The Comprehensive Aramaic Lexicon

01:00	ܬܘܒ ܬܫ̈ܥܝܬܐ ܕܣܘܥܪ̈ܢܐ ܐܝܟ ܕܒ̈ܦܣܝܩܬܐܿ܀
01:01	ܒܫܢܬ ܚܡܫܡܐܐ ܘܬܠܬܥܣܪ̈ܐ ܒܡܠܟܘܬܗ ܕܣܘܪܘܣ܂
01:02	ܘܒܡܠܟܘܬܗ ܕܐܒܓܪ ܡܿܠܟܐ ܒܪ ܡܥܢܘ ܡܿܠܟܐܼ܂
01:03	ܒܐܝܪܚ ܬܫܪܝܢ ܐܚܪܝܼ܂ ܥܫܢ ܗܘܐ ܡܒܘܥܐ ܕܡ̈ܝܐ
01:04	ܕܢܿܦܩ ܡܢ ܐܦܕܢܐ ܪܒܐܿ܂ ܕܐܒܓܪ ܡܿܠܟܐ ܒܪܐ܂ ܘܥܫܢ
01:05	ܘܣܠܩ ܐܝܟ ܥܝܕܗ ܩܕܡܝܐ܂ ܘܡܼܠܐ ܗܘܐ ܘܫܦܥ ܠܟܘܠ
01:06	ܓܒ̈ܝܢ܂ ܘܫܪܝ ܗܘܘ ܕܪ̈ܬܐ ܘܐܣ̈ܛܘܐ ܘܒ̈ܬܐ
01:07	ܕܡܠܟܘܬܐ ܕܢܬܡܠܘܢ ܡ̈ܝܐ܂ ܘܟܕ ܚܼܙܐ ܡܪܝܢ
01:08	ܐܒܓܪ ܡܿܠܟܐܼ܂ ܣܠܩ ܗܘܐ ܠܗ ܠܬܩܢܐ ܕܛܘܪܐ
01:09	ܕܠܥܠ ܡܢ ܐܦܕܢܐ ܕܝܠܗ܂ ܐܝܟܐ ܕܝܬܒܝܢ ܘܥܡܪ̈ܝܢ܂
01:10	ܥܿܒ̈ܕܝ ܥܿܒܕܐ ܕܝܠܗܿ ܕܡܠܟܘܬܐ܂ ܘܟܕ ܚ̈ܟܝܡܐ
01:11	ܡܬܚܫܒܝܢ ܗܘܘ܃ ܕܡܢܐ ܢܥܒܕܘܢ ܠܗܘܢ ܠܡ̈ܝܐ ܝܬܝܪ̈ܐ
01:12	ܕܐܬܬܘܣܦܘ ܗܘܘ܃ ܓܕܫ ܘܗܘܼܐ ܡܛܪܐ ܪܒܐ ܘܥܫܝܢܐ
01:13	ܒܠܠܝܐ܂ ܘܐܬܼܐ ܕܝܨܢ ܕܠܐ ܒܝܘܡܗ ܘܕܠܐ ܒܝܪܚܗ܂
01:14	ܘܐܬܘ ܡ̈ܝܐ ܢܘܟܪ̈ܝܐܼ܂ ܘܐܫܟܚܘ ܐܢܘܢ ܠܩܛܪ̈ܩܛܐ ܟܕ
01:15	ܐܚܝܕܝܢ ܒܦܪ̈ܙܠܐ ܪܘܪ̈ܒܐ ܕܩܪܝܡܝܢ ܗܘܘ ܘܒܡ̈ܘܟܠܐ
01:16	ܕܦܪܙܠܐ ܕܡܫܪܪܝܢ ܗܘܘ܂ ܘܕܠܐ ܐܫܬܟܚ ܠܗܘܢ
01:17	ܡܥܠܢܐ ܠܡ̈ܝܐܼ܂ ܗܘܼܐ ܠܗ ܝܡܐ ܪܒܐ ܠܒܪ ܡܢ ܫܘܪ̈ܝܗܿ
01:18	ܕܡܕܝܢܬܐ܂ ܘܫܪܝܘ ܗܘܘ ܡ̈ܝܐ ܢܚܬܝܢ ܡܢ ܒܝܬ ܝ̈ܥܝܬܐ
01:19	ܕܫܘܪܐ ܠܡܕܝܢܬܐ܂ ܘܐܒܓܪ ܡܿܠܟܐ ܟܕ ܩܐܡ ܗܘܐ
01:20	ܒܦܘܪܟܣܐ ܪܒܐ ܕܡܬܩܪܐ ܕܦܪ̈ܣܝܐ܂ ܚܼܙܐ ܗܘܐ
01:21	ܒܠܡ̈ܦܐܕܐ ܕܢܘܪܐ ܠܡ̈ܝܐ܂ ܘܦܼܩܕ ܗܘܐܼ܂ ܘܐܫܬܩܠܘ
01:22	ܗܘܘ ܬܪ̈ܥܐ ܘܩܛܪ̈ܩܛܐ ܬܡ̈ܢܝܐ ܕܫܘܪܐ ܡܥܪܒܝܐ
01:23	ܕܡܕܝܢܬܐ ܡܢ ܐܝܟܐ ܕܢܿܦܩ ܢܗܪܐ܂ ܘܒܗܿ ܒܫܥܬܐܼ܂
01:24	ܬܪ̈ܥܘܗܝ ܗܘܘ ܡ̈ܝܐ ܠܫܘܪܐܿ ܡܥܪܒܝܐ ܕܡܕܝܢܬܐܼ܂
01:25	ܘܥܠܘ ܠܓܘ ܡܕܝܢܬܐܼ܂ ܘܥܩܪܘ ܠܐܦܕܢܐ ܪܒܐ ܘܦܐܝܐ
02:01	ܕܡܪܢ ܡܿܠܟܐ܂ ܘܫܩܠܘ ܗܘܘ ܟܠ ܡܕܡ ܕܐܫܬܟܚ ܗܘܐ
02:02	ܩܕܡܝܗܘܢ܂ ܒ̈ܢܝܢܐ ܪ̈ܓܝܓܐ ܘܦܐ̈ܝܐ ܕܡܕܝܢܬܐ܂ ܟܠ
02:03	ܡܕܡ ܕܩܪܝܒ ܗܘܐ ܠܢܗܪܐ ܡܢ ܬܝܡܢܝܗܿ ܘܓܪܒܝܝܗܿ܂
02:04	ܘܣܪܚܘ ܗܘܘ ܬܘܒ ܒܗܝܟܠܐ ܕܥܕܬܐ ܕܟܪ̈ܣܿܛܝܢܐܼ܂
02:05	ܘܡܝܬܘ ܗܘܘ ܒܗܢܐ ܥܿܒܕܐܼ܂ ܝܬܝܪ ܡܢ ܬܪ̈ܝܢ ܐ̈ܠܦܝܢ
02:06	ܕܒ̈ܢܝܢܫܐ܂ ܣܓ̈ܝܐܐ ܕܝܢ ܡܢܗܘܢ܂ ܟܕ ܕܡܟܝܢ ܗܘܘ
02:07	ܒܠܠܝܐ܂ ܥܠܘ ܥܠܝܗܘܢ ܡ̈ܝܐ ܡܢ ܫܠܝܐ ܘܐܬܚܢܩܘ
02:08	ܗܼܘܘ܂ ܟܕ ܡܠܝܐ ܗܘܬ ܡܕܝܢܬܐ ܩܠܐ ܕܝ̈ܠܠܬܐ܂ ܘܟܕ
02:09	ܚܼܙܐ ܐܒܓܪ ܡܿܠܟܐ ܣܘܪܚܢܐ ܗܢܐ ܕܗܼܘܐ ܗܘܐܼ܂ ܦܩܼܕ
02:10	ܗܘܐ܂ ܕܟܘܠܗܘܢ ܐܘܡ̈ܢܐ ܕܡܕܝܢܬܐ ܢܪܚܩܘܢ ܗܘܘ
02:11	ܚ̈ܢܘܬܗܘܢ ܡܢ ܠܘܬ ܢܗܪܐ܂ ܘܐܢܫ ܠܘܬ ܢܗܪܐܼ܂ ܠܐ
02:12	ܢܒܢܐ ܠܗ ܚܢܘܬܐ܂ ܘܒܚܟܡܬܐ ܕܡ̈ܫܘܚܐ ܘܝ̈ܕܘܥܐܼ܂
02:13	ܐܬܬܣܝܡ ܚ̈ܢܘܬܐ ܕܟܡܐ ܢܗܘܐ ܦܬܝܗ ܕܢܗܪܐ܂
02:14	ܘܐܘܣܦܘ ܗܘܘ ܥܠ ܡ̈ܘܫܚܬܗ ܩ̈ܕܡܝܬܐ܂ ܐܦܢ ܓܝܪ
02:15	ܡ̈ܝܐ ܣܓܝܐܝܢ ܗܘܘ ܘܥܫܝܢܝܼܢ܂ ܐܠܐ ܐܦ ܗܼܘ ܦܬܝܗ
02:16	ܕܢܗܪܐܼ ܙܥܘܪ ܗܘܐ܂ ܕܡ̈ܝܐ ܕܪ̈ܓܠܬܐ ܥܣܪ̈ܝܢ ܘܚ̈ܡܫ
02:17	ܡܩܒܠ ܗܘܐ ܒܟܢܝܫܘܬܗܝܢ ܕܡܢ ܟܠ ܓܒ̈ܝܢ܂ ܘܦܼܩܕ
02:18	ܗܘܐ ܐܒܓܪ ܡܿܠܟܐܼ܂ ܕܟܠܗܘܢ ܗܿܢܘܢ ܕܝܬܒܝܢ
02:19	ܒܐܣܛܘܐ ܘܦܠܚܝܢ ܠܘܩܒܠ ܢܗܪܐܼ܂ ܕܡܢ ܬܫܪܝܢ ܩܕܡ
02:20	ܘܥܕܡܐ ܠܢܝܣܢ܃ ܠܐ ܗܘܘ ܒܝܬܝܢ ܒ̈ܚܢܘܬܗܘܢ܂ ܐܠܐ
