← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62046: 1Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܗܳܟܼܰܢܳܐ ܗܘܰܝܢ ܚܫܺܝܒܼܺܝܢ ܠܟܼܽܘܢ܃ ܐܰܝܟܼ ܡܫܰܡܫܳܢܶܐ̈ ܕܰܡܫܺܝܚܳܐ܃ ܘܪ̈ܰܒܰܝ ܒܳܬܿܶܐ̈ ܕܿܐ̱ܪ̈ܳܙܰܘܗ̱ܝ ܕܰܐܠܳܗܳܐ܂
04:02 [ai]ܗܳܪܟܿܳܐ ܡܶܟܿܺܝܠ ܡܶܬܼܒܿܥܶܐ ܒܿܪ̈ܰܒܰܝ̈ ܒܳܬܿܶܐ܃ ܕܐ̱ܢܳܫ ܟܰܕܼ ܡܗܰܝܡܰܢ ܢܶܫܬܿܟܼܰܚ܂
04:03 [ai]ܠܺܝ ܕܶܝܢ ܗܳܕܼܶܐ ܒܨܺܝܪܽܘܬܼܳܐ ܗ̱ܝ ܠܺܝ ܕܡܶܢܟܼܽܘܢ ܐܶܬܿܕܼܺܝܢ܃ ܐܰܘ ܡܶܢ ܟܽܠ ܒܰܪ ܐ̱ܢܳܫ܂ ܐܶܠܳܐ ܐܳܦܼܠܳܐ ܐܶܢܳܐ ܢܰܦܼܫܝ ܕܳܐܶܢ ܐ̱ܢܳܐ܂
04:04 [ai]ܠܳܐ ܓܶܝܪ ܡܶܕܶܡ ܒܢܰܦܼܫܝ ܚܫܺܝܫ ܐ̱ܢܳܐ܂ ܐܶܠܳܐ ܠܰܘ ܒܗܳܕܼܶܐ ܐܶܙܕܿܰܕܿܩܶܬܼ܂ ܕܰܝܳܢܝ ܓܶܝܪ ܡܳܪܝܳܐ ܗܽܘ܂
04:05 [ai]ܡܶܛܽܠ ܗܳܢܳܐ ܠܳܐ ܡܶܢ ܩܕܼܳܡ ܙܰܒܼܢܳܐ ܬܶܗܘܽܘܢ ܕܳܝܢܺܝܢ܃ ܥܕܼܰܡܳܐ ܕܢܺܐܬܼܶܐ ܡܳܪܝܳܐ܃ ܗܰܘ ܕܡܰܢܗܰܪ ܟܰܣܝܳܬܼܶܗ̈ ܕܚܶܫܽܘܟܼܳܐ܃ ܘܓܼܳܠܶܐ ܡܰܚܫܒܼܳܬܼܗܽܘܢ̈ ܕܠܶܒܿܰܘܳܬܼܳܐ̈܂ ܘܗܳܝܕܶܝܢ ܢܶܗܘܶܐ ܫܽܘܒܼܚܳܐ ܠܐ̱ܢܳܫ ܐ̱ܢܳܫ܂ ܡܶܢ ܐܰܠܳܗܳܐ܀
04:06 [ai]ܗܳܠܶܝܢ ܕܶܝܢ ܐܰܚܰܝ̈܃ ܡܶܛܽܠܳܬܼܟܼܽܘܢ ܗ̱ܽܘ ܣܳܡܶܬܼ ܥܰܠ ܦܰܪܨܽܘܦܿܳܐ ܕܺܝܠܝ܂ ܘܕܼܰܐܦܿܳܠܳܘ܂ ܕܒܰܢ ܬܺܐܠܦܿܽܘܢ܃ ܕܠܳܐ ܬܶܬܼܪܰܥܽܘܢ ܝܰܬܿܺܝܪ ܡܶܢ ܡܳܐ ܕܰܟܼܬܼܺܝܒܼ܃ ܘܐ̱ܢܳܫ ܥܰܠ ܚܰܒܼܪܶܗ ܠܳܐ ܢܶܬܿܪܺܝܡ ܡܶܛܽܠ ܐ̱ܢܳܫ܂
