← Back
The Comprehensive Aramaic Lexicon
← Return to the Text Browser
click on the file description for more information
62021: P Na

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܗܐ ܥܠ ܛܘܪ̈ܐ ܪ̈ܓܠܘܗܝ ܕܡܣܒܪܢܐ܂ ܘܕܡܫܡܥ ܫܠܡܐ܂ ܥܒܕ ܝܗܘܕܐ ܥ̈ܐܕܝܟ/ܓܐܪ̈ܝܟ#2#/ ܘܫܠܡ ܢܕܪ̈ܝܟ܂ ܡܛܠ ܕܠܐ ܡܘܣܦ ܬܘܒ ܠܡܥܒܕ/ܠܡܥܒܪ#5#/ ܒܟ ܥܘܠܐ܂ ܡܛܠ ܕܟܠܗ ܐܒܕ܂
02:02 [ai]ܣܠܩ ܡܕܒܪܢܐ ܩܕܡܝܟ܂ ܘܢܛܪ ܡܛܪܬܐ ܘܚܐܪ ܐܘܪܚܐ܂ ܘܐܚܕ ܒܚܨܐ ܘܛܒ ܚܣܝܢ ܚܝܠܗ܂
02:03 [ai]ܡܛܠ ܕܡܦܢܐ ܐܢܐ/ܡܪܝܐ#1##2#/ ܐܝܩܪܗ ܕܝܥܩܘܒ ܐܝܟ ܐܝܩܪܗ ܕܐܝܣܪܝܠ܂ ܡܛܠ ܕܕܫܘ ܐܢܘܢ ܕܝܘܫ̈ܐ ܘܚܒܠܘ ܫܒ̈ܘܩܝܗܘܢ܂
02:04 [ai]ܣܟܪ̈ܐ ܕܓܢܒܪ̈ܝܗܘܢ ܡܣܡ̈ܩܢ܂ ܘܓܒܪ̈ܐ ܓܢܒܪ̈ܐ ܡܫܬܥܝܢ ܒܠܡܦܐ̈ܕܐ ܕܢܘܪܐ܂ ܘܒܡܪ̈ܟܒܬܐ ܒܝܘܡܐ ܕܡܬܛܝܒܝܢ܂ ܘܦܪ̈ܫܐ ܡܬܒܠܗܝܢ܂
02:05 [ai]ܘܒܫܡܐ/ܘܒܫ̈ܘܩܐ#5#/ ܡܫܬܒܚܝܢ ܒܡܪ̈ܟܒܬܗܘܢ ܘܡܫܬܒܗܪܝܢ܂ ܘܚܙܘܗܘܢ ܐܝܟ ܠܡܦܐ̈ܕܐ܂ ܘܐܝܟ ܒܪ̈ܩܐ ܪܗܛܝܢ܂
02:06 [ai]ܢܐܚܕܘܢ ܠܫ̈ܠܝܛܢܝܗܘܢ ܘܢܬܬܩܠܘܢ ܒܗ̈ܠܟܬܗܘܢ܂ ܘܢܣܬܪܗܒܘܢ ܠܫܘܪܐ ܘܢܛܝܒܘܢ ܥܥܝ̈ܬܐ܂܀
02:07 [ai]ܬܪ̈ܥܐ ܕܝܗܘܕܐ ܐܬܦܬܚܘ܂ ܘܗܝܟܠܐ ܙܥ܂
02:08 [ai]ܘܐܩܝܡܬ ܦܪ̈ܫܝܗܿ ܘܣܠܩܬ܂ ܘܐܡ̈ܗܬܗܿ ܡܢܗ̈ܡܢ ܗ̈ܘܝ ܒܠܒܝ̈ܗܝܢ ܐܝܟ ܝܘ̈ܢܐ܂
02:09 [ai]ܘܢܝܢܘܐ ܐܝܟ ܝܡܬܐ ܗܝ ܕܡ̈ܝܐ ܘܒܝܬ ܡ̈ܝܐ ܗܝ܂ ܘܗܢܘܢ ܥܪܩܝܢ܂ ܐܩܝܡܘ ܐܩܝܡܘ ܘܠܝܬ ܕܡܬܦܢܐ܂
02:10 [ai]ܒܙܘ ܣܐܡܐ ܘܒܙܘ ܕܗܒܐ܂ ܘܠܝܬ ܣܟܐ ܠܨܒܬܗܿ܂ ܥܫܝܢ̈ܝܢ ܟܠܗܘܢ ܡܐ̈ܢܐ ܕܪܓܬܗܿ܂
02:11 [ai]ܕܝܫܬܐ ܘܣܚܝܦܬܐ ܘܡܬܪܥܬܐ܂ ܘܠܒܐ ܬܒܝܪܐ ܘܦܘܪܩ ܒܘܪ̈ܟܐ܂ ܘܪܥܠܐ ܒܟܠ ܚܨ̈ܝܢ܂ ܘܐ̈ܦܝ ܟܠܗܘܢ ܐܟܘܡ ܐܝܟ ܫܘܚܪ̈ܐ ܕܩܕܪܐ܂
02:12 [ai]ܐܝܟܐ ܗܝ ܡܪܒܘܥܝܬܗܿ ܕܐܪܝܘܬܐ܂ ܘܒܝܬ ܪܥܝܐ ܕܓܘܪܝܐ ܕܐܪܝܘܬܐ/ܕܐܪ̈ܝܘܬܐ#5#/܂ ܕܐܙܠ ܐܪܝܐ ܠܡܥܠ ܠܬܡܢ܂ ܘܓܘܪܝܐ ܕܐܪܝܐ ܘܠܝܬ ܕܡܗܪ܂
02:13 [ai]ܐܪܝܐ ܬܒܪ ܡܣܬ ܡܐܟܘܠܬܐ ܕܓܪ̈ܘܗܝ܂ ܘܦܣܩ ܐܦ ܠܬܢܝ̈ܢܘܗܝ܂ ܘܡܠܐ ܢܩ̈ܥܘܗܝ ܘܡܪܒܘܥܝܬܗ ܬܒܪܐ܂
02:14 [ai]ܗܐ ܐܢܐ ܥܠܝܟܝ ܐܡܪ ܡܪܝܐ ܚܝܠܬܢܐ܂ ܘܐܘܒܕ ܒܬܢܢܐ ܟܢܫ̈ܝܟܝ܂ ܘܓܪ̈ܝܟܝ ܬܐܟܘܠ ܚܪܒܐ܂ ܘܐܘܒܕ ܡܢ ܐܪܥܐ ܬܒܪܟܝ܂ ܘܬܘܒ ܠܐ ܢܫܬܡܥ ܩܠܐ ܕܥܒ̈ܕܝܟܝ܀

next chapter