← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܡܢܐ ܡܫܬܘܚܪ ܐܢܬ ܐܘ ܛܪܘܢܐ܂ ܥܬܝܕܝܢ ܚܢܢ ܗܘ ܓܝܪ ܠܡܡܬܼ ܐܘ ܕܢܥܒܪ ܥܠ ܦܘܩܕܢܐ ܕܐܒ̈ܗܝܢ܃
09:02 [ai]ܒܗܿܬܝܢܢ ܓܝܪ ܡܢܗܘܢ ܙܕܩܿܐܝܬܿ܂ ܐܢܗܼܘ ܕܠܐ ܒܡܬܛܦܝܣܢܘܬܗ ܕܢܡܘܣܐ܂ ܘܒܡܘܫܐ ܐܝܟ ܕܒܡܠܘܟܐ ܢܬܚܫܚ܃
09:03 [ai]ܐܘ ܛܪܘܢܐ ܡܿܠܘܟܐ ܕܥܒܪ ܢܡܘܣܐ܂ ܠܐ ܟܕ ܣܿܢܐ ܐܢܬ ܠܢ ܚܠܦ ܢܦܫܟ ܬܚܘܣ ܥܠܝܢ܃
09:04 [ai]ܣܝܡܼܐ ܗܝ ܠܢ ܓܝܪ ܕܡܢ ܡܘܬܐ ܩܫܝܐ ܗܝ ܡܪܚܡܢܘܬܟ ܕܥܠ ܐ̈ܦܝ ܚ̈ܿܝܐ ܕܠܒܪ ܡܢ ܢܡܘܣܐ ܗܘܿܝܐ ܠܘܬܢ܃
09:05 [ai]ܡܣܪܕ ܐܢܬ ܠܢ ܕܝܢ ܟܕ ܡܬܠܚܡ ܐܢܬܼ ܥܠܝܢ ܡܘܬܐ ܕܒܝܕ ܫ̈ܢܕܐ܂ ܐܝܟ ܗܿܘ ܕܠܘ ܡܢ ܩܕܡ ܩܠܝܠ ܡܢ ܐܠܝܥܙܪ ܐܝܠܦܼܬܿ܂ ܕܡܚܝܠ ܗܘ ܚܝܠܐ ܕܫ̈ܢܕܝܟ܃
09:06 [ai]ܐܢ ܕܝܢ ܣܒܐ ܡܢ ܒ̈ܢܝ ܥܒܪ̈ܝܐ ܡܛܠ ܫܼܪܪܐ ܐܦ ܐܘ̈ܠܨܢܐ ܣܝܒܪ ܘܡܼܝܬܼ܂ ܠܐ ܕܝܢ ܝܬܝܪܐܝܬ ܙܕܿܩ ܠܢ ܕܛܠܼܝܢ ܚܢܢ ܠܡܣܝܿܒܪܘ܂ ܟܕ ܡܒܣܪܝܢܢ ܥܠ ܫܢ̈ܕܝܟ ܩܫ̈ܝܐ܂ ܗܿܢܘܢ ܕܐܦ ܡܠܦܢܢ ܣܒܐ ܙܟܼܐ܃
09:07 [ai]ܢܣܐ ܗܟܝܠ ܐܘ ܛܪܘܢܐ ܢܦ̈ܫܬܢ܂ ܐܢ ܗܘ ܓܝܪ ܕܬܡܝܬ ܠܢ ܡܛܠ ܫܪܪܐܼ܂ ܠܐ ܬܣܒܪ ܕܙܟܿܐ ܐܢܬ ܠܢ ܒܝܕ ܫܢ̈ܕܝܟ܃
09:08 [ai]ܚܢܢ ܓܝܪ ܒܝܕ ܗܠܝܢ ܐܘܠܨ̈ܢܐ ܘܒܝܕ ܗܕܐ ܡܣܝܒܪܢܘܬܐ ܟ̈ܠܝ̈ܠܐ ܕܢܨܝܚܘܬܢ ܫܩܿܠܝܢ ܚܢܢܿ܃
