← Back
The Comprehensive Aramaic Lexicon
← Return to the Text Browser
click on the file description for more information
62051: Col

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܐܶܢ ܗܳܟܼܺܝܠ ܩܳܡܬܿܽܘܢ ܥܰܡ ܡܫܺܝܚܳܐ܃ ܕܰܠܥܶܠ ܒܥܰܘ܂ ܐܰܬܼܰܪ ܕܰܡܫܺܝܚܳܐ ܝܳܬܼܶܒܼ ܥܰܠ ܝܰܡܺܝܢܳܐ ܕܰܐܠܳܗܳܐ܂
03:02 [ai]ܕܰܠܥܶܠ ܐܶܬܼܪܰܥܰܘ܂ ܘܠܳܐ ܕܒܰܐܪܥܳܐ܂
03:03 [ai]ܡܺܝܬܿܬܿܽܘܢ ܠܟܼܽܘܢ ܓܶܝܪ܃ ܘܚܰܝܰܝܟܿܽܘܢ̈ ܟܣܶܝܢ ܥܰܡ ܡܫܺܝܚܳܐ ܒܰܐܠܳܗܳܐ܂
03:04 [ai]ܘܶܐܡܰܬܼܝ ܕܰܡܫܺܝܚܳܐ ܡܶܬܼܓܠܶܐ܂ ܕܗܽܘܝܽܘ ܚܰܝܰܝܢ̈܃ ܗܳܝܕܶܝܢ ܐܳܦܼ ܐܰܢ̱ܬܿܽܘܢ ܬܶܬܼܓܿܠܽܘܢ ܥܰܡܶܗ ܒܫܽܘܒܼܚܳܐ܀
03:05 [ai]ܐܰܡܺܝܬܼܘ ܗܳܟܼܺܝܠ ܗܰܕܿܳܡܰܝܟܿܽܘܢ̈ ܕܒܰܐܪܥܳܐ܃ ܙܳܢܝܽܘܬܼܳܐ܂ ܘܛܰܢܦܿܽܘܬܼܳܐ ܘܟܼܺܐܒܼܶܐ̈܂ ܘܪܶܓܿܬܼܳܐ ܒܺܝܫܬܳܐ܂ ܘܥܳܠܽܘܒܼܽܘܬܼܳܐ܂ ܕܗܺܝ ܗ̱ܝ ܕܶܚܠܰܬܼ ܦܿܬܼܰܟܼܪ̈ܶܐ܂
03:06 [ai]ܡܶܛܽܠ ܗܳܠܶܝܢ ܓܶܝܪ ܐܳܬܼܶܐ ܪܽܘܓܼܙܶܗ ܕܰܐܠܳܗܳܐ ܥܰܠ ܒܢܶܝܗ ܕܠܳܐ ܡܶܬܿܛܦܿܺܝܣܳܢܽܘܬܼܳܐ܃
03:07 [ai]ܘܰܒܗܳܠܶܝܢ ܐܳܦܼ ܐܰܢ̱ܬܿܽܘܢ ܗܰܠܶܟܼܬܿܽܘܢ ܡܶܢ ܩܕܼܺܝܡ܃ ܟܰܕܼ ܡܶܬܼܗܰܦܿܟܼܺܝܢ ܗ̱ܘܰܝܬܿܽܘܢ ܒܗܶܝܢ܂
03:08 [ai]ܗܳܫܳܐ ܕܶܝܢ ܐܰܢܺܝܚܘ ܡܶܢܟܼܽܘܢ ܟܽܠܗܶܝܢ ܗܳܠܶܝܢ܃ ܪܽܘܓܼܙܳܐ܂ ܚܶܡܬܳܐ܂ ܒܺܝܫܽܘܬܼܳܐ܂ ܓܽܘܕܿܳܦܼܳܐ܂ ܡܰܡܠ̱ܠܳܐ ܛܰܢܦܼܳܐ܂