02:21	ܓܙܝܪ̈ܝܐ ܕܢܛܪ̈ܝܢ ܡܕܝܢܬܐܼ܂ ܚ̈ܡܫܐ ܡܢܗܘܢ ܗܘܘ
02:22	ܒܝܬܝܢ ܒܫܘܪܐܿ܂ ܠܥܠ ܡܢ ܕܘܟܬܐ ܕܥܠܝܢ ܒܗܿ ܡ̈ܝܐ
02:23	ܠܡܕܝܢܬܐ ܟܠܗ ܙܒܢܐ ܕܣܬܘܐ܂ ܘܡܐ ܕܐܪܓܫܘ
02:24	ܒܠܠܝܐ ܘܫܡܥܘ ܩܠܐ ܕܡ̈ܝܐ ܢܘܟܪ̈ܝܐ ܕܫܪܝܘ ܕܢܥܠܘܢ
02:25	ܠܡܕܝܢܬܐܼ܂ ܘܟܠ ܡܿܢ ܕܫܡܿܥ ܩܠܐ ܘܡܗܡܐ ܘܠܐ
02:26	ܢܦܿܩܼ܂ ܗܐ ܡ̈ܝܐ ܬܒܥܝܢ ܡܢܗ ܒܣܝܢܐ ܕܫܛ
02:27	ܦܘܩܕܢܗ ܕܡܿܠܟܐ܂ ܘܐܬܬܣܝܡ ܗܘܐ ܗܢܐ ܦܘܩܕܢܐ ܡܢ
02:28	ܗܢܐ ܙܒܢܐ ܕܗܼܘܐ ܒܗ ܗܟܢܐ܂ ܥܕܡܐ ܠܝܘܡܬ
02:29	ܥ̈ܠܡܐ܂ ܡܪܢ ܕܝܢ ܐܒܓܪ ܡܿܠܟܐܼ܂ ܦܩܼܕ ܗܘܐ ܘܐܬܒܢܝ
02:30	ܠܗ ܒܢܝܢܐ ܠܡܥܡܪܐ ܕܡܠܟܘܬܗ܂ ܒܝܬ ܣܬܘܐ ܒܝܬ
03:01	ܬܒܪܐ܂ ܘܬܡܢ ܥܿܡܪ ܗܘܐ ܟܠܗ ܙܒܢܐ ܕܣܬܘܐ܂
03:02	ܘܒܩܝܛܐ ܢܚܬ ܗܘܐ ܠܗ ܠܐܦܕܢܐ ܚܕܬܐ ܕܐܬܒܢܝ
03:03	ܗܘܐ ܠܗ ܥܠ ܪܝܫ ܡܒܘܥܐ܂ ܘܐܦ ܗܼܢܘܢ ܚܐܪ̈ܐ
03:04	ܕܝܠܗܼ܂ ܒܢܘ ܠܗܘܢ ܒ̈ܢܝܢܐ ܠܡܥܡܪܗܘܢ ܒܫܒܒܘܬܐ
03:05	ܕܗܿܘܐ ܒܗܿ ܡܿܠܟܐ ܒܫܘܩܐ ܪܡܐ ܕܡܬܩܪܐ ܒܬܼ‍[‍ܝܬ
03:06	ܣܚܪ̈ܝܐ܂ ܘܡܛܠ ܕܢܬܩܝܡ ܗܘܐ ܫܝܢܗܿ ܕܡܕܝܢܬܐ
03:07	ܩܕܡܝܐܼ܂ ܦܩܼܕ ܗܘܐ ܐܒܓܪ ܡܿܠܟܐܼ܂ ܘܐܫܬܒܩ ܚܘܒ̈ܬܐ
03:08	ܕܬܒܥܬܐ ܡܢ ܓܘ̈ܝܐ ܕܡܕܝܢܬܐ܂ ܘܡܢ ܐܝܠܝܢ ܕܥܡܪܝܢ
03:09	ܒܩܘܪ̈ܝܐ ܘܒܐܓܘܪ̈ܣܐ ܘܐܬܟܠܝܬ ܬܒܥܬܐ ܡܢܗܘܢ
03:10	ܚܡܫ ܫ̈ܢܝܼܢ܂ ܥܕܡܐ ܕܥܬܪܬ ܡܕܝܢܬܐ ܒܐܢܫܘܬܐ
03:11	ܘܐܬܟܠܠܬ ܒ̈ܒܢܝܢܝܗܿ܂ ܡܪܝܗܒ ܕܝܢ ܒܪ ܫܡܫ ܘܩܝܘܡܐ
03:12	ܒܪ ܡܓܪܛܛ ܣܿܦܪ̈ܐ ܕܐܘܪܗܝ ܗܼܢܘܢ ܟܬܒܘܗܝ
03:13	ܠܣܘܥܪܢܐ ܗܢܐܼ܂ ܘܠܦܘܩܕܢ ܕܐܒܓܪ ܡܿܠܟܐ܂ ܘܒܪܕܝܢ
03:14	ܘܒܘܠܝܕ ܗܠܝܢ ܕܗܢܘܢ ܩܝܡܝܢ ܗܘܘ ܥܠܐ ܐܪܟܝܐܘܢ
03:15	ܕܐܘܪܗܝܿ ܗܢܘܢ ܩܒܠܘ ܗܘܘ ܘܣܡܘ ܠܓܘ ܡܢܗܘܢܼ܂
03:16	ܐܝܟ ܫܪ̈ܝܪܐ ܕܡܕܝܢܬܐܿ܀ ܒܫܢܬ ܡܐܐ ܘܬܡܢܝܢ ܫܪܝܘ
03:17	ܡ̈ܠܟܐ ܕܢܩܘܡܘܢ ܒܐܘܪܗܝܿ܀ ܒܫܢܬ ܡܐܬܝܢ ܘܫܬܝܢ
03:18	ܘܫܬܼ܂ ܐܡܠܟ ܗܘܐ ܐܓܘܣܛܣ ܩܣܪܿ܀ ܘܒܫܢܬ
03:19	ܬܠܬܡܐܐ ܘܬܫܥܼ܂ ܐܬܝܠܕ ܡܪܢܿ܀ ܘܒܫܢܬ
03:20	ܐܪ̈ܒܥܡܐܐܼ܂ ܒܢܼܐ ܐܒܓܪ ܡܿܠܟܐ ܢܦܫܐ ܠܐܝܩܪܐ
03:21	ܕܡܘܬܗܿ܀ ܒܫܢܬ ܐܪ̈ܒܥܡܐܐ ܘܐܪ̈ܒܥܝܢ ܘܬܫܥܼ܂ ܢܦܼܩ
03:22	ܡܪܩܝܘܢ ܡܢ ܥܕܬܐ ܩܬܘܠܝܩܐ܂ ܘܠܘܩܝܣ ܕܝܢ ܩܣܪ
03:23	ܥܡ ܐܚ̈ܘܝ ܫܥܒܕ ܐܢܘܢ ܠܦܪ̈ܬܘܝܐ ܠܪ̈ܗܘܡܝܐ ܒܫܢܬ
03:24	ܚ̈ܡܫܐ ܕܡܠܟܘܬܗܿ܀ ܫܢܬ ܐܪ̈ܒܥܡܐܐ ܘܫܬܝܢ ܘܚܡܫ
03:25	ܒܐܝܪܚ ܬܡܘܙ ܒܚܕܥܣܪ ܒܗܼ܂ ܐܬܝܠܕ ܒܪܕܝܨܢܿ܀
03:26	ܘܒܫܢܬ ܚܡܫܡܐܐ ܘܫܒܥܣܪ̈ܐܼ܂ ܒܢܐ ܐܒܓܪ ܒܝܪ̈ܬܐ
03:27	ܒܟܪܟܐ ܕܝܠܗܿ܀ ܒܫܢܬ ܚܡܫܡܐܐ ܘܚܡܫܝܢ ܘܚܕܐܼ܂
03:28	ܐܬܝܠܕ ܡܐܢܝܿ܀ ܫܢܬ ܫܬܡܐܐ ܘܐܪ̈ܒܥܣܪܐܼܿ
04:01	ܐܬܬܪܥܘ ܫܘܪ̈ܝܗܿ ܕܐܘܪܗܝ ܕܬܪ̈ܬܝܢ ܙܒ̈ܢܝܼܢ܂ ܒ̈ܝܘܡܝ
04:02	ܕܝܩܠܝܛܝܢܘܣ ܡܿܠܟܐܿ܀ ܒܫܢܬ ܫܬܡܐܐ ܘܥܣܪ̈ܝܢ
04:03	ܘܐܪ̈ܒܥܼ܂ ܣܡ ܩܘܢܐ ܐܦܝܣܩܘܦܐ ܫ̈ܬܐܣܐ ܕܥܕܬܐ
04:04	ܕܐܘܪܗܝ܂ ܘܒܢܐ ܘܫܠܡܗ ܠܒܢܝܢܐܼ܂ ܫܥܕ ܐܦܣܩܦܐ
04:05	ܕܗܼܘܐ ܡܢ ܒܬܪܗܿ܀ ܒܫܢܬ ܫܬܡܐܐ ܘܬܠܬܝܢ ܘܚܡܫ܃
04:06	ܐܬܒܢܝܬ ܩܘܡܝܛܪܝܢ ܕܐܘܪܗܝ ܒܝ̈ܘܡܝ ܐܬܝܠܗܐ
04:07	ܐܦܝܣܩܘܦܐܼ܂ ܩܕܡ ܫܢܬܐ ܕܗܘܬ ܒܗܿ ܣܘܢܗܕܘܣ
04:08	ܪܒܬܐ ܒܢܝܩܝܐܿ܀ ܫܢܬ ܫܬܡܐܐ ܘܬܠܬܝܢ ܘܫܬܼ܂ ܩܡ
04:09	ܐܝܬܠܗܐ ܐܦܣܩܦܐ ܒܐܘܪܗܝ܂ ܘܗܼܘ ܒܢܼܐ ܩܘܡܛܪܝܢ
