐ ܚܕ ܦܘܢܝ ܦܬܓܡܐ ܬܒܥ܂ ܗܼܢܘܢ ܓܝܪ ܕܒܙܘܥܬܗܘܢ
3:182.04	ܠܬܪ̈ܬܝܢ ܡ̈ܢܘܢ ܦܪ̈ܝܫܝܢ܂ ܘܐܦ ܠܩܛܝܪܐ ܕܟܝܢܐ ܘܐܦ ܠܨܒܝܢܐ܂ ܐܝܟܢܐ
3:182.05	ܕܗܿܢܘܢ ܕܒܩܛܝܪܐ ܕܟܝܢܗܘܢ ܐܝܬܝܗܘܢ ܐܡܝܢܐܝܬ ܢܗܘܘܢ ܗܟܢܐ܂ ܘܗܿܢܘܢ
3:182.06	ܕܝܢ ܕܡܢ ܨܒܝܢܗܘܢ ܠܐ ܐܡܝܢܐܝܬ܂ 24ܿ3 ܐܝܟ ܗܟܢܐ ܕܩܛܝܪܐ ܗܢܐ ܢܣܒ
3:182.07	ܫܡܫܐ ܕܢܪܗܛ ܐܝܟ ܡܐ ܕܐܬܣܝܡ܂ ܘܗܼܘ ܕܝܢ ܒܪ ܐܢܫܐ ܕܢܣܥܘܪ ܐܝܟ
3:182.08	ܡܐ ܕܨܿܒܐ܂ 24ܿ4 ܕܡܛܠ ܗܢܐ ܗܿܢܝܢ ܕܠܩܛܝܪܐ ܕܒܪܝܘܬܐ ܥܒܕܘܬܐ ܦܠܚ̈ܢ ܠܐ
3:182.09	ܡܫܟܚ̈ܢ ܕܡܕܡ ܐܚܪܝܢ ܢܣܥܪ̈ܢ ܠܒܪ ܡܢ ܗܿܘ ܕܐܬܬܣܝܡ ܕܢܥ̈ܒܕܢ ܘܐܝܩܪܐ
3:182.10	ܘܦܘܪܥܢܐ ܠܝܬ ܠܗܝܢ܂ ܘܡܢ ܒܬܪ ܕܝܢ ܕܡ̈ܫܠܡܢ ܗܿܘ ܡܕܡ ܕܐܬܬܣܝܡ
3:182.11	ܕܢܣܥܪ̈ܢ ܗܿܘ ܕܥܒܕ ܐܢܝܢ ܐܝܟ ܡܐ ܕܨܿܒܐ ܢܛܪ ܠܗܝܢ܂ 24ܿ5 ܗܿܘ ܕܝܢ ܕܐܝܬ
3:182.12	ܠܗ ܒܫܘܠܛܢܗ ܕܢܫܟܚ ܕܢܣܥܘܪ ܟܘܠ ܡܐ ܕܨܿܒܐ ܗܼܘ ܗܢܐ ܬܚܝܬ
3:182.13	ܐܝܩܪܐ ܘܦܘܪܥܢܐ ܘܬܚܝܬ ܡܣܡ ܒܪܝܫܐ ܐܝܬܘܗܝ ܘܐܝܩܪܐ ܕܝܢ ܐܝܬ ܠܗ
3:182.14	ܐܢ ܢܣܥܘܪ ܫܦܝܪܬܐ܂ 25ܿ1 ܐܢܬ ܕܝܢ ܐܡܼܪܬ ܕܐܢ ܗܼܘ ܐܠܗܐ ܨܿܒܐ ܡܕܡ܂
3:182.15	ܘܐܝܬܘܗܝ ܘܠܐ ܨܿܒܐ ܡܕܡ ܘܠܐ ܐܝܬܘܗܝ܂ ܐܝܟܢܐ ܕܡܐ ܕܐܿܡܪܬ ܠܟ ܕܡܕܡ
3:182.16	ܕܨܿܒܐ ܐܝܬܘܗܝ܂ ܘܡܕܡ ܕܠܐ ܨܿܒܐ ܠܐ ܐܝܬܘܗܝ܂ ܬܐܡܪ ܐܢܬ ܕܡܕܝܢ ܗܼܘ ܨܿܒܐ
3:182.17	ܕܢܗܘ̈ܝܢ ܐܝܬܝܗܝܢ ܗܿܢܝܢ ܒܝ̈ܫܬܐ ܕܒܥܠܡܐ ܗ̈ܘܝܢ܂ ܡܛܠ ܕܟܠ ܕܨܿܒܐ
3:182.18	ܐܝܬܘܗܝ܂ ܘܗܿܘ ܡܕܡ ܕܠܐ ܨܿܒܐ ܠܐ ܐܝܬܘܗܝ܂ 25ܿ2 ܘܐܢ ܕܝܢ ܬܘܒ ܐܿܡܪ ܠܟ
3:182.19	ܕܠܐ ܐܡܝܢܐܝܬ ܟܠ ܕܨܿܒܐ ܐܝܬܘܗܝ܂ ܘܟܠ ܕܠܐ ܨܿܒܐ ܠܐ ܐܝܬܘܗܝ܂ ܗܝܕܝܢ
3:182.20	ܐܚܪܬܐ ܐܝܬ ܠܟ ܕܬܐܿܡܪ܂ ܕܡܕܝܢ ܡܚܝܠܐ ܐܝܬܘܗܝ ܒܗܿܢܝܢ ܕܨܿܒܐ܂ ܘܗܿܘܐ
3:182.21	ܐܢܬ ܡܫܬܒܗܪ܂ ܟܕ ܡܕܡ ܬܪܝܨܐܝܬ ܠܐ ܐܡܼܪܬ܂ ܐܝܟ ܗܿܘ ܕܙܟܼܝܬ 25ܿ3 ܟܕ ܠܐ
3:182.22	ܝܿܕܥ ܐܢܬ ܚܕܐ ܚܕܐ ܡܢܗ̈ܝܢ ܐܝܟܢܐ ܨܿܒܐ܂ 25ܿ4 ܨܿܒܐ ܓܝܪ ܥܠ ܡܕܡ ܕܠܐ
3:182.23	ܢܫܟܚ ܡܕܡ ܐܚܪܝܢ ܕܢܥܒܕ܂ ܠܒܪ ܡܢ ܗܿܘ ܡܕܡ ܕܐܬܣܝܡ ܠܗ܂
3:182.24	ܘܡܛܠ ܗܕܐ ܐܦܠܐ ܐܝܩܪܐ ܐܦܠܐ ܡܣܡ ܒܪܝܫܐ ܡܩܒܠ܂ 25ܿ5 ܘܨܿܒܐ ܕܝܢ
3:182.25	ܕܡܕܡ ܐܚܪܢܐ ܕܒܫܘܠܛܢܗ ܢܗܘܐ ܐܝܬ ܠܗ ܕܢܫܟܚ ܕܢܣܥܘܪ ܗܿܘ ܡܐ
3:182.26	ܕܨܒܐ ܐܝܟܢܐ ܕܡܢ ܥܠܬܐ ܕܝܠܗ ܐܘ ܐܝܩܪܐ ܐܘ ܡܣܡ ܒܪܝܫܐ ܢܗܘܐ
3:182.27	ܠܗ܂ 25ܿ6 ܟܕ ܗܟܝܠ ܡܦܪ̈ܫܢ ܗܢܝܢ ܬܪ̈ܬܝܢ ܡܢܘ̈ܬܐ ܕܦܘܪ̈ܫܢܐ܂ ܗܟܢܐ
3:182.28	ܟܠ ܕܨܿܒܐ ܐܠܗܐ ܐܝܬܘܗܝ ܘܗܿܘ ܡܕܡ ܕܠܐ ܨܿܒܐ ܠܐ ܐܝܬܘܗܝ܂ ܕܗܼܘ ܡܢ
3:182.29	ܫܘܠܛܢܐ ܕܨܒܝܢܗ ܠܐ ܢܓܒܐ ܠܗ ܡܕܡ ܕܨܿܒܐ܂ ܐܠܐ ܡܕܡ ܕܐܬܣܝܡ܂
3:182.30	26ܿ1 ܘܗܼܘ ܣܝܡܘܢ ܐܡܼܪ ܕܠܐ ܓܝܪ ܡܫܟܚ ܗܘܐ ܕܢܥܒܕܢ ܠܟܘܠܢ
3:182.31	ܕܢܗܘܐ ܐܝܬܝܢ ܛܒ̈ܐ ܟܕ ܡܕܡ ܐܚܪܝܢ ܠܐ ܡܫܟܚܝܢ ܗܘܝܢ ܕܢܗܘܐ܂
3:182.32	26ܿ2 ܘܗܼܘ ܦܛܪܘܣ ܐܡܼܪ ܕܐܦ ܗܕܐ ܥܡ ܐܚܪܬܐ ܐܣܝܪܐ܂ ܐܠܘ ܓܝܪ ܥܒܕܢ
3:182.33	ܗܘܐ ܕܠܐ ܡܫܬܚܠܦܝܢ ܗܘܝܢ ܘܐܣܪܢ ܕܛܒ̈ܐ ܢܗܘܐ ܒܫܪܪܐ ܛܒ̈ܐ ܠܐ ܐܝܬܝܢ
3:182.34	ܗܘܝܢ܂ ܡܛܠ ܕܡܕܡ ܐܚܪܝܢ ܕܢܥܒܕ ܠܐ ܡܫܟܚܝܢ ܗܘܝܢ܂ ܘܗܟܢܐ ܠܐ
3:184.01	ܗܘܐ ܕܝܠܗ ܗܼܘܐ ܕܨܒܝܢܐ ܗܿܘ ܡܕܡ ܕܡܣܬܥܪ ܗܘܐ܂ ܐܠܐ ܕܝܠܗ ܕܩܛܝܪܐ
3:184.02	ܕܗܟܢܐ ܐܝܬܘܗܝ ܗܘܐ܂ 26ܿ3 ܐܝܟܢܐ ܗܟܝܠ ܗܿܘ ܕܗܟܢܐ ܗܘ ܢܐܡܪ ܐܢܫ
3:184.03	ܥܠܘܗܝ ܕܛܒܐ ܐܝܬܘܗܝ܂ ܗܿܘ ܕܠܐ ܗܘܐ ܒܨܒܝܢܗ ܛܒܐ ܐܝܬܘܗܝ܂
3:184.04	26ܿ4 ܕܡܛܠ ܗܕܐ ܐܦ ܙܒܢܐ ܐܪܝܟܐ ܐܬܒܥܝ ܠܗ ܠܥܠܡܐ܂ ܥܕܡܐ ܕܗܿܘ
3:184.05	ܡܢܝܢܐ ܕܢܦ̈ܫܬܐ ܛܒ̈ܬܐ ܕܩܕܡ ܐܬܚܪܩ ܡܢ ܐܠܗܐ ܫܘܡܠܝܗ ܢܣܒ܂
3:184.06	ܘܗܝܕܝܢ ܗܢܐ ܫܡܝܐ ܕܡܬܚܙܐ ܂ ܒܕܡܼܘܬ ܡܓܠܬܐ ܢܬܟܪܟ ܘܢܥܒܪ܂
3:184.07	26ܿ5 ܘܗܿܢܝܢ ܢܦܫ̈ܬܐ ܕܛܒ̈ܐ ܠܦܓܪ̈ܝܗܝܢ ܐܝܟ ܢܘܗܪܐ ܢܠܒ̈ܫܢ܂ ܘܗܿܢܝܢ ܕܝܢ
3:184.08	ܕܪ̈ܫܝܥܐ ܡܛܠ ܣܘܥܪ̈ܢܝܗܘܢ ܒܝ̈ܫܐ܂ ܒܪܘܚܐ ܕܢܘܪܐ ܒܦܓܪ̈ܝܗܝܢ
3:184.09	ܢܬܡ̈ܙܓܢ ܘܠܥܘܡܩܗܿ ܕܢܘܪܐ ܕܠܐ ܕܥܟܐܼ ܢܚ̈ܬܢ܂ ܘܠܥܠܡ ܡܣܡ ܒܪܫܐ
3:184.10	ܢܩܒ̈ܠܢ܂ 26ܿ6 ܘܗܿܢܝܢ ܕܝܢ ܕܗܟܢܐ ܐܝܬܝܗܝܢ ܗܼܘ ܗܿܘ ܢܒܝܐ ܕܠܐ ܡܕܓܠ
3:184.11	ܐܫܠܡ ܠܢ܂ ܗܿܘ ܕܐܢ ܨܿܒܝܬ ܡܘܕܥܢܐ ܠܟ ܕܢܒܝܐ ܐܝܬܘܗܝ܂ ܘܡܢ ܬܚܘ̈ܝܬܐ
3:184.12	ܪ̈ܒܘܬܐ ܣܓܝܐܿܬܐ ܡܫܟܚܢܐ ܕܐܫܡܠܝܟ܂ 26ܿ7 ܐܦ ܓܝܪ ܡܢ ܗܢܝܿܢ ܕܡܢܗ
3:184.13	ܒܗܿܘ ܙܒܢܐ ܐܬܐܡܪ܂ ܘܗܫܐ ܕܝܢ ܒܗܿ ܒܕܡܘܬܗܝܢ ܗ̈ܘܝܢ ܘܗܿܢܝܢ ܕܡܢ
3:184.14	ܒܬܪܟܢ ܕܗܘܼܝܢ ܐܡܼܪ ܐܡܝܢܐܝܬ ܗ̈ܘܝܢ ܐܢܝܢ܂ ܗܝܡܢܘܬܐ ܓܝܪ ܕܗܿܢܝܢ
3:184.15	ܕܥܬܝ̈ܕܢ ܕܢܗܘܝܢ ܗܿܢܝܢ ܕܗ̈ܘܝ ܠܗܝܢ ܝܗ̈ܒܢ ܠܢ܂
3:184.16	27ܿ1 ܘܗܼܘ ܕܝܢ ܣܝܡܘܢܿ ܡܛܠ ܕܡܢ ܣܓܝ̈ܐܬܐ ܝܠܦ ܕܐܢ ܪܘܪܒܐܝܬ ܡܠܬܐ
3:184.17	ܕܥܠ ܢܒܝܐ ܡܫܟܚ ܕܢܩܝܡ ܘܢܚܘܐ ܕܒܗܿ ܡܣܬܝܟܐ ܟܠܗܿ ܒܥܬܐ܂
3:184.18	ܐܫܬܐܠ ܕܢܫܡܥ ܡܠܬܐ ܕܥܠ ܢܒܝܐ ܘܦܢܝ ܦܬܓܡܐ ܘܐܡܼܪ 27ܿ2 ܕܥܠ
3:184.19	ܗܿܢܝܢ ܕܨܒܐ ܐܢܐ ܦܢܐ ܠܝ ܦܬܓܡܐ܂ ܘܟܕ ܐܡܼܪ ܫܐܠ ܗܟܢܐ ܕܐܢ ܐܝܟ ܕܐܡܿܪ
3:184.20	ܐܢܬ ܕܗܢܐ ܫܡܝܐ ܕܚܕܪ ܠܥܠܡܐ ܥܒܪ ܠܗ ܡܛܠ ܡܢܐ ܡܢ ܫܘܪܝܐ
3:184.21	ܗܘܐ܂ 27ܿ3 ܘܗܼܘ ܦܛܪܘܣ ܐܡܪ܂ ܕܡܛܠ ܣܓܝ̈ܐܐ ܗܢܘܢ ܕܗܫܐ ܗܘܐ ܐܝܟ
3:184.22	ܣܝܓܐ ܐܝܟܢܐ ܕܐܢܫ ܕܠܐ ܫܘܐ ܠܐ ܢܚܙܐ ܠܐܠܗܐ܂ ܗܿܘ ܓܝܪ ܕܚܙܐ ܠܗ܂
3:184.23	ܕܢܚܐ ܐܝܬ ܠܗ ܠܥܠܡܐ܂ ܕܡܛܠ ܗܕܐ ܠܗܢܘܢ ܕܕܟܝܢ ܒܠܒܗܘܢ ܗܘ
3:184.24	ܐܠܗܐ ܡܛܝܒ ܗܘ ܕܢܬܚܙܐ ܠܗܘܢ ܒܠܚܘܕܝܗܘܢ܂ 27ܿ4 ܘܡܛܠ ܗܕܐ
3:184.25	ܒܗܢܐ ܙܒܢܐ ܕܐܝܓܘܢܐ ܠܐ ܡܬܚܙܐ ܒܗܕܐ ܬܟܣܝܬܐ ܕܫܡܝܐܼ ܘܠܗܢܘܢ ܕܙܟܝܢ
3:184.26	ܣܝܡܐ ܠܗܘܢ ܗܕܐ ܪܒܘܬܐ ܕܗܼܘ ܐܠܗܐ ܐܒܐ ܢܬܚܙܐ ܠܗܘܢ܂ 27ܿ5 ܘܗܼܘ
3:184.27	ܣܝܡܘܢ ܐܡܼܪ ܕܐܢ ܗܘ ܒܪܘܝܐ ܛܒܐ ܗܘ܂ ܘܗܘ ܕܝܢ ܥܠܡܐ ܫܦܝܪܐ ܗܘ܂
3:184.28	ܐܝܟܢܐ ܗܿܘ ܛܒܐ ܠܗܢܐ ܫܦܝܪܐ ܫܪܐ ܠܗ ܐܡܬܝ ܕܗܘ܂ ܘܐܢ ܕܝܢ ܫܪܐ
3:184.29	ܠܗ ܠܗܢܐ ܫܦܝܪܐ ܐܝܟܢܐ ܗܘ ܛܒܐ ܗܘ܂ ܘܐܢ ܕܝܢ ܕܣܢܝܐ ܐܝܬܘܗܝ ܫܪܐ
3:184.30	ܠܗ ܐܝܟܢܐ ܠܐ ܣܢܝܐ ܗܿܘ ܕܠܣܢܝܐ ܥܒܕ ܡܢ ܒܪܫܝܬ܂ 28ܿ1 ܘܗܘ ܦܛܪܘܣ
3:184.31	ܐܡܪ ܡܛܠ ܕܐܫܬܘܿܕܝܢܢ ܕܠܐ ܢܥܪܘܩ ܡܢ ܡܓܕܦ̈ܢܐ܂ ܡܛܠ ܕܗܢܘܢ ܝܗܒܝܢ
3:184.32	ܦܬܓܡܐ ܥܠ ܗܿܢܝܢ ܕܡܡܠܠܝܢ ܡܣܝܒܪܝܢ ܐܢܚܢܢ܂ 28ܿ2 ܘܒܪܡܼ ܕܝܢ
3:184.33	ܫܡܥ܂ ܗܼܘ ܗܢܐ ܫܡܝܐ ܕܥܒܪ܂ ܐܠܘ ܝܚܝܕܝܐ ܗܘܐ܂ ܘܗܼܘ ܡܛܠܬܗ
3:186.01	ܗܘܐ܂ ܟܒܪ ܐܝܬ ܗܘܐ ܡܠܬܐ ܕܡܛܠ ܡܢܐ ܥܒܪ܂ 28ܿ3 ܐܢ ܕܝܢ ܡܛܠ
3:186.02	ܐܚܪܢܐ ܡܕܡ ܗܘܐ ܐܠܨܐ ܗܝ ܕܢܥܒܪ ܐܝܟܢܐ ܕܗܿܘ ܕܡܛܠܬܗ ܗܘܐ ܢܬܚܙܐ܂
3:186.03	28ܿ4 ܐܟܙܢܐ ܕܐܦ ܗܿܢܝܢ ܫܪ̈ܩܬܐ ܕܒ̈ܥܬܐ ܕܫܦܝܪ̈ܢ ܣܓܝ ܘܕܡܘܬܗܝܢ ܡܫܠܡܢܐܝܬ
3:186.04	ܡܢ ܟܠ ܓܒܝܢ ܨܝܪܐ ܕܢܬܬܒܪ̈ܢ ܘܿܠܐ܂ ܡܛܠ ܕܗܼܘ ܦܪܘܓܐ ܕܡܛܠܬܗ
3:186.05	ܗ̈ܘܝ ܢܕܝܩ ܘܢܬܚܙܐ܂ 28ܿ5 ܗܟܢܐ ܘܐܦ ܗܢܐ ܫܡܝܐ ܕܚܕܪ ܠܗ ܠܥܠܡܐ
3:186.06	ܥܒܪ܂ ܡܛܠ ܕܗܼܘ ܡܠܟܐ ܠܛܒ̈ܐ ܒܠܚܘܕܝܗܘܢ ܒܬܫܒܘܚܬܐ ܢܫܟܚ
3:186.07	ܕܢܬܚܙܐ܂ 29ܿ1 ܘܗܘ ܣܝܡܘܢ ܐܡܼܪ ܕܠܐ ܐܡܝܢܐܝܬ ܥܒܪ ܫܡܝܐ ܗܿܘ ܕܡܢ
3:186.08	ܐܠܗܐ ܗܘܐ܂ ܡܢ ܗܿܘ ܓܝܪ ܕܠܥܠܡ ܐܝܬܘܗܝ ܗܠܝܢ ܕܠܥܠܡ ܐܢܘܢ
3:186.09	ܗܘܝܢ܂ ܘܡܢ ܗܿܘ ܕܡܬܚܒܠܢܐ ܗܼܘ ܡܬܚܒ̈ܠܢܐ ܗܘܝܢ܂ 29ܿ2 ܘܗܘ ܦܛܪܘܣ
3:186.10	ܐܡܼܪ ܕܠܐ ܐܡܝܢܐܝܬ܂ ܐܠܐ ܡܢ ܡܬܚ̈ܒܠܢܐ ܡܬܚܒ̈ܠܢܐ ܗܘܝܢ܂ ܡܢ ܗܿܘ ܕܝܢ
3:186.11	ܕܠܐ ܡܬܚܒܠ ܠܐ ܗܘܐ ܐܡܝܢܐܝܬ ܡܬܚܒ̈ܠܢܐ ܐܘ ܠܐ ܡܬܚܒ̈ܠܢܐ ܗܘܝܢ܂
3:186.12	ܐܠܐ ܐܝܟܢܐ ܕܨܒܐ ܗܼܘ ܐܠܗܐ ܥܒܘܕܗܘܢ܂ 29ܿ3 ܡܛܠ ܕܗܿܢܝܢ ܕܗ̈ܘܝܢ
3:186.13	ܘܡܬܩܝ̈ܡܢ ܠܐ ܗܘܐ ܢܡܘܣܐ ܐܝܬܝܗܝܢ ܠܘܩܒܠ ܚܝܠܗ ܕܐܠܗܐ
3:186.14	‍<‍ܐܠܐ‍>‍ ܐܝܬܘܗܝ ܢܡܘܣܐ ܕܗܿܢܝܢ ܕܗ̈ܘܝܢ ܕܢܗܘ̈ܝܢ ܐܝܬܝܗܝܢ ܐܝܟ ܡܐ ܕܗܼܘ
3:186.15	ܥܒܘܕܗܝܢ ܨܒܐ܂
3:186.16	29ܿ4 ܘܗܼܘ ܣܝܡܘܢ ܐܡܼܪ ܕܡܥܛܦ ܐܢܐ ܠܟ ܥܠ ܗܿܝ ܡܠܬܐ ܩܕܡܝܬܐ
3:186.17	ܕܐܡܼܪܬ ܕܐܠܗܐ ܗܫܐ ܠܐ ܡܬܚܙܐ ܡܛܠ ܪ̈ܫܝܥܐ ܕܠܐ ܢܚܙܘܢܝܗܝ ܘܠܥܠܡ
3:186.18	ܒܛܒ̈ܬܐ ܕܢܫܟܚܘܢ ܢܚܘܢܿ܂ ܕܡܛܠ ܗܕܐ ܒܙܒܢ ܐܚܪܝܢ܂ ܡܢ ܒܬܪ ܕܥܒܪ
3:186.19	ܗܢܐ ܫܡܝܐ ܕܡܬܚܙܐ ܒܠܚܘܕ ܠܕܟ̈ܝܐ ܘܠܙ̈ܕܝܩܐ ܡܬܚܙܐ܂ 29ܿ5 ܠܐ ܗܟܝܠ
3:186.20	ܡܣܬܒܪܐ ܠܟ ܗܕܐ ܕܕܠܩܘܒܠܐ ܐܝܬܝܗܿ ܕܗܿܝ ܒܪܬ ܩܠܗ ܕܢܡܘܣܐ ܗܿܝ
3:186.21	ܕܐܡܪܐ ܕܐܡܼܪ ܐܠܗܐ ܕܠܐ ܚܙܐ ܠܝ ܒܪ ܐܢܫܐ ܘܚܝܐ܂ 30ܿ1 ܘܗܼܘ ܦܛܪܘܣ
3:186.22	ܦܢܝ ܠܗ ܦܬܓܡܐ ܕܠܗܢܘܢ ܕܠܐ ܗܘܐ ܡܢ ܟܘܪܣܝܗ ܕܡܘܫܐ ܩܒܠܘܗܝ
3:186.23	ܠܢܡܘܣܐ ܡܠܬܝ ܫܪܝܪܬܐ ܕܠܩܘܒܠܐ ܡܣܬܒܪܐ ܕܐܝܬܝܗܿ ܗܕܐ ܕܠܐ ܐܝܬܝܗܿ
3:186.24	ܗܟܢܐ܂ ܘܕܠܐ ܕܝܢ ܐܝܬܝܗܿ ܫܡܥ܂ 30ܿ2 ܡ̈ܠܐܟܐ ܕܝܢ ܚܙܝܢ ܠܗ ܠܐܠܗܐ܂
3:186.25	ܘܒ̈ܢܝ ܐܢܫܐ ܕܝܢ ܟܡܐ ܕܒ̈ܢܝ ܐܢܫܐ ܐܢܘܢܿ ܕܢܚܙܘܢܝܗܝ ܠܐܠܗܐ ܠܐ
3:186.26	ܡܫܟܚܝܢ܂ 30ܿ3 ܒܩܝܡܬܐ ܕܝܢ ܕܡ̈ܝܬܐ ܗܢܘܢ ܕܐܝܟ ܡ̈ܠܐܟܐ ܗܘܝܢ ܡܫܟܚܝܢ
3:186.27	ܕܢܚܙܘܢܝܗܝ܂ 30ܿ4 ܘܗܟܢܐ ܠܐ ܗܘܐ ܕܠܩܘܒܠܐ ܐܝܬܝܗܿ܂ ܘܐܠܐ ܘܐܦܠܐ ܗܼܘ
3:186.28	ܡܠܦܢܢ ܐܡܿܪ ܗܘܐ ܕܛܘܒܝܗܘܢ ܠܗܿܢܘܢ ܕܕܟܝܢ ܒܠܒܗܘܢ ܕܗܼܢܘܢ
3:186.29	ܢܚܙܘܢܝܗܝ ܠܐܠܗܐ܂ 30ܿ5 ܘܗܕܐ ܕܐܡܼܪ ܥܠ ܥܠܡܐ ܕܥܬܝܕ ܒܕܩ ܕܒܗ
3:186.30	ܐܦ ܐܝܟ ܡܠܐܟ̈ܐ ܗܘܝܢ܂ 30ܿ6 ܡܢ ܒܬܪ ܗܟܝܠ ܗܠܝܢ ܡ̈ܠܐ ܘܐܚܪ̈ܢܝܬܐ
3:186.31	ܕܐܟܘܬܗܝܢ ܕܢܩ̈ܦܢ ܠܗܝܢ ܣܘܓܐܐ܂ ܐܝܼܡܐ ܗܘ ܣܝܡܘܢ ܘܐܡܼܪ ܕܒܠܚܘܕ
3:186.32	ܒܡܠܬܐ ܕܥܠ ܢܦܫܐ ܫܡܠܢܝ܂ ܕܐܢ ‍<‍ܠܐ‍>‍ ܡܝܘܬܬܐ ܗܼܝ܂ ܘܢܩܦ ܐܢܐ ܘܫܠܡ
3:186.33	ܐܢܐ ܠܨܒܝܢܟ܂ ܗܢܘ ܕܝܢ ܠܡܚܪ ܐܡܿܪ ܐܢܬ܂ ܝܘܡܐ ܓܝܪ ܕܝܘܡܢܐ ܥܒܪ
3:186.34	ܠܗ܂ 30ܿ7 ܘܟܕ ܗܟܝܠ ܦܛܪܘܣ ܫܪܝ ܗܘܐ ܗܘ ܣܝܡܘܢ ܢܦܩ ܠܗ
3:188.01	ܘܢܦܩܘ ܕܝܢ ܥܡܗ ܡܢ ܗܿܢܘܢ ܕܝܠܗ ܙܥܘܪ̈ܐ ܕܛܒ܂ ܗܿܢܘܢ ܕܐܦ ܢܟܝܦܝܢ
3:188.02	ܗܘܘ܂ 30ܿ8 ܘܗܿܢܘܢ ܕܝܢ ܟܠܗܘܢ ܫܪܟܐ ܕܐܚܪ̈ܢܐ ܒܦܛܪܘܣ ܐܬܓܘܣܘ܂
3:188.03	ܘܥܠ ܒܘܪ̈ܟܝܗܘܢ ܒܪܟܘ܂ ܘܡܢܗܘܢ ܐܝܠܝܢ ܕܒܟܠ ܓܢܣ ܕܟܘܪ̈ܗܢܐ
3:188.04	ܘܕܟܐܒ̈ܐ ܐܝܬܝܗܘܢ ܗܘܘ ܘܕܕܝܘ̈ܐ ܐܝܬ ܗܘܐ ܠܗܘܢ ܒܨܠܘܬܗ ܕܦܛܪܘܣ
3:188.05	ܐܬܐܣܝܘ ܘܐܬܕܟܝܘ܂ ܘܐܫܬܪܝܘ ܒܚܕܘܬܐ ܟܕ ܒܝܘܠܦܢܐ ܕܠܘܬ ܐܠܗܐ ܕܫܪܪܐ
3:188.06	ܒܪ̈ܥܝܢܝܗܘܢ ܐܫܬܡܠܝܘ܂ 30ܿ9 ܘܦܫܘ ܕܝܢ ܗܢܿܘܢ ܒܢ̈ܝ ܥܝܕܢ ܘܪ̈ܚܡܝܢ
3:188.07	ܘܥܠ ܐܪܥܐ ܫܘܝܘ ܠܢ܂ ܘܐܣܬܡܟܢ ܐܢܫ ܐܢܫ ܒܕܘܟܬܗ ܗܿܝ ܕܝܕܥ
3:188.08	ܕܩܕܡ ܝܘܡܐ ܐܣܬܡܟ ܒܗܿ܂ ܘܗܟܢܐ ܣܝܒܪܬܐ ܢܣܒܢ܂ ܘܐܘܕܝܢ ܘܫܒܚܢ
3:188.09	ܘܥܠܢ ܠܓܘ ܘܕܡܟܢ܀
3:188.10	31ܿ1 ܘܠܐܚܪܢܐ ܕܝܢ ܝܘܡܐ ܐܝܟ ܥܝܕܗ ܒܥܕܢܐ ܗܘ ܕܣܝܡ ܠܗ ܒܠܠܝܐ ܩܡ
