← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62071: P ApocBar

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܘܥܢܿܝܬ ܘܐܡܿܪܬ܂ ܗܐ ܐܘܕܥܬܢܝ ܕܘܒܪܗܘܢ ܕܙܒ̈ܢܐ܂ ܘܡܕܡ ܕܥܬܝܕ ܕܢܗܘܐ ܡܢ ܒܬܪ ܗܠܝܢ܂ ܘܐܡܼܪܬ ܠܝ ܕܠܥܡ̈ܡܐ ܐܿܙܠ ܦܘܪܥܢܐ ܕܐܬܐܡܪ ܡܢܟ܂
14:02 [ai]ܘܗܫܐ ܝܿܕܥ ܐܢܐ ܕܣܓܝܐܝܢ ܐܢܘܢ ܐܝܠܝܢ ܕܚܛܘ܂ ܘܒܡܨܠܚܢܘܬܐ ܚܝܘ܂ ܘܐܙܠܘ ܡܢ ܥܠܡܐ܂ ܘܩܠܝܠ ܗܘ ܕܝܢ ܥܡ̈ܡܐ ܡܫܬܚܪܝܢ ܒܗܿܢܘܢ ܙܒ̈ܢܐ܂ ܗܿܢܘܢ ܕܠܗܿܢܘܢ ܡܬܐܡܪ̈ܢ ܡ̈ܠܐ ܐܝܠܝܢ ܕܐܡܼܪܬ܂
14:03 [ai]ܘܡܢܐ ܓܝܪ ܝܘܬܪܢܐ ܐܝܬ ܒܗܕܐ ܐܘ ܡܢܐ ܕܒܝܫ ܡܢ ܗܠܝܢ ܕܚ̈ܙܝܢ ܕܓܕ̈ܫܢ ܡܣܿܟܝܢܢ ܕܢܚܙܐ܂
14:04 [ai]ܬܘܒ ܕܝܢ ܐܡܠܠ ܩܕܡܝܟ ‍[‍܂
14:05 [ai]ܡܢܐ ܝܬܪܘ ܗܿܢܘܢ ܕܝܕܥܘ ܩܕܡܝܟ ܘܠܐ ܐܙܼܠܘ ܒܣܪܝܩܘܬܐ ܐܝܟ ܫܪܟܐ ܕܥܡ̈ܡܐ ܘܠܐ ܐܡܪܘ ܠܡܝ̈ܬܐ ܕܗܒܼܘ ܠܢ ܚܿܝ̈ܐ܂ ܐܠܐ ܒܟܠܙܒܢ ܡܢܟ ܕܚܿܠܝܢ ܗܘܘ܂ ܘܐܘܪ̈ܚܬܟ ܠܐ ܐܪܦܝܘ܂
14:06 [ai]ܘܗܐ ܐܬܚܦܛܘ܂ ܘܐܦܠܐ ܡܛܘܠܬܗܘܢ ܪܚܡܿܬ ܥܠ ܨܗܝܘܢ܂
14:07 [ai]ܘܐܢ ܐܚܪ̈ܢܐ ܐܪܫܥܘ ܡܬܒܥܐ ܗܘܐ ܠܗܿ ܠܨܗܝܘܢ ܕܒܥ̈ܒܕܝܗܘܢ ܕܐܝܠܝܢ ܕܦܠܚܘ ܛܿܒ̈ܬܐ ܢܫܬܒܩ ܠܗܿ܂ ܘܠܐ ܒܥܿܒ̈ܕܝܗܘܢ ܕܥܿܒ̈ܕܝ ܥܘܼܠܐ ܬܛܒܥ܂
14:08 [ai]ܐܠܐ ܡܼܢܘ ܡܪܝܐ ܡܪܝ ܡܕܪܟ ܠܗ ܠܕܝܼܢܟ܂ ܐܘ ܡܼܢܘ ܡܥܩܒ ܥܘܡܩܗܿ ܕܐܘܪܚܟ܂ ܐܘ ܡܼܢܘ ܡܬܚܫܒ ܥܠ ܝܘܩܪܗ ܕܫܒܝܠܟ܂