03:09 [ai]ܘܠܳܐ ܬܶܗܘܽܘܢ ܡܕܼܰܓܿܠܺܝܢ ܚܰܕܼ ܒܚܰܕܼ܃ ܐܶܠܳܐ ܫܽܘܠܚܽܘܗ̱ܝ ܠܒܼܰܪܢܳܫܳܐ ܥܰܬܿܺܝܩܳܐ ܥܰܡ ܟܽܠܗܽܘܢ ܗܽܘܦܿܳܟܼܰܘܗ̱ܝ̈܃
03:10 [ai]ܘܰܠܒܼܰܫܘ ܚܰܕܼ̱ܬܼܳܐ܂ ܕܡܶܬܼܚܰܕܿܰܬܼ ܒܺܝܕܼܰܥܬܼܳܐ ܒܰܕܼܡܽܘܬܼܳܐ ܕܒܳܪܝܶܗ܃
03:11 [ai]ܟܰܪ ܕܠܰܝܬܿ ܺܝܗܽܘܕܼܳܝܳܐ ܘܰܐܪܡܳܝܳܐ܂ ܘܠܳܐ ܓܙܽܘܪܬܳܐ ܘܥܽܘܪܠܽܘܬܼܳܐ܂ ܘܠܳܐ ܝܰܘܢܳܝܳܐ ܘܒܼܰܪܒܿܪܳܝܳܐ܂ ܘܠܳܐ ܥܰܒܼܕܿܳܐ ܘܒܼܰܪ̈ܚܺܐܪܶܐ܃ ܐܶܠܳܐ ܟܽܠ ܘܰܒܟܼܽܠܢܳܫ ܡܫܺܝܚܳܐ ܗ̱ܘ܂
03:12 [ai]ܠܒܼܰܫܘ ܗܳܟܼܺܝܠ ܐܰܝܟܼ ܓܒܼܰܝܳܐ̈ ܕܰܐܠܳܗܳܐ܂ ܩܰܕܿܺܝܫܶܐ̈ ܘܚܰܒܺܝܒܼܶܐ̈܃ ܪ̈ܰܚܡܶܐ܂ ܘܪܽܘܚܳܦܼܳܐ܂ ܘܒܼܰܣܺܝܡܽܘܬܼܳܐ܂ ܘܡܰܟܿܺܝܟܼܽܘܬܼ ܪܶܥܝܳܢܳܐ܂ ܘܢܺܝܚܽܘܬܼܳܐ܂ ܘܢܰܓܿܺܝܪܽܘܬܼ ܪܽܘܚܳܐ܂
03:13 [ai]ܘܰܗܘܰܝܬܿܽܘܢ ܡܣܰܝܒܿܪܺܝܢ ܚܰܕܼ ܠܚܰܕܼ ܘܫܳܒܼܩܺܝܢ ܚܰܕܼ ܠܚܰܕܼ܂ ܘܶܐܢ ܐܺܝܬܼ ܠܐ̱ܢܳܫ ܥܰܠ ܚܰܒܼܪܶܗ ܪܽܘܥܳܡܳܐ܃ ܐܰܝܟܿܰܢܳܐ ܕܰܡܫܺܝܚܳܐ ܫܒܼܰܩ ܠܟܼܽܘܢ܃ ܗܳܟܼܰܢܳܐ ܐܳܦܼ ܐܰܢ̱ܬܿܽܘܢ ܫܒܼܽܘܩܘ܂
03:14 [ai]ܘܥܰܡ ܗܳܠܶܝܢ ܟܽܠܗܶܝܢ܂ ܚܽܘܒܿܳܐ ܕܗܽܘܝܽܘ ܚܙܳܩܳܐ ܕܰܓܼܡܺܝܪܽܘܬܼܳܐ܂
03:15 [ai]ܘܰܫܠܳܡܶܗ ܕܰܡܫܺܝܚܳܐ ܢܕܼܰܒܰܪ ܠܶܒܿܰܘܳܬܼܟܼܽܘܢ̈܃ ܕܠܶܗ ܐܶܬܼܩܪܺܝܬܿܽܘܢ ܒܚܰܕܼ ܦܓܼܰܪ܂ ܘܰܗܘܰܝܬܿܽܘܢ ܡܰܘܕܶܝܢ ܠܰܡܫܺܝܚܳܐ܃
03:16 [ai]ܕܡܶܠܬܼܶܗ ܬܶܥܡܰܪ ܒܟܽܘܢ ܥܰܬܿܺܝܪܳܐܺܝܬܼ ܒܟܽܠ ܚܶܟܼܡܳܐ܂ ܘܰܗܘܰܝܬܿܽܘܢ ܡܰܠܦܼܺܝܢ ܘܪܳܕܼܶܝܢ ܢܰܦܼܫܟܼܽܘܢ܃ ܒܡܰܙܡܽܘܪ̈ܶܐ ܘܰܒܬܼܶܫܒܿܚܳܬܳܐ̈ ܘܒܼܰܙܡܺܝܪ̈ܳܬܼܳܐ ܕܪܽܘܚܳܐ܂ ܘܰܒܛܰܝܒܿܽܘܬܼܳܐ ܗܘܰܝܬܿܽܘܢ ܙܳܡܪܺܝܢ ܒܠܶܒܿܰܘܳܬܼܟܼܽܘܢ̈ ܠܰܐܠܳܗܳܐ܂