3:188.11	ܗܘ ܦܛܪܘܣ ܘܐܫܟܚܢ ܠܟܠܢ ܕܡܛܝܒܝܢ ܐܢܚܢܢ܂ ܘܫܪܝ ܕܢܐܡܪ
3:188.12	ܗܟܢܐ܂ 31ܿ2 ܕܒܥܐ ܐܢܐ ܘܡܬܚܢܢ ܐܢܐ ܡܢܟܘܢ ܐܚ̈ܝ ܘܟܢ̈ܘܬܝ ܕܐܢ ܐܝܬ ܐܢܫ
3:188.13	ܕܠܐ ܡܫܟܚ ܕܢܫܗܪ ܠܐ ܡܛܠ ܕܢܟܦ ܡܢܝ ܢܐܠܘܨ ܢܦܫܗ܂ ܗܿܘ ܓܝܪ
3:188.14	ܡܕܡ ܕܒܥܓܠ ܐܢܫ ܠܐ ܡܫܟܚ ܕܢܥܒܕܝܘܗܝ܂ ܗܼܘ ܗܢܐ ܒܙܒܢܐ ܢܓܝܪܐ
3:188.15	ܡܫܟܚ ܕܢܣܥܪܝܘܗܝ܂ 31ܿ3 ܡܛܠ ܓܝܪ ܕܡܢ ܥܝ̈ܕܐ ܐܢܚܢܢ ܡܦܪ̈ܫܐ
3:188.16	ܒܙܒ̈ܢܐ ܡܦܪ̈ܫܐ ܘܢܓܝܪ̈ܐ ܕܢܫܬܚܠܦ ܘܢܬܡܙܓ ܡܫܟܚܝܢ ܐܢܚܢܢ܂ ܥܝܕܐ
3:188.17	ܓܝܪ ܟܝܢܐ ܗܼܘ ܕܬܪ̈ܝܢ܂ 31ܿ4 ܣܗܕ ܠܝ ܓܝܪ ܐܠܗܐ܂ ܕܠܐ ܡܬܥܝܩ ܐܢܐ
3:188.18	ܥܠ ܗܕܐ܂ ܕܐܢ ܐܢܫ ܠܐ ܫܗܪ܂ ܐܠܐ ܕܐܢ ܐܢܫ ܟܠܗ ܠܠܝܐ ܢܕܡܟ ܘܒܐܝܡܡܐ
3:188.19	ܠܐ ܢܡܠܐ ܗܢܝܢ ܕܠܠܝܐ 31ܿ5 ܘܠܿܐ ܓܝܪ ܘܙܕܩ܂ ܕܬܟܝܒܐܝܬ ܒܝܘܠܦܢܐ ܢܚܘܪ
3:188.20	ܐܝܟܢܐ ܕܗܼܘ ܪܥܝܢܐ ܥܘܗܕܢܗ ܕܐܠܗܐ ܒܠܚܘܕܘܗܝ ܢܗܘܐ ܐܝܬ ܒܗ܂
3:188.21	ܡܛܠ ܕܐܝܟܐ ܕܥܘܗܕܢܗ ܕܗܘ ܐܝܬ ܒܝܫܐ ܕܢܚܠܘܕ ܠܐ ܡܫܟܚ܂ 32ܿ1 ܘܟܕ
3:188.22	ܗܿܢܝܢ ܗܼܘ ܦܛܪܘܣ ܐܡܼܪ܂ ܟܘܠܢ ܐܡܝܢܐܝܬ ܘܚܦܝܛܐܝܬ ܐܦܝܣܢܝܗܝ
3:188.23	ܘܐܼܡܪܢ ܕܣܓܝ ܩܕܡܿ ܩܠܝܠ ܫܢܬܢ ܣܒܥܢ܂ ܘܐܬܥܝܪܢ ܘܢܟܦܢ ܕܢܥܝܪܟ
3:188.24	ܠܟ܂ ܡܛܠ ܕܐܦ ܠܐ ܝܐܝܐ ܕܬܠܡ̈ܝܕܐ ܢܦܩܕܘܢ ܠܥܒܕ ܛܒܬܗܘܢܿ 32ܿ2 ܟܕ
3:188.25	ܗܐ ܡܬܐܠܨܝܢ ܗܘܝܢ ܛܒ ܕܢܡܪܚ܂ ܣܓܝ ܓܝܪ ܗܼܘ ܠܒܢ ܘܪܥܝܢܢ
3:188.26	ܡܢ ܚܕܘܬܐ ܕܝܠܗܝܢ ܕܡ̈ܠܐ ܡܫܘܪ ܠܢ܂ ܘܠܗܿ ܠܫܢܬܐ ܛܪܕ ܘܕܚܩ܂
3:188.27	32ܿ3 ܘܡܛܠ ܚܘܒܢ ܕܠܘܬ ܝܘܠܦܢܐ ܕܗܕܐ ܢܩܕܡ ܢܝܩܪ ܡܦܝܣ ܗܘܐ ܠܢ܂
3:188.28	ܘܕܢܥܝܪܟ ܐܠܨ ܗܘܐ ܠܢ܂ 32ܿ4 ܘܗܼܘ ܦܛܪܘܣ ܐܡܼܪ ܕܡܛܠ ܗܟܝܠ ܕܡܢ
3:188.29	ܚܘܒܐ ܕܝܠܗܝܢ ܕܡ̈ܠܐ ܐܘܕܝܬܘܢ ܕܫܗܪܝܢ ܐܢܬܘܢ ܘܥܝܪܝܢ܂ ܨܒܢܐ ܕܡܟܝܠ
3:188.30	ܠܐ ܒܠܚܘܕ ܡܠܬܐ ܕܥܠ ܗܿܢܝܢ ܕܐܬܡܠܝ ܐܬܡܠܠ ܐܬܥܗܕ ܘܚܒܝܒܐܝܬ
3:188.31	ܥܡ ܟܠܗ ܛܟܣܐ ܕܙܕܩ ܡܫܡܠܝܐܝܬ ܐܫܠܡ ܠܟܘܢ܂ 32ܿ5 ܐܠܐ ܐܦ ܡ̈ܠܐ
3:188.32	ܕܒܟܠ ܙܒܢ ܒܐܝܡܡܐ ܗܘܝܢ ܒܒܥܬܐ ܕܢܦܠܐ ܠܢ ܒܟܠ ܠܝ̈ܠܘܢ ܡܐ
3:188.33	ܕܝܬܝܪܐܝܬ ܕܢܡܠܠ ܥܡ ܢܦܫܢ ܡܫܟܚܝܢ ܐܢܚܢܢ ܕܢܬܥܗܕ ܐܢܝܢ
3:188.34	ܒܛܟܣܗܿܝܢ ܘܡܕܡ ܕܚܣܝܪ ܒܗܝܢ ܢܡܠܐ܂ 32ܿ6 ܘܟܕ ܗܕܐ ܐܡܪ ܫܪܝ
3:188.35	ܕܢܚܘܐ ܠܢ ܥܠ ܗܿܢܝܢ ܕܩܕܡ ܝܘܡܐ ܕܒܐܝܢܐ ܛܟܣܐ ܒܥܬܗܝܢ
3:188.36	ܡܬܬܚܝܒܐ ܗܘܬ ܕܬܗܘܐ܂ ܘܠܐ ܗܼܘܬ ܡܛܠ ܫܘܒܗܪܗ ܣܪܝܩܐ ܘܪܚܡܬ
3:190.01	ܫܒܗܪܢܘܬܗ ܕܗܿܘ ܕܕܠܩܘܒܠܐ܂ ܐܘ ܠܐ ܝܕܘܥܘܬܗ܂ ܘܡܛܠ ܗܕܐ ܐܘܕܝ
3:190.02	ܕܐܝܟ ܕܒܥܘܡܩܐ/ܕܒܥܘܩܡܐ#4#/ ܐܬܚܫܚܬ ܘܗܿܢܝܢ ܕܗܿܘ ܕܠܩܘܒܠܐ ܡܠܝܐܝܬ ܫܪܝܬ
3:190.03	ܘܒܛܠܬ܂ ܘܗܿܢܝܢ ܕܝܢ ܕܝܠܝ ܘܐܦ ܠܐ ܟܠܗܝܢ ܐܦ ܠܐ ܓܠܝܐܝܬ ܐܡܪܬ
3:190.04	ܐܢܝܢ܂ 32ܿ7 ܘܗܟܢܐ ܠܢ ܕܝܠܢ ܐܝܟ ܡܐ ܕܙܕܩ ܗܘܐ ܒܛܟܣܐ ܡܫܡܠܝܐ ܗܿܝ
3:190.05	ܡܠܬܐ ܕܥܠܝܗܝܢ ܐܫܠܡ ܠܢ܂
3:190.06	33ܿ1 ܘܒܪܡ ܕܝܢ ܡܛܘܠ ܕܡܟܝܠ ܕܢܓܗܬ ܗܘܬ܂ ܢܦܩ ܠܒܪ܂ ܘܐܝܟ
3:190.07	ܕܩܕܡ ܝܘܡܐ ܦܢܐ ܘܨܠܝ܂ ܘܐܬܐ ܘܩܡ ܒܕܘܟܬܐ ܗܿܝ ܕܩܕܡ ܝܘܡܐ ܒܗܿ
3:190.08	ܩܐܡ ܗܘܐ܂ ܘܚܙܐ ܕܟܢܫܐ ܣܓܝܐܐ ܐܬܟܢܫ܂ ܘܣܝܡܘܢ ܕܝܢ ܒܡܨܥܬܗ
3:190.09	ܕܟܢܫܐ ܐܝܟ ܕܐܬܡܠܝ ܩܐܡ ܗܘܐ ܒܥܝܕܗ܂ ܫܐܠ ܒܫܠܡܗܘܢ ܘܐܡܼܪ܂
3:190.10	33ܿ2 ܕܣܒܪ ܐܢܐ ܕܟܐܢܐ ܗܼܝ ܕܬܟܪܐ ܠܢ ܘܢܬܐܒܠ ܥܠ ܐܢܫܝܢ ܗܿܢܘܢ ܕܡܐ
3:190.11	ܕܩܪܒܘ ܠܘܬܢ ܘܒܥܘ ܡܢܢ ܕܢܐܠܦܘܢ ܡܐ ܕܐܢܚܢܢ ܕܢܠܦ ܐܢܘܢ ܫܪܝܢ
3:190.12	ܐܢܚܢܢ܂ ܗܢܘܢ ܟܣܝܐܝܬ ܢܒܥܝܢ ܠܢ ܡܠܦ̈ܢܐ܂ ܡܫܐܠܝܢ ܓܝܪ ܐܝܟ ܠܐ
3:190.13	ܝܕܘ̈ܥܐ܂ ܘܐܡܿܪܝܢ ܕܝܢ ܠܩܘܒܠܢ ܐܝܟ ܝܕܘ̈ܥܐ܂ 33ܿ3 ܐܠܐ ܟܒܪ ܢܬܚܫܒ ܐܢܫ
3:190.14	ܡܢܟܘܢܿ ܘܢܐܡܪ ܕܗܿܘ ܕܡܫܐܠ ܡܛܠ ܕܢܐܠܦ ܡܫܐܠ܂ ܘܡܐ ܕܝܢ ܕܫܡܥ
3:190.15	ܘܐܬܒܝܢ ܕܠܐ ܬܪܝܨܐܝܬ ܐܝܬܝܗܿ܂ ܡܦܢܐ ܦܬܓܡܐ ܗܝ ܕܡܣܬܒܪܐ ܠܣܓ̈ܝܐܐ
3:190.16	ܕܐܝܟ ܐܡܪ ܕܠܩܘܒܠܐ ܐܝܬܝܗܿ܂ ܘܒܫܪܪܐ ܕܝܢ ܫܘܐܠܐ ܒܬܪ ܫܘܐܠܐ
3:190.17	ܐܝܬܘܗܝܿ 34ܿ1 ܐܠܐ ܐܢܐ ܕܝܢ ܐܡܿܪ ܐܢܐ ܕܗܼܘ ܝܘܠܦܢܐ ܡܢܗ ܐܝܬܘܗܝ ܩܕܡܝܐ
3:190.18	ܘܡܢܗ ܕܝܢ ܕܬܪܝܢ ܘܕ̈ܬܠܬܐ ܘܪ̈ܒܘܬܐ ܐܚܪ̈ܢܝܬܐ ܗܢܝܢ ܕܐܢ ܢܬܒܥ̈ܝܢ
3:190.19	ܡܫܟܚܐ ܕܢܫܬܟܚ̈ܢ ܕܠܐ ܒܛܟܣܗܝܢ ܕܝܢ ܐܢ ܢܣܬܥܪ̈ܢ ܡܣܬܒܪܢ ܕܐܦ
3:190.20	ܠܐ ܡܫܬܟܚܢ܂ 34ܿ2 ܕܡܛܠ ܗܕܐ ܘܠܿܐ ܕܠܘܩܕܡ ܛܟܣܐ ܕܩ̈ܕܡܝܬܐ ܢܛܪ܂
3:190.21	ܘܥܠ ܡܐ ܕܗܘ ܕܒܥܐ܂ ܗܝ ܕܙܕܩܐ ܠܘܩܕܡ ܗܝ ܢܒܥܐ ܘܢܫܟܚ܂
3:190.22	34ܿ3 ܗܟܢܐ ܐܝܟ ܕܫܘܪܝܗܿ ܕܐܘܪܚܐ ܢܣܒ܂ ܘܒܗܿܝ ܩܕܡܝܬܐ ܕܠܝܠܐܝܬ ܪܕܐ܂ ܐܦ
3:190.23	ܒܗܿܝ ܕܬܪܬܝܢ ܪܗܛ ܒܗܿ ܘܡܢ ܗܿܝ ܕܬܪ̈ܬܝܢ ܬܘܒ ܝܬܝܪܐܝܬ ܗܿܝ ܕܬܠܬ
3:190.24	ܕܠܝܠܐܝܬ ܡܫܟܚ ܘܟܡܐ ܕܪܕܐ ܗܢܐ ܟܠܗ ܝܬܝܪܐܝܬ ܐܝܟ ܪܕܐ ܐܘܪܚܐ
3:190.25	ܛܒܬܐ ܡܬܓܠܝܐ ܠܗ ܘܡܬܦܫܩܐ ܥܕܡܐ ܕܠܗܿ ܢܐܬܐ ܠܗܿܝ ܡܕܝܢܬܐ
3:190.26	ܕܫܪܪܐ܂ ܕܒܥܐ ܗܘܐ ܕܢܐܬܐ܂ 34ܿ4 ܗܿܘ ܗܟܝܠ ܕܠܐ ܝܕܘܥܐ ܗܼܘ ܘܣܟܠܐ ܘܐܘܪ̈ܚܬܐ
3:190.27	ܕܒܥܬܐ ܠܐ ܝܕܥ ܐܝܟ ܗܕܝܐ ܢܘܟܪܝܐ ܛܥܐ ܘܠܗܿܘ ܕܡܢܗܿ ܗܼܘ ܕܡܕܝܢܬܐ
3:190.28	ܕܢܬܪܡܐ ܠܐ ܡܣܝܒܪ ܠܒܪ ܡܢ ܬܪܥܐ ܕܚܝ̈ܐ ܡܬܚܒܫ ܘܡܩܘܐ ܠܒܪ܂
3:190.29	ܘܗܟܢܐ ܒܚܫܘܟܗ ܕܠܠܝܐ ܕܠܐ ܒܛܟܣܐ ܒܫܒ̈ܝܠܐ ܕܠܐܒܕܢܐ ܡܘܒܠܝܢ
3:190.30	ܪܕܐ܂ 34ܿ5 ܡܛܠ ܗܟܝܠ ܕܡܐ ܕܒܛܟܣܗܝܢ ܕܝܠܗܝܢ ܡܬܒܥܝܢ ܗܢܝܢ
3:190.31	ܨܒܘ̈ܬܐ ܡܫܬܟܚܢ ܠܛܟܣܗܿ ܕܝܢ ܕܒܥܬܐ ܗܘ ܕܣܟܠܐ ܗܼܘ ܘܠܐ ܝܕܘܥܐ
3:190.32	ܗܼܘ ܠܐ ܝܕܥ ܠܗ ܥܗܢܐ ܘܙܕܩܐ ܐܘ ܠܝܕܘܥܐ ܢܫܠܡ ܗܿܘ ܕܗܕܝܘܛܐ ܗܼܘ܂
3:192.01	ܐܘ ܕܠܘܩܕܡ ܢܐܠܦ ܗܘ ܢܡܘܣܗܿ ܕܒܥܬܐ ܘܗܿܘ ܕܐܝܬܘܗܝ ܛܟܣܗܿ
3:192.02	ܕܝܠܗܿ܂ ܘܗܝܕܝܢ ܫܘܐܠܐ ܘܦܘܢܝ ܦܬܓܡܐ ܕܡ̈ܠܐ ܢܥܒܕ܂ 35ܿ1 ܘܗܼܘ ܣܝܡܘܢ
3:192.03	ܦܢܝ ܠܗ ܦܬܓܡܐ܂ ܕܠܐ ܗܘܐ ܗܟܝܠ ܕ‍<‍ܠ‍>‍ܟܠ ܐܢܫ ܐܝܬܝܗܿ ܫܪܝܪܬܐ ܐܠܐ
3:192.04	ܕܗܢܿܘܢ ܒܠܚܘܕ ܕܐܝܕܥܬܗܿ ܘܛܟܣܗܿ ܕܒܥܬܐ ܝܕܥܝܢ܂ ܗܕܐ ܕܕܠܐ ܒܘܠܝܬܐ
3:192.05	ܐܝܬܝܗܿ ܕܟܕ ܚܕ ܐܝܬܘܗܝ ܐܠܗܐ ܕܟܘܠ ܠܐ ܟܠܗܘܢ ܢܗܘܘܢ ܫܘܝܢ ܠܘܬ
3:192.06	ܗܕܐ ܕܢܫܟܚܘܢ ܕܢܕܥܘܢ ܗܢܝܢ ܕܠܗ ܫܦܪ̈ܢ܂ 35ܿ2 ܘܗܼܘ ܦܛܪܘܣ ܐܡܪ
3:192.07	ܕܟܘܠܗܘܢ ܗܘܘ ܡܢܗ ܒܫܘܝܘܬܐ܂ ܘܫܘܝܢ ܐܢܘܢ ܕܢܬܡܨܘܢ ܕܢܫܟܚܘܢ
3:192.08	ܫܪܝܪܬܐ܂ 35ܿ3 ܡܛܠ ܕܐܦܠܐ ܐܢܫ ܡܢ ܗܢܘܢ ܕܝܕܘ̈ܥܐ ܡܣܬܒܪܝܢ ܒܗ ܒܚܕ
3:192.09	ܝܘܡܐ ܗܘܐ ܝܕܘܥܐ ܐܠܐ ܟܕ ܟܠ ܡܕܡ ܠܐ ܝܕܥ ܡܬܝܠܕ ܘܒܬܪܟܢ ܕܝܢ
3:192.10	ܬܪܝܢܐܝܬ ܢܣܒ ܠܗܿ ܠܒܥܬܐ܂ 35ܿ4 ܡܛܠ ܕܪܥܝܢܗܘܢ ܕܒ̈ܢܝ ܐܢܫܐ ܡܛܝܒ
3:192.11	ܗܼܘ ܠܟܠܗܝܢ ܝܕܥ̈ܬܐ܂ 35ܿ5 ܐܘ ܡܢܘ ܕܠܐ ܝܿܕܥ܂ ܕܗܢܿܘܢ ܕܝܠܦܘ ܡܢ ܩܕܝܡ
3:192.12	ܠܐ ܝܕܥܝܢ ܗܘܘ ܠܗܝܢ܂ ܘܗܼܘ ܣܝܡܘܢ ܐܡܪ ܕܒܫܪܪܐ ܐܡܪ ܐܢܬ܂ 35ܿ6 ܘܗܼܘ
3:192.13	ܦܛܪܘܣ ܐܡܼܪ ܕܐܢ ܗܟܝܠ ܒܐܘ̈ܡܢܘܬܐ ܕܥܠܡܐ ܠܘܩܕܡ ܝܿܠܦܝܢ ܘܟܢ
3:192.14	ܡܠܦܝܢ܂ ܝܬܝܪܐܝܬ ܙܕܩ ܠܗܿܢܘܢ ܕܡܫܬܘܕܝܢ ܕܠܢܦܫ̈ܬܐ ܡܙܘܕܝܢ
3:192.15	ܕܠܘܩܕܡ ܢܐܠܦܘܢ ܘܗܝܕܝܢ ܢܠܦܘܢܿ ܘܠܐ ܟܕ ܗܢܘܢ ܠܐ ܝܕܘ̈ܥܐ ܐܢܘܢ
3:192.16	ܠܐܚܪ̈ܢܐ ܐܝܕܥܬܐ ܢܫܬܘܕܘܢ܂ 35ܿ7 ܘܗܼܘ ܣܝܡܘܢ ܐܡܼܪ ܐܠܐ ܒܐܘܡܢ̈ܘܬܐ ܕܥܠܡܐ
3:192.17	ܟܠ ܐܢܫ ܕܝܠܦ ܡܦܣ ܗܘ ܕܝܕܥ܂ ܗܪܟܐ ܕܝܢ ܗܿܘ ܕܫܡܥ ܠܐ
3:192.18	ܐܡܝܢܐܝܬ ܫܡܥ ܕܝܠܦ܂ 36ܿ1 ܘܗܼܘ ܦܛܪܘܣ ܐܡܼܪ܂ ܕܗܿܘ ܡܢ ܕܒܗ ܒܛܟܣܐ
3:192.19	ܐܝܟ ܡܐ ܕܥܗܢ ܘܢܩܦ ܫܡܥ ܝܕܥ ܠܗܿ ܠܫܪܝܪܬܐ܂ ܐܠܐ ܡܛܠ ܕܠܐ ܨܿܒܐ
3:192.20	ܕܢܩܒܠ ܥܠܘܗܝ ܪܒܘܬܗܘܢ ܕܕܘܒܪ̈ܐ܂ ܗܿܝ ܕܗܼܝ ܢܩܦܐ ܠܗܿ ܠܫܪܝܪܬܐ܂
3:192.21	ܠܐ ܡܘܕܐ ܕܐܬܛܦܝܣ܂ 36ܿ2 ܐܝܟ ܕܐܦ ܣܓܝ̈ܐܐ ܡܐ ܕܝܠܦܘ ܐܘܡܢ̈ܘܬܐ ܘܠܗܝܢ
3:192.22	ܠܗܢܿܝܢ ܐܪܦܝܘ ܐܢܝܢ ܐܝܟ ܕܠܐ ܚ̈ܫܚܢ ܠܗܘܢ܂ ܘܡܕܡ ܐܚܪܝܢ ܡܫܢܝܢ
3:192.23	ܕܢܣܥܪܘܢ ܘܡܛܠ ܡܦܩ ܒܪܘܚܗܘܢ ܕܥܠ ܗܕܐ ܣܟܠܘܬܐ ܕܐܪܦܝܘ ܗܿܘ
3:192.24	ܡܕܡ ܕܐܝܠܦܘ ܟܘܐܪܐ ܘܨܥܪܐ ܥܠܝܗܿ ܕܗܿܝ ܐܘܡܢܘܬܐ ܕܐܪܦܝܘ ܡܬܦܪܣܝܢ
3:192.25	ܕܢܐܡܪܘܢܿ܂ 36ܿ3 ܘܗܼܘ ܣܝܡܘܢ ܐܡܼܪ ܕܘܠܐ ܗܘܐ ܕܟܠ ܐܢܫ ܕܫܡܥ ܗܘܐ ܢܗܝܡܢ
3:192.26	ܕܫܪܪܐ ܐܝܬܘܗܝ ܗܿܘ ܡܐ ܕܫܡܥ܂ 36ܿ4 ܘܦܛܪܘܣ ܐܡܼܪ ܕܒܫܪܪܐ ܗܢܿܘܢ
3:192.27	ܕܒܛܟܣܐ ܫܡܥܝܢ ܗܿܢܝܢ ܕܢܩ̈ܦܢ ܠܫܪܪܐ ܡܛܠ ܕܠܐ ܡܫܟܚܝܢ ܕܢܐܡܪܘܢ
3:192.28	ܠܘܩܒܠܗܝܢ ܝܕܥܝܢ ܠܗܝܢ ܒܫܪܪܐ ܐܢ ܨܒܝܢ ܕܒܗܝܢ ܢܬܕܒܪܘܢ ܘܐܦ
3:192.29	ܕܢܘܕܘܢ ܒܗܝܢ ܡܣܬܪܗܒܝܢ܂ 36ܿ5 ܘܗܕܐ ܕܝܢ ܕܐܚܪ̈ܢܐ ܕܫܡܥܝܢ ܘܠܐ ܨܒܝܢ
3:192.30	ܕܢܬܠܘܢ ܢܦܫܗܘܢ ܕܢܣܥܪܘܢ ܛܒ̈ܬܐ ܡܚܘܝܐ ܕܒܫܘܠܛܢܐ ܕܝܠܗܘܢ
3:192.31	ܣܝܡܐ܂ ܕܢܥܒܕܘܢ ܗܢܝܢ ܕܗܿܢܘܢ ܨܒܝܢ܂ 36ܿ6 ܘܐܠܘ ܕܝܢ ܟܠܗܘܢ ܗܿܢܘܢ
3:194.01	ܕܫܡܥܝܢ ܗܘܘ ܐܘ ܡܬܪܡܝܢ ܗܘܘ܂ ܐܘ ܠܐ ܡܬܛܦܝܣܝܢ ܗܘܘ܂ ܟܝܢܐ
3:194.02	ܐܝܬܘܗܝ ܗܘܐ ܕܗܿܘ ܕܡܬܛܦܝܣ ܗܘܐ ܡܛܠ ܕܐܡܝܢܐܝܬ ܚܕܐ ܗܘܬ ܐܘܪܚܐ
3:194.03	ܕܟܘܠܗܘܢܿ܂ 36ܿ7 ܐܝܟܢܐ ܓܝܪ ܕܠܐ ܡܫܟܚܐ ܕܢܦܝܣ ܠܐܢܫ ܕܢܗܘܐ ܙܥܘܪܐ ܐܘ
3:194.04	ܐܪܝܟܐ ܡܛܠ ܕܠܐ ܫܒܩ ܗܘ ܟܝܢܐ ܗܟܢܐ ܐܦ ܒܫܪܪܐ ܐܘ ܐܠܘ ܠܗܿ ܠܡܠܬܐ
3:194.05	ܟܠ ܐܢܫ ܡܫܬܚܠܦ ܗܘܐ ܐܘ ܠܐ ܡܫܬܚܠܦ ܗܘܐ ܟܝܢܐ܂ ܐܝܬܘܗܝ ܗܘܐ
3:194.06	ܗܿܘ ܕܠܒܝܟ ܗܘܐ ܕܟܘܠܗܘܢ ܐܡܝܢܐܝܬ ܒܡܠܬܐ ܢܫܬܚܠܦܘܢ܂ ܐܘ ܐܦܠܐ
3:194.07	ܐܢܫ ܡܡܬܘܡ ܢܫܬܚܠܦ܂
3:194.08	37ܿ1 ܘܗܼܘ ܣܝܡܘܢ ܦܢܝ ܠܗ ܦܬܓܡܐ ܕܐܠܦܝܢ ܗܟܝܠ ܠܢ܂ ܕܡܢܐ
3:194.09	ܠܘܩܕܡ ܙܕܩ ܕܢܐܠܦ ܗܿܘ ܕܫܪܪܐ ܡܚܒ܂ 37ܿ2 ܘܗܘ ܦܛܪܘܣ ܐܡܼܪ ܕܩܕܡ
3:194.10	ܟܠܡܕܡ ܙܕܩ ܕܢܒܥܐ ܕܡܢܐ ܡܫܟܚܐ ܕܟܕ ܒܥܐ ܒܪ ܐܢܫܐ ܢܬܡܨܐ ܕܢܫܟܚ܂
3:194.11	37ܿ3 ܐܠܨܐ ܗܼܝ ܓܝܪ ܛܒ ܡܛܠ ܕܐܠܗܐ ܥܬܝܕ ܗܘ ܕܢܕܘܢ ܥܠ ܣܘܥܪ̈ܢܐ
3:194.12	ܠܟܘܠ ܐܢܫ܂ ܕܗܟܢܐ ܗܘ ܒܪ ܐܢܫܐ ܕܢܨܒܐ ܕܢܥܒܕ ܕܠܝܠܐܝܬ ܘܐܦ ܕܢܕܥ
3:194.13	ܕܡܢܐ ܐܝܬܝܗܿ ܛܒܬܐ ܐܘ ܒܝܫܬܐ܂ ܡܛܠ ܗܕܐ ܐܡܿܪܢܐ ܕܠܐ ܡܕܡ ܐܢܫ
3:194.14	ܡܬܡܨܐ ܕܢܫܟܚ ܕܐܝܟܢܐ ܐܝܬܘܗܝ ܐܠܐ ܐܢ ܠܘܩܕܡ ܥܠ ܗܿܢܝܢ ܕܥܠܝܗܝܢ
3:194.15	ܡܬܕܝܢ ܢܬܚܦܛ ܒܗܝܢ܂ 37ܿ4 ܘܗܿܢܝܢ ܕܝܬܝܪ̈ܢ ܡܢ ܗܿܢܝܢ ܗܘ ܢܒܝܐ
3:194.16	ܒܠܚܘܕܘܗܝ ܝܿܕܥ܂ ܘܒܘܠܝܬܐ ܗܼܝ ܗܕܐ܂ ܡܢܐ ܓܝܪ ܣܢܝܩܝܢ
3:194.17	ܘܡܬܒܥܐ ܠܗܘܢ ܠܒ̈ܢܝ ܐܢܫܐ ܕܢܐܠܦܘܢ ܕܐܝܟܢܐ ܗܘܐ ܥܠܡܐ܂ ܠܗܢܘܢ
3:194.18	ܕܝܢ ܕܨܒܝܢ ܕܒܕܚܠܬܗ ܕܗܿܘ ܕܥܒܕ ܐܢܘܢ ܢܗܘܘܢ ܢܩܦܐ ܗܼܝ ܕܢܐܠܦܘܢ
3:194.19	ܗܕܐ܂ 37ܿ5 ܘܠܐ ܗܘܐ ܕܝܢ ܐܝܟ ܕܣܒܪܢܐ ܕܒ̈ܢܝ ܐܘܡܢܘܬܗ ܕܐܠܗܐ ܡܫܟܚܝܢ
3:194.20	ܐܢܫܝܢ ܕܢܗܘܘܢ ܐܝܟ ܕܥܠ ܗܕܐ ܕܐܝܟܢܐ ܥܒܕ ܢܬܬܘܗܘܢ ܘܢܬܒܛܠܘܢ܂
3:194.21	37ܿ6 ܘܐܦܠܐ ܗܘܐ ܓܝܪ ܥܠܝܗܿ ܕܗܕܐ ܡܬܕܝܢܝܢ ܕܥܠ ܡܢܐ ܠܐ ܝܠܦܘ ܕܐܝܟܢܐ
