← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


37:01 [ai]ܘܝܬܼܒ ܝܥܩܘܒ ܒܐܪܥܐ ܕܡܥܡܪܗ ܕܐܒܘܗܝ ܒܐܪܥܐ ܕܟܢܥܢ܂
37:02 [ai]ܘܗܠܝܢ ܬܘ̈ܠܕܬܗ ܕܝܥܩܘܒ܂ ܝܘܣܦ ܒܪ ܫܒܥܣܪܐ ‍<‍ܗܘܐ#3#‍>‍ ܫ̈ܢܝܢ܂ ܪܥܿܐ ܗܘܐ ܥܡ ܐܚ̈ܘܗܝ ܥܢܐ܂ ܘܗܼܘ ܪܒܿܐ ܗܘܐ ܥܡ ܒܢ̈ܝ ܙܠܦܐ ܘܥܡ ܒܢ̈ܝ ܒܠܗܐ܂ ܢܫ̈ܘܗܝ ܕܐܒܘܗܝ ܘܐܝܬܝ ܝܘܣܦ ܛܒܗܘܢ ܒܝܼܫܐ ܠܐܒܘܗܘܢ܂
37:03 [ai]ܘܐܝܣܪܝܠ ܪܚܿܡ ܗܘܐ ܠܗ/#3#/ ܠܝܘܣܦ ܝܬܝܪ ܡܢ ܟܠܗܘܢ ܒܢ̈ܘܗܝ܂ ܡܛܠ ܕܒܪ ܣܝܒܘܬܐ ܗܘܐ ܠܗ܂ ܘܥܒܕ ܠܗ ܟܘܬܝܢܐ ܕܦܕܝ̈ܬܐ܂
37:04 [ai]ܘܚܙܘ ܐ̈ܚܘܗܝ ܕܠܗ ܪܚܿܡ ܗܘܐ ܐܒܘܗܘܢ ܝܬܝܪ ܡܢ ܟܠܗܘܢ ‍<‍ܒܢ̈ܘܗܝ#3#‍>‍ ܘܣܢܐܘܗܝ܂ ܘܠܐ ܐܫܟܚܘ ܠܡܡܠܠܘ ܥܡܗ ܫܠܡܐ܂
37:05 [ai]ܘܚܼܠܡ ܝܘܣܦ ܚܠܡܐ ܘܚܘܝܗ ܠܐ̈ܚܘܗܝ܂ ܘܐܘܣܦܘ ‍<‍ܬܘܒ#3#‍>‍ ܠܡܣܢܝܗ܂
37:06 [ai]ܘܐܡܼܪ ܠܗܘܢ܂ ܫܡܼܥܘ ܚܠܡܐ ܗܢܐ ܕܚܿܠܡܬ܂
37:07 [ai]ܗܐ ܚܢܢ ܐܿܣܪܝܢܢ ܟ̈ܦܐ ܒܓܘ ܚܩܠܐ܂ ܘܗܐ ܩܡܬ ܟܦܝ ܘܐܙܕܩܼܦܬ܂ ܘܗܐ ܚܕܪ̈ܢ ܟܦܝ̈ܟܘܢ ܘܣܓܕܢ ܠܟܦܝ܂
37:08 [ai]ܘܐܡܪܘ ܠܗ ܐܚ̈ܘܗܝ܂ ܡܡܠܟܘ ܡܡܠܟ ܐܢܬ ܥܠܝܢ ܐܘ ܡܫܿܬܠܛܘ ܡܫܬܿܠܛ ܐܢܬ ܒܢ܂ ܘܐܘܣܦܘ ܬܘܒ/#3#/ ܠܡܣܢܝܗ ܥܠ ܚ̈ܠܡܘܗܝ ܘܥܠ ܦܬ̈ܓܡܘܗܝ܂