04:10	ܘܓܒܼܐ ܡܕܢܚܝܐ ܕܥܕܬܐ܂ ܘܒܬܪܗܿ ܕܫܢܬܐܼ܂ ܐܬܟܢܫܬ
04:11	ܣܘܢܗܕܘܣ ܒܢܝܩܝܐܿ܂ ܕܬܠܬܡܐܐ ܘܬܡܢܬܥܣܪ̈
04:12	ܐܦܝܣ̈ܩܘܦܝܢܿ܀ ܫܢܬ ܫܬܡܐܐ ܘܬܠܬܝܢ ܘܬܫܥܼ܂ ܗܼܘܐ
04:13	ܒܢܝܢܐ ܘܬܘܣܦܬܐ ܒܥܕܬܐ ܕܐܘܪܗܝܿ܀ ܒܫܢܬ
04:14	ܫܬܡܐܐ ܘܐܪ̈ܒܥܝܢ ܘܬܫܥܼ܂ ܡܝܬ ܡܪܝ ܝܥܩܘܒ
04:15	ܐܦܝܣܩܘܦܐ ܕܢܨܝܒܝܢܿ܀ ܫܢܬ ܫܬܡܐܐ ܘܚ̈ܡܫܝܢ
04:16	ܘܫܒܥܼ܂ ܗܼܘܐ ܐܒܪܗܡ ܐܦܝܣܩܘܦܐ ܒܐܘܪܗܝ܂ ܘܗܼܘ
04:17	ܒܼܢܐ ܒܝܬ ܡ̈ܘܕܝܢܐܿ܀ ܫܢܬ ܫܬܡܐܐ ܘܫܬܝܼܢ܂ ܒܢܼܐ
04:18	ܩܘܣܛܢܛܝܣ ܒܪ ܩܘܣܛܢܛܝܢܘܣ ܠܐܡܕ ܡܕܝܢܬܐܿ܀
04:19	ܘܒܫܢܬ ܫܬܡܐܐ ܘܫܬܝܢ ܘܚܕܐܼ܂ ܒܢܼܐ ܬܘܒ ܗܘܼ
04:20	ܩܘܣܛܢܛܝܣ ܠܬܠܐ ܡܕܝܢܬܐ܂ ܗܿܝ ܕܡܢ ܩܕܝܡܼ܂
04:21	ܐܢܛܝܦܘܠܝܣ ܡܬܩܪܝܐ ܗܘܬ܀܀ ܫܢܬ ܫܬܡܐܐ ܘܫܬܝܢ
04:22	ܘܫܒܥܼ܂ ܗܘܼܐ ܐܒܪܗܡ ܩܝܕܘܢܝܐ ܚܒܝܫܐ܀܀ ܒܫܢܬ
04:23	ܫܬܡܐܐ ܘܫ̈ܒܥܝܢ ܘܬܪ̈ܬܝܼܢ܂ ܢܦܼܩ ܡܢ ܥܠܡܐ ܡܪܝ
04:24	ܐܒܪܗܡ ܐܦܝܣܩܘܦܐ ܕܐܘܪܗܝ܂ ܘܒܗܿ ܒܫܢܬܐܼ܂ ܢܦܼܩ
04:25	ܡܢ ܥܠܡܐ ܘܠܓܫ ܐܦܝܣܩܘܦܐ ܕܢܨܝܒܝܢܿ܀ ܘܒܗܿ
04:26	ܒܫܢܬܐ ܐܬܐ ܒܪܨܐ ܐܦܝܣܩܘܦܐ ܡܢ ܚܪܢ ܠܐܘܪܗܝ
04:27	ܒܦܘܩܕܢܐ ܕܡܿܠܟܐܿ܀ ܒܫܢܬ ܫܬܡܐܐ ܘܫܒܥܝܼܢ
04:28	ܐܬܗܦܟܬ ܢܝܩܘܡܕܝܐܿ܀ ܘܒܫܢܬ ܫܬܡܐܐ ܘܫܒܥܝܢ
04:29	ܘܐܪ̈ܒܥ ܒܐܝܪܚ ܚܙܝܪܢܼ܂ ܢܚܼܬ ܝܘܠܝܢܘܣ ܘܐܩܪܒ ܥܡ
05:01	ܦܪ̈ܣܝܐ ܘܡܝܬ ܬܡܢ܀ ܒܫܢܬ ܫܬܡܐܐ ܘܫܒܥܝܢ
05:02	ܘܚ̈ܡܫܐ ܒܐܝܪܚ ܫܒܛ ܐܡܠܟ ܘܠܢܛܝܢܣ ܪܒܐ܂ ܘܘܠܝܣ
05:03	ܐܚܘܗܝܿ܀ ܒܫܢܬ ܫܬܡܐܐ ܘܫܒܥܝܢ ܘܬܡܢܐܼ܂ ܢܦܼܩ ܡܢ
05:04	ܥܠܡܐ ܡܪܝ ܝܘܠܝܢܐ ܣܒܐܿ܀ ܫܢܬ ܫܬܡܐܐ
05:05	ܘܬܡܢܐܝܢ ܘܚܕܐܼ܂ ܐܬܒܢܝܬ ܒܝܬ ܡܥܡܘܕܝܬܐ ܪܒܬܐ
05:06	ܕܐܘܪܗܝܿ܀ ܒܫܢܬ ܫܬܡܐܐ ܘܬܡܢܐܝܢ ܘܐܪ̈ܒܥ
05:07	ܒܐܝܪܚ ܚܙܝܪܢ ܒܬܫܥܐ ܒܗܼ܂ ܢܦܩ ܡܢ ܥܠܡܐ ܡܪܝ
05:08	ܐܦܪܝܡ ܕܚ̈ܟܡܬܗ܂ ܘܒܐܝܪܚ ܐܝܠܘܠ ܕܝܠܗܿ ܕܫܢܬܐܼ܂
05:09	ܢܦܼܩ ܥܡܐ ܡܢ ܥܕܬܐ ܕܐܘܪܗܝ ܒܪܕܘܦܝܐ ܕܐܪ̈ܝܢܘܿ܀
05:10	ܒܫܢܬ ܫܬܡܐܐ ܘܬܡܢܐܝܢ ܘܬܫܥ ܒܐܝܪܚ ܐܕܪܼ܂
05:11	ܢܦܼܩ ܡܢ ܥܠܡܐ ܡܪܝ ܒܪܣܐ ܐܦܝܣܩܘܦܐ ܕܐܘܪܗܝ܂
05:12	ܘܒܝܘܡ ܫܒܥܐ ܘܥܣܪ̈ܝܢ ܒܐܝܪܚ ܟܢܘܢ ܩܕܡ ܕܝܠܗܿ
05:13	ܕܫܢܬܐ ܥܠܘ ܐܪ̈ܬܕܘܟܣܐ ܘܩܒܠܘ ܥܕܬܐ ܕܐܘܪܗܝ܂
05:14	ܘܒܗܘܢ ܒ̈ܝܘܡܬܐ ܗܘܼܐ ܡܪܝ ܐܘܠܓܝܣ ܐܦܝܣܩܘܦܐ
05:15	ܒܫܢܬܐ ܕܐܡܠܟ ܒܗܿ ܬܐܘܕܣܝܣ ܪܒܐ ܘܗܼܘ ܡܪܝ
05:16	ܐܘܠܓܝܣ ܒܼܢܐ ܒܝܬ ܡܪܝ ܕܢܝܐܝܠ ܕܐܬܩܪܝ ܒܝܬ ܡܪܝ
05:17	ܕܝܡܛܿ܀ ܫܢܬ ܫܬܡܐܐ ܘܬܫܥܝܢ ܘܬܪ̈ܬܝܼܢ܂ ܒܢܐ
05:18	ܬܐܘܕܣܝܣ ܪܒܐ ܒܐܙܪܝܢܐ ܠܪܫܥܝܢܐ ܡܕܝܢܬܐܿ܀
05:19	ܫܢܬ ܫܬܡܐܐ ܘܬܫܥܝܢ ܘܬܠܬܼ܂ ܐܬܟܢܫܬ ܣܘܢܗܕܘܣ
05:20	ܕܡܐܐ ܘܚ̈ܡܫܝܢ ܐ̈ܦܝܣܩܘܦܐ ܒܩܘܣܛܢܛܝܢܦܘܠܝܣ܀
05:21	ܒܫܢܬ ܫܬܡܐܐ ܘܬܫܥܝܢ ܘܬܡܢܐܼ܂ ܢܦܼܩ ܡܢ ܥܠܡܐ
05:22	ܡܪܝ ܐܘܠܓܝܣ ܐܦܣܩܦܐ ܒܥܪܘܒܬܐ ܕܙܩܝܦܘܬܐܿ܀
05:23	ܫܢܬ ܫܒܥܡܐܐ ܘܚܡܫ ܒܐܝܪܚ ܐܒܝ ܒܝܘܡ ܬܪ̈ܝܢ
05:24	ܘܥܣܪ̈ܝܢ ܒܗܼ܂ ܐܝܬܝܘ ܓܠܘܣܩܡܗ ܕܡܪܝ ܬܐܘܡܐ
05:25	ܫܠܝܚܐܿ܂ ܠܗܝܟܠܐ ܪܒܐ ܕܝܠܗ܂ ܒܝ̈ܘܡܝ ܡܪܝ ܩܘܪܐ
05:26	ܐܦܝܣܩܘܦܐܿ܀ ܒܫܢܬ ܫܒܥܡܐܐ ܘܫܬ ܒܫܒܥܣܪܐ
05:27	ܒܟܢܘܢ ܐܚܪܝ܂ ܢܦܼܩ ܡܢ ܥܠܡܐ ܬܐܝܕܣܝܣ ܡܿܠܟܐ
05:28	ܪܒܐ܂ ܘܒܫܒܥܐ ܘܥܣܪ̈ܝܢ ܒܢܝܣܢ ܥܠ ܐܪܩܕܝܣ
