← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62040: P Mt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܠܳܐ ܬܕܼܽܘܢܽܘܢ ܕܠܳܐ ܬܶܬܿܕܼܺܝܢܽܘܢ܂
07:02 [ai]ܒܕܺܝܢܳܐ ܓܶܝܪ ܕܕܼܳܝܢܺܝܢ ܐܢ̱ܬܿܽܘܢ܂ ܬܶܬܿܕܼܺܝܢܽܘܢ܂ ܘܒܼܰܟܼܝܳܠܬܳܐ ܕܰܡܟܼܺܝܠܺܝܢ ܐܢ̱ܬܿܽܘܢ܂ ܡܶܬܿܬܟܼܺܝܠ ܠܟܼܽܘܢ܀
07:03 [ai]ܡܳܢܳܐ ܕܶܝܢ ܚܳܙܶܐ ܐܰܢ̱ܬܿ ܓܶܠܳܐ ܕܰܒܼܥܰܝܢܶܗ ܕܰܐܚܽܘܟܼ܃ ܘܩܳܪܺܝܬܼܳܐ ܕܰܒܼܥܰܝܢܳܟܼ ܠܳܐ ܒܳܚܰܪ ܐܰܢ̱ܬܿ܂
07:04 [ai]ܐܰܘ ܐܰܝܟܿܰܢܳܐ ܐܳܡܰܪ ܐܰܢ̱ܬܿ ܠܰܐܚܽܘܟܼ܃ ܫܒܼܽܘܩ ܐܰܦܿܶܩ ܓܶܠܳܐ ܡܶܢ ܥܰܝܢܳܟܼ܃ ܘܗܳܐ ܩܳܪܺܝܬܳܐ ܒܥܰܝܢܳܟܼ܂
07:05 [ai]ܢܳܣܶܒܼ ܒܰܐܦܿܶܐ̈܃ ܐܰܦܿܶܩ ܠܽܘܩܕܼܰܡ ܩܳܪܺܝܬܳܐ ܡܶܢ ܥܰܝܢܳܟܼ܃ ܘܗܳܝܕܶܝܢ ܢܶܬܼܒܿܚܰܪ ܠܳܟܼ ܠܡܰܦܿܳܩܽܘ ܓܶܠܳܐ ܡܶܢ ܥܰܝܢܶܗ ܕܰܐܚܽܘܟܼ܀
07:06 [ai]ܠܳܐ ܬܶܬܿܠܽܘܢ ܩܽܘܕܼܫܳܐ ܠܟܼܰܠܒܿܶܐ̈܂ ܘܠܳܐ ܬܰܪܡܽܘܢ ܡܰܪ̈ܓܿܳܢܝܳܬܼܟܼܽܘܢ ܩܕܼܳܡ ܚܙܺܝܪ̈ܶܐ܂ ܕܰܠܡܳܐ ܢܕܼܽܘܫܽܘܢ ܐܶܢܶܝܢ̈ ܒܪ̈ܶܓܼܠܰܝܗܽܘܢ܃ ܘܢܶܗܦܿܟܼܽܘܢ ܢܒܼܰܙܥܽܘܢܳܟܼܽܘܢ܀
07:07 [ai]ܫܰܐܠܘ ܘܢܶܬܼܺܝܗܶܒܼ ܠܟܼܽܘܢ܂ ܒܥܰܘ ܘܬܼܶܫܟܿܚܽܘܢ܂ ܩܽܘܫܘ ܘܢܶܬܼܦܬܼܰܚ ܠܟܼܽܘܢ܂