03:17 [ai]ܘܟܼܽܠ ܡܶܕܶܡ ܕܣܳܥܪܺܝܢ ܐܢ̱ܬܿܽܘܢ ܒܡܶܠܬܼܳܐ ܘܒܼܰܥܒܼܳܕܼܳܐ܃ ܒܰܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ ܗܘܰܝܬܿܽܘܢ ܥܳܒܼܕܺܝܢ܂ ܘܰܗܘܰܝܬܿܽܘܢ ܡܰܘܕܶܝܢ ܒܺܐܝܕܼܶܗ ܠܰܐܠܳܗܳܐ ܐܰܒܼܳܐ܀
03:18 [ai]ܢܶܫܶܐ̈܃ ܐܶܫܬܿܰܥܒܿܰܕܼܶܝܢ̈ ܠܒܼܰܥܠܰܝܟܿܶܝܢ̈܃ ܐܰܝܟܼ ܕܙܳܕܼܶܩ ܒܰܡܫܺܝܚܳܐ܂
03:19 [ai]ܓܿܰܒܼܪ̈ܶܐ܃ ܐܰܚܶܒܼܘ ܢܶܫܰܝܟܿܽܘܢ̈܃ ܘܠܳܐ ܬܶܗܘܽܘܢ ܡܰܪܺܝܪܺܝܢ ܥܠܰܝܗܶܝܢ܂
03:20 [ai]ܒܢܰܝܳܐ܃ ܐܶܫܬܿܰܡ̱ܥܘ ܠܰܐܒܼܳܗܰܝܟܿܽܘܢ̈ ܒܟܽܠܡܶܕܶܡ܂ ܗܳܟܼܰܢܳܐ ܓܶܝܪ ܫܰܦܿܺܝܪ ܩܕܼܳܡ ܡܳܪܰܢ܂
03:21 [ai]ܐܰܒܼܳܗܶܐ̈܃ ܠܳܐ ܬܰܪܓܿܙܽܘܢ ܒܢܰܝܟܿܽܘܢ܃ ܕܠܳܐ ܢܶܬܿܬܿܥܺܝܩܽܘܢ܂
03:22 [ai]ܥܰܒܼܕܿܶܐ̈܃ ܐܶܫܬܿܰܡ̱ܥܘ ܒܟܽܠܡܶܕܶܡ ܠܡܳܪ̈ܰܝܟܿܽܘܢ ܕܦܰܓܼܪܳܐ܃ ܠܳܐ ܒܡܰܚܙܶܐ ܥܰܝܢܳܐ ܐܰܝܟܼ ܗܳܢܽܘܢ ܕܫܳܦܼܪܺܝܢ ܠܰܒܼܢܰܝܢܳܫܳܐ܃ ܐܶܠܳܐ ܒܠܶܒܿܳܐ ܦܫܺܝܛܳܐ ܘܰܒܕܼܶܚܠܬܼܶܗ ܕܡܳܪܝܳܐ܂
03:23 [ai]ܘܟܼܽܠ ܕܥܳܒܼܕܺܝܢ ܐܢ̱ܬܿܽܘܢ܃ ܡܶܢ ܟܽܠܳܗ ܢܰܦܼܫܟܼܽܘܢ ܥܒܼܶܕܼܘ܃ ܐܰܝܟܼ ܕܰܠܡܳܪܰܢ܂ ܘܠܳܐ ܐܰܝܟܼ ܕܿܠܰܒܼܢܰܝܢܳܫܳܐ܂
03:24 [ai]ܘܕܼܰܥܘ ܕܡܶܢ ܡܳܪܰܢ ܡܩܰܒܿܠܺܝܬܿܽܘܢ ܦܽܘܪܥܳܢܳܐ ܒܝܳܪܬܿܽܘܬܼܳܐ܂ ܠܡܳܪܝܳܐ ܓܶܝܪ ܡܫܺܝܚܳܐ ܦܳܠܚܺܝܬܿܽܘܢ܂
03:25 [ai]ܡܰܣܟܠܳܢܳܐ ܕܶܝܢ ܡܶܬܼܦܪܰܥ܃ ܐܰܝܟܼ ܡܶܕܶܡ ܕܰܐܣܟܿܶܠ܂ ܘܠܰܝܬܿ ܡܰܣܰܒܼ ܒܰܐܦܿܶܐ̈܀

next chapter