← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


41:01 [ai]ܫܬ̈ܘܩܝܢ ܓܙܪ̈ܬܐ܂܂ ܘܐܡ̈ܘܬܐ ܢܚ̈ܠܦܢ ܚܝܠܐ܂ ܢܩܪ̈ܒܢ ܘܗܝܕܝܢ ܢܡ̈ܠܠܢ܂ ܘܐܟܚܕܐ ܠܕܝܢܐ ܢܩܪ̈ܒܢ܂
41:02 [ai]ܡܢܘ/ܡܿܢ#3#/ ܐܥܝܪ ܙܕܝܩܘܬܐ ܡܢ ܡܕܢܚܐ ܘܩܪܗܿ ܠܪܓܠܗ܂ ܢܫܬܠܡܘܢ ܩܕܡܘܗܝ ܥܡ̈ܡܐ܂ ܘܡ̈ܠܟܐ ܢܬܘܪܘܢ܂ ܢܬܠ ܐܝܟ ܥܦܪܐ ܚܪܒܗ܂ ܘܐܝܟ ܩܫܬܐ ܕܢܿܬܪܐ/ܬܒܝܪܬܐ#3#/ ܩܫܬܗ
41:03 [ai]ܢܪܕܘܦ ܐܢܘܢ ܘܢܥܒܕ ܫܠܡܐ܃ ܘܐܘܪܚܐ ܒܪ̈ܓܠܘܗܝ ܠܐ ܢܥܠ܂
41:04 [ai]ܡܢܘ ܥܬܕ ܘܥܒܕ܂ ܡܿܢ ܕܩܪܐ ܠܕܪ̈ܐ ܡܢ ܪܫܝܬܐ܂ ܐܢܐ ܐܢܐ ܡܪܝܐ ܩܕܡܝܐ ܘܐܚܪܝܐ ܐܢܐ ܐܢܐ܂
41:05 [ai]ܚ̈ܙܝܢܝ ܓܙܪ̈ܬܐ ܘܕܚܠܘ ܣܘ̈ܦܝܗܿ ܕܐܪܥܐ܂ ܕܚܠܘ ܘܩܪܒܘ ܘܐܬܘ܂
41:06 [ai]ܘܓܒܪ ܠܚܒܪܗ ܡܥܕܪܝܢ܂ ܘܠܐܚܘܗܝ ܐܡܿܪ ܐܬܚܝܠ܂
41:07 [ai]ܘܠܒܒ \ܢܓܪܐ ܠܩܝܢܝܐ /ܩܝܢܝܐ ܠܢܓܪܐ#3#/܃ ܕܐܿܪܫ ܒܩܘܪܢܣܐ/ܩܘܪܢܣܐ#3#/ ܘܦܠܚ܃ ܘܐܡܿܪ ܥܠ ܕܒܩܐ ܕܫܦܝܪ ܗܘ܂ ܘܩܿܒܥܝܢ ܠܗ ܒܨ̈ܨܐ ܕܠܐ ܢܬܬܙܝܥ܂
41:08 [ai]ܗܫܐ ܐܝܣܪܝܠ ܥܒܕܝ ‍<‍ܐܢܬ#3#‍>‍܂ ܝܥܩܘܒ ܕܓܒܝܿܬܟ ‍<‍ܘܠܐ ܐܣܠܝܬܟ#3#‍>‍܃ ܙܪܥܗ ܕܐܒܪܗܡ ܪܚܡܝ
41:09 [ai]ܕܚܝܿܠܬܟ܃ ܡܢ ܣܘ̈ܦܝܗܿ ܕܐܪܥܐ ܘܡܢ ܕܘܩ̈ܝܗܿ ܩܪܝܿܬܟ܂ ܘܐܡܿܪܬ ܠܟ ܥܒܕܝ/ܕܥܒܕܝ#3#/ ܐܢܬ܂ ܓܒܝܿܬܟ ܘܠܐ ܐܣܠܿܝܬܟ܂