05:29	ܠܩܘܣܛܢܛܝܢܐ ܦܘܠܝܣ܂ ܘܒܬܡܢܝܐ ܒܬܫܪܝܢ ܐܚܪܝܼ܂
05:30	ܥܠܬ ܫܠܕܗ ܕܬܐܘܕܣܝܣ ܠܩܘܣܛܢܛܝܢܐ ܦܘܠܝܣܿ
06:01	ܘܒܐܝܪܚ ܬܡܘܙ ܕܝܠܗܿ ܕܫܢܬܐܼ܂ ܥܒܪܘ ܐܘ̈ܢܝܐ ܠܒܝܬ
06:02	ܪ̈ܗܘܡܝܐܿ܀ ܒܫܢܬ ܫܒܥܡܐܐ ܘܫܒܥ ܒܐܝܪܚ ܬܡܘܙ
06:03	ܒܥܣܪ̈ܝܢ ܘܬܪ̈ܝܢ ܒܗܼ܂ ܢܦܼܩ ܡܢ ܥܠܡܐ ܡܪܝ ܩܘܪܐ
06:04	ܐܦܝܣܩܘܦܐ ܕܐܘܪܗܝܿ܀ ܘܒܫܢܬ ܫܒܥܡܐܐ ܘܬܡܢܐܼ܂
06:05	ܗܼܘܐ ܡܪܝ ܣܠܘܢܐ ܐܦܝܣܩܘܦܐ ܒܐܘܪܗܝܿ܀ ܒܫܢܬ
06:06	ܫܒܥܡܐܐ ܘܥܣܪ̈ ܒܫܒܥܣܪ̈ܐ ܒܬܫܪܝܢ ܩܕܡܼ܂ ܢܦܼܩ
06:07	ܡܢ ܥܠܡܐ ܡܪܝ ܣܝܠܘܢܐ ܐܦܝܣܩܦܐ ܕܐܘܪܗܝ܂
06:08	ܘܒܬܠܬܐ ܘܥܣܪ̈ܝܢ ܒܐܝܪܚ ܬܫܪܝܢ ܐܚܪܝ ܕܝܠܗܿ ܕܫܢܬܐ
06:09	ܗܼܘܐ ܡܪܝ ܦܩܝܕܐ ܐܦܝܣܩܘܦܐ ܒܐܘܪܗܝ܂ ܘܒܗܿ
06:10	ܒܫܢܬܐ ܩܡ ܝܘܚܢܢ ܟܪܘܣܣܛܡܘܣ ܐܦܣܩܦܐ
06:11	ܒܩܘܣܛܢܛܝܢܐ ܦܘܠܝܣܿ܀ ܫܢܬ ܫܒܥܡܐܐ
06:12	ܘܐܪ̈ܒܥܣܪܐ ܫܪܝ ܬܐܘܕܪܘܣ ܐܦܝܣܩܘܦܐ
06:13	ܕܡܡܦܣܝܣܛܐ ܠܡܦܫܩܘ ܟܬ̈ܒܐܿ܀ ܫܢܬ ܫܒܥܡܐܐ
06:14	ܘܚܡܫܥܣܪ̈ܐ ܥܒܣܡܝܐ ܩܫܝܫܐ ܒܪ ܚܬܗ ܕܛܘܒܢܐ
06:15	ܡܪܝ ܐܦܪܝܡ ܣܡ ܡܕܪ̈ܫܐ ܘܡܐܡܪ̈ܐ ܥܠ ܡܐܬܝܬܐ
06:16	ܕܗ̈ܘܢܝܐ ܠܒܝܬ ܪ̈ܗܘܡܝܐܿ܀ ܫܢܬ ܫܒܥܡܐܐ ܘܥܣܪ̈ܝܼܢ܂
06:17	ܗܼܘܐ ܡܪܝ ܕܝܘܓܢܝܣ ܐܦܝܣܩܘܦܐ ܒܐܘܪܗܝ܂ ܘܗܼܘ ܫܪܝ
06:18	ܠܡܒܢܐ ܒܝܬ ܡܪܝ ܒܪܠܗܐܿ܀ ܘܒܗܿ ܒܫܢܬ ܒܢܘܡܢܝܐ
06:19	ܕܐܒܝ ܢܦܼܩ ܡܢ ܥܠܡܐ ܡܪܝ ܦܩܝܕܐ ܐܦܝܣܩܘܦܐ
06:20	ܕܐܘܪܗܝ܂ ܫܢܬ ܫܒܥܡܐܐ ܘܥܣܪ̈ܝܢ ܘܚܕܐܼ܂ ܗܼܘܐ
06:21	ܩܘܪܝܠܘܣ ܐܦܝܣܩܘܦܐ ܒܐܠܟܣܢܕܪܝܐ ܪܒܬܐܿ܀ ܫܢܬ
06:22	ܫܒܥܡܐܐ ܘܥܣܪ̈ܝܢ ܘܬܠܬܼ܂ ܗܼܘܐ ܒܐܘܪܗܝ ܪܒܘܠܐ
06:23	ܐܦܝܣܩܦܐ܂ ܘܒܼܢܐ ܒܝܬ ܡܪܝ ܣܛܦܢܘܣ܂ ܕܐܝܬܘܗܝ
06:24	ܗܘܐ ܡܢ ܠܘܩܕܡ ܒܝܬ ܫܒܬܐ ܕܝ̈ܗܘܕܝܐ܂ ܒܢܝܗܝ ܕܝܢ
06:25	ܒܦܘܩܕܢܗ ܕܡܿܠܟܐܿ܀ ܫܢܬ ܫܒܥܡܐܐ ܘܥܣܪ̈ܝܢ
06:26	ܘܐܪ̈ܒܥܼ܂ ܬܘܒ ܐܬܬܪܥܘ ܫܘܪ̈ܝܗܿ ܕܐܘܪܗܝ ܒ̈ܡܝܐ
06:27	ܙܒܢܬܐ ܕܬܠܬ ܒܝ̈ܘܡܝ ܐܢܘܪܝܣ ܘܐܪܩܕܝܣ ܡ̈ܠܟܐ
06:28	ܙܟ̈ܝܐܿ܀ ܫܢܬ ܫܒܥܡܐܐ ܘܬܠܬܝܢ ܘܬܪ̈ܬܝܼܢ܂ ܩܡ
06:29	ܐܘܛܘܟܝܣ ܕܝܪܝܐ ܗܢܐ ܕܛܠܡ ܦܓܪܢܘܬܐ܂ ܒܗܢܐ ܙܒܢܐ
06:30	ܐܣܗܕ ܛܘܒܢܐ ܝܥܩܘܒ ܡܦܣܩܐܿ܀ ܫܢܬ ܫܒܥܡܐܐ
07:01	ܘܬܠܬܝܢ ܘܬܫܥܼ܂ ܗܪܣܝܣ ܕܗܿܢܘܢ ܕܐܡܪܝܢ ܕܒܟܝܢܐ
07:02	ܢܨܝܒܐ ܚܛܝܼܬܐ ܐܬܝܕܥܬܿ܀ ܫܢܬ ܫܒܥܡܐܐ
07:03	ܘܐܪ̈ܒܥܝܼܢ܂ ܐܢܕܪܐܘܣ ܐܦܝܣܩܘܦܐ ܕܫܡܝܫܛ ܡܬܝܕܥ
07:04	ܗܘܐܿ܀ ܫܢܬ ܫܒܥܡܐܐ ܘܐܪ̈ܒܥܝܢ ܘܚܕܐܼ܂ ܢܚܬ
07:05	ܥܦܪܐ ܡܢ ܫܡܝܐܿ܀ ܫܢܬ ܫܒܥܡܐܐ ܘܐܪ̈ܒܥܝܢ
07:06	ܘܐܪ̈ܒܥܼ܂ ܐܬܟܢܫܬ ܣܘܢܗܕܘܣ ܩܕܡܝܬܐ ܒܐܦܣܘܣܿ܀
07:07	ܫܢܬ ܫܒܥܡܐܐ ܘܐܪ̈ܒܥܝܢ ܘܫܬ ܢܦܼܩ ܪܒܘܠܐ
07:08	ܐܦܣܩܘܦܐ ܕܐܘܪܗܝ ܡܢ ܥܠܡܐ ܒܬܡܢܝܐ ܒܐܒ܂
07:09	ܘܗܼܘܐ ܚܠܦܘܗܝ ܪܒܐ ܗܝܒܐ܂ ܗܢܐ ܒܼܢܐܼ ܥܕܬܐ
07:10	ܚܕܬܐܿ܂ ܗܿܝ ܕܝܘܡܢܐ ܒܝܬ ܫ̈ܠܝܚܐ ܡܬܩܪܝܐ܀ ܫܢܬ
07:11	ܫܒܥܡܐܐ ܘܐܪ̈ܒܥܝܢ ܘܬܫܥ ܒ̈ܝܘܡܝ ܡܝܬܪܐ ܗܝܒܐܼ܂
07:12	ܐܝܬܝ ܣܢܛܘܪܐ ܦܬܘܪܐ ܪܒܐ ܕܣܐܡܐ ܕܐܝܬ ܒܗ
07:13	ܫܒܥܡܐܐ ܘܥܣܪ̈ܝܢ ܠܝܛܪ̈ܝܼܢ܂ ܘܐܬܬܣܝܡ ܒܥܕܬܐ
07:14	ܥܬܝܩܬܐ ܕܐܘܪܗܝܿ܀ ܫܢܬ ܫܒܥܡܐܐ ܘܚ̈ܡܫܝܢ
07:15	ܘܬܠܬ ܥܒܕ ܢܘܣܐ ܕܣܐܡܐ ܠܐܝܩܪܐ ܕܓܪ̈ܡܘܗܝ
07:16	ܕܬܐܘܡܐ ܫܠܝܚܐ ܩܕܝܫܐ ܐܢܛܠ ܣܛܪܛܠܛܝܣܿ܀
07:17	ܫܢܬ ܫܒܥܡܐܐ ܘܚ̈ܡܫܝܢ ܘܫܬ ܗܼܘܐ ܕܝܣܩܪܐ
