Click on a red-colored coordinate for comments and/or translations of the line
| 001:001 | ܠܒܕܝܠ ܕܣ̈ܓܝ ܐܫܬ̈ܠܛܘ ܕܝܬܩܢܘܢ ܬ݁ܢܘܝ ܠܛܒ ܡܩܡ̈ܬܐ ܗܠܝܢ ܕܒܢ ܐܬ݁ܡܠܝ܃ |
| 001:002 | ܗܝܟ ܕܡܣܪ̈ܘ ܠܢ ܗ̈ܠܝܟ ܕܡܢ ܪܝܫ ܗܘܘ ܚܡܘܝܝܗ ܘܫܡܫܝܗ ܕܡܠܬܐ܃ |
| 001:003 | ܨܒܐ ܠܝ ܐܘܦ ܠܝ ܕܥܩܒܬ݁ ܝܬ݁ܗܘܢ ܡܢ ܪܝܫ ܒܚܩܘܩ/ܒܚܩܚܘܩ#2#/ ܥܠ ܛܟܣܐ ܕܝܟܬܘܒ ܠܟ ܐܘܢ ܚܝܘܠܐ ܬ݁ܝܘܦܝܠܐ܃ |
| 001:004 | ܠܒܕܝܠ ܕܬ݁ܕܘܥ ܫܘܪܪܐ ܕܡ̈ܠܝܐ ܗ̈ܠܝܢ ܕܐܬ݁ܬܠܡܕܬ ܠܗ̈ܝܢ܃ |
| 001:005 | ܗܘܐ ܒܝܘ̈ܡܘܝ ܕܗܝܪܘܕܝܣ ܡܠܟܐ ܕܝܗ̈ܘܕܝܐ܃ ܟܗܢ ܚܕ ܘܫܝܡܗ ܙܟܪܝܘܣ ܡܢ ܫܘܪܒܬ݁ܗ ܕܐܒܝ̈ܝܐ܃ ܘܐܬܬ݁ܗ ܗܘܬ݁ ܡܢ ܒܢܬ݁ܗ ܕܐܗܪܘܢ ܘܫܝܡܗ ܕܝ ܐܠܝܫܒܛ܃ |
| 001:006 | ܗܘܘ ܕܝ ܬ݁ܪܝܗܘܢ ܨܕܝܩ̈ܝܢ ܩܘܕܡ ܐܠܗܐ܃ ܡܗܠܟܝܢ ܒܟܘܠ ܦܩܕܘܝ ܘܨܕܩܘܝ ܕܡܪܐ ܦ̈ܨܝܢ ܥܠܐ܃ |
| 001:007 | ܘܒܪ ܠܐ ܗܘܐ ܠܗܘܢ܃ ܠܓܠܠ ܕܗܘܬ݁ ܐܠܝܫܒܛ ܥܩܪܐ ܘܬ݁ܪܝܗܘܢ ܗܘܘ ܥܠܘܠܝܢ ܒܝܘܡܝܗܘܢ܃ |
| 001:008 | ܐܬ݁ܥܒܕ ܕܝ ܗܝܟ܃ ܕܗܘ ܡܟܗܢ ܒܐܬܩܢܘܬܐ ܕܝܘ̈ܡܝܐ ܕܬܫܡܝܫܗ ܩܘܕܡ ܐܠܗܐ܃ |
| 001:009 | ܗܝܟ ܐܘܠܦܢܐ ܕܬܫܡܝܫܐ ܡܛܐ ܠܗ ܕܝܬܢܢ ܒܣܡܢܝܐ ܟܕ ܥܠ ܠܢܘܣܗ ܕܐܠܗܐ܃ |
| 001:010 | ܘܟܘܠ ܣܘܓܝܗ ܕܩܗܠܐ ܗܘܐ ܡܨܠܐ݁ ܠܒܪ ܒܫܥܬܐ ܕܡܓܡܘܪܐ܃ |
| 001:011 | ܘܐܬܚܡܝ ܠܗ ܡܠܐܟܐ ܕܡܪܐ܃ ܩܐܡ ܡܢ ܝܡܝܢܗ ܕܡܕܒܚܐ ܕܡܓܡܪܐ܃ |
| 001:012 | ܘܐܬ݁ܥܪܒܒ ܙܟ̈ܪܝܐ ܟܕ ܚܡܐ ܘܕܚܠܬܐ ܢܦܠܬ݁ ܥܠܘܝ܃ |
| 001:013 | ܘܐܡܪ ܠܗ ܡܠܐܟ̈ܐ ܠܐ ܬܕܚܘܠ ܙܟ̈ܪܝܐ ܠܓܠܠ ܕܐܫܬܡܥܬ ܒܥܘܬ݁ܟ܃ ܘܗܐ ܐܬܬ݁ܟ ܐܠܝܫܒܛ ܬ݁ܠܘܕ ܠܟ ܒܪܐ ܘܬܩܪܐ ܐܫܝܡܗ ܝܘܚܢܝܣ܃ |
| 001:014 | ܘܬ݁ܗܐ ܠܟ ܚܕܘܐ ܘܙܗܘܐ ܘܣܓܝ ܝܚܕܘܢ ܥܠ ܬܠܘܕܬܗ܃ |
| 001:015 | ܝܗܐ ܓܪ ܪܒ ܩܘܕܡ ܡܪܐ܃ ܘܚܡܪ ܘܫܟܪ ܠܐ ܝܫܬܐ܃ ܘܡܢ ܪܘܚܐ ܕܝ ܕܩܘܕܫܐ ܝܬ݁ܡܠܝ ܥܕ ܗܘ ܒܟܪܣܗ݀ ܕܐܝܡܗ܃ |
| 001:016 | ܘܣܓܝ ܡܢ ܒܢܝ ܐܝܣܪܝܠ ܝܬܝܒ ܠܘܬ ܡܪܐ ܐܠܗܗܘܢ܃ |
| 001:017 | ܘܗܘ ܝܩܕܡ ܘܝܐܬܐ ܩܘܕܡܘܝ ܒܪܘܚܐ ܘܒܚܝܠܗ ܕܐܠܝܐܣ܃ ܕܝܬܒ ܠܒ̈ܒܐ ܐܒܗܢ ܥܠ ܒܢܝܢ ܘܗܠܝܢ ܕܠܐ ܡܬܧܝܣܝܢ ܒܒܘܢܢܘܬܗܘܢ ܕܨܕܝܩܝܐ܃ ܕܝܥܬܕ ܠܡܪܐ ܩܗܠ ܡܫܟܠܠ܃ |
| 001:018 | ܘܐܡܪ ܙܟ̈ܪܝܐܣ ܠܡܠ<ܐ>ܟܐ ܒܡܐ ܐܢܐ ܝܕܥ ܗܕܐ܃ ܐܢܐ ܓܪ ܓܒܪ ܣܒ ܘܐܬܬܝ ܥܠܘܠܐ ܒܝܘܡܝܗ܃ |
| 001:019 | ܘܐܓܝܒ ܡܠܐܟ̈ܐ ܘܐܡܪ ܠܗ ܐܢܐ ܗܘ ܓܒܪܝܐܝܠ ܕܩܐܡ ܩܘܕܡ ܐܠܗܐ܃ ܘܐܫܬܠܚܬ ܕܝܡܠܠ ܠܟ ܘܝܒܣܪ ܝܬܟ ܗܠܝܢ |
| 001:020 | ܘܗܐ ܐܬ ܗܘܐ ܫܬܝܩ ܘܠܐ ܝܟܠ ܕܬ݁ܡܠܠ ܥܕܡܐ ܠܝܘܡܐ ܕܝܬ݁ܥܒܕܢ ܗܠܝܢ܃ ܚܘܠܦ ܕܠܐ ܗܝܡܢܬ ܠܡܠܝ ܗܠܝܢ ܕܗܢܝܢ ܝܫܠܘܡܢ ܒܩܝܪܣܗܝܢ܃ |
| 001:021 | ܘܗܘܐ ܩܗܠܐ ܡܣܟܐ݁ ܠܙܟ̈ܪܝܐܣ܃ ܘܗܘܘ ܡܬܡܗܝܢ ܒܡܐ ܕܐܘܚܪ ܒܢܘܣܐ܃ |
| 001:022 | ܟܕ ܕܝ ܢܦܩ ܠܐ ܗܘܐ ܝܟܠ ܕܝܡܠܠ ܠܗܘܢ܃܃܃ ܘܝܕܥܘ ܡܚܡܘܝ ܚܡܐ ܒܢܘܣܐ܃ ܘܗܘ ܗܘܐ ܪܡܙ ܠܗܘܢ܃ ܘܟܬܪ ܕܠܐ ܡܡܠܠ܃ |
| 001:023 | ܘܗܘܐ ܟܕ ܫܠܡܘ ܝܘܡܝܐ ܕܬܫܡܝܫܗ ܐܙܠ ܠܗ ܠܒܝܬܗ܃ |
| 001:024 | ܡܢ ܒܬ݁ܪ ܕܝ ܗܠܝܢ ܝܘܡܝܐ ܒܛܢܬ݁ ܐܠܝܫܒܛ ܐܬܬܗ܃ ܘܗܘܬ݁ ܡܛܡܪܐ ܓܪܡܗ ܚܡܝܫܐ ܝܪܚܝܢ ܐܡܪܐ |
| 001:025 | ܕܟܕܢ ܥܒܕ ܠܝ ܡܪܐ ܒܝܘܡܝܐ ܕܚܡܐ ܕܝܪܝܡ ܚܣܕܐܝ ܡܢ ܒܢܝܢܝܫܐ |
| 001:057 | ܘܐܬܡܠܝ ܐܫܘܢܝ ܕܐܠܝܫܒܛ ܕܬܝܠܘܕ܃ ܘܝܠܕܬ ܒܪ |
| 001:058 | ܘܫܡܥܘ ܕܝ ܡܓܝܪܗ ܘܩܪܝܒܝܗ ܕܐܪܒܝ ܡܪܐ ܪܚܡܘܝ ܥܡܗ ܘܗܘܘ ܚܕܝܢ ܠܗ |
| 001:059 | ܘܗܘܐ ܒܝܘܡܐ ܬܡܝܢܝܐ ܐܬܘ ܕܝܓܙܘܪܘܢ ܝܬ݁ܗ ܠܛܠܝܐ܃ ܘܗܘܘ ܩܪܝܢ ܠܗ ܥܠ ܫܝܡܗ ܕܐܒܘܝ ܙܟܪܝܣ܃ |
| 001:060 | ܘܐܓܝܒܬ݁ ܐܝܡܗ ܘܐܡܪܬ݁܃ ܠܐ ܐܬ݁ܩܪܝ ܫܝܡܗ ܝܘܚܢܝܣ܃ |
| 001:061 | ܘܐܡܪܘ ܠܗ ܕܠܝܬ݁ ܐܢܫ ܡܢ ܫܘܪܒܬ݁ܟܝ ܡܬ݁ܩܪܐ ܒܗܕܢ ܫܝܡܐ܃ |
| 001:062 | ܘܗܘܘ ܪܡܙܝܢ ܠܐܒܘܝ ܗܝܟ ܗܘ ܨܒܐ݁ ܕܝܬ݁ܩܪܐ݁܃ |
| 001:063 | ܘܫܐܠ ܦܝܢܟܣ ܘܟܬ݁ܒ ܐܡܪ ܕܝܘܚܢܝܣ ܗܘ ܫܝܡܗ܃ ܘܬܡܗܘ ܟܘܠܗܘܢ܃ |
| 001:064 | ܘܐܬ݁ܦܬܚ ܦܡܗ ܒܪ ܫܥܬ݁ܗ ܘܠܝܫܢܗ܃ ܘܗܘܐ ܡܡܠܠ ܘܡܒܪܟ ܠܐܠܗܐ܃ |
| 001:065 | ܘܗܘܬ݁ ܕܚܠܬܐ ܥܠ ܟܘܠ ܡܓܝܪܝܗܘܢ ܘܒܟܘܠܗ ܛܘܪܝܬܐ ܕܝܗܘܕܝܐ ܗܘܝ ܡܬܡܠܠܢ ܟܘܠ ܗܠܝܢ ܡܠܝܐ |
| 001:066 | ܘܐܣܝܡܘ ܟܘܠ ܗܠܝܢ ܕܫܡܥܘ ܒܠܒܗܘܢ ܐܡܪܝܢ܃ ܐܪܐ ܡܢ ܗܘ ܗܕܝܢ ܛܠܝܐ ܩܝܓ̈ܪ ܐܝܕܗ ܕܡܪܐ ܗܘܬ݁ ܥܡܗ܃ |
| 001:067 | ܘܙܟܪܝܐ ܐܒܘܝ ܐܬ݁ܡܠܝ ܡܢ ܪܘܚܐ ܕܩܘܕܫܐ ܘܐܬ݁ܢܒܝ ܘܐܡܪ܃ |
| 001:068 | ܡܒܪܟ ܗܘ ܡܪܐ ܐܠܗܗ ܕܐܣܪܝܠ܃ |
| 001:076 | ܘܐܬ ܛܠܝܐ ܢܒܝܗ ܕܡܪܘܡܡܐ ܬ݁ܬܩܪܐ܃ ܬܩܕܡ ܓܪ ܘܬ݁ܝܙܠ ܩܘܕܡ ܐܦܘܝ ܕܡܪܐ ܘܬ݁ܥܬܕ ܐܘܪܚܬ݁ܗ܃ |
| 001:080 | ܘܛܠܝܐ ܗܘܐ ܫܒܚ ܘܡܫܬܪܪ ܒܪܘܚܐ ܘܗܘܐ ܒܡܕܒܝܪܐ܃ ܥܕܡܐ ܠܝܘܡܐ ܕܐܘܪܥܘܬ݁ܗ ܠܘܬ݁ ܐܝܣܪܐܝܠ܃ |
| 001:024 | ܡܢ ܒܬܪ ܕܝ ܗ̈ܠܝܢ ܝܘ̈ܡܝܐ ܒܛܢܬ݁ ܐܠܝܫܒܛ ܐܬܬ݁ܗ ܕܙܟܪܝܐ ܘܗܘܬ ܡܛܡܪܐ ܓܪܡܗ݀ ܚܡܝܫܐ ܝܪ̈ܚܝܢ ܐܡܪܐ |
| 001:025 | ܕܟܕܢ ܥܒܕ ܠܝ ܡܪܐ ܒܝ̈ܘܡܝܐ ܕܚܡܐ܃ ܕܝܪܝܡ ܚܣܕܐܝ ܡܢ ܒ̈ܢܝܢܝܫܐ |
| 001:026 | ܘܒܝܪܚܐ ܫܬܝܬܝܐ ܐܫܬܠܚ ܡܠܐܟܐ ܓܒܪܝܐܝܠ ܡܢ ܠܘܬ݁ ܐܠܗܐ܃ ܠܡܕܝܢܐ ܡܢ ܓܠܝܠܐ ܕܫܝܡܗ݀ ܢܙܘܪܬ݁܃ |
| 001:027 | ܠܘܬ݁ ܒܬ݁ܘܠܐ ܐܪܘܣܐ ܠܓܒܪ ܕܫܝܡܗ ܝܘܣܝܦ ܡܢ ܒܝܬܗ <ܕ>ܕܘܝܕ܃ ܘܫܝܡܗ݀ ܕܝ ܕܒܬ݁ܘܠܬܐ ܡܪܝܐܡ܃ |
| 001:028 | ܘܥܠ ܠܘܬ݁ܗ݀ ܡܠܐܟܐ ܘܐܡܪ ܠܗ݀ ܫܝܠܡ ܠܝܟܝ ܚܣܝܕܬܐ ܡܪܐ ܥܡܝܟܝ܃ |
| 001:029 | ܗܝ ܕܝ ܐܬ݁ܥܪܒܒܬ ܥܠ ܡܠܬ݁ܗ ܘܗܘܬ݁ ܡܬ݁ܚܫܒܐ܃ ܕܓܢܣ ܡܐ ܗܘ ܗܕܢ ܫܝܐܠ ܫܝܠܡܐ܃ |
| 001:030 | ܘܐܡܪ ܠܗ݀ ܡܠܐܟܐ ܠܐ ܬ݁ܕܚܘܠܝܢ ܡܪܝܐܡ܃ ܐܫܟܚܬܝ ܓܪ ܚܣܕ ܠܘܬ݁ ܐܠܗܐ܃ |
| 001:031 | ܘܗܐ ܐܬܝ ܢܣܒܐ ܟܪܣ ܘܝܠܕܐ ܒܪ ܘܬ݁ܩܪܝܢ ܫܝܡܗ ܝܣܘܣ܃ |
| 001:032 | ܗܕܢ ܝܗܐ ܪܒ ܘܒܪܗ ܕܡܪܘܡܡܐ ܝܬ݁ܩܪܐ ܘܝܬܠ ܠܗ ܡܪܝܐ ܐܠܗܐ ܡܝܬܘܒܝܬ݁ܗ <ܕ>ܕܘܝܕ ܐܒܘܝ |
| 001:033 | ܘܝܡܠܘܟ ܥܠ ܒܝܬܗ ܕܝܥܩܘܒ ܠܥܠܡܝܐ܃ ܘܠܡܠܟܘܬܗ ܠܐ ܝܗܐ ܫܝܨܘܝܐ |
| 001:034 | ܐܡܪܬ݁ ܕܝ ܡܪܝܐܡ ܠܘܬ݁ ܡܠܐܟܐ܃ ܗܝܟ ܗܘܝܐ ܠܝ ܗܕܐ ܥܠ ܕܓܒܪ ܠܝܬ ܐܢܐ ܡܟܪܐ |
| 001:035 | ܘܐܓܝܒ ܡܠܐܟܐ ܘܐܡܪ ܠܗ܃ ܪܘܚܐ ܕܩܘܕܫܐ ܬܝܬ݁ܝ ܥܠܝܟܝ܃ ܘܚܝܠܗ ܕܪܡܐ ܝܓܢ ܥܠܝܟܝ܃ ܠܓܠܠ ܕܐܘܦ ܗܕܢ ܕܡܬ݁ܝܠܕ ܩܕܝܫ ܝܬ݁ܩܪܐ݁ ܒܪܗ ܕܐܠܗܐ܃ |
| 001:036 | ܘܗܐ ܐܘܦ ܐܠܝܫܒܛ ܩܪܝܒܬܝܟܝ ܒܛܢܬ݁ ܒܪ ܒܣܝܒܘܬ݁ܗ܃ ܘܗܕܢ ܠܗ ܝܪܚܐ ܫܬܝܬܐܝ܃ ܠܗܕܐ ܕܡܬ݁ܩܪܝܐ ܥܩܪܐ |
| 001:037 | ܕܠܐ ܩܫܝܐ ܟܘܠ ܡܠܐ ܠܘܬ݁ ܐܠܗܐ܃ |
| 001:038 | ܐܡܪܬ݁ ܕܝ ܡܪܝܐܡ ܗܐ ܐܢܐ ܐܡܬ݁ܗ ܕܡܪܝܐ ܝܗܐ݁ ܠܝ ܗܝܟ ܡܠܬ݁ܟ܃ ܘܐܙܠ ܠܗ ܡܠܐܟܐ ܡܢ ܠܘܬ݁ܗ |
| 001:039 | ܘܒܗܠܟ ܝܘ̈ܡܝܐ ܩܡܬ ܕܝ ܡܪܝܐܡ ܘܐܙܠܬ݁ ܠܛܘܪܝܬܐ ܒܝܨܝܦܘ ܠܡܕܝܢܬܗ݀ ܕܝܗܘܕܐ܃ |
| 001:040 | ܘܥܠܬ݁ ܠܒܝܬܗ ܕܙܟܪܝܐܣ܃ ܘܫܐܠܬ݁ ܒܫܝܠܡܗ݀ ܕܐܠܝܫܒܛ |
| 001:041 | ܘܟܕ ܫܡܥܬ݁ ܐܠܝܫܒܛ ܫܝܠܡܗ݀ ܕܡܪܝܡ ܩܪܛܥ ܛܠܝܐ ܒܟܝܣܗ݀ ܘܐܬ݁ܡܠܝܬ݁ ܐܠܝܫܒܛ ܡܢ ܪܘܚܐ ܕܩܘܕܫܐ܃ |
| 001:042 | ܘܐܨܝܚܬ݁ ܒܨܘܚܐ ܪܒܐ ܘܐܡܪܐ ܡܒܪܟܐ ܐ݁ܬܝ ܒܢܝ̈ܫܝܐ܃ ܘܡܒܪܟ ܗܘ ܦܝܪܗ ܕܟܪܣܝܟܝ |
| 001:043 | ܘܡܢ ܗܢ ܠܝ ܗܕܐ ܕܬܝܬܐ ܐܝܡܗ ܕܡܪܝ ܠܘܬ݁ܝ܃ |
| 001:044 | ܗܐ ܓܪ ܫܘܐ ܕܐܬ݁ܥܒܕ ܩܠ ܫܝܠܡܝܟܝ ܒܐܕܢ̈ܝ܃ ܩܪܛܥ ܛܠܝܐ ܒܚܕܘܐ ܒܟܪܣܝ |
| 001:045 | ܘܛܘܒܝܗ݀ ܠܗܕܐ ܕܗܝܡܢܬ݁ ܕܗܘܐ ܫܠܘܡ ܠܗ̈ܠܝܢ ܕܐܬ݁ܡܠܠ ܠܗ݀ ܡܢ ܠܘܬ݁ ܡܪܝܐ |
