The Comprehensive Aramaic Lexicon

53.001:018	ܬܠܘܕܬܗ ܕܝ ܕܡܪܐ ܝܣܘܣ ܡܫܝܚܐ ܗܟܕܢ ܗܘܬ݁̈ ܟܕ ܐܬܗܪܣܬ݁ ܡܪܝܡ ܐܝܡܗ ܠܝܘܣܝܦ ܥܕ ܠܐ ܝܬܩܪܒܘܢ ܚܕ̈ ܠܘܬ ܚܕ ܐܫܬܟܚܬ݁ ܢܣܝܒܐ ܟܪܣ ܡܢ ܪܘܚܐ ܕܩܘܕܫܐ܂܂
53.001:019	ܝܘܣܝܦ ‍[‍܂܂܂܂‍]‍ ܗܘܐ ܨܕܝܩ ܘܠܐ ܗܘܐ ܨܒܐ݁ ܕܝܦܪܥ ܝܬܗ݀ ܐܠܐ ܐܬܚܫܒ ܕܒܛܡܘܪ̈ܝܢ ܝܦܢܐ݁ ܝܬܗ݀
53.001:020	ܘܗܝܟ ܕܗܘ ܡܬܚܫܒ ܗܠܝܢ ܘܗܐ ܡܠܐܟܗ ܕܡܪܐ ܐܬܚܡܝ ܠܗ ܒܡܚܡܘܝ ܘܐܡܪ ܠܗ ܝܘܣܝܦ ܒܪܗ ܕܕܘܝܕ ܠܐ ܬܕܚܘܠ ܕܬܕܒܘܪ ܠܡܪܝܡ ܐܬܬܟ܂܂ ܗܕܢ ܓܪ ܕܡܬܝܠܕ ܡܢܗ݀ ܡܢ ܪܘܚܐ ܕܩܘܕܫܐ ܐܝܬ ܗܘ܂܂
53.001:021	ܬܝܠܘܕ ܒ^ܪ^ ‍[‍܂܂܂܂‍]‍ ܫܝܡܗ ܝܣܘܣ ܗܘ ܓܪ ܝܚܐ݁ ܩܗܠܗ ܡܢ ܣܟܠܬ̈ܗܘܢ
53.001:022	ܗܕܐ ܕܝ ܟܘܠܗ݀ ܐܬܥܒܕܬ݁̈ ܕܝܬܡܠܝ ܡܐ ܕܐܬܐܡܪ ܡܢ ܡܪܐ ܒܬܪܥܗ ܕܐܫܥܝܐ ܢܒܝܐ ܕܐܡܪ
53.001:023	ܗܐ ܒܬܘܠܬܐ ܢܣܒܐ ܟܪܣ ܘܝܠܕܐ ܒܪ ܘܝܩܪ̈ܘܢ ܫܝܡܗ ܥܡܢܘܐܝܠ ܡܐ ܕܗܘ ܡܬܪܓܡ ܥܡܢ ܗܘ ܐܠܗܐ܂܂
53.001:024	ܩܡ ܕܝ ܝܘܣܝܦ ܡܢ ܫܢܬܗ̈ ܘܥܒܕ ^ܗܝܟ^ ܡܐ ‍[‍ܕ݁܂܂‍]‍ ܡܠܐܟܗ ܕܡܪܐ܂܂ ܘܕܒܪ ܝܬܗ݀ ܠܐܬܬܗ
53.001:025	ܘܠܐ ܗܘܐ ܡܟܪ ܠܗ݀ ܥܕܡܐ ܕܝܠܕܬ݁ ܒܪ ܘܩܪܐ ܫܝܡܗ ܝܣܘܣ܂܂
53.002:001	ܟܕ ܐܬܝܠܕ ܡܪܐ ܝܣܘܣ ܒܒܝܬ ܠܚܡ ܕܝܘܕܐ ܒܝܘܡ̈ܘܝ ܕܗܪܘܕܝܣ ܡܠܟܐ܂܂ ܘܗܐ ܡܓܘ̈ܫܝܝ ܡܢ ܡܕܢܚܐ ܐܬ̈ܘ ܠܝܪܘܫܠܝܡ
53.002:002	ܐܡܪ̈ܝܢ ܗܢ ܗܘ ܕܢ ܕܐܬܝܠܕ ‍[‍܂܂܂܂܂‍]‍܂܂ ܚܡ̈ܝܢܢ ܓܪ ܟܘܟܒܗ ܒܡܕܢܚܐ ܘܐ̈ܬܝܢܢ ܕܢܣܓܘܕ ܠܗ܂܂
53.002:003	ܘܟܕ ܫܡܥ ܡܠܟܐ ܗܪܘܕܝܣ ܐܬܥܪܒܒ ܘܟܘܠܗ݀ ܝܪܘܫܠܝܡ ܥܡܗ܂܂