14:09 [ai]ܐܘ ܡܼܢܘ ܡܫܟܚ ܡܬܚܫܒ ܥܠ ܬܪܥܝܬܟ ܕܠܐ ܡܬܕܪܟܐ܂ ܐܘ ܡܼܢܘ ܡܡܬܘܡ ܡܢ ܐܝ̈ܠܝܕܐ ܐܫܟܚ ܪܝܫܐ ܐܘ ܫܘܠܡܐ ܕܚܟܡܬܟ܂
14:10 [ai]ܟܘܠܢ ܓܝܪ ܐܬܕܡܝܢ ܠܗܒܠܐ ‍[‍܂
14:11 [ai]ܐܝܿܟܢܐ ܓܝܪ ܕܗܒܠܐ ܣܿܠܩ ܕܠܐ ܡܢ ܠܒܐ ܘܗܿܦܟ ܕܥܿܟܼ܂ ܗܟܢܐ ܗܘ ܟܝܢܗܘܢ ܕܒܢ̈ܝ ܐܢܫܐ܂ ܕܠܐ ܒܨܒܝܢܗܘܢ ܐܿܙܠܝܢ܂ ܘܡܢܐ ܗܿܘܐ ܠܗܘܢ ܒܫܘܠܡܐ ܠܐ ܝܕܥܝܢ܂
14:12 [ai]ܙܕܝܩ̈ܐ ܓܝܪ ܫܦܝܪ ܡܣܟܝܢ ܠܫܘܠܡܐ܂ ܘܕܠܐ ܕܚܠܬܐ ܡܢ ܗܢܐ ܥܘܡܪܐ ܐܙܿܠܝܢ܂ ܡܛܘܠ ܕܐܝܬ ܠܗܘܢ ܠܘܬܟ ܚܝܠܐ ܕܥܿܒ̈ܕܐ ܕܢܛܝܪ ܒܐܘܨܪ̈ܐ
14:13 [ai]ܡܛܠ ܗܢܐ ܐܦ ܗܼܢܘܢ ܕܠܐ ܕܚܠܬܐ ܫܒܿܩܝܢ ܠܗ ܠܥܠܡܐ ܗܢܐ܂ ܘܟܕ ܬܟܝܠܝܢ ܒܚܕܘܬܐ ܡܣܟܝܢ ܕܢܩܒܠܘܢ ܥܠܡܐ ܕܡܿܠܟܬ ܠܗܘܢ܂
14:14 [ai]ܠܢ ܕܝܢ ܘܝ ܠܐܝܠܝܢ ܕܐܦ ܗܫܐ ܡܨܛܥܪܝܢܼܢ܂ ܘܒܗܿܘ ܙܒܢܐ ܡܿܣܟܝܢܢ ܠܒܝܼܫ̈ܬܐ܂
14:15 [ai]ܐܢܬ ܕܝܢ ܝܕܥ ܐܢܬ ܬܪܝܨܐܝܬ ܡܢܐ ܥܒܼܕܬ ܡܢ ܥܒܼ̈ܕܝܟ܂ ܡܛܠ ܕܚܢܢ ܠܐ ܡܫܟܿܚܝܢܢ ܕܢܣܬܟܠ ܒܡܕܡ ܕܛܒ܂ ܐܝܿܟܢܐ ܕܐܢܬ ܓܒܘܠܢ܂
14:16 [ai]ܬܘܒ ܕܝܢ ܐܡܠܠ ܩܕܡܝܟ ܡܪܝܐ ܡܪܝ܂
14:17 [ai]ܟܕ ܠܐ ܐܝܬܘܗܝ ܗܘܐ ܥܠܡܐ ܡܢ ܩܕܝܡ ܥܡ ܥܡܘܪ̈ܘܗܝ܂ ܐܬܚܿܫܒܬ ܘܐܡܿܪܬ ܒܡܠܬܐ܂ ܘܒܪ ܫܥܬܗ ܥܒ̈ܕܝܗܝܢ ܕܒܼܪ̈ܝܬܐ ܩܡܘ ܩܕܡܝܟ܂
14:18 [ai]ܘܐܡܼܪܬ ܕܬܥܒܕ ܠܥܠܡܟܼ ܒܪܢܫܐ ܡܦܪܢܣܢܐ ܠܥܿܒ̈ܕܝܟ܂ ܕܢܬܝܕܥ ܕܠܐ ܗܘܐ ܗܼܘ ܐܬܥܒܕ ܡܛܠ ܥܠܡܐܼ ܐܠܐ ܥܠܡܐ ܡܛܠܬܗ܂
14:19 [ai]ܘܗܫܐ ܚܿܙܐ ܐܢܐ ܕܥܠܡܐ ܕܐܬܥܒܕ ܡܛܠܬܢ ܗܐ ܡܩܘܐ܂ ܘܚܢܢ ܕܝܢ ܕܡܛܠܬܢܿ ܗܼܘܐ ܐܙܿܠܝܢܢ ܀

next chapter