3:194.22	ܗܘܐ ܥܠܡܐ܂ ܐܠܐ ܥܠ ܐܝܕܥܬܗ ܕܗܘ ܕܥܒܕܗ ܘܕܠܗ ܢܕܥܝܘܗܝ
3:194.23	ܕܟܐܢܐ ܐܝܬܘܗܝ ܘܒܐܘܪܚܐ ܕܟܐܢܘܬܐ ܡܫܟܚܐ ܕܢܐܠܦܝܘܗܝ 37ܿ7 ܕܡܛܠ
3:194.24	ܗܕܐ ܐܦܢ ܐܢܫ ܢܕܥ ܕܗܘܼܝܘ ܐܝܬܘܗܝ ܒܠܚܘܕܘܗܝ ܛܒܐ ܠܐ ܣܦܩܐ
3:194.25	ܠܗ ܗܕܐ ܝܕܥܬܐ ܠܦܘܪܩܢܗ ܘܠܚܝ̈ܘܗܝ܂ ܟܕ ܓܝܪ ܟܘܠܗܘܢ ܗܫܐ
3:194.26	ܡܢ ܡܘ̈ܗܒܬܗ ܡܬܒܣܡܝܢ ܗܿܢܘܢ ܕܗܫܐ ܒܠܚܘܕ ܕܛܒܐ ܐܝܬܘܗܝ
3:194.27	ܝܕܥܘ ܘܕܗܕܐ ܝܕܥܬܐ ܒܠܚܘܕ ܣܦܩܬ ܠܗܘܢ ܡܝܬܝܢ ܟܕ ܡܕܡ ܝܬܝܪ
3:194.28	ܡܢ ܗܢܘܢ ܕܠܐ ܝܕܥܘܗܝ ܠܐ ܣܥܪܘ܂ 37ܿ8 ܗܢܘܢ ܕܝܢ ܕܐܦ ܟܐܢܘܬܗ ܝܕܥܘ܂
3:194.29	ܘܗܢܿܝܢ ܕܢܩܦܢ ܠܗܕܐ ܝܕܥܬܗܘܢ ܣܥܪܘ ܐܦ ܡܢ ܗܢܿܝܢ ܛܒ̈ܬܐ ܕܥܬܝ̈ܕܢ
3:194.30	ܠܥܠܡ ܡܬܒܣܡܝܢ܂ 37ܿ9 ܕܡܛܠ ܗܕܐ ܒܘܠܝܬܐ ܠܗܢܘܢ ܥܒܪ̈ܝܐ
3:194.31	ܕܝܕܥܝܢ ܗܘܘ ܠܗ ܐܡܿܪ ܗܘܐ ܠܗܘܢܿ ܕܒܥܘ ܠܡ ܠܘܩܕܡ ܗܼܝ ܟܐܢܘܬܗ܂
3:194.32	ܐܝܟ ܕܝܕܥܝܢ ܗܘܘ ܠܗ ܕܛܒܐ ܐܝܬܘܗܝ ܘܟܐܢܘܬܗ ܕܝܢ ܠܐ ܝܕܥܝܢ ܗܘܘ
3:194.33	ܕܡܛܠ ܗܕܐ ܠܐ ܡܣܟܠܝܢ ܗܘܘ܂ ܐܝܟ ܕܠܘܬ ܐܠܗܐ ܛܒܐ ܒܠܚܘܕ ܐܝܬ
3:196.01	ܠܗܘܢ ܘܠܐ ܝܕܥܝܢ ܗܘܘ ܕܐܦ ܟܐܢܐ ܐܝܬܘܗܝ܂ 37ܿ10 ܘܛܒܐ ܕܝܢ ܐܝܬܘܗܝ ܒܗܢܐ
3:196.02	ܥܠܡܐ ܕܗܫܐ܂ ܐܝܟܢܐ ܕܟܠ ܐܢܫ ܢܫܟܚ ܕܢܚܐ܂ ܟܐܢܐ ܕܝܢ ܐܝܬܘܗܝ ܒܕܝܢܿܐ
3:196.03	ܕܥܬܝܕ ܐܝܟܢܐ ܕܦܘܪܩܢܐ ܘܚ̈ܝܐ ܕܠܥܠܡ ܕܗܢܿܘܢ ܕܫܘܝܢ ܒܠܚܘܕ ܢܗܘܐ܂
3:196.04	38ܿ1 ܘܗܘ ܣܝܡܘܢ ܐܡܼܪ ܕܐܝܟܢܐ ܡܫܟܚ ܕܗܼܘ ܟܕ ܗܼܘ ܛܒܐ ܐܦ ܟܐܢܐ
3:196.05	ܢܗܘܐ܂ 38ܿ2 ܘܗܼܘ ܦܛܪܘܣ ܐܡܼܪ ܕܒܠܥܕ ܟܐܢܘܬܐ ܗܘ ܛܒܐ ܡܬܐܠܨ ܕܥܘܠܐ
3:196.06	ܢܗܘܐ܂ ܗܕܐ ܓܝܪ ܕܛܒܐ ܗܼܝ ܕܫܡܫܐ ܘܡܛܪܐ ܠܟܠܗܘܢ ܢܬܠ ܫܘܝܐܝܬ܂
3:196.07	ܐܦ ܠܟܐܢ̈ܐ ܐܦ ܠܥܘ̈ܠܐ܂ 38ܿ3 ܒܗܕܐ ܗܟܝܠ ܕܝܗܒ ܛܒܐ ܐܝܬܘܗܝ ܒܗܿܝ
3:196.08	ܕܝܢ ܕܫܘܝܐܝܬ ܠܒܝ̈ܫܐ ܐܦ ܠܛܒ̈ܐ ܥܘܠܐ ܐܝܬܘܗܝ܂ ܠܒܪ ܡܢ ܕܐܠܘ
3:196.09	ܠܐ ܕܗܫܐ ܝܗܿܒ ܫܡܫܐ ܘܡܛܪܐ ܡܛܠ ܙܪܥܐ ܕܚܛܬܐ ܠܒܘܣܡܐ܂
3:196.10	38ܿ4 ܘܥܡܗ ܕܝܢ ܪ̈ܒܝܢ ܐܦ ܟܘܒ̈ܐ ܥܕܡܐ ܠܚܨܕܐ ܐܡܬܝ ܕܥܠ ܛܝܒܘܬܐ
3:196.11	ܐܦ ܟܐܢܘܬܐ ܡܕܪܟܐ ܘܟܘ̈ܒܐ ܠܒܪ ܢܦܩܝܢ ܘܚ̈ܛܐ ܠܓܘ ܡܬܚ̈ܡܠܢ܂
3:196.12	38ܿ5 ܗܟܢܐ ܐܦ ܗܫܐ ܕܟ̈ܐܢܐ ܘܥܘ̈ܠܐ ܡܬܒܣܡܝܢ ܫܘܝܐܝܬ ܡܢܗܝܢ ܕܝܠܗܝܢ
3:196.13	ܕܡܘܗ̈ܒܬܗ ܛܒ̈ܐ ܐܝܬܘܗܝ ܡܛܠ ܝܗܘܒܘܬܗ ܘܒܝܘܡܐ ܕܝܢ ܕܕܝܢܐ ܕܒܗ
3:196.14	ܟ̈ܐܢܐ ܠܡܠܟܘܬܗ ܥܠܝܢ ܘܥܘ̈ܠܐ ܠܒܪ ܢܦܩܝܢ ܗܼܝ ܟܐܢܘܬܗ ܡܬܚܙܝܐ܂
3:196.15	38ܿ6 ܘܐܠܐ ܐܠܘ ܒܫܘܝܘܬܐ ܠܥܠܡ ܡܩܘܝܢ ܗܘܘ ܒܝܫ̈ܐ ܥܡ ܛܒ̈ܐ ܡܬܐܠܨܐ
3:196.16	ܗܘܬ ܗܼܝ ܗܕܐ ܕܬܣܬܒܪ ܕܠܐ ܗܘܐ ܒܠܚܘܕ ܠܐ ܗܘܐ ܛܝܒܘܬܐ ܗܼܝ ܐܠܐ
3:196.17	ܐܦ ܥܘܠܘܬܐ ܐܘ ܕܠܐ ܦܘܪܫܢܐ ܘܕܠܐ ܕܝܢܐ ܕܗܢܿܘܢ ܛܒ̈ܐ ܡܢܬܐ ܕܫܘܝܐ ܥܡ
3:196.18	ܗܢܿܘܢ ܒܝ̈ܫܐ ܠܘܬܗ ܐܝܬ ܠܗܘܢ܂
3:196.19	39ܿ1 ܘܗܼܘ ܣܝܡܘܢ ܐܡܼܪ ܕܒܚܕܐ ܨܿܒܢܐ ܒܠܚܘܕ ܕܐܫܬܡܠܐ ܕܐܢ ܢܦܫܐ ܠܐ
3:196.20	ܡܝܬܐ܂ ܠܐ ܓܝܪ ܡܫܟܚ ܐܢܐ ܕܝܘܩܪܗܿ ܕܟܐܢܘܬܐ ܐܩܒܠ ܥܠܝ܂ ܐܠܐ ܐܢ
3:196.21	ܠܘܩܕܡ ܥܠ ܗܕܐ ܐܫܬܡܠܝܬ܂ ܐܢ ܓܝܪ ܠܐ ܐܝܬܝܗܿ ܠܐ ܡܝܘܬܬܐ ܘܐܦ ܠܐ
3:196.22	ܡܕܡ ܡܢ ܗܢܿܝܢ ܫܘ̈ܕܝܐ ܕܕܚܠܬ ܐܠܗܐ ܡܫܟܚ ܕܢܩܘܡ܂ 39ܿ2 ܘܗܼܘ
3:196.23	ܦܛܪܘܣ ܐܡܼܪ ܕܠܘܩܕܡ ܢܒܥܐ ܕܐܢ ܟܐܢܐ ܗܼܘ ܐܠܗܐ ܘܐܢ ܐܫܬܟܚ
3:196.24	ܐܬܩܝܡ ܠܗܝܢ ܟܘܠܗܝܢ ܗܢܿܝܢ ܕܕܚܠܬܗ ܘܕܝܘܠܦܢܗ܂ 39ܿ3 ܘܗܼܘ
3:196.25	ܣܝܡܘܢ ܐܡܼܪ ܕܣܒܪܢܐ ܥܠܝܟ ܕܛܟܣܐ ܕܡ̈ܠܐ ܡܫܬܒܗܪ ܐܢܬ ܕܝܕܥ܂
3:196.26	ܘܗܫܐ ܕܠܐ ܒܛܟܣܐ ܦܢܝܬ ܦܬܓܡܐ܂ ܟܕ ܐܢܐ ܓܝܪ ܒܥܝܬ ܕܐܠܦ ܕܐܝܟܢܐ
3:196.27	ܠܐ ܡܝܘܬܬܐ ܗܝ ܢܦܫܐ ܡܛܠ ܕܗܢܝܢ ܕܫܘܕܝܟ ܐܩܒܠ ܐܢܬ ܐܡܼܪܬ
3:196.28	ܕܠܘܩܕܡ ܢܒܥܐ ܕܐܢ ܟܐܢܐ ܗܘ܂ 39ܿ4 ܘܗܼܘ ܦܛܪܘܣ ܐܡܼܪ܂ ܕܣܓܝ ܘܕܠܐ
3:196.29	ܦܘܚܡ ܗܕܐ ܥܗܢܐ܂ ܘܗܼܘ ܣܝܡܘܢ ܐܡܼܪ ܕܨܒܿܐ ܐܢܐ ܕܐܠܦ܂ 40ܿ1 ܘܗܼܘ
3:196.30	ܦܛܪܘܣ ܐܡܪ ܕܫܡܥ ܡܕܝܢ ܕܡܢܗܘܢ ܕܒ̈ܢܝ ܐܢܫܐ ܓܕܦܘ ܥܠܘܗܝ
3:196.31	ܘܣܥܪܘ ܥܘܠܐ܂ ܘܐܬܒܣܡܘ ܘܒܡܘܬ ܢܦܫܗܘܢ ܥܠ ܥܪܣܗܘܢ
3:196.32	ܡܝܬܘ܂ 40ܿ2 ܘܡܢ ܗܢܿܘܢ ܕܝܠܗܘܢ ܡܝܩܪܐܝܬ ܫܘܘ ܕܢܬܩܒܪܘܢ܂ ܘܐܚܪ̈ܢܐ ܕܝܢ
3:196.33	ܒ̈ܢܝ ܐܢܫܐ ܫܒܚܘܗܝ ܘܟܐܢܘܬܐ ܣܥܪܘ ܘܒܡܣܟܢܘܬܐ ܟܦܢܐ ܣܝܒܪܘ
3:196.34	ܘܡܛܠ ܟܐܢܘܬܐ ܡܫܘ̈ܚܕܐ ܡܝܬܘ ܘܐܦܠܐ ܕܢܬܩܒܪܘܢ ܫܘܘ܂ 40ܿ3 ܐܝܟܐ
3:198.01	ܗܟܝܠ ܐܝܬܝܗܿ ܟܐܢܘܬܗ ܕܐܠܗܐ ܐܢܗܘ ܕܢܦܫܐ ܠܐ ܡܝܘܬܬܐ ܠܐ ܐܝܬܝܗܿ܂
3:198.02	ܐܝܟܢܐ ܕܠܐܢܫ ܐܢܫ ܗܿܘ ܡܕܡ ܕܚܣܝܪ ܠܗ ܢܬܡܠܐ ܠܗ܂ ܐܡܪܢܐ ܕܝܢ
3:198.03	ܕܠܗܿܘ ܕܪܫܝܥܐܝܬ ܐܬܒܣܡ ܡܣܡ ܒܪܫܐ ܕܗܪܬܡܢ ܘܠܗܿܘ ܕܝܢ ܕܡܛܠ
3:198.04	ܟܐܢܘܬܗ ܟܠܗܝܢ ܗܢܝܢ ܕܐܘܠܨܢܐ ܣܝܒܪ ܒܘܣܡܐ ܗܿܘ ܕܬܡܢ ܕܛܒ̈ܬܐ
3:198.05	ܕܠܥܠܡ܂ 40ܿ4 ܘܗܼܘ ܣܝܡܘܢ ܐܡܪ܂ ܕܗܝ ܓܝܪ ܗܕܐ ܢܓܕܐ ܠܢ ܕܠܐ
3:198.06	ܢܗܝܡܢ ܕܣܓܝ̈ܐܐ ܛܒ̈ܐ ܐܬܐܠܨܘ ܘܒܝܫܐܝܬ ܡܢ ܥܠܡܐ ܢܦܩܘ ܘܣܓܝ̈ܐܐ
3:198.07	ܒܝ̈ܫܐ ܕܐܬܒܣܡܘ ܪܫܝܥܐܝܬ ܘܒܣܝܒܘܬܐ ܢܓܝܪܬܐ ܥܡ ܢܝܚܐ ܡܝܬܘ܂
3:198.08	41ܿ1 ܘܗܼܘ ܦܛܪܘܣ ܐܡܪ ܕܗܼܝ ܗܕܐ ܕܠܟ ܢܓܕܐ ܠܟ ܕܠܐ ܬܗܝܡܢ܂ ܗܼܝ
3:198.09	ܡܦܝܣܐ ܠܢ ܕܕܝܢܐ ܗܼܘ ܗܘܐ ܐܡܬܝ ܕܗܘ܂ 41ܿ2 ܡܐ ܓܝܪ ܕܗܘ ܐܠܗܢ
3:198.10	ܐܬܝܕܥ ܕܟܐܢܐ ܗܘ ܐܠܨܐ ܗܝ ܕܐܚܪܢܐ ܥܠܡܐ ܐܝܬܝ ܕܒܗ ܟܠ ܐܢܫ
3:198.11	ܣܘܥܪܢܐ ܕܚܐܪܘܬܗ ܘܕܫܘܠܛܢܗ ܡܩܒܠ܂ ܘܟܐܢܘܬܗ ܕܐܠܗܐ
3:198.12	ܡܬܚܙܝܐ܂ 41ܿ3 ܘܐܠܘ ܕܝܢ ܗܫܐ ܐܝܟ ܡܐ ܕܣܥܪ ܗܘܐ ܐܢܫ ܐܢܫ ܡܩܒܠ
3:198.13	ܗܘܐ ܕܓ̈ܠܐ ܐܝܬܝܢ ܗܘܝܢ ܕܐܡܪܝܢ ܐܢܚܢܢ ܕܗܘܐ ܐܡܬܝ ܕܗܘ ܕܝܢܐ܂ ܐܠܘ
3:198.14	ܟܘܠ ܐܢܫ ܗܫܐ ܐܝܟ ܕܫܘܐ ܡܩܒܠ ܗܘܐ܂ ܗܼܝ ܗܟܝܠ ܗܕܐ ܕܗܫܐ
3:198.15	ܠܐ ܐܡܝܢܐܝܬ ܐܢܫ ܐܢܫ ܐܝܟ ܣܘܥܪ̈ܢܘܗܝ ܡܫܟܚ ܠܟܠܢ ܡܦܝܣܐ ܗܢܘܢ
3:198.16	ܕܝܕܥܝܢ ܐܢܚܢܢ ܕܐܠܗܐ ܟܐܢܐ ܗܼܘ ܕܗܿܘܐ ܗܘ ܕܝܢܿܐ܂ 41ܿ4 ܘܗܼܘ ܣܝܡܘܢ ܐܡܼܪ
3:198.17	ܕܡܛܠ ܡܢܐ ܗܟܝܠ ܐܢܐ ܠܐ ܡܦܣ ܐܢܐ܂ ܘܗܼܘ ܦܛܪܘܣ ܐܡܪ ܕܡܛܠ
3:198.18	ܕܠܐ ܫܡܥܬ ܡܢ ܗܿܘ ܢܒܝܐ ܕܫܪܪܐ ܕܐܡܿܪ ܕܒܥܘ ܠܘܩܕܡ ܗܝ ܟܐܢܘܬܗ
3:198.19	ܘܗܿܢܝܢ ܟܠܗܝܢ ܢܬܬܘ̈ܣܦܢ ܠܟܘܢ܂ 41ܿ5 ܘܗܼܘ ܣܝܡܘܢ ܐܡܼܪ ܕܫܒܘܩ
3:198.20	ܠܝ ܕܠܐ ܨܒܢܐ ܕܠܘܩܕܡ ܐܒܥܐ ܥܠ ܟܐܢܘܬܗ ܩܕܡ ܕܐܕܥ ܕܐܢ ܢܦܫܐ ܠܐ
3:198.21	ܡܝܘܬܬܐ ܗܝ܂ 41ܿ6 ܘܗܼܘ ܦܛܪܘܣ ܐܡܼܪ ܕܗܕܐ ܒܠܚܘܕ ܫܒܘܩ ܠܝ ܕܠܐ
3:198.22	ܐܥܒܕ ܠܒܪ ܡܢ ܡܐ ܕܗܘ ܢܒܝܐ ܕܫܪܪܐ ܟܕ ܩܪܝܒ ܡܠܟ ܠܢ ܕܢܥܒܕ܂
3:198.23	41ܿ7 ܘܗܼܘ ܣܝܡܘܢ ܐܡܼܪ ܓܠܝܐܝܬ ܡܬܚܙܐ ܐܢܬ ܕܠܐ ܡܫܟܚ ܐܢܬ ܕܬܚܘܐ
3:198.24	ܥܠ ܢܦܫܐ ܕܠܐ ܡܝܘܬܬܐ ܗܝ܂ ܕܡܛܠ ܗܕܐ ܡܒܝܥ ܐܢܬ ܕܝܕܥ ܐܢܬ ܕܐܢ
3:198.25	ܬܬܚܙܐ ܕܡܝܘܬܬܐ ܗܝ܂ ܡܫܬܪܝܢ ܠܗܘܢ ܘܒܛܠܝܢ ܟܠܗܘܢ ܗܢܿܘܢ ܫܘ̈ܕܝܐ
3:198.26	ܕܕܚܠܬ ܐܠܗܐ܂ 41ܿ8 ܕܡܢ ܗܕܐ ܡܩܒܠ ܥܠܝ ܗܘ ܪܥܝܢܟ܂ ܐܠܐ ܠܐ ܡܫܟܚ
3:198.27	ܐܢܐ ܠܗ ܠܩܘܕܡܟ܂ ܠܣܓܝ̈ܐܬܐ ܓܝܪ ܢܦ̈ܫܬܐ ܪ̈ܫܝܥܬܐ ܕܒ̈ܢܝ ܐܢܫܐ
3:198.28	ܡܦܝܣ ܐܢܬ ܕܢܙܟܝܢ ܠܢܝܚܐ ܘܠܪܓܬܐ ܒܣܒܪܐ ܘܒܣܘܟܝܐ ܕܗܢܿܝܢ
3:198.29	ܡܝܬܪ̈ܬܐ ܕܥܬܝܕܢ ܗܢܿܘܢ܂ 41ܿ9 ܕܡܣܬܩܒܠܐ ܠܗܘܢ ܕܐܦܠܐ ܒܗܢܿܝܢ ܕܗܪܟܐ
3:198.30	ܢܬܒܣܡܘܢ ܘܐܦ ܠܐ ܗܢܿܝܢ ܕܬܡܢ ܢܫܟܚܘܢ ܡܛܠ ܕܒܪܫܥܬܗ ܕܡܝܬܝܢ
3:198.31	ܐܦ ܢܦܫܗܘܢ ܡܝܬܐ ܠܗܿ܂ 42ܿ1 ܘܗܼܘ ܦܛܪܘܣ ܟܕ ܗܢܝܢ ܫܡܥ܂ ܢܝܚܐܝܬ
3:198.32	ܫܢ̈ܘܗܝ ܚܪܩ ܘܐܦ̈ܘܗܝ ܡܫܐ ܘܐܬܬܢܚ ܘܐܡܼܪ܂ 42ܿ2 ܕܚܪܥܐ ܒܝܫܐ ܐܝܬܝܟ܂
3:200.01	ܘܡܪܬܗ ܕܚܘܝܐ ܡܛܥܝܢܐ ܐܝܬ ܒܟ܂ ܐܦ ܓܝܪ ܒܫܘܪܝܐ ܕܬܐܠܦ ܐܝܟ
3:200.02	ܚܟܝܡܐ ܐܫܬܘܕܝܬ܂ 42ܿ3 ܘܐܝܟ ܚܘܝܐ ܕܣܓܝ̈ܐܐ ܐܠܗ̈ܐ ܢܣܬܒܪܘܢ ܚܦܛܬ܂
3:200.03	ܘܟܕ ܥܠܝܗܿ ܕܗܕܐ ܐܬܟܣܣܬ ܕܡܠܝܐܝܬ ܠܝܬ ܐܠܗܐ ܣܡܬ 42ܿ4 ܘܐܡܼܪܬ
3:200.04	ܕܘܿܠܐ ܘܙܕܩ ܕܐܘ ܕܢܗܘܐ ܐܝܬ ܕܪܒ ܡܢ ܗܢܐ ܐܠܗܐ ܕܫܪܪܐ ܕܠܥܠܡܐ ܒܪܐ
3:200.05	ܘܥܼܒܕ ܐܝܟ ܕܗܢܐ ܒܝܫܐ ܐܝܬܘܗܝ ܐܘ ܕܣܓܝ̈ܐܐ ܐܝܬ ܕܐܟܘܬܗ܂ ܐܘ ܕܐܦܠܐ
3:200.06	ܠܓܡܪ ܐܝܬ ܐܠܗܐ܂ 42ܿ5 ܘܟܢ ܟܕ ܐܦ ܠܐ ܗܢܝܢ ܠܐ ܐܫܟܚܬ ܕܬܚܘܐ
3:200.07	ܐܡܼܪܬ ܕܢܦܫܐ ܡܝܘܬܬܐ ܗܝ܂ ܐܝܟܢܐ ܕܐܦܠܐ ܐܢܫ ܡܛܠ ܣܒܪܐ ܕܡܝܬܪܘܬܐ
3:200.08	ܒܟܐܢܘܬܐ ܢܚܐ܂ 42ܿ6 ܠܐ ܓܝܪ ܡܫܟܚܐ ܕܐܢܫ ‍<‍ܠܐ‍>‍ ܢܬܓܐܐ ܘܢܬܒܣܡ܂ ܐܠܐ
3:200.09	ܢܥܘܠ ܒܐܚܪ̈ܢܐ܂ ܐܢ ܠܐ ܢܪܢܐ ܐܝܟܢܐ ܕܒܙܒܢ ܐܚܪܝܢ ܠܗܢܘܢ ܕܘܠܐ
3:200.10	ܕܡܠܬܐ ܕܥܠ ܗܢܝܢ ܡܦܢܐ 42ܿ7 ܘܗܢܐ ܟܘܠܗ ܪܘܫܥܐ ܐܠܨ ܐܢܬ
3:200.11	ܕܬܥܠ ܠܥܠܡܐ ܗܢܐ ܕܘܝܐ܂ ܘܐܡܪ ܐܢܬ ܥܠ ܢܦܫܟ ܕܡܝܬܪܐ ܐܢܬ܂
3:200.12	ܘܥܠܝ ܕܝܢ ܐܡܪ ܐܢܬ ܕܪܫܝܥܐ ܐܢܐ܂ ܥܠ ܕܠܐ ܫܒܩ ܐܢܐ ܠܗܘܢ ܠܒ̈ܢܝ
3:200.13	ܐܢܫܐ ܡܛܠ ܣܒܪܐ ܕܡܝܬܪܘܬܐ ܕܙܝܢܐ ܢܣܒܘܢ ܘܥܡ ܚܕ̈ܕܐ ܢܩܪܒܘܢ
3:200.14	ܘܢܚܛܦܘܢ ܘܢܚܒܠܘܢ ܡܛܠ ܢܝܚܗܘܢ ܘܪܓܬܗܘܢ ܐܝܟ ܕܗܢܘ ܝܘܬܪܢܐ
3:200.15	ܕܟܘܠ ܐܢܫ ܕܐܝܟܢܐ ܕܗܼܘ ܢܬܒܣܡ ܘܢܬܓܐܐ ܕܠܝܬ ܣܒܪܐ ܐܚܪܢܐ܂
3:200.16	42ܿ8 ܘܐܝܢܐ ܕܝܢ ܢܝܚܐ ܐܝܬ ܠܗܘܢܿ ܕܡܬܟܬܫܝܢ ܘܡܩܪܒܝܢ ܥܡ ܚܕ̈ܕܐ܂ ܐܠܨܐ
3:200.17	ܗܼܝ ܓܝܪ ܠܗܿܢܘܢ ܕܒܝܫ̈ܬܐ ܠܚܒܪ̈ܝܗܘܢ ܥܒܕܝܢ܂ ܕܐܦ ܗܢܿܘܢ ܕܐܟܘܬܗܝܢ
3:200.18	ܘܕܕܡ̈ܝܢ ܠܗܝܢ ܡܢܗܘܢ ܢܚܫܘܢܿ ܐܘ ܡܢ ܠܓܘ ܐܘ ܡܢ ܠܒܪ܂ 42ܿ9 ܝܕܥ
3:200.19	ܐܢܐ ܕܝܢ ܕܪܝܫܐ ܐܢܬ ܘܗܕܝܐ ܕܩܪܒܐ ܘܠܐ ܗܘܐ ܕܫܝܢܐ܂ ܘܕܥܘܠܐ ܘܕܪܫܥܐ ܘܠܐ
3:200.20	ܗܘܐ ܕܟܐܢܘܬܐ ܘܕܢܡܘܣܐ܂ ܥܘܠܘܬܐ ܓܝܪ ܗܼܝ ܗܼܝ ܐܡܐ ܕܒܙܬܐ ܘܕܚܛܗ̈ܐ܂
3:200.21	ܢܡܘܣܐ ܕܝܢ ܐܒܘܗܝ ܗܘ ܕܫܝܢܐ܂ 42ܿ10 ܐܦ ܗܫܐ ܓܝܪ ܠܐ ܗܘܐ ܐܝܟ ܕܠܐ
3:200.22	ܡܫܟܚ ܐܢܐ ܕܐܚܘܐ܂ ܕܢܦܫܐ ܠܐ ܡܝܘܬܬܐ ܗܝ܂ ܐܬܕܢܝܬ ܠܪܘܓܙܐ ܘܡܒܝܥ
3:200.23	ܐܢܐ ܕܐܚܘܐ ܗܿܘ ܡܕܡ ܕܒܥܝܬ܂ 42ܿ11 ܐܡܿܪ ܐܢܐ ܠܗܿ ܓܝܪ ܘܐܦ ܠܗܕܐ܂ ܘܠܐ
3:200.24	ܗܘܐ ܐܝܟ ܕܡܢܟ ܐܬܐܠܨܬ܂ ܝܕܥ ܐܢܐ ܓܝܪ ܐܦ ܐܝܟܢܐ ܐܡܪ ܐܢܐ ܠܗ܂ ܘܠܟ
3:200.25	ܒܠܚܘܕ ܠܐ ܡܦܝܣ ܐܢܐ ܐܠܐ ܡܥܗܕ ܐܢܐ ܠܟ܂ ܘܠܗܠܝܢ ܕܝܢ ܕܠܐ ܝܕܥܝܢ
3:200.26	ܡܫܡܠܐ ܐܢܐ ܐܡܬܝ ܕܘܠܐ܂
3:200.27	43ܿ1 ܘܗܼܘ ܣܝܡܘܢ ܐܡܼܪ ܕܐܢ ܗܼܘ ܕܝܢ ܕܪܓܙ ܐܢܬ ܐܦܠܐ ܡܫܐܠ ܐܢܐ܂ ܐܦܠܐ
3:200.28	ܕܐܫܡܥ ܨܿܒܐ ܐܢܐ܂ 43ܿ2 ܘܗܼܘ ܦܛܪܘܣ ܐܡܼܪ ܕܐܢܬ ܐܢ ܥܠܬܐ ܒܥܐ ܐܢܬ ܠܟ
3:200.29	ܕܨܒܐ ܐܢܬ ܕܬܥܪܘܩ ܫܠܝܛ ܐܢܬ ܐܦ ܕܠܐ ܥܠܬܐ ܕܬܥܪܘܩ܂ 43ܿ3 ܟܠܗܘܢ
3:200.30	ܓܝܪ ܐ̈ܢܫܐ ܫܡܥܘ ܐܢܝܢ ܠܡܠܝ̈ܟ ܗܢܝܢ ܕܡܕܡ ܠܐ ܡܘ̈ܕܥܢ܂ ܠܐ ܓܝܪ
3:200.31	ܡܕܡ ܐܡܼܪܬ ܘܚܘܝܬ܂ ܐܠܐ ܒܠܚܘܕ ܣܡܬ ܡܣܡ܂ ܘܟܕ ܫܡܥܬ ܐܡܪܬ