53.002:004	ܘܟܢܫ ܟܘܠܗܘܢ ܪ̈ܫܝ ܟܗܢ̈ܝܐ ܘܣܦܪ̈ܘܝ ܕܩܗܠܐ ܘܗܘܐ ܡܫܐܠ ܠܗܘܢ ܗܢ ܡܫܝܚܐ ܡܬܝܠܕ܂܂
53.002:005	ܗܢܘܢ ܕܝ ܐܡܪ̈ܘ ܠܗ ܒܒܝܬ ܠܚܡ ܕܝܗܘܕܐ܂܂ ܟܕܢ ܓܪ ܟܬܝܒ ܒܢܒܝܐ܂܂
53.002:006	ܐܘܦ ܐܬܝ ܒܝܬ ܠܚܡ ‍[‍܂܂܂܂܂‍]‍ ܙܥܘܪܐ ܒܡܕܒܪ̈ܢܝܐ ܕܝܗܘܕܐ܂܂ ܡܢܝܟܝ ܓܪ ܢܦܩ ܡܕܒܪܢ̈ ܗܕܢ ܕܗܘ ܝܪܥܐ݁ ܠܩܗܠܝ ܐܝܣܪܐܝܠ܂܂
53.002:007	ܒܟܢ ܗܪܘܕܝܣ ܛܡܝܪܐܝܬ ܩܪܐ ܠܡܓܘ̈ܫܝܝ ܘܥܩܒ ܡܢܗܘܢ ܐܫܘܢܗ ܕܟܘܟܒܐ ܕܐܬܚܡܝ܂܂
53.002:008	ܘܫܠܚ ܝܬܗܘܢ ܠܒܝܬ ܠܚܡ ܐܡܪ܂܂ ܗܐ ܐܬܘܢ ܐܙ̈ܠܝܢ ܫܘ̈ܠܘ ܫܪܝܪܐܝܬ ܠܛܒܗ ܕܛܠܝܐ܂܂ ܘܟܕ ܬܫܟܚ̈ܘܢ ܬܢ̈ܘ ܠܝ ܕܐܘܦ

53.002:018	‍[‍܂܂܂܂܂‍]‍ ܘܬܢܘܚ ܣܓܝ ܪܟܝܠ ܒܟܝܐ ܥܠ ܒܢ̈ܝܗ݀ ܘܠܐ ܨܒܝܐ ܕܬܬܢܚܡ ܕܠܝܬ ܗܢܘܢ܂܂

53.002:019	ܘܟܕ ܡܝܬ ܗܪܘܕܝܣ ܗܐ ܡܠܐܟܗ ܕܡܪܐ ܐܬܚܡܝ ܠܝܘܣܦ ܒܡܨܪܝܢ
53.002:020	ܘܐܡܪ ܠܗ܂܂ ܩܘܡ ܕܒܘܪ ܠܛܠܝܐ ܘܠܐܝܡܗ ܘܐܙܠܟ ܠܐܪܥܐ ܕܐܝܣܪܐܝܠ ܡܝ̈ܬܘ ܓܪ ܗܠܝܢ ܕܗܘܘ ܒܥ̈ܝܢ ܢܦܫܗ ܕܛܠܝܐ܂܂
53.002:021	ܘܩܡ ܕܒܪ ܝܬܗ ܠܛܠܝܐ ܘܠܐܝܡܗ̈ ܘܐܬܐ ܠܐܪܥܐ ‍[‍܂܂܂܂܂
53.002:022	‍[‍܂܂܂܂ ܂܂܂܂‍]‍ ܕܐܪܟܝܠܗܘܣ ܡܠܟ ܒܝܘܕܝܐ ܒܝܘܕܝܐ ܚܘܠܦ ܗܪܘܕܝܣ ܐܒܘܝ ܕܚܠ ܕܝܐܙܠ ܠܬܡ݁ܢ܂܂ ܘܐܬܚܡܝ ܠܗ ܒܚܠܡܐ ܕܝܐܙܠ ܠܐܪܥܐ ܕܓܠܝܠܐ
53.002:023	ܘܐܬܐ ܘܥܡܪ ܒܡܕܝܢܐ ܕܡܬܡܪܐ ܢܙܪܬ܂܂ ܕܝܬܡܠܝ ܡܐ ܕܐܬܡܪ ܒܢܒܝܐ ܕܢܙܘܪܝ ܝܬܩܪܐ݁̈
53.027:027	ܒܟܢ ܪ̈ܘܡܝܝ ܕܗܝܓܝܡܘܢܐ ܕܒܪ̈ܘ ܝܬܗ ܠܡܪܐ ܝܣܘܣ ܠܦܠܝܛܘܪܝܢ܂܂ ܘܟܢܝ̈ܫܘ ܥܠܘܝ ܟܘܠܗ݀ ܩܣܛܪܐ