04:07 [ai]ܡܰܢܽܘ ܓܶܝܪ ܒܨܳܟܼ܂ ܐܰܘ ܡܳܢܳܐ ܐܺܝܬܼ ܠܳܟܼ ܕܠܳܐ ܢܣܰܒܼܬܿ܂ ܘܶܐܢ ܢܣܰܒܼܬܿ܃ ܠܡܳܢܳܐ ܡܶܫܬܿܰܒܼܗܰܪ ܐܰܢ̱ܬܿ ܐܰܝܟܼ ܗܰܘ ܕܠܳܐ ܢܣܰܒܼܬܿ܂
04:08 [ai]ܡܶܢ ܟܰܕܿܽܘ ܣܒܼܰܥܬܿܽܘܢ ܠܟܼܽܘܢ ܘܰܥܬܼܰܪܬܿܽܘܢ܃ ܘܒܼܶܠܥܳܕܼܰܝܢ ܐܰܡܠܶܟܼܬܿܽܘܢ܃ ܐܶܫܬܿܽܘܦܼ ܕܶܝܢ ܐܰܡܠܶܟܼܬܿܽܘܢ܃ ܕܳܐܦܼ ܚܢܰܢ ܢܰܡܠܶܟܼ ܥܰܡܟܼܽܘܢ܂
04:09 [ai]ܣܳܒܼܰܪ ܐ̱ܢܳܐ ܓܶܝܪ ܕܠܰܢ ܠܰܫܠܺܝܚܶܐ̈܃ ܐ̱ܚܪ̈ܳܝܶܐ ܗ̱ܘ ܣܳܡܰܢ ܐܰܠܳܗܳܐ ܐܰܝܟܼ ܕܰܠܡܰܘܬܳܐ܂ ܕܰܗܘܰܝܢ ܬܶܐܰܛܪܳܘܢ ܠܥܳܠܡܳܐ܃ ܘܰܠܡܰܠܰܐܟܼܶܐ̈܂ ܘܠܰܒܼܢܰܝܢܳܫܳܐ܂
04:10 [ai]ܚܢܰܢ ܫܳܛܰܝܳܐ̈ ܡܶܛܽܠ ܡܫܺܝܚܳܐ܂ ܐܰܢ̱ܬܿܽܘܢ ܕܶܝܢ ܚܰܟܿܺܝܡܶܐ̈ ܒܰܡܫܺܝܚܳܐ܂ ܚܢܰܢ ܟܿܪ̈ܺܝܗܶܐ܂ ܘܰܐܢ̱ܬܿܽܘܢ ܚܰܝܠܬܼܳܢܶܐ̈܂ ܐܰܢ̱ܬܿܽܘܢ ܡܶܫܬܿܰܒܿܚܺܝܢ܂ ܘܰܚܢܰܢ ܡܶܨܛܰܥܪܺܝܢ܂
04:11 [ai]ܥܕܼܰܡܳܐ ܠܗܳܕܼܶܐ ܫܳܥܬܼܳܐ܃ ܟܰܦܼܢܺܝܢܰܢ܂ ܘܰܨܗܶܝܢܰܢ܂ ܘܥܰܪܛܶܠܳܝܺܝܢܰܢ܂ ܘܡܶܬܼܩܰܦܿܚܺܝܢܰܢ܂ ܘܒܼܶܝܬܼ ܩܝܳܡܳܐ ܠܰܝܬܿ ܠܰܢ܂
04:12 [ai]ܘܠܳܐܶܝܢܰܢ܂ ܟܰܕܼ ܦܳܠܚܺܝܢܰܢ ܒܺܐܝܕܼܰܝܢ̈܂ ܡܨܰܥܪܺܝܢ ܠܰܢ܂ ܘܰܡܒܼܰܪܟܼܺܝܢܰܢ܂ ܪܳܕܼܦܿܺܝܢ ܠܰܢ܂ ܘܰܡܣܰܝܒܿܪܺܝܢܰܢ܂
04:13 [ai]ܡܨܰܚܶܝܢ ܠܰܢ܂ ܘܒܼܳܥܶܝܢܰܢ ܡܶܢܗܽܘܢ܂ ܐܰܝܟܼ ܢܦܼܳܬܼܳܐ ܕܥܳܠܡܳܐ ܗܘܰܝܢ܂ ܘܟܼܽܘܦܿܳܪܳܐ ܕܟܽܠܢܳܫ ܥܕܼܰܡܳܐ ܠܗܳܫܳܐ܂
