← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 145

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


145:01 ܡܢ ܒܓܒܐ ܕܠܩܘܒܠܐ ܕܫܡܫܐ ܘܕܣܗܪܐ ܡܬܚܙܝܐ܂ ܚܘܓܬܐ ܕܝܼܢ ܚܕܪ̈ܘܗܝ
145:02 ܕܝܠܗ ܕܚܕ ܡܢ ܢܗܝܪ̈ܐ ܡܬܩܝܡܐ܂ ܙܠܓܐ ܕܝܢ ܐܝܬܘܗܝ ܝܚܝܕܝܐ ܕܢܘܪܐ ܕܡܢ
145:03 ܫܠܝ ܕܒܐܐܪ܂ ܡܢܗܘܢ ܕܝܢ ܕܙ̈ܠܓܐ ܡܙܕܢܩ̈ܝܢ ܡܢ ܫܠܝܼ܂ ܘܡܢܗܘܢ
145:04 ܡܟܬܪ̈ܝܢ܂ ܘܙܢܩܗܘܢ ܗܟܝܠ ܐܝܬܘܗܝܼ܂ ܡܘܠܕܐ ܕܢܘܪܐ ܕܡܢ ܫܘܦܐ
145:05 ܣܓܝܐܐ ܪܗܛܐ ܒܐܐܪ܂ ܘܠܐ ܡܚܘܝܐ ܝܬܗܿ ܐܝܟ ܕܐܝܬܝܗܿ ܡܛܠ ܩܠܝܠܘܬܗܿ܂
145:06 ܟܘܬܪܗܘܢ ܕܝܢ ܒܠܥܕ ܡܢ ܚܐܦܐ ܗܘܿܐ܂ ܘܐܝܬܘܗܝ ܒܡܬܝܚܘܬܐ ܐܪܝܟܬܐ
145:07 ܐܝܟ ܪܕܝܐ ܡܕܡ ܕܟܘܟܒܐ܂ ܐܢ ܗܼܘ ܕܝܢ ܕܢܬܦܬܐ ܗܢܐܼ܂ ܠܬܪ̈ܝܗܘܢ
145:08 ܓܒ̈ܐ ܩܘܡܛܣ ܡܬܩܪܐ܂ ܟܡܐ ܕܝܢ ܙܒ̈ܢܝܢ ܡܢܗܘܢ ܕܙܠܓ̈ܐ ܡܟܬܪ̈ܝܢ
145:09 ܙܒܢܐ ܢܓܝܪܐܼ܂ ܘܡܢܗܘܢ ܒܪܫܥܬܗ ܕܥܟ̈ܝܢ܂ ܣܓܝ̈ܐܐ ܕܝܢ ܐܦ ܙܢܝ̈ܐ
145:10 ܐܚܪ̈ܢܐ ܡܬܚܙܝܢ ܒܐܐܪ ܕܦܣܡܛܐ܂ ܐܟܙܢܐ ܕܗܿܢܘܢ ܕܡܫܬܡܗܝܢ ܠܡܦ̈ܝܕܐ
145:11 ܘܢܝܙܟ̈ܐ܂ ܘܚܨܒܐ ܘܥܡܩܘܩ̈ܝܬܐ܂ ܕܢܣܒ ܫܘܡܗܐ ܕܐܝܟ ܗܢܐ ܡܢ
145:12 ܕܘܡܝܐ ܕܝܠܗܝܢ ܕܨ̈ܒܘܬܐ ܗܠܝܢ܂ ܘܡܢܗܘܢ ܕܗܠܝܢ ܐܝܬܝܗܘܢܼ ܡܥܪ̈ܒܝܐ܂
145:13 ܘܡܢܗܘܢ ܡܕܢܚܝ̈ܐ܂ ܘܡܢܗܘܢ ܠܘܬ ܦܠܓܘܬ ܫܡܝܐ ܡܬܚܙܝܢ܂ ܡܙܠܗܙܐܝܬ
145:14 ܕܝܢ ܘܚܕܐ ܠܪܒܐ ܒܓܪܒܝܐ܂ ܐܦ ܒܬܝܡܢܐ ܐܬܚܙܝ ܡܕܡ ܕܐܝܟ ܗܠܝܢ܂