| 001:046 | ܘܐܡܪܬ݁ ܡܪܝܐܡ ܡܪܒܝܐ ܗܝ ܢܦܫܝ ܠܡܪܝܐ |
| 001:047 | ܘܐܬ݁ܚܕܝܬ݁ ܪܘܚܝ ܥܠ ܐܠܗܐ ܡܚܝܢܝ܃ |
| 001:048 | ܕܐܕܡܝ ܥܠ ܡܟܝܟܘܬ݁ܗ݀ ܕܐܡܬ݁ܗ ܗܐ ܓܪ ܡܢ ܟܕܘ ܝܗܒ̈ܝܢ ܠܝ ܛܘܒܐ ܟܘܠܗܘܢ ܕܪ̈ܝܐ |
| 001:049 | ܕܥܒܕ ܠܝ ܪ̈ܒܪܒܢ ܗܘ ܕܚܝܘܠܬ݁ܢ ܘܩܕܝܫ ܗܘ ܫܝܡܗ܃ |
| 001:050 | ܃܃܃܃܃܃܃܃܃܃܃܃܃܃܃܃܃܃܃܃܃܃܃܃ ܃܃܃܃܃܃܃܃܃܃܃܃܃܃܃ ܠܗܠܝܢ ܕܕܚܠܝܢ ܡܢܗ |
| 001:051 | ܃܃܃܃܃܃܃܃܃܃܃܃܃܃܃܃܃܃܃܃܃܃܃܃ ܃܃܃܃ܘܒܕܪ܃ ܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃ |
| 001:052 | ܃܃܃܃܃܃܃܃܃܃܃܃܃܃܃܃܃܃܃܃܃܃܃܃ ܃܃܃܃܃܃ܡܢ ܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃ |
| 001:053 | ܠܟܦܢܝܐ ܐܣܒܥ [ܡܢ] ܛܒܬܐ ܘܠܥܬܝܪܝܐ ܫܠܚ ܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃܃ |
| 001:054 | ܩܒܠ ܠܝܣܪܝܠ ܛܠܝܗ ܘܝܕܟܪ ܪܚܡܝܐ |
| 001:055 | ܗܝܟ ܟܘܠܡܐ ܕܡܠܠ ܠܘܬ ܐܒܗܬܐܢ ܠܐܒܪܗܡ ܘܠܙ[ܪܥ]ܝܗ ܥܕܡܐ ܠܥܠܡ |
| 001:056 | ܟܬܪܬ݁ ܕܝ ܡܪܝܐܡ ܠܘܬ݁ܗ ܗܝܟ ܬܠܬܐ ܝܪ̈ܚܝܢ ܘܬܒܬ݁ ܠܒܝܬܗ݀ |
| 002:001 | ܘܗܘܐ ܒܗܠܝܢ ܝܘ̈ܡܐ ܢܦܩܬ݁ ܐܬܩܢܘ ܡܢ ܠܘܬ݁ ܐܓܘܣܛܘܣ ܩܣܪ ܕܬܬ݁ܟܬ݁ܒ ܟܘܠܗ ܥܡܪܬܐ |
| 002:002 | ܘܗܕܐ ܗܘܬ݁ ܐܟܬ݁ܒܘܬܐ ܩܡܝܬܐ ܟܕ ܗܘܐ ܩܝܪܝܢܘܣ ܒܣܘܪܝܐ |
| 002:003 | ܘܗܘܘ ܐܙܠܝܢ ܟܘܠܗܘܢ ܕܝܬܟܬ݁ܒܘܢ ܟܘܠ ܐܢܫ ܐܢܫ ܒܡܕܝܢܬܗ |
| 002:004 | ܘܣܠܩ ܐܘܦ ܝܘܣܦ ܡܢ ܓܠܝܠܐ ܡܢ ܡܕܝܢܬܐ ܢܙܪܬ݁ ܠܝܘܕܝܐ ܠܡܕܝܢܬܗ ܕܘܝܕ܃ ܗܕܐ ܕܡܬ݁ܩܪܝܐ ܒܝܬ݁ ܠܚܡ܃ ܠܓܠܠ ܕܗܘܐ ܡܢ ܒܝܬܗ ܘܡܢ ܫܘܪܒܬ݁ܗ ܕܘܝܕ܃ |
| 002:005 | ܕܝܬ݁ܟܬ݁ܒ ܥܡ ܡܪܝܐܡ ܗܕܐ ܕܗܘܬ ܐܪܘܣܐ ܠܗ ܟܕ ܗܝ ܗܘܬ݁ ܒܛܢ{ܝ}<ܐ>܃ |
| 002:006 | ܘܗܘܐ ܗܝܟ ܕܗܢܘܢ ܬܡ݁ܢ ܐܬ݁ܡܠܝ̈ܘ ܝܘ̈ܡܝܐ ܕܬܝܠܘܕ܃ |
| 002:007 | ܘܝܠܕܬ݁ ܒܪܗ݀ ܒܘܟܪܗ݀ ܘܟܪܟܬ݁ ܝܬ݁ܗ ܒܡܪ̈ܘܩܥܢܝܬܐ ܘܐܣܝܡܬ݁ ܝܬ݁ܗ ܒܐܘܪܝܐ܃ ܠܓܠܠ ܕܠܐ ܗܘܐ ܐܬܪ ܒܒܝܬ ܡܫܪܝܐ܃ |
| 002:008 | ܘܗܘܘ ܬ݁ܡܢ ܪ̈ܥܘܢ ܒܝܬܗ݀ ܕܐܪܥܐ ܡܒܝܬ̈ܝܢ ܒܛܘܪܐ܃ ܘܢܛܪ̈ܝܢ ܡܛܪܬܗ ܕܠܝܠܝܐ ܥܠ ܡܪܥܝܬ݁ܗܘܢ |
| 002:009 | ܘܡܠܐܟܗ ܕܡܪܝܐ ܩܡ ܥܠܝܗܘܢ܃ ܘܬܫܒܘܚܬܗ ܕܡܪܝܐ ܐܢܗܪܬ݁ ܠܗܘܢ܃ ܘܕܚ̈ܠܘ ܕܚܠܐ ܪܒܐ܃ |
| 002:010 | ܘܐܡܪ ܠܗܘܢ ܡܠܐܟܐ ܠܐ ܬܕܚܘܠܘܢ܃ ܗܐ ܐܢܐ ܓܪ ܡܒܣܪ ܠܟܘܢ ܚܘܕܘܐ ܪܒܐ ܗܕܐ ܕܗܘܝܐ ܠܟܘܠܗ ܩܗܠܐ܃ |
| 002:011 | ܕܐܬ݁ܝܠܕ ܠܟܘܢ ܝܘܡܕܢ ܡܚܝܐܢ ܡ݁ܢ ܕܗܘ ܡܫܝܚܗ ܕܡܪܝܐ ܒܡܕܝܢܬܗ ܕܕܘܝܕ܃ |
| 002:012 | ܘܗܕܢ ܠܟܘܢ ܐܬ݁ܘ܃ ܗܐ ܐܬܘܢ ܡܫܟܚܝܢ ܛܠܝܐ ܡܟܪܟ ܘܡܣܡ ܒܐܘܪܝܐ܃ |
| 002:013 | ܘܡܢ ܫܝܠܝܐ ܗܘܐ ܥܡ ܡܠܐܟܐ ܣܘܓܐܝ ܕܦ̈ܠܚܘ ܕܫܘܡܝܢ ܡܫ̈ܒܚܝ<ܢ> ܠܐܠܗܐ ܘܐܡܪ̈ܝܢ |
| 002:014 | ܬܫܒܘܚܬܐ ܠܐܠܗܐ ܒܡܪ̈ܘܡܝܐ܃ ܘܥܠ ܐܪܥܐ ܫܝܠܡܐ ܒܒܢ̈ܝܢܫܐ ܨܒܝܘܢܐ܃ |
| 002:015 | ܘܗܘܐ ܟܕ ܐܙܠܘ ܠܗܘܢ ܡܢܗܘܢ ܡܠܐܟ̈ܝܐ ܠܫܘܡܝܐ ܐܡܪ̈ܘ ܪ̈ܥܝܐ ܦܠܓܗܘܢ ܠܦܠܓ܃ ܐܬܘ ܢܐܙܠ ܥܕܡܐ ܠܒܝܬ݁ ܠܚܡ܃ ܘܢܚܡܐ݁ ܡܠܬܐ ܗܕܐ ܕܐܬ݁ܥܒܕܬ݁ ܗܕܐ ܕܡܪܝܐ ܐܘܕܥ ܠܢ |
| 002:016 | ܘܐܬ݁ܘ ܡܫܬܒ̈ܫܝܢ ܘܐܫ̈ܟܚܘ ܝܬܗ݀ ܠܡܪܝܡ ܘܠܝܘܣܦ ܘܠܛܠܝܐ ܡܣܡ ܒܐܘܪܝܐ܃ |
| 002:017 | ܘܟܕ ܚ̈ܡܘ ܐܘܕܥ̈ܘ ܠܛܒ ܡܠܬܐ ܕܐܬ݁ܡܠܠܬ݁ ܠܗܘܢ܃ ܠܛܒܗ ܕܛܠܝܐ ܗܕܝܢ܃ |
| 002:018 | ܘܟܘܠ ܗܠܝܢ ܕܫܡ̈ܥܘ ܗܘܘ ܬܡܗ̈ܝܢ ܥܠ ܛܒ ܟܘܠ ܗܠܝܢ ܕܐܬ݁ܡܠܠܝ ܠܗܘܢ ܡܢ ܪ̈ܥܝܐ܃ |
| 002:019 | ܘܡܪܝܡ ܗܘܬ݁ ܢܛܪܐ ܟܘܠ ܗܠܝܢ ܡܠܝ̈ܐ ܪܡܝܐ ܒܓܘ ܠܒܗ݀܃ |
| 002:020 | ܘܬܒ̈ܘ ܪ̈ܥܝܐ ܡܫܒ̈ܚܝܢ ܘܡܫ̈ܝܪܝܢ ܠܐܠܗܐ ܥܠ ܟܘܠ ܗ̈ܠܝܢ ܕܫ̈ܡܥܘ ܘܚ̈ܡܘ ܗܝܟ ܕܐܬ݁ܡܠܠ ܠܗܘܢ ܡܢ ܡܠܟܝܐ ܘܬ݁ܒ̈ܘ ܪ̈ܥܝܐ ܡ̈ܫܒܚܝܢ ܘܡܫܝܪ̈ܝܢ ܠܐܠܗܐ܃ ܥܠ ܟܘܠ ܗ̈ܠܝܢ ܕܫ̈ܡܥܘ ܘܚ̈ܡܘ ܗܝܟ ܕܐܬ݁ܡܠܠ ܠܗܘ̈ܢ ܡܢ ܡܠܐܟܐ |
| 002:021 | ܘܟܕ ܫ̈ܠܡܘ ܕܝ ܬ݁ܡܢܝܐ ܝܘ̈ܡܝܢ ܠܛܠܝܐ ܕܝܓܙܘܪܘܢ ܝܬ݁ܗ ܐܬ݁ܩܪܝ ܫܝܡܗ ܝܣܘܣ ܗܕܢ ܕܐܬ݁ܩܪܝ ܡܢ ܡܠܐܟܐ ܥܕ ܠܐ ܝܬ݁ܢܣܒ ܒܟܪܣܐ |
| 002:022 | ܐܣܠܩܘ ܩܪܝܒܝ ܛܠܝܐ ܝܣܘܣ ܝܬ݁ܗ ܠܝܪܘܫܠܡ ܕܝܩܝܡܘܢ ܝܬܗ ܩܘܕܡ ܡܪܐ܃ |
| 002:023 | ܗܝܟ ܕܟܬ݁ܝܒ ܒܢܝܡܘܣܗ ܕܡܪܐ܃ ܕܟܘܠ ܕܟܪ ܕܦܬ݁ܚ ܡܝܛܪܐ ܩܕܝܫ ܝܬܩܪܐ݁ ܠܡܪܐ |
| 002:024 | ܘܕܝܬܠ ܢܟܝܣܐ ܗܝܟ ܕܐܡܝܪ ܒܢܝܡܘܣܗ ܕܡܪܐ܃ ܙܘܓ ܕܫܘܦܢܝܢܝܢ ܐܐ݁ ܬܪܝܢ ܓܘܙܠܝܢ ܕܝܘܢ |
| 002:025 | ܘܗܘܐ ܚܕ ܒܪܢܫ ܒܝܪܘܫܠܡ ܕܢ ܕܗܘܐ ܫܝܡܗ ܫܡܥܘܢ܃ ܘܗܘܐ ܨܕܝܩ ܘܕܚܠ ܡܢ ܐܠܗܐ܃ ܘܗܘ ܗܘܐ ܡܣܟܐ ܠܬ݁ܢܚܘܡ<ܝ>ܐ ܕܐܝܣܪܐܝܠ܃ ܘܪܘܚܐ ܕܩܘܕܫܐ ܗܘܬ݁ ܥܠܘܝ܃ |
| 002:026 | ܘܗܘܐ ܕܐܬܡܪ ܠܗ ܡܢ ܪܘܚܐ ܕܩܘܕܫܐ ܕܠܐ ܝܚܡܐ݁ ܡܘܬܐ ܥܕܡܐ ܕܝܚܡܐ݁ ܡܫܝܚܗ ܕܡܪܐ܃ |
| 002:027 | ܘܐܬܐ ܒܪܘܚܐ ܠܢܘܣܐ܃ ܘܒܡܐ ܕܗܘܘ ܐܢܫܘܬ݁ܗ ܕܡܪܐ ܝܣܘܣ ܡܥܠܝܢ ܠܗ ܕܝܥܒܕܘܢ ܠܗ ܗܝܟ ܕܐܠܘܦܝܢ ܡܢ ܢܝܡܘܣܗ ܠܛܒܗ܃ |
| 002:028 | ܘܩܒܠܗ ܫܡܥܘܢ ܒܓܦܗ ܘܒܪܟ ܠܐܠܗܐ ܘܐܡܪ |
| 002:029 | ܟܕܘ ܐܬ ܦܢܐ݁ ܥܒܕܟ ܡܪܐ ܗܝܟ ܡܠܬܟ ܒܫܝܠܡ܃ |
| 002:030 | ܕܚܡܝ ܥܝܢܐܝ ܡܚܝܢܟ܃ |
| 002:031 | ܡܐ ܕܥܬܕܬ ܩܘܕܡ ܐܦܝܗܘܢ ܕܟܘܠ ܩܗܠܝܐ܃ |
| 002:032 | ܢܗܘܪ ܠܓܘܠܐܝ ܕܡܝܢܝܢ܃ ܘܠܬܫܒܘܚܬܗ ܕܩܗܠܟ ܐܝܣܪܝܠ܃ |
| 002:033 | ܘܗܘܐ ܝܘܣܦ ܘܐܝܡܗ ܬܡܗܝܢ ܥܠ ܗܠܝܢ ܕܗܘܝ ܡܬܡܠܠܢ ܥܠ ܕܛܒܗ܃ |
| 002:034 | ܘܒܪܟ ܝܬܗܘܢ ܫܡܥܘܢ ܘܐܡܪ ܠܡܪܝܐܡ ܐܝܡܗ܃ ܗܐ ܗܕܢ ܡܣܡ ܠܡܦܘܠܐ ܘܠܩܝܡܐ ܕܣܓܝ ܒܐܝܣܪܝܠ܃ ܘܠܐܬ݁ ܕܡܙܕܩܦܝܢ ܠܗ |
| 002:035 | ܘܐܬܝ ܒܢܦܫܝܟܝ ܬ݁ܥܒܘܪ ܚܪܒܐ܃ ܠܡܠܘ ܕܝ ܬܓܠܝܐܢ ܚܫܒܢ ܡܢ ܠܒܒܝܢ ܣܓܝ |
| 002:036 | ܘܗܘܬ݁ ܚܢܐ ܢܒܝܬܐ ܒܪܬܗ ܕܦܢܘܐܝܠ ܡܢ ܫܘܒܛܗ ܕܐܫܝܪ܃ ܘܗܕܐ ܗܘܬ݁ ܥܠܘܠܬ ܝܘܡܝܢ ܣܓܝ܃ ܕܚܝܐܬ ܥܡ ܓܒܪܗ ܫܘܒܥ ܫܝܢܝܢ ܡܢ ܒܬܘܠܘܬܗ܃ |
| 002:037 | ܘܗܝ ܗܘܬ ܐܪܡܠܐ ܗܝܟ ܒܪܬ ܬܘܡ̈ܢܝܢ ܘܐܪܒܥ ܫܝܢܝܢ܃ ܗܕܐ ܕܠܐ ܗܘܬ݁ ܪܚ{ܡ}<ܩ>ܐ ܡܢ ܢܘܣܐ ܒܨܘܡܝܢ ܘܒܨܠܘܐܢ ܡܫܡܫܐ ܠܝܠܝܐ ܘܐܝܡܡܐ܃ |
| 002:038 | ܘܗܝ ܒܗ ܒܫܥܬܐ ܩܡܬ ܘܗܘܬ ܡܫܬܘܕܝܐ ܠܡܪܐ܃ ܘܗܘܬ݁ ܡܡܠܠܐ ܠܛܒܗ ܠܟܘܠ ܗܠܝܢ ܕܗܘܘ ܡܣ̈ܟܝܢ ܠܦܪܩܢܐ ܒܝܪܘܫܠܝܡ܃ |
| 002:039 | ܘܟܕ ܫܠܡ ܟܘܠܐ ܗܝK ܕܢܝܡܘܣܗ ܕܡܪܐ܃ ܬܒܘ ܠܗܘܢ ܠܓܠܝܠܐ ܠܡܕܝܢܬ݁ܗܘܢ ܢܙܪܬ݁ |
| 002:040 | ܘܛܠܝܐ ܕܝ ܗܘܐ ܫܒܚ ܘܡܫܬܪܪ ܒܩܘܡܬܐ ܒܡܠܬܐ ܡܢ ܚܟܡܬܐ ܘܚܣܕܗ ܕܐܠܗܐ ܗܘܐ ܥܠܘܝ |
| 002:041 | ܘܗܘܘ ܐܢܫܘܬ݁ܗ ܐܙ̈ܠܝܢ ܠܝܪܘܫܠܡ ܒܟܘܠ ܫܝܢܐ ܒܡܘܥܕܐ ܕܦ̈ܣܚܐ |
| 002:042 | ܘܟܕ ܗܘܐ ܒܪ ܬ݁ܪܬܝܥܣܪܝ ܫ̈ܝܢܢ ܣܠܩ̈ܘ ܠܝܪܘܫܠܡ ܗܝܟ ܐܬܩܢܘܬ݁ܗ ܕܡܘܥܕܐ܃ |
| 002:043 | ܘܟܕ ܫ̈ܠܡܘ ܝܘ̈ܡܝܐ ܒܡܐ ܕܗܘ̈ܘ ܬܐܒ̈ܝܢ܃ ܟܬܪ ܕܝ ܛܠܝܐ ܡܪܢ ܝܣܘܣ ܒܝܪܘܫܠܡ܃ ܘܠܐ ܝܕܥ̈ܘ ܐܢܫܘܬ݁ܗ |
| 002:044 | ܘܗܘ̈ܘ ܣܒܝܪ̈ܝܢ ܕܡܐ ܥܡ ܒ̈ܢܝ ܠܘܝܬ݁ܗܘܢ ܗܘ܃ ܘܐܬ݁ܘ ܡܗܠܟ ܚܕ ܝܘܡ ܒܐܘܪܚܐ܃ ܘܗܘ̈ܘ ܒ̈ܥܝܢ ܠܗ ܒܝܢ ܩܪ̈ܝܒܝܗܘܢ ܘܒܗ̈ܠܝܢ ܕܡܟܪܝܢ ܠܗܘܢ܃ |
| 002:045 | ܘܟܕ ܠܐ ܐܫܟ̈ܚܘ ܝܬܗ ܬ݁ܒ̈ܘ ܠܗ̈ܘܢ ܠܝܪܘܫܠܡ ܒ̈ܥܝܢ ܠܗ |
| 002:046 | ܘܗܘܐ ܡܢ ܒܬ݁ܪ ܬ݁ܠܬܐ ܝܘ̈ܡܝܢ ܐܫܟ̈ܚܘ ܝܬ݁ܗ ܒܢܘܣܐ ܝܬܝܒ ܒܡܨܥ ܡܠܦ̈ܢܝܐ ܫܡܥ ܡܢܗ̈ܘܢ ܘܫܐܠ ܠܗܘܢ |
| 002:047 | ܘܗܘ̈ܘ ܡܬ݁ܧ̈ܠܡܝܢ ܟܘܠ ܗ̈ܠܝܢ ܕܗܘܘ ܫ̈ܡܥܝܢ ܡܢܗ܃ ܥܠ ܒܘܢܢܘܬ݁ܗ ܘܥܠ ܐܓܒܘܬ݁ܗ |