07:18	ܐܦܣܩܦܐ ܒܐܠܟܣܢܕܪܝܐ ܪܒܬܐ܂ ܘܐܬܟܢܫܬ ܬܘܒ
07:19	ܠܐܦܣܣ ܣܘܢܗܕܣ ܐܚܪܝܬܐ܂ ܗܢܐ ܐܚܪܡ ܠܪܒܐ
07:20	ܦܠܘܝܢܣ ܐܦܝܣܩܘܦܐ ܕܩܘܣܛܢܛܝܢܐ ‍{‍ܘ‍}‍ܦܘܠܝܣ܂
07:21	ܘܠܕܘܡܢܐ ܕܐܢܛܝܟܝܐ ܘܠܐܝܪܝܢܐܘܣ ܕܨܘܪ ܘܠܗܝܒܐ
07:22	ܕܐܘܪܗܝ ܘܠܐܘܣܒܝܣ ܕܕܐܘܪܠܝܘܢ ܘܠܕܢܝܐܝܠ ܕܚܪܢ܂
07:23	ܘܠܣܦܪܘܢܝܘܣ ܕܬܠܐ܂ ܘܠܬܐܪܕܝܛܣ ܕܩܘܪܣܿ܀ ܫܢܬ
07:24	ܫܒܥܡܐܐ ܘܚ̈ܡܫܝܢ ܘܬܫܥ ܢܦܼܩ ܗܝܒܐ ܐܦܝܣܩܘܦܐ
07:25	ܡܢ ܐܘܪܗܝ ܒܝܘܡ ܚܕ ܒܐܝܪܚ ܟܢܘܢ ܐܚܪܝ܂ ܘܒܝܘܡ
07:26	ܚܕ ܘܥܣܪ̈ܝܢ ܒܬܡܘܙ ܝܪܚܐ ܥܠ ܢܘܢܐ ܚܠܦܘܗܝ ܘܩܘܝ
07:27	ܬܪ̈ܬܝܢ ܫ̈ܢܝܢ܂ ܘܥܒܕ ܒܥܕܬܐ ܐܝܪܛܝܘܢܿ܀܀ ܫܢܬ
07:28	ܫܒܥܡܐܐ ܘܫܬܝܢ ܩܡ ܠܐܘܢ ܐܦܝܣܩܘܦܐ
07:29	ܒܪܗܘܡܐܿ܀ ܫܢܬ ܫܒܥܡܐܐ ܘܫܬܝܢ ܘܬܪ̈ܬܝܢ
07:30	ܐܬܟܢܫܬ ܣܘܢܗܕܘܣ ܒܟܠܩܝܕܘܢܐ ܡܕܝܢܬܐܿ܀ ܫܢܬ
07:31	ܫܒܥܡܐܐ ܘܫܬܝܢ ܘܬܠܬ ܡܪܝ ܐܝܣܚܩ ܣܝܘܡܐ ܘܪܝܫ
08:01	ܕܝܪܐ ܡܬܝܕܥ ܗܘܐ܂ ܫܢܬ ܫܒܥܡܐܐ ܘܫܬܝܢ ܘܬܫܥ
08:02	ܒܐܝܪܚ ܬܫܪܝܢ ܩܕܡ ܒܥܣܪ̈ܝܢ ܘܬܡܢܝܐ ܒܗ ܐܬܬܢܝܚ
08:03	ܗܝܒܐ ܐܦܝܣܩܘܦܐ ܕܐܘܪܗܝ܂ ܘܐܬܐ ܠܕܘܟܬܗ ܢܘܢܐ܂
08:04	ܘܒܼܢܐ ܒܝܬ ܡܪܝ ܝܘܚܢܢ ܡܥܡܕܢܐ ܘܐܓܘܪܣܐ ܕܒܝܬ
08:05	ܡ̈ܣܟܢܐ ܡ̈ܢܣܝܐ ܠܒܪ ܡܢ ܬܪܥܐ ܕܒܝܬ ܫܡܫ܂ ܒܢܐ
08:06	ܕܝܢ ܒܗ ܒܐܓܘܪܣܐ ܕܡ̈ܣܟܢܐ ܒܝܬ ܣܗ̈ܕܐ ܠܡܪܝ
08:07	ܩܘܙܡܐ ܘܡܪܝ ܕܡܝܢܐ܂ ܒܢܼܐ ܕܝܢ ܐܦ ܕܝܪ̈ܬܐ
08:08	ܘܦܘܪ̈ܩܣܐ܂ ܘܥܒܕ ܓܝܫܪ̈ܐ ܘܫܝܢ ܐܘܪ̈ܚܬܐܿ܀ ܒܫܢܬ
08:09	ܫܒܥܡܐܐ ܘܫܒܥܝܢ ܘܚܕܐ ܢܦܼܩ ܛܘܒܢܐ ܫܡܥܘܢ
08:10	ܕܐܣܛܘܢܗ ܡܢ ܥܠܡܐ ܒܬܪ̈ܝܢ ܒܐܝܠܘܠ ܒܐܪ̈ܒܥܐ
08:11	ܒܫܒܐ ܥܕܢ ܚܕܥܣܪ̈ܐ ܫ̈ܥܝܢ܂ ܫܢܬ ܫܒܥܡܐܐ
08:12	ܘܫܒܥܝܢ ܘܫܒܥ ܒܢܐ ܠܐܘܢ ܒܐܙܪܘܝܢܐ ܠܩܠܝܢܝܩܘܣ
08:13	ܘܫܡܗܗܿ ܥܠ ܫܡܗ ܠܐܘܢܛܦܘܠܝܣ܂ ܘܣܡ ܒܗܿ ܐܦ
08:14	ܐܦܝܣܩܘܦܐܿ܀ ܫܢܬ ܫܒܥܡܐܐ ܘܬܡܢܐܝܢ ܘܬܪ̈ܬܝܼܢ܂
08:15	ܐܬܬܢܝܚ ܢܘܢܐ ܐܦܝܣܩܘܦܐ ܕܐܘܪܗܝ܃ ܘܗܼܘܐ ܚܠܦܘܗܝ
08:16	ܩܘܪܐܿ܀ ܫܢܬ ܫܒܥܡܐܐ ܘܬܫ̈ܥܝܢ ܘܚ̈ܡܫ ܡܪܕ
08:17	ܠܐܘܢܛܝܣ ܥܠ ܙܝܢܘܢ ܘܐܡܠܟ ܒܐܢܛܝܟܝܐ ܬܪ̈ܬܝܢ
08:18	ܫ̈ܢܝܢܿ܀ ܫܢܬ ܬܡܢܐܡܐܐ ܐܬܥܩܪܬ ܐܣܟܘܠܐ
08:19	ܕܦܪ̈ܣܝܐ ܡܢ ܐܘܪܗܝ܂ ܫܢܬ ܬܡܢܐܡܐܐ ܘܬܫܥ
08:20	ܐܫܬܒܩ ܕܗܒܐ ܠܐܘ̈ܡܢܐ ܕܒܟܠܗܿ ܐܪܥܐ ܒܐܝܪܚ
08:21	ܐܝܪ܂ ܘܒܐܝܪܚ ܚܙܝܪܢ ܒܫܬܐ ܒܗ ܐܬܬܢܝܚ ܩܘܪܐ
08:22	ܐܦܝܣܩܘܦܐ ܕܐܘܪܗܝ܂ ܘܗܼܘܐ ܚܠܦܘܗܝ ܦܛܪܐ ܘܥܠ
08:23	ܠܐܘܪܗܝ܂ ܒܬܪܥܣܪ ܒܐܝܠܘܠ ܕܝܠܗܿ ܕܫܢܬܐܿ܀ ܫܢܬ
08:24	ܬܡܢܐܡܐܐ ܘܥܣܪ̈ ܩܡܨܐ ܣܓܝܐܐ ܐܬܚܙܝ܂ ܡܕܡ
08:25	ܕܝܢ ܠܐ ܣܓܝ ܣܪܚ ܒܫܢܬܐ ܗܿܝ܂ ܢܨܒ ܕܝܢ ܡܢܨܒܼ܂ ܘܗܼܘܐ
08:26	ܙܘܥܐ ܪܒܐ܂ ܚܡܝܡܬܐ ܕܝܢ ܕܕܒܪ̈ܢܐ ܓܙܬ ‍[‍ܬܠܬܐ
08:27	ܝܘ̈ܡܝܢ܂ ܘܢܝܩܦܘܠܝܣ ܡܕܝܢܬܐ ܐܬܗܦܟܬ܂ ܘܛܡܪܬ
08:28	ܒܓܘܗܿ ܟܘܠܗܘܢ ܥܡܘܪ̈ܝܗܿ܂ ܣܛܪ ܡܢ ܗܝܟܠܐ
08:29	ܘܐܦܝܣܩܘܦܐ ܘܬܪ̈ܝܢ ܒ̈ܢܝ ܩܠܝܬܗ܂ ܘܐܬܐ ܕܕܡܝܐ ܗܘܬ
08:30	ܠܢܝܙܟܐ ܐܬܚܙܝܬ ܒܫܡܝܐ ܝܘܡ̈ܬܐ ܣܓܝ̈ܐܐ ܒܐܝܪܚ
09:01	ܟܢܘܢ ܐܚܪܝ܂ ܐܢܣܛܘܣ ܕܝܢ ܡܿܠܟܐ ܠܐܘܦܝܡܝܣ
09:02	ܐܦܣܩܦܐ ܕܩܘܣܛܢܛܝܢܐ ܦܘܠܝܣ܂ ܕܚܩ ܡܢ ܕܘܟܬܗ
09:03	ܘܗܼܘܼܐ ܚܠܦܘܗܝ ܡܩܕܘܢܿ܀ ܫܢܬ ܬܡܢܐܡܐܐ
09:04	ܘܚܕܥܣܪ̈ܐ ܩܡܨܐ ܣܓܝܐܐ ܐܬܐ ܘܣܪܚ ܘܐܟܠ ܟܠܗ