3:202.01	ܠܘܩܒܠܗܝܢ܂ ܘܗܼܝ ܕܝܢ ܗܕܐ ܟܠ ܐܢܫ ܡܫܟܚ ܕܢܥܒܕܝܗܿ ܕܡܢ ܒܬܪ
3:202.02	ܟܘܠܗܝܢ ܬܚܘ̈ܝܬܐ ܢܐܡܪ ܕܡܕܡ ܠܐ ܐܡܪܬ܂ 43ܿ4 ܡܛܠ ܕܝܢ ܕܬܚܙܐ ܕܒܚܕܐ
3:202.03	ܡܠܬܐ ܡܦܝܣ ܐܢܐ ܠܟ ܕܢܦܫܐ ܠܐ ܡܝܘܬܬܐ ܗܝ܂ ܡܫܐܠ ܐܢܐ ܠܟ ܗܿܝ
3:202.04	ܕܟܠ ܐܢܫ ܝܕܥ ܠܗܿ܂ ܐܡܪ ܠܝ ܘܒܚܕܐ ܡܠܬܐ ܡܦܝܣ ܐܢܐ ܠܟ ܕܢܦܫܐ
3:202.05	ܠܐ ܡܝܘܬܬܐ ܗܼܝ܂ 43ܿ5 ܘܗܼܘ ܣܝܡܘܢ ܟܕ ܥܠܬܐ ܗܕܐ ܐܫܟܚ ܗܘܐ ܠܗ
3:202.06	ܐܝܟ ܗܿܘ ܕܪܓܙ ܦܛܪܘܣ ܘܡܛܝܒ ܗܘܐ ܕܢܥܪܘܩ ܩܘܝ ܡܛܠ ܪܒܘܬܗ
3:202.07	ܕܫܘܕܝܐ ܘ‍<‍ܡܐ‍>‍ ܕܩܘܝ ܐܡܪ܂ 43ܿ6 ܕܫܐܠܝܢܝ ܐܦܢܐ ܠܟ ܦܬܓܡܐ܂ ܗܿܝ ܕܐܡܼܪܬ
3:202.08	ܕܟܠ ܐܢܫ ܝܿܕܥ ܠܗܿ܂ ܐܝܟܢܐ ܕܐܫܡܥ ܒܚܕܐ ܡܠܬܐ ܐܝܟ ܕܐܫܬܘܕܝܬ
3:202.09	ܕܐܝܟܢܐ ܢܦܫܐ ܠܐ ܡܝܘܬܬܐ ܗܝ܂ 44ܿ1 ܘܗܼܘ ܦܛܪܘܣ ܐܡܼܪ ܕܐܡܪ ܐܢܐ ܐܝܟ ܕܠܟ
3:202.10	ܠܒܪ ܡܢ ܟܠ ܐܢܫ ܕܝܕܥ ܐܢܬ ܘܪܓܫ ܐܢܬ܂ ܒܠܚܘܕ ܦܢܐ ܠܝ
3:202.11	ܦܬܓܡܐ ܕܡܢܐ ܠܗܿܘ ܕܠܐ ܡܗܝܡܢ ܝܬܝܪܐܝܬ ܡܫܟܚ ܕܢܫܡܠܝܘܗܝ܂
3:202.12	ܚܙܬܐ ܐܘ ܫܡܥܐ܂ ܘܗܼܘ ܣܝܡܘܢ ܦܢܝ ܦܬܓܡܐ ܕܚܙܬܐ ܝܬܝܪܐܝܬ܂
3:202.13	44ܿ2 ܘܗܼܘ ܦܛܪܘܣ ܐܡܼܪ ܕܐܝܟܢܐ ܗܟܝܠ ܥܠܝܗܿ ܕܢܦܫܐ ܒܥܐ ܐܢܬ ܡܢܝ
3:202.14	ܕܬܬܛܦܝܣ ܒܡܠܬܐ ܟܕ ܒܥܒܕܐ ܡܫܡܠܐ ܐܢܬ܂ ܘܗܼܘ ܣܝܡܘܢ ܐܡܼܪ ܕܠܐ
3:202.15	ܝܕܥ ܐܢܐ ܐܝܟܢܐ ܐܡܿܪ ܐܢܬ܂ 44ܿ3 ܘܗܼܘ ܦܛܪܘܣ ܐܡܼܪ ܕܐܢ ܠܐ ܝܕܥ ܐܢܬ ܙܠ
3:202.16	ܠܒܝܬܟ ܘܥܘܠ ܠܗܿܘ ܒܝܬܟ ܓܘܝܐ܂ ܘܚܙܐ ܐܢܬ ܕܣܝܡ ܠܟ ܨܠܡܐ
3:202.17	ܕܐܝܬ ܒܗ ܝܘܩܢܐ ܕܛܠܝܐ ܕܒܩܛܝܪܐ ܡܝܬ ܕܡܥܛܦ ܐܪ̈ܓܘܢܐ܂ ܘܠܗ
3:202.18	ܫܐܠ ܡܠܦ ܠܟ ܟܕ ܡܬܚܙܐ ܒܠܚܘܕ ܘܐܢ ܨܒܐ ܐܢܬ ܐܦ ܡܡܠܠ
3:202.19	ܥܡܟ܂ 44ܿ4 ܡܢܐ ܕܝܢ ܡܬܒܥܐ ܕܬܫܡܥ ܡܢܗ ܕܐܢ ܗܘ ܕܠܐ ܡܝܘܬܬܐ ܗܝ
3:202.20	ܢܦܫܐ ܡܐ ܕܩܪܝܒܐ ܗܝ ܘܡܬܚܙܝܐ܂ ܗܿܘ ܓܝܪ ܡܕܡ ܕܠܐ ܐܝܬܘܗܝ ܐܝܟܢܐ
3:202.21	ܡܫܟܚ ܕܢܬܚܙܐ܂ 44ܿ5 ܘܐܢ ܕܝܢ ܠܐ ܝܕܥ ܐܢܬ ܥܠ ܐܝܢܐ ܨܠܡܐ ܐܡܪܬ ܠܟ܂
3:202.22	ܡܢ ܕܘܟܬܗ ܥܡ ܥܣܪܐ ܓܒܪܝܢ ܠܒܝܬܟ ܢܐܙܠ܂ 45ܿ1 ܘܗܼܘ ܣܝܡܘܢ
3:202.23	ܟܕ ܗܕܐ ܫܡܼܥ ܡܢܗ ܕܡܣܡ ܒܪܥܝܢܗ ܒܠܥ ܒܡܚܫܒܬܗ ܘܝܪܩ
3:202.24	ܐܦܘܗܝ ܘܐܝܟ ܕܣܿܒܪ ܐܢܐ ܕܚܠ܂ ܕܕܡ ܟܕ ܢܟܦܘܪ ܬܬܒܥܐ ܗܼܝ ܗܕܐ
3:202.25	ܒܐܝܕܗ܂ ܐܘ ܗܼܘ ܦܛܪܘܣ ܢܬܚܡܬ ܥܠ ܗܕܐ܂ ܘܓܠܝܐܝܬ ܢܐܡܪܝܗܿ
3:202.26	ܘܢܦܪܣܝܗܿ܂ ܘܩܕܡ ܟܘܠ ܐܢܫ ܝܬܝܪܐܝܬ ܢܬܟܣܣ ܘܢܬܦܪܣܐ܂ ܦܢܝ
3:202.27	ܦܬܓܡܐ ܘܐܡܼܪ܂ 45ܿ2 ܕܒܥܐ ܐܢܐ ܡܢܟ ܐܘ ܦܛܪܐ܂ ܕܒܛܒܘܬܐ ܕܝܠܟ ܙܟܝ
3:202.28	ܠܒܝܫܬܐ ܕܒܝ܂ ܘܩܒܠ ܬܝܒܘܬܝ܂ ܘܡܫܟܚ ܐܢܬ ܠܝ ܕܗܿܘܐ ܐܢܐ ܠܟ
3:202.29	ܡܥܕܪܢܐ ܒܟܪܘܙܘܬܟ܂ 45ܿ3 ܗܫܐ ܓܝܪ ܒܗ ܒܢܣܝܢܐ ܝܠܦܬ ܕܐܝܢ ܢܒܝܐ
3:202.30	ܐܝܬܝܟ ܕܗܿܘ ܐܠܗܐ ܕܫܪܪܐ܂ ܡܛܠ ܗܕܐ ܗܢܿܝܢ ܟܣܝ̈ܬܐ ܕܒܢ̈ܝ ܐܢܫܐ
3:202.31	ܒܠܚܘܕܝܟ ܝܿܕܥ ܐܢܬ܂
3:202.32	45ܿ4 ܘܗܼܘ ܦܛܪܘܣ ܐܡܼܪ ܕܚܙܝܢ ܐܢܬܘܢ ܐܘ ܐܚܝ̈ܢ ܕܗܐ ܐܬܬܘܝ ܣܝܡܘܢ܂
3:204.01	ܒܬܪ ܩܠܝܠ ܚܙܝܢ ܐܢܬܘܢ ܠܗ܂ ܕܬܘܒ ܒܛܠܘܡܘܬܗ ܡܩܘܐ܂ 45ܿ5 ܣܒܪ
3:204.02	ܓܝܪ ܥܠܝ ܕܢܒܝܐ ܐܝܬܝ ܡܛܠ ܕܓܠܝܬ ܗܢܝܢ ܒܝܫ̈ܬܐ ܕܒܟܣܝܐ
3:204.03	ܣܥܝܪ̈ܢ ܠܗ܂ ܘܐܫܬܘܕܝ ܕܡܬܬܘܐ܂ ܐܢܐ ܕܝܢ ܠܐ ܡܕܓܠ ܐܢܐ ܥܠ ܢܦܫܝ
3:204.04	ܗܕܐ ܕܠܐ ܫܠܝܛ ܠܝ ܕܐܝܟܢܐ ܕܗܢܐ ܛܠܘܡܐ ܢܚܐ ܐܘ ܠܐ ܢܚܐ܂ 45ܿ6 ܣܗܕܝܢ
3:204.05	ܠܝ ܓܝܪ ܫܡܝܐ ܘܐܪܥܐ܂ ܕܠܐ ܗܘܐ ܒܢܒܝܘܬܐ ܐܡܼܪܬ ܠܗ ܗܢܿܝܢ ܕܐܝܟ
3:204.06	ܕܒܐܪܙܐ ܟܡܐ ܕܘܠܐ ܩܕܡ ܟܢ̈ܫܐ ܐܡܪܬ܂ 45ܿ7 ܐܠܐ ܡܢ ܐܢܫܝܢ ܗܢܿܘܢ ܕܡܥܕܪ̈ܢܘܗܝ
3:204.07	ܗܘܘ܂ ܘܗܫܐ ܕܝܢ ܒܗܝܡܢܘܬܐ ܕܝܠܝ ܐܝܬܝܗܘܢ ܝܿܠܦܬ ܘܐܡܼܪܬ܂ ܡܛܠ
3:204.08	ܗܟܝܠ ܕܝܠܦܬ ‍[‍ܘܐܡܪܬ‍]‍܂ ܘܠܐ ܗܘܐ ܐܝܟ ܕܒܝܕܥܬܐ ܡܩܕܡܬܐ ܐܡܼܪܬ ܐܝܟ ܡܐ
3:204.09	ܕܫܡܥܬܘܢܿ܂ 46ܿ1 ܘܗܼܘ ܕܝܢ ܣܝܡܘܢ ܟܕ ܫܡܥ ܗܢܿܝܢ܂ ܫܪܝ ܕܢܨܥܪ
3:204.10	ܘܢܫܓܘܫ܂ ܘܐܡܼܪ ܗܟܢܐ ܐܘ ܡܨܥܪܐ ܘܡܠܐ ܢܟܠܐ ܐܝܠܦ ܐܝܟܢܐ ܙܟܝܬ
3:204.11	ܒܓܕܫܐ ܘܠܐ ܗܘܐ ܒܫܪܪܐ܂ 46ܿ2 ܕܐܢܐ ܠܐ ܗܘܐ ܐܝܟ ܕܣܢܝܩ ܐܢܐ ܥܠ ܐܝܕܥܬܐ
3:204.12	ܐܡܿܪܬ ܕܐܬܬܘܝܬ ܐܠܐ ܡܛܠ ܕܐܢܬ ܬܣܒܪ ܥܠܝ ܕܐܬܬܘܝܬ܂ ܘܬܠܡܝܕܐ
3:204.13	ܕܝܠܟ ܐܝܬܝ܂ ܘܟܠܗܝܢ ܗܠܝܢ ܟܣ̈ܝܬܐ ܕܫܘܕܝܟ ܬܣܝܡ ܘܐܬܐܡܪ ܐܝܟܢܐ
3:204.14	ܕܠܚܪܬܐ ܐܟܣܟ܂ 46ܿ3 ܐܢܬ ܕܝܢ ܡܛܠ ܕܨܢܝܥܐ ܐܝܬܝܟ ܘܐܬܒܝܢܬ ܕܒܡܬܕܢܝܢܘܬܐ
3:204.15	ܐܡܪܬ ܕܐܬܬܘܝܬ܂ ܘܫܠܡܬ ܠܝ ܐܝܟ ܗܿܘ ܕܠܐ ܐܝܕܥܬܝܗܝ ܠܢܟܠܐ܂ ܡܛܠ
3:204.16	ܕܠܝ ܠܘܩܕܡ ܩܕܡ ܟܢܫ̈ܐ ܗܢܿܝܢ ܕܠܐ ܝܕܘܥܐ ܐܢܐ ܬܚܘܐ܂ 46ܿ4 ܘܐܬܒܝܢܬ
3:204.17	ܕܝܢ ܕܡܢ ܒܬܪ ܗܢܐ ܦܘܪܣܝܐ܂ ܡܬܐܠܨ ܐܢܐ ܒܚܡܬܐ ܕܐܘܕܐ ܕܠܐ ܗܘܐ ܒܫܪܪܐ
3:204.18	ܨܒܝܬ ܕܐܬܬܘܐ ܩܕܡܬ ܐܡܼܪܬ ܥܠܝ ܛܠܘܡܘܬܐ܂ 46ܿ5 ܐܝܟܢܐ ܕܐܡܝܢܐܝܬ ܙܟܘܬܐ
3:204.19	ܕܝܠܟ ܬܗܘܐ܂ ܐܢ ܐܩܘܐ ܒܗܿ ܒܗܝ ܡܬܬܘܝܢܘܬܐ ܕܐܡܪܬ܂ ܐܘ ܕܐܢ ܗܘ ܕܠܐ
3:204.20	ܐܩܘܐ܂ ܘܐܢܬ ܬܘܒ ܐܦ ܒܗܕܐ ܚܟܝܡܐ ܐܢܬ ܕܩܕܡܬ ܝܕܥܬ܂ ܘܐܢܐ ܐܝܟ
3:204.21	ܕܒܟܡܐܢܿܐ ܐܙܕܟܝܬ܂ ܕܠܐ ܩܕܡܬ ܝܕܥܬ ܢܟܠܟ ܕܝܠܟ܂ ܘܐܢܬ ܕܝܢ ܕܝܠܝ
3:204.22	ܝܕܥܬܿ܂ 46ܿ6 ܒܨܢܥܬܐ ܗܼܘ ܗܟܝܠ ܐܬܚܫܚܬ ܘܒܓܕܫܐ ܙܟܝܬ ܘܠܐ ܗܘܐ
3:204.23	ܒܫܪܪܐ܂ ܝܿܕܥܢܐ ܕܝܢ ܕܡܛܠ ܡܢܐ ܠܐ ܝܕܥܬ ܕܐܢܐ ܕܩܐܡ ܐܝܬܝ܂ ܘܡܠܠܬ
3:204.24	ܥܡܟ ܡܛܠ ܛܝܒܘܬܝ ܘܩܒܠܬܟ܂ 46ܿ7 ܗܫܐ ܕܝܢ ܡܚܘܐ ܐܢܐ ܠܟ
3:204.25	ܐܠܗܘܬܐ ܕܝܠܝ܂ ܐܝܟܢܐ ܕܬܦܠ ܘܬܣܓܘܕ ܠܝ܂ 47ܿ1 ܐܢܐ ܚܝܠܐ ܐܝܬܝ ܩܕܡܝܐ
3:204.26	ܘܠܐ ܫܩܠܬ ܫܘܪܝܐ ܕܢܗܘܐ ܠܝ ܕܒܟܠܙܒܢ ܐܝܬܝ܂ ܘܒܟܪܣܗܿ ܕܪܚܝܠ
3:204.27	ܚܠܕܬ ܘܐܬܝܠܕܬ ܐܝܟ ܒܪ ܐܢܫܐ ܡܛܠ ܕܠܒ̈ܢܝ ܐܢܫܐ ܐܫܟܚ ܕܐܬܚܙܐ܂
3:204.28	47ܿ2 ܐܢܐ ܦܪܚܬ ܘܒܢܘܪܐ ܘܒܐܐܪ ܐܬܡܙܓܬ ܘܠܨܿܠܡܐ ܢܦܫ̈ܬܐ ܝܗܒܬ܂ ܘܟ̈ܐܦܐ
3:204.29	ܠܚܡܐ ܥܒܕܬ܂ ܘܡܢ ܛܘܪܐ ܠܛܘܪܐ ܦܪܚܬ܂ ܘܠܐܝ̈ܕܝ ܡ̈ܠܐܟܐ ܐܬܕܒܪܬ܂
3:204.30	ܘܠܐܪܥܐ ܐܬܝܬ܂ 47ܿ3 ܘܗܼܢܝܢ ܗܢܿܝܢ ܠܐ ܗܘܐ ܒܠܚܘܕ ܒܙܒܢ ܥܒܕܬ ܐܢܝܢ ܐܠܐ
3:204.31	ܐܦ ܗܫܐ ܡܫܟܚ ܐܢܐ ܕܐܥܒܕ ܐܢܝܢ܂ ܕܐܝܟܢܐ ܕܒܥܒܕܐ ܐܦܝܣ ܠܟܘܠ
3:204.32	ܐܢܫ ܕܐܢܐ ܐܢܐ ܝܫܘܥ ܗܿܘ ܕܝܠܟ ܕܩܐܡ ܠܥܠܡ܂ ܘܗܿܢܘܢ ܕܒܝ
3:206.01	ܡܗܝܡܢܝܢ ܕܐܩܝܡ ܡܫܟܚ ܐܢܐ܂ 47ܿ4 ܘܕܝܠܟ ܕܝܢ ܡ̈ܠܐ ܣܦܝܩ̈ܬܐ ܐܝܬܝܗܝܢ
3:206.02	ܘܠܐ ܡܕܡ ܒܥܒܕܐ ܡܫܟܚ̈ܢ ܕܢܚܘ̈ܝܢ ܒܫܪܪܐ ܐܝܟܢܐ ܕܐܦܠܐ ܗܿܘ ܕܫܕܪܟ
3:206.03	ܕܚܪܫܐ ܗܘܐ ܕܢܦܪܘܩ ܢܦܫܗ ܡܢ ܙܩܝܦܐ ܐܫܟܚ܂ 48ܿ1 ܘܟܕ ܗܢܿܝܢ ܣܝܡܘܢ
3:206.04	ܐܡܼܪ ܗܘ ܦܛܪܘܣ ܦܢܝ ܠܗ ܦܬܓܡܐ܂ ܕܠܐ ܗܢܿܝܢ ܕܝܠܟ ܠܐܚܪ̈ܢܐ ܬܩܪܒ܂
3:206.05	ܐܢܬ ܓܝܪ ܕܚܪܫܐ ܐܝܬܝܟ ܡܢ ܗܢܿܝܢ ܕܥܒܕܬ ܐܘܕܝܬ܂ ܘܓܠܝܐܝܬ
3:206.06	ܐܬܟܣܣܬ܂ ܘܗܼܘ ܕܝܢ ܡܠܦܢܢ ܕܝܠܢ ܕܒܪܗ ܕܐܠܗܐ ܘܕܒܪ ܐܢܫܐ ܐܝܬܘܗܝ
3:206.07	ܛܒܐ ܐܝܬܘܗܝ܂ ܘܕܐܝܢ ܒܫܪܪܐ ܒܪܗ ܕܐܠܗܐ ܐܝܬܘܗܝ ܒܠܚܘܕܘܗܝ ܗܼܘ
3:206.08	ܝܫܘܥ ܐܡܬܝ ܕܘܠܐ ܗܘܐ ܐܬܐܡܪܬ ܘܬܘܒ ܡܬܐܡܪܐ܂ 48ܿ2 ܐܢܬ ܕܝܢ ܐܠܐ ܡܘܕܐ
3:206.09	ܐܢܬ ܕܚܪܫܐ ܐܝܬܝܟ܂ ܥܡ ܣܓܝ̈ܐܐ ܠܒܝܬܟ ܐܙܠ ܐܢܐ܂ ܘܗܝܕܝܢ ܡܬܝܕܥ
3:206.10	ܘܡܬܓܠܐ ܗܿܘ ܕܚܪܫܐ ܗܼܘ܂ 48ܿ3 ܘܟܕ ܦܛܪܘܣ ܗܢܿܝܢ ܐܡܼܪ ܗܼܘ ܣܝܡܘܢ
3:206.11	ܫܪܝ ܕܢܓܕܦ ܐܝܟ ܕܫܓܘܫܝܐ ܢܗܘܐ܂ ܘܡܟܣܢܘܬܗ ܠܐ ܬܬܚܙܐ܂ ܘܗܼܘ
3:206.12	ܦܛܪܘܣ ܡܛܠ ܓܘܕ̈ܦܘܗܝ ܢܓܕ ܢܦܫܗ ܐܝܟܢܐ ܕܠܐ ܢܣܬܒܪ ܕܐܙܕܟܝ܂
3:206.13	ܘܟܕ ܬܘܒ ܗܟܝܠ ܦܛܪܘܣ ܩܪܒ ܘܩܘܝ ܕܨܿܒܐ ܗܘܐ ܕܢܟܣܝܘܗܝ 49ܿ1 ܗܘ
3:206.14	ܟܢܫܐ ܐܬܚܡܬ ܥܠܘܗܝ ܕܣܝܡܘܢܿ ܘܡܢ ܬܪܥܐ ܕܕܪܬܐ ܕܚܘ ܘܐܦܩܘܗܝ
3:206.15	ܘܚܕ ܒܠܚܘܕ ܢܩܦܗ ܟܕ ܢܦܼܩ܂
3:206.16	49ܿ2 ܘܟܕ ܗܟܝܠ ܫܠܝܐ ܗܘܐ܂ ܗܼܘ ܦܛܪܘܣ ܫܪܝ ܕܢܐܡܪ ܕܒܡܓܪܬ ܪܘܚܐ
3:206.17	ܚܝܒܝܢ ܐܢܬܘܢ ܐܘ ܐܚܝ̈ ܕܬܣܝܒܪܘܢ ܐܢܘܢ ܠܒܝ̈ܫܐ ܟܕ ܝܕܥܝܢ ܐܢܬܘܢ ܗܕܐ
3:206.18	ܕܐܦ ܗܼܘ ܐܠܗܐ ܕܡܫܟܚ ܗܘܐ ܕܢܩܕܡ ܢܦܣܘܩ ܘܢܒܛܠ ܐܢܘܢ ܡܣܝܒܪ
3:206.19	ܠܗܘܢ ܥܕܡܐ ܠܝܘܡܐ ܗܿܘ ܕܚܪܩ܂ ܕܒܗ ܕܝܢܐ ܕܟܠ ܐܢܫ ܗܘܿܐ܂ ܠܐ ܗܟܝܠ
3:206.20	ܘܿܠܐ ܕܐܦ ܐܢܚܢܢ ܢܣܝܒܪ ܡܐ ܕܐܦ ܐܠܗܐ ܡܣܝܒܪ܂ 49ܿ3 ܘܡܛܠ ܡܢܐ ܕܝܢ
3:206.21	ܠܐ ܒܡܟܝܟܘܬܐ ܘܒܕܟܝܘܬܐ ܕܢܦܫܐ ܐܦ ܠܗ ܠܨܥܪܐ ܢܣܝܒܪ܂ ܡܐ ܕܐܦ
3:206.22	ܗܘ ܕܡܝܩܪ ܡܢ ܟܠ ܡܨܛܥܪ ܘܟܕ ܡܫܟܚ ܕܢܬܒܥ ܢܦܫܗ܂ ܠܐ ܨܿܒܐ
3:206.23	ܕܗܫܐ ܡܛܠ ܕܐܦ ܡܓܪܬ ܪܘܚܗ ܬܬܝܕܥ ܘܟܠܗܘܢ ܪ̈ܫܝܥܐ ܢܬܟܣܣܘܢ܂
3:206.24	49ܿ4 ܐܦ ܠܣܝܡܘܢ ܓܝܪ ܐܠܘ ܠܐ ܐܫܟܚܗ ܒܝܫܐ ܠܐܚܪܢܐ ܡܫܟܚ ܗܘܐ܂
3:206.25	ܐܢܢܩܐ ܗܝ ܓܝܪ ܕܢܐܬܘܢ ܡܟܫܘ̈ܠܐ ܠܥܠܡܐ܂ ܘܝ ܕܝܢ ܠܗܢܿܘܢ ܕܒܐܝܕܗܘܢ
3:206.26	ܐܬܝܢ܂ 49ܿ5 ܕܡܛܠ ܗܕܐ ܙܕܩ ܕܬܟܪܐ ܠܢ ܘܢܬܬܥܝܩ ܥܠ ܣܝܡܘܢ ܕܡܐܢܐ
3:206.27	ܓܒܝܐ ܗܘܐ ܠܗ ܠܒܝܫܐܼ܂ ܘܠܐ ܕܝܢ ܡܛܥܐ ܗܘܐ ܠܗ ܘܠܡܠܦܢܐ
3:206.28	ܡܬܩܢ ܗܘܐ ܠܗ ܐܠܘ ܠܐ ܢܣܒ ܥܠܘܗܝ ܫܘܠܛܢܐ܂ 49ܿ6 ܡܢܐ ܓܝܪ
3:206.29	ܐܦܢ ܠܐ ܗܝܡܢ ܒܝܫܘܥ ܕܝܠܢ ܘܝܬܝܪܐܝܬ ܕܐܦܝܣ ܢܦܫܗ ܕܢܦ̈ܫܬܐ ܠܐ
3:206.30	ܡܝܬܢܿ܂ 49ܿ7 ܡܢܐ ܓܝܪ ܐܦܢ ܡܨܛܕܝܢ ܒܗ ܕܝ̈ܘܐ܂ ܒܪܡ ܕܝܢ ܗܼܘ ܣܒܪ
3:206.31	ܕܢܦܫܐ ܕܛܠܝܐ ܕܒܩܛܝܪܐ ܡܝܬ ܠܬܫܡܫܬܗ ܐܝܬ ܠܗ܂ ܗܕܐ ܕܒܫܪܪܐ
3:206.32	ܕܝܘܐ ܐܝܬܘܗܝ܂ 49ܿ8 ܕܡܛܠ ܗܕܐ ܠܦܘܬ ܡܣܡ ܒܪܥܝܢܗ ܗܿܘ ܐܡܪܬ
3:206.33	ܗܢܿܝܢ ܕܐܡܪܬ ܥܠܘܗܝ܂ 49ܿ9 ܐܠܐ ܐܦ ܡܢ ܝܗܘ̈ܕܝܐ ܫܡܥ ܕܗܿܘܐ ܗܘ ܕܝܢܐ܂
3:206.34	ܡܛܠ ܓܝܪ ܕܠܗܢܿܘܢ ܕܒܗܝܡܢܘܬܐ ܫܪܝܪܬܐ ܡܣܟܠܝܢ ܘܚܛܝܢ ܘܠܐ
3:208.01	ܬܝܒܝܢ܂ ܗܼܘ ܒܝܫܐ ܐܝܟ ܕܠܡܫ̈ܠܡܢܐ ܒܚܛܗ̈ܝܗܘܢ ܡܬܚܙܐ ܘܡܨܛܕܐ
3:208.02	ܒܗܘܢ ܒܗܢܘܢ ܕܬܘܒ ܐܬܪܐ ܕܬܝܒܘܬܐ ܠܝܬ ܒܗܘܢܿ܂ 50ܿ1 ܐܢܬܘܢ ܗܟܝܠ
3:208.03	ܕܬܝܒܝܢ ܐܢܬܘܢ ܘܡܬܦܢܝܢ ܐܢܬܘܢ ܒܘܪ̈ܟܝܟܘܢ ܠܐܠܗܐ ܩܥܘܕܘ܂ ܘܟܕ
3:208.04	ܗܢܿܝܢ ܐܡܪ ܦܛܪܘܣ ܟܠܗ ܟܢܫܐ ܥܠ ܒܘܪ̈ܟܘܗܝ ܩܥܕ܂ 50ܿ2 ܗܼܘ ܕܝܢ
3:208.05	ܦܛܪܘܣ ܠܫܡܝܐ ܐܪܝܡ ܥܝܢܘ̈ܗܝ ܘܒܒܟܬܐ ܘܒܕܡ̈ܥܐ ܨܠܝ ܕܗܼܘ ܐܠܗܐ
3:208.06	ܒܪ̈ܚܡܘܗܝ ܘܒܛܝܒܘܬܗ ܠܗܢܘܢ ܕܠܗ ܐܬܩܪܒܘ ܢܩܒܠ ܐܢܘܢܿ܂
3:208.07	50ܿ3 ܘܡܢ ܒܬܪ ܕܨܠܝ ܐܡܼܪ ܕܠܡܚܪ ܒܩܘܕܡܐ ܐܬܟܢܫܘ܂ ܘܫܪܝܗܝ ܠܟܢܫܐ
3:208.08	ܘܗܝܕܝܢ ܐܝܟ ܥܝܕܢ ܣܝܒܪܬܐ ܢܣܼܒܢ ܘܕܡܟܼܢ܂
3:208.09	51ܿ1 ܟܕ ܗܟܝܠ ܗܼܘ ܦܛܪܘܣ ܒܥܕܢܐ ܕܠܠܝܐ ܕܚܪܝܩ ܗܘܐ ܠܗ ܩܡ
3:208.10	ܘܠܟܠܢ ܚܼܙܐ ܕܥܝܪܝܢ ܐܢܚܢܢ ܘܫܐܠ ܒܫܠܡܢ܂ ܢܝܩܛܣ ܐܡܼܪ ܠܗ
3:208.11	ܩܕܡܝܐ܂ ܕܐܢ ܡܦܣ ܐܢܬ ܠܝ ܡܪܝ ܦܛܪܐ܂ ܐܝܬ ܠܝ ܡܕܡ ܕܐܿܡܪ܂ 51ܿ2 ܘܗܼܘ
3:208.12	ܦܛܪܘܣ ܐܡܼܪ ܕܡܦܣܢܐ ܠܐ ܒܠܚܘܕ ܠܟ܂ ܐܠܐ ܐܦ ܠܟܠܟܘܢ ܘܠܐ ܒܠܚܘܕ