| 002:048 | ܘܟܕ ܕܝ ܚ̈ܡܘ ܝܬ݁ܗ ܬܡܗ̈ܘ܃ ܘܐܡܪܬ݁ ܠܗ ܐܡܗ ܒܪܝ ܠܡܐ ܥܒܕܬ ܠܢ ܟܕܢ܃ ܕܗܐ ܐܢܐ ܘܐܒܘܟ ܗܘܝܢܗ ܡ̈ܥܝܩܝܢ ܒܥܝܢ ܠܟ܃ |
| 002:049 | ܘܐܡܪ ܠܗܘܢ ܡܢܐ ܗܘܝܬܘܢ ܒ̈ܥܝܢ ܠܝ܃ ܠܐ ܗܘ̈ܝܬܘܢ ܝ̈ܕܥܝܢ ܕܒܒܝ ܐܒܐ ܢܦܠ ܠܝ ܕܝ̈ܗܘܐ܃ |
| 002:050 | ܘܗ̈ܢܘܢ ܠܐ ܐܬ݁ܒܘܢܢܘ ܠܡܠܬܐ ܕܡܠܠ ܠܗܘܢ܃ |
| 002:051 | ܘܢܚܬ݁ ܥܡܗ̈ܘܢ ܘܐܬܐ ܠܢܙܪܬ݁ ܘܗܘܐ ܡܫܬܡܥ ܠܗܘܢ܃ ܘܐܝܡܗ ܗܘܬ݁ ܢܛܪܐ ܡܠܝ̈ܐ ܟܘܠܗܘܢ ܒܠܒܗ݀܃ |
| 002:052 | ܘܡܪܐ ܝܣܘܣ ܗܘܐ ܡܬ݁ܝܬ݁ܪ ܒܩܘܡܬܐ ܘܒܚܟܡܬܐ ܘܒܒܘܢܢܘܬܐ܃ ܘܒܚܣܕܐ ܠܘܬ݁ ܐܠܗܐ ܘܠܘܬ ܒܢ̈ܝܢܫܐ |
| 003:001 | ܘܒܫܬܐ ܕܝ ܕܚܡܝܫ ܥܣܪ̈ܐ݁ ܕܡܕܒܪܢܘܬ݁ܗ ܕܛܒܪܝܘܣ ܩܝܣܪ܃ ܟܕ ܗܘܐ ܧ̈ܢܛܝܘܣ ܧ̈ܝܠܛܘܣ ܗܓܡܘܢ ܒܝܘ̈ܕܝܐ܃ ܘܗܝܪܘܕܝܣ ܛܛܪܟܘܣ ܕܓܠܝܠܐ܃ ܦܝܠܝܧ̈ܘܣ ܐܚܘܝ ܛܛܪܟܘܣ ܒܐܝܛܘܪܝܐ܃ ܘܒܐܪܥܐ ܕܛܪܟ̈ܘܢܐ܃ ܘܠܘܣܘܢܝܐܣ ܛܛܪܟ̈ܘܣ ܕܐܒ̈ܝܠܝܬܐ |
| 003:002 | ܥܠ ܕܪܝܫ ܟܗܢܘܬܐ ܕܚܢܣ ܘܕܩܝܦܣ܃ ܗܘܬ݁ ܡܠܬ݁ܗ ܕܐܠܗܐ ܠܘܬ݁ ܝܘܚܢܝܣ ܒܪܗ ܕܙܟܪܝܐ ܒܡܕܒܪܐ܃ |
| 003:003 | ܘܐܬܐ ܠܘܬ݁ܗ ܐܪܥܐ ܕܚܓܝܠܐ ܝܪܕܢܐ ܡܟܪܙ ܡܨܒܘܥܝ ܕܬ݁ܗܘ ܠܫܘܒܩܢ ܕܣ̈ܟܠܢ܃ |
| 003:004 | ܗܝܟ ܕܟܬܝܒ ܒܣܝܦܪܐ ܕܡ̈ܠܘܝ ܕܐܝܫܝܥܝܐ ܢܒܝܐ ܕܐܡܪ܃ ܩܠ ܡܨܝܚ ܒܡܕܒܪܐ ܥ̈ܬܕܘ ܐܘܪܚܗ ܕܡܪܝܐ܃ ܫܘ̈ܝܢ ܥ̈ܘܒܕܘ ܫ̈ܘܒܝܠܘܝ܃ |
| 003:005 | ܟܘܠ ܢܚܠ ܝܬ݁ܡܠܐ܃ ܘܟܘܠ ܛܘܪ ܘܬܠ ܝܬ݁ܡܟܡܟ܃ ܘܟܘܠ ܟܘܠ ܩܫܝܬܐ ܠܫܘܝܘ܃ ܘܟܘܠ ܡܥܩܡܬܐ ܠܐܘܪܚܢ ܫ̈ܦܝܐܢ܃ |
| 003:006 | ܘܝܚܡܐ ܟܘܠ ܒܣܪ ܡܚܝܢܗ ܕܐܠܗܐ܃ |
| 003:007 | ܗܘܐ ܐܘܢ ܐܡܪ ܠܐܘܟܠܘܣ̈ܝܐ ܕܢܦܩܝܢ ܡܨ̈ܛܒܥܝܢ ܡܢܗ ܝܘܠ̈ܘܕܝܗܝܢ ܕܟܝܢ̈ܝܐ ܡ݁ܢ ܐܘܕܥ ܠܟܘܢ ܕܬ݁ܥܪ̈ܘܩܘܢ ܡܢ ܪܘܓܙܐ ܕܥܬܝܕ܃ |
| 003:008 | ܥܒ̈ܕܘ ܐܘܢ ܦܝܪ̈ܝܢ ܫܘ̈ܝܢ ܒܬܗܘܬܐ ܘܠܐ ܬܫܪ̈ܘܢ ܐܡܪܢ ܒܓܪܡܟܘܢ ܐܒ ܐܝܬ݁ ܠܢ ܐܒܪܗܡ܃ ܐܡܪܢܐ ܠܟܘܢ ܓܪ ܕܝܟܠ ܗܘ ܐܠܗܐ ܕܡܢ ܗ̈ܠܝܢ ܟܝܦ̈ܝܐ ܝܩܝܡ ܒܢܝܢ ܠܐܒܪܗܡ |
| 003:009 | ܟܒܪ ܕܝ ܟܘܠܒܐ ܡ̈ܣܡ ܥܠ ܫܘܪ̈ܫܝܗܘܢ ܕܐܝܠ̈ܢܝܐ ܟܘܠ ܐܝܠܢ ܐܘܢ ܕܠܐ ܥܒܕ ܦܝܪ̈ܝܢ ܛܒ̈ܝܢ ܡܬ݁ܩܛܥ ܗܘ ܘܠܢܪܐ ܡܬܪܡܐ |
| 003:010 | ܘܗܘ̈ܘ ܫ̈ܐܠܝܢ ܠܗ ܐܟ̈ܠܣܝܐ ܘܐܡܪ̈ܝܢ܃ ܡܐ ܐܘܢ ܢܥܒܕ܃ |
| 003:011 | ܐܓܝܒ ܘܐܡܪ ܠܗܘܢ܃ ܡ݁ܢ ܕܠܗ ܬ݁ܪ̈ܝܢ ܚܠܘܩ̈ܝܢ ܝܬܠ ܠܗܘ ܕܠܝܬ݁ ܠܗ܃ ܘܡܢ ܕܠܗ ܡܝܟܘܠܢ ܟܢ ܘܟܘܬ݁ ܝܥܒܕ |
| 003:012 | ܐܬܘ ܕܝ ܐܘܦ ܡ̈ܟܣ<ܝ>ܢ ܕܝܨܛܒ̈ܥܘܢ ܡܢܗ܃ ܘܐܡܪ̈ܘ ܠܗ ܡܠܦܢܐ ܡܐ ܢܥܒܕ܃ |
| 003:013 | ܗܘ ܕܝ ܐܡܪ ܠܗ̈ܘܢ ܟܘܠܡ ܡܘܬ݁ܪ ܡܢ ܡܐ ܕܡܬܩܢ ܠܟܘܢ ܠܐ ܬܥܒܕܘܢ ܘܠܐ ܬܓ̈ܒܘܢ܃ |
| 003:014 | ܫܐܠܘ ܝܬ݁ܗ ܕܝ ܐܘܦ ܪ̈ܘܡܝܝ ܐܡܪ̈ܝܢ܃ ܐܘܦ ܐܢܗ ܡܐ ܢܥ̈ܒܕ܃ ܘܐܡܪ ܠܗܘܢ܃ ܠܐܢܫ ܠܐ ܬܛܠ̈ܘܡܘܢ܃ ܘܠܐ ܬܥܫ̈ܘܩܘܢ܃ ܘܝܗ̈ܝܢ ܣܦ̈ܩܢ ܠܟܘܢ ܐܢܘܢܣ ܕܝܠܟܘܢ܃ |
| 003:015 | ܟܕ ܕܝ ܗܘܐ ܡܣܟܐ ܩܗܠܐ ܘܡܬ݁ܚܫܒ̈ܝܢ܃ ܟܘܠܗ̈ܘܢ ܒܠܒ̈ܝܗܘܢ ܠܛܒܗ ܕܝܘܚܢܝܣ ܕܡܐ ܗܘ ܡܫܝܚܐ܃ |
| 003:016 | ܐܓܝܒ ܝܘܚܢܝܣ ܘܐܡܪ ܠܟܘܠ̈ܗܘܢ܃ ܐܢܐ ܡܨܒܥ ܝܬ݁ܟܘܢ ܒܡܝܢ܃ ܐܬܐ ܕܝ ܕܢ ܕܠܝܬ݁ ܐܢܐ ܕܘܡܠܐܝ ܕܝܫܪܐ ܥܪܩܬܐ ܕܫܘܝܘܝ܃ ܗܘ ܝܨܒܥ ܝܬ݁ܟܘܢ ܒܪܘܚܐ ܕܩܘܕܫܐ ܘܒܢܘܪܐ܃ |
| 003:017 | ܗܕܢ ܕܪܚܬ݁ܗ ܒܐܝܕܗ ܘܗܘ ܡܕܟܐ ܐܕܪܗ܃ ܘܟܢܫ ܚܛܐ ܠܐܘܨܪ̈ܗ܃ ܬܒܢܐ ܕܝ ܝܘܩܕ ܒܢܘܪܐ ܕܠܐ ܛܦܝܐ |
| 003:018 | ܣܓܝ ܡܢ ܐܘܢ ܐܘܦ ܚܘܪ̈ܢܝܐܢ ܗܘܐ ܒܥܐ ܡܢܗ̈ܘܢ ܘܡܒܣܪ ܠܗܘܢ |
| 003:019 | ܗܪܘܕܝܣ ܕܝ ܛܛܪܪܟܐ ܕܗܘܐ ܡܬ݁ܟܘܢ ܡܢܗ ܥܠ ܛܒ ܗܪܘܕܝܐ ܐܬܬ݁ܗ ܕܐܚܘܝ܃ ܘܥܠ ܛܒ ܟܘܠ ܒܝܫ̈ܬܐ ܕܥܒܕ ܗܝܪܘܕܝܣ |
| 003:020 | ܘܐܘܣܦ ܐܘܦ ܗܕܐ ܥܠ ܟܘ̈ܠܗܝܢ ܘܚܒܫ ܠܝܘܚܢܝܣ ܒܦܝܠܝܩܐ |
| 003:021 | ܐܬ݁ܥܒܕ ܕܝ ܟܕ ܐܨܛܒܥ ܟܘܠܐ݁ ܩܗܠܐ ܘܐܘܦ ܡܪܐ ܝܣܘܣ ܟܕ ܐܨܛܒܥ ܘܨܠܝ܃ ܐܬ݁ܦܬ݁ܚܘ ܫܘܡܝܐ |
| 003:022 | ܘܢܚܬ݁ܬ݁ ܪܘܚܐ ܕܩܘܕܫܐ ܒܕܡܘ ܕܦܘܓܪ ܗܝܟ ܕܝܘܢ ܥܠܘܝ܃ ܘܩܠܐ ܡܢ ܓܘ ܫܘܡܝܐ ܐܬ݁ܥܒܕ ܐܡܪ܃ ܐܬ ܗܘ ܒܪܝ ܚܒܝܒܝ ܕܒܟ ܨܒܝܬ݁ |
| 004:016 | ܘܐܬܐ ܡܪܐ ܝܣܘܣ ܠܢܙܪܬ݁ ܠܗܢ ܕܗܘܐ ܡܪܒܐ܃ ܘܥܠ ܗܝܟ ܕܗܘܐ ܐܠܘܦ ܒܝܘܡ ܫܘܒܬܐ ܠܟܢܝܫܬܐ |
| 004:017 | ܘܐܬ݁ܝܗܒ ܠܗ ܣܝܦܪܗ ܕܐܝܫܝܥܝܐ ܢܒܝܐ ܘܩܡ ܕܝܩܪܐ܃ ܘܦܬ݁ܚ ܣܝܦܪܐ ܘܐܫܟܚ ܐܬ݁ܪܐ ܗܢ ܕܟܬܝܒ |
| 004:018 | ܪܘܚܗ ܕܡܪܝܐ ܥܠܐܝ܃ ܠܒܕܝܠ ܟܕܝܢ ܡܫܚ ܝܬܝ܃ ܕܝܒܣܪ ܠܡܣ̈ܟܝܢܝܐ ܫܠܚ ܝܬܝ܃ ܕܝܐܣܐ ܠܗ̈ܠܝܢ ܕܫܚ̈ܝܩܝܢ ܒܠܒܐ |
| 004:019 | ܕܝܟܪܙ ܠܫܒ̈ܝܐ ܫܘܒܘܩܝܢ܃ ܘܠܡܥܘܪ̈ܝܐ ܕܝܚ̈ܡܘܢ܃ ܕܝܫܠܚ ܠܡܫ̈ܚܩܝܐ ܒܫܒܩܢܐ ܕܝܟܪܙ ܫܝܬܗ ܕܡܪܝܐ ܡܩܒܠܬܐ |
| 004:020 | ܘܟܪܟ ܣܝܦܪܐ ܘܐܘܫܝܛ ܝܬ݁ܗ ܠܫܡܫܐ ܘܝܬܒ ܠܗ܃ ܘܥܝܢ̈ܝܗܘܢ ܕܟܘܠ ܗ̈ܠܝܢ ܕܒܟܢܝܫܬܐ ܗ̈ܘܐܝ ܡܕܡ̈ܝܐܢ ܠܗ܃ |
| 004:021 | ܘܗܘ ܫܪܝ ܐܡܪ ܠܗܘܢ ܝܘܡܕܝܢ ܐܬ݁ܡܠܝ ܗܕܢ ܟܬ݁ܒܐ ܒܐܕܢ̈ܝܟܘܢ܃ |
| 004:022 | ܘܟܘܠܗܘܢ ܗܘܘ ܡܣ̈ܝܕܝܢ ܥܠܘܝ܃ ܘܗܘܘ ܡܬ݁ܧ̈ܠܡܝܢ ܥܠ ܟܘܠ ܡܠܝ̈ܐ ܕܚܣܕܐ ܕܗ̈ܘܝ ܢܦ̈ܩܢ ܡܢ ܦܡܗ ܘܗܘܘ ܡܬܧܠܡܝܢ ܥܠ ܟܘܠ ܡܠܝܐ ܕܚܣܕܐ ܕܗܘܝ ܢܦܩܢ ܡܢ ܦܡܗ܃ ܡܪܐ ܂ܝܣܘܣ܃ ܘܗܘܘ ܐܡܪܢ ܠܗ ܠܐ ܗܕܢ ܗܘ ܒܪܗ ܕܝܘܣܝܦ܃ |
| 004:023 | ܘܐܡܪ ܠܗܘܢ ܧܢܛܘܣ ܬܝܡܘܪܘܢ ܠܝ ܗܕܐ ܡܬܠܐ܃ ܐܣܝܐ ܐܣܝ ܓܪܡܟ܃ ܘܟܘܠ ܡܐ ܕܫܡܥܢܗ ܕܥܒܕܬ ܒܟܦܪ ܢܚܘܡ ܥܒܕ ܐܘܦ ܟܐ ܒܡܕܝܢܬ݁ܟ |
| 004:024 | ܘܐܡܪ ܠܗܘܢ ܐܡܝܢ ܐܡܪܢܐ ܠܟܘܢ܃ ܕܠܝܬ ܢܒܝ ܡܩܒܠ ܒܡܕܝܢܬܗ܃ |
| 004:025 | ܡܢ ܩܘܫܛ ܕܝ ܐܢܐ ܐܡܪ ܠܟܘܢ܃ ܕܣܓܝ ܐܪܡܠܢ ܗܘܝ ܒܝܘܡܘܝ ܕܐܠܝܐ ܢܒܝܐ ܒܐܝܣܪܐܝܠ܃ ܟܕ ܐܬܚܝܕܘ ܫܡܝܐ ܬ݁ܠܬ݁ ܫܝܢܝܢ ܘܫܝܬܐ ܝܪܚܝܢ܃ ܟܕ ܗܘܐ ܟܦܢܐ ܪܒܐ ܥܠ ܐܪܥܐ܃ |
| 004:026 | ܘܠܘܬ݁ ܚܕܐ ܡܢܗܝܢ ܠܐ ܐܫܬܠܚ ܐܝܠܝܐ ܐܠܐ ܐܢ ܠܨܪܦܬ ܕܨܝܕܢ܃ ܠܘܬ݁ ܐܬܐ ܐܪܡܠܐ܃ |
| 004:027 | ܘܣܓܝ ܓܪܒܝܢ ܗܘܘ ܒܐܝܣܪܐܝܠ ܥܠ ܝܘܡܘܝ ܕܐܠܝܫܥ ܢܒܝܐ܃ ܘܚܕ ܡܢܗܘܢ ܠܐ ܐܕܟܝ ܐܠܐ ܐܢ ܢܥܡܢ ܣܘܪܝܝܐ |
| 004:028 | ܘܐܬ݁ܡܠܘ ܟܘܠܗܘܢ ܚܡܐ ܒܓܘ ܟܢܝܫܬܐ ܫܡܥܝܢ ܗܠܝܢ܃ |
| 004:029 | ܘܩܡܘ ܘܩܡܘ ܐܦܩܘ ܝܬܗ ܠܒܪ ܡܢ ܡܕܝܢܬܐ܃ ܘܐܝܬܘ ܘܐܝܬܘ ܝܬܗ ܥܕܡܐ ܠܓܒܝܢܗ ܕܛܘܪܐ܃ ܕܛܘܪܐ܃ ܕܢ ܕܗܘܬ݁ ܕܗܘܬ݁ ܡܕܝܢܬܗܘܢ ܒܢܝܐ ܥܠܘܝ ܗܝܟ ܕܝܙܩܘܪܘܢ ܝܬܗ܃ |
| 004:030 | ܗܘ ܕܝ ܥܒܪ ܘܐܙܠ ܘܐܙܠ ܠܗ ܒܡܨܥܬ݁ܗܘܢ܃ |
| 004:031 | ܘܢܚܬ݁ ܡܪܐ ܝܣܘܣ ܠܟܦܪ ܢܚܘܡ ܡܕܝܢܬܐ ܕܓܠܝܠܐ܃ ܘܗܘܐ ܡܠܦ ܠܗܘܢ ܒܫܘܒܬܐ܃ |
| 004:032 | ܘܗܘܘ ܡܬ݁ܧ̈ܠܡܝܢ ܥܠ ܐܘܠܦܢܗ ܕܒܫܘܠܛܢܗ ܗܘܬ݁ ܡܠܬ݁ܗ܃ |
| 004:033 | ܘܗܘܐ ܒܟܢܝܫܬܐ ܚܕ ܒܪܢܫ ܕܗܘܐ ܒܗ ܪܘܚܐ ܕܫܝܕ ܛܦܫ܃ ܘܐܨܝܚ ܒܩܠ ܪܒ |
| 004:034 | ܘܐܡܪ܃ ܡ݁ܐ ܠܢ ܘܠܟ ܝܣܘܣ ܢܙܪܝܐ܃ ܐܬ݁ܝܬ ܕܬܘܒܕ ܝܬ݁ܢ܃ ܝܕܥ ܐܢܐ ܠܟ ܡܢ ܐܬ ܩܕܝܫܗ ܕܐܠܗܐ܃ |
| 004:035 | ܘܙܥܦ ܒܗ ܡܪܐ ܝܣܘܣ ܘܐܡܪ ܣܬ݁ܘܡ ܘܦܘܩ ܡܢܗ܃ ܘܫܕܐ ܝܬ݁ܗ ܫܝܕܐ ܠܡܨܥܬܐ ܘܢܦܩ ܡܢܗ ܕܟܘܠܘܡ ܠܐ ܐܟܝ ܝܬ݁ܗ܃ |
| 004:036 | ܘܗܘܬ݁ ܕܚܠܬܐ ܥܠ ܟܘܠܗܘܢ܃ ܘܗܘܘ ܡܡ̈ܠܠܝܢ ܦܠܝܓܗܘܢ ܥܡ ܦܠܝܓ ܘܐܡܪܢ ܡܐ ܗܝ ܗܕܐ ܡܠܬܐ ܕܒܫܠܛܢܘ ܘܒܚܝܠ ܪܒ ܠܪ̈ܘܚܬܐ ܛ̈ܦܫܬܐ ܡܦܩܕ ܘܗܢܝܢ ܢܦܩ̈ܢ |
| 005:001 | ܘܗܘ ܗܘܐ ܩܐܡ ܡܪܝ ܝܣܘܣ ܥܠ ܓܦ ܝܡܐ ܕܓܢܝܣܪ܃ |
| 005:002 | ܘܚܡܐ ܬܪ̈ܬܝܢ ܐܠܦ̈ܝܢ ܩܐܡܢ ܥܠ ܓܦ ܝܡܐ ܘܨ̈ܝܕܝܐ ܕܣ̈ܠܩܘ ܡܢܗܝܢ ܘܡܫ̈ܝܓܝܢ ܡܨ̈ܝܕܬܗܘܢ |
| 005:003 | ܘܥܠ ܝܬܒ ܒܚܕܐ ܡܢܗ̈ܝܢ ܗܘܬ݁ ܕܝ ܠܣܝܡܘܢ ܧ̈ܐܛܪܘ܃ ܘܫܐܠܗ ܕܝܙܠ ܒܗ ܡܢ ܝܒܫܐ ܨܒܚܕ ܘܡܠܦ ܗܘܐ ܠܐܘܟܠܘܣ̈ܐ ܡܢ ܐܠܦܐ |