53.027:028	ܘܟܣ̈ܘ ܝܬܗ ܡܐܢ ܕܐܪܓܘܢ ܘܟܠܡܝܣ ܕܙܝܚܘܪܝ ܝܗ̈ܒܘ ܥܠܘܝ܂܂
53.027:029	ܘܓܕ̈ܠܘ ܟܝܠܝܠ ܡܢ ܟܘܒ̈ܝܢ ܘܐܣܝܡܘ ܒܪܝܫܗ̈ ܘܩܢܝ ܒܝܡܝܢܗ܂܂ ܘܩܥ̈ܕܘ ܥܠ ܐܪ̈ܟܘܒܬܗܘܢ ܩܘܕܡܘܝ܂܂ ܘܗܘܘ ܡܓܚ̈ܟܝܢ ܒܗ ܘܐܡܪ̈ܝܢ ܫܝܠܡ ܠܟ ܡܠܟܐ ܕܝܘ̈ܕܝܝ̈
53.027:030	‍[‍܂܂܂‍]‍ ܥܠܘܝ ܘܢܣ̈ܒܘ ܩܢܝܐ ܘܗܘܘ ܡܚ̈ܝܢ ܠܗ ܥܠ ܪܝܫܗ̈
53.027:031	ܘܟܕ ܓܚܝ̈ܟܘ ܒܗ̈ ܐܚ̈ܠܝܫܘ ܝܬܗ ܟܠܝܡܝܣܐ ܘܡܐܢܐ ܕܐܪܓܘܢܐ ܘܟܣ̈ܝܘ ܝܬܗ ܡܐܢܘܝ̈ ܘܐܘ̈ܒܠܘ ܝܬܗ ܕܝܨܠܘܒ̈ܘܢ ܝܬܗ̈
53.027:032	ܡܢܦܩ̈ܝܢ ܕܝ ܐܫܟܚ̈ܘ ܒܪܢܫ ܩܪܝܢܐܝ ܐܬܐ݁ ܠܐܘܪܥܘܬܘܢ ܕܫܝܡܗ ܣܝܡܘܢ܂܂ ܘܨ̈ܕܘ ܝܬܗ ܐܓܪܝܐ ܕܝܣܒ ܨܠܒܗ܂܂
53.027:033	ܘܐܬ̈ܘ ܠܐܬܪܐ ܗܕܢ ܕܡܬܡܪ ܓܘܠܓܘܠܬܐ܂܂ ܡܐ ܕܗܘ ܡܝܬܪܓܡ ܩܪܩܦܬܐ܂܂
53.027:034	ܘܝܗ̈ܒܘ ܠܗ ܚܡܪ ܡܥܪܒ ܒܡܝܪܐ ܕܝܫܬܐ݁ ܘܛܥܡ ܘܠܐ ܨܒܐ ܕܝܫܬܐ݁
53.027:036	ܟܕ ܕܝ ܨܠܒ̈ܘ ܝܬܗ
53.027:035	ܦܠܝܓ̈ܘ ܡܐܢ̈ܘܝ ܘܪ̈ܡܘ ܢܒܙ̈ܝܢ̈
53.027:036	ܘܗܘܘ ܝܬܝܒܝܢ ܢܛܪ̈ܝܢ ܠܗ ܬܡ݁ܢ
53.027:037	ܘܐܣܝ̈ܡܘ ܠܥܠ ܡܢ ܪܝܫܗ ܥܠܬܗ ܟܬܝܒܐ̈ ܗܕܢ ܗܘ ܝܣܘܣ ܡܠܟܗܘܢ ܕܝܘ̈ܕܝܝ܂܂
53.027:038	ܘܐܨܛܠܒ̈ܘ ܥܡܗ ܬܪ̈ܝܢ ܠܝܣ̈ܛܝܢ܂܂ ܚܕ ܡܢ ܝܡܝܢܐ ܘܚܕ ܡܢ ܣܝܡܠܐ܂܂
53.027:039	ܗܠܝܢ ܕܝ ܕܗܘܘ ܥܒܪ̈ܝܢ ܗܘܘ ܡܓܕܝܦ̈ܝܢ ܥܠܘܝ܂܂ ܘܗܘܘ ܡܢܝ̈ܕܝܢ ܪ̈ܫܝܗܘܢ
53.027:040	ܘܐܡܪ̈ܝܢ܂܂ ܐܘ ܗܕܢ ܕܫܪܝ ܢܘܣܗ ܕܐܠܗܐ ܘܠܬܠܬܐ ܝܘܡ̈ܝܢ ܒܢܐ݁ ܠܗ ܐܚܝ ܓܪܡܟ ܐܢ ܐܝܬ ܐܬ ܒܪܗ ܕܐܠܗܐ ܚܘܬ ܡܢ ܨܠܒܐ
53.027:041	ܟܢ ܕܝ ܘܟܘܬ