3:208.13	ܗܫܐ ܐܠܐ ܐܦ ܒܟܠ ܙܒܢ ܐܝܟܢܐ ܕܟܠ ܐܢܫ ܥܠ ܡܢܬܐ ܕܢܦܫܗ ܕܟܝܒܐ
3:208.14	ܠܗ ܢܘܕܐ ܘܐܣܝܘܬܐ ܬܣܬܩܒܠ ܠܗ܂ 51ܿ3 ܗܢܿܝܢ ܓܝܪ ܕܫܬܝܩ̈ܢ ܡܛܠ
3:208.15	ܕܠܢ ܠܐ ܡܬܝ̈ܕܥܢ ܡܘܚܪܢ ܘܢܓܪܢ ܒܗܿ ܒܢܦܫܐ ܘܚܫܐ ܕܥܛܠܐܝܬ
3:208.16	ܡܬܐܣܐ ܥܒ̈ܕܢ ܒܗܿ܂ ܠܐ ܗܟܝܠ ܡܫܟܚ ܐܢܐ ܕܠܫܬܝܩ̈ܐ ܡܠܬܐ ܐܝܕܐ
3:208.17	ܕܥܗܢܐ ܘܫܠܡܐ ܠܗܘܢ ܐܩܪܒ ܠܗܘܢܿ ܐܠܐ ܐܢ ܐܘܕܝܘ ܗܢܿܘܢ ܕܡܟܐܒܝܢ
3:208.18	ܥܠ ܗܕܡܐ ܕܟܐܒ ܒܗܘܢ܂ 51ܿ4 ܟܕ ܠܐ ܕܝܢ ܡܘܕܝܢ ܐܠܗܐ ܗܼܘ ܒܠܚܘܕ
3:208.19	ܡܫܟܚ ܕܢܐܣܐ ܐܝܟ ܕܥܗܢ܂ ܐܢܚܢܢ ܕܝܢ ܠܐܢܫ ܐܢܫ ܕܫܬܝܩ ܘܟܣܐ
3:208.20	ܒܪܥܝܢܗ ܠܙܒܢܐ ܗܘ ܢܓܝܪܐ ܕܢܐܪܥܝܘܗܝ ܡܫܟܚܝܢ ܐܢܚܢܢ܂ 51ܿ5 ܟܕ
3:208.21	ܓܝܪ ܒܗ ܒܛܟܣܐ ܡܢ ܫܘܪܝܐ ܪܕܝܢܢ ܒܝܕ ܟܘܠܗܝܢ ܬܚܘ̈ܝܬܐ ܠܟܠ
3:208.22	ܐܢܫ ܕܢܐܪܘܥ ܐܝܬ ܠܢ ܠܐ ܓܝܪ ܡܫܟܚܐ ܕܟܕ ܠܟܠܗܝܢ ܗܢܿܝܢ ܕܡܬܐܡܪ̈ܢ
3:208.23	ܠܩܘܒܠܢ ܒܗܘܢ ܒܫܪ̈ܝܐ ܐܪܥܝܢܢ ܕܠܐ ܢܥܒܪ ܐܡܬܝ ܕܗܼܘ ܐܦ ܥܠ ܗܿܝ
3:208.24	ܕܠܐܢܫ ܐܢܫ ܡܬܒܥܝܐ܂ 51ܿ6 ܘܗܼܝ ܕܝܢ ܗܕܐ ܢܘܓܪܐ ܕܙܒܢܐ ܣܓܝܐܐ ܡܫܟܚ
3:208.25	ܕܢܥܒܕܝܗܿ܂ ܟܕ ܐܝܬ ܠܗ ܡܥܕܪܢܐ ܗܿܝ ܣܕܝܪܘܬܗ ܕܛܟܣܐ ܐܝܟ ܕܐܡܼܪܬ
3:208.26	ܥܠ ܟܠܗܝܢ ܗܢܝܢ ܕܡܬܒ̈ܥܝܢ ܕܢܥܒܪ ܡܫܟܚ܂ ܘܐܦ ܗܫܐ ܕܝܢ ܡܕܡ
3:208.27	ܕܨܒܐ ܐܢܬ ܐܡܪ܂
3:208.28	52ܿ1 ܘܗܼܘ ܢܝܩܛܣ ܐܡܼܪ ܡܘܕܝܢ ܐܢܚܢܢ ܡܢܟ ܐܘ ܦܛܪܐ ܕܕܠܐ ܚܣܡ ܐܝܬܝܟ܂
3:208.29	ܒܪܡ ܕܝܢ ܗܿܝ ܕܨܒܐ ܐܢܐ ܕܐܠܦ ܐܝܬܝܗܿ ܗܕܐ ܕܡܛܠ ܡܢܐ ܣܝܡܘܢ ܕܣܥܪ
3:208.30	ܕܠܩܘܒܠܐ ܕܐܠܗܐ ܡܫܟܚ ܕܢܥܒܕ ܐܝܟ ܗܢܿܝܢ܂ ܐܦܠܐ ܓܝܪ ܡܕܡ ܕܓܠ
3:208.31	ܡܢ ܗܢܿܝܢ ܕܓܠܝܐܝܬ ܐܘܕܝ ܕܥܒܼܕ܂ 52ܿ2 ܘܗܼܘ ܦܛܪܘܣ ܫܪܝ ܕܢܐܡܪ ܗܟܢܐ
3:208.32	ܕܚܕ ܐܝܬܘܗܝ ܐܠܗܐ܂ ܘܠܝܠܕܗ ܕܝܢ ܒܘܟܪܗ ܪ̈ܚܡܐ ܛܒ̈ܐ ܨܿܒܐ
3:210.01	ܕܢܩܪܒ܂ 52ܿ3 ܘܡܛܠ ܕܝܢ ܕܝܿܕܥ ܕܛܒ̈ܐ ܕܢܗܘܘܢ ܠܐ ܡܫܟܚܝܢ ܐܠܐ ܐܢ ܐܬܝܗܒ
3:210.02	ܠܗܘܢ ܪܥܝܢܐ ܘܨܒܝܢܐ ܒܪ ܚܐܪ̈ܐ ܕܫܠܝܛ ܒܢܦܫܗ ܐܝܟܢܐ ܕܒܨܒܝܢܗܘܢ
3:210.03	ܕܝܠܗܘܢ ܢܗܘܘܢ ܗܿܘ ܡܕܡ ܕܨܒܝܼܢ܂ ܘܐܠܐ ܐܝܠܝܢ ܕܗܟܢܐ ܠܐ ܐܝܬܝܗܘܢ ܒܫܪܪܐ
3:210.04	ܛܒ̈ܐ ܠܐ ܗܘܿܝܢ܂ ܐܢ ܠܐ ܒܨܒܝܢܗܘܢ ܢܗܘܘܢܿ ܗܿܘ ܡܐ ܕܗܿܘܝܢ܂ ܐܠܐ ܒܗܿܝ
3:210.05	ܕܡܕܡ ܐܚܪܝܢ ܕܢܗܘܘܢ ܠܐ ܡܫܟܚܝܢ܂ ܕܡܛܠ ܗܢܐ ܫܘܠܛܢܐ ܗܢܐ ܐܫܠܡ
3:210.06	ܠܗܘܢ ܕܢܗܘܘܢ ܡܕܡ ܕܨܒܝܢ܂ 52ܿ4 ܘܬܘܒ ܕܝܢ ܕܩܕܡ ܝܼܕܥ܂ ܕܡܛܠ ܕܐܝܬ
3:210.07	ܠܗܘܢ ܚܐܪܘܬܐ ܒܨܒܝܢܗܘܢ ܕܫܠܝܛ ܒܢܦܫܗ܂ ܡܢܗܘܢ ܓܒܝܢ
3:210.08	ܕܢܣܥܪܘܢ ܛܒ̈ܬܐ ܘܡܢܗܘܢ ܕܝܢ ܒܝܫ̈ܬܐ ܘܗܟܢܐ ܠܬܪ̈ܝܢ ܟܢܫ̈ܐ ܡܦܪܫܐ
3:210.09	ܟܘܠܗܿ ܣܓܝܐܘܬܗܘܢ ܕܒ̈ܢܝ ܐܢܫܐ ܗܘܐ ܐܝܬܝܗܿ ܠܬܪ̈ܝܗܘܢ ܟܢ̈ܫܐ ܡܠܟܐ
3:210.10	ܐܝܢܐ ܕܗܼܢܘܢ ܓܒܝܢ ܘܐܬܪܐ ܕܢܗܘܐ ܠܗ ܐܦܣ܂ ܕܡܢܗܘܢ ܗܿܘ ܩܕܡܝܐ
3:210.11	ܕܐܡܠܟ ܒܚܒܠܐ ܚܕܐ܂ ܘܗܿܘ ܕܝܢ ܐܚܪܢܐ ܕܡܡܠܟ ܒܛܒ̈ܐ ܚܕܐ܂ ܘܠܙܕܝܩ̈ܐ
3:210.12	ܦܩܕ ܕܢܚܐ ܘܢܫܘܙܒ܂ ܘܠܬܪ̈ܝܗܘܢ ܗܟܝܠ ܗܢܿܝܢ ܩܕܡܘ ܐܬܓܙܪ̈ܘ ܚܘܪ̈ܩܢܐ
3:210.13	ܒܢܡܘܣܐ ܕܠܐ ܥܒܪ܂ 52ܿ5 ܕܗܼܢܘܢ ܗܠܝܢ ܡܛܠ ܕܣܓܝ̈ܐܐ ܥܡܢ ܐܝܬ ܡܕܡ
3:210.14	ܕܚܫܚ ܨܒܢܐ ܕܐܥܗܕ ܠܐ ܗܘܐ ܡܛܠܬܟ ܐܘ ܩܠܡܣ ܕܠܟ ܒܙܒܢ ܐܚܪܝܢ
3:210.15	ܡܠܬܐ ܕܥܠ ܩܕܡ ܚܘܪܩܢܐ ܐܫܼܠܡܬ܂ ܐܠܐ ܡܛܠ ܗܿܢܝܢ ܕܥܡܢ ܩܪ̈ܝܒܝܢ
3:210.16	ܐܝܟܢܐ ܕܐܦ ܢܝܩܛܣ ܦܘܫܩܗܿ ܕܗܿܝ ܡܠܬܐ ܕܫܐܠ ܢܐܠܦ ܕܒܐܝܕܐ
3:210.17	ܡܠܬܐ ܠܘܩܒܠܝ ܕܐܝܬܝ ܟܪܘܙܐ ܕܫܪܪܐ܂ ܣܝܡܘܢ ܗܿܘ ܕܕܠܩܘܒܠܐ
3:210.18	ܡܬܚܫܒ܂ ܬܕܡܪ̈ܬܐ ܕܐܝܟ ܗܢܿܝܢ ܡܫܟܚ ܕܢܣܥܘܪ܂ 53ܿ1 ܒܩܕܡܝܐ ܗܟܝܠ
3:210.19	ܓܙܝܪܐ ܗܼܝ ܗܕܐ ܠܐܠܗܐ ܕܒܝܫܐ ܗܼܘ ܐܝܬܘܗܝ ܗܿܘ ܕܒܡܕܡ ܕܡܥܕܪ
3:210.20	ܠܗ ܒܣܐ܂ ܕܟܕ ܒܿܥܐ ܢܣܒ܂ 53ܿ2 ܐܝܟܢܐ ܓܝܪ ܗܿܘ ܕܗܟܢܐ ܗܘ ܛܒܐ
3:210.21	ܘܪܚܡ ܒ̈ܢܝ ܐܢܫܐ ܡܫܟܚ ܕܢܗܘܐ ܗܿܘ ܕܢܦܫܗ ܠܐ ܪܚܡ܂ ܘܕܡܢ ܕܝܢ ܠܐ
3:210.22	ܒܥܠܕܒܒܐ ܐܝܬܘܗܝ ܗܿܘ ܕܪܚܡܐ ܕܢܦܫܗ ܕܢܗܘܐ ܠܐ ܐܫܟܚ܂ 53ܿ3 ܡܛܠ
3:210.23	ܗܟܝܠ ܕܓܠܝܐܝܬ ܢܬܚܙܘܢ ܗܿܢܘܢ ܕܒܝܫ̈ܘܬܐ ܓܒܝܢ܂ ܘܗܿܢܘܢ ܕܒܛܒ̈ܬܐ
3:210.24	ܨܒܝܢ ܕܢܗܘܘܢ ܗܘ ܐܠܗܐ ܗܕܐ ܕܡܥܕܪܐ ܣܓܝ ܕܐܝܬܝܗ ܩܢܝܢܐ ܕܡܠܟܘܬܐ
3:210.25	ܕܫܡܝܐ ܛܫܝܗܿ܂ ܐܝܟܢܐ ܕܐܢ ܐܢܫ ܢܛܫܐ ܣܝܡܬܐ ܘܣܡܗܿ ܕܠܐ ܬܫܬܟܚ
3:210.26	ܐܝܟܢܐ ܕܐܦܠܐ ܐܢܫ ܒܚܝܠܐ ܕܝܠܗ ܢܬܡܨܐ ܕܢܫܟܚܝܗܿ܂ 53ܿ4 ܘܛܒܐ ܕܝܢ ܕܥܠܝܗܿ
3:210.27	ܒܟܠ ܕܪ̈ܝܢ ܒܫܡ̈ܗܐ ܡܦܪ̈ܫܐ ܠܡܫܡܥܬܐ ܕܟܠ ܐܢܫ ܐܝܬܝ܂ ܐܝܟܢܐ
3:210.28	ܕܗܢܼܘܢ ܕܠܐ ܒܥܘ ܗܿܘ ܡܕܡ ܕܡܥܕܪ ܠܗܘܢ ܒܒܣܝܢܐ ܕܥܠ ܥܘܕܪܢܗܘܢ
3:210.29	ܒܝܫ̈ܐ ܢܬܚܙܘܢ ܘܢܬܓܠܙܘܢ ܡܢ ܗܿܝ ܕܠܐ ܨܒܘ ܕܢܩܢܘܢܗܿ܂ ܘܗܿܢܘܢ ܕܝܢ
3:210.30	ܕܒܪܚܡܬ ܫܪܪܐ ܡܕܡ ܕܡܥܕܪ ܠܗܘܢ ܒܥܘ ܘܛܒ̈ܐ ܐܬܚܙܝܘ ܢܫܟܚܘܢܗܿ܂
3:210.31	53ܿ5 ܠܐ ܗܘܐ ܒܚܝܠܐ ܕܝܠܗܘܢ ܐܠܐ ܒܨܒܝܢܗ ܕܗܿܘ ܕܛܫܝܗܿ܂ ܐܝܟܢܐ ܕܠܟ̈ܐܢܐ
3:210.32	ܕܒܥܝܢ ܠܗܿ ܢܬܠ ܠܗܘܢ ܕܢܫܟܚܘܢܗܿ ܐܢ ܗܟܝܠ ܝܬܝܪ ܡܢ
3:212.01	ܟܠܡܕܡ ܐܢܫ ܢܚܒܝܗܿ ܡܫܟܚ ܕܢܣܒܝܗܿ܂ ܘܐܢ ܕܝܢ ܠܐ ܐܦܠܐ ܝܕܥ
3:212.02	ܠܗܿ܂ ܐܦܢ ܓܝܪ ܡܢ ܟܠ ܐܢܫ ܚܟܝܡܐ ܢܗܘܐ܂ 54ܿ1 ܘܕܢܚܒܝܗܿ ܗܟܝܠ
3:212.03	ܝܬܝܪ ܡܢ ܟܠ ܡܕܡ ܐܡܼܪ ܐܢܐ ܗܕܐ ܕܝܬܝܪ ܡܢ ܥܘܬܪܐ ܘܢܝܚܐ ܘܪܓܬܐ
3:212.04	ܘܐܒܗ̈ܐ ܘܒ̈ܢܝ ܓܢܣܐ ܘܪ̈ܚܡܐ 54ܿ2 ܟܕ ܫܠܚ ܚܠܝܨܐܝܬ ܐܦ ܥܝܕܐ ܐܦ
3:212.05	ܩܘܕܡܐ ܐܦ ܒܣܝܢܐ܂ ܘܐܝܠܝܢ ܕܠܗܠܝܢ ܕܡ̈ܝܢ܂ 54ܿ3 ܐܢ ܗܟܝܠ ܐܢܫ
3:212.06	ܚܟܝܡܐܝܬ ܠܗܿ ܠܗܕܐ ܢܒܥܐ ܡܨܐ ܗܘ ܕܢܫܟܚܝܗܿ܂ ܘܐܢ ܕܝܢ ܐܢܫ
3:212.07	ܥܬܝܪܐ ܗܘ ܘܠܥܘܬܪܐ ܕܗܪܟܐ ܡܩܕܡ ܡܝܩܪ܂ ܘܬܫܒܚܬܐ ܡܚܒ܂ ܗܿܘ
3:212.08	ܡܕܡ ܕܩܕܡ ܝܩܪ ܐܝܬ ܠܗ܂ ܘܗܼܘ ܗܢܐ ܠܐ ܝܿܕܥ ܐܢ ܡܩܘܐ܂ ܘܐܢ ܕܝܢ
3:212.09	ܪܓܬܐ ܓܒܐ ܘܐܦ ܒܗܿ ܒܗܕܐ ܡܬܒܣܡ ܟܡܐ ܕܡܫܟܚ܂ ܘܠܐ ܗܘܐ
3:212.10	ܟܡܐ ܕܨܒܐ܂ ܘܐܢ ܕܝܢ ܢܝܚܐ ܡܚܒ ܘܡܢܐ ܓܝܪ ܐܝܬ ܕܡܢܝܚ܂ ܘܐܢ ܕܝܢ
3:212.11	ܐܢܫ ܡܕܡ ܐܚܪܝܢ ܩܕܡ ܐܠܗܐ ܡܝܩܪ ܣܟܠܐ ܐܝܬܘܗܝ܂ 54ܿ4 ܐܢ ܓܝܪ
3:212.12	ܐܒܗ̈ܐ ܡܝܬܝܢ܂ ܘܐܢ ܒ̈ܢܝ ܛܘܗܡܐ ܠܐ ܡܩܘܝܢ܂ ܘܐܢ ܪ̈ܚܡܐ܂ ܘܡܢܘ
3:212.13	ܪܚܡܐ ܐܝܬ ܐܝܢܐ ܕܠܐ ܗܘܐ ܕܚܠܐ ܗܼܘ ܕܐܠܗܐ܂ ܘܐܢ ܕܝܢ ܒܩܘܕܡܐ ܠܒܝܟ
3:212.14	ܠܐ ܗܘܐ ܩܘܫܬܐ ܗܘ܂ 54ܿ5 ܘܐܢ ܕܝܢ ܗܿܘ ܡܕܡ ܕܥܕܪ ܠܗ ܒܣܐ ܕܢܣܒܝܘܗܝ
3:212.15	ܒܝܫܐ ܐܝܬܘܗܝ ܗܢܐ ܟܘܠܗ܂ ܐܝܟܢܐ ܕܒܒܝܫܘܬܗ ܠܗܿܘ ܕܪܫܐ ܗܼܘ ܕܪܫܥܐ
3:212.16	ܣܓܝ ܥܿܒܪ ܒܒܝܫܘܬܗ 54ܿ6 ܡܛܠ ܕܗܼܘ ܫܠܡ ܠܐܣܟܡܐ ܕܡܦܣ ܠܗ
3:212.17	ܘܒܛܒܘܬܗ ܕܐܠܗܐ ܠܐ ܬܪܝܨܐܝܬ ܡܬܚܫܚ ܘܗܢܐ ܕܝܢ ܥܠ ܥܘܕܪܢܗ
3:212.18	ܒܣܐ ܐܝܟܢܐ ܕܠܐ ܢܫܬܘܙܒ ܘܢܚܐ܂ 55ܿ1 ܡܛܠ ܗܟܝܠ ܐܝܠܝܢ ܕܗܟܢܐ ܐܢܘܢ
3:212.19	ܐܡܪܢܐ ܕܝܢ ܥܠ ܗܿܢܘܢ ܕܒܣܝܢ ܐܬܚܪܩܘ ܠܗ ܠܥܠܡܐ ܠܢܣܝܢܐ
3:212.20	ܕܟܠܗܘܢ ܗܢܿܘܢ ܕܗܫܐ ܙܘ̈ܓܐ ܥܣܪ̈ܐ ܐܝܟ ܗܿܝ ܬܚܘܝܬܐ ܕܒܡܨܪܝܢ܂
3:212.21	55ܿ2 ܒܙܒܢ ܓܝܪ ܟܕ ܥܡܐ ܬܡܢ ܡܬܬܘܬܒ ܗܘܐ܂ ܡܘܫܐ ܐܬܚܙܝ ܘܒܥܐ ܡܢ
3:212.22	ܡܠܟܐ ܕܡܨܪ̈ܝܐ ܕܢܫܒܩܘܢܝܘܗܝ ܠܥܡܐ ܕܥܒܪ̈ܝܐ ܕܢܦܘܩ ܡܢ ܡܨܪܝܢ܂
3:212.23	ܐܝܟܢܐ ܕܠܐܪܥܐ ܕܐܒܗ̈ܝܗܘܢ ܢܦܢܘܢ ܘܢܐܬܘܢ܂ 55ܿ3 ܘܗܼܘ ܕܝܢ ܐܫܬܘܕܝ ܥܣܪ
3:212.24	ܙ̈ܒܢܝܢ ܘܗܘ ܗܟܢܐ ܥܣܪ ܙ̈ܒܢܝܢ ܟܿܦܪ ܘܡܛܠ ܗܕܐ ܒܟܠ ܙܒܢܬܐ ܕܟܦܼܪ
3:212.25	ܡܚܘܬܐ ܥܡ ܟܠܗܘܢ ܡܨܪ̈ܝܐ ܒܿܠܥ ܗܘܐ܂ ܘܡܐ ܕܐܬܬܘܝ ܗܘܐ ܬܘܒ
3:212.26	ܡܬܦܨܐ ܗܘܐ܂ 55ܿ4 ܘܕܗܿܢܝܢ ܩܫ̈ܝܬܐ ܢܚܫ ܥܣܪ ܙܒ̈ܢܝܢ ܥܡ ܡܨܪ̈ܝܐ ܒ̈ܢܝ
3:212.27	ܪܥܝܢܗ ܗܘ ܗܼܘܐ ܠܗܘܢ ܥܠܬܐ܂ ܟܕ ܓܝܪ ܡܘܫܐ ܒܦܘܩܕܢܗ ܕܐܠܗܐ
3:212.28	ܬܒܿܥ ܗܘܐ ܠܗ ܠܥܡܐ܂ ܗܿܘ ܡܠܟܐ ܕܡܬܬܒܥ ܗܘܐ܂ ܡܛܠ ܕܬܗܘܐ
3:212.29	ܠܗ ܐܬܐ ܠܡܘܫܐ ܐܡܼܪ ܠܗ ܕܢܬܠ ܠܗ ܬܕܡܘܪܬܐ ܡܕܡ܂ ܘܗܼܘ ܕܝܢ
3:212.30	ܒܦܘܩܕܢܗ ܕܐܠܗܐ ܠܚܘܛܪܐ ܗܿܘ ܕܠܒܝܟ ܗܘܐ ܫܕܝܗܝ ܒܐܪܥܐ
3:212.31	ܘܒܫܪܪܐ ܗܼܘܐ ܚܘܝܐ 55ܿ5 ܘܟܕ ܗܼܘ ܕܝܢ ܒܪܫܥܬܗ ܡܢ ܩܛܝܪܐ ܡܬܛܦܝܣ
3:212.32	ܗܘܐ܂ ܗܼܝ ܡܢܬܐ ܒܝܫܬܐ ܕܒܚܐܪܘܬܗܘܢ ܘܒܨܒܝܢܗܘܢ ܐܝܬܝܗܘܢ ܗܘܘ
3:214.01	ܚܪ̈ܫܐ ܐܣܬܒܪܘ ܕܒܕܡܘܬܗ ܕܗܿܘ ܐܫܟܚܘ ܕܢܥܒܕܘܢ ܒܡܗܡܝܢܘܬܐ
3:214.02	ܕܐܠܗܐ܂ ܘܠܗ ܠܡܠܟܐ ܥܡ ܡܨܪ̈ܝܐ܂ ܕܠܐ ܢܗܝܡܢܘܢ ܐܝܟ ܕܝܐܐ ܡܢ
3:214.03	ܨܒܝܢܗܘܢ ܕܝܠܗܘܢ ܫܚܠܦܘ ܐܢܘܢ ܡܛܠܬܗܿ ܕܕܡܘܬܐ ܕܐܬܚܫܒܘ ܕܗܼܘ
3:214.04	ܡܘܫܐ ܠܐ ܗܘܐ ܡܢ ܐܠܗܐ ܐܫܬܕܪ܂ ܕܢܬܒܥܝܘܗܝ ܠܥܡܐ܂ ܘܐܫܟܚ ܕܗܕܐ
3:214.05	ܢܥܒܕ ܡܐ ܕܐܦ ܚܪ̈ܫܐ ܕܕܡ̈ܝܢ ܠܗܝܢ ܐܫܟܚܘ ܕܢܥܒܕܘܢ ܐܝܟ ܕܣܼܒܪܘ܂
3:214.06	55ܿ6 ܟܕ ܣܦܩ ܗܘܐ ܗܼܘ ܫܡܐ ܕܚܪ̈ܫܐ ܕܢܘܕܥ ܕܒܡܣܡ ܒܪܥܝܢܐ ܓܕܫ
3:214.07	ܗܿܢܝܢ ܕܗ̈ܘܝ ܡܢܗܘܢ ܐܝܟܢܐ ܕܐܦ ܗܼܝ ܡܢ ܡܫܠܡܢܘܬܐ ܐܝܿܕܝܥܐ 55ܿ7 ܕܗܿܢܝܢ
3:214.08	ܕܕܡ̈ܝܢ ܥܕܡܐ ܠܟܡܐ ܗܼܢܘܢ ܚܪ̈ܫܐ ܐܝܟ ܕܐܡܝܪܐ ܐܫܟܚܘ ܕܢܥܒܕܘܢ܂
3:214.09	55ܿ8 ܘܒܡܚܘܬܐ ܕܝܢ ܐܚܪܝܬܐ ܕܡܘܬܐ ܕܒܘܟܪ̈ܝܗܘܢ ܐܝܬܝܗܿ ܗܘܬ܂ ܟܕ ܡܘܫܐ
3:214.10	ܐܡܪܐ ܕܒܼܚ܂ ܘܠܥܡܐ ܒܕܡܐ ܦܪܩ ܥܕܡܐ ܕܥܡ ܟܘܫܦܐ ܐܦ ܡܘܗ̈ܒܬܐ
3:214.11	ܩܿܪܒܘ ܠܗܘܢ ܘܕܢܦܘܩ ܥܡܐ ܟܘܠܗ ܒܥܘ ܡܢܗܘܢܿ܂ 56ܿ1 ܗܼܘ ܗܟܝܠ
3:214.12	ܗܟܢܐ ܐܦ ܗܫܐ ܒܙܒܢܢ ܒܗܿܢܝܢ ܕܝܠܝ ܚܙܐ ܐܢܐ ܕܗ̈ܘܝܢ܂ ܐܝܟܢܐ ܓܝܪ
3:214.13	ܕܒܗܘܿ ܙܒܢܐ ܟܕ ܡܘܫܐ ܒܐܬܘ̈ܬܐ ܘܒܬܕܡܪ̈ܬܐ ܡܦܝܣ ܗܘܐ ܠܗ ܠܡܠܟܐ
3:214.14	ܘܠܡܨܪ̈ܝܐ ܕܢܗܝܡܢܘܢ ܒܐܠܗܐ ܗܼܢܘܢ ܕܝܢ ܚܪ̈ܫܐ ܒܡܣܡ ܒܪܥܝܢܐ
3:214.15	ܕܗܠܝܢ ܕܕܡ̈ܝܢ ܠܕܝܠܗ ܣܥܪܝܢ ܡܥܟܪܝܢ ܗܘܘ ܕܠܐ ܢܫܬܘܙܒܘܢ
3:214.16	ܛܠܘܡ̈ܐ܂ 56ܿ2 ܗܟܢܐ ܐܦ ܗܫܐ ܕܐܢܐ ܢܦܩܬ ܕܒܐܬܘ̈ܬܐ ܐܦܝܣ ܠܗܢܿܘܢ ܕܡܢ
3:214.17	ܥܡ̈ܡܐ܂ ܕܢܗܝܡܢܘܢ ܒܐܠܗܐ ܕܫܪܪܐ܂ ܗܼܘ ܗܢܐ ܣܝܡܘܢ ܚܪܫܐ ܩܐܡ
3:214.18	ܠܘܩܒܠܝ ܘܗܿܢܝܢ ܕܡܣܬܒܪ̈ܢ ܕܕܡ̈ܝܢ ܠܕܝܠܝ ܣܥܪ܂ ܐܝܟܢܐ ܕܐܦ ܗܿܢܘܢ
3:214.19	ܪ̈ܒܢܘܗܝ ܕܗܢܐ ܩܿܡܘ ܠܘܩܒܠ ܡܘܫܐ ܥܒܕܐ ܐܝܟܢܐ ܕܗܿܢܘܢ ܕܡܢ
3:214.20	ܥܡ̈ܡܐ ܐܝܠܝܢ ܕܥܘܠܐܝܬ ܕܝܢܝܢ ܠܗܝܢ ܠܨܒܘ̈ܬܐ ܢܬܚܙܘܢܿ ܘܐܝܠܝܢ
3:214.21	ܕܟܐܢܐܝܬ ܢܫܬܘܙܒܘܢ ܘܢܚܘܢ܂
3:214.22	56ܿ3 ܘܟܕ ܗܿܢܝܢ ܦܛܪܘܣ ܐܡܼܪ ܗܘܐ܂ ܗܼܘ ܢܝܩܛܣ ܐܡܼܪ܂ ܕܒܿܥܐ ܐܢܐ ܡܢܟ
3:214.23	ܕܡܛܠ ܕܒܥܘܗܕܢܝ ܐܝܬ ܠܝ܂ ܐܦܣ ܠܝ ܕܐܡܪ ܡܕܡ ܕܨܒܿܐ ܐܢܐ܂ ܘܗܼܘ
3:214.24	ܦܛܪܘܣ ܚܕܝ ܒܚܦܝܛܘܬܗܘܢ ܕܬܠܡܝ̈ܕܐ ܘܐܼܡܪ ܠܗ ܕܐܡܪ܂ 57ܿ1 ܘܗܼܘ
3:214.25	ܢܝܩܛܣ ܐܡܼܪ ܕܡܢܐ ܗܟܝܠ ܐܣܟܠܘ ܗܢܿܘܢ ܡܨܪ̈ܝܐ ܕܒܗܿܘ ܙܒܢܐ ܕܠܐ
3:214.26	ܗܝܡܢܘ ܠܡܘܫܐ ܒܗܿܝ ܕܐܦ ܚܪ̈ܫܐ ܕܕܡܝܢ ܠܗܝܢ ܥܒܕܘ ܐܦܢ