09:05	ܥܒܘܪܐܿ܀ ܫܢܬ ܬܡܢܐܡܐܐ ܘܬܠܬܥܣܪ̈ܐ ܢܘܪܐ
09:06	ܣܓܝܐܬܐ ܐܬܚܙܝܬ ܒܦܢܝܬܐ ܕܓܪܒܝܐ ܕܡܬܢܒܪܫܐ
09:07	ܟܠܗ ܠܠܝܐ ܒܥܣܪ̈ܝܢ ܘܬܪ̈ܝܢ ܒܐܒܿ܀ ܒܫܢܬ
09:08	ܬܡܢܐܡܐܐ ܘܐܪܒܥܣܪ̈ܐ ܩܘܕ ܡܿܠܟܐ ܕܦܪ̈ܣܝܐ ܫܪܐ
09:09	ܥܠ ܐܡܕ ܡܕܢܝܬܐ ܕܒܝܬ ܢܗܪ̈ܘܬܐ ܒܝܘܡ ܚܡܫܐ
09:10	ܒܐܝܪܚ ܬܫܪܝܢ ܩܕܡ ܘܐܩܪܒ ܥܡܗܿ ܘܟܒܫܗܿ ܠܬܫ̈ܥܝܢ
09:11	ܘܫ̈ܒܥܐ ܝܘܡ̈ܝܢ܂ ܘܒܐܝܪܚ ܐܝܠܘܠ ܕܝܠܗܿ ܕܫܢܬܐ ܗܿܝ
09:12	ܐܬܐ ܘܫܼܪܐ ܥܠ ܐܘܪܗܝ܂ ܘܒܛܝܒܘܬܗ ܕܐܠܗܐ
09:13	ܡܕܡ ܠܐ ܐܚܣܪ ܐܠܐ ܐܢ ܕܐܘܩܕ ܒܝܬ ܡܪܝ
09:14	ܣܪܓܝܣ ܘܒܣܠܝܩܐ ܓܪܒܝܝܬܐ ܕܒܝܬ ܡ̈ܘܕܝܢܐܿ܀
09:15	ܫܢܬ ܬܡܢܐܡܐܐ ܘܥܣܪܗܝܢ ܘܚܕܐ܂ ܐܬܬܢܝܚ ܦܛܪܐ
09:16	ܐܦܝܣܩܘܦܐ ܕܐܘܪܗܝ ܒܝܘܡ ܫܒܬܐ ܕܩܝܡܬܐ܂
09:17	ܘܗܼܘܐ ܚܠܦܘܗܝ ܦܘܠܐܿ܀ ܘܒܫܢܬ ܥܣܪ̈ܝܢ ܘܚܕܐ
09:18	ܕܡܠܟܘܬܗ ܕܐܢܣܛܘܣ ܦܩܕ ܕܢܫܪܘܢ ܠܓܠܘܣܩܡܐ
09:19	ܕܐܘܦܝܡܝܐ ܣܗܕܬܐ܂ ܘܢܦܩܘܢ ܡܢ ܬܡܢ ܟܬܒܐ ܗܘܿ
09:20	ܕܣܡܬ ܬܡܢ ܣܘܢܗܕܘܣ ܕܐܬܟܢܫܬ ܒܟܠܩܝܕܘܢܐ
09:21	ܘܢܘܩܕܘܢܝܗܝ܂ ܘܢܦܩܬ ܡܢ ܬܡܢ ܢܘܪܐ ܘܡܚܬ ܥܠ
09:22	ܐܦܝ̈ܗܘܢ ܕܗܿܢܘܢ ܕܨܿܒܝܢ ܗܘܘ ܕܢܦܩܘܢܝܗܝ܂ ܘܡܛܠ
09:23	ܗܢܐ ܦܫ ܐܢܣܛܘܣ ܡܢ ܕܢܦܩܗ ܡܢ ܬܡܢ ܘܢܘܩܕܝܗܿ܂
09:24	ܐܦܩ ܕܝܢ ܠܡܩܕܘܢ ܐܦܝܣܩܘܦܐ ܕܩܘܣܛܢܛܝܢܦܘܠܝܣܼ܂
09:25	ܥܠ ܕܠܐ ܐܚܪܡ ܠܣܘܢܗܕܣ܂ ܘܚܠܦܘܗܝ ܗܼܘܐ
09:26	ܛܝܡܬܐܘܣ܂ ܘܒܥܣܪ̈ܝܢ ܘܐܪ̈ܒܥ ܕܝܠܗ ܕܐܢܣܛܘܣ
09:27	ܡܪܕ ܥܠܘܗܝ ܒܝܛܠܝܢܐܿ܀ ܒܫܢܬ ܬܡܢܐܡܐܐ
09:28	ܘܥܣܪ̈ܝܢ ܘܬܫܥ ܒܐܝܪܚ ܬܡܘܙ ܒܬܫܥܐ ܒܗ܂ ܢܦܼܩ
09:29	ܐܢܣܛܘܣ ܡܿܠܟܐ ܡܢ ܥܠܡܐ܂ ܘܗܼܘܐ ܚܠܦܘܗܝ
09:30	ܝܘܣܛܝܢܐ܂ ܘܒܫܢܬܐ ܕܬܪ̈ܬܝܢ ܕܡܠܟܘܬܗ ܕܝܣܘܛܝܢܐ
10:01	ܕܐܝܬܝܗܿ ܫܢܬ ܬܡܢܐܡܐܐ ܘܬܠܬܝܢ ܛܪܕ ܡܢ ܐܢܛܝܟܝܐ
10:02	ܠܣܐܘܪܐ ܘܠܐܟܣܢܝܐ ܡܢ ܡܒܘܓ ܘܠܟܠ ܡܿܢ ܕܠܐ
10:03	ܡܩܒܠ ܠܐܪ̈ܒܥܬܝܗܝܢ ܣܘ̈ܢܗܕܘܿ܀ ܘܒܫܢܬ
10:04	ܬܡܢܐܡܐܐ ܘܬܠܬܝܢ ܘܚܕܐ܂ ܐܬܐ ܦܛܪܝܩ ܠܐܘܪܗܝ
10:05	ܕܢܦܩܝܘܗܝ ܠܦܘܠܐܼ܂ ܒܐܝܪܚ ܬܫܪܝܢ ܐܚܪܝ ܒܐܪ̈ܒܥܐ
10:06	ܒܗ܂ ܘܥܨܐ ܗܘܐ ܠܗ ܕܢܥܒܕ ܚܕܐ ܡܢ ܬܪ̈ܬܝܢ܂ ܕܐܘ
10:07	ܢܩܒܠ ܣܘܢܗܕܘܣ ܘܢܩܘܐ ܥܠ ܟܘܪܣܝܗܼ܂ ܐܘ ܕܐܢ ܠܐ
10:08	ܡܬܛܦܝܣ ܢܦܩܗ ܡܢ ܟܘܪܣܝܗ܂ ܗܼܘ ܕܝܢ ܠܚܕܐ ܡܢ ܗܠܝܢ
10:09	ܠܐ ܐܬܛܦܝܣ ܕܢܥܒܕ܂ ܐܠܐ ܥܪܩ ܘܥܠ ܐܝܬܒ ܒܝܬ
10:10	ܡܥܡܘܕܝܬܐ܂ ܟܕ ܕܝܢ ܚܙܐ ܦܛܪܝܩ ܕܠܐ ܡܬܛܦܝܣ
10:11	ܕܢܥܒܕ ܚܕܐ ܡܢ ܗܠܝܢ܃ ܘܦܘܩܕܢܐ ܕܡܿܠܟܐ ܕܚܝܠܼ܂
10:12	ܐܬܥܨܝܼ ܕܢܦܩܗ ܡܢ ܒܝܬ ܡܥܡܘܕܝܬܐ܂ ܘܐܘܒܠܗ
10:13	ܠܣܠܘܩܝܐ܂ ܘܟܕ ܫܼܡܥ ܡܿܠܟܐ ܕܡܢ ܒܝܬ ܡܥܡܘܕܝܬܐ
10:14	ܐܦܩܗܼ܂ ܦܼܩܕ ܕܢܦܼܢܐ ܠܟܘܪܣܝܗ܂ ܥܠ ܣܒܪܐ ܕܡܬܬܘܐ
10:15	ܘܡܩܒܠ ܣܘܢܗܕܣܼ܂ ܘܥܠ ܦܘܠܐ ܠܟܘܪܣܝܗ ܠܐܪ̈ܒܥܝܢ
10:16	ܘܐܪ̈ܒܥ ܝܘܡ̈ܝܢ܂ ܘܗܼܘܐ ܙܒܢܐ ܣܓܝܐܐ ܒܐܘܪܗܝ ܟܕ
10:17	ܠܐ ܡܩܒܠ ܣܘܢܗܕܘܣ܂ ܘܟܕ ܚܼܙܐ ܡܿܠܟܐ ܕܠܐ
10:18	ܡܬܛܦܝܣ܂ ܫܕܝܗܝ ܠܐܘܟܐܛܐ܂ ܘܢܦܼܩ ܦܘܠܐ ܡܢ
10:19	ܐܘܪܗܝܼ܂ ܒܥܣܪ̈ܝܢ ܘܫܒ̈ܥܐ ܒܬܡܘܙ܂ ܕܫܢܬ ܬܡܢܐܡܐܐ
10:20	ܘܬܠܬܝܢ ܘܬܠܬ܂ ܘܗܼܘܐ ܚܠܦܘܗܝ ܐܣܩܠܝܦ܂ ܘܥܠ
10:21	ܠܐܘܪܗܝ ܒܥܣܪ̈ܝܢ ܘܬܠܬܐ ܒܬܫܪܝܢ ܩܕܡ ܕܫܢܬ
10:22	ܬܡܢܐܡܐܐ ܘܬܠܬܝܢ ܘܐܪ̈ܒܥ܂ ܒܬܪ ܬܠܬܐ ܝܪ̈ܚܝܢ ܕܢܦܼܩ