37:09 [ai]ܘܚܼܠܡ ܬܘܒ ܚܠܡܐ ܐܚܪܢܐ܂ ܘܐܫܬܥܝܗ ܠܐ̈ܚܘܗܝ ܘܐܡܼܪ ܠܗܘܢ/#3#/܂ ܗܐ ܚܠܡܐ ܚܿܠܡܬ ܬܘܒ܂ ܘܗܐ ܫܡܫܐ ܘܣܗܪܐ ܘܚܕܥܣܪ ܟܘܟܒ̈ܝܢ ܣܓܕܝܢ ܠܝ܂
37:10 [ai]ܘܐܫܬܥܝ ܠܐܒܘܗܝ ܘܠܐܚ̈ܘܗܝ܂ ܘܟܐܐ ܒܗ ܐܒܘܗܝ ܘܐܡܼܪ ܠܗ܂ ܡܢܘ ܚܠܡܐ ܗܢܐ ܕܚܼܠܡܬ܂ ܡܐܬܐ ܢܐܬܐ ܐܢܐ ܘܐܡܟ ܘܐܚ̈ܝܟ ܠܡܣܓܕ ܠܟ ܥܠ ܐܪܥܐ܂
37:11 [ai]ܘܛܢܘ ܒܗ ܐ̈ܚܘܗܝ܂ ܘܐܒܘܗܝ ܢܿܛܪ ܗܘܐ ܦܬܓܡ̈ܐ ‍<‍ܗܠܝܢ#3#‍>‍܂
37:12 [ai]ܘܐܙܠܘ ܐܚ̈ܘܗܝ ܕܝܘܣܦ/#3#/ ܠܡܪܥܐ ܥܢܐ ܕܐܒܘܗܘܢ ܒܫܟܝܡ܂
37:13 [ai]ܘܐܡܼܪ ܐܝܣܪܝܠ/ܝܥܩܘܒ#3#/ ܠܝܘܣܦ܂ ܗܐ ܐ̈ܚܝܟ ܪܥܿܝܢ ܒܫܟܝܡ܂ ܬܐ ܐܫܕܪܟ ܠܘܬܗܘܢ܂ ܘܐܡܼܪ ܠܗ ܗܐ ܐܢܐ܂
37:14 [ai]ܘܐܡܼܪ ܠܗ ܐܒܘܗܝ/#3#/܂ ܙܠ ܚܙܝ ܫܠܡܐ ܕܐ̈ܚܝܟ ܘܫܠܡܐ ܕܥܢܐ ܘܐܬܝܒܝܢܝ ܦܬܓܡܐ܂ ܘܫܕܪܗ ܝܥܩܘܒ ܡܢ \ܥܘܡܩܐ ܕܚܒܪܘܢ /ܚܒܪܘܢ#3#/ ܘܐܬܼܐ ܠܫܟܝܡ܂
37:15 [ai]ܘܐܫܟܚܗ ܓܒܪܐ ܟܕ ܛܥܿܐ ܒܚܩܠܐ܂ ܘܫܐܠܗ ܓܒܪܐ ܗܿܘ/#3#/ ܘܐܡܼܪ ܠܗ/#3#/܂ ܡܢܐ ܒܿܥܐ ܐܢܬ܂
37:16 [ai]ܘܐܡܼܪ ܠܐܚ̈ܝ ܒܿܥܐ ܐܢܐ܂ ܚܘܢܝ ܐܝܟܐ ܪܥܿܝܢ܂
37:17 [ai]ܐܡܿܪ ܠܗ/#3#/ ܓܒܪܐ܂ ܫܩܼܠܘ ܠܗܘܢ ܡܟܐ܂ ܘܫܡܿܥܬ ܕܐܡܪ̈ܝܢ܂ ܢܐܙܠ ܠܕܘܬܢ܂ ܘܐܼܙܠ ܝܘܣܦ ܒܬܪ ܐܚ̈ܘܗܝ܂ ܘܐܫܟܚ ܐܢܘܢ ܒܕܘܬܢ܂