09:09 [ai]ܐܢܬ ܕܝܢ ܡܛܠ ܕܡܬܛܦܠ ܐܢܬ ܒܩܛܠܢܼ܂ ܣܒܿܠ ܐܢܬ ܡܢ ܕܝܢܼܐ ܕܐܠܗܐ ܬܫ‍<‍ܢ‍>‍ܝܩܐ ܕܠܥܠܡ܃
09:10 [ai]ܟܕ ܕܝܢ ܐܡܼܪܘ ܗܠܝܼܢ܂ ܠܐ ܒܠܚܘܕ ܐܝܟ ܕܠܘܩܒܠ ܗܠܝܢ ܕܠܐ ܡܛܦܝܣܝܢ ܐܬܚܡܬ ܛܪܘܢܐܼ܂ ܐܠܐ ܐܦ ܐܝܟ ܕܠܘܩܒܠ ܚܪ̈ܝܝܐ܃
09:11 [ai]ܘܥܠ ܗܕܐ ܠܩܫܝܫܗܘܢ ܐܬܦܩܕܘ ܦܠܚ̈ܐ ܠܡܝܬܝܘ ܠܡܨܥܬܐ܂ ܘܣܕܩܘܗܿ ܠܟܘܬܝܢܗ܂ ܘܐܣܪܘ ܐܝܕ̈ܘܗܝ ܘܕܪ̈ܥܘܗܝܼ܂ ܒܥܪ̈ܩܐ ܡܢ ܬܪ̈ܝܗܘܢ ܓܒ̈ܐ܃
09:12 [ai]ܟܕ ܕܝܢ ܠܐܝܘ ܡܢ ܕܡܢܓܕܝܢ ܗܘܘ ܠܗ ܘܡܕܡ ܠܐ ܣܿܥܪܝܢ܂ ܐܪܡܝܘܗܝ ܥܠ ܓܝܓܠܐ܃
09:13 [ai]ܘܒܡܬܚܐ ܕܥܠܝܗܿ ܥܠܝܡܐ ܢܨܝܚܐ ܡܢ ܫܪ̈ܝܬܗ ܡܬܦܪܩ ܗܘܐ܃
09:14 [ai]ܘܟܕ ܟܠܗܘܢ ܗܕܡ̈ܘܗܝ ܡܬܒܪܝܢ ܗܘܘܼ܂ ܡܨܚܐ ܗܘܐ ܘܐܡܿܪ܃
09:15 [ai]ܐܘ ܛܪܘܢܐ ܛܡܐ ܘܒܥܠܕܒܒܐ ܕܕܝܼܢܐ ܫܡܿܝܢܐ܂ ܘܚܪܡܐ ܒܪܥܝܢܗ܂ ܠܐ ܗܘܐ ܕܩܛܿܠܬ ܐܢܫ ܒܐܣܟܡܐ ܗܿܢܐ ܡܫܬܢܕ ܐܢܬ ܒܝ܂ ܘܠܐ ܗܘܐ ܕܒܐܠܗܐ ܐܪܫܿܥܬ܂ ܐܠܐ ܕܡܥܙܐ ܐܢܐ ܡܛܠ ܢܡܘܣܐ ܐܠܗܝܐ܃
09:16 [ai]ܟܕ ܕܝܢ ܐܡܿܪܝܢ ܗܘܘ ܠܗ ܦܠܚ̈ܐ ܕܐܘܕܐ ܕܐܟܠ ܐܢܬ ܕܬܓܗܐ ܡܢ ܫܢ̈ܕܐܼ܃
09:17 [ai]ܐܡܼܪ܂ ܠܐ ܗܟܢܐ ܚܣܝܢܐ ܓܝܓܠܟܘܢ ܐܘ ܡܫܡ̈ܫܢܐ ܛܡ̈ܐܐ ܕܠܪܥܝܢܝ ܬܟܒܘܫ܂ ܦܣܩܘ ܗܕ̈ܡܝ ܘܐܘܩܕܘ ܒܢܘܪܐ ܒܣܪܝ܃