41:10 [ai]ܠܐ ܬܕܚܠ ܡܛܠ ܕܥܡܟ ܐܢܐ܂ ܘܠܐ ܬܬܪܗܒ ܡܛܠ ܕܐܢܐ ܐܢܐ ܐܠܗܟ/ܡܪܝܐ ܥܕܘܪܟ#3#/܂ ܚܝܿܠܬܟ ܐܦ ܥܿܕܪܬܟ܂ ܐܦ ܣܡܿܟܬܟ ܒܝܡܝܢܝ ܙܕܝܩܬܐ܂
41:11 [ai]ܢܒܗܬܘܢ ܘܢܿܚܦܪܘܢ ܐܝܠܝܢ ܕܣܩܿܪܝܢ ܠܟ܂ ܢܗܘܘܢ ܐܝܟ ܠܐ ܡܕܡ܂ ܘܢܐܒܕܘܢ ܓܒܪ̈ܐ ܕܢܨܿܝܢ ܥܡܟ܂
41:12 [ai]ܬܒܥܐ ܐܢܘܢ ܘܠܐ ܬܫܟܚ ܐܢܘܢ ܠܓܒܪ̈ܐ ܕܢܨܿܝܢ ܥܡܟ܂ ܢܗܘܘܢ ܐܝܟ ܕܠܐ/ܠܐ#3#/ ܐܝܬܝܗܘܢ ܓܒܪ̈ܐ ܕܡܬܟܬܫܝܢ ܥܡܟ܂
41:13 [ai]ܡܛܠ ܕܐܢܐ ܐܢܐ ܡܪܝܐ ܐܠܗܟ ܡܚܝܠܢܐ ܕܝܡܝܢܟ܂ ܐܡܿܪܬ ܠܟ ܠܐ/ܕܠܐ#3#/ ܬܕܚܠ܂ ܐܢܐ ܐܢܐ ܥܕܘܪܟ ‍<‍ܐܡܪ ܡܪܝܐ#3#‍>‍܀܀
41:14 [ai]ܠܐ ܬܕܚܠܝܢ ܬܘܠܥܗ ܕܝܥܩܘܒ܂ ܘܡܢܝܢܗ ܕܐܝܣܪܝܠ܂ ܐܢܐ ܐܢܐ ܥܕܘܪܟܝ ܐܡܿܪ ܡܪܝܐ܂ ܘܦܪܘܩܟܝ ܩܕܝܫܐ ܕܐܝܣܪܝܠ܂
41:15 [ai]ܗܐ ܥܒܿܕܬܟ ܐܝܟ ܓܪܓܪܐ ܚܕܬܐ ܕܫܚܿܩ ܘܡܕܩ ܬܕܘܫ ܛܘܪ̈ܐ ܘܬܕܩ܂ ܘܪ̈ܡܬܐ ܬܥܒܕ ܐܝܟ ܥܘܪܐ܂
41:16 [ai]ܬܕܪܐ ܐܢܘܢ ܘܪܘܚܐ ܬܫܩܘܠ ܐܢܘܢ܂ ܘܥܠܥܠܐ ܬܒܕܪ ܐܢܘܢ܂ ܘܐܢܬ ܬܕܘܨ ܒܡܪܝܐ܃ ܘܒܩܕܝܫܐ ܕܐܝܣܪܝܠ ܬܫܬܒܚ܂
41:17 [ai]ܡܣ̈ܟܢܐ ܘܒܿܝܫ̈ܐ ܒܥܿܝܢ ܡ̈ܝܐ ܘܠܝܬ܂ ܘܠܫܢܗܘܢ ܒܨܗܝܐ ܝܒܫ܂ ܐܢܐ ܡܪܝܐ ܐܥܢܐ ܐܢܘܢ܂ ܐܠܗܗ ܕܐܝܣܪܝܠ ܘܠܐ ܐܫܒܘܩ ܐܢܘܢ܂
41:18 [ai]ܐܦܬܚ ܢܗܪ̈ܘܬܐ ܒܛܘܪ̈ܐ܃ ܘܒܓܘ ܦܩ̈ܥܬܐ ܡܒ̈ܘܥܐ܂ ܐܥܒܕ ܡܕܒܪܐ ܠܐܓܡ̈ܐ ܕܡ̈ܝܐ܂ ܘܐܪܥܐ ܨܗܝܬܐ ܠܡܒ̈ܘܥܐ ܕܡ̈ܝܐ܂
41:19 [ai]ܐܬܠ/ܐܥܒܕ#3#/ ܒܡܕܒܪܐ ܐܪ̈ܙܐ ܘܐܫܟܪ̈ܥܐ܂ ܘܐܣܐ ܘܩܝܣܐ ܕܡܫܚܐ܂ ܐܣܝܡ ܒܦܩܥܬܐ ܫܪ̈ܘܝܢܐ ܗܕܝܪ̈ܐ ܐܟܚܕܐ܂