| 005:004 | ܘܟܕ ܫܬ݁ܩ ܡܢ ܡܡܠܠܗ܃ ܐܡܪ ܠܣܝܡܘܢ ܙܠܘ ܠܥܘܡܩܐ ܘܐܪ̈ܡܘ ܡܨܝܕܬܟ̈ܘܢ ܠܨܝܕܐ |
| 005:005 | ܐܡܪ ܠܗ ܣܝܡܘܢ ܪܒܝ ܒܗܢܐ ܠܠܝܐ ܟܠܗ ܠܐܝܢ ܘܟܘܠܡ ܠܐ ܢܣܒܢ ܥܠ ܡܠܬܟ ܕܝ ܪܡܐ ܐܢܐ ܡܨܝܕܬܐ |
| 005:006 | ܘܟܕ ܥܒ̈ܕܘ ܗܟܕܢ ܚܒܫܘ ܢܘܢܐ ܣܓܝܐܐ ܘܡܨܝܕܬܗܘܢ ܗܘܬ݁ ܟܒܪ ܡܬܒܙܥܐ |
| 005:007 | ܘܒܟܢ ܪ̈ܡܙܘ ܠܫܘܬܦܝܗ̈ܘܢ ܕܒܐܠܦܐ ܚܘܪܝܬܐ ܕܝܐܬ݁ܘܢ ܝܣܝܥܘܢ ܝܬܗܘܢ܃ ܘܐܬ݁ܘ ܘܡ̈ܠܘ ܬ݁ܪ̈ܬܝܢ ܐܠܦ̈ܝܐ܃ ܗܟܕܝܢ ܕܗܘ̈ܝ ܡܬ݁ܛܒܥܢ܃ |
| 005:008 | ܟܕ ܕܝ ܚܡܐ ܣܝܡܘܢ ܧ̈ܛܪܘܣ ܒܟܢ ܢܦܠ ܥܠ ܐܪ̈ܟܘܒܬ݁ܗ ܕܡܪܢ ܝܣܘܣ ܐܡܪ ܦܘܩ ܐܙܠ ܠܟ ܡܢܝ ܕܐܢܐ ܓܒܪ ܣܟܠ ܡܪܝ܃ |
| 005:009 | ܬܡܗܐ ܓܪ ܨܕ ܝܬܗ ܘܠܟܘܠ ܗܠܝܢ ܕܥܡܗ ܥܠ ܨܝܕܐ ܕܢܘ̈ܢܝܐ ܕܨ̈ܕܘ܃ |
| 005:010 | ܟܢ ܘܟܘܬ݁ ܐܘܦ ܠܝܥܩܘܒܘܣ ܘܠܝܘܚܢܝܣ ܒܢܘ̈ܝ ܕܙܒܕܐܝ ܕܗܘܘ ܫܘܬܦܘܝ ܕܣܝܡܘܢ܃ ܘܐܡܪ ܡܪܐ ܝܣܘܣ ܠܣܝܡܘܢ ܠܐ ܬ݁ܕܚܘܠ܃ ܡܢ ܟܕܘ ܒܢܝܢܫ ܬܗܐ ܨܐܕ ܠܚܝܝ̈ܐ |
| 005:011 | ܘܐܚܬ̈ܘ ܐܠܦ̈ܝܐ ܠܐܪܥܐ܃ ܘܫܒ̈ܩܘ ܟܘܠ ܘܐܙ̈ܠܘ ܠܗܘܢ ܒܬ݁ܪܗ |
| 005:017 | ܘܐܬ݁ܥܒܕ ܝܣܘܣ ܒܚܕ ܡܢ ܝܘ̈ܡܝܐ ܘܗܘ ܗܘܐ ܡܠܦ܃ ܗܘܘ ܕܝ ܝ̈ܬܝܒܢ ܦܪ̈ܝܫܝܝ ܘܡܠܦܢܘܝ ܕܢܝܡܘܣܐ ܗܠܝܢ ܕܐܬ̈ܘ ܡܢ ܟܘܠ ܩܘܪ̈ܝܐ ܕܓܠܝܠܐ܃ ܘܡܢ ܝܪܘܫܠܝܡ܃ ܘܚܝܠܗ ܕܐܠܗܐ ܗܘܐ ܡܐܣܐ ܟܘܠܗܘܢ܃ |
| 005:018 | ܘܗܐ ܐܢܫ̈ܝܢ ܕܝ ܗܘܘ ܡܝܬ݁ܝܢ ܥܠ ܥܪܣܐ ܒܪܢܫ ܕܗܘܐ ܡܪܫܠ ܘܗܘܘ ܒܥ̈ܝܢ ܕܝܥܠܘܢ ܝܬ݁ܗ ܘܝܣܝܡܘܢ ܝܬ݁ܗ ܩܘܕܡܘܝ |
| 005:019 | ܘܡܢ ܕܠܐ ܐܫ̈ܟܚܘ ܒܗܝܕܐ ܝܥܠܘܢ ܝܬܗ܃ ܠܒܕܝܠ ܐܘܟ̈ܠܘܣ̈ܐ ܣ̈ܠܩܘ ܥܠ ܐܓܪܐ ܥܠ ܕܩܝܪܝܡܝܕܣ ܘܐܚܬܘ ܝܬ݁ܗ ܥܡ ܥܪܣܗ ܠܡܨܥܬܐ ܠܩܘܕܡ ܡܪܐ ܝܣܘܣ܃ |
| 005:020 | ܘܗܘ ܚܡܐ ܗܝܡܢܘܬ݁ܗܘܢ ܘܐܡܪ ܠܗ܃ ܒܪܢܫܐ ܫܒܝܩܢ ܠܟ ܣܟܠܬ݁ܟ |
| 005:021 | ܘܫܪ̈ܝܘ ܡܬ̈ܚܫܒܝܢ ܣܦܪ̈ܝܐ ܘܦܪ̈ܝܫܝܝ ܐܡܪ̈ܝܢ ܡ݁ܢ ܗܘ ܗܕܝܢ ܕܡܡܠܠ ܓܕܦܝܢ܃ ܡܢ ܝܟܠ ܕܝܫܒܘܩ ܣܟ̈ܠܢ ܐܠܐ ܒܠܚܘܕ ܐܠܗܐ܃ |
| 005:022 | ܘܟܕ ܝܕܥ ܡܪܐ ܝܣܘܣ ܚܫܒܬ݁ܗܘܢ܃ ܐܓܝܒ ܘܐܡܪ ܠܩܘܒܠܗܘܢ܃ ܡܐ ܐܬܘܢ ܡܬ݁ܚܫܒܝܢ ܒܝܫܢ ܒܠܒܒܝܟܘܢ܃ |
| 005:023 | ܡܐ ܢܝܚ ܕܢܝܡܘܪ ܫܒܝܩܢ ܠܟ ܣܟܠܬ݁ܟ ܐܐ݁ ܕܢܝܡܘܪ ܩܘܡ ܗܠܟ܃ |
| 005:024 | ܠܒܕܝܠ ܕܝ ܕܬ݁ܕܘܥܘܢ ܕܐܝܬ݁ ܫܘܠܛܢܘ ܠܒܪܗ ܕܓܒܪܐ ܥܠ ܐܪܥܐ ܕܝܫܒܘܩ ܣ̈ܟܠܢ܃ ܒܟܢ ܐܡܪ ܠܡܪܫܠܐ ܠܟ ܐܢܐ ܐܡܘܪ ܩܘܡ ܣܒ ܥܪܣܟ ܘܐܙܠ ܠܒܝܬܟ |
| 005:025 | ܘܒܪ ܫܥܬ݁ܗ ܕܝ ܩܡ ܠܥܝܢܝܗܘܢ ܢܣܒ ܥܪܣܐ ܕܗܘܐ ܪܡܐ ܥܠܝܗ ܘܐܙܠ ܠܒܝܬ݁ܗ ܡܫܒܚ ܠܐܠܗܐ |
| 005:026 | ܘܬܡܗܐ ܢܣܒ ܠܟܘܠܗܘܢ ܘܗܘܘ ܡܫ̈ܒܚܝܢ ܠܐܠܗܐ܃ ܘܐܬ݁ܡܠܘ ܕܚܠܐ ܐܡܪܝܢ ܕܚܡܝܢܢ ܡܫ̈ܒܚܢ ܝܘܡܕܝܢ |
| 005:027 | ܢܦܩ ܝܣܘܣ ܘܚܡܐ ܡܟܣ ܕܫܝܡܗ ܠܝ̈ܘܝ܃ ܝܬܝܒ ܥܠ ܒܝܬ݁ ܡܟ̈ܣܐ ܘܐܡܪ ܠܗ ܐܬܐ ܒܬ݁ܪܝ܃ |
| 005:028 | ܘܫܒܩ ܟܘܠܐ ܘܩܡ ܐܬܐ ܒܬܪܗ |
| 005:029 | ܘܥܒܕ ܠܗ ܠܝ̈ܘܝ ܩܒܘܠ ܪܒ ܒܒܝܬܗ܃ ܘܗܘܐ ܐܘܟ̈ܠܣܐ ܣܓܝ ܕܡܟ̈ܣܢ܃ ܘܐܘܦ ܕܚܘܪ̈ܢܝܢ ܗܠܝܢ ܕܗܘܘ ܪ̈ܒܝܥܝܢ ܥܡܗܘܢ܃ |
| 005:030 | ܘܗܘܘ ܡܪ̈ܢܢܝܢ ܦܪ̈ܝܫܝܝ ܘܣܦܪ̈ܝܗܘܢ܃ ܠܩܘܒܠ ܬܠ̈ܡܝܕܘܝ ܐܡܪ̈ܝܢ܃ ܠܡܐ ܥܡ ܡܟ̈ܣܝܐ ܘܥܡ ܣܟ̈ܠܝܐ ܐܬܘܢ ܐܟ̈ܠܝܢ ܘܫ̈ܬܝܢ܃ |
| 005:031 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܠܐ ܨܪ̈ܝܟܝܢ ܗܠܝܢ ܕܒܪ̈ܝܢ ܠܐܣܝܐ ܐܠܐ ܗ̈ܠܝܢ ܕܥ̈ܒܝܕܝܢ ܒܝܫܐܝܬ݁܃ |
| 005:032 | ܠܐ ܓܪ ܐܬ݁ܝܬ݁ ܕܝܩܪܐ ܨܕܝܩ̈ܝܢ܃ ܐܠܐ ܣܟ̈ܠܝܢ ܠܬ݁ܗܘ |
| 006:001 | ܘܐܬ݁ܥܒܪ ܝܣܘܣ ܐܙܝܠ܃ ܒܫܘܒܬܐ ܗܘܐ ܡܪܐ ܝܣܘܣ ܡܗܠܝܟ ܒܝܢ ܙܪ̈ܥܝܐ ܘܗܘܘ ܬ̈ܠܡܝܕܘܝ܃ ܡܩ̈ܛܦܝܢ ܫ̈ܘܒܠܝܢ ܘܡܦܪ̈ܟܝܢ ܒܐܝ̈ܕܝܗܘܢ ܘܐܟ̈ܠܝܢ |
| 006:002 | ܘܐܢܫ̈ܝܢ ܡܢ ܦܪ̈ܝܫܝܝ ܐܡܪ̈ܘ ܠܗܘܢ܃ ܡܐ ܐܬܘܢ ܥܒ̈ܕܝܢ ܡܐ ܕܠܐ ܫܠܝܛ ܕܢܥܒ̈ܕ ܒܫܘܒܬܐ܃ |
| 006:003 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܐܘܦ ܠܐ ܗܕܐ ܩܪ̈ܝܬܘܢ ܡܐ ܥܒܕ ܕܘܝܕ ܟܕ ܟܦܢ ܗܘ ܘܗ݀ܠܝܢ ܕܥܡܗ |
| 006:004 | ܗܝܟ ܥܠ ܠܒܝܬܗ ܕܐܠܗܐ ܘܠܚܡ ܐܣܡܘܬܐ ܐܟܠ ܘܝܗܒ ܐܘܦ ܠܐܝܠܝܢ ܕܗܘܘ ܥܡܗ܃ ܠܗ̈ܠܝܢ ܕܠܐ ܗܘܐ ܫܠܝܛ ܠܗܘܢ ܕܝܐܟܘܠ̈ܝܢ܃ ܐܠܐ ܐܢ ܠܟܗ̈ܢܝܐ ܒܠܚܘܕ܃ |
| 006:005 | ܘܗܘܐ ܐܡܪ ܠܗܘܢ ܡܪܝ ܕܫܘܒܬܐ ܓܪ ܗܘ ܒܪܗ ܕܓܒܪܐ܃ |
| 006:006 | ܘܐܬ݁ܥܒܕ ܒܫܘܒܬܐ ܚܘܪܝܬܐ ܕܝܥܘܠ ܠܟܢܝܫܬܐ ܘܝܠܦ܃ ܘܐܝܬ݁ ܗܘܐ ܬ݁ܡܢ ܒܪܢܫ ܚܕ ܘܐܝܕܗ ܕܝܡܝܢܐ ܗܘܬ݁ ܝܒܝܫܐ܃ |
| 006:007 | ܘܗܘܘ ܣܦܪ̈ܝܐ ܘܦܪ̈ܝܫܝܝ ܡܢܛܪ̈ܝܢ ܠܗ ܐܢ ܡܐܣܐ ܒܫܘܒܬܐ ܕܝܫ̈ܟܚܘܢ ܘܝܩܛܪ̈ܓܘܢ ܝܬ݁ܗ܃ |
| 006:008 | ܗܘ ܕܝ ܗܘܐ ܝܕܥ ܚܫܒܬ̈ܗܘܢ ܘܐܡܪ ܠܓܒܪܐ ܕܐܝܕܗ ܝܒܝܫܐ܃ ܐܬܐ ܩܘܡ ܒܡܨܥܬܐ ܘܗܘ ܩܡ |
| 006:009 | ܘܐܡܪ ܠܗܘܢ ܡܪܐ ܝܣܘܣ܃ ܫܐܠ ܐܢܐ ܠܟܘܢ܃ ܡܐ ܫܠܝܛ ܒܫܘܒܬܐ ܕܢܥܒܕ ܛܒ܃ ܐܐ݁ ܕܢܥܒܕ ܒܝܫ܃ ܕܢܚܐ ܢܦܫ ܐܐ݁ ܕܢܘܒܕ܃ |
| 006:010 | ܘܐܕܡܝ ܒܟܘܠܗܘܢ ܒܪܓܘܙ ܘܐܡܪ ܠܗ݀ܘ ܓܒܪܐ ܕܝܒܝܫܐ ܐܝܕܗ ܦܫܘܛ ܐܝܕܟ ܘܗܘ ܥܒܕ ܟܢ܃ ܘܬܩܢܬ݁ ܐܝܕܗ ܗܝܟ ܚܘܪܝܬܐ |
| 006:017 | ܘܩܡ ܥܠ ܐܬ݁ܪ ܡܝܫܪ ܘܣܓܝ ܐܘܟ̈ܠܣ܃܃܃܃܃܃܃ |
| 006:020 | ܘܗܘ ܬܠܐ݁ ܥ̈ܝܢܘܝ ܥܠ ܬܠ̈ܡܝܕܘܝ ܘܗܘܐ ܐܡܪ ܛܘܒܝܟܘܢ ܡܣ̈ܟܝܢ<ܝ>ܐ ܒܪܘܚܐ ܕܕܝܠܟܘܢ ܗܝ ܡܠܟܘܬܐ ܕܫܡܝܐ |
| 006:021 | ܛܘܒܝܟܘܢ ܗ̈ܠܝܢ ܕܒܟ̈ܝܢ ܟܕܘ ܕܐܬܘܢ ܬܓܚܘܟܘܢ܃ ܛܘܒܝܟܘܢ ܗ̈ܠܝܢ ܕܟܦ̈ܢܝܢ ܟܕܘ ܕܐܬܘܢ ܬܣ̈ܒܥܘܢ |
| 006:022 | ܛܘܒܝܟܘܢ ܟܕ ܝܣ̈ܢܘܢ ܝܬ݁ܟܘܢ ܒܢ̈ܝܢܫܐ܃ ܘܟܕ ܝܦܪ̈ܫܘܢ ܝܬ݁ܟܘܢ ܘܝܚ̈ܣܕܘܢ ܝܬܟܘܢ ܘܝܦ̈ܩܘܢ ܫ̈ܝܡܟܘܢ ܗܝܟ ܒܝܫ ܠܓܠܠ ܒܪܗ ܕܓܒܪܐ |
| 006:023 | ܚܕܘ ܕܝ ܒܗܐܘ ܝܘܡܐ ܘܩܪܛܥܘ܃ ܗܐ ܓܪ ܐܓܪܟܘܢ ܣܓܝ ܒܓܘ ܫܘܡܝܐ |
| 006:017 | ܘܩܡ ܝܣܘܣ ܥܠ ܐܬ݁ܪ ܡܝܫܪ܃ ܘܣܓܝ ܐܘܟܠܣ ܡܢ ܬ̈ܠܡܝܕܘܝ܃ ܘܣܓܝ ܣܓܝ ܡܢ ܩܗܠܐ܃ ܘܡܢ ܟܘܠܗ ܝܗ̈ܘܕܝܐ ܘܡܢ ܝܪܘܫܠܝܡ܃ ܘܡܢ ܣܝܦܪܗ ܕܝܡܐ܃ ܘܡܢ ܨܘܪ ܘܡܢ ܨܝܕܢ܃ ܗ̈ܠܝܢ ܕܐܬ̈ܘ ܕܝܫ̈ܡܘܥܘܢ ܡܢܗ ܘܝܬ̈ܐܣܘܢ ܡܢ ܒܘܫ̈ܝܗܘܢ܃ |
| 006:018 | ܘܗ̈ܠܝܢ ܕܗܘܘ ܡܨܛ̈ܚܒܝܢ ܡܢ ܪ̈ܘܚܬܐ ܛܦܫܬ̈ܐ ܗܘܘ ܡܬ̈ܐܣܝܢ܃ |
| 006:019 | ܘܟܘܠ ܐܘ̈ܟܠܣܐ ܗܘܘ ܒ̈ܥܝܢ ܕܝܩܪ̈ܘܒܘܢ ܠܗ܃ ܕܚܝܠܐ ܗܘܐ ܢܦܩ ܡܢܗ܃ ܘܗܘܐ ܡܐܣܝ ܝܬ݁ܗܘܢ ܠܟܘܠܗܘܢ܃ |
| 006:020 | ܘܗܘ ܬܠܐ ܥܝܢ̈ܘܝ ܥܠ ܬܠܡܝܕܘܝ ܘܗܘܐ ܐܡܪ ܛܘܒܝܟܘܢ ܡܣܟ̈ܝܢܝܐ ܒܪܘܚܐ ܕܕܝܠܟܘܢ ܗܝ ܡܠܟܘܬܐ ܕܫܡܝܐ܃ |
| 006:021 | ܛܘܒܝܟܘܢ ܗܠܝܢ ܕܒܟܝܢ ܟܕܘ ܕܐܬܘܢ ܬܓܚܘܟܘܢ܃ ܛܘܒܝܟܘܢ ܗܠܝܢ ܕܟܦܢܝܢ ܟܕܘ ܕܐܬܘܢ ܬܣܒܥܘܢ |
| 006:022 | ܛܘܒܝܟܘܢ ܝܣܢܘܢ ܝܬ݁ܟܘܢ ܒܢܝܢܫܐ܃ ܘܟܕ ܝܦܪܫܘܢ ܝܬܟܘܢ ܘܝܚܣܕܘܢ ܝܬܟܘܢ ܘܝܦܩܘܢ ܫܝܡܟܘܢ ܗܝܟ ܒܝܫ ܠܓܠܠ ܒܪܗ ܕܓܒܪܐ |
| 006:023 | ܚܕܘ ܕܝ ܒܗܘ ܝܘܡܐ ܘܩܪܛܥܘ܃ ܗܐ ܓܪ ܐܓܪܟܘܢ ܣܓܝ ܒܓܘ ܫܘܡܝܐ |
| 006:031 | ܘܐܡܪ ܡܪܢ ܝܣܘܣ ܘܗܝܟ ܡܐ ܕܐܬܘܢ ܨ̈ܒܝܢ ܕܝܥܒ̈ܕܘܢ ܠܟܘܢ ܒܢܝ̈ܢܫܐ ܟܢ ܐܘܦ ܐܬܘܢ ܥܒ̈ܕܘ ܠܗܘܢ |
| 006:032 | ܘܐܢ ܡܚ̈ܒܝܢ ܐܬܘܢ ܠܗܠܝܢ ܕܡܚ̈ܒܝܢ ܝܬ݁ܟܘܢ ܡܐ ܛܒ ܠܟܘܢ܃ ܐܘܦ ܣܟ̈ܠܝܐ ܓܪ ܠܗܠܝܢ ܕܡܚ̈ܒܝܢ ܝܬܗܘܢ ܗܢܘܢ ܡܚ̈ܒܝܢ |
| 006:033 | ܘܐܢ ܥܒ̈ܕܝܢ ܐܬܘܢ ܛܒܢ ܠܗ݀ܠܝܢ ܕܥܒ̈ܕܝܢ ܠܟܘܢ ܛܒܢ ܗܝܕܐ ܛܒܘ ܐܝܬ݁ ܠܟܘܢ܃ ܩܓ̈ܪ ܐܘܦ ܣܟ̈ܠܝܐ ܟܢ ܥܒ̈ܕܝܢ |
| 006:034 | ܘܐܢ ܡܘ̈ܙܦܝܢ ܐܬܘܢ ܠܗ݀ܠܝܢ ܕܐܬܘܢ ܡܣ̈ܟܝܢ ܕܬܬ݁ܓܙܘܢ ܡܢܗܘܢ ܡܐ ܛܒܘ ܠܟܘܢ܃ ܩܓ̈ܪ ܐܘܦ ܣܟ̈ܠܝܐ ܡܘ̈ܙܦܝܢ܃ ܕܝܬ݁ܓܙܘܢ ܡܢܗܘܢ ܟܢ ܘܟܘܬ݁܃ |
