← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62007: P Ju

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܘܢܚܬ ܫܡܫܘܢ ܠܬܡܢܬ܂ ܘܚܙܐ ܐܢܬܬܐ ܒܬܡܢܬ ܡܢ ܒ̈ܢܬ ܦܠܫܬ̈ܝܐ܂
14:02 [ai]ܘܣܠܩ ܘܚܘܝ ܠܐܒܘܗܝ ܘܠܐܡܗ ܘܐܡܪ ܠܗܘܢ܂ ܐܢܬܬܐ ܚܙܝܬ ܒܬܡܢܬ ܡܢ ܒܢ̈ܬ ܦܠܫ̈ܬܝܐ܂ ܗܫܐ ܣܒܘܗ ܠܝ ܐܢܬܬܐ܂
14:03 [ai]ܘܐܡܪܘ ܠܗ ܐܒܘܗܝ ܘܐܡܗ܂ ܠܝܬ ܗܪܟܐ ܒܒܝܬ ܐܒܘܟ ܘܒܟܠܗ ܥܡܟ ܐܢܬܬܐ܂ ܕܐܙܠ ܐܢܬ ܠܡܣܒ ‍<‍ܠܟ#3#‍>‍ ܐܢܬܬܐ ܡܢ ܒܢ̈ܬ ܦܠܫ̈ܬܝܐ ܥܘܪ̈ܠܐ܀܀ ܘܐܡܪ ܫܡܫܘܢ ܠܐܒܘܗܝ ܠܗܝ ܣܒܘ ܠܝ ܡܛܠ ܕܗܝ ܫܦܪܬ ܒܥܝ̈ܢܝ܂
14:04 [ai]ܘܐܒܘܗܝ ܘܐܡܗ ܠܐ ܝܕܥܝܢ ܗܘܘ ܕܡܢ ܡܪܝܐ ܗܝ܂ ܕܢܬܬܒܥ ܥܝܪܬܐ ܡܢ ܦܠܫ̈ܬܝܐ܂ ܘܒܙܒܢܐ ܗܘ ܦܠܫ̈ܬܝܐ ܫܠܝܛܝܢ ܗܘܘ ܥܠ ܐܝܣܪܝܠ܂
14:05 [ai]ܘܢܚܬ ܫܡܫܘܢ ܘܐܒܘܗܝ ܘܐܡܗ ܠܬܡܢܬ܂ ܘܡܛܝܘ ܥܕܡܐ ܠܟܪ̈ܡܐ ܕܬܡܢܬ܂ ܘܗܐ ܓܘܪܝܐ ܕܐܪܝܐ ܢܗܡ ܠܩܘܒܠܗ܂
14:06 [ai]ܘܐܨܠܚܬ ܥܠܘܗܝ ܪܘܚܗ ܕܡܪܝܐ܂ ܘܦܫܚܗ ܐܝܟ ܕܡܦܫܚܝܢ/ܕܦܫܚܝܢ#3#/ ܠܓܕܝܐ܂ ܘܠܐ ܐܝܬ ܗܘܐ ܡܕܡ ܒܐܝܕܗ܂ ܘܠܐ ܚܘܝ ܗܘܐ ܠܐܒܘܗܝ ܘܠܐܡܗ ܡܕܡ ܕܥܒܕ܂
14:07 [ai]ܘܢܚܬܘ ܘܡܠܠܘ ܥܡ ܐܢܬܬܐ܂ ܘܫܦܪܬ ܒܥܝܢ̈ܘܗܝ ܕܫܡܫܘܢ܀܀
14:08 [ai]ܘܗܦܟ ܡܢ ܒܬܪ ܝܘܡ̈ܬܐ ܠܡܣܒܗܿ܂ ܘܣܛܐ ܠܡܚܙܐ ܬܓܪܘܡܬܐ ܕܐܪܝܐ܂ ܘܗܐ ܫܠܚܐ ܕܕܒܘܪ̈ܝܬܐ ܒܓܘܫܡܗ ܕܐܪܝܐ ܗܘ܂
14:09 [ai]ܘܪܕܐ ܕܒܫܐ ܥܠ ܐ̈ܝܕܘܗܝ ܘܡܗܠܟ܂ ܘܐܙܠ ܠܘܬ ܐܒܘܗܝ ܘܠܘܬ ܐܡܗ܂ ܘܝܗܒ ܠܗܘܢ ܘܐܟܠܘ܂ ܘܠܐ ܚܘܝ ܐܢܘܢ ܕܡܢ ܓܘܫܡܗ ܕܐܪܝܐ ܪܕܐ ܕܒܫܐ܂
14:10 [ai]ܘܢܚܬ ܐܒܘܗܝ ܠܘܬ ܐܢܬܬܐ܂ ܘܥܒܕ ܬܡܢ ܫܡܫܘܢ ܡܫܬܘܬܐ ܫܒܥܐ ܝܘܡ̈ܝܢ܂ ܡܛܠ ܕܗܟܢܐ ܥܒܕܝܢ ܗܘܘ ܓܕܘ̈ܕܐ ܡܫܬܘܬܐ܂
14:11 [ai]ܘܟܕ ܚܙܐܘܗܝ ܐܬܘ ܬܠܬܝܢ ܓܒܪ̈ܝܢ ܘܗܘܘ ܠܗ ܫܘܫ̈ܒܝܢܐ܂
