The Comprehensive Aramaic Lexicon

021:01	ܪܓܘܫܝܐ ܓܝܪ ܡܬܐܡܪ ܩܠ ܪܘܒܐ ܕܡܢ ܟܢܘܫܝܐ
021:02	ܕܣ̈ܓܝܐܐ ܗܿܘܐ܂ ܐܝܟ ܗܿܝ ܕܪܓܫܐ ܕܪܓܘܫܝܐ ܒܥܘܡܩܐ
021:03	ܕܦܣܝܩ̈ܬܐ܂ ܝܘܢܝܐ܃ ܠܡܢܐ ܐܫܬܥܠܝܘ ܥܡܡ̈ܐ ܐܿܡܪ܂ ܡܟܣ
021:04	ܓܝܪ ܠܛܠܘܡܘܬܗܘܢ ܒܝܕ ܫܘܐܠܐ ܘܐܿܡܪ܃ ܠܡܢܐ ܪܓܫܘ
021:05	ܥܡܡ̈ܐ܂ ܐܝܕܐ ܠܡ ܥܠܬܐ ܩܪܬ ܐܢܘܢ ܠܘܬ ܗܢܐ ܟܢܘܫܝܐ
021:06	ܫܓܝܫܐ܃ ܕܢܬܪܥܘܢ ܩܛܠܐ ܕܡܓܢ܂ ܥܡܡ̈ܐ ܡܫܡܗ ܠܕܒܝܬ
021:07	ܗܪܘܕܣ ܘܦܝܠܛܘܣ ܘܐܣܛܪ̈ܛܝܘܛܐ܂ ܐܝܟ ܕܦܫܩ ܦܛܪܘܣ܃
021:08	ܗܪܘܕܣ ܠܡ ܘܦܝܠܛܘܣ ܥܡ ܥܡܡ̈ܐ ܘܟܢܫܐ ܕܝܣܪܝܠ܂ ܘܡܪܢ܃
021:09	ܢܫܠܡܘܢܝܗܝ ܠܡ ܠܥܡܡ̈ܐ ܘܢܒܙܚܘܢ܂ ܐܡ̈ܘܬܐ ܕܝܢ ܠܪ̈ܒܝ
021:10	ܟܗ̈ܢܐ ܘܩܫ̈ܝܫܐ܂
021:11	ܩܡܘ ܡ̈ܠܟܐ܂ ܗܢܘ܂ ܡܢ ܪܒܘܬܗܿ ܕܬܕܡܘܪܬܐ ܕܒܚܫܐ܃
021:12	ܩܡܘ ܡܢ ܟܘܪ̈ܣܘܬܗܘܢ ܟܠܗܘܢ ܡ̈ܠܟܐ ܟܕ ܒܥܝܢ܃ ܕܐܝܕܐ ܗܝ
021:13	ܥܠܬܐ ܕܚܫܟܘ ܢܗܝܪ̈ܐ܂ ܐܝܟ ܕܐܦ ܒܝܬ ܐܪ̈ܟܐ ܕܡ̈ܠܟܐ
021:14	ܪ̈ܗܘܡܝܐ ܘܡܨܪ̈ܝܐ ܐܫܬܟܚ ܕܟܬܝܒ ܥܠ ܚܫܟܐ ܗܢܐ ܕܒܠܐ/ܕܡܠܐ#2#/
021:15	ܢܡܘܣܐ ܕܟܠܕܝܘܬܐ܃ ܐܝܟ ܡܿܢ ܕܒܥܣܪܝܢ ܘܫܒܥܐ ܥܕܡܐ
021:16	ܠܬܠܬܝܢ ܒܣܗܪܐ܃ ܐܡܪܝܢ ܟܠܕܝ̈ܐ ܕܓܕܫܐ ܗܓܠܦܣܝܣ ܠܫܡܫܐ܃
021:17	ܐܝܟ ܡܿܢ ܕܗܝܕܝܟ ܡܬܟܝܢܝܢ ܐܬܠܝܐ ܘܣܗܪܐ܃ ܕܩܝܡܝܢ
021:18	ܬܪܝܗܘܢ ܒܐܦܝ̈ ܫܡܫܐ܂ ܗܕܐ ܕܝܢ ܕܡܪܢ ܕܠܩܘܒܠܐ ܗܘܼܬ܃
021:19	ܒܗܿܝ ܕܒܟܣܐܐ ܒܣܗܪܐ ܚܫܼܟ܃ ܟܕ ܪܚܝܩ ܣܗܪܐ ܡܢ ܫܡܫܐ
021:20	ܡܠܐ ܦܬܝܗܿ ܕܐܣܦܝܪܐ܃ ܘܐܬܝܕܥܬ ܠܟܠ ܕܬܕܡܘܪܬܐ ܗܝ
021:21	ܕܐܠܗܐ܂ ܐܢܫ̈ܝܢ ܕܝܢ ܡܢܗܘܢ ܐܦ ܩܨܡܘ܃ ܕܝܘܡܢܐ ܠܡ ܚܕ ܡܢ
021:22	ܐܠܗ̈ܐ ܚܼܫ ܒܥܠܡܐ܂ ܟܬܝܒ ܓܝܪ ܒܗܘܦܡܢܡ̈ܛܐ ܕܝܠܗܘܢ܃
021:23	ܕܙܘܥܐ ܪܒܐ ܗܘܼܐ ܒܗ ܒܝܘܡܐ܃ ܘܢܦܼܠ ܥܣܪܝܢ ܡܕܝ̈ܢܢ
021:24	ܒܒܝܬܐܘܢܝܐ܂
021:25	ܙܿܕܩ ܕܝܢ ܠܡܩܪܐ ܗܿܝ ܕܩܡܘ ܡ̈ܠܟܐ ܕܐܪܥܐ ܡܢܗܿ ܘܠܗܿ܃ ܘܟܢ
021:26	ܢܩܦ܃ ܘܫܠܝ̈ܛܢܐ ܐܬܡܠܟܘ ܘܕܫܪܟܐ܂ ܗܢܘ܂ ܣܦܪ̈ܐ ܘܦܪ̈ܝܫܐ܂
021:27	ܚܢܩ̈ܝܗܘܢ܂ ܗܢܘ܂ ܫܘܥܒܕܗܘܢ ܕܠܐܒܐ ܘܠܒܪܐ܃
021:28	ܒܕܡܘܬ ܚܝܘܬܐ ܡܢ ܢܝܪܐ ܘܕܫܪܟܐ܂
021:29	ܘܟܕ ܡܢܒܐ ܥܠ ܪܘܓܙܐ ܕܐܿܬܐ ܥܠܝܗܘܢ ܒܝܕ