← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


36:01 [ai]ܘܗܘܐ ܒܫܢܬ ܐܪ̈ܒܥܣܪܐ ܕܚܙܩܝܐ ܡܠܟܐ ܕܝܗܘܕܐ܃ ܣܠܩ ܣܢܚܪܝܒ ܡܠܟܐ ܕܐܬܘܪ ܥܠ ܟܠܗܝܢ ܡ̈ܕܝܢܬܐ ܥܫܝܢ̈ܬܐ ܕܝܗܘܕܐ ܘܐܚܕ ܐ̈ܢܝܢ܂
36:02 [ai]ܘܫܕܪ ܡܠܟܐ ܕܐܬܘܪ ܡܢ ܠܟܝܫ ܠܪܒ ܫܩ̈ܐ܃ ܠܘܬ ܚܙܩܝܐ ܡܠܟܐ ܠܐܘܪܫܠܡ ܒܚܝܠܐ ܣܓܝܐܐ܂ ܘܩܡ ܒܡܣܩܬܐ/ܒܡܣܩܢܐ#3#/ܒܦܩܥܬܐ#3#/ ܕܝܡܬܐ ܥܠܝܬܐ܃ ܒܐܘܪܚܐ/ܕܒܐܘܪܚܐ#3#/ ܕܚܩܠܗ ܕܩܨܪܐ܂
36:03 [ai]ܘܢܦܩ ܠܘܬܗ܃ ܐܠܝܩܝܡ ܒܪ ܚܠܩܝܐ ܪܒ ܒܝܬܐ ܘܫܒܢܐ ܣܿܦܪܐ܂ ܘܝܘܐܚ ܒܪ ܐܣܦ ܡܥܗܕܢܐ܂
36:04 [ai]ܘܐܡܪ ܠܗܘܢ ܪܒ ܫ̈ܩܐ܂ ܐܡܪܘ ܠܚܙܩܝܐ܃ ܗܟܢܐ ܐܡܿܪ ܡܠܟܐ ܪܒܐ ܡܠܟܐ ܕܐܬܘܪ܂ ܡܢܘ ܬܘܟܠܢܐ ܗܢܐ ܕܐܬܬܟܠܬ܂
36:05 [ai]ܘܐܡܪܬ܃ ܕܐܝܬ ܒܟ ܡܡܠܠܐ ܕܣ̈ܦܘܬܐ܃ ܘܬܪܥܝܬܐ ܘܓܢܒܪܘܬܐ ܠܩܪܒܐ܂ ܗܫܐ ܥܠ ܡܢܘ ܐܬܬܟܠܬ ܕܡܪܕܬ ܥܠܝ܂
36:06 [ai]ܗܐ ܐܬܬܟܠܬ ܥܠ ܣܡܿܟܐ ܕܩܢܝܐ ܪܥܝܥܐ܃ ܥܠ ܡܨܪܝܐ܂ ܕܡܐ ܕܐܣܬܡܟ ܓܒܪܐ ܥܠܘܗܝ܃ ܥܐܿܠ ܒܐܝܕܗ ܘܒܿܙܥ ܠܗܿ܂ ܗܟܢܐ ܗܘ ܦܪܥܘܢ ܡܠܟܐ ܕܡܨܪܝܢ ܠܟܠ ܕܡܬܬܟܠܝܢ ܥܠܘܗܝ܂
36:07 [ai]ܘܐܢ ܬܐܡܪ ܠܝ ܕܥܠ ܡܪܝܐ ܐܠܗܢ ܐܬܬܟܠܢ܃ ܡܢܐ ܐܘܬܪ ܚܙܩܝܐ ܕܐܥܒܪ ܥ̈ܠܘܬܐ ܘܡܕܒ̈ܚܐ܃ ܘܐܡܪ ܠܝܗܘܕܐ ܘܠܐܘܪܫܠܡ܃ ܕܩܕܡ ܡܕܒܚܐ ܚܕ ܬܣܓܕܘܢ܂