3:214.27	ܒܣܒܪܐ܂ 57ܿ2 ܘܡܢܐ ܕܝܢ ܕܐܦܢ ܐܢܐ ܐܠܘ ܐܝܬܝ ܗܘܝܬ ܒܗܿܘ ܙܒܢܐ ܠܐ ܗܐ
3:214.28	ܒܗܿܝ ܕܗܢܿܝܢ ܕܕܡ̈ܝܢ ܥܒܕܘ ܚܪ̈ܫܐ܂ ܐܦ ܥܠ ܡܘܫܐ ܣܒܪ ܗܘܝܬ
3:214.29	ܕܚܪܫܐ ܗܼܘ܂ ܐܘ ܕܐܦ ܗܢܿܘܢ ܚܪ̈ܫܐ ܒܨܒܝܢܐ ܕܐܠܗܐ ܥܼܒܕܘ܂ 57ܿ3 ܕܡܬܚܫܒ
3:214.30	ܗܘܝܬ ܕܠܐ ܡܫܟܚܝܢ ܗܘܘ ܚܪ̈ܫܐ ܕܗܢܿܝܢ ܕܕܡ̈ܝܢ ܐܦܢ ܥܕܡܐ ܠܫܥܬܐ
3:214.31	ܠܕܗܿܘ ܕܡܢ ܐܠܗܐ ܐܫܬܕܪ ܕܢܥܒܕܘܢܿ܂ 57ܿ4 ܘܗܢܿܝܢ ܕܝܢ ܬܘܒ ܕܗܫܐ܂ ܡܢܐ
3:214.32	ܡܣܟܠܝܢ ܗܢܿܘܢ ܕܠܣܝܡܘܢ ܡܗܝܡܢܝܢ ܒܬܕܡܪ̈ܬܐ ܕܐܝܟ ܗܟܢܐ ܐܘ ܠܐ
3:216.01	ܗܘܐ ܓܝܪ ܬܕܡܪ̈ܬܐ ܐܢܝܢ ܗܿܢܝܢ ܕܒܐܐܪ ܢܦܪܚ ܘܒܢܘܪܐ ܢܬܡܙܓ܂ ܘܠܨ̈ܠܡܐ
3:216.02	ܕܡܗܠܟܝܢ ܢܥܒܕ ܘܠܟ̈ܠܒܐ ܕܟܐܦܐ ܕܐܝܟ ܢܦܫ̈ܢܐ ܢܒܚܘܢ ܢܚܘܐ܂ ܡܛܠ
3:216.03	ܕܠܐ ܝܕܥܝܢ ܕܢܦܪܫܘܢ ܗܿܢܝܢ ܬܕܡܪ̈ܬܐ ܕܒܙܐܦܐ ܡܢ ܗܿܢܝܢ ܕܒܫܪܪܐ ܗܘ̈ܝܢ܂
3:216.04	ܘܥܡ ܗܿܢܝܢ ܕܝܢ ܕܢܣܬܒܪ ܕܟܐܦ̈ܐ ܠܚܡܐ ܥܒܕ ܘܪ̈ܒܘܬܐ ܐܚܪ̈ܢܝܬܐ܂
3:216.05	57ܿ5 ܘܐܢ ܕܝܢ ܗܿܘ ܡܢ ܕܡܗܝܡܢ ܡܛܠ ܬܕܡܪ̈ܬܐ ܡܣܟܠ ܐܝܟܢܐ ܠܐ ܒܘܠܝܬܐ
3:216.06	ܐܢܫ ܢܐܡܪ ܕܐܦ ܗܢܼܘܢ ܐܣܟܠܘ ܕܒܡܪܢ ܗܝܡܢܘ܂ ܡܛܠ ܐܬܘ̈ܬܐ ܘܬܕܡܪ̈ܬܐ
3:216.07	ܕܥܒܕ܂ 58ܿ1 ܘܗܼܘ ܦܛܪܘܣ ܐܡܼܪ ܕܡܩܒܠ ܐܢܐ ܠܗܿ ܠܚܦܝܛܘܬܟ ܕܗܿܘ ܡܕܡ
3:216.08	ܕܡܕܘܕܢܐ ܗܼܘ ܕܗܝܡܢܘܬܐ ܕܒܢܦܫܟ ܐܝܬ ܗܘܐ ܠܐ ܛܫܝܬ܂ ܕܡܛܠ ܗܕܐ ܐܦ
3:216.09	ܐܣܝܘܬܐ ܡܫܟܚܐ ܕܬܩܒܠ܂ 58ܿ2 ܥܗܝܕ ܐܢܬ ܕܝܢ ܕܐܡܪܬ ܕܒܝܫ ܡܢ ܟܠ
3:216.10	ܐܝܬܘܗܝ ܗܿܘ ܕܒܣܐ ܕܢܐܠܦ ܡܕܡ ܕܡܥܕܪ ܠܗ܂ ܘܗܼܘ ܢܝܩܛܣ ܐܡܼܪ
3:216.11	ܕܥܗܝܕ ܐܢܐ܂ 58ܿ3 ܘܗܼܘ ܦܛܪܘܣ ܐܡܼܪ ܘܬܘܒ ܐܦ ܗܿܝ܂ ܕܐܝܟܢܐ ܗܼܘ ܐܠܗܐ
3:216.12	ܠܫܪܪܐ ܕܝܠܗ ܛܫܝ܂ ܡܛܠ ܕܠܗܿܢܘܢ ܕܒܪܚܡܬ ܩܘܫܬܐ ܒܥܝܢ ܢܬܠ
3:216.13	ܠܗܘܢ ܕܢܫܟܚܘܢܝܗܝ܂ ܘܗܼܘ ܢܝܩܛܣ ܐܡܼܪ ܕܐܦ ܠܗܕܐ ܠܐ ܛܥܝܬ܂
3:216.14	58ܿ4 ܘܗܼܘ ܦܛܪܘܣ ܐܡܼܪ ܕܡܢܐ ܗܟܝܠ ܣܿܒܪ ܐܢܬ ܕܗܼܘ ܐܠܗܐ ܠܫܪܪܗ
3:216.15	ܒܐܪܥܐ ܛܡܪܗ ܘܛܘܪܐ ܣܼܡ ܥܠܘܗܝ ܐܝܟܢܐ ܕܣܓܝ ܢܚܦܪܘܢ ܘܢܬܡܨܘܢ
3:216.16	ܕܢܫܟܚܘܢܝܗܝ܂ 58ܿ5 ܐܠܐ ܠܐ ܗܘܐ ܗܟܢܐ ܐܠܐ ܐܝܟܢܐ ܕܐܦ ܐܪܥܐ ܘܛܘܪ̈ܐ
3:216.17	ܡܬܟܣܝܢ ܒܬܟܣܝܬܐ ܕܫܡܝܐ ܗܟܢܐ ܐܝܬܝܗܘܢ ܐܦ ܨܒܝܢ̈ܘܗܝ ܗܿܢܘܢ
3:216.18	ܕܚܪܩ ܕܢܗܘܘܢ ܟܣܝܢ ܡܛܠ ܕܠܗܿܢܘܢ ܕܫܘܝܢ ܕܢܗܘܘܢ ܫܟܝܚܝܢ ܐܝܟܢܐ
3:216.19	ܕܩܿܕܡܬ ܐܡܿܪܬ܂ 59ܿ1 ܕܟܠܗܘܢ ܗܢܘܢ ܙܘ̈ܓܐ ܗܿܘ ܩܕܡܝܐ ܕܐܬܐ ܐܝܬܘܗܝ
3:216.20	ܒܝܫܐ܂ ܘܗܿܘ ܕܝܢ ܕܬܪܝܢ ܐܝܬܘܗܝ ܛܒܐ܂ 59ܿ2 ܐܝܟܢܐ ܕܡܢ ܕܟܐܢܐܝܬ ܠܗܝܢ
3:216.21	ܠܨܒ̈ܘܬܐ ܩܼܪܒ ܐܢ ܦܫܝܛܐ ܗܘ ܘܐܢ ܚܟܝܡܐ ܗܘ܂ ܐܡܝܢܐܝܬ ܠܗܿܘ ܫܪܪܐ
3:216.22	ܢܐܪܘܥ܂ 59ܿ3 ܐܢ ܓܝܪ ܒܡܐܬܝܬܗ ܕܗܿܘ ܩܕܡܝܐ ܗܿܘ ܕܦܫܝܛܐ ܗܼܘ ܢܗܝܡܢ
3:216.23	ܠܡ̈ܠܘܗܝ ܘܠܐܬܘ̈ܬܗ܂ ܡܢ ܒܬܪ ܗܢܐ ܗܿܘ ܕܫܪܪܐ ܗܼܘ ܡܐ ܕܐܬܐ ܠܗܿܘ
3:216.24	ܩܕܡܝܐ ܕܠܐ ܢܬܗܝܡܢ ܥܼܒܕ ܠܗ܂ 59ܿ4 ܗܼܘ ܗܟܝܠ ܕܦܫܝܛܐ ܗܘ ܕܓܒܐ
3:216.25	ܕܠܟܠ ܐܢܫ ܢܗܝܡܢ܂ ܠܗܿܘ ܕܬܪ̈ܝܢ ܡܗܝܡܢ ܕܛܒܐ ܗܘ ܘܡܫܬܚܠܦ܂
3:216.26	ܘܕܐܝܟܢܐ ܕܝܢ ܝܠܦ ܕܠܐ ܙܕܩ ܕܠܟܠ ܐܢܫ ܢܗܝܡܢ ܝܕܥ ܐܢܬ ܡܢܗ
3:216.27	ܕܢܩܦܐ ܘܕܛܟܣܐ ܕܗܿܢܝܢ ܕܡܬܐܡܪ̈ܢ܂ 59ܿ5 ܘܐܢ ܕܝܢ ܠܗܿܘ ܕܬܪ̈ܝܢ ܠܐ ܢܬܛܦܝܣ܂
3:216.28	ܥܘܠܐ ܒܘܠܝܬܐ ܡܫܬܟܚ ܡܛܠ ܕܥܘܠܐܝܬ ܥܼܒܕ ܥܘܠܘܬܐ ܗܼܝ ܓܝܪ
3:216.29	ܕܠܗܿܘ ܩܕܡܝܐ ܢܗܝܡܢ ܘܠܗܿܘ ܕܝܢ ܕܬܪ̈ܝܢ ܠܐ ܢܗܝܡܢ܂ ܐܘ ܢܐܡܪ ܓܝܪ
3:216.30	ܕܡܛܠ ܡܢܐ ܠܗܿܘ ܩܕܡܝܐ ܠܐ ܗܝܡܢ܂ ܘܡܛܠ ܡܢܐ ܠܗܿܘ ܕܬܪ̈ܝܢ ܠܐ
3:216.31	ܗܼܝܡܢ܂ ܐܠܐ ܠܐ ܡܫܟܚ ܕܢܐܡܪ܂ 59ܿ6 ܗܘ ܓܝܪ ܕܦܫܝܛܐ ܗܘ ܚܪܝܝܐ
3:216.32	ܐܝܬܘܗܝ܂ ܘܠܐ ܗܘܐ ܒܒܨܬܐ ܠܗܝܢ ܠܨܒ̈ܘܬܐ ܩܪܒ܂ ܕܠܐ ܒܘܚܪܢܐ ܕܝܢ ܘܐܝܟ
3:218.01	ܕܓܕܫܐ ܫܕܐ ܢܦܫܗ ܐܝܟ ܕܡܣܬܩܒܠܐ ܐܝܟ ܡܐ ܕܣܥܪܝܢ ܗܿܢܘܢ ܕܠܦܬܟܪ̈ܐ
3:218.02	ܣܓܕܝܢ܂ ܗܿܢܝܢ ܕܒܥܝܕܐ ܒܝܫܐ ܡܚܒܝܢ ܐܝܠܝܢ ܕܡܣ̈ܓܦܢ ܠܗܘܢ ܘܠܐ
3:218.03	ܨܒܝܢ ܒܐܝܕܥܬܐ ܢܪܚܩܘܢ ܡܢܗܘܢ ܗܿܢܝܢ ܒܝܫ̈ܬܐ ܘܗܼܢܘܢ ܐܒܕܝܢ ܘܐܝܟ
3:218.04	ܗܿܘ ܕܠܢ ܡܣܓܦܝܢ ܣܒܪܝܢ܂ 59ܿ7 ܐܢ ܗܟܝܠ ܠܗܿܢܘܢ ܕܒܣܝܢ ܥܠ
3:218.05	ܥܘܕܪܢܗܘܢ ܢܗܘܐ ܕܢܣܬܩܒܠ ܠܗܘܢܿ ܗܿܝ ܕܠܐ ܡܫܟܚܐ ܡܛܠ ܕܡܩܘܝܢ
3:218.06	ܠܗܘܢ ܒܗܿ ܒܒܝܫܬܐ ܗܝܕܝܢ ܐܦ ܠܗܿܢܘܢ ܕܒܕܚܠܬ ܐܠܗܐ ܦܫ̈ܝܛܐ
3:218.07	ܐܢܘܢܿ ܗܿܢܘ ܕܝܢ ܚܪ̈ܝܝܐ ܕܠܫܪܪܐ ܗܼܘܐ ܠܗܘܢ ܕܢܐܪܥܘܢ܂ ܘܗܿܢܝܢ ܕܝܢ ܐܬܐܼܡܪ
3:218.08	ܥܠ ܦܫ̈ܝܛܐ܂ 59ܿ8 ܘܐܢ ܕܝܢ ܐܢܫ ܕܚܟܝܡܐ ܐܝܬܘܗܝ ܠܐ ܟܐܢܐܝܬ ܐܦ ܗܼܘ
3:218.09	ܠܗܝܢ ܠܨܒܘ̈ܬܐ ܢܐܪܘܥ܂ ܘܠܐ ܡܕܡ ܡܘܬܪܐ ܠܗ ܚܟܡܬܗ ܠܫܟܚܬܗܿ
3:218.10	ܕܡܝܬܪܘܬܐ܂ ܟܐܢܐ ܗܼܝ ܓܝܪ ܕܠܗܿܘ ܩܕܡܝܐ ܕܐܬܐ ܕܐܘ ܠܐ ܢܗܝܡܢ ܐܘ ܢܗܝܡܢ
3:218.11	ܘܠܗܿܘ ܕܬܪ̈ܝܢ ܒܗܿ ܒܕܡܘܬܐ ܢܥܒܕ܂ 59ܿ9 ܐܡܪ ܐܢܐ ܕܝܢ ܕܐܢ ܠܫܪܪܐ ܝܕܥ ܠܗ
3:218.12	ܘܠܐ ܗܝܡܢ ܠܗܿܘ ܩܕܡܝܐ܂ ܠܐ ܢܗܝܡܢ ܐܦ ܠܐ ܠܗܿܘ ܕܬܪ̈ܝܢ܂ ܠܐ ܓܝܪ
3:218.13	ܣܢܝܩ ܐܝܟ ܚܠܝܡܐ ܥܠ ܐܣܝܐ ܕܡܐܣܐ܂ 59ܿ10 ܘܐܢ ܕܝܢ ܐܢܫ ܡܗܝܡܢ
3:218.14	ܠܩܕܡܝܐ ܢܗܝܡܢ ܐܦ ܠܗܿܘ ܕܬܪ̈ܝܢ܂ ܡܐ ܓܝܪ ܕܒܿܠܥ ܡܢ ܛܘܥܝܝ
3:218.15	ܕܗܿܘ ܩܕܡܝܐ ܐܝܬ ܗܘ ܠܗ ܣܘܢܩܢܐ ܥܠ ܗܿܘ ܕܡܐܣܐ ܠܗ ܕܬܪ̈ܝܢ܂
3:218.16	ܗܐ ܗܟܝܠ ܫܡܥܬ ܕܡܛܠ ܡܢܐܼ ܗܘ ܒܝܫܐ܂ ܩܕܡܝܐ ܐܬܐ܂ ܘܗܿܘ ܕܝܢ
3:218.17	ܡܝܬܪܐ ܕܬܪ̈ܝܢ܂ 59ܿ11 ܘܥܠܝܗܝܢ ܕܝܢ ܕܐܬܘ̈ܬܐ ܘܬܕܡܪ̈ܬܐ ܥܡ ܗܿܢܝܢ ܕܢܩ̈ܦܢ
3:218.18	ܠܗܝܢ܂ ܒܘܠܝܬܐ ܡܦܪ̈ܫܢ ܐܢܝܢ ܗܿܢܝܢ ܬܕܡܪ̈ܬܐ܂ ܥܿܒܕ ܓܝܪ ܗܼܘ ܒܝܫܐ
3:218.19	ܗܢܝܢ ܕܠܝܬ ܒܗܝܢ ܗܢܝܢܐ ܘܗܘ ܕܝܢ ܡܝܬܪܐ ܗܿܢܝܢ ܕܡܥܕܪ̈ܢܝܬܐ ܐܢܝܢ܂
3:218.20	60ܿ1 ܕܠܐ ܥܘܕܪܢܐ ܐܢܝܢ ܓܝܪ ܗܿܢܝܢ ܕܢܚܘܐ ܨܠܡ̈ܐ ܕܡܗܠܟܝܢ ܘܟܠܒ̈ܐ ܕܟܐܦܐ
3:218.21	ܕܢܒܚܝܢ ܘܛܘܪ̈ܐ ܕܡܫܘܪܝܢ ܗܿܢܝܢ ܘܐܝܠܝܢ ܕܠܗܠܝܢ ܕܡ̈ܝܢ ܕܐܡܪܝܢ
3:218.22	ܕܒܙܒܢ ܥܼܒܕ ܣܝܡܘܢ܂ 60ܿ2 ܗܿܢܝܢ ܕܝܢ ܡܥܕܪ̈ܢܝܬܐ ܐܝܬܝܗܝܢ ܟܘܠܗܝܢ
3:218.23	ܗܿܢܝܢ ܕܡܪܢ ܥܿܒܕ ܕܠܣ̈ܡܝܐ ܥܿܒܕ ܕܢܚܙܘܢ ܘܠܕܘ̈ܓܐ ܕܢܫܡܥܘܢ
3:218.24	ܘܠܚܓܝܪ̈ܐ ܘܠܦܫ̈ܝܓܐ ܕܢܬܬܪܨܘܢ܂ ܘܬܘܒ ܐܦ ܠܕܝܘ̈ܐ ܛܪܕ ܘܠܟܪ̈ܝܗܐ
3:218.25	ܐܣܼܝ ܘܠܡܝ̈ܬܐ ܐܩܼܝܡ ܐܝܟ ܗܿܢܝܢ ܟܘܠܗܝܢ ܕܐܦ ܠܝ ܚܙܝܢ ܐܢܬܘܢ
3:218.26	ܕܥܒܿܕ ܐܢܐ ܗܿܢܝܢ ܕܕܥܘܕܪܢܐ ܐܢܝܢ ܘܕܪ̈ܚܡܐ ܕܥܠ ܒ̈ܢܝ ܐܢܫܐܿ 60ܿ3 ܘܗܼܘ
3:218.27	ܒܝܫܐ ܠܐ ܥܿܒܕ ܠܗܝܢ ܐܠܐ ܠܚܪܬܐ ܚܕܐ ܙܒܢ ܒܠܚܘܕ܂ 60ܿ4 ܡܐ ܕܚܿܠܛ
3:218.28	ܐܬܘ̈ܬܐ ܛܒ̈ܬܐ ܗܢܐ ܗܘ ܕܝܢ ܕܠܕܝܘ̈ܐ ܛܪܕ ܘܠܟܘܪ̈ܗܢܐ ܡܥܪܩ܂ ܕܡܛܠ
3:218.29	ܗܕܐ ܐܝܟ ܕܥܒܪ ܠܗ ܬܚܘ̈ܡܐ ܕܝܠܗ܂ ܘܐܬܦܠܓ ܥܠ ܢܦܫܗ܂ ܘܐܿܩܪܒ
3:218.30	ܠܘܩܒܠ ܗܿܢܝܢ ܕܝܠܗ ܡܢ ܪܫܢܘܬܐ ܗܿܝ ܕܐܗܡܝ ܠܗ ܡܫܬܕܐ ܠܗ܂
3:218.31	ܡܛܠ ܕܐܬܐ ܥܠ ܬܚܘ̈ܡܐ ܕܝܠܗܿ ܕܪܒܘܬܐ ܕܢܥܘܠ ܒܟ̈ܐܢܐ ܗܿܢܘܢ ܕܝܠܦܘ
3:218.32	ܕܐܝܠܢܐ ܛܒܐ ܦܐܪ̈ܐ ܛܒ̈ܐ ܝܗܒ܂ ܘܗܼܘ ܒܝܫܐ ܒܝܫ̈ܐ܂ 60ܿ5 ܗܿܢܘܢ ܕܐܝܬ
3:220.01	ܠܗܘܢ ܕܢܩܕܡܘܢ ܢܐܠܦܘܢ ܕܐܦ ܒܙܘܓܐ ܕܬܫ̈ܥܐ ܕܐܬܐ ܗܘ ܒܝܫܐ ܒܗܿܢܝܢ
3:220.02	ܕܛܒܐ܂ ܘܒܙܘܓܐ ܕܝܢ ܕܥܣܪ̈ܐ ܣܥܼܪ ܬܕܡܪ̈ܬܐ ܫܦܝܪ̈ܬܐ܂ ܐܝܟܢܐ ܕܐܢ ܡܫܟܚܐ
3:220.03	ܢܿܛܥܐ ܐܦ ܠܓܒ̈ܝܐ ܟܠܗܘܢ ܐܒܕܝܢ ܗܘܘ܂ 61ܿ1 ܥܣܪ̈ܐ ܗܟܝܠ ܐܝܬܝܗܘܢ
3:220.04	ܙܘ̈ܓܐ ܗܢܿܘܢ ܕܡܢ ܐܕܡ ܩܐܝܢ ܘܗܒܝܠ܂ ܘܕܬܪܝܢ ܕܝܢ ܗܿܘ ܕܒܝܘ̈ܡܝ ܢܘܚ
3:220.05	ܘܕ̈ܬܠܬܐ ܕܦܪܥܘܢ ܘܕܐܒܪܗܡ ܘܕܐܪ̈ܒܥܐ ܕܦ̈ܠܫܬܝܐ ܘܕܐܝܣܚܩ ܘܕܚܡ̈ܫܐ
3:220.06	ܕܥܣܘ ܘܕܝܥܩܘܒ 61ܿ2 ܘܕܫܬܐ ܕܝܘܚܢܢ ܘܕܣܐܡ ܢܡܘܣܐ܂ ܘܕܫܒ̈ܥܐ
3:220.07	ܕܡܢܣܝܢܐ ܘܕܒܪܗ ܕܐܢܫܐ܂ ܘܕܬܡܢܝܐ ܕܣܝܡܘܢ ܘܕܝܠܝ ܕܦܛܪܘܣ ܘܕܬܫ̈ܥܐ
3:220.08	ܕܙܪܥܐ ܕܙܝ̈ܙܢܐ ܘܕܐܘܢܓܠܝܘܢ ܕܡܫܬܕܪ ܠܡܬܦܢܝܢܘܬܐ ܡܐ ܕܐܬܥܩܪ ܗܘ
3:220.09	ܩܘܕܫܐ܂ ܘܠܚܘܪܒܗ ܢܣܝܡܘܢ ܛܢܦܘܬܐ܂ ܘܕܥܣܪܐ ܕܗܿܘ ܕܠܘܩܒܠ
3:220.10	ܡܫܝܚܐ ܘܕܝܠܗ ܕܡܫܝܚܐ܂ 61ܿ3 ܗܿܘ ܕܝܢ ܕܠܘܩܒܠ ܡܫܝܚܐ ܐܬܿܐ ܘܚܝ̈ܠܐ
3:220.11	ܡܥܕܪ̈ܝܐ ܥܿܒܕ ܕܒܗ ܛܥܝܢ ܗ̈ܢܘܢ ܕܠܐ ܩܕܡܘ ܗܝܡܢܘ ܠܗܘ ܕܒܙܘܓܐ
3:220.12	ܕܬܫ̈ܥܐ ܩܿܕܡ ܙܗܪ ܘܣܿܒܪ ܚܝ̈ܐ ܕܠܥܠܡ ܐܢ ܟܐܢ̈ܐ ܢܩܘܘܢ ܘܒܡܫܝܚܘܬܗ
3:220.13	ܕܒܝܫܐ ܠܐ ܢܛܥܘܢܿ܂ ܘܗܝܕܝܢ ܡܫܚܠܦܐܝܬ ܟܠܗܿ ܨܒܘܬܐ ܗܿܘܝܐ ܐܝܟܢܐ ܕܒܙܒܢ
3:220.14	ܐܚܪܝܢ ܒܡ̈ܠܐ ܕܥܠ ܙܘ̈ܓܐ ܒܬܫܥܝܬܐ ܐܪܝܟܬܐ ܡܫܠܡܢܐ܂
3:220.15	61ܿ4 ܘܟܕ ܗܠܝܢ ܦܛܪܘܣ ܐܡܼܪ ܐܩܝܠܘܣ ܐܡܼܪ ܠܗ܂ ܕܒܩܘܫܬܐ ܝܘܠܦܢܐ
3:220.16	ܬܟܝܒܐ ܡܬܒܥܐ ܐܝܟܢܐ ܕܐܢܫ ܒܟܠܙܒܢ ܥܠ ܚܕܐ ܚܕܐ ܡܢܗܝܢ
3:220.17	ܢܬܚܦܛ܂ 62ܿ1 ܘܗܼܘ ܦܛܪܘܣ ܦܢܝ ܠܗ ܦܬܓܡܐ ܕܡܢܘ ܗܟܝܠ
3:220.18	ܕܚܦܝܛܘܬܐ ܕܝܘܠܦܢܐ ܬܟܝܒܐ ܡܩܒܠ ܥܠܘܗܿܝ܂ ܐܠܐ ܐܢ ܗܿܘ ܕܠܢܦܫܗ
3:220.19	ܪܚܡ ܕܢܫܘܙܒܝܗܿ܂ ܘܡܢ ܟܠ ܡܕܡ ܡܫܬܐܠ܂ ܐܝܟܢܐ ܕܬܟܝܒܐܝܬ ܕܢܫܡܥ
3:220.20	ܡܠܬܐ ܢܫܟܚ 62ܿ2 ܗܿܘ ܕܗܼܘ ܒܠܚܘܕܘܗܝ ܕܚܟܝܡܐ ܗܼܘ ܠܗ ܠܢܒܝܐ
3:220.21	ܕܫܪܪܐ ܚܫܝܒ ܕܩܕܡ ܟܘܠ ܡܕܡ ܕܢܚܐ ܘܢܫܘܙܒ ܢܦܫܗ ܨܒܐ܂ ܡܢܿܘ
3:220.22	ܓܝܪ ܗܢܐ ܕܢܩܒܠ ܥܠܘܗܝ ܕܟܘܠ ܡܕܡ ܢܫܕܐ ܡܢܗ܂ ܘܢܦܫܗ ܢܚܐ
3:220.23	ܥܠ ܐܦܝ ܥܘܕܪܢܐ ܘܝܘܬܪܢܐ܂ ܐܠܐ ܐܢ ܗܿܘ ܕܚܟܝܡܐ ܗܘ ܗܿܘ ܕܝܕܥ ܕܟܡܐ
3:220.24	ܗܘ ܦܘܪܫܢܐ ܒܝܬ ܗܢܿܝܢ ܕܙܒܢܐ ܠܗܢܝܢ ܕܠܥܠܡ܂ ܘܒܝܬ ܗܿܢܝܢ ܙܥܘܪ̈ܝܬܐ
3:220.25	ܠܗܢܿܝܢ ܕܠܐ ܡܣܬܝ̈ܟܢ܂ ܘܒܝܬ ܒ̈ܢܝ ܐܢܫܐ ܠܗܿܘ ܐܠܗܐ ܕܟܠܡܕܡ
3:220.26	ܡܫܟܚ܂ 62ܿ3 ܘܡܢܘ ܕܡܣܒܪ ܕܢܣܒ ܛܒ̈ܬܐ ܕܠܥܠܡ ܐܠܐ ܐܢ ܒܪ ܐܢܫܐ
3:220.27	ܛܒܐ܂ 62ܿ4 ܘܡܢܘ ܕܝܢ ܛܒܐ ܐܠܐ ܐܢ ܗܿܘ ܕܠܐܠܗܐ ܡܚܒ܂ ܘܡܢܘ ܕܝܢ
3:220.28	ܕܡܚܒ ܠܐܠܗܐ܂ ܐܠܐ ܐܢ ܗܿܘ ܕܚܟܡܬܗ ܝܿܕܥ ܒܟܠܙܒܢ܂ ܘܐܝܟܢܐ ܕܝܢ
3:220.29	ܐܢܫ ܡܫܟܚ ܕܢܕܥܝܗܿ ܐܠܐ ܐܢ ܬܟܝܒܐܝܬ ܢܫܡܥܝܗܿ ܘܒܗܿ ܢܬܕܡܪ ܘܢܝܩܪܝܗܿ
3:220.30	ܒܗܢܿܝܢ ܕܝܐܝܢ ܠܗ ܘܢܪܚܡܝܘܗܝ܂ 62ܿ5 ܡܢܘ ܓܝܪ ܗܢܐ ܕܪܚܡ ܠܗ܂ ܘܠܐ
3:220.31	ܗܘܐ ܒܐܝܩܪ̈ܐ ܕܝܐܝܢ ܡܩܕܡ ܡܝܩܪ ܠܗ܂ ܘܒܬܫܒ̈ܚܬܐ ܘܒܨ̈ܠܘܬܐ ܗܿܢܝܢ
3:220.32	ܕܠܘܬܗ ܚܒܝܒܐܝܬ ܡܬܬܢܚ܂ ܘܚܘܣܪܢܐ ܪܒܐ ܚܫܝܒ ܥܠܘܗܝ܂ ܐܡܬܝ
3:222.01	ܕܡܕܡ ܐܚܪܝܢ ܐܦܢ ܛܪܦܐ ܕܫܥܬܐ ܕܢܡܠܠ ܡܬܐܠܨ܂ ܠܐ ܓܝܪ ܡܫܟܚܐ
3:222.02	ܢܦܫܐ ܐܝܕܐ ܕܚܘܒܗ ܕܐܠܗܐ ܡܠܝܐ ܕܡܕܡ ܐܚܪܝܢ ܬܚܘܪ ܘܬܚܙܐ܂ ܐܠܐ ܐܢ
3:222.03	ܗܘܿ ܡܕܡ ܕܠܗ ܫܦܪ܂ 62ܿ6 ܗܿܢܘܢ ܓܝܪ ܕܠܐ ܨܒܝܢ ܕܗܿܢܝܢ ܕܠܗ ܫܦܪ̈ܢ
3:222.04	ܕܠܘܩܕܡ ܒܪ̈ܥܝܢܝܗܘܢ ܢܚܙܘܢ ܘܗܝܕܝܢ ܗܟܢܐ ܢܡܠܠܘܢ ܐܝܟ ܗܿܢܘܢ
3:222.05	ܕܒܚܫܘܟܐ ܣܓܝ ܩܘܝܘ܂ ܘܢܘܗܪܐ ܫܡܝܢܐ ܕܢܚܙܘܢ ܠܐ ܡܫܟܚܝܢ܂ 62ܿ7 ܘܩܕܡ