| 006:035 | ܒܪܢ ܕܝ ܐܚܒ̈ܘ ܠܒܥܠܕܒܒ̈ܝܟܘܢ܃ ܘܥܒ̈ܕܘ ܛ̈ܒܢ ܘܐܘ̈ܙܦܘ ܘܠܐ ܬܘ̈ܒܕܘܢ ܣܒܪܐ܃ ܘܗܘܐ ܐܓܪܟܘܢ ܣܓܝ܃ ܘܐܬܘܢ ܗܘܝܢ ܒܢ̈ܘܝ ܕܡܪܘܡܡܐ܃ ܕܗܘ ܒܣܝܡ ܐܝܬ݁ ܗܘ ܥܠ ܗܠܝܢ ܕܠܝܬ݁ ܗܢܘܢ ܡܫܬܘ̈ܕܝܢ ܘܒ̈ܝܫܝܢ܃ |
| 006:036 | ܗܘܘ ܐܘܢ ܚܢܢܝܢ ܗܝܟ ܕܐܒܘܟܘܢ ܚܢܢ ܘܪܚܡܢ ܐܝܬ ܗܘ |
| 007:001 | ܐܬܐ ܝܣܘܣ ܠܡܫܡܘܥܗ ܕܩܗܠܐ܃ ܥܠ ܠܟܦܪ ܢܚܘܡ |
| 007:002 | ܘܥܒܕܗ ܕܚܕ ܩܢܛܝܪܘܢ ܕܗܘܐ ܥܒܝܕ ܒܝܫܐܝܬ݁܃ ܗܘܐ ܓܪ̈ ܥܒܝܕ ܕܝܡܘܬ݁܃ ܘܗܕܝܢ ܗܘܐ ܡܝܩܪ ܠܗ |
| 007:003 | ܟܕ ܕܝ ܫܡܥ ܥܠ ܡܪܐ ܝܣܘܣ ܫܠܚ ܠܘܬ݁ܗ ܡܢ ܩܫ̈ܝܫܝܐ ܕܝܘ̈ܕܝܝ ܒܥܐ ܡܢܗ ܕܝܐܬܐ ܘܝܚܐ ܥܒܕܗ |
| 007:004 | ܘܗܢܘܢ ܐܬ̈ܘ ܠܘܬ݁ ܡܪܢ ܝܣܘܣ ܘܒ̈ܥܘ ܡܢܗ ܝܨܝܦܐܝܬ݁ ܐܡܪ̈ܝܢ܃ ܕܗܘ ܫܘܐ ܗܕܢ ܕܐܬ ܥܒܕ ܠܗ ܗܕܐ܃ |
| 007:005 | ܡܚܒ ܗܘ ܓܪ ܡܝܢܢ ܘܟܢܝܫܬܐ ܗܘ ܒܢܐ ܠܢ܃ |
| 007:006 | ܘܡܪܐ ܝܣܘܣ ܗܘܐ ܐܙܠ ܥܡܗܘܢ܃ ܘܥܕ ܗܘ ܕܝ ܪܚܝܩ ܡܢ ܒܝܬܐ܃܃ ܫܠܚ ܠܘܬ݁ܗ ܪܚ̈ܡܘܝ܃ ܗܘ ܩܢܛܝܪܘܢܐ܃ ܐܡܪ ܠܗ ܡܪܝ ܠܐ ܬܨܛܚܒ܃ ܠܝܬ݁ ܐܢܐ ܓܪ ܕܘܡܠܝ ܕܬܝܥܘܠ ܠܬ݁ܚܘܬ݁ ܫܪ̈ܝܬ݁ܝ܃ |
| 007:007 | ܠܓܠܠ ܟܕܢ ܐܘܦ ܠܐ ܓܪܡܝ ܠܐ ܕܢܝܬ݁ ܫܘܐ ܕܝܐܬܐ ܠܘܬ݁ܟ ܐܠܐ ܐܡܘܪ ܒܡܠܐ ܘܡܬ݁ܣܐ ܛܠܝ܃ |
| 007:008 | ܩܓ̈ܝܪ ܐܢܐ ܒܪܢܫ ܐܢܐ ܬ݁ܚܘܬ݁ ܫܘܠܛܢܗ ܐܢܐ ܡܬܩܢ܃ ܘܐܝܬ݁ ܬ݁ܚܘܬ݁ ܐܝܕ̈ܝ ܪ̈ܘܡܝܝܢ ܘܐܢܐ ܐܡܪ ܠܕܢ ܐܙܠ ܘܗܘ ܐܙܠ܃ ܘܠܚܘܪܢ ܐܬܐ ܘܗܘ ܐܬܐ܃ ܘܠܥܒܕܝ ܥܒܕ ܗܕܐ ܘܗܘ ܥܒܕ |
| 007:009 | ܟܕ ܕܝ ܫܡܥ ܡܪܐ ܝܣܘܣ ܐܬܡܗ ܥܠܘܝ܃ ܘܬܒ ܐܡܪ ܠܐܘܟܠܣܐ ܕܢ ܕܐܬܐ ܒܬ݁ܪܗ܃ ܐܡܪ ܐܢܐ ܠܟܘܢ ܕܐܘܦ ܠܐ ܒܐܝܣܪܐܝܠ ܗܝܟ ܗܕܐ ܗܝܡܢܘܬܐ ܠܐ ܐܫܟܚܬ݁ |
| 007:010 | ܘܒܟܢ ܬ̈ܒܘ ܠܒܝܬܐ ܗܠܝܢ ܕܐܫܬ̈ܠܚܘ ܘܐܫ̈ܟܚܘ ܥܒܕܐ ܚܠܝܡ |
| 007:011 | ܒܬ݁ܪ ܟܢ ܗܘ ܡܪܐ ܝܣܘܣ ܐܙܝܠ ܠܡܕܝܢܬܐ ܕܡܬ݁ܩܪܝܐ ܢܐܝܢ܃ ܘܗܘܘ ܐܙ̈ܠܝܢ ܥܡܗ ܐܘܦ ܬܠ̈ܡܝܕܘܝ ܘܐܘܟܠܣ ܣܓܝ |
| 007:012 | ܘܟܕ ܩܪܒ ܠܬܪܥܐ ܕܡܕܝܢܬܐ ܗܘܐ ܚܕ ܡܝܬ݁{ܐ} ܗܘܐ ܢܦܩ ܒܪ ܝܚܝܕܝܝ ܠܐܝܡܗ܃ ܘܗܝ ܗܘܬ݁ ܐܪܡܠܐ ܘܐܘܟ̈ܠܘܣ ܣܓܝ ܡܢ ܡܕܝܢܬܐ ܗܘܐ ܥܡܗ |
| 007:013 | ܘܟܕ ܚܡܐ ܝܬ݁ܗ݀ ܡܪܐ ܝܣܘܣ ܐܬ݁ܪܚܡ ܥܠܝܗ݀ ܘܐܡܪ ܠܗ݀ ܠܐ ܬܒܟܝܢ |
| 007:014 | ܘܩܪܒ ܐܛܚ ܠܪܢܐ ܘܗܠܝܢ ܕܗܘܘ ܛܥܝܢܝܢ ܩ̈ܡܘ܃ ܘܐܡܪ ܥܘܠܝܡܐ ܠܟ ܐܢܐ ܐܡܪ ܩܘܡ |
| 007:015 | ܘܝܬܒ ܗ݀ܘ ܡܝܬܐ ܘܫܪܝ ܡܡܠܠ܃ ܘܝܗܒ ܝܬܗ ܠܐܝܡܗ |
| 007:016 | ܘܨܕܬ݁ ܕܚܠܬܐ ܠܟܘܠܗܘܢ܃ ܘܗܘܘ ܡܫ̈ܟܚܝܢ ܠܐܠܗܐ ܐܡܪܝܢ ܕܢܒܐ ܪܒ ܩܡ ܒܝܢܬܢ ܘܟܕ ܣܥܪ/ܦܩܝܕ#2#/ ܐܠܗܐ ܠܩܗܠܗ |
| 007:019 | ܘܩܪܐ ܝܘܚܢܝܣ ܬܪܝܢ ܐܢܫܝܢ ܡܢ ܬܠܡܝܕܘܝ ܘܫܠܚ ܠܘܬ ܡܪܐܢ ܝܣܘܣ ܐܡܪ܃ ܐܬ ܗܘ ܗܕܢ ܕܐܬܐ ܐܐ݁ ܠܚܘܪܢ ܐܢܗ ܡܣܟܝܢ |
| 007:020 | ܟܕ ܕܝ ܐܬܘ ܗܠܝܟ ܓܒܪܝܐ ܠܘܬ ܡܪܐ ܝܣܘܣ ܐܡܪܘ ܠܗ܃ ܝܘܚܢܝܣ ܡܨܒܥܢܐ ܫܠܚ ܝܬ݁ܢ ܠܘܬܟ ܐܡܪ ܐܬ ܗܘ ܕܢ ܕܐܬܐ ܐܐ݁ ܠܚܘܪܢ ܐܢܗ ܡܣܟܝܢ |
| 007:021 | ܘܒܗܝ ܫܥܬܐ ܐܣܝ ܡܪܐ ܝܣܘܣ ܠܣܓܝ ܡܢ ܒܘܫܝܐ܃ ܘܡܢ ܢܓܘܕܬܐ܃ ܘܡܢ ܪܘܚܐ ܒܝܫܬܐ܃ ܘܠܣ̈ܡܝܢ ܣܓܝ ܝܗܒ ܕܝܚܡܘܢ܃ |
| 007:022 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܐܙܠܘ ܐܡܪܘ ܠܝܘܚܢܝܣ ܡܐ ܚܡܝܬܘܢ ܘܫܡܥܬܘܢ܃ ܣܡ̈ܝܐ ܚܡܝܢ ܘܡܚܓܪ̈ܝܐ ܡܗܠܟ̈ܝܢ܃ ܘܓܪܒܝܐ ܡܬ݁ܕܟܝܢ܃ ܘܚܪ̈ܫܝܐ ܫܡܥܝܢ܃ ܘܡܝܬ݁ܝܐ ܩܐܡܝܢ ܘܡܣܟܝܢܝܐ ܡܬ݁ܒܣܪܝܢ܃ |
| 007:023 | ܘܛܘܒܘܝ ܡܢ ܕܠܐ ܝܬܟܫܠ ܒܝ |
| 007:024 | ܘܡܢ ܕܐܙܠܘ ܠܗܘܢ ܫܠܝܚܘܝ ܕܝܘܚܢܝܣ܃ ܫܪܝ ܡܪܐ ܝܣܘܣ ܐܡܪ ܠܐܘܟܠܣܝܐ ܠܛܒ ܝܘܚܢܝܣ ܡܐ ܢܦܩܬܘܢ ܠܡܕܒܘܪܐ ܕܬܚܡܘܢ ܩܢܐ ܡܢ ܪܘܚܐ ܡܙܕܥܙܥ |
| 007:025 | ܐܠܐ ܡܐ ܢܦܩܬܘܢ ܕܬ݁ܚܡ̈ܘܢ ܒܪܢܫ ܡܟܣܐ ܡܐܢܝܢ ܡܦܢܩܝܢ܃ ܗܐ ܗܠܝܢ ܕܡܟ̈ܣܝܢ ܡܐܢܝܐ ܡܫܒܚܝܐ ܒܒ{ܝ}ܬܝܗܘܢ ܕܡܠܟܝܐ ܝܗܝܒܝܢ |
| 007:026 | ܐܠܐ ܡܐ ܢܦܩܬܘܢ ܕܬܚ̈ܡܘܢ ܢܒܐ܃ ܐܝܢ ܐܡܪ ܐܢܐ ܠܟܘܢ ܕܐܘܦ ܡܝܬܪ ܡܢ ܢܒܐ ܗܘ |
| 007:027 | ܗܕܢ ܗܘ ܓܪ ܕܠܛܒܗ܃܃܃܃ ܗܐ ܐܢܐ ܡܫܠܚ ܡܠܐܟܝ ܩܘܕܡ ܐܦܝܟ ܕܗܘ ܝܫܟܠܠ ܐܘܪܚܐ ܩܘܕܡܝܟ܃ |
| 007:028 | ܐܡܝܢ ܐܡܪ ܐܢܐ ܠܟܘܢ ܕܠܝܬ݁ ܒܝܠܝܕܝܗܝܢ ܕܢܫܝܐ ܪܒ ܡܢ ܝܘܚܢܝܣ܃ ܘܙܥܘܪܐ ܕܝ ܒܡܠܟܘܬ݁ܗ ܕܐܠܗܐ ܪܒ ܗܘ ܡܢܗ܃ |
| 007:029 | ܟܘܠܗ ܕܝ ܩܗܠܐ ܕܫܡܥ ܘܡܟܣܝܐ ܫܒܚܘ ܠܐܠܗܐ ܕܐܨܛܒܥܘ ܒܝܘܚܢܝܣ |
| 007:036 | ܘܗܘܐ ܒܥܐ ܡܢܗ ܚܕ ܦܪܝܫܝ ܕܝܟܘܠ ܥܡܗ܃ ܘܥܠ ܠܒܝܬܗ ܕܗܘ ܦܪܝܫܝܐ ܘܪܒܥ܃ |
| 007:037 | ܘܗܐ ܐܬܐ ܚܕܐ ܕܗܘܬ ܒܗܝ ܡܕܝܢܬܐ ܣܟܠܐ ܝܕܥܬ݁ ܕܗܘ ܪܒܝܥ ܒܒܝܬܗ ܕܗܘ ܦܪܝܫܝܐ܃ ܘܐܬ݁ܬ ܨܠܘܚܝ ܕܒܣܡ |
| 007:038 | ܘܩܡܬ݁ ܠܚܘܪܝܐ܃ ܗܢ ܕܪܝܓ̈ܠܘܝ ܒܟܝܐ ܘܒܕܡܥܝܢ ܫܪܝܬ݁ ܡܬܪܝܐ ܪܝܓ̈ܠܘܝ܃ ܘܒܣܥܪܗ ܕܪܝܫܗ ܗܘܬ݁ ܡܟܦܪܐ ܘܗܘܬ ܡܢܫܩܐ ܪܝܓ̈ܠܘܝ ܘܡܫܚܐ ܒܒܝܣܡܐ܃ |
| 007:039 | ܘܟܕ ܚܡܐ ܗܘ ܦܪܝܫܝܐ ܐܡܪ ܒܓܪܡܗ܃ ܗܕܢ ܐܠܘ ܗܘܐ ܢܒܐ݁ ܐܝܬ ܗܘ ܡܟܪ ܡܢ ܗܝ܃ ܘܡܐ ܗܝ ܗܕܐ ܐܬܬܐ ܕܩܪܒܬ ܠܗ ܕܗܝ ܣܟܠܐ܃ |
| 007:040 | ܘܐܓܝܒ ܡܪܐ ܝܣܘܣ ܘܐܡܪ ܠܗ܃ ܣܝܡܘܢ ܐܝܬ ܠܝ ܡܐ ܕܝܐܡܘܪ ܠܟ܃ ܘܗܘ ܐܡܪ ܡܠܦܢܐ ܐܡܘܪ܃ |
| 007:041 | ܐܡܪ ܠܗ ܬ݁ܪܝܢ ܚܝܒܐ ܚܘܒܐ ܗܘܘ ܠܚܕ ܕܢܝܣܛܝܣ܃ ܚܕ ܗܘܐ ܚܝܒ ܠܗ ܚܡܝܫ ܡܐܐ ܕܝܢܪܝܢ܃ ܘܚܘܪܢܐ ܚܡܝܫܝܢ ܕܝܢܪܝܢ܃ |
| 007:042 | ܘܡܢ ܕܠܐ ܗܘܐ ܠܗܘܢ ܕܝܓܙܘܢ ܠܬ݁ܪܝܗܘܢ ܫܒܩ܃ ܡܢ ܐܘܢ ܡܢܗܘܢ ܝܚܒܢܗ ܣܓܝ ܐܡܘܪ ܠܝ܃ |
| 007:043 | ܐܓܝܒ ܕܝ ܣܝܡܘܢ ܐܡܪ܃ ܣܒܪ ܐܢܐ ܕܗܕܢ ܕܫܒܩ ܠܗ ܣܓܝ܃ ܘܐܡܪ ܠܗ ܫܘܝܐܝܬ ܕܢܬ݁ |
| 007:044 | ܘܬ݁ܒ ܠܘܬ݁ ܐܬܬܐ ܘܐܡܪ ܠܣܝܡܘܢ ܚܡܝܬ݁ ܗܕܐ ܐܬܬܐ ܐܢܐ ܥܠܝܬ ܠܒܝܬܟ ܘܡܝܢ ܠܐ ܝܗܒܬ ܠܝ ܠܪܝܓ̈ܠܐܝ܃ ܘܗܕܐ ܒܕܡܥܝܢ ܬ݁ܪܝܐ ܝܬ݁ ܪܝܓ̈ܠܐܝ܃ ܘܒܣܥܪܗ݀ ܟܦܪܬ݁܃ |
| 007:045 | ܫܠܘܡ ܠܐ ܝܗܒܬ ܠܝ܃ ܘܗܕܐ ܡܢ ܕܥܠܬ݁ ܠܐ ܫܠܬ݁ ܡܫܠܡܐ ܪܝܓ̈ܠܝ |
| 007:046 | ܒܡܝܫܚ ܠܐ ܡܫܚܬ ܪܝܫܝ ܘܗܕܐ ܒܒܣܡ ܡܫܚܬ ܪܝܓ̈ܠܐܝ |
| 007:047 | ܠܒܕܝܠ ܟܕܢ ܐܡܪ ܐܢܐ ܠܟ ܕܫܒܝܩܢ ܠܗ ܣܟܠܬ݁ܗ ܕܣܓܝ܃ ܕܐܚܒܬ݁ ܣܓܝ܃ ܘܕܢ ܕܨܝܒܚܕ ܡܫܬܒܩ ܠܗ ܨܝܒܚܕ ܡܚܒ |
| 007:048 | ܘܐܡܪ ܠܗ ܫܒܝܩܢ ܠܝܟܝ ܣܟܠܬ݁ܝܟܝ |
| 007:049 | ܘܫܪܘ ܗܠܝܢ ܕܪܒܝܥܝܢ ܥܡܗ ܐܡܪܝܢ ܒܓܪܡܗܘܢ܃ ܡܢ ܗܘ ܕܢ ܕܐܘܦ ܣܟܠܢ ܗܘ ܫܒܩ |
| 007:050 | ܘܐܡܪ ܠܐܬܬܐ ܗܝܡܢܘܬ݁ܝܟܝ ܐܚܝܬ ܝܬܝܟܝ ܐܙܠܝ ܒܫܝܠܡܐ |
| 007:036 | ܘܗܘܐ ܒܥܐ ܡܢܗ ܚܕ ܦܪܝܫܝ ܕܝܟܘܠ ܥܡܗ ܘܥܠ ܠܒܝܬܗ ܕܗܘ ܦܪܝܫܝܐ܃ ܘܪܒܥ܃ |
| 007:037 | ܘܗܐ ܐܬܐ ܚܕܐ ܕܗܘܬ݁ ܒܗܝ ܡܕܝܢܬܐ ܣܟܠܐ ܝܕܥܬ݁ ܕܗܘ ܪܒܝܥ ܒܒܝܬ݁ܗ ܕܗܘ ܦܪܝܫܝ܃ ܘܐܬܝܬ ܨܠܘܚܝ ܕܒܣܡ |
| 007:038 | ܘܩܡܬ݁ ܠܚܘܪܝܐ ܗܢ ܕܪ̈ܝܓܠܘܝ ܒܟܝܐ ܘܒܕܡ̈ܥܝܢ ܫܪܝܬ݁ ܡܬ݁ܪܝܐ ܪ̈ܝܓܠܘܝ܃ ܘܒܣܥܪܗ ܕܪܝܫܗ ܗܘܬ݁ ܡܟܦ̈ܪܐ܃ ܘܗܘܬ݁ ܡܢܫܩܐ ܪ̈ܝܓܠܘܝ ܘܡܫܚܐ ܒܒܝܣܡܐ܃ |
| 007:039 | ܘܟܕ ܚܡܐ ܗܐܘ ܦܪܝܫܝܐ ܐܡܪ ܒܓܪܡܗ܃ ܗܕܢ ܐܠܘ ܗܘܐ ܢܒܡ݁ ܐܝܬ݁ ܗܘܐ ܡܟܪ ܡ݁ܢ ܗܝ܃ ܘܡܐ ܗܝ ܗܕܐ ܐܬܬܐ ܕܩܪܒܬ݁ ܠܗ݀ ܕܗܝ ܣܟܠܐ܃ |
| 007:040 | ܘܐܓܝܒ ܡܪܐ ܝܣܘܣ ܘܐܡܪ ܠܗ܃ ܣܝܡܘܢ ܐܝܬ݁ ܠܝ ܡܐ ܕܝܐܡܘܪ ܠܟ܃ ܘܗܘ ܐܡܪ ܡܠܦܢܐ ܐܡܘܪ܃ |
| 007:041 | ܐܡܪ ܠܗ ܬܪ̈ܝܢ ܚܝ̈ܒܐ ܚܘܒܐ ܗܘܘ ܠܚܕ ܕܢܝܣܛܝܣ܃ ܚܕ ܗܘܐ ܚܝܒ ܠܗ ܚܡܝܫ ܡܐܐ ܕܝܢܪ̈ܝܢ܃ ܘܚܘܪܢܐ ܚܡ̈ܝܫܝܢ ܕܝܢܪܝܢ܃ |
| 007:042 | ܘܡܢ ܕܠܐ ܗܘܐ ܠܗܘܢ ܕܝܓܙܘܢ ܠܬ݁ܪ̈ܝܗܘܢ ܫܒܩ܃ ܡ݁ܢ ܐܘܢ ܡܢܗܘܢ ܝܚܒܢܗ ܣܓܝ ܐܡܘܪ ܠܝ܃ |