36:08 [ai]ܘܗܫܐ ܐܬܚܠܛ ܥܡ ܡܪܝ ܡܠܟܐ ܐܬܘܪܝܐ܃ ܘܐܬܠ ܠܟ ܬܪ̈ܝܢ ܐ̈ܠܦܝܢ ܪ̈ܟܫܐ܃ ܐܢ ܐܝܬ ܠܟ ܦܪ̈ܫܐ ܕܬܪܟܒ ܥܠܝܗܘܢ܂
36:09 [ai]ܘܐܝܟܢܐ ܡܗܦܟ ܐܢܬ ܐ̈ܦܐ ܕܚܕ ܡܢ ܥܒ̈ܕܘܗܝ ܙܥܘܪ̈ܐ ܕܡܪܝ܃ ܘܐܬܬܟܠܬ ܠܟ ܥܠ ܡܨܪܝܐ܃ ܕܢܬܠ ܠܟ ܡܪ̈ܟܒܬܐ ܘܦܪ̈ܫܐ܂
36:10 [ai]ܗܫܐ ܓܝܪ ܒܠܥܕ ܡܢ ܡܪܝܐ ܣܠܩܿܬ ܠܐܪܥܐ ܗܕܐ ܠܡܚܪܒܘܬܗܿ܃ ܡܪܝܐ ܗܘ ܐܡܪ ܠܝ ܕܐܣܩ ܥܠ ܐܪܥܐ ܗܕܐ ܘܐܚܪܒܝܗܿ܂
36:11 [ai]ܘܐܡܪ ܐܠܝܩܝܡ ܘܫܒܢܐ ܘܝܘܐܚ ܠܪܒ ܫ̈ܩܐ܂ ܡܠܠ ܥܡ ܥܒ̈ܕܝܟ ܐܪܡܐܝܬ ܡܛܠ ܕܫܡܿܥܝܢܢ܂ ܘܠܐ ܬܡܠܠ ܥܡܢ ܝܗܘܕܐܝܬ ܩܕܡ ܥܡܐ ܕܩܝܿܡܝܢ ܥܠ ܫܘܪܐ܂
36:12 [ai]ܘܐܡܪ ܠܗܘܢ ܪܒ ܫ̈ܩܐ܂ ܠܐ ܗܘܐ ܠܘܬܟܘܢ ܘܠܘܬ ܡܪܟܘܢ ܫܕܪܢܝ ܡܪܝ ܠܡܐܡܪ ܡ̈ܠܐ ܗܠܝܢ܂ ܐܠܐ ܠܓܒܪ̈ܐ ܕܝܿܬܒܝܢ ܥܠ ܫܘܪܐ ܕܠܐ ܢܐܟܠܘܢ ܬܒܬܗܘܢ ܘܢܫܬܘܢ ܬܝܢ̈ܝܗܘܢ ܥܡܟܘܢ܀܂
36:13 [ai]ܘܩܡ ܪܒ ܫ̈ܩܐ܃ ܘܩܪܐ ܒܩܠܐ ܪܡܐ ܝܗܘܕܐܝܬ ܘܐܡܪ܂ ܫܡܥܘ ܡ̈ܠܘܗܝ ܕܡܠܟܐ ܪܒܐ ܡܠܟܐ ܕܐܬܘܪ܂
36:14 [ai]ܗܟܢܐ ܐܡܿܪ ܡܠܟܐ ‍<‍ܕܐܬܘܪ#3#‍>‍ ܠܐ ܢܛܥܝܟܘܢ ܚܙܩܝܐ܂ ܡܛܠ ܕܠܐ ܡܫܟܚ ܠܡܦܨܝܘܬܟܘܢ܂
36:15 [ai]ܘܠܐ ܢܬܟܠܟܘܢ ܚܙܩܝܐ ܥܠ ܡܪܝܐ܃ ܘܢܐܡܪ ܕܡܦܨܝܘ ܡܦܨܐ ܠܢ ܡܪܝܐ܃ ܘܠܐ ܡܫܬܠܡܐ ܩܪܝܬܐ ܗܕܐ ܒܐ̈ܝܕܘܗܝ ܕܡܠܟܐ ܕܐܬܘܪ܂