3:222.06	ܕܢܫܪܘܢ ܒܒܥܬܐ ܕܥܠ ܪ̈ܒܘܬܐ ܠܐܝܢ ܠܗܘܢܿ܂ 62ܿ8 ܡܛܠ ܓܝܪ ܕܐܥܝܕܘ
3:222.07	ܠܗܘܢ ܒܒܝܫ̈ܬܐ ܕܛܘܥܝܝ܂ ܡܐ ܕܥܠ ܐܠܗܐ ܫܡܥܝܢ܂ ܐܝܟ ܕܒܡܡܠܠܐ
3:222.08	ܕܠܐ ܡܢܚܝܢ ܒܗ ܡܬܢܗܪܝܢ ܒܢܡܘܣܐ ܘܡܬܬܥܝܩܝܢ ܒܗ܂
3:222.09	63ܿ1 ܘܟܕ ܗܿܢܝܢ ܦܛܪܘܣ ܐܡܼܪ ܗܘܐ ܢܓܗܬ ܗܘܬ ܠܗܿ܂ ܘܐܬܐ ܗܘܐ ܚܼܕ
3:222.10	ܬܠܡܝܕܗ ܕܣܝܡܘܢ ܟܕ ܩܥܐ ܘܡܒܓܢ ܘܐܿܡܪ 63ܿ2 ܕܒܥܐ ܐܢܐ ܡܢܟ ܦܛܪܐ܂
3:222.11	ܩܒܠܝܢܝ ܠܝ ܠܪܫܝܥܐ ܕܡܢ ܣܝܡܘܢ ܚܪܫܐ ܒܨܝܪ ܩܠܝܠ ܡܬܚܛܦ
3:222.12	ܗܘܝܬ܂ ܐܝܟ ܓܝܪ ܕܒܐܠܗܐ ܫܡܝܢܐ ܬܠܐ ܗܘܝܬ ܒܗ܂ ܕܒܗܿܢܝܢ ܬܕܡܪ̈ܬܐ
3:222.13	ܕܡܢܗ ܗ̈ܘܝܢ ܗܘܝ ܬܗܪ ܗܘܝܬ ܒܗ܂ 63ܿ3 ܘܟܕ ܕܝܢ ܐܢܬ ܡܠܠܬ
3:222.14	ܥܡܗ܂ ܘܐܬܟܣܣ ܘܐܬܚܙܝ ܕܒܪ ܐܢܫܐ ܗܘ ܒܝܫܐ܂ 63ܿ4 ܘܐܦ ܠܐ ܐܢܫ
3:222.15	ܢܩܦܗ܂ ܘܐܢܐ ܒܠܚܘܕ ܐܝܬܝ ܗܘܝܬ ܗܿܘ ܕܢܦܩܬ ܥܡܗ܂ ܡܛܠ
3:222.16	ܓܝܪ ܕܠܐ ܥܕܟܝܠ ܡܠܝܐܝܬ ܝܕܥܬܗ ܗܘܝܬ ܠܗ ܠܪܫܝܥܐ܂ 63ܿ5 ܚܙܢܝ
3:222.17	ܕܢܩܝܦ ܐܢܐ ܠܗ܂ ܐܡܼܪ ܠܝ܂ ܕܛܘܒܼܢܐ ܐܢܬ܂ ܘܐܘܒܠܢܝ ܠܒܝܬܗ܂
3:222.18	ܘܒܦܠܓܗ ܕܠܠܝܐ ܫܪܝ ܕܢܐܡܪ ܠܝ ܕܡܝܬܪܐ ܡܢ ܟܠܗܘܢ ܒ̈ܢܝ ܐܢܫܐ
3:222.19	ܥܿܒܕ ܐܢܐ ܠܟ܂ ܐܢ ܗܘ ܕܥܕܡܐ ܠܚܪܬܐ ܕܬܨܒܐ ܕܥܡܝ ܬܗܘܐ܂ 63ܿ6 ܘܟܕ
3:222.20	ܕܝܢ ܐܢܐ ܐܫܬܘܕܝܬ ܠܗ܂ ܕܒܟܠܙܒܢ ܥܡܗ ܗܿܘܐ ܐܢܐ܂ ܡܘܡܬܐ ܬܒܼܥ
3:222.21	ܡܢܝ ܕܫܪܪܐ ܐܛܪ ܥܡܗ܂ ܘܗܟܢܐ ܐܣܼܪ ܨܪܪܐ ܕܨܒ̈ܘܬܐ ܛܡ̈ܐܬܐ ܘܟܣ̈ܝܬܐ
3:222.22	ܘܥܒܕܢܝ ܕܐܛܥܢܝܘܗܝ܂ ܘܦܩܕ ܠܝ ܕܐܛܥܢܝܘܗܝ܂ 63ܿ7 ܘܟܕ ܕܝܢ ܠܝܡܐ
3:222.23	ܐܬܝܢܼܢ ܣܦܝܢܬܐ ܐܫܬܟܚܬ ܠܗܿ܂ ܘܥܠ ܗܼܘ ܒܠܚܘܕܘܗܝ܂ ܘܢܣܒ
3:222.24	ܗܿܘ ܨܪܪܐ܂ 63ܿ8 ܘܒܬܪ ܩܠܝܠ ܢܦܩ ܟܕ ܠܝܬ ܥܠܘܗܝ܂ ܗܿܘ ܨܪܪܐ ܕܥܐܠ
3:222.25	ܥܡܗ܂ ܘܓܠܝܐ ܗܼܝ ܗܕܐ ܕܒܥܘܡܩܐ ܕܝܡܐ ܫܕܝܗܝ܂ ܘܒܥܐ ܡܢܝ
3:222.26	ܕܒܪܫܥܬܗ ܐܚܙܘܩ ܥܡܗ܂ ܟܕ ܐܿܡܪ ܕܡܐ ܕܠܪܗܘܡܐ ܐܙܠܬ܂ ܗܢܐ ܟܠܗ
3:222.27	ܡܫܟܚ ܐܢܐ ܕܐܨܠܚ ܐܝܟܢܐ ܕܢܣܒܪܘܢ ܥܠܝ ܕܐܠܗܐ ܐܢܐ܂ ܘܠܐܝܩܪܐ ܡܢ
3:222.28	ܟܠ ܐܢܫ ܐܫܘܐ܂ 63ܿ9 ܘܗܝܕܝܢ ܠܟ ܒܟܣܦܐ ܡܥܬܪ ܐܢܐ܂ ܘܠܟܐ ܐܢ ܨܿܒܐ
3:222.29	ܐܢܬ ܕܬܥܛܘܦ ܥܡ ܣܓܝ̈ܐܐ ܡܫܕܪ ܐܢܐ ܠܟ܂ ܘܟܕ ܕܝܢ ܐܢܐ ܗܿܢܝܢ ܫܡܥܬ
3:222.30	ܡܢܗ܂ ܘܚܙܝܬ ܕܡܕܡ ܡܘܠܟܢܐ ܕܐܠܗܐ ܠܝܬ ܒܗܝܢ܂ ܘܕܚܪܫܐ ܘܡܛܥܝܢܐ
3:222.31	ܐܝܬܘܗܝ ܝܿܕܥܬ܂ 63ܿ10 ܐܡܪܬ ܠܗ ܕܒܿܥܐ ܐܢܐ ܡܢܟ܂ ܕܫܒܘܩ ܠܝ ܕܟܝ̈ܒܢ
3:224.01	ܠܝ ܫܩ̈ܝ܂ ܘܡܛܠ ܗܕܐ ܕܐܦܘܩ ܡܢ ܩܣܪܝܐ ܠܐ ܡܨܢܐ܂ ܘܬܘܒ ܕܝܢ ܕܐܦ
3:224.02	ܐܢܬܬܐ ܘܒ̈ܢܼܝܐ ܝ̈ܠܘܕܐ ܐܝܬ ܠܝ܂ ܘܕܐܫܒܘܩ ܐܢܘܢ ܠܐ ܡܫܟܚ ܐܢܐ܂ 63ܿ11 ܘܗܼܘ
3:224.03	ܕܝܢ ܟܕ ܗܢܝܢ ܫܡܥ ܨܥܪܢܝ ܘܚܣܕܢܝ ܘܢܦܩ ܗܼܘ ܒܠܚܘܕܘܗܝ ܠܐܦ̈ܝ
3:224.04	ܕܘܪܐ ܘܐܡܼܪ ܕܡܬܬܘܐ ܐܢܬ ܡܐ ܕܫܡܥܬ ܗܿܢܝܢ ܕܗ̈ܘܝܢ ܠܝ ܒܪܗܘܡܐ܂
3:224.05	63ܿ12 ܘܟܕ ܗܿܢܝܢ ܕܝܢ ܐܡܪ܂ ܗܘ ܫܢܝ ܐܝܟ ܕܠܪܗܘܡܐ܂ ܘܐܢܐ ܕܝܢ ܒܪܫܥܬܗ
3:224.06	ܠܗܪܟܐ ܐܬܝܬ܂ ܐܝܟܢܐ ܕܬܩܒܠܝܢܝ ܕܡܬܬܘܐ ܐܢܐ ܥܠ ܗܿܢܝܢ ܕܡܢ ܩܕܝܡ
3:224.07	ܐܬܒܛܠܬ ܒܗܝܢ܂
3:224.08	64ܿ1 ܘܟܕ ܗܿܢܝܢ ܐܡܿܪ ܗܿܘ ܕܥܠ ܠܘܬܢ܂ ܗܼܘ ܦܛܪܘܣ ܦܩܼܕ ܠܗ ܕܒܕܘܟܬܐ
3:224.09	ܕܕܪܬܐ ܢܟܬܪ ܠܗ܂ 64ܿ2 ܘܟܕ ܗܼܘ ܕܝܢ ܡܟܬܪ ܗܘܐ܂ ܗܘ ܦܛܪܘܣ ܐܬܐ܂
3:224.10	ܘܥܼܠ ܕܝܢ ܘܚܼܙܐ ܕܟܢܫܐ ܣܓܝ ܗܘܐ ܝܬܝܪ ܡܢ ܕܟܠܗܘܢ ܝܘܡ̈ܬܐ
3:224.11	ܘܒܕܘܼܟܬܐ ܗܿܝ ܕܐܬܡܠܝ ܩܼܡ܂ ܘܠܗܿܘ ܕܥܠ ܠܘܬܗ ܚܘܝ ܐܢܘܢ܂ ܘܫܪܝ
3:224.12	ܕܢܐܡܪ ܗܟܢܐ܂ 64ܿ3 ܕܗܢܐ ܓܒܪܐ ܐܚ̈ܝ ܕܐܢܐ ܡܚܘܐ ܐܢܐ ܠܟܘܢ ܒܩܘܕܡܐ ܐܬܐ
3:224.13	ܠܘܬܝ܂ ܘܥܠ ܚܪܫܘܬܗ ܕܣܝܡܘܢ ܐܫܬܥܝ ܠܝ܂ ܕܐܝܟܢܐ ܗܿܢܘܢ
3:224.14	ܬܘܩ̈ܢܘܗܝ ܕܚܪ̈ܫܐ ܒܥܘܡܩܗ ܕܝܡܐ ܫܕܐ ܐܢܘܢ ܠܐ ܗܘܐ ܐܝܟ ܕܐܬܬܘܝ
3:224.15	ܠܗ܂ ܐܠܐ ܡܛܠ ܕܕܚܠ ܕܠܐ ܢܬܟܣܣ ܘܢܬܓܠܐ܂ 64ܿ4 ܘܒܥܐ ܕܝܢ ܡܢܗ
3:224.16	ܐܝܟ ܕܗܼܘ ܐܡܼܪ܂ ܘܡܘܗܒ̈ܬܐ ܕܥܠܡܐ ܗܢܐ ܐܫܬܘܕܝ ܗܘܐ ܠܗ܂ ܘܟܕ ܐܝܟ
3:224.17	ܕܐܡܼܪ ܠܐ ܐܬܛܦܝܣ ܠܗ ܚܣܕܗ ܘܨܥܪܗ ܘܫܢܝ܂ ܘܡܪܕܝܬܗ ܐܝܟ ܕܐܿܡܪ
3:224.18	ܠܪܗܘܡܐ ܥܬܝܕ ܕܢܥܒܕ܂ 64ܿ5 ܘܟܕ ܦܛܪܘܣ ܗܢܿܝܢ ܐܡܼܪ܂ ܗܼܘ ܗܿܘ ܓܒܪܐ
3:224.19	ܕܥܠ ܠܘܬܢ ܓܠܝܐܝܬ ܟܠܗܝܢ ܗܿܢܝܢ ܟܣܝ̈ܬܐ ܘܒܝܫ̈ܬܐ ܕܣܝܡܘܢ
3:224.20	ܘܣܘܥܪ̈ܢܘܗܝ ܠܟܢܫ̈ܐ ܗܿܢܘܢ ܕܩܪ̈ܝܒܝܢ ܐܫܬܥܝ܂ ܘܟܕ ܕܝܢ ܗܼܘ ܥܡܐ
3:224.21	ܡܬܬܥܝܩܝܢ ܗܘܘ ܥܠ ܚܪܫܘܬܗ ܕܣܝܡܘܢ ܘܥܠ ܣܘܥܪ̈ܢܘܗܝ ܒܝܫ̈ܐ܂
3:224.22	ܘܗܼܘ ܦܛܪܘܣ ܐܡܼܪ ܠܗܘܢ܂ 65ܿ1 ܕܠܐ ܬܬܥܝܩܘܢ ܥܠ ܗܿܢܝܢ ܕܥܒܪ܂ ܐܠܐ
3:224.23	ܐܙܕܗܪܘ ܡܢ ܗܿܢܝܢ ܕܥܬܝ̈ܕܢ܂ ܗܿܢܝܢ ܓܝܪ ܕܥܒܪ ܠܗܝܢ ܣܟܗܝܢ ܢܣܿܒ
3:224.24	ܠܗܝܢ܂ ܘܗܿܢܝܢ ܕܝܢ ܕܥܬܝ̈ܕܢ ܐܝܓܘܢܐ ܠܗܿܢܘܢ ܕܢܦܠܝܢ ܒܗܝܢ ܐܝܬ
3:224.25	ܠܗܝܢ ܕܢܬ̈ܠܢ܂ 65ܿ2 ܠܐ ܓܝܪ ܡܡܬܘܡ ܡܓܪܕܝܢ ܡܟܫܘ̈ܠܐ ܡܢ ܥܠܡܐ܂
3:224.26	ܐܝܟ ܟܡܐ ܕܠܗܿܘ ܕܠܩܘܒܠܐ ܡܦܣ ܠܗ ܕܒܨܒܝܢܗ ܢܚܨܦ܂ ܐܝܟܢܐ
3:224.27	ܕܠܗܢܿܘܢ ܕܦܪ̈ܘܫܐ ܐܢܘܢ ܘܪ̈ܚܡܝ ܝܘܠܦܢܐ ܢܗܘܐ ܠܗܘܢ ܕܢܬܦܨܘܢ
3:224.28	ܘܢܫܬܘܙܒܘܢ ܗܿܢܘܢ ܕܝܢ ܕܠܐ ܦܪ̈ܘܫܐ ܐܢܘܢ ܘܒܣܝܢ ܒܢܦܫܗܘܢ ܕܒܐܝ̈ܕܝ
3:224.29	ܡܛܥܝܢܐ ܢܦܠܘܢܿ ܘܢܬܨܝܕܘܢ܂ 65ܿ3 ܡܛܠ ܗܟܝܠ ܕܐܝܟܢܐ ܕܐܦ ܐܢܬܘܢ
3:224.30	ܫܡܥܬܘܢܿ ܕܗܼܘ ܣܝܡܘܢ ܢܦܼܩ ܕܢܩܕܡ ܢܠܒܘܟ ܡܫܡܥܬܐ ܕܥܡ̈ܡܐ
3:224.31	ܗܿܢܘܢ ܕܠܦܘܪܩܢܐ ܘܠܚܝ̈ܐ ܐܬܩܪܝܘ܂ ܐܠܨܐ ܠܝ ܐܦ ܠܝ ܕܐܦܘܩ ܒܥܩܒܗ
3:224.32	ܘܐܬܪܘܨ ܘܐܦܢܐ ܠܥܡ̈ܡܐ ܗܿܢܘܢ ܕܡܢܗ ܡܬܚܒܠܝܢ܂ 65ܿ4 ܐܠܐ ܡܛܠ ܕܟܐܢܐ
3:226.01	ܗܝ ܗܕܐ ܕܥܠܝܟܘܢ ܕܝܠܟܘܢ ܕܗܐ ܡܟܝܠ ܠܓܘ ܡܢ ܫܘܪܐ ܕܚ̈ܝܐ
3:226.02	ܐܝܬܝܟܘܢ ܕܒܛܝܠܘܬܐ ܝܬܝܪܐ ܐܥܒܕ܂ ܡܛܠ ܕܗܘܿ ܕܡܟܝܠ ܐܬܩܢܝ
3:226.03	ܠܗ ܐܢ ܗܼܘ ܕܢܐܒܕ ܚܘܣܪܢܐ ܪܒܐ ܐܝܬ ܒܗ܂ ܗܘܿ ܕܝܢ ܕܥܕܟܝܠ ܠܐ
3:226.04	ܐܬܩܢܝ܂ ܐܢ ܗܼܘ ܕܢܬܩܕܡ ܝܘܬܪܢܐ ܐܝܬܘܗܝ܂ ܘܐܢ ܗܼܘ ܕܠܐ ܒܗܕܐ ܕܠܐ ܐܬܩܢܝ
3:226.05	ܒܠܚܘܕ ܐܝܬ ܒܗ ܚܘܣܪܢܐ܂ 65ܿ5 ܡܛܠ ܗܟܝܠ ܕܐܦ ܐܢܬܘܢ ܝܬܝܪܐܝܬ ܒܗܿ
3:226.06	ܒܩܘܫܬܐ ܬܫܬܪܪܘܢܿ ܘܐܦ ܗܼܢܘܢ ܥܡܡ̈ܐ ܕܠܚ̈ܝܐ ܐܬܩܪܝܘ ܠܐ ܣܓܝ
3:226.07	ܢܬܩܕܡܘܢ ܒܗܿ ܒܒܝܫܬܐ܂ ܨܿܒܐ ܐܢܐ ܕܪܥܝܐ ܠܙܟܝ ܐܩܝܡ ܠܟܘܢܿ܂ ܘܐܢܐ ܕܝܢ
3:226.08	ܡܢ ܝܘܡܢܐ ܬܠܬܐ ܝܪ̈ܚܝܢ ܐܩܘܐ ܠܘܬܟܘܢܿ ܘܐܦܿܘܩ ܠܥܡ̈ܡܐ ܐܝܟܢܐ ܕܐܦ
3:226.09	ܠܗܘܢ ܐܕܪܟ܂ ܕܕܡ ܟܕ ܣܓܝ ܢܬܩܕܡܘܢ ܒܚܪܫܘܬܗ ܕܣܝܡܘܢ ܥܛܠܐܝܬ
3:226.10	ܢܫܟܚܘܢ ܕܢܬܐܣܘܢ܂ 66ܿ1 ܘܟܕ ܕܝܢ ܗܿܢܝܢ ܐܡܼܪ ܟܠܗ ܟܢܫܐ ܒܿܟܐ ܗܘܐ܂
3:226.11	ܕܫܼܡܥܘ ܕܥܬܝܕ ܗܘܐ ܕܢܦܘܩ܂ ܘܗܼܘ ܕܝܢ ܦܛܪܘܣ ܡܢ ܚܫܗ ܕܥܠܝܗܘܢ
3:226.12	ܚܢܓܬ ܠܗ ܘܒܟܼܐ ܐܦ ܗܼܘ܂ ܘܐܪܝܡ ܥܝ̈ܢܘܗܝ ܠܫܡܝܐ ܘܐܡܼܪ 66ܿ2 ܕܒܥܝܢ
3:226.13	ܐܢܚܢܢ ܡܢܟ ܐܠܗܐ ܕܫܡܝܐ ܘܐܪܥܐ ܘܟܠ ܕܒܗܘܢܿ ܐܩܼܝܡܬ܂ ܕܠܗܿܢܘܢ
3:226.14	ܕܒܟ ܡܬܓܘܣܝܢ ܘܐܠܝܨܝܢ ܐܢܬ ܬܒܝܐ ܘܬܠܒܒ ܐܢܘܢܿ܂ ܡܛܠ ܪܚܡܬܗܘܢ
3:226.15	ܓܝܪ ܕܠܘܬܟ ܡܚܒܝܢ ܠܝ܂ ܕܡܠܦܢܐ ܕܫܪܪܐ ܕܝܠܟ ܐܝܬܝ ܠܗܘܢܿ܂
3:226.16	66ܿ3 ܕܡܛܠ ܗܕܐ ܐܢܬ ܒܝܡܝܢܟ ܗܿܝ ܡܪܚܡܢܝܬܐ ܢܛܪ ܘܫܘܙܒ ܐܢܘܢ܂ ܠܐ
3:226.17	ܓܝܪ ܣܦܩ ܗܼܘ ܙܟܝ ܘܐܦ ܠܐ ܐܢܫ ܐܚܪܝܢ ܒܿܪ ܐܢܫܐ܂ ܕܢܗܘܐ ܠܗܘܢ
3:226.18	ܡܢܛܪܢܐ܂ 66ܿ4 ܘܟܕ ܗܿܢܝܢ ܘܐܝܠܝܢ ܕܠܗܠܝܢ ܢܩ̈ܦܢ ܐܡܼܪ܂ ܐܝܕܐ ܥܠ ܙܟܝ
3:226.19	ܣܼܡ܂ ܘܨܠܝ ܥܠܘܗܝ ܕܕܠܐ ܥܕܠܝ ܡܢܬܐ ܕܐܦܣܩܘܦܘܬܐ ܢܛܪ
3:226.20	66ܿ5 ܘܗܝܕܝܢ ܬܪ̈ܥܣܪ ܩܫ̈ܝܫܐ ܦܼܪܫ܂ ܘܡܫ̈ܡܫܢܐ ܐܪ̈ܒܥܐ ܐܩܝܡ܂ ܘܐܡܼܪ ܠܗܘܢ
3:226.21	ܕܐܢܐ ܠܙܟܝ ܐܦܣܩܘܦܐ ܐܩܝܡܬ ܠܟܘܢ ܡܛܠ ܕܥܡ ܕܚܠܬ ܐܠܗܐ ܐܦ
3:226.22	ܒܝܘܠܦܢܐ ܣܓܝܐܐ ܐܝܬܘܗܝ܂ 66ܿ6 ܗܿܘ ܕܡܛܠ ܕܨܠܡܗ ܐܝܬܘܗܝ ܕܡܫܝܚܐ
3:226.23	ܝܩܪܘܢܝܗܝ ܟܕ ܡܫܬܡܥܝܢ ܐܢܬܘܢ ܠܗ ܡܛܠ ܦܘܪܩܢܐ ܘܚܝ̈ܐ ܕܝܠܟܘܢܿ܂
3:226.24	ܟܕ ܐܦ ܗܕܐ ܗܼܘܝܬܝܘܢ ܡܦܣܝܢ ܕܐܝܩܪܐ ܘܨܥܪܐ ܕܠܘܬ ܗܢܐ ܠܘܬ ܡܫܝܚܐ
3:226.25	ܩܪܒ܂ ܘܡܢ ܡܫܝܚܐ ܠܘܬ ܐܠܗܐ ܣܠܩ܂ 66ܿ7 ܗܿܢܘܢ ܝܘ̈ܠܦܢܐ ܗܟܝܠ
3:226.26	ܬܟܝܒܐܝܬ ܘܚܦܝܛܐܝܬ ܡܢܗ ܫܡܥܘ ܘܡ̈ܠܟܐ ܘܡܪܬܝܢܘܬܐ ܡܢ ܩܫܝ̈ܫܐ܂
3:226.27	ܘܛܘܟܣܐ ܕܝܢ ܘܒܘܝܐܐ ܡܢ ܡܫܡܫ̈ܢܐ܂ 66ܿ8 ܘܠܐܪ̈ܡܠܬܐ ܣܝܥܘ ܘܠܝܬܡ̈ܐ
3:226.28	ܥܕܪܘ܂ ܘܥܠ ܡܣ̈ܟܢܐ ܪܚܡܘ܂ ܘܠܥܠܝ̈ܡܐ ܢܟܦܘ܂ ܘܕܟܢܝܫܐܝܬ ܐܡܪ
3:226.29	ܠܚ̈ܕܕܐ ܒܟܘܠ ܡܕܡ ܩܝܡܘ ܘܥܕܪܘ܂ 66ܿ9 ܐܝܟܢܐ ܕܟܕ ܠܐܠܗܐ ܒܪܘܝܐ ܕܫܡܝܐ
3:226.30	ܘܕܐܪܥܐ ܣܓܕܝܢ ܐܢܬܘܢ ܘܒܡܫܝܚܐ ܡܗܝܡܢܝܢ ܐܢܬܘܢܿ ܘܠܚܕ̈ܕܐ ܡܚܒܝܢ
3:226.31	ܐܢܬܘܢ ܒܥܒܕܐ ܣܘܥܪܢܗ ܕܚܘܒܟܘܢ ܬܚܘܘܢ܂
3:226.32	67ܿ1 ܘܟܕ ܗܢܿܝܢ ܘܐܝܠܝܢ ܕܕܡ̈ܝܢ ܠܗܝܢ ܐܡܼܪ܂ ܐܟܪܙ ܠܗܘܢ ܘܐܼܡܪ ܕܡܛܠ
3:226.33	ܕܨܒܝܬ ܕܬܠܬܐ ܝܪ̈ܚܝܢ ܠܘܬܟܘܢ ܐܟܬܪ ܡܢ ܕܡܢܚ ܘܨܿܒܐ ܡܢܟܘܢ ܢܥܡܕ
3:228.01	ܕܗܟܢܐ ܗܿܢܝܢ ܒܝ̈ܫܬܐ ܕܡܩ̈ܕܡܢ ܣܥܝܪ̈ܢ ܗܘܝ ܠܗ ܢܬܒ̈ܛܠܢ܂ ܘܒܥܒ̈ܕܐ
3:228.02	ܛܒ̈ܐ ܕܡܟܝܠ ܣܿܥܪ ܝܪܬܐ ܕܛܒ̈ܬܐ ܕܠܥܠܡ ܢܗܘܐ܂ 67ܿ2 ܒܪܡ ܕܝܢ ܠܘܬ
3:228.03	ܙܟܝ ܢܩܪܘܒ܂ ܘܫܡܗ ܠܗ ܢܐܡܪ܂ ܘܐܪ̈ܙܐ ܗܿܢܝܢ ܕܡܠܟܘܬܐ ܕܥܬܝܕܐ ܡܢܗ
3:228.04	ܢܫܡܥ܂ 67ܿ3 ܘܒܨܘܡܐ ܬܟܝܒܐ ܢܗܘܐ܂ ܘܢܦܫܗ ܢܒܩܐ܂ ܘܗܟܢܐ ܡܐ ܕܫܠܡܘ
3:228.05	ܬܠܬܐ ܝܪ̈ܚܝܢ ܘܩܪܒ ܦܨܚܐ ܢܥܡܕ܂ 67ܿ4 ܥܡܕ ܕܝܢ ܟܠ ܐܢܫ ܕܨܿܒܐ
3:228.06	ܡܢܟܘܢ܂ ܒܡ̈ܝܐ ܕܪܕܝܗܘܢ ܚܝ܂ ܟܕ ܡܬܐܡܪ ܥܠܘܗܝ ܫܘܡܗܐ ܫܒܝܚܐ
3:228.07	ܕܬܠܝܬܝܘܬܐ܂ ܘܡܕܡ ܕܫܘܐ ܘܙܕܩ ܝܠܦ܂ ܘܠܘܩܕܡ ܕܝܢ ܡܬܡܫܚ
3:228.08	ܒܡܫܚܐ ܕܒܨܠܘܬܐ ܩܕܝܫܬܐ ܥܒܝܕ ܐܝܟܢܐ ܕܟܕ ܬܬܩܕܫܘܢ ܬܫܟܚܘܢ
3:228.09	ܕܬܩܒܠܘܢ ܩܘܕܫܐ܂ 68ܿ1 ܒܪܡ ܕܝܢ ܥܠ ܡܥܡܘܕܝܬܐ ܣܓܝ̈ܐܬܐ ܐܡܼܪ ܘܠܗܘܢ
3:228.10	ܠܟ̈ܢܫܐ ܫܼܪܐ܂ ܘܠܒܝܬ ܡܫܪܝܗ ܒܥܝܕܗ ܥܼܠ܂
3:228.11	ܘܟܕ ܕܝܢ ܩܪܝܒܝܢ ܐܢܚܢܢ ܬܪ̈ܥܣܪ܂ ܐܡܼܪ ܐܢܐ ܕܝܢ ܙܟܝ ܘܨܦ̈ܢܝܐ ܘܝܘܣܦ
3:228.12	ܘܡܝܟܐ ܘܐܠܝܥܙܪ ܘܦܝܢܚܣ ܘܠܥܙܪ ܘܐܠܝܫܥ܂ ܘܐܢܐ ܩܠܡܣ ܘܢܝܩܕܡܘܣ
3:228.13	ܘܢܝܩܛܣ ܘܐܩܝܠܘܣ ܡܠܠ ܗܟܢܐ ܘܐܡܪ 68ܿ2 ܕܟܐܢܐܝܬ ܢܬܿܚܫܒ ܐܘ ܐܚ̈ܝ
3:228.14	ܗܫܐ ܕܢܝܫܐ ܐܝܬ ܠܢ܂ ܕܐܝܟܢܐ ܥܡܡ̈ܐ ܢܫܟܚܘܢܿ ܕܥܘܕܪܢܐ ܢܩܒܠܘܢܿ܂
3:228.15	68ܿ3 ܐܢܬܘܢ ܓܝܪ ܟܕ ܩܪ̈ܝܒܝܢ ܐܢܬܘܢ ܫܡܥܬܘܢ ܕܟܕ ܐܝܠܝܢ ܣܝܡܘܢ ܐܬܚܫܒ
3:228.16	ܘܼܨܒܐ ܩܕܡ ܢܦܼܩ܂ ܡܢ ܕܘܟܬܗ ܗܟܝܠ ܙܕܩ ܗܘܐ܂ ܕܒܟܠ ܕܘܟܝ̈ܢ ܐܝܟܐ
3:228.17	ܕܡܫܝܚ ܗܘܐ ܘܨܿܒܐ ܗܘܐ ܕܢܥܒܪ ܕܢܩܪܘܒ ܐܢܚܢܢ ܘܢܟܣܝܘܗܝ܂ 68ܿ4 ܐܠܐ
3:228.18	ܡܛܠ ܕܥܘܠܐ ܐܝܬܝܗܿ ܗܕܐ܂ ܕܐܪܦܐ ܗܠܝܢ ܕܡܢ ܕܘܟܬܗ ܐܬܓܘܣܘ ܒܢ
3:228.19	ܘܦܘܪܩܢܐ ܕܗܢ̈ܘܢ ܕܥܕܟܝܠ ܒܪܘܚܩܐ ܡܢܢ ܒܟܠ ܡܕܡ ܐܝܬܝܗܘܢ ܐܩܕܡ