| 007:043 | ܐܓܝܒ ܕܝ ܣܝܡܘܢ ܐܡܪ܃ ܣܒܪ ܐܢܐ ܕܗܕܢ ܕܫܒܩ ܠܗ ܣܓܝ܃ ܘܐܡܪ ܠܗ ܫܘܝܐܝܬ݁ ܕܢܬ݁ |
| 007:044 | ܘܬ݁ܒ ܠܘܬ݁ ܐܬܬܐ ܘܐܡܪ ܠܣܝܡܘܢ ܚܡܝܬ ܗܕܐ ܐܬܬܐ ܐܢܐ ܥܠܝܬ݁ ܠܒܝܬܟ ܘܡܝܢ ܠܐ ܝܗܒܬ ܠܝ ܠܪܝܓ̈ܠܐܝ܃ ܘܗܕܐ ܒܕܡܥ̈ܝܢ ܕܝܬ݁ܗ ܬ݁ܪܝܐ ܝܬ݁ ܪܝܓ̈ܠܐܝ܃ ܘܒܣܥܪܗ ܟܦܪܬ݁܃ |
| 007:045 | ܫܠܘܡ ܠܐ ܝܗܒܬ ܠܝ܃ ܘܗܕܐ ܡܢ ܕܥܠܬ݁ ܠܐ ܫܠܬ݁ ܡܫܠܡܐ ܪܝܓ̈ܠܝ |
| 007:046 | ܒܡܝܫܚ ܠܐ ܡܫܚܬ݁ ܪܝܫܝ܃ ܘܗܕܐ ܒܒܣܡ ܡܫܚܬ݁ ܪܝܓ̈ܠܐܝ |
| 007:047 | ܠܒܕܝܠ ܟܕܢ ܐܡܪ ܐܢܐ ܠܟ ܕܫܒܝܩ̈ܢ ܠܗ݀ ܣܟܠܬ݁ܗ ܕܣܓܝ܃ ܕܐܚܒܬ ܣܓܝ܃ ܘܕܢ ܕܨܝܒܚܕ ܡܫܬܒܩ ܠܗ ܨܝܒܚܕ ܡܚܒ |
| 007:048 | ܘܐܡܪ ܠܗ݀ ܫܒ̈ܝܩܢ ܠܝܟܝ ܣܟܠܬ݁ܝܟܝ |
| 007:049 | ܘܫܪ̈ܘ ܗܠܝܢ ܕܪܒܝܥܝܢ ܥܡܗ ܐܡܪ̈ܝܢ ܒܓܪ̈ܡܗܘܢ܃ ܡ݁ܢ ܗܘ ܕܢ ܕܐܘܦ ܣ̈ܟܠܢ ܗܘ ܫܒܩ |
| 007:050 | ܘܐܡܪ ܠܐܬܬܐ ܗܝܡܢܘܬ݁ܝܟܝ ܐܚܝܬ݁ ܝܬ݁ܝܟܝ ܐܙܠܝ ܒܫܝܠܡܐ |
| 008:001 | ܗܘܐ ܡܪܐ ܝܣܘܣ ܚܓܠ ܒܟܘܠ ܡܕܝܢܐ ܘܒܟܠ ܩܪܝܐ܃ ܡܟܪܙ ܘܡܒܣܪ ܡܠܟܘܬ݁ܗ ܕܐܠܗܐ܃ ܘܥܡܗ ܬ݁ܪܝܥܣܪ̈ܬܐ |
| 008:002 | ܘܢ̈ܝܫܝܢ ܗ̈ܠܝܢ ܕܐܬ̈ܐܣܝ ܡܢ ܪܘܚܝܢ ܒ̈ܝܫܢ܃ ܘܡܢ ܒܘܫ̈ܝܢ܃ ܡܪܝܐܡ ܡܓܕܠܝܬܐ ܗܝ ܕܫܘܒܥܐ ܫ̈ܝܕܢ ܢܦܩܘ ܡܢܗ݀ |
| 008:003 | ܘܝܘܢܐ ܐܬܬ݁ܗ ܕܟ̈ܘܙܐ܃ ܗܧ̈ܝܛܪܘܧ̈ܗ ܕܗܝܪܘܕܝܣ܃ ܘܫܘܫܢ ܘܚܘܪ̈ܢܝܐܢ ܣܓܝ܃ ܗ̈ܠܝܢ ܕܗ̈ܘܝ ܡܫܡܫܢ ܠܗ ܡܢ ܩܝܢܝܢ̈ܗܝܢ܃ |
| 008:005 | ܗܐ ܢܦܩ ܙܪܘܥܐ ܕܝܙܪܘܥ ܙܪܥܗ܃ ܘܗܝܟ ܕܗܘ ܙܪܥ ܐܝܬ݁ ܕܢܦܠ ܥܠ ܓܦ ܐܘܪܚܐ܃ ܘܐܬ݁ܕܝܫ ܘܦܪܚܬܐ ܕܫܘܡܝܐ ܐܟܠܬ݁ ܝܬ݁ܗ |
| 008:006 | ܘܚܘܪܢ ܢܦܠ ܥܠ ܫܝ̈ܢܐ ܘܡܢ ܕܨܡܚ ܝܒܫ܃ ܠܓܠܠ ܕܠܐ ܗܘܐ ܠܝܗ ܠܝܚܐ |
| 008:007 | ܘܚܘܪܢ ܢܦܠ ܒܝܢ ܟܘܒ̈ܝܐ܃ ܘܨܡܚ̈ܘ ܟܘܒ̈ܝܐ ܥܡܗ ܘܚܢ̈ܩܘ ܝܬܗ |
| 008:008 | ܘܚܘܪܢ ܢܦܠ ܒܐܪܥܐ ܛܒܬܐ ܘܨܡܚ ܘܥܒܕ ܦܝܪ̈ܝܢ ܡܐܐ ܟܦܠܝܢ܃ ܗ݀ܠܝܢ ܟܕ ܗܘܐ ܐܡܪ܃ ܗܘܐ ܡܨܘܚ ܡ݁ܢ ܕܠܗ ܐܕܢ̈ܝܢ ܕܝܫܡܘܥ ܝܫܡܘܥ |
| 008:009 | ܘܫ̈ܐܠܘ ܝܬ݁ܗ ܬ̈ܠܡܝܕܘܝ ܘܐܡܪ̈ܝܢ ܠܗ܃ ܡܐ ܗܘ ܡܬܠܐ ܗܢܐ |
| 008:010 | ܐܡܪ ܠܗܘܢ ܝܣܘܣ܃ ܠܟܘܢ ܐܬ݁ܝܗܒ ܕܬܕܥܘܢ ܪ̈ܐܙܐ ܕܡܠܟܘܬܐ ܕܐܠܗܐ܃ ܠܫܪܟܐ ܕܝ ܒܡ̈ܬܠܐ ܕܟܕ ܚܙܝܢ ܠܐ ܢܚܙܘܢ ܘܟܕ ܫܡ̈ܥܝܢ ܠܐ ܢܣܬܟܠܘܢ |
| 008:011 | ܗܢܐ ܗܘ ܡܬܠܐ ܙܪܥܐ ܐܝܬܘ ܡܠܬܐ ܕܐܠܗܐ |
| 008:012 | ܗ݀ܘ ܕܝ ܕܢܦܠ ܥܠ ܓܦ ܐܘܪܚܐ ܗ݀ܠܝܢ ܐܢܘܢ ܕܫ̈ܡܥܝܢ ܠܡܠܬܐ ܘܐܬܐ ܣܛܢܐ ܚܛܦ ܠܗ݀ ܠܡܠܬܐ ܡܢ ܠܒܝ̈ܗܘܢ ܕܠܐ ܢܗܝܡܢܘܢ ܘܢܐܚܘܢ |
| 008:013 | ܗ݀ܘ ܕܝ ܕܢܦܠ ܥܠ ܫܝ̈ܢܐ ܗ݀ܠܝܢ ܕܫܡ̈ܥܝܢ ܠܡܠܬܐ ܘܡܩ̈ܒܠܝܢ ܠܗ ܒܚܕܘܬܐ ܘܕܠܝܬ ܠܗܘܢ ܬܠܝܠܘܬܐ ܐܠܐ ܠܩܝܪܘܣ ܗܝ ܗܝܡܢܘܬ݁ܗܘܢ ܘܒܩܝܪܘܣ ܢܣ̈ܝܘܢܐ ܡܬ݁ܟܫ̈ܠܝܢ |
| 008:014 | ܗܘ ܕܝ ܕܢܦܠ ܒܝܢ ܟܘܒ̈ܝܐ ܗܠܝܢ ܕܫ̈ܡܥܝܢ ܘܐܙ̈ܠܝܢ ܡܬ݁ܚܢ̈ܩܝܢ ܒܨܦܬܐ ܘܒܥܘܬܪܐ ܘܒܪ̈ܓܝܓܬܐ ܕܥܠܡܐ ܘܦܝܪ̈ܐ ܠܐ ܝܗ̈ܒܝܢ |
| 008:015 | ܗܘ ܕܝ ܕܢܦܠ ܒܐܪܥܐ ܛܒܬܐ ܗ̈ܠܝܢ ܕܫܡ̈ܥܝܢ ܠܡܠܬܐ ܒܠܒ̈ܘܬܐ ܕܟ̈ܝܐ ܘܛܒ̈ܐ ܘܢܛܪ̈ܝܢ ܠܗ ܘܥܒ̈ܕܝܢ ܦܝܪ̈ܐ ܣܓ̈ܝܐܐ ܒܡܣܝܒܪܢܘܬ݁ܗܘܢ ܡ݁ܢ ܕܠܗ ܐܕܢ̈ܝܢ ܕܝܫܡܘܥ ܝܫܡܘܥ |
| 008:016 | ܠܝܬ݁ ܐܢܫ ܕܝ ܡܕܠܩ ܒܘܨܝܢ ܘܡܟܣܐ ܠܗ ܒܡܐܢ܃ ܐܐ݁ ܡܣܝܡ ܠܗ ܬܚܘܬ ܥܪܣܐ ܐܠܐ ܥܠ ܡܢܪܬܐ ܕܗ݀ܠܝܢ ܕܥܠܝܢ ܝܚ̈ܡܘܢ ܢܗܘܪܗ |
| 008:017 | ܠܝܬ݁ ܓܪ ܛܡܝܪ ܕܠܐ ܝܬ݁ܥܒܕ ܓܠܐ ܘܠܐ ܓܢܝܙ ܕܠܐ ܝܬ݁ܝܐܕܥ܃ ܘܝܐܬܐ ܠܓ̈ܘܠܐܝ |
| 008:018 | ܚܡ̈ܘ ܐܘܢ ܗܝܟ ܐܬܘܢ ܫ̈ܡܥܝܢ܃ ܡ݁ܢ ܓܪ ܕܝܗܐ ܥܡܗ ܝܬ݁ܝܗܒ ܠܗ܃ ܘܡ݁ܢ ܕܠܐ ܝܗܐ ܥܡܗ ܐܘܦ ܡܐ ܕܥܡܗ ܝܬ݁ܢܣܒ ܡܢܗ܃ |
| 008:019 | ܘܐܬ̈ܘ ܐܝܡܗ ܘܐܚ̈ܘܝ ܠܘܬ݁ܗ ܘܠܐ ܕܝ ܗܘ̈ܘ ܝܟ̈ܠܝܢ ܕܝܩܪ̈ܘܒܘܢ ܠܘܬ݁ܗ ܠܓܠܠ ܐܘܟ̈ܠܘܣܐ |
| 008:020 | ܘܐܬ݁ܡܪ ܠܗ ܕܐܝܡܟ ܘܐܚ̈ܝܟ ܩ̈ܐܡܝܢ ܠܒܪ ܨ̈ܒܝܢ ܕܝܚ̈ܡܘܢ ܝܬ݁ܟ |
| 008:021 | ܗܘ ܕܝ ܐܓܝܒ ܘܐܡܪ ܠܗܘܢ ܐܝܡܐ ܘܐܚܐܝ ܗܢܘܢ ܗܠܝܢ ܕܫ̈ܡܥܝܢ ܡܠܬ݁ܗ ܕܐܠܗܐ ܘܥܒ̈ܕܝܢ |
| 008:026 | ܘܟܕ ܐܬܐ ܡܪܐ ܝܣܘܣ ܠܐܪܥܐ ܕܓܪ̈ܓܫܝ ܗܕܐ ܕܗܝ ܠܘܩܒܠ ܥܒܪܐ ܕܓܠܝܠܐ |
| 008:027 | ܘܟܕ ܢܦܩ ܥܠ ܐܪܥܐ ܐܘܪܥܗ ܓܒܪ ܚܕ ܡܢ ܡܕܝܢܬܐ ܕܗܘܘ ܥܠܘܝ ܫ̈ܝܕܝܢ܃ ܘܐܫܘܢ ܣܓܝ ܠܐ ܐܬ݁ܟܣܝ ܒܡܐܢ ܘܒܒܐܝ ܠܐ ܥܡܪ ܐܠܐ ܒܡܩܒܪܬܐ |
| 008:028 | ܘܟܕ ܚܡܐ ܠܡܪܐ ܝܣܘܣ ܨܘܚ ܘܢܦܠ ܩܘܕܡܘܝ܃ ܘܒܩܠܐ ܪܒܐ ܐܡܪ ܡܐ ܠܝ ܘܠܟ ܝܣܘܣ ܒܪܗ ܕܐܠܗܐ ܡܪܘܡܡܐ܃ ܐܢܐ ܒܥܐ ܡܢܟ ܠܐ ܬܨ{ܘ}<ܥ>ܪ[B] ܝܬܝ |
| 008:029 | ܗܘܐ ܓܪ ܡܦܩܕ ܠܪܘܚܐ ܛܦܫܬܐ ܕܬ݁ܦܘܩ ܡܢ ܒܪܢܫܐ܃ ܣܓܝ ܓܪ ܐܫܘܢ ܗܘܬ ܚܛܦܐ ܠܗ܃ ܘܗܘܐ ܡܬܐܣܪ ܒܫܝ̈ܫܠܬܐ ܘܒܟܒ̈ܝܠܝܐ ܡܢܛܪ܃ ܘܗܘܐ ܡܩܛܥ ܐܘܣܘܪܝܐ܃ ܘܡܬ݁ܕܒܪ ܡܢ ܫܝܕܐ ܠܡܕܒܪܝܐ |
| 008:030 | ܘܫܐܠ ܠܗ ܡܪܐ ܝܣܘܣ ܐܡܪ ܡܐ ܗܘ ܫܝܡܟ܃ ܘܗܘ ܐܡܪ ܠܓܝܘܢ ܫܝܡܝ܃ ܕܣܓܝ ܫ̈ܝܕܝܢ ܥ̈ܠܘ ܠܓܘܗ |
| 008:031 | ܘܗܘܘ ܒܥ̈ܝܢ ܡܢܗ ܕܠܐ ܝܦܩܕ ܝܬ݁ܗܘܢ ܕܝܐܙ̈ܠܘܢ ܠܬܗܘܡܐ |
| 008:032 | ܘܗܘܬ݁ ܬܡܢ ܡܪܥܝ ܕܚܘܙܝܪ̈ܝܢ ܣܓܝ ܪܥܝܐ ܒܛܘܪܐ܃ ܘܒ̈ܥܘ ܡܢܗ ܕܝܫܠܚ ܝܬ݁ܗܘܢ ܕܝܐܙ̈ܠܘܢ ܠܗܠܝܟ ܚܘܙܝܪ̈ܝܐ܃ ܘܫܠܛ ܝܬ݁ܗܘܢ |
| 008:033 | ܘܢ̈ܦܩܘ ܫ̈ܝܕܝܐ ܡܢ ܗܘ ܒܪܢܫܐ ܘܥ̈ܠܘ ܒܚܙܝܪ̈ܝܐ܃ ܘܐܫܘܐܝܬ݁ ܟܘܠܗ݀ ܡܪܥܝܬܐ ܥܠ ܡܙܩܘܪܬܐ ܠܝܡܐ ܘܐܬ݁ܚܢܩܘ |
| 008:034 | ܟܕ ܕܝ ܚܡ̈ܘ ܗ̈ܠܝܢ ܕܗ̈ܘܘ ܪ̈ܥܝܢ ܡܐ ܕܐܬ݁ܥܒܕ ܥܪ̈ܩܘ ܘܬܢ̈ܘ ܒܡ̈ܕܝܢܬܐ ܘܒܛܘܪ̈ܝܐ |
| 008:035 | ܘܢܦܩ̈ܘ ܕܝܚ̈ܡܘܢ ܡܐ ܐܬ݁ܥܒܕ܃ ܘܐܬ̈ܘ ܠܘܬ݁ ܡܪܐ ܝܣܘܣ܃ ܘܐܫ̈ܟܚܘ ܠܗܘ ܒܪܢܫܐ ܕܢ̈ܦܩܘ ܡܢܗ ܫ̈ܝܕܝܐ ܝܬܝܒ ܘܡܟܣܐ ܘܡܗ<ܘ>ܢܢ ܗܢ ܕܪ̈ܝܓܠܘ ܕܡܪܐ ܝܣܘܣ ܘܕܚ̈ܠܘ |
| 008:036 | ܘܬ̈ܢܘ ܠܗܘܢ ܗܠܝܟ ܕܚ̈ܡܘ ܗܝܟ ܐܫܬܘܙܒ ܗܘ ܕܫܝܕܗ |
| 008:037 | ܘܒ̈ܥܘ ܡܢܗ ܟܘܠ ܣ̈ܘܓܝܐ ܕܐܪܥܗܘܢ ܕܓܪܓܫܝܝ ܕܝܐܙܠ ܠܗ ܡܢܗܘܢ܃ ܒܕܚܠܬܐ ܪܒܬܐ ܓܪ ܗܘ̈ܘ ܨܝ̈ܕܝܢ܃ ܘܗܘ ܣܠܩ ܠܐܠܦܐ ܘܬ݁ܒ ܐܙܠ ܠܗ |
| 008:038 | ܗܘܐ ܕܝ ܒܥܐ ܡܢܗ ܫܝܕܝܐ ܕܝܗܐ ܥܡܗ ܘܦܢܐ ܝܬ݁ܗ ܘܐܡܪ ܠܗ |
| 008:039 | ܬܘܒ ܠܟ ܠܒܝܬܟ܃ ܘܬ݁ܢܝ ܟܘܠ ܡܐ ܕܥܒܕ ܠܟ ܐܠܗܐ܃ ܘܐܙܠ ܒܟܘܠ ܡܕܝܢܬܐ ܡܟܪܙ ܟܘܠ ܡܐ ܕܥܒܕ ܠܗ ܡܪܐ ܝܣܘܣ |
| 008:040 | ܘܒܝܬܗ ܩܝܪܘܣܐ |
| 008:041 | ܐܬܐ ܚܕ ܓܒܪ ܕܫܝܡܗ ܝܗܝܪܘܣ ܗܘ ܕܝܢ ܗܘܐ ܪܝܫ ܟܢܝܫܬܐ܃ ܘܢܦܠ ܩܘܕܡ ܪܝܓ̈ܠܘܝ ܕܡܪܐ ܝܣܘܣ ܘܗܘܐ ܒܥܐ ܡܢܗ ܕܝܥܘܠ ܠܒܝܬܗ |
| 008:042 | ܠܓܝܠܠ ܕܚܕܐ ܒܪܐ ܝܚܝܕܐ ܗܘܬ݁ ܠܗ ܗܝܟ ܒܪܬ݁ ܬܪܥܣܪܐ ܫ̈ܝܢܝܢ܃ ܘܗܝ ܗܘܬ݁ ܩܪܝܒܐ ܠܡܘܬܐ ܘܒܡܐ ܕܗܘܐ ܐܙܠ ܐܘ̈ܟܠܣܐ ܗܘܘ ܡܕܚܩ̈ܝܢ ܠܗ |
| 008:043 | ܘܐܬܐ ܕܗܘܬ݁ ܒܢܓܕܗ ܕܐܕܡܐ ܬ݁ܪܬܝܥܣܪ̈ܝ ܫ̈ܝܢܝܢ ܗܕܐ ܕܒܝܬ݁ ܐܣܘ̈ܬܐ ܟܠܗ ܩܢܝܢܗ ܐܒܕܬ݁ ܘܠܐ ܝܟܠܬ݁ ܡܬܐܣܝܐ ܡܢ ܐܢܫ܃ |
| 008:044 | ܩܪܒܬ݁ ܠܚܘܪܝܗ ܘܐܛܚܬ݁ ܠܨܢܦܬܐ ܕܡܢܗ ܘܒܪ ܫܥܬ݁ܗ܃ ܩܡ ܠܗ ܢܓܕܗ ܕܐܕܡܐ |
| 008:045 | ܘܐܡܪ ܡܪܐ ܝܣܘܣ܃ ܡܢ ܗܘ ܕܢ ܕܩܪܒ ܠܝ ܟܕ ܕܝ ܗܘܘ ܟܦܪ̈ܝܢ ܟܘܠܗܘܢ܃ ܐܡܪ ܠܗ ܧܛܪܘܣ ܪܒܝ ܐܘܟ̈ܠܘܣܝܐ ܡܕܚܩ̈ܝܢ ܠܟ ܘܡܠܚ̈ܨܝܢ ܘܐܬ ܐܡܪ ܡܢ ܗܘ ܕܢ ܕܩܪܒ ܠܝ |
| 008:046 | ܘܡܪܐ ܝܣܘܣ ܐܡܪ ܠܗܘܢ ܐܢܫ ܩܪܒ ܠܝ܃ ܐܢܐ ܓܪ ܝܕܥܬ݁ ܒܚܝܠܐ ܕܢܦܩ ܡܢܝ |
| 008:047 | ܘܟܕ ܚܡܬ݁ ܐܬ݁ܬܐ ܕܠܐ ܛܥܐ ܐܬ݁ܬ݁ ܡܪܬܬܐ ܘܢܦܠܬ ܩܘܕܡܘܝ܃ ܘܗܝ ܗܘܬ ܡܬ݁ܢܝܐ ܠܓܠܠ ܗܝܕܐ ܥܠܐ ܩܪܒܬ݁ ܠܗ ܠܥܝܢ ܟܘܠܗ ܩܗܠܐ܃ ܘܗܝܟ ܐܬ݁ܣܝܬ݁ ܒܪܫܥܬ݁ܗ |
| 008:048 | ܘܗܘ ܐܡܪ ܠܗ ܒܪܬܐ ܗܝܡܢܘܬ݁ܝܟܝ ܐܚܝܬ݁ ܝܬ݁ܝܟܝ ܐܙܠܝ ܒܫܝܠܡܐ |