09:18 [ai]ܘܫܪ̈ܝܬܝ ܦܫܿܚܼܘ܂ ܒܝܕ ܓܝܪ ܟܠ ܫ̈ܢܕܝܢ ܐܦܝܣܟܼܘܢ܂ ܕܒܠܚܘܕ ܒܢ̈ܝ ܥܒܪ̈ܝܐ ܒܬܟܬܘܫܐ ܕܚܠܦ ܡܝܬܪܘܬܐ ܐܝܬܝܗܘܢ ܠܐ ܡܙܕ̈ܟܝܢܐ܃
09:19 [ai]ܟܕ ܕܝܢ ܐܿܡܼܪ ܗܠܝܼܢ܂ ܢܘܪܐ ܬܚܘܬܘܗܝ ܡܿܟܘ܂ ܘܓܝ̈ܓܠܐ ܐܝܟ ܕܒܥܨܝܢܐ ܥܠܘܗܝ ܒܐܘܡܢܘܬܐ ܐܩܫܝܘ܃
09:20 [ai]ܡܬܦܠܦܠܐ ܗܘܬ ܕܝܢ ܓܝܓܠܐ ܡܢ ܟܘܠ ܓܒ̈ܝܢ܂ ܘܟܪܝܐ ܕܓܘܡܪܐ ܕܬܚܘܬܘܗܝ ܡܢ ܢܘ̈ܛܦܬܐ ܕܕܡܗ ܡܬܕܥܟ ܗܘܐ܂ ܘܟܕ ܥܠ ܣ̈ܪܢܘܗܝ ܕܡܐܢܐ ܗܢܐ ܒܣܪܗ ܫܿܐܼܚ ܗܘܐ̈
09:21 [ai]ܘܓܪ̈ܡܘܗܝ ܡܬܦܪܩܝܢ ܗܘܘ܂ ܠܐ ܒܓܢ ܥܠܝܡܐ ܠܒܝܒܐ ܒܪܗ ܕܐܒܪܗܡ܃
09:22 [ai]ܐܠܐ ܐܝܟ ܗܿܘ ܕܒܓܘ ܢܘܪܐ ܡܫܬܚܠܦ ܗܘܐ ܠܠܐ ܡܬܚܒܠܢܘܬܐ܂ ܡܣܝܒܪ ܗܘܐ ܚܠܝܨܐܝܬ ܫܢ̈ܕܐ ܟܕ ܐܡܿܪ܃
09:23 [ai]ܐܬܕܡܘ ܒܝ ܐܚ̈ܝ܂ ܘܡܢ ܬܓܡܐ ܗܢܐ ܕܝܠܝܼ ܠܥܠܡ ܠܐ ܬܫܢܘܢ܂ ܘܠܐ ܬܟܦܪܘܢ ܒܐܚܘܬܐ ܕܠܒܝܒܘܬܐ ܕܢܦܫܝ܂ ܦܠܚܘܬܐ ܙܗܝܬܐ ܘܢܨܝܚܬܐ ܦܠܘܚܘ ܥܠ ܐ̈ܦܝ ܫܪܪܐ܃
09:24 [ai]ܕܒܐܝܕܗܿ ܒܛܝܠܘܬܐ ܟܐܢܬܐ ܕܐܠܗܐ ܕܡܢ ܝܘܡ̈ܝ ܐܒܗ̈ܝܢ ܬܿܬܪܥܐ ܠܥܡܢ܂ ܘܬܣܝܡ ܒܪܫܗ ܕܛܪܘܢܐ ܗܢܐ ܕܐܝܬܘܗܝ ܕܝܘܐ ܡܚܒܠܢܐ܃
09:25 [ai]ܘܟܕ ܐܡܼܪ ܗܠܝܢ ܛܠܝܐ ܙܗܝܐ ܢܦܫܗ ܫܠܡܬ܀