3:228.20	ܐܝܩܪ܂ ܐܬܚܫܒܬ ܕܠܘܬ ܗܠܝܢ ܕܗܪܟܐ ܬܠܬܐ ܝܪ̈ܚܝܢ ܐܟܬܪ܂ ܘܐܥܒܕ ܐܢܘܢ
3:228.21	ܕܢܬܚܝܠܘܢ ܘܢܙܕܗܪܘܢ ܒܢܦܫܗܘܢ ܘܠܗܿܢܘܢ ܕܝܢ ܕܒܪܘܚܩܐ ܠܐ ܡܠܝܐܝܬ
3:228.22	ܐܪܦܐ ܐܢܘܢܿ܂ ܕܕܡ ܒܙܒܢܐ ܢܓܝܪܐ ܗܿܢܘܢ ܕܡܬܩܕܡܝܢ ܒܝܘܠܦܢܐ ܒܝܫܐ
3:228.23	ܥܛܠܐܝܬ ܢܫܟܚܘܢ ܕܢܫܢܘܢ ܡܢܗ܂ 68ܿ5 ܕܡܛܠ ܗܕܐ ܨܿܒܐ ܐܢܐ ܕܐܥܒܕ ܐܢ
3:228.24	ܐܦ ܠܟܘܢ ܫܦܪܐ ܕܟܐܢܐ ܗܼܝ ܗܕܐ ܕܚܠܦ ܙܟܝ ܗܿܘ ܕܗܪܟܐ ‍<‍ܕ‍>‍ܢܗܘܐ
3:228.25	ܐܦܣܩܘܦܐ ܩܡ܂ ܠܡܢܝܢܐ ܕܬܪ̈ܥܣܪ ܐܘܣܦ ܠܒܢܝܡܝܢ ܒܪ ܫܒܐ܂
3:228.26	ܘܚܠܦ ܩܠܡܣ ܗܿܘ ܕܦܣܼܩܬ ܕܒܟܠܙܒܢ ܢܗܘܐ ܥܡܝ܂ ܕܡܢ ܥܡ̈ܡܐ
3:228.27	ܗܼܘ ܘܣܓܝ ܨܗܐ ܠܡܠܬܐ܂ ܠܚܢܢܝܐ ܒܪ ܣܦܪܐ܂ ܘܚܠܦ ܕܝܢ
3:228.28	ܢܝܩܛܣ ܘܐܩܝܠܘܣ ܕܐܦ ܗܼܢܘܢ ܚܕܬܐܝܬ ܐܬܬܠܡܕܘ ܠܡܠܬܗ ܕܡܫܝܚܐ
3:228.29	ܠܪܘܒܝܠ ܐܚܘܗܝ ܕܙܟܝ ܘܠܙܟܕܝܐ ܗܿܘ ܒܿܢܝܐ܂ 68ܿ6 ܘܗܟܢܐ ܗܟܝܠ ܐܪ̈ܒܥܐ
3:228.30	ܚܠܦ ܐܪ̈ܒܥܐ ܐܥܠ ܒܡܢܝܢܐ ܐܝܟܢܐ ܕܐܢܚܢܢ ܒܟܠܙܒܢ ܥܡܗ ܢܗܘܐ܂
3:228.31	ܐܢܐ ܩܠܡܣ ܘܢܝܩܛܣ ܘܐܩܝܠܘܣ܂ 69ܿ1 ܘܠܗܿܢܘܢ ܬܪܥܣܪ ܐܡܼܪ ܕܨܒܐ ܐܢܐ
3:228.32	ܕܐܢܬܘܢ ܡܢ ܒܬܪ ܡܚܪ ܬܦܩܘܢ ܠܥܡ̈ܡܐ ܒܥܩܒܗ ܕܣܝܡܘܢܿ ܐܝܟܢܐ
3:230.01	ܕܗܿܢܝܢ ܕܡܢܗ ܡܣܬܥܪ̈ܢ ܬܫܠܚܘܢ ܠܝ ܘܬܘܕܥܘܢܢܝ܂ 69ܿ2 ܘܬܘܒ ܕܝܢ
3:230.02	ܬܣܒܘܢ ܢܣܝܢܐ ܕܨܒܝܢܐ ܕܐܢܫ ܐܢܫ܂ ܘܥܠ ܡܐܬܝܬܐ ܕܝܠܝ ܕܐܡܝܢܐܝܬ
3:230.03	ܥܬܝܕܐ ܕܬܗܘܐ ܬܩܕܡܘܢ ܬܘܕܥܘܢ ܐܢܘܢܿ܂ ܘܡܛܠ ܕܠܐ ܒܐܪ̈ܝܟܬܐ ܐܡܪ ܠܟܘܢ܂
3:230.04	ܕܬܩܕܡܘܢ ܬܛܝܒܘܢ ܐܢܘܢܿ ܕܠܡܐܬܝܬܐ ܕܝܠܝ ܢܬܝܐܒܘܢ܂ 69ܿ3 ܟܕ ܗܿܢܝܢ
3:230.05	ܘܕܕܡ̈ܝܢ ܠܗܝܢ ܐܡܼܪ ܐܘܣܦ ܘܐܡܼܪ ܕܥܠ ܗܢܝܢ ܐܘ ܐܚܝ̈ ܚܕ ܚܕ
3:230.06	ܡܢܟܘܢ ܡܕܡ ܕܫܦܪ ܠܗ ܢܐܡܪ ܕܕܡ ܠܝ ܕܝܠܝ ܕܗܕܐ ܛܒܐ ܫܦܪܬ܂
3:230.07	ܟܕ ܠܐ ܗܘܐ ܬܪܝܨܬܐ ܐܝܬܝܗܿ܂ 69ܿ4 ܘܗܢܿܘܢ ܕܝܢ ܟܠܗܘܢ ܐܝܟ ܕܡܢ ܚܕܐ ܢܦܫܐ
3:230.08	ܫܒܚܘܗܝ܂ ܘܒܥܘ ܡܢܗ ܕܠܐ ܡܕܡ ܒܡܠܟܐ ܕܝܠܗܘܢ ܢܥܒܕ܂ ܐܠܐ ܗܿܘ
3:230.09	ܡܕܡ ܕܠܗ ܫܦܪ ܐܦ ܢܦܩܘܕ ܒܠܚܘܕ ܘܐܼܡܪܘ ܕܒܪܫܥܬܗ ܗܕܐ ܝܐܝܐ
3:230.10	ܘܟܐܢܐ ܠܢ ܕܢܫܡܠܐܼ ܗܿܘ ܡܕܡ ܕܡܢܟ ܡܬܦܩܕ ܠܢ܂ 69ܿ5 ܘܟܕ ܗܿܢܝܢ ܐܡܼܪܘ
3:230.11	ܫܕܪ ܒܬܪ ܒܢܝܡܝܢ܂ ܘܚܢܢܝܐ ܘܪܘܒܝܠ ܘܙܟܪܝܐ܂ ܘܟܕ ܐܬܘ ܒܗܿ ܒܕܡܘܬܐ
3:230.12	ܐܝܟ ܕܝܐܐ ܐܦ ܥܡܗܘܢ ܡܠܠ܂
3:230.13	70ܿ1 ܡܢ ܒܬܪ ܗܟܝܠ ܗܿܘ ܚܕ ܝܘܡܐ ܐܬܘ ܗܢܘܢ ܗܿܢܘܢ܂ ܘܐܼܡܪܘ ܕܠܐ
3:230.14	ܬܣܒܪ ܥܠܝܢ܂ ܐܘ ܡܪܝ ܦܛܪܐ܂ ܕܠܐ ܗܘܐ ܙܥܘܪ ܡܥܩܝܢ ܐܢܚܢܢ ܕܡܢ
3:230.15	ܡܠܬܐ ܕܡܐܡܪܟ ܡܬܓܠܙܝܢ ܐܢܚܢܢ ܬܠܬܐ ܝܪ̈ܚܝܢ܂ 70ܿ2 ܐܠܐ ܥܠ ܐܦܝ
3:230.16	ܥܘܕܪܢܐ ܗܘܿ ܡܕܡ ܕܦܩܕܬ ܡܛܝܒܐܝܬ ܣܥܪܝܢ ܐܢܚܢܢ܂ ܟܕ ܠܦܪܨܘܦܟ
3:230.17	ܒܟܘܠ ܙܒܢ ܒܪܥܝܢܢ ܚܙܝܢ ܐܢܚܢܢ܂ ܘܗܫܐ ܐܝܟ ܡܐ ܕܦܩܕܬ ܒܚܕܘܬܐ
3:230.18	ܘܒܢܝܚܐ ܐܙܠܝܢ ܐܢܚܢܢ܂ 70ܿ3 ܘܗܼܘ ܕܝܢ ܨܠܝ ܥܠܝܗܘܢ ܘܠܘܝ ܐܢܘܢܿ܂
3:230.19	ܐܝܬܝܗܘܢ ܗܘܘ ܕܝܢ ܗܿܢܘܢ ܕܐܫܬܕܪܘ ܩܕܡܘܗܝ ܚܠܦ ܙܟܝ ܒܢܝܡܝܢ ܒܪ
3:230.20	ܫܒܐ܂ ܘܨܦܢܝܐ ܘܝܘܣܦ ܘܡܝܟܐ ܘܐܠܝܥܙܪ ܘܦܝܢܚܣ ܘܠܥܙܪ ܘܐܠܝܫܥ
3:230.21	ܘܢܝܩܕܡܘܣ܂ ܘܚܠܦܝ ܚܢܢܝܐ ܘܚܠܦ ܢܝܩܛܣ ܘܐܩܝܠܘܣ ܪܘܒܝܠ
3:230.22	ܘܙܟܪܝܐ܂ ܘܟܕ ܗܟܝܠ ܗܼܢܘܢ ܐܙܠܘ ܗܘ ܦܛܪܘܣ ܥܠ ܘܒܗܿܝ ܕܘܟܬܐ
3:230.23	ܩܼܡ ܕܒܥܝܕܗ ܡܡܠܠ ܗܘܐ܂ 70ܿ4 ܘܟܕ ܚܙܝܗܝ ܠܟܢܫܐ ܕܣܓܝ ܗܘܐ
3:230.24	ܛܒ܂ ܘܒܗ ܚܐܪ ܗܘܐ ܘܒܿܟܐ܂ ܡܛܠ ܕܩܕܡ ܝܘܡܐ ܐܡܼܪ ܠܗܘܢܿ ܕܥܬܝܕ
3:230.25	ܗܘܐ ܕܢܪܦܐ ܐܢܘܢܿ ܡܛܠ ܐܢܢܩܐ ܕܣܝܡܘܢܿ܂ 70ܿ5 ܘܚܪ ܒܗܘܢ ܐܦ ܗܼܘ ܘܝܼܕܝܥ
3:230.26	ܗܘܐ ܕܒܗܿ ܒܕܡܘܬܗܘܢ ܡܥܩ ܗܘܐ܂ ܕܡ̈ܥܘܗܝ ܓܝܪ ܓܢܒ ܗܘܐ܂ ܘܡܢ
3:230.27	ܩܠܗ ܪܥܘܙܐ ܓܠܐ ܗܘܐ ܠܗܘܢܿ ܕܒܗܿ ܒܕܡܘܬܐ ܕܝܠܗܘܢ ܐܦ ܗܘ ܒܢܦܫܗ
3:230.28	ܚܫܝܫ ܘܡܥܼܩ ܗܘܐ܂ 71ܿ1 ܒܪܡ ܕܝܢ ܒܐܝܕܗ ܠܦܪܨܘܦܗ ܡܫܐ ܗܘܐ܂ ܘܐܡܪ
3:230.29	ܕܐܬܠܒܒܘ ܘܐܬܚܝܠܘ ܐܚܝ̈܂ ܕܢܦܫ̈ܬܐ ܡܪ̈ܚܡܢܝܬܐ ܩܢܝܢ ܐܢܬܘܢܿ ܐܢܚܢܢ܂
3:230.30	ܗܟܝܠ ܠܢܦܫܢ ܒܚܘܫܒܐ ܬܪܝܨܐ ܢܒܝܐ ܘܢܠܒܒ܂ ܘܟܠܗܝܢ ܒܐܠܗܐ
3:230.31	ܢܬܠܐ ܐܢܝܢ ܗܿܘ ܕܨܒܝܢܗ ܒܠܚܘܕܘܗܝ ܕܢܩܕܡ ܢܝܩܪ ܓܒܐ ܠܢ܂ 71ܿ2 ܗܕܐ
3:230.32	ܓܝܪ ܕܡܛܠ ܚܘܒܝ ܕܠܘܬܟܘܢ ܐܩܘܡ ܠܘܩܒܠ ܨܒܝܢܗ ܘܐܨܿܒܐ ܕܐܩܘܐ
3:230.33	ܠܘܬܟܘܢܿ ܠܐ ܗܐ ܡܫܟܚ ܗܼܘ ܕܒܡܘܬܐ ܢܫܕܪܢܝ ܒܡܪܕܝܬܐ ܕܐܘܪܚܐ
3:232.01	ܪܚܝܩܬܐ܂ 71ܿ3 ܕܡܛܠ ܗܕܐ ܒܨܒܝܢܢ ܠܗܕܐ ܕܙܥܘܪܝܐ ܢܣܝܒܪ ܐܝܟ ܟ̈ܐܢܐ
3:232.02	ܘܕܚ̈ܠܐ ܕܝܠܗ ܕܦܪܫܼܢ ܘܓܒܼܝܢ ܕܒܟܠ ܡܕܡ ܠܨܒܝܢܗ ܕܝܠܗ ܕܐܠܗܐ
3:232.03	ܢܬܛܦܝܣ܂ ܘܐܦ ܐܢܬܘܢ ܕܥܠ ܟܘܠ ܡܕܡ ܒܗܝܡܢܘܬܐ ܬܪܝܨܬܐ ܡܣܒܪܝܢ
3:232.04	ܐܢܬܘܢ ܕܬܬܛܦܝܣܘܢܿ܂ ܝܿܕܥ ܐܢܐ ܕܝܢ ܕܐܦ ܐܢܬܘܢ ܠܐ ܡܛܠ ܡܕܡ ܐܚܪܝܢ
3:232.05	ܡܚܒܝܢ ܐܢܬܘܢ ܠܝ܂ ܐܠܐ ܡܛܠ ܪܚܡܬܟܘܢ ܕܠܘܬܗ܂ 71ܿ4 ܐܝܟ ܪ̈ܚܡܐ
3:232.06	ܗܟܝܠ ܕܐܠܗܐ ܫܠܡܘ ܘܩܦܘ ܠܨܒܝܢܗ܂ ܘܥܡ ܗܿܢܝܢ ܕܝܢ ܐܬܚܫܒܘ
3:232.07	ܗܿܝ ܕܟܐܢܘܬܐ܂ 71ܿ5 ܕܐܝܟܢܐ ܕܥܘܠܐ ܐܝܬܝܗܿ ܗܘܬ ܕܟܕ ܐܢܬܘܢ ܡܢ ܣܝܡܘܢ
3:232.08	ܛܥܝܢ ܗܘܝܬܘܢ ܕܠܘܬܟܘܢ ܠܐ ܐܬܐ ܗܘܝܬ ܕܠܒܝܟ ܗܘܝܬ ܡܢ ܗܿܢܘܢ
3:232.09	ܕܬܡܢ ܐܚ̈ܐ ܩܕܡ̈ܝܐ܂ ܟܕ ܗܐ ܐܝܬ ܗܘܐ ܠܟܘܢ ܙܟܝ ܓܒܪܐ ܡܝܬܪܐ ܘܛܒܐ
3:232.10	ܐܦ ܒܡ̈ܠܐ܂ 71ܿ6 ܗܟܢܐ ܗܟܝܠ ܐܦ ܗܕܐ ܕܪܫܥܐ ܗܝ ܕܠܥܡ̈ܡܐ ܗܿܢܘܢ
3:232.11	ܕܡܠܝܐܝܬ ܡܫܘܚܕܝܢ ܘܣܝܡܘܢ ܡܩܪܒ ܥܡܗܘܢܿ ܕܠܐ ܐܦܘܩ ܠܘܬܗܘܢ
3:232.12	ܕܡܢܟܘܢ ܡܬܠܒܟ ܐܢܐ܂ 71ܿ7 ܢܕܚܠ ܕܝܢ ܘܢܙܕܗܪ ܕܕܡ ܒܪܚܡܬܐ ܥܘܠܬܐ
3:232.13	ܨܒܝܢܗ ܕܒܝܫܐ ܢܥܒܕ܂ 72ܿ1 ܒܪܡ ܕܝܢ ܬܠܬܐ ܝܪ̈ܚܝܢ ܡܩܘܢܐ ܠܘܬܟܘܢ܂
3:232.14	ܘܒܗܘܢ ܐܢܬܘܢ ܬܟܝܒܐܝܬ ܘܚܦܝܛܐܝܬ ܩܪܘܒܘ ܘܫܡܥܘ ܡܠܬܐ ܕܚ̈ܝܐ܂
3:232.15	ܘܡܐ ܕܫܠܡܘ ܬܠܬܐ ܝܪ̈ܚܝܢ܂ ܟܘܠܗܘܢ ܗܠܝܢ ܕܡܫܟܚܝܢ ܕܟܐܢܐܝܬ
3:232.16	ܢܩܦܘܢܢܝ ܢܩܦܘܢܿ܂ 72ܿ2 ܟܐܢܐܝܬ ܕܝܢ ܐܡܿܪ ܐܢܐ܂ ܕܟܕ ܠܐܢܫ ܠܐ ܡܥܝܩܝܢ ܡܢ
3:232.17	ܗܿܢܘܢ ܕܠܐ ܙܕܩ܂ ܐܘ ܠܐܢܬܬܗ ܒܪܬ ܪܥܝܢܗ܂ ܐܘ ܠܐܚܪܢܐ ܕܐܚܪܢܝܐܝܬ ܐܠܨܐ
3:232.18	ܗܼܝ ܕܢܗܘܘܢ ܥܡܗܘܢ܂܂܂72ܿ3 ܒܪܡ ܕܝܢ ܡܡܠܠ ܗܘܐ ܥܡܗܘܢܿ ܒܟܠܝܘܡ
3:232.19	ܒܗܢܿܘܢ ܬܠܬܐ ܝܪ̈ܚܝܢ܂ ܘܟܕ ܕܝܢ ܩܪܒ ܦܨܚܐ ܝܬܝܪ ܡܢ ܪܒܘܬܐ ܐܥܡܕ
3:232.20	ܬܡܢ܂
3:232.21	73ܿ1 ܘܒܗܘܢ ܕܝܢ ܒܗܿܢܘܢ ܝܘܡ̈ܬܐ ܩܒܠ ܐܓܪܬܐ ܡܢ ܗܢܿܘܢ ܕܫܕܪ ܩܕܡܘܗܝ
3:232.22	ܕܗܿܢܝܢ ܣܘܥܪ̈ܢܘܗܝ ܒܝ̈ܫܐ ܕܣܝܡܘܢ ܡܘܕܥܐ ܗܘܬ܂ ܘܐܝܬ ܗܘܐ ܒܗܿ
3:232.23	ܕܝܢ ܒܐܓܪܬܐ ܕܐܝܟܢܐ ܗܘ ܣܝܡܘܢ ܡܢ ܝܘܡܐ ܕܡܢ ܩܣܪܝܐ ܢܦܩ܂ ܒܟܠ
3:232.24	ܡܕܝܢܐ ܡܛܥܐ ܠܟܢ̈ܫܐ܂ ܘܠܦܛܪܘܣ ܡܨܥܪ ܘܡܨܚܐ܂ ܘܣܘܓܐܐ ܐܓܪ
3:232.25	ܒܛܪܝܦܘܠܣ܂ 73ܿ2 ܘܟܠܗ ܕܝܢ ܥܘܬܕܗ ܗܢܐ ܗܘܐ ܕܡܐ ܕܐܬܚܙܝ ܗܼܘ
3:232.26	ܦܛܪܘܣ ܐܦ ܠܐ ܐܢܫ ܡܫܡܥܬܗ ܢܬܠ ܠܗ ܐܝܟ ܕܠܚܪܫܐ ܘܕܠܐ ܐܠܗܐ
3:232.27	ܘܡܨܥܪܐ ܘܚܪܥܐ ܘܗܕܝܘܛܐ܂ ܘܕܡܫܬܘܕܐ ܗܿܢܝܢ ܕܠܐ ܡܫܟܚ̈ܢ ܕܢܗܘ̈ܝܢ܂
3:232.28	ܘܐܼܡܪ ܕܡܝ̈ܬܐ ܩܝܡܝܢ ܗܕܐ ܠܡ ܕܠܐ ܡܫܟܚܐ܂ ܕܬܿܗܘܐ܂ 73ܿ3 ܘܡܢܣܐ ܠܡ
3:232.29	ܕܠܗܢܿܘܢ ܕܡܟܣܝܢ ܠܗ ܟܣܝܐܝܬ ܢܩܛܘܠ ܒܝܕ ܐܢܫܝܢ ܡܣܝܥ̈ܢܘܗܝ
3:232.30	ܕܡܛܠ ܗܕܐ ܠܡ ܐܢܐ ܙܟܝܬܗ ܘܦܪܣܝܬܗ ܘܡܢ ܢܟܠܗ ܕܚܠܬ ܘܥܪܩܬ
3:232.31	ܕܕܡ ܒܚܪ̈ܫܘܗܝ ܢܩܛܠܢܝ܂ ܐܘ ܟܣܝܐܝܬ ܠܩܛܠܐ ܢܫܠܡܢܝ܂ 74ܿ1 ܘܗܼܘ
3:232.32	ܗܟܝܠ ܦܛܪܘܣ ܟܕ ܗܼܘܐ ܦܨܚܐ ܩܕܡ ܝܘܡܐ ܐܚܪܝܐ ܩܪܗܿ ܠܐܓܪܬܐ ܠܗ
3:232.33	ܠܟܢܫܐ ܘܡܠܠ ܥܡܗܘܢ ܐܝܟܢܐ ܕܠܟܠ ܡܕܡ ܠܙܟܝ ܢܬܛܦܝܣܘܢ܂
3:232.34	ܗܿܘ ܕܡܢܗ ܐܦܣܩܘܦܐ ܐܬܣܝܡ ܠܗܘܢܿ 74ܿ2 ܘܗܝܕܝܢ ܐܓܥܠ ܠܗܘܢ ܠܩ̈ܫܝܫܐ
3:234.01	ܥܡ ܡܫܡܫ̈ܢܐ ܐܦ ܠܗܘܢ ܠܗ ܠܥܡܐ܂ ܘܐܝܟ ܕܘܿܠܐ ܗܘܐ ܘܙܕܩ܂ ܡܠܠ
3:234.02	ܥܡܗܘܢ ܘܦܩܿܕ ܐܢܘܢ ܘܐܡܼܪ ܠܗܘܢ ܕܒܛܪܝܦܘܠܣ ܡܣܬܐ ܐܢܐ܂
3:234.03	74ܿ3 ܘܗܟܢܐ ܕܝܢ ܗܿܢܝܢ ܡ̈ܠܐ ܕܬܡܢ ܓܠܝܐܝܬ ܩܕܡ ܟܠ ܐܢܫ ܡܛܠ ܐܢܫܝܢ
3:234.04	ܕܠܐ ܫܘܝܢ ܠܐ ܡܫܠܡܢܐܝܬ ܐܬܐܡܪ ܘܒܝܢܬܢ ܠܢ ܐܝܟ ܕܠܚܒܝܒ̈ܘܗܝ
3:234.05	ܫܡܠܝ ܐܢܝܢ 74ܿ4 ܘܕܐܟܬܘܒ ܐܢܝܢ ܦܩܿܕ ܠܝ ܒܛܘܡ̈ܣܐ ܘܐܫܕܪ ܐܢܝܢ
3:234.06	ܠܟ܂ 75ܿ1 ܕܡܢܗܘܢ ܗܘ ܛܘܡܣܐ ܩܕܡܝܐ ܐܝܬ ܒܗ ܥܠ ܫܪܪܗ ܕܢܒܝܐ܂
3:234.07	ܘܗܿܢܝܢ ܕܝܠܗ ܕܢܡܘܣܐ ܐܝܟܢܐ ܕܗܼܘ ܟܘܪܣܝܗ ܕܡܘܫܐ ܡܫܠܡ܂ 75ܿ2 ܘܗܿܘ
3:234.08	ܕܝܢ ܕܬܪ̈ܝܢ ܥܠ ܪܫܢܘܬܐ ܘܕܐܝܟܢܐ ܚܕܐ ܐܝܬܝܗܿ ܐܘ ܠܐ܂ ܘܕܠܐ ܛܥܐ ܠܗ
3:234.09	ܠܢܡܘܣܐ ܕܒܝܬ ܥܒܪ̈ܝܐ ܗܿܘ ܕܡܢ ܟܠ ܕܘܟܐ ܠܐ ܡܣܬܝܟ܂ 75ܿ3 ܘܗܿܘ
3:234.10	ܕܝܢ ܕܬܠܬܐ ܥܠ ܐܠܗܐ ܘܥܠ ܗܢܝܢ ܕܡܢܗ ܐܬܚܪܩ܂ 75ܿ4 ܘܗܿܘ ܕܝܢ
3:234.11	ܕܐܪ̈ܒܥܐ ܕܟܕ ܣ̈ܓܝܐܐ ܐܬܩܪܝܘ ܐܠܗ̈ܐ ܚܕ ܗܼܘ ܐܝܬܘܗܝ ܗܿܘ ܕܒܫܪܪܐ
3:234.12	ܐܠܗܐ ܗܼܘ ܐܝܟܢܐ ܕܡܣܗܕܝܢ ܟ̈ܬܒܐ ܐܠܗ̈ܝܐ܂ 75ܿ5 ܘܗܘ ܕܝܢ ܕܚܡ̈ܫܐ ܕܬܪܝܢ
3:234.13	ܐܝܬܝܗܘܢ ܒܠܚܘܕ ܫܡ̈ܝܐ܂ ܕܡܢܗܘܢ ܚܕ ܐܝܬܘܗܝ ܗܿܘ ܕܡܬܚܙܐ܂ ܗܘ ܕܐܦ
3:234.14	ܥܒܪ ܠܗ܂ ܘܗܿܘ ܕܝܢ ܐܚܪܢܐ܂ ܕܠܥܠܡ ܠܐ ܡܬܚܙܐ܂ 75ܿ6 ܘܗܿܘ ܕܝܢ ܕܫܬܐ
3:234.15	ܥܠ ܛܒܐ ܘܥܠ ܒܝܫܐ܂ ܥܠ ܛܒܐ ܕܝܢ ܕܒܘܠܝܬܐ ܠܗ ܡܢ ܐܒܐ
3:234.16	ܡܬܦܢܐ ܟܠܡܕܡ ܘܥܠ ܒܝܫܐ ܕܝܢ ܡܛܠ ܡܢܐ ܘܐܝܟܢܐ ܘܡܢ ܐܝܟܐ
3:234.17	ܘܕܡܥܕܪ ܗܼܘ ܠܗܿ ܠܛܒܬܐ ܒܨܒܝܢܗ ܒܝܫܐ܂ ܘܐܝܠܝܢ ܐܬܘ̈ܬܐ ܐܝܬܝܗܝܢ
3:234.18	ܕܛܒܐ܂ ܘܐܝܠܝܢ ܕܝܢ ܕܝܠܗ ܕܒܝܫܐ ܘܐܝܢܐ ܗܘ ܦܘܪܫܢܐ ܕܬܪܝܢܐ ܘܕܙ̈ܘܓܐ܂
3:234.19	75ܿ7 ܘܗܿܘ ܕܝܢ ܕܫܒ̈ܥܐ܂ ܥܠ ܗܿܢܝܢ ܕܗܿܢܘܢ ܬܪ̈ܥܣܪ ܐܣܗܕܘ ܩܕܡ ܥܡܐ
3:234.20	ܒܗ ܒܗܝܟܠܐ܂ 75ܿ8 ܘܗܿܘ ܕܝܢ ܕܬܡ̈ܢܝܐ ܥܠܝܗܝܢ ܕܡ̈ܠܘܗܝ ܕܡܠܦܢܐ ܘܕܢܒܝܐ
3:234.21	ܐܝܬܘܗܝ ܘܠܐ ܡܡܠܠ ܕܠܩܘܒܠܐ܂ ܐܠܐ ܐܣܬܒܪ ܘܥܡ ܗܢܝܢ ܫܪܝܗܝܢ
3:234.22	ܥܼܒܕ 75ܿ9 ܘܗܿܘ ܕܝܢ ܕܬܫ̈ܥܐ ܕܟܕ ܡܢ ܐܠܗܐ ܐܬܣܝܡ ܘܒܠܚܘܕ ܟܐܢܐ
3:234.23	ܐܝܬܘܗܝ ܒܟܠ ܡܕܡ ܗܘ ܫܝܢܐ ܘܫܠܡܐ ܕܡܢ ܪ̈ܚܡܐ ܡܫܟܚ ܕܢܩܝܡ܂
3:234.24	75ܿ10 ܘܗܿܘ ܕܝܢ ܕܥܣܪܐ ܡܠܬܐ ܕܥܠ ܝܠܕܐ ܐܝܬ ܒܗ܂ ܐܦ ܕܝܠܗ ܕܒܪ ܐܢܫܐ
3:234.25	ܕܡܢ ܡܝ̈ܐ ܗܿܝ ܕܐܝܬܝܗܿ ܡܥܡܘܕܝܬܐ ܥܠ ܒܪ ܐܢܫܐ ܕܝܢ ܕܡܢܘ ܝܘܒܠܐ
3:234.26	ܕܙܪܥܗ܂ ܘܡܢܘ ܗܼܝ ܡܠܬܐ ܕܢܦܫܐ ܕܝܠܗ ܘܕܐܝܟܢܐ ܒܪ ܚܐܪ̈ܐ ܘܫܠܝܛ
3:234.27	ܒܢܦܫܗ ܐܝܬܘܗܝ܂ ܘܕܐܦ ܠܐ ܐܝܬܘܗܝ ܕܛܒܐ ܢܗܘܐ ܒܫܪܪܐ܂ ܛܒܐ ܠܐ
3:234.28	ܐܝܬܘܗܝ܂ 75ܿ11 ܒܪܡ ܕܝܢ ܐܝܟ ܕܩܿܕܡܬ ܐܡܪܬ܂ ܟܕ ܢܦܼܩ ܡܢ ܬܡܢ ܛܘܡ̈ܣܐ
3:234.29	ܗܠܝܢ ܥܠ ܡ̈ܠܐ ܕܬܡܢ ܗ̈ܘܝ܂ ܐܦܣ ܠܝ ܕܠܟ ܐܫܕܪ ܐܢܘܢ 75ܿ12 ܘܒܩܘܕܡܐ
3:234.30	ܥܡ ܕ̈ܠܝܠܐ ܐܢܫܝܢ ܕܐܬܦܪܫܘ ܡܢ ܩܣܪܝܐ ܕܣܛܪܛܘܢ ܢܦܼܩ܂