| 008:049 | ܘܥܕ ܗܘ ܡܡܠܠ ܐܬܐ ܚܕ ܡܢ ܕܪܝܫ ܟܢܝܫܬܐ ܐܡܪ ܡܝܬ݁ܬ݁ ܒܪܬܟ ܡܢ ܟܕܘ ܠܐ ܬ݁ܨܚܒ ܠܡܠܦܢܐ |
| 008:050 | ܡܪܐ ܝܣܘܣ ܕܝ ܟܕ ܫܡܥ ܐܓܝܒ ܘܐܡܪ ܠܗ ܠܐ ܬ݁ܕܚܘܠ܃ ܐܠܐ ܒܠܚܘܕ ܗܝܡܢ ܘܗܝ ܚܝܐ |
| 008:051 | ܟܕ ܕܝ ܐܬܐ ܠܓܘ ܒܝܬܐ ܠܐ ܫܒܩ ܠܐܢܫ ܕܝܥܘܠ ܥܡܗ ܐܠܐ ܐܢ ܠܦܛܪܘܣ ܘܠܝܘܚܢܝܣ ܘܠܝܥܩܘܒܘܣ܃ ܘܠܐܒܘܝ ܕܛܠܝܬܐ ܘܠܐܝܡܗ݀ |
| 008:052 | ܘܗܘܘ ܒ̈ܟܝܢ ܟܘܠܗܘܢ ܘܡܣ̈ܦܕܝܢ ܠܗ ܘܗܘ ܐܡܪ ܠܐ ܬܒ̈ܟܘܢ܃ ܠܐ ܓܪ ܡܝܬ݁ܬ݁ ܛܠܝܬܐ ܐܠܐ ܕܡܟܐ ܗܝ |
| 008:053 | ܘܗܘܘ ܓܚܟ̈ܝܢ ܥܠܘܝ ܕܗܘܘ ܝܕܥ̈ܝܢ ܕܡܝܬ݁ܬ݁ |
| 008:054 | ܗܘ ܕܝ ܟܕ ܐܦܩ ܟܘܠ ܥܡ̈ܐ ܠܒܪ ܒܟܝܢ ܨܕ ܒܐܝܕܗ ܘܩܪܐ ܝܬܗ ܘܐܡܪ܃ ܛܠܝܬܐ ܩܘܡܝ |
| 008:055 | ܘܬ݁ܒܬ݁ ܪܘܚܗ ܘܩܡܬ݁ ܒܪ ܫܥܬ݁ܗ܃ ܘܦܩܕ ܕܝܬ݁ܝܗܒ ܠܗ ܕܬ݁ܝܟ̈ܘܠ |
| 008:056 | ܘܗܘܘ ܐܢܫܘܬ݁ܗ ܡܬܧ̈ܠܡܝܢ܃ ܘܗܘ ܦܩܕ ܝܬܗܘܢ ܕܠܐܢܫ ܠܐ ܝܐܡܘܪ̈ܘܢ ܡܐ ܕܐܬ݁ܥܒܕ |
| 009:001 | ܘܒܟܢ ܗܘ ܡܪܐ ܝܣܘܣ ܩܪܐ ܠܬܪ̈ܝܥܣܪܬܐ ܫ̈ܠܝܚܝܐ ܘܝܗܒ ܠܗܘܢ ܫܘܠܛܢܘ ܘܚܝܠ ܥܠ ܟܘܠ ܫ̈ܝܕܝܐ ܘܒܘ̈ܫܝܐ ܕܝܐܣ̈ܘܢ |
| 009:002 | ܘܫܠܚ ܝܬ݁ܗܘܢ ܕܝܟܪ̈ܙܘܢ ܡܠܟܘܬ݁ܗ ܕܐܠܗܐ ܘܝܐܣ̈ܘܢ ܒܘ̈ܫܝܐ |
| 009:003 | ܘܐܡܪ ܠܗܘܢ ܟܘܠ ܠܐ ܬܣ̈ܒܘܢ܃ ܠܐܘܪܚܐ ܠܐ ܚܘܛܪ܃ ܘܠܐ ܧ̈ܝܪ܃ ܘܠܐ ܠܚܡ܃ ܘܠܐ ܟܣܦ܃ ܘܠܐ ܬܪ̈ܝܢ ܚܠܘܩ̈ܝܢ ܝܗܘܢ ܠܟܘܢ |
| 009:004 | ܘܠܒܝܬܐ ܕܬ݁ܝܥܘܠ̈ܘܢ ܠܗ ܬܡܢ ܟܬܪ̈ܘ܃ ܘܡܢ ܬ݁ܡ݁ܢ ܗܘܘ ܢܦ̈ܩܝܢ |
| 009:005 | ܘܟܘܠ ܗ̈ܠܝܢ ܕܠܐ ܝܩ̈ܒܠܘܢ ܝܬ݁ܟܘܢ ܟܕ ܬܗܘܢ ܢܦ̈ܩܝܢ ܡܢ ܗܐܝ ܡܕܝܢܬܐ ܐܘܦ ܪܒܘܚܐ ܡܢ ܪ̈ܝܓܠܝܟܘܢ ܬ݁ܘܩ̈ܘ ܥܠܝܗܘܢ ܠܣܗܕܘ |
| 009:006 | ܟܕ ܕܝ ܢܦ̈ܩܘ ܗܘܘ ܚܓܠܝܢ ܒܟܘܠ ܩܘܪ̈ܝܐ ܡܒܣܪ̈ܝܢ ܘܡ̈ܐܣܝܢ ܒܟܘܠ ܐܬ݁ܪ |
| 009:028 | ܘܕܒܪ ܡܪܐ ܝܣܘܣ ܠܧ̈ܛܪܘܣ ܘܠܝܘܚܢܝܣ ܘܠܝܥܩܘܒܘܣ܃ ܘܣܠܩ ܠܛܘܪܐ ܕܝܨܠܐ |
| 009:029 | ܘܗܘܐ ܗܝܟ ܕܗܘ ܡܨܠܐ ܡܚܡܘܝܐ ܕܐܦ̈ܘܝ ܐܬ݁ܚܠܦ܃ ܘܠܒܘܫܗ ܐܬ݁ܥܒܕ ܚܘܪ ܡܒܪܩ |
| 009:030 | ܘܗܐ ܬ݁ܪ̈ܝܢ ܓܒܪ̈ܝܢ ܗܘܘ ܡܡ̈ܠܠܝܢ ܥܡܗ܃ ܘܗܢܘܢ ܗܘܘ ܡܘܫܐ ܘܐܠܝܐ |
| 009:031 | ܕܐܬ݁ܚܡ̈ܘ ܒܬ݁ܫܒܘܚܬܐ܃ ܘܗܘܘ ܐܡܪ̈ܝܢ ܥܠ ܡܦ̈ܘܩܝܬ݁ܗ ܗܕܐ ܕܗܘܐ ܥܬܝܕ ܕܝܡܠܐ ܒܝܪܘܫܠܝܡ |
| 009:032 | ܧ̈ܛܪܘܣ ܕܝ ܘܗ݀ܠܝܢ ܕܗܘܘ ܥܡܗ ܗܘܘ ܛܒ̈ܝܥܝܢ ܒܫܝܢܬܐ܃ ܟܕ ܕܝ ܐܬܥܝܪ̈ܘ ܚܡ̈ܘ ܬܫܒܚܬܗ ܘܠܬ݁ܪ̈ܝܢ ܓܒܪ{̈ܐ}<ܝN> ܕܩ̈ܐܡܝܢ ܥܡܗ |
| 009:033 | ܘܗܘܐ ܒܡܐ ܕܦܪ̈ܫܘ ܡܢܗ ܐܡܪ ܧ̈ܛܪܘܣ ܠܡܪܢ ܝܣܘܣ܃ ܪܒܝ ܛܒ ܠܢ ܕܢܗܐ݁ ܟܐ ܢܥܒܕ ܬ݁ܠܬ݁ ܡܛܠܝܢ܃ ܠܟ ܚܕܐ ܘܠܡܘܫܐ ܚܕܐ ܘܠܐܠܝܐ ܚܕܐ܃ ܕܠܐ ܝܕܥ ܡܐ ܗܘ ܐܡܪ܃ |
| 009:034 | ܗ݀ܠܝܢ ܕܝ ܟܕ ܗܘܐ ܐܡܪ܃ ܘܗܐ ܥܢܢܐ ܐܬ݁ܥܒܕ ܘܐܛܠ ܥܠܝܗܘܢ܃ ܕܚ̈ܠܘ ܕܝ ܟܕ ܥ̈ܠܘ ܗܠܝܟ ܠܥܢܢܐ |
| 009:035 | ܘܩܠܐ ܡܢ ܥܢܢܐ ܗܘܐ ܐܡܪ ܗܕܢ ܗܘ ܒܪܝ ܚܒܝܒܝ ܠܗ ܫܡ̈ܘܥܘ |
| 009:036 | ܘܒܡܐ ܕܗܘܐ ܗܕܢ ܩܠܐ ܐܫܬܟܚ ܡܪܐ ܝܣܘܣ ܒܠܚܘܕܘܝ܃ ܘܗܢܘܢ ܫܬܩ̈ܘ ܘܠܐܢܫ ܠܐ ܬ݁ܢ̈ܘ ܟܘܠܡ ܒܗܠܝܟ ܝܘ̈ܡܝܐ ܡܢ ܡ݁ܐ ܕܚ̈ܡܘ |
| 009:037 | ܘܗܘܐ ܠܝܘܡܐ ܚܘܪܢܐ ܕܒܬ݁ܪܟܢ ܟܕ ܢܚ̈ܬܘ ܡܢ ܛܘܪܐ܃ ܐܘܪܥ ܝܬܗܘܢ ܐܘܟܠܣܐ ܣܓܝ |
| 009:038 | ܘܗܐ ܚܕ ܓܒܪ ܡܢ ܓܘ ܐܘܟܠܣܐ ܨܘܚ ܘܐܡܪ܃ ܡܠܦܢܐ ܐܢܐ ܒܥܐ ܡܢܟ ܐܬ݁ܪܚܡ ܥܠ ܒܪܝ ܕܗܘ ܝܚܝܕܝ ܠܝ |
| 009:039 | ܘܗܐ ܪܘܚ ܢܣܒܐ ܠܗ ܘܡܢ ܫܠܝܐ ܗܘ ܡܨܘܚ ܘܗܝ ܪܡܝܐ ܠܗ ܘܗܘ ܡܪܥܬ݁ ܘܒܩܫܝܘܬܐ ܗܝ ܫܚܩܐ ܠܗ |
| 009:040 | ܘܒܥܝܬ݁ ܡܢ ܬܠ̈ܡܝܕܝܟ ܕܝܦܩ̈ܘܢ ܝܬ݁ܗ ܘܠܐ ܝܟܠ̈ܘ |
| 009:041 | ܘܐܓܝܒ ܡܪܐ ܝܣܘܣ ܘܐܡܪ ܐܘ ܕܪܐ ܕܠܐ ܡܗܝܡܢ ܘܡܗܦ̈ܟ܃ ܥܕ ܐܡܬ݁ܝ ܐܢܐ ܗܘܝ ܠܘܬ݁ܟܘܢ ܘܝܣܘܒܪ ܡܢܟܘܢ܃ ܩܪܒ ܠܟܐ ܒܪܟ |
| 009:042 | ܥܕ ܗܘ ܕܝ ܡܩܪܒ ܠܗ ܪܡܐ ܝܬܗ ܫܝܕܐ ܘܗܘܐ ܥܨܪ ܠܗ܃ ܘܙܥܦ ܡܪܐ ܝܣܘܣ ܒܪܘܚܐ ܛܦܫܬܐ ܘܐܣܝ ܛܠܝܐ ܘܝܗܒ ܝܬܗ ܠܐܒܘܝ܃ |
| 009:043 | ܘܗܘܘ ܡܬܡ̈ܗܝܢ ܟܘܠܗܘܢ ܥܠ ܪܒܘܬ݁ܗ ܕܐܠܗܐ |
| 009:057 | ܘܗܘܐ ܗܝܟ ܕܗܢܘܢ ܐܙ̈ܠܝܢ ܒܐܘܪܚܐ܃ ܐܡܪ ܠܗ ܚܕ ܝܬܐ ܒܬ݁ܪܟ ܠܗܢ ܕܐܬ ܐܙܠ ܡܪܐ |
| 009:058 | ܗܘ ܕܝ ܐܡܪ ܠܗ ܠܬܥ̈ܠܝܐ ܒܪ̈ܝܢ ܘܠܦܪ̈ܚܬܐ ܕܫܘܡܝܐ ܩ̈ܢܝܢ ܒܪܗ ܕܓܒܪܐ ܕܝ ܠܝܬ݁ ܠܗ ܗܢ ܕܝܪܟܢ ܪܝܫܗ |
| 009:059 | ܘܐܡܪ ܠܚܘܪܢ ܐܬܐ ܒܬ݁ܪܝ ܗܘ ܕܝ ܐܡܪ ܡܪܐ ܫܠܛ ܝܬܝ ܩܡܐܝ ܕܝܙܠ ܝܩܒܘܪ ܠܐܒܐ |
| 009:060 | ܘܐܡܪ ܠܗ ܡܪܐ ܝܣܘܣ ܫܒܩܘ ܡܝܬ̈ܝܐ ܩܒܪ̈ܝܢ ܡ̈ܝܬܝܗܘܢ܃ ܐܬ ܕܝ ܐܙܠ ܒܣܪ ܡܠܟܘܬܐ ܕܐܠܗܐ |
| 009:061 | ܘܐܡܪ ܠܗ ܚܘܪܢ ܝܐܬܐ ܒܬ݁ܪܟ ܡܪܐ܃ ܩܡܐܝ ܕܝ ܫܠܛ ܝܬ݁ܝ ܕܝܐܙܠ ܝܫܬܝܪ ܡܢ ܗܠܝܢ ܕܒܒܝܬܝ |
| 009:062 | ܐܡܪ ܠܗ ܕܝ ܡܪܐ ܝܣܘܣ ܠܝܬ ܐܢܫ ܪܡܝ ܐܝܕܗ ܥܠ ܦܕܢܐ ܘܡܣܬ݁ܟܠ ܠܚܘܪܝܐ ܘܡܫܘܝ ܠܡܠܟܘܬ݁ܗ ܕܐܠܗܐ |
| 010:001 | ܐܘܕܥ ܡܪܐ ܝܣܘܣ ܐܘܦ ܬܠ̈ܡܝܕܘܝ ܫܘܒܥܝܢ܃ ܘܫܠܚ ܝܬ݁ܗܘܢ ܬ݁ܪ̈ܝܢ ܬ݁ܪ̈ܝܢ ܩܘܕܡ ܐܦ̈ܘܝ܃ ܠܟܘܠ ܡܕܝܢܐ ܘܠܟܘܠ ܐܬ݁ܪ ܕܗܘܐ ܥܬܝܕ ܕܝܥܘܠ |
| 010:002 | ܘܗܘܐ ܐܡܪ ܠܗܘܢ ܚܨܕܐ ܡܢ ܣܓܝ܃ ܘܚܨܘ̈ܕܝܐ ܨܝܒܚܕ܃ ܒܥ̈ܘ ܡܢ ܡܪܗ ܕܚܨܕܐ ܕܝܦܩ ܦܥ̈ܠܝܢ ܠܚܨܕܗ |
| 010:003 | ܐܙ̈ܠܘ ܗ̈ܢܐ! ܡܫܠܚ ܝܬܟܘܢ ܗܝܟ ܐܡܪ̈ܝܢ ܒܝܢ ܕܝܒ̈ܝܢ |
| 010:004 | ܠܐ ܬܗܘܢ ܛܥ̈ܢܝܢ ܟܝܣ ܘܠܐ ܧ̈ܝܪ܃ ܘܠܐ ܫܘܘܐܝܢ܃ ܘܒܫܝܠܡܗ ܕܐܢܫ ܕܠܩܘܒܠ ܐܘܪܚܐ ܠܐ ܬ݁ܫܘܠܘܢ |
| 010:005 | ܘܟܘܠ ܒܐܝ ܕܬܥܘܠܘܢ ܠܗ ܩܡܐܝ ܗܘܘ ܐܡܪ̈ܝܢ ܫܝܠܡ ܠܗܕܝܢ ܒܝܬܐ |
| 010:006 | ܘܐܢ ܗܘܐ ܬ݁ܡܢ ܒܪ ܫܝܠܡ ܝܬ݁ܢܝܚ ܥܠܘܝ ܫܝܠܡܟܘܢ܃ ܘܐܢ ܕܝ ܠܐ ܫܝܠܡܟܘܢ ܠܘܬ݁ܟܘܢ ܝܬܘܒ |
| 010:007 | ܘܒܗ ܒܗ݀ܘ ܒܝܬܐ ܟܬܪ̈ܘ ܐܟ̈ܠܝܢ ܘܫ̈ܬܝܢ ܡܢ ܕܝܠܗܘܢ܃ ܫܘܐ ܗܘ ܓܪ ܦܥܠܐ ܒܐܓܪܗ܃ ܠܐ ܬܗܘܢ ܡܦܢ̈ܝܢ ܡܢ ܒܐܝ ܠܒܐܝ܃ |
| 010:008 | ܘܠܟܘܠ ܡܕܝܢܐ ܕܬܥܘܠܘܢ ܠܗ ܘܝܩ̈ܒܠܘܢ ܝܬ݁ܟܘܢ܃ ܗܘܘ ܐܟ̈ܠܝܢ ܡܐ ܕܡܬܣܝܡ ܩܘܕܡܝܟܘܢ܃ |
| 010:009 | ܘܗܘܘ ܡܐܣ̈ܝܢ ܒܐܝ̈ܫܝܐ ܕܒܓܘܗ܃ ܘܗܘܘ ܐܡܪ̈ܝܢ ܠܗܘܢ ܩܪܒܬ݁ ܥܠܝܟܘܢ ܡܠܟܘܬ݁ܗ ܕܐܠܗܐ |
| 010:010 | ܘܡܕܝܢܐ ܕܬܥܘܠܘܢ ܠܗ ܘܠܐ ܝܩ̈ܒܠܘܢ ܝܬܟܘܢ ܟܕ ܬܗܘܢ ܢܦ̈ܩܝܢ ܒܫܘܩܝܗ݀܃ ܐܡܪܘ |
| 010:011 | ܕܐܘܦ ܪܒܘܚܐ ܕܕܒܩ ܒܪ̈ܝܓܠܝܢܗ ܡܢ ܡܕܝܢܬܟܘܢ ܐܢܢ ܡܟܦܪ̈ܝܢ ܠܟܘܢ܃ ܒܪܢ ܕܝ ܗܕܐ ܗܘܘ ܝ̈ܕܥܝܢ ܕܩܪܒܬ݁ ܥܠܝܟܘܢ ܡܠܟܘܬܗ ܕܐܠܗܐ |
| 010:012 | ܐܡܪ ܐܢܐ ܠܟܘܢ ܕܝ ܕܠܣܘܕܘܡ ܒܗܘ ܝܘܡܐ ܝܗܐ ܢܝܚ ܐܐ݁ ܓܪ ܠܗܐܝ ܡܕܝܢܬܐ |
| 010:016 | ܡܢ ܕܫܡܥ ܠܟܘܢ ܠܝ ܗܘ ܫܡܥ{ܝ}܃ ܘܡܢ ܕܥܨܐ ܠܟܘܢ ܠܝ ܗܘ ܥܨܐ܃ ܘܕܢ ܕܥܨܐ ܠܝ ܥܨܐ ܠܕܢ ܕܫܠܚ ܝܬ݁ܝ܃ ܘܡ݁ܢ ܕܫܡܥ ܠܝ ܫܡܥ ܠܕܢ ܕܫܠܚ ܝܬܝ܃ |
| 010:017 | ܘܬ̈ܒܘ ܝܬܗܘܢ ܫܘܒܥܝܬ݁ܝܐ ܒܚܕܘܐ ܐܡܪ̈ܝܢ ܡܪܐ ܐܘܦ ܫ̈ܝܕܝܐ ܡܫܬ̈ܥܒܕܝܢ ܠܢ ܒܫܝܡܟ |
| 010:018 | ܘܐܡܪ ܠܗܘܢ ܚܡܐ ܗܘܝܬ݁ ܠܣܛܢܐ ܕܢܦܠ ܗܝܟ ܡ݁ܐ ܕܒܪܩܐ ܡܢ ܫܘܡܝܐ |
| 010:019 | ܗܐ ܕܝܗܒܬ݁ ܠܟܘܢ ܚܝܠ ܘܫܘܠܛܢܘ ܕܬܕܘܫܘܢ ܠܥܠ ܡܢ ܚܘܘܬܐ ܘܥܩܪ̈ܒܝܐ܃ ܟܘܠ ܚܝܠܗ ܕܒܥܠܕܒܒܐ ܘܟܘܠܡ ܠܐ ܝܟܐ ܝܬ݁ܟܘܢ܃ |
| 010:020 | ܒܪܢ ܕܝ ܒܗܕܐ ܠܐ ܬ̈ܚܕܘܢ܃ ܕܪ̈ܘܚܬܐ ܡܫܬܥܒ̈ܕܢ ܠܟܘܢ܃ ܚܕܘ ܕܝ ܕܗܐ ܫܝܡܗ̈ܬ݁ܟܘܢ ܟܬ݁ܝܒ̈ܝܢ ܒܓܘ ܫܘܡܝܐ |
| 010:021 | ܘܒܗ ܒܫܥܬܐ ܐܬ݁ܚܕܝ ܡܪܐ ܝܣܘܣ ܒܪܘܚܐ ܕܩܘܕܫܐ ܘܐܡܪ܃ ܡܫܬܘܕܐ ܐܢܐ ܠܟ ܐܒܐ ܡܪܐ ܕܫܡܝܐ ܘܕܐܪܥܐ ܕܛܡܪܬ݁ ܗ̈ܠܝܢ ܡܢ ܚܟܝܡ̈ܝܢ ܘܡܢ ܡܒܘ̈ܢܢܝܢ܃ ܘܓܠܝܬ ܐܢܝ̈ܢ ܠܝ̈ܠܘܕܐ܃ ܐܢ ܐܒܐ ܕܟܕܢ ܐܬ݁ܥܒܕ ܨܒܝܘܢܐ ܩܘܕܡܟ |