09:26 [ai]ܟܕ ܕܝܢ ܟܠܢܫ ܬܗܿܪ ܗܘܐ ܒܡܚܡܣܢܢܘܬܐ ܕܢܦܫܗ܂ ܢܓܼܕܘ ܦܠܚ̈ܐ ܠܗܿܘ ܕܛܠܼܐ ܗܘܐ ܒܩܘܡܬܗ ܕܐܝܬܘܗܝ ܡܢ ܒܬܪ ܗܿܘ ܩܕܡܝܐ܂ ܘܐܠܒܫܘ ܠܐܝ̈ܕܝܗܘܢ ܐܝ̈ܕܝܐ ܕܦܪܙܠܐ܂ ܘܒܛܦܪ̈ܝܗܘܢ ܚܪ̈ܝܦܬܐ ܟܕ ܬܠܼܐ ܓܙܡܝܢ ܗܘܘ ܕܢܣܪܩܘܢܝܗܝ܃
09:27 [ai]ܟܕ ܕܝܢ ܫܐܠܘܗܝ ܕܐܢ ܗܼܘ ܕܨܿܒܐ ܕܢܐܟܘܠ ܥܕ ܠܐ ܢܿܩܒܠ ܫܢ̈ܕܐ܃ ܘܫܡܼܥܘ ܡܢܗ ܡܠܬܐ ܠܒܝܒܬܐܼ܃
09:28 [ai]ܐܝ̈ܕܝܐ ܕܦܪܙܠܐܼ ܐܩܬܘ ܒܣܬܪ ܩܕܠܗ܂ ܘܢܓܕܘܗܝ ܠܒܣܪܐ ܟܘܠܗܼ ܥܕܡܐ ܠܕܩܢܗ܂ ܘܠܡܫܟܐ ܕܪܫܗ ܗܘܼ ܗܟܢܐ ܢܫܼܛܘ ܗܿܢܘܢ ܚܝ̈ܘܬܐ ܢܡܪ̈ܝܬܐ܂ ܗܼܘ ܕܝܢ ܟܕ ܚܫܐ ܗܢܐ ܝܩܝܪܐܝܬ ܡܣܝܒܪ ܗܘܐ ܐܡܿܪ ܗܘܐ܃
09:29 [ai]ܡܐ ܗܢܝ ܟܠ ܐܣܟܝܡ ܕܡܘܬܐ ܡܛܠ ܗܝܡܢܘܬܐ ܕܐܒ̈ܗܝܢ܂ ܐܡܿܪ ܗܘܐ ܕܝܢ ܐܦ ܠܛܪܘܢܐ܃
09:30 [ai]ܠܐ ܣܼܝܡܐ ܠܟ ܐܘ ܛܪܘܢܐ ܕܡܢ ܟܘܠ ܛܪܘܢܝܢ ܚܼܪܡ ܐܢܬ܂ ܕܛܒ ܡܢ ܕܝܠܝ ܐܢܬ ܐܝܬܝܟ ܒܐܘܠܨܢܐ܂ ܕܚܐܿܪ ܐܢܬ ܕܚܘܫܒܐ ܕܫܘܥܠܝܐ ܕܪܡܘܬܟܿ܂ ܡܢ ܡܣܝܒܪܢܘܬܐ ܕܥܠ ܐ̈ܦܝ ܫܪܪܐ ܐܙܕܟܝ܃
09:31 [ai]ܐܢܐ ܓܝܪ ܒܝܕ ܪܓܝܓܘܬܐ ܕܥܠ ܐ̈ܦܝ ܢܨܝܚܘܬܐ ܚܫ̈ܝ ܥܠܝ ܩܿܠܝܢ܃
09:32 [ai]ܐܢܬ ܕܝܢ ܒܠܘܚ̈ܡܐ ܕܫܘ̈ܢܩܐܿ܂ ܕܟܦܘܪܘܬܟ ܠܗܘܢ ܢܛܝܪܐ ܡܬܢܓܕ ܐܢܬ܂ ܠܐ ܕܝܢ ܡܫܬܘܙܒ ܐܢܬ ܐܘ ܛܪܘܢܐ ܛܡܐܐܿ܂ ܡܢ ܕܝܢܼܐ ܟܐܢܐ ܕܐܠܗܐ܀

next chapter