← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51005: TgO Dt

Click on a word for lexical analysis
Click on a red-colored coordinate for comments and/or translations of the line

previous chapter


14:01 )1( בְנִין אַתוּן קדם יוי אֲלָהֲכוֹן לָא תִתהָמְמוּן וְלָא תְשַווֹן מְרַט בֵין עֵינֵיכוֹן עַל מִית:
14:02 )1( אֲרֵי עַם קַדִיש אַת קדם יוי אֲלָהָך וֻבָך אִתרְעִי יוי לְמִהוֵי לֵיה לְעַם חַבִיב מִכֹל עַמְמַיָא דְעַל אַפֵי ארעא:
14:03 )1( לָא תֵיכוֹל כֹל דִמרַחַק/דִמרֻחַק#3#/:
14:04 )1( דֵין/דא#3#/ בְעִירָא דְתֵיכְלוּן תוֹרִין אִימְרִין דְרַחלִין/דרחילין#3#/ וֻגדִין/וגדיין#3#/ דְעִזִין:
14:05 )1( אַילָא וְטַביָא וְיַחמוּרָא וְיַעֲלָא וְרֵימָא וְתוֹרבָלָא/וְתוּרבָלָא#3#/ וְדֵיצָא:
14:06 )1( וְכֹל בְעִירָא דִסדִיקָא פַרסְתַה וֻמַטִלפַן/וֻמַטלְפָן#3#/ טִלפִין תַרתֵין פַרסָתַה מַסְקָא פִשרָא בִבעִירָא יָתַה תֵיכְלוּן:
14:07 )1( בְרַם יָת דֵין לָא תֵיכְלוּן מִמַסקֵי פִשרָא וֻמִסדִיקֵי פַרסְתָא מַטִלפֵי/מַטלְפֵי#3#/ טִלפַיָא יָת גַמלָא וְיָת אַרנְבָא וְיָת טַפזָא/טַבזָא#3#/ אֲרֵי מַסקֵי פִשרָא אִנוּן וֻפַרסָתְהוֹן לָא סְדִיקָא מְסָאֲבִין אִנוּן לְכוֹן:
14:08 )1( וְיָת חֲזִירָא אֲרֵי סְדִיק פַרסְתָא הוּא וְלָא פָשַר מְסָאַב הוּא לְכוֹן מִבִסרְהוֹן לָא תֵיכְלוּן וֻבִנבֵילַתהוֹן/וֻבִנבִילַתהוֹן#3#/ לָא תִקרְבוּן:
14:09 )1( יָת דֵין תֵיכְלוּן מִכֹל דִבמַיָא כֹל דְלֵיה צִיצִין וְקַלפִין תֵיכְלוּן:
14:10 )1( וְכֹל דְלֵית לֵיה צִיצִין וְקַלפִין לָא תֵיכְלוּן מְסָאַב הוּא לְכוֹן:
14:11 )1( כֹל צִיפַר דְכֵי תֵיכְלוּן:
14:12 )1( וְדֵין דְלָא תֵיכְלוּן מִנְהוֹן נִשרָא וְעָר וְעוּזיָא/וְעָזיָא#3#/:
14:13 )1( וֻבַת כַנפָא וְטָרָפִיתָא וְדָיתָא/וְדַיתָא#3#/ לִזנַה:
14:14 )1( וְיָת כֹל עוֹרְבָא לִזנֵיה:
14:15 )1( וְיָת בַת נַעָמִיתָא וְצִיצָא וְצִיפַר שַחפָא וְנַצָא לִזנוֹהִי:
14:16 )1( קַדיָא/וְקָדיָא#3#/ וְקִיפוּפָא וֻבַותָא/וֻבָותָא#3#/:
14:17 )1( וְקָתָא וִירַקרֵיקָא וְשָלֵינוּנָא:
14:18 )1( וְחָוָרִיתָא וְאִבָא/וְאִבוֹ#3#/ לִזנַה וְנַגָר טוּרָא וַעֲטַלֵיפָא:
14:19 )1( וְכֹל רִחשָא דְעוֹפָא מְסָאַב הוּא לְכוֹן לָא יִתאַכלוּן:
14:20 )1( כֹל עוֹף דְכֵי תֵיכְלוּן:
14:21 )1( לָא תֵיכְלוּן כֹל נְבִילָא לְתוֹתַב עֲרַל דִבקִרוָך תִתְנִינַה וְיֵיכְלִינַה אוֹ תְזַבְנִינַה לְבַר עַמְמִין אֲרֵי עַם קַדִיש אַת קדם יוי אֲלָהָך לָא תֵיכְלוּן בְסַר בַחלַב:
14:22 )1( עַסָרָא תְעַסַר יָת כֹל עֲלְלַת זַרעָך דְיַפוֹק/דְיַפֵיק#3#/ חַקלָא שְנָא שְנָא:
14:23 )1( וְתֵיכוֹל קדם יוי אֲלָהָך בְאַתרָא דְיִתרְעֵי/דְיִיתִרעֵי#3#/ לְאַשרָאָה שְכִינְתֵיה תַמָן מַעסַר עִיבוּרָך/עְבוּרָך#3#/ חַמרָך ומִשחָך וֻבכוֹרֵי/ובוכרי#3#/ תוֹרָך וְעָנָך בְדִיל דְתֵילַף לְמִדחַל קדם יוי אֲלָהָך כֹל יוֹמַיָא:
14:24 )1( וַאֲרֵי יִסגֵי/תִסגֵי#3#/ מִנָך אוֹרחָא אֲרֵי לָא תִכוֹל לְמִיטַלֵיה אֲרֵי יִתרַחַק מִינָך אוֹרחָא/אַתרָא#3#/ דְיִתרְעֵי יוי אֲלָהָך לְאַשרָאָה שְכִינְתֵיה תַמָן אֲרֵי יְבָרְכִינָך יוי אֲלָהָך:
14:25 )1( וְתִתֵין בְכַספָא וֻתצוּר כַספָא בִידָך וֻתהָך לְאַתרָא דְיִתרְעֵי יוי אֲלָהָך בֵיה:
14:26 )1( וְתִתֵין כַספָא בְכֹל דְתִתרְעֵי נַפשָך בְתוֹרֵי וֻבעָנָא וֻבַחמַר חֲדַת וְעַתִיק וֻבכֹל דְתִשאֲלִינָך נַפשָך וְתֵיכוֹל תַמָן קדם יוי אֲלָהָך וְתִחדֵי אַת וַאֲנָש בֵיתָך:
14:27 )1( וְלֵיוָאָה דִבקִרוָך לָא תִשבְקִינֵיה/תְרַחְקִנֵיה#3#/ אֲרֵי לֵית לֵיה חוּלָק וְאַחסָנָא עִימָך:
14:28 )1( מִסוֹף תְלָת שְנִין תַפֵיק יָת כֹל מַעסַר עֲלַלתָך בְשַתָא הַהִיא וְתַצנַע בְקִרוָך:
14:29 )1( וְיֵיתֵי לֵיוָאָה אֲרֵי לֵית לֵיה חוּלָק וְאַחסָנָא עִימָך וְגִיוֹרָא וְיַתמָא וְאַרמַלתָא דִבקִרוָך וְיֵיכְלוּן וְיִסבְעוּן בְדִיל דִיבָרְכִינָך יוי אֲלָהָך בְכֹל עוּבָדֵי יְדָך דְתַעֲבֵיד:

next chapter