10:23	ܦܘܠܐ ܐܦܝܣܩܘܦܐ ܡܢ ܐܘܪܗܝ܂ ܘܒܐܝܪܚ ܟܢܘܢ ܩܕܡ
10:24	ܒܥܣܪ̈ܝܢ ܘܐܪ̈ܒܥܐ ܒܗ܂ ܒܬܪ ܡܥܠܬܗ ܕܐܣܩܠܦ
10:25	ܐܦܝܣܩܘܦܐ ܠܐܘܪܗܝ܂ ܛܪܕ ܐܢܘܢ ܠܕܝܪ̈ܝܐ ܕܡ̈ܕܢܚܝܐ܂
10:26	ܠܗܘܢܼ ܘܠܟܠܗܘܢ ܕܝܪ̈ܝܐ ܚܒܪ̈ܝܗܘܢ ܕܐܟܘܬܗܘܢ ܥܠ
10:27	ܕܠܐ ܫܠܡܘ ܠܣܘܢܗܕܘܣ ܗܿܝ ܕܟܠܩܝܕܘܢܐ܂ ܘܒܫܢܬ
10:28	ܬܡܢܐܡܐܐ ܘܬܠܬܝܢ ܘܫܬ܂ ܥܠܘ ܡ̈ܝܐ ܣܓ̈ܝܐܐ
10:29	ܠܐܘܪܗܝ ܙܒܢܬܐ ܕܐܪ̈ܒܥ ܘܬܪܥܘ ܫܘܪ̈ܝܗܿ ܘܥܩܪܘ
11:01	ܡܕܝܪ̈ܝܗܿ ܘܚܢܩܘ ܝ̈ܠܕܝܗܿ ܘܥܒܕ ܒܗܿ ܚܘܒܠܐ ܪܒܐ܂
11:02	ܘܒܗܕܐ ܥܼܠܬܐܼ܂ ܥܪܩ ܐܣܩܠܝܦ ܐܦܝܣܩܘܦܐ ܡܢ
11:03	ܐܘܪܗܝ ܘܣܠܩ ܠܐܢܛܝܘܟܝܐ ܡܕܝܢܬܐܼ܂ ܨܝܕ ܐܘܦܪܣ
11:04	ܦܛܪܝܪܟܝܣ܂ ܘܗܼܘܐ ܬܡܢ ܝܬܝܪ ܚܣܝܪ ܐܝܟ ܫܒ̈ܥܝܢ
11:05	ܝܘܡ̈ܝܢ܂ ܘܡܝܬ ܬܡܢ ܒܐܢܛܝܘܟܝܐ܂ ܒܥܣܪ̈ܝܢ ܘܫܒܥܐ
11:06	ܒܐܝܪܚ ܚܙܝܪܢ ܕܝܠܗܿ ܕܫܢܬܐ܂ ܘܐܬܩܒܪ ܬܡܢ
11:07	ܒܐܢܛܝܘܟܝܐ܂ ܘܒܐܪ̈ܒܥܐ ܒܐܝܪܚ ܐܝܠܘܠ ܕܝܠܗܿ ܕܫܢܬܐ
11:08	ܐܝܬܝܘܗܝ ܠܦܓܪܗ ܡܢ ܐܢܛܝܘܟܝܐ܂ ܘܩܒܪܘܗܝ ܒܝܬ ܡܪܝ
11:09	ܒܪܠܗܐ ܥܠ ܡܪܝ ܢܘܢܐ ܐܦܝܣܩܘܦܐ܂ ܘܟܕ ܫܡܼܥ
11:10	ܦܘܠܐ ܕܡܝܬ ܐܣܩܠܝܦ ܐܬܬܘܝ ܘܩܿܪܒ ܒܥܘܬܐ ܠܡܪܝ
11:11	ܝܘܣܛܝܢܝܢܐ ܦܛܪܝܩܝܘܣ܂ ܘܥܼܒܕ ܬܘܒ ܠܝܒܠܢ ܠܐܘܦܪܣ
11:12	ܦܛܪܝܪܟܝܣ܂ ܘܡܛܠ ܠܝܒܠܢ ܕܥܒܕ ܘܡܛܠ ܐܓܪܬܗ
11:13	ܕܡܫܒܚܐ ܘܪܚܿܡ ܐܠܗܐ ܡܪܝ ܝܘܣܛܝܢܝܢܘܣ ܦܛܪܝܩܝܘܣ
11:14	ܐܬܦܢܝ ܘܥܛܦ ܠܟܘܪܣܝܗ܂ ܘܥܠ ܠܐܘܪܗܝ ܒܬܡܢܝܐ
11:15	ܒܐܕܪ ܕܫܢܬ ܬܡܢܐܡܐܐ ܘܬܠܬܝܢ ܘܫ̈ܒܥ܂ ܒܬܪ ܬܡ̈ܢܝܐ
11:16	ܝܪ̈ܚܝܢ ܠܡܘܬܗ ܕܡܪܝ ܐܣܩܠܝܦ܂ ܚܝܐ ܕܝܢ ܗܼܘ ܦܘܠܐ
11:17	ܐܦܝܣܩܘܦܐ ܡܢ ܒܬܪ ܕܦܼܢܐ ܠܟܘܪܣܝܗ ܐܘܪܚܐ ܕܬܠܬ
11:18	ܝܪ̈ܚܐ ܬܡ̈ܢܝܐ ܒܨܝܪ ܝܘܡ̈ܬܐ ܬܡ̈ܢܝܐ ܘܒ̈ܬܠܬܝܢ ܒܐܝܪܚ
11:19	ܬܫܪܝܢ ܩܕܝܡ ܕܫܢܬ ܬܡܢܐܡܐܐ ܘܬܠܬܝܢ ܘܬܡܢܐ
11:20	ܐܬܬܢܝܚ ܦܘܠܐ ܐܦܝܣܩܘܦܐ܂ ܘܗܘܐ ܚܠܦܘܗܝ ܐܢܕܪܐܘܣ
11:21	ܘܥܠ ܠܐܘܪܗܝ ܒܫܒܥܐ ܒܐܝܪܚ ܫܒܛ ܕܝܠܗܿ ܕܫܢܬܐ
11:22	ܕܫܢܬ ܬܡܢܐܡܐܐ ܘܬܠܬܝܢ ܘܬܡܢܐ܂ ܗܘܬ ܠܗ ܕܝܢ
11:23	ܒܛܝܠܘܬܐ ܘܝܨܝܦܘܬܐ ܠܪܚܿܡ ܐܠܗܐ ܡܿܠܟܐ
11:24	ܝܘܣܛܝܢܝܢܐ܂ ܥܕܡܐ ܕܠܐܪ̈ܒܥ ܣܘܢ̈ܗܕܘ ܩܕܝ̈ܫܬܐ
11:25	ܒܕܝܦܛܘܟܢ ܕܥܕܬܐ ܟܬܒ܂ ܗܢܘ ܕܝܢ ܠܗܿܝ ܕܢܝܩܝܐ ܘܠܗܿܝ
11:26	ܕܩܘܣܛܢܛܝܢܦܘܠܝܣ܂ ܘܠܗܿܝ ܩܕܡܝܬܐ ܕܒܐܦܣܘܣ
11:27	ܘܠܗܿܝ ܕܟܠܩܕܘܢܐ܂ ܒܫܢܬ ܬܠܬܥܣܪ̈ܐ ܕܡܠܟܘܬܗ
11:28	ܕܝܘܣܛܝܢܝܢܐ ܕܐܝܬܝܗܿ ܫܢܬ ܬܡܢܐܡܐܐ ܘܚܡܫܝܢ
11:29	ܕܐܢܕܩܛܝܘܢܐ ܕܕܘܛܪܐ܂ ܐܬܐ ܕܕܡܝܐ ܠܢܝܙܟܐ ܐܬܚܙܝܬ
11:30	ܒܫܡܝܐ ܒܚܡܫܐ ܒܬܫܪܝܢ ܩܕܡ ܘܒܫܢܬ ܬܡܢܐܡܐܐ
11:31	ܘܬܠܬܝܢ ܘܫܒܥ ܘܐܝܪܚ ܐܝܪ ܒܥܣܪ̈ܝܢ ܘܬܫܥܐ ܒܗ ܒܝܘܡ
12:01	ܥܪܘܒܬܐ ܒܫܒܥ ܫ̈ܥܝܢ ܗܼܘܐ ܙܘܥܐ ܪܒܐ ܘܥܫܝܢܐ܂
12:02	ܘܢܦܠܬ ܒܗ ܣܘܓܐܐ ܕܐܢܛܝܟܝܐ ܘܛܡܪܬ ܝ̈ܠܘܕܝܗܿ
12:03	ܘܚܢܩܬ ܥܡܘܪ̈ܝܗܿ܂ ܘܒܫܢܬ ܬܡܢܡܐܐ ܘܬܠܬܝܢ ܘܬܫܥ
12:04	ܒܐܝܪܚ ܬܫܪܝܢ ܐܚܪܝ ܒܚܡܫܬܥܣܪ ܒܗ ܗܼܘܐ ܝܩܕܢܐ
12:05	ܪܒܐ ܒܐܢܛܝܟܝܐ܂ ܘܐܘܩܕ ܣܘܓܗ ܕܡܕܡ ܕܦܫ ܡܢ
12:06	ܙܘܥܐ܂ ܟܕ ܫܘܪܝܗܿ ܕܢܘܪܐ ܠܐ ܐܬܝܕܥ ܡܢ ܐܝܡܟܐ
12:07	ܗܘ܂ ܘܡܝܬ ܒܗܢܐ ܙܘܥܐ ܐܦ ܐܘܦܪܣ ܦܛܪܝܪܟܐ
12:08	ܘܐܬܛܡܪ ܬܚܝܬ ܡܕܝܪ̈ܐ ܘܐܝܟ ܕܐܡܪܝܢ ܟܠܗ ܝܘܡܐ