07:08 [ai]ܟܽܠ ܓܶܝܪ ܕܫܳܐܶܠ܂ ܢܳܣܶܒܼ܂ ܘܰܕܼܒܼܳܥܶܐ܂ ܡܶܫܟܿܰܚ܂ ܘܠܰܐܝܢܳܐ ܕܢܳܩܶܫ ܡܶܬܼܦܬܼܰܚ ܠܶܗ܂
07:09 [ai]ܐܰܘ ܡܰܢܽܘ ܡܶܢܟܼܽܘܢ ܓܰܒܼܪܳܐ ܕܢܶܫܶܐܠܺܝܘܗ̱ܝ ܒܪܶܗ ܠܰܚܡܳܐ܃ ܠܡܳܐ܃ ܟܺܐܦܼܳܐ ܡܰܘܫܶܛ ܠܶܗ܂
07:10 [ai]ܘܶܐܢ ܢܽܘܢܳܐ ܢܶܫܶܐܠܺܝܘܗ̱ܝ܃ ܠܡܳܐ܃ ܚܶܘܝܳܐ ܡܰܘܫܶܛ ܠܶܗ܂
07:11 [ai]ܘܶܐܢ ܗܳܟܼܺܝܠ ܐܰܢ̱ܬܿܽܘܢ ܕܒܺܝܫܶܐ̈ ܐܢ̱ܬܿܽܘܢ܃ ܝܳܕܼܥܺܝܢ ܐܢ̱ܬܿܽܘܢ ܡܰܘܗܒܼܳܬܼܳܐ̈ ܛܳܒܼܳܬܼܳܐ̈ ܠܡܶܬܿܰܠ ܠܰܒܼܢܰܝܟܿܽܘܢ܃ ܟܡܳܐ ܝܰܬܿܺܝܪܳܐܺܝܬܼ ܐܰܒܼܽܘܟܼܽܘܢ ܕܒܰܫܡܰܝܳܐ܃ ܢܶܬܿܶܠ ܛܳܒܼܳܬܼܳܐ̈ ܠܰܐܝܠܶܝܢ ܕܫܳܐܠܺܝܢ ܠܶܗ܂
07:12 [ai]ܟܽܠ ܡܳܐ ܕܨܳܒܼܶܝܢ ܐܢ̱ܬܿܽܘܢ ܕܢܶܥܒܿܕܼܽܘܢ ܠܟܼܽܘܢ ܒܢܰܝ ܐ̱ܢܳܫܳܐ̈܃ ܗܳܟܼܰܢܳܐ ܐܳܦܼ ܐܰܢ̱ܬܿܽܘܢ ܥܒܼܶܕܼܘ ܠܗܽܘܢ܂ ܗܳܢܰܘ ܓܶܝܪ ܢܳܡܽܘܣܳܐ ܘܰܢܒܼܺܝܶܐ̈ ܿ܀ܿ܀ܿ
07:13 [ai]ܥܽܘܠܘ ܒܬܰܪܥܳܐ ܐܰܠܺܝܨܳܐ܂ ܕܰܦܼܬܼܶܐ ܗ̱ܘ ܬܰܪܥܳܐ܂ ܘܰܐܪܘܺܝܚܳܐ ܐܽܘܪܚܳܐ ܐܰܝܕܼܳܐ ܕܿܡܰܘܒܠܳܐ ܠܰܐܒܼܕܼܳܢܳܐ܂ ܘܣܰܓܿܺܝܶܐܐ̈ ܐܶܢܽܘܢ ܐܰܝܠܶܝܢ ܕܳܐܙܺܠ̱ܝܢ ܒܿܳܗ܂
07:14 [ai]ܡܳܐ ܩܰܛܺܝܢ ܬܰܪܥܳܐ܂ ܘܰܐܠܺܝܨܳܐ ܐܽܘܪܚܳܐ ܕܿܡܰܘܒܠܳܐ ܠܚܰܝ̈ܶܐ܂ ܘܰܙܥܽܘܪ̈ܶܐ ܐܶܢܽܘܢ ܐܰܝܠܶܝܢ ܕܡܶܫܟܿܚܺܝܢ ܠܳܗ܀
