← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51001: TgO Gn

Click on a word for lexical analysis
Click on a red-colored coordinate for comments and/or translations of the line

previous chapter


02:01 )1( וְאִשתַכלַלוּ שְמַיָא וְאַרעָא וְכָל חֵילֵיהוֹן:
02:02 )1( וְשֵיצִי/וחמיד#3#/ יוי בְיוֹמָא שְבִיעָאָה עֲבִידְתֵיה דַעֲבַד וְנָח בְיוֹמָא שְבִיעָאָה מִכָל עֲבִידְתֵיה דַעֲבַד:
02:03 )1( וֻבָרֵיך יוי יָת יוֹמָא שְבִיעָאָה וֻקַדֵיש יָתֵיה אֲרֵי בֵיה נָח מִכָל עֲבִידְתֵיה דִברָא יוי לְמַעֲבַד:
02:04 )1( אִלֵין תוֹלְדָת שְמַיָא וְאַרעָא כַד אִתבְרִיאוּ בְיוֹמָא דַעֲבַד/דברא#3#/ יוי אֲלֹהִים אַרעָא וֻשמַיָא:
02:05 )1( וְכֹל אִילָנֵי/אילן#3#/ חַקלָא עַד לָא הֲווֹ/יהא#3#/ בְאַרעָא וְכָל עִסבָא דְחַקלָא עַד לָא צְמַח/יצמח#3#/ אֲרֵי לָא \אַחֵית יוי אֲלֹהִים מִטרָא /אחית יהי אלהים מטרא#3#/ אמטר ייי אלהא#3#/ עַל אַרעָא וַאֲנָש לֵית לְמִפלַח יָת אֲדַמתָא/ארעא#3#/:
02:06 )1( וַעֲנָנָא הֲוָה סָלֵיק עַל/מן#3#/ אַרעָא וֻמַשקֵי יָת כָל אַפֵי אֲדַמתָא/ארעא#3#/:
02:07 )1( וֻברָא יוי אֲלֹהִים יָת אָדָם עַפרָא מִן אַרעָא/אדמתא#3#/ וֻנפַח בְאַפוֹהִי נִשמְתָא דְחַיֵי וַהֲוָת בְאָדָם לְרוּחַ מְמַלְלָא:
02:08 )1( וֻנצַב/ונסיב#3#/ יוי אֲלֹהִים גִנְתָא בְעֵדַן מִלְקַדמִין וְאַשרִי/ושוי#3#/ תַמָן יָת אָדָם דִברָא:
02:09 )1( וְאַצמַח יוי אֲלֹהִים מִן אַרעָא/אדמתא#3#/ כָל אִילָן דִמרַגַג לְמִחזֵי וְטָב לְמֵיכַל וְאִילָן חַיַיָא/דחיי#3#/ בִמצִיעוּת גִנְתָא וְאִילָן דְאָכְלֵי פֵירוֹהִי חָכְמִין בֵין טָב לְבִיש/וביש#3#/:
02:10 )1( וְנַהרָא הֲוָה נָפֵיק מֵעֵדַן לְאַשקָאָה יָת גִנְתָא וֻמִתַמָן מִתפָרַש וְהָוֵי לְאַרבְעָה רֵישֵי נַהרִין:
02:11 )1( שוֹם חַד פִישוֹן הוּא מַקֵיף/דמקיף#3#/ יָת כָל אֲרַע חֲוִילָה דְתַמָן דַהבָא:
02:12 )1( וְדַהבַה דְאַרעָא הַהוּא/ההיא#3#/ טָב תַמָן בְדוּלחָא וְאַבנֵי בוּרלָא:
02:13 )1( וְשוֹם נַהרָא תִניָנָא גִיחוֹן הוּא מַקֵיף/דמקיף#3#/ יָת כֹל אֲרַע כוּש:
02:14 )1( וְשוֹם נַהרָא תְלִיתָאָה דִגלָת/חדקל#3#/ הוּא מְהַלֵיך/דמהליך#3#/דמדבר#3#/ לְמַדִינחָא/קדומא#3#/ דַאֲתוּר וְנַהרָא רְבִיעָאָה הוּא פְרָת:
02:15 )1( וֻדבַר יוי אֲלֹהִים יָת אָדָם וְאַשרִיֵיה בְגִינְתָא דְעֵדַן לְמִפלְחַה וֻלמִטְרַה:
02:16 )1( וֻפַקֵיד יוי אֲלֹהִים עַל אָדָם לְמֵימַר מִכֹל אִילָן גִנְתָא מֵיכָל תֵיכוּל:
02:17 )1( וֻמֵאִילָן דְאָכְלֵי פֵירוֹהִי חָכְמִין בֵין טָב לְבִיש/וביש#3#/ לָא תֵיכוֹל מִנֵיה אֲרֵי בְיוֹמָא דְתֵיכוֹל מִנֵיה מְמָת תְמוּת:
02:18 )1( וַאֲמַר יוי אֲלֹהִים לָא תָקֵין/טב#3#/ דִיהֵי אָדָם בִלחוֹדוֹהִי אַעֲבֵיד לֵיה סְמָך כְקִבלֵיה:
02:19 )1( וֻברָא יוי אֲלֹהִים מִן אַרעָא/אדמתא#3#/ כֹל \חַיַת בָרָא /חיתא דחקלא#3#/ וְיָת כֹל עוֹפָא דִשמַיָא וְאֵיתִי לְוָת אָדָם לְמִחזֵי מָא יִקרֵי לְהוֹן וְכֹל דַהוָה קָרֵי לֵיה אָדָם נַפשָא חַיתָא הוּא שְמֵיה:
02:20 )1( וֻקרָא אָדָם שְמָהָן לְכֹל בְעִירָא וֻלעוֹפָא דִשמַיָא וֻלכֹל \חַיַת בָרָא /חיתא דחקלא#3#/ וֻלאָדָם לָא אַשכַח סְמָך כְקִבלֵיה:
02:21 )1( וֻרמָא/ואפיל#3#/ יוי אֲלֹהִים שִנתָא עַל אָדָם וֻדמוּך וֻנסֵיב חֲדָא מֵעִלעוֹהִי וֻמַלִי/ושוי#3#/ בִסרָא תְחוֹתַה:
02:22 )1( ובנָא יוי אֲלֹהִים יָת עִלעָא/עלעתא#3#/ דִנסֵיב מִן אָדָם לְאִיתְתָא/לאנתו#3#/ וְאֵיתִיַה לְוָת אָדָם:
02:23 )1( וַאֲמַר אָדָם הָדָא זִמנָא גַרמָא מִגַרמַי וֻבִסרָא מִבִסרִי לְדָא יִתקְרֵי אִיתְתָא אֲרֵי מִבַעֲלַה נְסִיבָא/אתנסיבא#3#/אתבריאת#3#/ דָא:
02:24 )1( עַל כֵן יִשבוֹק גְבַר בֵית מִשכְבֵי אֲבוּהִי וְאִימֵיה/וית אמיה#3#/ וְיִדבֹק בְאִיתְתֵיה וִיהוֹן לְבִסרָא חַד:
02:25 )1( וַהווֹ תַרוֵיהוֹן עַרטִלָאִין אָדָם וְאִתְתֵיה וְלָא <הוו#3#> מִתכַלמִין:

next chapter