04:14 [ai]ܠܳܐ ܗ̱ܘܳܐ ܐܰܝܟܼ ܕܰܐܒܼܗܶܬܼܟܼܽܘܢ ܟܳܬܼܶܒܼ ܐ̱ܢܳܐ ܗܳܠܶܝܢ܃ ܐܶܠܳܐ ܐܰܝܟܼ ܕܿܠܰܒܼܢܰܝܳܐ ܚܰܒܺܝܒܼܶܐ̈ ܡܰܪܬܿܶܐ ܐ̱ܢܳܐ܂
04:15 [ai]ܐܶܢ ܓܶܝܪ ܪܶܒܿܽܘ ܬܿܳܪ̈ܐܶܐ ܢܶܗܘܽܘܢ ܠܟܼܽܘܢ ܒܰܡܫܺܝܚܳܐ܃ ܐܶܠܳܐ ܠܳܐ ܣܰܓܿܺܝܶܐܐ̈ ܐܰܒܼܳܗܶܐ̈܂ ܒܝܶܫܽܘܥ ܓܶܝܪ ܡܫܺܝܚܳܐ܃ ܐܶܢܳܐ ܗܽܘ ܐܰܘܠܶܕܿܬܿܟܼܽܘܢ ܒܰܣܒܼܰܪܬܼܳܐ܂
04:16 [ai]ܒܿܳܥܶܐ ܐ̱ܢܳܐ ܗܳܟܼܺܝܠ ܡܶܢܟܼܽܘܢ ܕܒܺܝ ܬܿܶܬܿܕܰܡܽܘܢ ܿ܀ܿ܀ܿ
04:17 [ai]ܡܶܛܽܠ ܗܳܢܳܐ ܫܰܕܿܪܶܬܼ ܠܘܳܬܼܟܼܽܘܢ ܠܛܺܝܡܳܬܼܶܐܳܘܣ܃ ܕܺܐܝܬܼܰܘܗ̱ܝ ܒܶܪܝ ܚܰܒܺܝܒܼܳܐ܂ ܘܰܡܗܰܝܡܢܳܐ ܒܡܳܪܝܳܐ܃ ܕܗܽܘ ܢܰܥ̱ܗܶܕܼܟܼܽܘܢ ܐܽܘܪ̈ܚܳܬܼܝ ܕܒܰܡܫܺܝܚܳܐ܂ ܐܰܝܟܼ ܡܶܕܶܡ ܕܡܰܠܶܦܼ ܐ̱ܢܳܐ ܒܟܽܠܗܶܝܢ ܥܺܕܼܳܬܼܳܐ̈܀
04:18 [ai]ܐܰܝܟܼ ܗܰܘ ܕܶܝܢ ܕܠܳܐ ܐܳܬܼܶܐ ܐ̱ܢܳܐ ܠܘܳܬܼܟܼܽܘܢ܃ ܐܶܬܼܚܬܼܰܪܘ ܐ̱ܢܳܫܳܐ ܡܶܢܟܼܽܘܢ܂
04:19 [ai]ܐܶܠܳܐ ܐܶܢ ܡܳܪܝܳܐ ܨܳܒܼܶܐ܃ ܒܰܥܓܼܰܠ ܐܳܬܼܶܐ ܐ̱ܢܳܐ ܠܘܳܬܼܟܼܽܘܢ܂ ܘܶܐܕܿܰܥ ܠܳܐ ܡܶܠܰܬܼܗܽܘܢ ܕܗܳܠܶܝܢ ܕܰܡܪܺܝܡܺܝܢ ܢܰܦܼܫܗܽܘܢ܂ ܐܶܠܳܐ ܚܰܝܠܗܽܘܢ܂
04:20 [ai]ܡܰܠܟܿܽܘܬܼܶܗ ܓܶܝܪ ܕܰܐܠܳܗܳܐ ܠܳܐ ܗ̱ܘܳܬܼ ܒܡܶܠܬܼܳܐ܂ ܐܶܠܳܐ ܒܚܰܝܠܳܐ܂
04:21 [ai]ܐܰܝܟܿܰܢܳܐ ܨܳܒܼܶܝܢ ܐܢ̱ܬܿܽܘܢ܃ ܒܚܽܘܛܪܳܐ ܐܺܬܼܶܐ ܠܘܳܬܼܟܼܽܘܢ܃ ܐܰܘ ܒܚܽܘܒܿܳܐ܂ ܘܰܒܪܽܘܚܳܐ ܡܰܟܿܺܝܟܼܬܳܐ܃

next chapter