12:09	ܗܘܐ ܓܥܐ ܡܢ ܬܚܝܬ ܡܕܝܪ̈ܐ܂ ܗܼܘܐ ܕܝܢ ܒܬܪܗ
12:10	ܐܦܝܣܩܘܦܐ ܒܗܿ ܒܐܢܛܝܟܝܐ ܐܦܪܝܡ ܐܡܕܝܐ܂
12:11	ܕܐܝܬܘܗܝ ܗܘܐ ܩܘܡܣ ܕܐܢܛܠܐ܂ ܘܒܫܢܬ ܬܡܢܐܡܐܐ
12:12	ܘܐܪ̈ܒܥܝܢ ܘܐܪ̈ܒܥ ܒܐܝܪܚ ܟܢܘܢ ܩܕܡ ܒܫܬܐ ܒܗ
12:13	ܢܦܩ ܡܢ ܥܠܡܐ ܡܪܝ ܐܢܕܪܐܘܣ ܐܦܝܣܩܘܦܐ܂
12:14	ܘܐܬܬܣܝܡ ܒܝܬ ܡܪܝ ܒܪܠܗܐ܂ ܥܠ ܓܪ̈ܡܘܗܝ ܕܡܪܝ
12:15	ܢܘܢܐ ܘܕܡܪܝ ܐܣܩܠܝܦ܂ ܘܗܼܘܐ ܚܠܦܘܗܝ ܐܕܝ܂ ܘܥܠ
12:16	ܠܐܘܪܗܝ ܒܥܣܪ̈ܝܢ ܘܬܡ̈ܢܝܐ ܒܐܝܪܚ ܐܒ ܕܫܢܬ
12:17	ܬܡܢܐܡܐܐ ܘܐܪ̈ܒܥܝܢ ܘܐܪ̈ܒܥ܂ ܫܢܬ ܬܡܢܐܡܐܐ
12:18	ܘܬܠܬܝܢ ܘܬܡܢܐ ܒܝܘܡ ܚܕ ܒܐܝܪܚ ܢܝܣܢ܂ ܗܼܘܐ ܡܪܝ
12:19	ܝܘܣܛܝܢܝܢܐ ܩܣܪ܂ ܩܣܪ܂ ܘܒܥܣܪ̈ܐ ܒܐܝܪܚ ܐܒ ܕܝܠܗ
12:20	ܕܫܢܬܐܼ܂ ܐܬܬܢܝܚ ܡܿܠܟܐ ܝܘܣܛܝܢܝܢܐ܂ ܘܐܡܠܟ ܡܪܝ
12:21	ܝܘܣܛܝܢܝܢܐ ܒܠܚܘܕܘܗܝܿ܀ ܫܢܬ ܬܡܢܐܡܐܐ
12:22	ܘܐܪ̈ܒܥܝܢ ܘܬܪ̈ܬܝܢ ܒܐܝܪܚ ܬܡܘܙ܂ ܐܬܐ ܢܚܬ ܡܪܝ
12:23	ܕܝܡܣܬܢ ܠܐܘܪܗܝ ܐܝܟ ܕܢܕܒܪ ܠܚܝ̈ܠܘܬܐ ܕܪ̈ܗܘܡܝܐ܂
12:24	ܘܒܐܝܪܚ ܟܢܘܢ ܩܕܡ ܕܫܢܬ ܬܡܢܐܡܐܐ ܘܐܪ̈ܒܥܝܢ
12:25	ܘܬܠܬ ܒܬܡܢܬܥܣܪ̈ ܒܗ ܒܝܪܚܐ ܥܠܘ ܗܘ̈ܢܝܐ ܠܒܝܬ
12:26	ܪ̈ܗܘܡܝܐ܂ ܘܫܒܘ ܘܐܚܪܒܘ ܥܕܡܐ ܠܒܝܬ ܚ̈ܠܒܝܐ܂
12:27	ܘܥܕܡܐ ܠܕܘܕܩܛܢ ܕܐܢܛܝܟܝܐ܂ ܘܡܢ ܗܕܐ ܥܩܬܐ
12:28	ܐܬܟܼܪܗ ܡܪܝ ܕܡܣܬܢ ܘܡܝܬ ܒܬܠܐ ܡܕܝܢܬܐ܂
12:29	ܒܥܣܪܐ ܒܐܝܪܚ ܟܢܘܢ ܐܚܪܝ ܕܝܠܗ ܕܫܢܬܐܿ܀ ܘܒܫܢܬ
12:30	ܬܡܢܐܡܐܐ ܘܐܪ̈ܒܥܝܢ ܘܬܠܬ ܒܐܝܪܚ ܐܝܠܘܠ ܕܝܠܗܿ
13:01	ܕܫܢܬܐ܂ ܥܒܕ ܫܝܢܐ ܒܝܬ ܦܪ̈ܣ‍<‍ܝ‍>‍ܐ ܠܪ̈ܗܘܡܝܐ܂ ܡܪܝ
13:02	ܪܘܦܝܢܐ ܦܛܪܝܩܝܘܣ܂ ܘܐܬܡܬܚ ܫܝܢܐ ܗܢܐ ܥܕܡܐ
13:03	ܠܫܢܬ ܬܡܢܐܡܐܐ ܘܚܡܫܝܢ ܘܚܕܐ܂ ܘܒܗܿ ܒܫܢܬܐ ܗܕܐ
13:04	ܒܐܝܪܚ ܐܝܪ ܫܼܪܐ ܟܣܪܘܢ ܡܿܠܟܐ ܕܦܘܪ̈ܣܝܐ ܫܝܢܐ܂
13:05	ܘܥܒܪ ܠܒܝܬ ܪ̈ܗܘܡܝܐ܂ ܘܚܪܒ ܠܫܘܪܐ ܘܠܚܠܒ
13:06	ܘܠܐܢܛܝܟܝܐ܂ ܘܐܦ ܒܐ̈ܦܡܝܐ ܐܫܬܠܛ܂ ܘܗܦܟ
13:07	ܘܐܬܐ ܥܕܡܐ ܠܐܘܪܗܝ܂ ܒܛܝܒܘܬܗ ܕܝܢ ܕܐܠܗܐ
13:08	ܢܛܘܪܗܿ ܡܕܡ ܠܐ ܣܪܚ ܒܗܿ܂ ܐܠܐ ܐܦܩܘ ܠܗ ܪܘܪ̈ܒܢܐ
13:09	ܕܡܕܝܢܬܐ܂ ܘܫܼܩܠ ܬܪ̈ܝܢ ܩܢܛܝܢܪ̈ܐ ܕܗܒܐ ܘܗܦܟ
13:10	ܠܐܬܪܗܿ܀ ܐܝܟ ܕܝܠܦܢܢ ܡܢ ܬܫ̈ܥܝܬܐ ܩܕܡ̈ܝܬܐ ܗܐ
13:11	ܐܪ̈ܒܥ ܙܒ̈ܢܝܢ ܡܬܪ̈ܥܝܢ ܡ̈ܝܐ ܫܘܪ̈ܝܗܿ ܕܡܒܪܟܬܐ
13:12	ܘܪ̈ܡܝܢ ܡ̈ܓܕܠܝܗܿ܂ ܘܡ̈ܚܢܩܝܢ ܝ̈ܠܕܝܗܿ ܗܐ ܡܢ ܕܐܣܬܠܩ
13:13	ܡܫܝܚܐ ܠܘܬ ܐܒܘܗܝ ܡܫܒܚܐ܂ ܙܒܢܬܐ ܩܕܡܝܬܐ
13:14	ܐܬܪ̈ܥܘ ܫܘܪ̈ܝܗܿ ܒܝ̈ܘܡܝ ܣܘܪܘܣ ܡܿܠܟܐ ܕܪ̈ܗܘܡܝܐ܂
13:15	ܕܐܝܬܝܗܿ ܫܢܬ ܚܡܫܡܐܐ ܘܬܠܬܥܣܪ̈ܐ ܒܡܢܝܢܐ
13:16	ܕܝ̈ܘܢܝܐ܂ ܒܐܝܪܚ ܬܫܪܝܢ ܐܚܪܝ܂ ܘܙܒܢܬܐ ܕܬܪ̈ܬܝܢ
13:17	ܐܬܬܪ̈ܥܘ ܬܘܒ ܫܘܪ̈ܝܗܿ ܒܝ̈ܘܡܝ ܕܝܘܩܠܝܛܝܢܣ ܡܿܠܟܐ܂
13:18	ܕܐܝܬܝܗܿ ܫܢܬ ܫܬܡܐܐ ܘܐܪܒܥܣܪ̈ܐ ܒܐܝܪܚ ܐܝܪ܂
13:19	ܘܙܒܢܬܐ ܕܬܠܬ ܬܘܒ ܐܬܬܪܥܘ ܫܘܪ̈ܝܗܿ ܒܝܘ̈ܡܝ ܐܢܪܝܣ
13:20	ܘܬܐܕܘܣܝܣ ܡ̈ܠܟܐ ܙܟ̈ܝܐ܂ ܕܐܝܬܝܗܿ ܫܢܬ ܫܒܥܡܐܐ
13:21	ܘܥܣܪ̈ܝܢ ܘܐܪ̈ܒܥ ܒܐܝܪܚ ܐܕܪ܂ ܒܬܡܢܥܣܪ̈ܐ ܒܗ
13:22	ܒܬܠܬܐ ܒܫܒܐ ܟܕ ܐܝܬܘܗܝ ܗܘܐ ܡܪܝ ܪܒܘܠܐ
13:23	ܐܦܝܣܩܘܦܐ ܒܐܘܪܗܝ܂ ܘܙܒܢܬܐ ܕܐܪ̈ܒܥ ܬܘܒ
13:24	ܐܬܬܪ̈ܥܘ ܒ̈ܝܘܡܝ ܝܘܣܛܝܢܐ ܡܿܠܟܐ܂ ܕܐܝܬܝܗܿ ܫܢܬ
13:25	ܬܡܢܐܡܐܐ ܘܬܠܬܝܢ ܘܫܬ܂ ܟܕ ܐܝܬܘܗܝ ܗܘܐ ܐܣܩܠܝܦ
13:26	ܐܦܝܣܩܘܦܐ ܒܐܘܪܗܝܿ