07:15 [ai]ܐܶܙܕܿܰܗ̱ܪܘ ܡܶܢ ܢܒܼܺܝܶܐ̈ ܕܰܓܳܠܶܐ̈܃ ܕܳܐܬܼܶܝܢ ܠܘܳܬܼܟܼܽܘܢ ܒܰܠܒܼܽܘܫܶܐ ܕܿܶܐܡܪ̈ܶܐ܃ ܡܶܢ ܠܓܼܰܘ ܕܶܝܢ ܐܺܝܬܼܰܝܗܽܘܢ ܕܺܐܒܼܶܐ̈܂ ܚܳܛܽܘܦܼܶܐ̈܂
07:16 [ai]ܡܶܢ ܦܿܺܐܪ̈ܰܝܗܽܘܢ ܕܶܝܢ ܬܶܕܿܥܽܘܢ ܐܶܢܽܘܢ܂ ܠܡܳܐ܃ ܠܳܩܛܺܝܢ ܡܶܢ ܟܽܘܒܿܶܐ̈ ܥܶܢܒܿܶܐ̈܃ ܐܰܘ ܡܶܢ ܩܽܘܪ̈ܛܒܿܶܐ ܬܺܐܢܶܐ̈܂
07:17 [ai]ܗܳܟܼܰܢܳܐ ܟܽܠ ܐܺܝܠܳܢܳܐ ܛܳܒܼܳܐ܂ ܦܿܺܐܪ̈ܶܐ ܫܰܦܿܺܝܪ̈ܶܐ ܥܳܒܼܶܕܼ܂ ܐܺܝܠܳܢܳܐ ܕܶܝܢ ܒܺܝܫܳܐ܂ ܦܿܺܐܪ̈ܶܐ ܒܺܝܫܶܐ̈ ܥܳܒܼܶܕܼ܂
07:18 [ai]ܠܳܐ ܡܶܫܟܿܰܚ ܐܺܝܠܳܢܳܐ ܛܳܒܼܳܐ ܦܿܺܐܪ̈ܶܐ ܒܺܝܫܶܐ̈ ܠܡܶܥܒܿܰܕܼ܂ ܘܠܳܐ ܐܺܝܠܳܢܳܐ ܒܺܝܫܳܐ ܦܿܺܐܪ̈ܶܐ ܛܳܒܼܶܐ̈ ܠܡܶܥܒܿܰܕܼ܂
07:19 [ai]ܟܽܠ ܐܺܝܠܳܢܳܐ ܕܠܳܐ ܥܳܒܼܶܕܼ ܦܿܺܐܪ̈ܶܐ ܛܳܒܼܶܐ̈܃ ܡܶܬܼܦܿܣܶܩ ܘܰܒܢܽܘܪܳܐ ܢܳܦܼܶܠ܂
07:20 [ai]ܡܳܕܼܶܝܢ ܡܶܢ ܦܿܺܐܪ̈ܰܝܗܽܘܢ ܬܶܕܿܥܽܘܢ ܐܶܢܽܘܢ܀
07:21 [ai]ܠܳܐ ܗ̱ܘܳܐ ܟܽܠ ܕܳܐܡܰܪ ܠܺܝ ܡܳܪܝ ܡܳܪܝ܃ ܥܳܐܶܠ ܠܡܰܠܟܿܽܘܬܼܳܐ ܕܰܫܡܰܝܳܐ܂ ܐܶܠܳܐ ܡܰܢ ܕܥܳܒܼܶܕܼ ܨܶܒܼܝܳܢܶܗ ܕܳܐܒܼܝ ܕܒܰܫܡܰܝܳܐ܂
07:22 [ai]ܣܰܓܿܺܝܶܐܐ̈ ܢܺܐܡܪܽܘܢ ܠܺܝ ܒܗܰܘ ܝܰܘܡܳܐ܃ ܡܳܪܝ ܡܳܪܝ܃ ܠܳܐ ܒܰܫܡܳܟܼ܂ ܐܶܬܼܢܰܒܺܝܢ܃ ܘܒܼܰܫܡܳܟܼ܂ ܫܺܐܕܼܶܐ̈ ܐܰܦܿܶܩܢ܃ ܘܒܼܰܫܡܳܟܼ ܚܰܝܠܶܐ̈ ܣܰܓܿܺܝܶܐܐ̈ ܥܒܼܰܕܼܢ܂
