← Back
The Comprehensive Aramaic Lexicon
← Return to the Text Browser
click on the file description for more information

51012: TgJ Is

Click on a word for lexical analysis
Click on a red-colored coordinate for comments and/or translations of the line

previous chapter


20:01 )1( בְשַתָא דָאְתָא תַרתָן לְאַשדוֹד כַד שְלַח יָתֵיה סַרגוֹן מַלכָא דְאַתוּר וַאְגִיַח קְרָבָא בְאַשדוֹד וְכַבשַה:

20:02 )1( בְעִידָנָא הַהוּא גְזַר/מליל#3#/ יוי בְיַד יְשַעיָה בַר אָמוֹץ לְמֵימַר אִיזֵיל וְתֵיסַר סַקָא בְחַרצָך וֻמסָנָך תִשלוֹף מֵעַל רַגלָך/ריגלך#3#/ וַעְבַד כֵין אָזֵיל פְחַח וִיחֵיף:

20:03 )1( וַאְמַר יוי כְמָא דְהַלֵיך עַבדִי יְשַעיָה פְחַח וִיחֵיף תְלָת שְנִין אָת וֻמוֹפָת עַל מִצרָאֵי וְעַל כוּשָאֵי:
20:04 )1( כֵין יְדַבַר מַלכָא דְאַתוּר יָת שְבֵי מִצרַיִם וְיָת גָלוָת כוּש עוּלֵימִין וְסָבִין פָחְחִין וְיַחפִין וֻגלַן עַריָא קְלַן מִצרָיִם:
20:05 )1( וְיִתַברוּן וְיִבַהתוּן מִכוּש בֵית רוּחצָנְהוֹן וֻמִמִצרַיִם/וֻמִן מִצרָאֵי#2#/ תֻשְבַחתְהוֹן:
20:06 )1( וְיֵימַר יָתֵיב נֵיסָא הָדֵין בְעִידָנָא הַהוּא הַכְדֵין הְוָה אְתַר בֵית רוּחצָנַנָא דַהְוֵינָא סְבִירִין לְמִערַק לְתַמָן לִסעֵיד לְאִשתֵיזָבָא מִן קֳדָם מַלכָא דאַתוּר עַד כְ{ר}<ע>ַן/כדון#3#/כדו#3#/ נַפשְהוֹן לָא שֵיזִיבוּ וְאֵיכְדֵין נִשתֵיזַב אְנַחנָא:

next chapter