14:12 [ai]ܘܐܡܪ ܠܗܘܢ ܫܡܫܘܢ܂ ܐܚܕ ܐܢܐ ܠܟܘܢ ܐܘܚܕܬܐ܂ ܐܢ ܬܦܫܪܘܢܗܿ/ܬܦܪܫܘܢܗ#2#/ ܠܝ ܫܒܥܐ \ܝܘܡ̈ܝ ܡܫܬܘܬܐ /ܝ̈ܘܡܝܢ ܕܡܫܬܘܬܐ#3#/ ܘܬܕܥܘܢܗܿ܂ ܐܬܠ ܠܟܘܢ ܬܠܬܝܢ ܐܦܩܪ̈ܣܝܢ ܘܬܠܬܝܢ ܙܘ̈ܓܝܢ ܕܠܒܘܫ̈ܐ܂
14:13 [ai]ܘܐܠܐ ܐܫܟܚܬܘܢ ܕܬܦܫܪܘܢܗܿ/ܕܬܦܫܪܘܢܗ#2#/ ܠܝ܂ ܝܗܒܝܢ ܐܢܬܘܢ ܠܝ ܬܠܬܝܢ ܐܦܩܪ̈ܣܝܢ܂ ܘܬܠܬܝܢ ܙܘ̈ܓܝܢ ܕܠܒܘܫ̈ܐ܂ ܐܡܪ̈ܝܢ ܠܗ ܐܚܘܕ/ܐܡܪ#3#/ ܐܘܚܕܬܟ ܘܢܫܡܥܝܗ܂
14:14 [ai]ܐܡܪ ܠܗܘܢ܂ ܡܢ ܐܟܠܐ ܢܦܩ ܐܘܟܠܐ܂ ܘܡܢ ܡܪܝܪܐ ܢܦܩ ܚܠܝܐ܂ ܘܠܐ ܐܫܟܚܘ ܠܡܦܫܪܗܿ/ܠܡܦܪܫܗ#2#/ ܐܘܚܕܬܐ/ܠܐܘܚܕܬܐ#3#/ ܬܠܬܐ ܝܘܡ̈ܝܢ܂
14:15 [ai]ܘܒܝܘܡܐ ܪܒܝܥܝܐ܂ ܐܡܪܝܢ ܠܐܢܬܬܗ ܕܫܡܫܘܢ܂ ܫܕܠܝܘܗܝ ܠܒܥܠܟܝ ܕܢܘܕܥܢ ܐܘܚܕܬܗ܂ ܕܠܐ ܢܘܩܕܟܝ ܠܟܝ ܘܠܒܝܬ ܐܒܘܟܝ ܒܢܘܪܐ܂ ܘܢܐܪܬ ܝܘܪܬܢܗ܂
14:16 [ai]ܘܒܟܬ ܐܢܬܬܗ ܕܫܡܫܘܢ ܘܐܡܪܐ ܠܗ܂ ܫܪܝܪܐܝܬ ܣܢܝܬܢܝ ܘܠܐ ܪܚܡܬܢܝ܂ ܕܐܘܚܕܬܐ ܕܐܚܕܬ ܠܒܢ̈ܝ ܥܡܝ ܠܝ ܠܐ ܐܡܪܬܗܿ܂ ܘܐܡܪ ܠܗܿ܂ ܠܐܒܝ ܘܠܐܡܝ ܠܐ ܐܡܪܬ܂ ܠܟܝ ܐܡܪ܂
14:17 [ai]ܘܗܘܬ ܒܟܝܐ/ܒܥܝܐ#3#/ ܗܢܘܢ ܫܒܥܐ ܝܘܡ̈ܝܢ ܕܡܫܬܘܬܐ܂ ܘܠܝܘܡܐ ܕܫܒܥܐ ܐܡܪ ܠܗܿ܂ ܡܛܠ ܕܐܥܝܩܬ ܠܗ܂ ܘܓܠܬܗܿ ܐܘܚܕܬܐ ܠܒ̈ܢܝ ܥܡܗܿ܂
14:18 [ai]ܘܐܡܪ̈ܝܢ ܐܢܫ̈ܝ ܩܪܝܬܐ ܒܝܘܡܐ ܕܫܒܥܐ ܥܕܠܐ ܢܥܘܠ ܬܘܩܢܐ܂ ܡܢܘ ܕܚܠܐ ܡܢ ܕܒܫܐ܂ ܐܘ ܡܢܐ ܗܘ ܕܬܩܝܦ ܡܢ ܐܪܝܐ܂ ܐܡܪ ܠܗܘܢ ܫܡܫܘܢ܂ ܐܠܘ ܠܐ ܫܕܠܬܘܢ ܥܓܠܬܝ ܠܐ ܦܫܪܬܘܢ ܐܘܚܕܬܝ܂
14:19 [ai]ܘܐܨܠܚܬ ܥܠܘܗܝ ܪܘܚܗ ܕܡܪܝܐ/ܕܐܠܗܐ#3#/܂ ܘܢܚܬ ܠܐܫܩܠܘܢ܂ ܘܐܚܕ ܡܢܗܘܢ ܬܠܬܝܢ ܓܒܪ̈ܝܢ܂ ܘܩܛܠ ܐܢܘܢ܂ ܘܢܣܒ ܠܒ̈ܘܫܝܗܘܢ ܘܝܗܒ ܠܗܢܘܢ ܕܦܫܪܘ ܐܘܚܕܬܗ܂ ܘܐܬܚܡܬ ܪܘܓܙܗ܂ ܘܣܠܩ ܠܒܝܬ/ܠܘܬ#3#/ ܐܒܘܗܝ܂
14:20 [ai]ܘܗܘܬ ܐܢܬܬܗ ܕܫܡܫܘܢ ܕܪܚܡ ܗܘܐ ܠܗܿ܂ ܠܫܘܫܒܝܢܗ܀܀܂

next chapter