07:23 [ai]ܘܗܳܝܕܶܝܢ ܐܰܘܕܿܶܐ ܠܗܽܘܢ ܕܡܶܢ ܡܬܼܽܘܡ ܠܳܐ ܺܝܕܼܰܥܬܿܟܼܽܘܢ܂ ܐܰܪܚܶܩܘ ܠܟܼܽܘܢ ܡܶܢܝ܃ ܦܳܠܚܰܝ̈ ܥܰܘܠܳܐ܀
07:24 [ai]ܟܽܠ ܗܳܟܼܺܝܠ ܕܫܳܡܰܥ ܡܶܠܰܝ̈ ܗܳܠܶܝܢ܂ ܘܥܳܒܼܶܕܼ ܠܗܶܝܢ܃ ܢܶܬܿܕܰܡܶܐ ܠܓܼܰܒܼܪܳܐ ܚܰܟܿܺܝܡܳܐ܃ ܗܰܘ ܕܰܒܼܢܳܐ ܒܰܝܬܿܶܗ ܥܰܠ ܫܽܘܥܳܐ܂
07:25 [ai]ܘܰܢܚܶܬܼ ܡܶܛܪܳܐ܂ ܘܶܐܬܼܰܘ ܢܰܗܪ̈ܰܘܳܬܼܳܐ܂ ܘܰܢܫܰܒܼ ܪ̈ܽܘܚܶܐ܂ ܘܶܐܬܼܛܰܪܺܝܘ ܒܶܗ ܒܒܼܰܝܬܳܐ ܗܰܘ܂ ܘܠܳܐ ܢܦܼܰܠ܃ ܫܶܬܼܶܐܣܰܘܗ̱ܝ̈ ܓܶܝܪ ܥܰܠ ܫܽܘܥܳܐ ܣܺܝܡܳܢ ܗ̱ܘܰܝ̈܂
07:26 [ai]ܘܟܼܽܠ ܡܰܢ ܕܫܳܡܰܥ ܡܶܠܰܝ̈ ܗܳܠܶܝܢ܂ ܘܠܳܐ ܥܳܒܼܶܕܼ ܠܗܶܝܢ܃ ܢܶܬܿܕܰܡܶܐ ܠܓܼܰܒܼܪܳܐ ܣܰܟܼܠܳܐ܃ ܕܰܒܼܢܳܐ ܒܰܝܬܿܶܗ ܥܰܠ ܚܳܠܳܐ܂
07:27 [ai]ܘܰܢܚܶܬܼ ܡܶܛܪܳܐ܂ ܘܶܐܬܼܰܘ ܢܰܗܪ̈ܰܘܳܬܼܳܐ܂ ܘܰܢܫܰܒܼ ܪ̈ܽܘܚܶܐ܂ ܘܶܐܬܼܛܰܪܺܝܘ ܒܒܼܰܝܬܳܐ ܗܰܘ܂ ܘܰܢܦܼܰܠ܃ ܘܰܗܘܳܬܼ ܡܰܦܿܽܘܠܬܿܶܗ ܪܰܒܿܳܐ܀܀
07:28 [ai]ܘܰܗܘܳܐ ܕܟܰܕܼ ܫܰܠܶܡ ܝܶܫܽܘܥ ܡܶܠܶܐ̈ ܗܳܠܶܝܢ܃ ܬܰܗܺܝܪ̈ܺܝܢ ܗ̱ܘܰܘ ܟܶܢܫܶܐ̈ ܥܰܠ ܝܽܘܠܦܿܳܢܶܗ܂
07:29 [ai]ܡܰܠܶܦܼ ܗ̱ܘܳܐ ܠܗܽܘܢ ܓܶܝܪ ܐܰܝܟܼ ܡܫܰܠܛܳܐ܃ ܘܠܳܐ ܐܰܝܟܼ ܣܳܦܼܪ̈ܰܝܗܽܘܢ ܘܰܦܼܪ̈ܺܝܫܶܐ܀܀

next chapter