41:20 [ai]ܕܢܚܙܘܢ ܘܢܕܥܘܢ ܘܢܬܒܝܢܘܢ ܘܢܣܬܟܠܘܢ ܐܟܚܕܐ܃ ܕܐܝܕܗ ܕܡܪܝܐ ܥܒܕܬ ܗܕܐ܃ ܘܩܕܝܫܐ ܕܐܝܣܪܝܠ ܒܪܗܿ܂
41:21 [ai]ܩܪܒܘ ܕܝܢ̈ܝܟܘܢ ܐܡܿܪ ܡܪܝܐ܂ ܩܪܒܘ ܬܪ̈ܥܝܬܟܘܢ ܐܡܿܪ ܡܠܟܗ ܕܝܥܩܘܒ܂
41:22 [ai]ܢܩܪܒܘܢ ܘܢܚܘܘܢ ܐܝܠܝܢ ܕܥܬ̈ܝܕܢ܂ ܩ̈ܕܡܝܬܐ ܡܢܐ ܐ̈ܢܝܢ ܚܘܐܘܢ܂ ܘܢܣܝܡ ܒܠܒܢ ܘܢܕܥ ܐܚܪܝܬܗܝܢ܂ ܐܘ ܕܐ̈ܬܝܢ ܐܫܡܥܘܢ܂
41:23 [ai]ܚܘܐܘܢ ܐܬ̈ܘܬܐ ܕܥܬ̈ܝܕܢ/ܒܥܬ̈ܝܕܢ#3#/܂ ܘܢܕܥ ܕܐ̈ܠܗܐ ܐܢܬܘܢ܂ ܐܦ ܡܛܐܒܝܢ ܐܢܬܘܢ ܐܦ ܡܒܐܫܝܢ ܐܢܬܘܢ܂ ܘܢܫܬܥܐ ܘܢܚܙܐ ܐܟܚܕܐ܂
41:24 [ai]ܗܐ ܐܢܬܘܢ ܠܐ ܡܕܡ ܐܢܬܘܢ܂ ܘܥܿܒ̈ܕܝܟܘܢ ܡܢ ܚܪܒܐ܂ ܘܛܢܦܘܬܐ ܗܝ ܓܒܝܬܟܘܢ/ܓܒܝܘܬܟܘܢ#2#/܀
41:25 [ai]ܐܥܝܿܪܬ ܡܢ ܓܪܒܝܐ܃ ܕܢܐܬܐ ܡܢ ܡܕܢܚ̈ܝ ܫܡܫܐ ܘܢܩܪܐ ܒܫܡܝ܂ ܘܢܐܬܘܢ ܫ̈ܠܝܛܐ/ܫ̈ܠܝܛܢܐ#3#/ ܘܢܬܕܝܫܘܢ܃ ܐܝܟ ܛܝܢܐ ܕܕܐܿܫ ܦܚܪܐ܂
41:26 [ai]ܡܢܘ ܕܢܚܘܐ ܡܢ ܪܫܝܬܐ܃ ܘܢܕܥ ܘܢܐܡܪ/ܕܢܐܡܪ#3#/ ܕܙܕܝܩ܂ ܠܝܬ ܕܡܚܘܐ ܐܦܠܐ ܕܡܫܡܥ܂ ܐܦ ܠܐ ܕܫܿܡܥ ܡ̈ܠܝܟܘܢ܂
41:27 [ai]ܪ̈ܫܝܬܐ ܕܨܗܝܘܢ ܗܠܝܢ ܐ̈ܢܝܢ܂ ܘܠܐܘܪܫܠܡ ܡܣܒܪܢܐ ܐܬܠ܂
41:28 [ai]ܚܪܬ ܘܠܝܬ ܐܢܫ ܕܡܬܪܥܐ ܥܠ ܗܠܝܢ ܕܐܫܐܠ ܐܢܘܢ ܘܢܬܠܘܢ ܠܝ ܦܬܓܡܐ܂
41:29 [ai]ܗܐ ܟܠܗܘܢ ܠܐ ܡܕܡ ܐܢܘܢ܂ ܘܥܿܒ̈ܕܝܗܘܢ ܣܪܝܩܝܢ܂ ܘܪܘܚܐ ܪܝܩܢܝܬܐ ܥܿܒ̈ܕܝܗܘܢ܂

next chapter