37:18 [ai]ܘܚܙܐܘܗܝ ܡܢ ܪܘܚܩܐ܂ ܘܥܕܠܐ ܢܬܩܪܒ/ܢܩܪܘܒ#3#/ ܠܘܬܗܘܢ܂ ܡܬܚܫܒܝܢ ܗܘܘ ܥܠܘܗܝ ܠܡܩܛܠܗ܂
37:19 [ai]ܘܐܡܪܘ ܓܒܪ ܠܐܚܘܗܝ܂ ܗܐ ܚܿܠܡ ܚ̈ܠܡܐ ܗܘ ܐܬܐ܂
37:20 [ai]ܬܘ ܢܩܛܼܠܝܘܗܝ ܘܢܪܡܝܘܗܝ ܒܚܕ ܡܢ ܓܘܒ̈ܐ܂ ܘܢܐܡܪ ܕܚܝܘܬܐ ܒܝܫܬܐ ܐܟܠܬܗ܂ ܘܢܚܙܐ ܡܢܐ ܗܿܘܐ ܠܚ̈ܠܡܘܗܝ܂
37:21 [ai]ܘܫܡܼܥ ܪܘܒܝܠ ܘܦܨܝܗ ܡܢ ܐ̈ܝܕܝܗܘܢ܂ ܘܐܡܼܪ ܠܗܘܢ/#3#/܂ ܠܐ ܢܩܛܘܠ ܢܦܫܐ܂
37:22 [ai]ܘܐܡܼܪ ܠܗܘܢ ܪܘܒܝܠ܂ ܠܐ ܬܐܫܕܘܢ ܕܡܐ܂ ‍<‍ܐܠܐ#3#‍>‍ ܐܪܡܐܘܗܝ ܒܓܘܒܐ ܗܢܐ ܕܒܡܕܒܪܐ܂ ܘܐܝܕܐ ܠܐ ܬܘܫܛܘܢ ܒܗ܂ ܕܢܦܨܝܘܗܝ ܡܢ ܐ̈ܝܕܝܗܘܢ ܘܢܗܦܟܝܘܗܝ ܠܐܒܘܗܝ܂
37:23 [ai]ܘܟܕ ܐܬܼܐ ܝܘܣܦ ܠܘܬ ܐ̈ܚܘܗܝ܂ ܐܫܠܚܘܗܝ ܟܘܬܝܢܐ ܕܦܕܝ̈ܬܐ ܕܠܒܝܫ ܗܘܐ܂
37:24 [ai]ܘܢܣܒܘܗܝ ܘܐܪܡܝܘܗܝ ܒܓܘܒܐ܂ ܘܓܘܒܐ ܣܪܝܩ ܗܘܐ ܘܠܝܬ ‍<‍ܗܘܐ#3#‍>‍ ܒܗ ܡ̈ܝܐ܂
37:25 [ai]ܘܝܬܒܘ ܠܡܼܐܟܠ ܠܚܡܐ܂ ܘܐܪܝܡܘ ܥܝܢ̈ܝܗܘܢ ܘܚܙܝܢ܂ ܘܗܐ ܫܝܪܬܐ ܕܥܪ̈ܒܝܐ ܐܬܝܐ ܡܢ ܓܠܥܕ ܘܓܡ̈ܠܝܗܘܢ ܛܥܝܢܝܢ܂ ܪ̈ܗܛܢܐ ܘܨܪܘܐ ܘܒ̈ܛܡܐ܂ ܘܐܙܠܝܢ ܠܡܘܒܠܘ ܠܡܨܪܝܢ܂
37:26 [ai]ܘܐܡܼܪ ܝܗܘܕܐ ܠܐ̈ܚܘܗܝ܂ ܡܢܐ ܝܘܬܪܢܐ ܕܢܩܛܘܠ ܠܐܚܘܢ܂ ܘܢܟܣܐ ܕܡܗ܂
37:27 [ai]ܬܘ ܢܙܒܢܝܘܗܝ ܠܥܪ̈ܒܝܐ܂ ܘܐܝܕܢ ܠܐ ܬܗܘܐ ܒܗ܂ ܡܛܠ ܕܐܚܘܢ ܗܘ ܘܒܣܪܢ܂ ܘܫܡܥܘ ܡܢܗ ܐ̈ܚܘܗܝ܂