145:15 ܟܘܠܗܝܢ ܕܝܢ ܗܠܝܢ܂ ܕܠܐ ܩܝܡ ܐܝܬܝܗܝܼܢ ܘܕܠܐ ܛܟܣܐ܂ ܡܛܠ ܕܠܐ
145:16 ܐܬܚܙܝ ܡܕܡ ܡܢܗܘܢ ܠܓܘܐ܂ ܕܒܟܠܙܒܢ ܩܒܝܥ ܘܡܫܪܪ ܘܐܝܬܘܗܝ܂܀
145:17 ܨܒܘ̈ܬܐ ܗܟܝܠ ܐܝܕܝܥ̈ܬܐ ܗܠܝܢ ܐܝܬܝܗܝܢ܂ ܩܢܼܝܐ ܓܝܪ ܐܦ ܐܪܥܐ
145:18 ܒܓܘܗܿ܂ ܐܟܙܢܐ ܕܡܒܘ̈ܥܐ ܕܡܝ̈ܐ܂ ܗܟܢܐ ܐܦ ܢܒܥܐ ܕܢܘܪܐ ܘܕܪܘܚܐ‍{‍܂‍}‍
145:19 ܕܡܢܗܘܢ܂ ܗܿܢܘܢ ܡܿܢ ܕܬܚܘܬ ܐܪܥܐ ܐܝܬܝܗܘܢܼ ܠܐ ܡܬܚܙܝܢ ܠܢ܂ ܗܢܿܘܢ
145:20 ܓܝܪ ܕܠܥܠ ܓܕܝܢ ܘܢܿܦܚܝܼܢ܂ ܡܬܚܙܝܢ ܠܢ ܘܐܝܬܝܗܘܢܼ ܣܓ̈ܝܐܐ ܐܝܟ
145:21 ܙܢܐ ܕܕܘܟܬܐ ܗܝܿ ܕܡܬܩܪܝܐ ܠܝܦܪܐ ܘܐܝܛܢܐ܂ ܘܗܿܢܘܢ ܬܘܒ ܕܒܓܙܪ̈ܬܐ
145:22 ܕܐܘܠܘܣ܂ ܡܢܗܘܢ ܕܝܢ ܟܡܐ ܙܒ̈ܢܝܢ ܐܦ ܡܪܕܐ ܪܕܝܢ܂ ܒܕܡܘܬ ܢܗܪܐ
145:23 ܡܕܡ܂ ܘܓܘܡܪ̈ܐ ܕܡܫܠܗ̈ܒܼܢ ܘܟܐܦ̈ܐ ܕܢܘܪ̈ܢܝܢ ܓܕܝܢ ܠܥܠ܂ ܗܿܢܘܢ
145:24 ܕܝܢ ܕܐܝܬܝܗܘܢ ܬܚܝܬ ܐܪܥܐ܂ ܡܐ ܕܩܪܒܝܢ ܠܡܒ̈ܘܥܐ ܕܡܝ̈ܐ܂ ܡܪܬܚܝܢ
145:25 ܠܗܘܢ ܠܗܠܝܢ܂ ܘܗܟܘܬ ܡܢܗܘܢ ܕܡܒܘ̈ܥܐ ܕܩܪܒܝܢ ܠܗܘܢܿ܂ ܪܕܝܢ ܟܕ
145:26 ܦܫܘܪ̈ܝܢ܂ ܘܡܢܗܘܢ ܟܕ ܪ̈ܬܚܝܢ ܛܒ܂ ܘܡܢܗܘܢ ܟܕ ܡܡܙܓܝܢ܂܀
145:27 ܒܗܿ ܕܝܢ ܒܕܡܘܬܐ ܐܦ ܗܿܢܘܢ ܢܒ̈ܥܐ ܕܪ̈ܘܚܐ ܣܓܝ̈ܐܐ ܒܟܠܕܘܟ ܒܐܪܥܐ
145:28 ܦܬܝܚܝܢ܂ ܘܡܢܗܘܢ ܠܡܩܨܡ ܥܿܒܕܝܢ ܠܗܘܢ ܠܐܝܠܝܢ ܕܩܪ̈ܒܝܢ ܠܬܡܢ܂
145:29 ܘܡܢܗܘܢ ܠܡܒܨܪ ܒܓܘܫܡܗܘܢ܂ ܘܡܢܗܘܢ ܠܡܬܢܒܝܘ ܥܠ ܐܝܠܝܢ
145:30 ܕܥܬܝܕܢ܂ ܐܝܟ ܙܢܐ ܕܒܒܝܬ ܣܓܕܬܐ ܗܝܿ ܕܡܬܩܪܝܐ ܕܕܠܦܘܣ܂ ܘܒܗܿܘ

next