36:16 [ai]ܠܐ ܬܫܡܥܘܢ ܠܚܙܩܝܐ܂ ܡܛܠ ܕܗܟܢܐ ܐܡܿܪ ܡܠܟܐ ܕܐܬܘܪ܂ ܥܒܕܘ ܥܡܝ ܒܘܪܟܬܐ ܘܦܘܩܘ ܠܘܬܝ܂ ܘܐܟܘܠܘ ܐܢܫ ܓܘ̈ܦܢܘܗܝ ܘܐܢܫ ܬܐ̈ܢܘܗܝ܂ ܘܐܫܬܘ ܐܢܫ ܡ̈ܝܐ ܕܓܘܒܗ܂
36:17 [ai]ܥܕ ܐܬܐ ܘܐܕܒܪܟܘܢ ܠܐܪܥܐ ܕܐܝܟ ܐܪܥܟܘܢ܂ ܐܪܥܐ/ܠܐܪܥܐ#3#/ ܕܥܒܘܪܐ ‍<‍ܘܕܚܡܪܐ#3#‍>‍ ܘܕܡܫܚܐ܂ ܐܪܥܐ ܕܙܝ̈ܬܐ ܘܕܟܪ̈ܡܐ܂
36:18 [ai]ܘܠܐ ܢܛܥܝܟܘܢ ܚܙܩܝܐ܃ ܘܢܐܡܪ ܕܡܪܝܐ ܡܦܨܐ ܠܢ܂ ܕܠܡܐ ܦܨܝܘ ܐ̈ܠܗܝܗܘܢ ܕܥܡ̈ܡܐ܃ ܐܢܫ ܐܪܥܗ ܡܢ ܐ̈ܝܕܘܗܝ ܕܡܠܟܐ ܕܐܬܘܪ܂
36:19 [ai]ܐܝܟܐ ܐܢܘܢ ܐ̈ܠܗܐ ܕܚܡܬ ܘܕܪܦܕ܂ ܘܐܝܟܐ ܐܢܘܢ ܐ̈ܠܗܐ ܕܣܦܪܘܝܡ܂ ܕܠܡܐ ܦܨܝܘ ܠܫܡܪܝܢ ܡܢ ܐ̈ܝܕܝ܂
36:20 [ai]ܡܿܢ ܡܢ ‍<‍ܗܠܝܢ#3#‍>‍ ܟܠܗܘܢ ܐ̈ܠܗܐ ܕܐܪ̈ܥܬܐ ܗܠܝܢ ܦܨܝ ܐܪܥܗ ܡܢ ܐܝܕܝ̈܂ ܕܡܦܨܐ ܡܪܝܐ ܠܐܘܪܫܠܡ ܡܢ ܐ̈ܝܕܝ܂
36:21 [ai]ܘܫܬܩܘ ܠܗܘܢ/ܟܠܗܘܢ#3#/܂ ܘܐܢܫ ܠܐ ܝܗܒ ܠܗ ܦܬܓܡ܂ ܡܛܠ ܕܦܩܕ ܡܠܟܐ ܘܐܡܪ܂ ܠܐ ܬܬܠܘܢ ܠܗ ܦܬܓܡܐ܂
36:22 [ai]ܘܐܬܐ ܐܠܝܩܝܡ ܒܪ ܚܠܩܝܐ ܪܒܝܬܐ ܘܫܒܢܐ ܣܿܦܪܐ܃ ܘܝܘܐܚ ܒܪ ܐܣܦ ܡܥܗܕܢܐ܃ ܠܘܬ ܚܙܩܝܐ ܟܕ ܡܨܪܝܢ ܢܚ̈ܬܝܗܘܢ܂ ܘܚܘܝܘܗܝ ܡ̈ܠܘܗܝ ܕܪܒ ܫ̈ܩܐ܀܂

next chapter