37:28 [ai]ܘܥܒܪܘ ܓܒܪ̈ܐ ܬܓܪ̈ܐ ܡܕܝܢ̈ܝܐ܂ ܘܢܓܼܕܘ ܐܣܩܘܗܝ ܠܝܘܣܦ ܡܢ ܓܘܒܐ܂ ܘܙܒܢܘܗܝ ܠܝܘܣܦ ܠܥܪ̈ܒܝܐ ܒܥܣܪ̈ܝܢ ܕܟܣܦܐ܂ ܘܐܝܬܝܘܗܝ ܠܡܨܪܝܢ܂
37:29 [ai]ܘܗܼܦܟ ܪܘܒܝܠ ܠܓܘܒܐ܂ ܘܗܐ ܠܝܬ ܒܗ ܝܘܣܦ܂ ܘܨܪܝ ܠܒܼܘܫ̈ܘܗܝ܂
37:30 [ai]ܘܗܦܟ ܠܘܬ ܐ̈ܚܘܗܝ܂ ܘܐܡܼܪ ܠܗܘܢ/#3#/܂ ܛܠܝܐ ܐܝܟܘ/ܠܝܬܘܗܝ#3#/܂ ܐܢܐ ܠܐܝܟܐ ܐܿܙܠ ܐܢܐ܂
37:31 [ai]ܘܢܣܒܘܗܿ ܠܟܘܬܝܢܗ ܕܝܘܣܦ܂ ܘܢܟܣܘ ܨܦܪܝܐ ܕܥܙ̈ܐ܂ ܘܦܠܦܠܘܗܿ ܠܟܘܬܝܢܐ ܒܕܡܗ܂
37:32 [ai]ܘܫܕܪܘܗܿ/ܘܫܩܠܘܗܿ#3#/ ܠܟܘܬܝܢܐ ܕܦܕ̈ܝܬܐ܂ ܘܐܝܬܝܘܗܿ ܠܐܒܘܗܘܢ܂ ܘܐܡܪܘ ܗܕܐ ܐܫܟܚܢ܂ ܐܫܬܘܕܥ ܟܘܬܝܢܐ ܐܢ ܕܒܪܟ ܗܝ ܐܘ ܠܐ܂
37:33 [ai]ܘܐܫܬܘܕܥܗܿ ܘܐܡܼܪ܂ ܟܘܬܝܢܐ ܕܒܪܝ ܗܝ܂ ܚܝܘܬܐ ܒܝܫܬܐ ܐܟܠܬܗ܂ ܡܬܒܪ ܬܒܝܪ ܝܘܣܦ ܒܪܝ܂
37:34 [ai]ܘܨܪܝ ܝܥܩܘܒ ܠܒ̈ܘܫܘܗܝ ܘܐܣܪ ܣܩܐ ܒܚܨ̈ܘܗܝ܂ ܘܐܬܐܒܠ ܥܠ ܒܪܗ ܝܘܡ̈ܬܐ ܣ̈ܓܝܐܐ܂
37:35 [ai]ܘܩܡܘ ܟܠܗܘܢ ܒܢ̈ܘܗܝ ܘܟܠܗܝܢ ܒܢ̈ܬܗ ܠܡܒܝܐܘܬܗ܂ ܘܠܐ ܨܒܼܐ ܠܡܬܒܝܐܘ ܘܐܡܼܪ܂ ܐܚܘܬ ܥܠ ܒܪܝ ܟܕ ܐܒܝܠ ܐܢܐ ܠܫܝܘܠ܂ ܘܒܟܝܗܝ ܐܒܘܗܝ܂
37:36 [ai]ܘܡܕܝܢ̈ܝܐ ܙܒܢܘܗܝ ܒܡܨܪܝܢ܂ ܠܦܘܛܝܦܪ ܡܗܝܡܢܐ ܪܒ ܕܚܫ̈ܐ ܕܦܪܥܘܢ܂

next chapter