| 010:019 | ܗܐ ܝܗܒܬ݁ ܠܟܘܢ ܚܝܠ ܘܫܘܠܛܢܘ ܕܬܕܘ̈ܫܘܢ ܠܥܠ ܡܢ ܚܘ̈ܘܬܐ ܘܥܩܪ̈ܒܝܐ܃ ܘܥܠ ܟܘܠ ܚܝܠܗ ܕܒܥܠܕܒܒܐ܃ ܘܟܘܠܡ ܠܐ ܝܟܐ ܝܬ݁ܟܘܢ܃ |
| 010:020 | ܒܪܢ ܕܝ ܒܗܕܐ ܠܐ ܬܚ̈ܕܘܢ܃ ܕܪ̈ܘܚܬܐ ܡܫܬܥܒ̈ܕܢ ܠܟܘܢ܃ ܚ̈ܕܘ ܕܝ ܕܗܐ ܫܝܡ̈ܗܬ݁ܟܘܢ ܟܬ݁ܝܒܝܢ ܒܓܘ ܫܘܡܝܐ |
| 010:021 | ܘܒܗ݀ ܒܫܥܬܐ ܐܬ݁ܚܕܝ ܡܪܐ ܝܣܘܣ ܒܪܘܚܐ ܕܩܘܕܫܐ ܘܐܡܪ܃ ܡܫܬܘܕܐ ܐܢܐ ܠܟ ܐܒܐ ܡܪܐ ܕܫܘܡܝܐ ܘܕܐܪܥܐ ܕܛܡܪܬ݁ ܗ̈ܠܝܢ ܡܢ ܚܟܝܡ̈ܝܢ ܘܡܢ ܡܒܘܢ̈ܢܝܢ܃ ܘܓܠܝܬ ܝܬܗܘܢ ܠܛ̈ܠܝܝ܃ ܐܝܢ ܐܒܐ ܕܟܕܢ ܐܬ݁ܥܒܕ ܨܝܒܝܘܢܐ ܩܘܕܡܟ |
| 010:025 | ܘܗܐ ܚܕ ܣܦܪ ܩܡ ܡܢܣܝ ܠܗ ܘܐܡܪ܃ ܡܠܦܢܐ ܡܐ ܝܥܒܕ ܕܚܝ̈ܝܢ ܕܠܥܠܡ ܝܪܘܬ݁ |
| 010:026 | ܗܘ ܕܝ ܐܡܪ ܠܘܬ݁ܗ܃ ܒܢܝܡܘܣܐ ܡ݁ܐ ܟܬ݁ܝܒ ܗܝܟ ܐܬ ܩܪܐ܃ |
| 010:027 | ܘܐܓܝܒ ܘܐܡܪ܃ ܕܬ݁ܚܒ ܠܡܪܝܐ ܐܠܗܟ ܡܢ ܟܘܠܗ݀ ܢܦܫܟ ܘܡܢ ܟܘܠܗ ܠܒܟ ܘܡܢ ܟܘܠܗ ܚܝܠܟ܃ ܘܡܢ ܟܘܠܗ݀ ܚܫܒܬ݁ܟ܃ ܘܠܩܪܝܒܟ ܗܝܟ ܕܠܓܪܡܟ |
| 010:028 | ܘܐܡܪ ܠܗ ܫܘܝܐܝܬ݁ ܐܓܝܒܬ܃ ܗܕܐ ܗܘܝ ܥܒܕ ܘܐܬ ܚܝܐ |
| 010:029 | ܗܘ ܕܝ ܨܒܐ ܕܝܨܕܩ ܓܪܡܗ ܘܐܡܪ ܠܡܪܐ ܝܣܘܣ ܘܡ݁ܢ ܗܘ ܩܪܝܒܝ |
| 010:030 | ܘܢܣܒ ܡܪܐ ܝܣܘܣ ܘܐܡܪ ܠܗ܃ ܒܪܢܫܐ ܚܕ ܗܘܐ ܢܚܬ݁ ܡܢ ܝܪܘܫܠܡ ܠܝܪܝܚܘ܃ ܘܢܦܩ̈ܘ ܥܠܘܗܝ ܠܣ̈ܛܝܐ܃ ܘܗܢܘܢ ܚܠܫ̈ܘ ܝܬ݁ܗ ܘܡ̈ܚܘ ܝܬ݁ܗ܃ ܘܐܙܠܘ ܠܗܘܢ ܘܫܒܩܘ ܝܬܗ ܒܝܢ ܚܐܝ ܠܒܝܢ ܡܝܬ݁ |
| 010:031 | ܘܡܛܐ ܠܟܗܢ ܚܕ ܗܘܐ ܢܚܬ݁ ܒܝܬ݁ܗ݀ ܐܘܪܚܐ܃ ܘܚܡܐ ܝܬ݁ܗ ܘܥܒܪܗ܃ |
| 010:032 | ܟܢ ܕܝ ܘܟܘܬ݁ ܐܘܦ ܠܝܘܝܐ ܐܬܐ ܠܝܬ݁ܗ ܐܬ݁ܪܐ ܘܚܡܐ ܝܬ݁ܗ ܘܥܒܪܗ |
| 010:033 | ܚܕ ܕܝ ܫܡܪܐܝ ܗܘܐ ܥܒܪ ܒܝܬܗ݀ ܐܘܪܚܐ܃ ܘܐܬܐ ܥܠܘܝ ܘܚܡܐ ܝܬ݁ܗ ܘܐܬ݁ܪܚܡ ܥܠܘܝ |
| 010:034 | ܘܩܪܒ ܥܨܒ ܡ̈ܚܘܬ݁ܗ ܘܝܗܒ ܥܠܝܗ̈ܝܢ ܡܝܫܚ ܘܚܡܪ ܘܐܪܟܒ ܝܬܗ ܥܠ ܚܡܪ ܘܐܝܬܝ ܝܬܗ ܠܦܘܢܕܩܐ ܘܝܨܦ ܠܗ |
| 010:035 | ܘܠܝܘܡܐ ܚܘܪܢܐ ܐܦܩ ܬܪ̈ܝܢ ܕܝܢܪ̈ܝܢ ܘܝܗܒ ܠܧܘܢܕܩܝܐ ܘܐܡܪ ܝܨܘܦ ܠܗ ܘܒܡܐ ܕܐܢܐ ܬܐܒ ܐܬܐ ܟܘܠ ܡܐ ܕܐܬ ܡܦܩ ܥܠܘܝ ܡܘܬ݁ܪ ܐܢܐ ܓܙܐ ܠܟ |
| 010:036 | ܡ݁ܢ ܐܘܢ ܡܢ ܗܠܝܟ ܬ݁ܠ̈ܬܝܐ ܗܢܐ ܠܟ ܕܝܗܐ ܩܪܝܒܗ ܕܕܢ ܕܢ̈ܦܠܘ ܥܠܘܝ ܠܝܣ̈ܛܝܐ |
| 010:037 | ܗܘ ܕܝ ܐܡܪ ܕܝܢ ܕܥܒܕ ܥܠܘܝ ܪ̈ܚܡܝܢ܃ ܘܐܡܪ ܠܗ ܡܪܐ ܝܣܘܣ ܐܙܠ ܐܘܦ ܐܬ ܗܘܝ ܥܒܕ ܟܢ |
| 010:038 | ܘܗܘܐ ܗܝܟ ܕܗܘ ܡܪܐ ܝܣܘܣ ܐܙܠ ܘܗܘ ܥܠ ܠܚܕܐ ܩܪܝܐ܃ ܘܐܬܐ ܚܕܐ ܕܫܝܡܗ݀ ܡܪܬܐ ܩܒܠܬ݁ ܝܬ݁ܗ ܒܒܝܬܗ݀ |
| 010:039 | ܘܠܗܕܐ ܗܘܬ݁ ܠܗ݀ ܐܚܐ ܡܬ݁ܩܪܝܐ ܡܪܝܐܡ܃ ܗܕܐ ܕܝ ܐܬ݁ܝܬܒܬ݁ ܠܗ݀ ܗܢ ܕܪ̈ܝܓܠܘ ܕܡܪܐ ܝܣܘܣ ܘܗܘܬ݁ ܫܡܥܐ ܡܠܬ݁ܗ |
| 010:040 | ܡܪܬܐ ܕܝ ܗܘܬ݁ ܡܫܦܛܐ ܠܛܒ ܣܓܝ ܬܫܡܝܫ܃ ܩܡܬ݁ ܕܝ ܡܪܬܐ ܘܐܡܪܬ݁ ܡܪܝ ܠܐ ܟܦܠ ܠܟ ܕܚܬ݁ܝ ܫܒܩܬ݁ ܝܬܝ ܒܠܚܘܕܐܝ ܡܫܡܫܐ܃ ܐܡܘܪ ܠܗ ܐܢ ܕܬ݁ܣܝܥ ܝܬܝ |
| 010:041 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗ݀ ܡܪܬܐ ܡܪܬܐ܃ ܣܓܝ ܐܬܝ ܝܨܦܐ ܘܡܫܦܛܐ ܘܨܝܒܚܕ ܗܘ ܨܘܪܟܐ |
| 010:042 | ܡܪܝܐܡ ܕܝ ܡܢܬܐ ܛܒܬܐ ܒܚܪܬ݁ ܠܗ݀ ܗܕܐ ܕܠܐ ܡܬ݁ܢܣܒܐ ܡܢܗ |
| 011:027 | ܘܗܘܐ ܗܝܟ ܕܗܘ ܐܡܪ ܗ̈ܠܝܢ܃ ܬ݁ܠܬ݁ ܚܕܐ ܐܬܐ ܩܠܗ݀ ܡܢ ܓܘ ܐܘܟܠܣܐ ܘܐܡܪܐ ܠܗ ܠܡܪܐ ܝܣܘܣ܃ ܛܘܒܝܗ݀ ܟܪܣܐ ܕܛܥܢܬ݁ ܝܬ݁ܟ܃ ܘܒ̈ܝܙܝܐ ܕܐܝܢܩ̈ܘ ܝܬ݁ܟ |
| 011:028 | ܘܗܘ ܐܡܪ ܛܘܒܝ̈ܗܘܢ ܠܗ̈ܠܝܢ ܕܫܡ̈ܥܝܢ ܡܠܬ݁ܗ ܕܐܠܗܐ ܘܢܛܪ̈ܝܢ |
| 011:029 | ܘܟܕ ܗܘܘ ܐܘܟܠܘܣ̈ܐ ܡ̈ܟܢܝܫܝܢ ܫܪܝ ܡܪܐ ܝܣܘܣ ܐܡܪ ܗܕܢ ܕܪܐ ܕܪ ܒܝܫ ܐܝܬ݁ ܗܘ܃ ܐܬ݁ ܒܥܐ ܘܐܬ ܠܐ ܡܬ݁ܝܗܒ ܠܗ ܐܠܐ ܐܬ݁ܗ ܕܝܘܢܣ |
| 011:030 | ܗܝܟ ܡܐ ܓܪ ܕܗܘܐ ܝܘܢܣ ܐܬܐ ܠܢܝܢ̈ܘܝ܃ ܗܟܕܢ ܝܗܐ ܒܪܗ ܕܓܒܪܐ ܐܬ ܠܗܕܢ ܕܪܐ |
| 011:031 | ܡܠܟܬܐ ܕܬ݁ܝܡܢܐ ܬܩܘܡ ܒܕܝܢܐ ܥܡ ܓܒܪ̈ܘܝ ܕܗܕܢ ܕܪܐ ܘܬܚܝܒ ܝܬܗܘܢ܃ ܕܐܬ݁ܬ݁ ܡܢ ܣܝܦ̈ܝܗ݀ ܕܐܪܥܐ ܕܬܫܡܘܥ ܚܟܡܬ݁ܗ ܕܫܘܠܝܡܘܢ܃ ܘܗܐ ܡܝܬܪ ܡܢ ܫܘܠܝܡܘܢ ܟܐ |
| 011:032 | ܓܒܪ̈ܝܐ ܕܢܝܢܘܐ ܝܩܘܡ̈ܘܢ ܒܕܝܢܐ ܥܡ ܗܕܝܢ ܕܪܐ ܘܝܚܝ̈ܒܘܢ ܝܬܗ܃ ܠܒܕܝܠ ܕܬ݁ܗ̈ܘ ܒܐܟܪܙܘܬ݁ܗ ܕܝܘܢܣ܃ ܘܗܐ ܡܝܬܪ ܡܢ ܝܘܢܣ ܟܐ |
| 011:033 | ܠܝܬ݁ ܐܢܫ ܡܕܠܩ ܒܘܨܝܢ ܘܝܗܒ ܠܗ ܒܡܛܡܘܪܝ ܘܠܐ ܬ݁ܚܘܬ݁ ܡܘܕܝܐ܃ ܐܠܐ ܥܠ ܡܢܪܬܐ ܕܗ̈ܠܝܢ ܥ̈ܠܝܢ ܝܚ̈ܡܘܢ ܢܗܘܪ |
| 012:002 | ܠܝܬ݁ ܟܘܠܡ ܟܣܐ ܕܠܐ ܝܬ݁ܓܠܐ܃ ܘܠܐ ܛܡܝܪ ܕܠܐ ܝܬ݁ܝܕܥ |
| 012:003 | ܚܘܠܦ ܡ݁ܐ ܕܒܩܒܠܐ ܐܡܪ̈ܬܘܢ ܒܢܗܘܪܐ ܗܘ ܝܫܬܡܥ܃ ܘܡܐ ܕܠܐܢܫܐ ܡ̈ܠܠܬܘܢ ܒܬܘܢ̈ܝܐ ܘܥܠ ܐܓܪ̈ܝܐ ܐܬ݁ܟܪܙ ܘܒܓܘ ܫܘܩ̈ܝܐ |
| 012:004 | ܐܡܪ ܐܢܐ ܠܟܘܢ ܕܝ ܠܪ̈ܚܡܐܝ ܠܐ ܬܕܚ̈ܘܠܘܢ ܡܢ ܗ̈ܠܝܢ ܕܩ̈ܛܠܝܢ ܦܘܓܪܐ ܘܒܬ݁ܪܟܢ ܠܝܬ݁ ܠܗܘܢ ܟܘܠܡ ܝܬܪ ܕܝܥܒ̈ܕܘܢ |
| 012:005 | ܡܘܕܥ ܐܢܐ ܠܟܘܢ ܕܝ ܡܢ ܡܢ ܬܕܚܘܠܘܢ܃ ܕܚ̈ܘܠܘ ܡܢ ܗܢ ܕܒܬ݁ܪ ܕܗܘ ܩܛܠ ܐܝܬ݁ ܠܗ ܫܘܠܛܢܘ ܕܝܪܡܐ ܒܓܗܢܐ܃ ܐܝܢ ܐܡܪ ܐܢܐ ܠܟܘܢ ܡܢ ܗܕܝܢ ܕܚ̈ܘܠܘ |
| 012:006 | ܠܐ ܚܡܝܫ ܨܦܪ̈ܝܢ ܡܙܕܒ̈ܢܢ ܒܬ݁ܪ̈ܝܢ ܐܣܪ̈ܝܢ܃ ܘܚܕܐ ܡܢܗܝܢ ܠܐ ܛܥܝܐ ܩܘܕܡ ܐܠܗܐ |
| 012:007 | ܐܠܐ ܐܘܦ ܙܡܝܐ ܕܪ̈ܫܝܟܘܢ ܟܘܠܗ̈ܘܢ ܡܢܝܐܢ ܗܢ̈ܝܢ܃ ܠܐ ܬܕܚ̈ܘܠܘܢ ܡܢ ܣ̈ܓܝ ܨܦܪ̈ܝܢ ܐܬܘܢ ܡܝܬܪ̈ܝܢ |
| 012:008 | ܐܡܪ ܐܢܐ ܠܟܘܢ ܕܝ ܕܟܘܠ ܡ݁ܢ ܕܝܘܕܐ ܒܝ ܩܘܕܡ ܒܢܝܢܫ̈ܐ ܐܘܦ ܒܪܗ ܕܓܒܪܐ ܝܘܕܐ ܒܗ ܩܘܕܡ ܡ̈ܠܐܟܘܝ ܕܐܠܗܐ |
| 012:009 | ܘܡ݁ܢ ܕܝܟܦܘܪ ܒܝ ܩܘܕܡ ܒܢ̈ܝܢܫܐ ܝܟܦܘܪ ܒܗ ܐܘܦ ܐܢܐ ܩܘܕܡ ܡ̈ܠܐܟܘ ܕܐܠܗܐ |
| 012:010 | ܘܟܠ ܡ݁ܢ ܕܝܐܡܘܪ ܡܠܐ ܥܠ ܒܪܗ ܕܓܒܪܐ ܝܫܬܒܩ ܠܗ܃ ܘܡ݁ܢ ܕܝ ܕܝܓܕܦ ܥܠ ܪܘܚܐ ܕܩܘܕܫܐ ܠܐ ܝܫܬܒܩ ܠܗ |
| 012:011 | ܟܕ ܕܝ ܝܗ̈ܘܢ ܡܩܪ̈ܒܝܢ ܠܟܘܢ ܠܟܢܘܫܝܐ ܘܠܩܘܕܡ ܪ̈ܫܘܐܬܐ ܘܫܘܠܛܢܘܬܐ ܠܐ ܬܝܨܘܦܘܢ ܗܝܟ ܐܐ݁ ܡ݁ܐ ܬܬ݁ܠܘܢ ܐܦ̈ܘܠܘܓܝܐ܃ ܐܐ݁ ܡܐ ܬܝܡܘܪ̈ܘܢ |
| 012:012 | ܪܘܚܐ ܕܩܘܕܫܐ ܓܪ ܬ݁ܠܦ ܝܬ݁ܟܘܢ ܒܝܬ݁ܗ݀ ܫܥܬܐ ܡܐ ܕܛܟܣܐ ܕܬ݁ܝܡܘܪ̈ܘܢ |
| 012:016 | ܒܪܢܫ ܚܕ ܗܘܐ ܥܬܝܪ ܘܐܨܠܚܬ݁ ܠܗ ܐܪܥܗ ܘܐܥܠܬ݁ ܠܗ ܥ̈ܠܠܬܐ ܣܓܝܐܬ̈ܐ |
| 012:017 | ܘܗܘܐ ܡܬ݁ܚܫܒ ܒܓܪܡܗ ܐܡܪ ܡ݁ܐ ܝܥܒܕ ܕܠܝܬ݁ ܠܝ ܗܢ ܕܝܟܢܫ ܦܝܪ̈ܐܝ |
| 012:018 | ܘܐܡܪ ܗܕܐ ܐܢܐ ܥܒܕ܃ ܣܬ݁ܪ ܐܢܐ ܐܘܨܪ̈ܐܝ ܘܒܢܐ ܝܬ݁ܗܘܢ ܪ̈ܒܪܒܝܢ܃ ܘܠܬܡ݁ܢ ܝܟܢܫ ܟܘܠ ܚܛ̈ܐܝ ܘܛܒ̈ܬ݁ܝ |
| 012:019 | ܘܐܢܐ ܐܡܪ ܠܢܦܫܝ ܢܦܫܝ ܗܐ ܠܟܝ ܣܓܝ ܛܒ̈ܢ ܡܣ̈ܡܢ ܠܣܓܝ ܫ̈ܝܢܝܢ܃ ܐܬܢܝܚܝ ܘܐܟܘܠܝ ܘܐܫܬܐܝ ܘܒܣܘܡܝ |
| 012:020 | ܘܐܡܪ ܠܗ ܐܠܗܐ ܦܟܗܐ ܒܗܕܢ ܠܝܠܝܐ ܢܓܕܝܢ ܢܦܫܟ ܡܢܟ ܗ݀ܠܝܢ ܕܝ ܥܬܕܬ ܠܡ݁ܢ ܗܘ̈ܝܐܢ |
| 012:021 | ܗܟܕܝܢ ܗܘ ܟܘܠ ܡ݁ܢ ܕܐܨܪ ܠܗ ܘܠܐ ܥܬ݁ܪ ܒܐܠܗܐ ܘܟܕ ܐܡܪ ܗܠܝܢ ܩܥܐ ܘܐܡܪ ܡ݁ܢ ܕܐܝܬ݁ ܠܗ ܐܕܢ̈ܐ ܕܝܫܡܘܥ ܝܫܡܘܥ |
| 012:032 | ܠܐ ܬ݁ܕܚܘܠܝܢ ܡܪܥܝܬܐ ܙܥܘܪܬܐ ܕܨܒܐ ܐܒܘܟܘܢ ܕܝܬܠ ܠܟܘܢ ܡܠܟܘܬܐ܃ |
| 012:033 | ܙܒܢ̈ܘ ܩܢܝ̈ܢܝܟܘܢ ܘܗܒ̈ܘ ܨܕܩܐ܃ ܥܒ̈ܕܘ ܠܟܘܢ ܟܝܣ̈ܢ ܕܠܐ ܒ̈ܠܝܢ܃ ܣܝܡܐ ܕܠܐ ܣܐܦܐ ܒܓܘ ܫܘܡܝܐ܃ ܗܢ ܕܓܢܒ̈<ܝ>ܐ ܠܐ ܩܪ̈ܒܝܢ ܘ̈ܣܣ<ܝ>ܐ ܠܐ ܣ̈ܪܚܝܢ |
| 012:034 | ܗܢ ܓܪ ܕܗܘܝܐ ܣܝܡܬ݁ܟܘܢ ܬ݁ܡܢ ܗܘܐ ܐܘܦ ܠܒܟܘܢ |
| 012:035 | ܝܗ̈ܘܢ ܚܪ̈ܨܝܟܘܢ ܐܣܝܪܝܢ ܘܒܘܨܝܢ̈ܝܟܘܢ ܕܠ̈ܩܝܢ |
| 012:036 | ܘܐܬܘܢ ܗ̈ܘܝܢ ܗܝܟ ܐܢܫ̈ܝܢ ܕܡ̈ܣܟܝܢ ܠܡܪܗܘܢ ܐܡܬ݁ܝ ܝܬܘܒ ܝܐܬܐ ܡܢ ܡܫܬܘܬܐ܃ ܕܟܕ ܝܐܬܐ ܘܝܪܬ݁ܩ ܫܘܝ ܝܦܬ݁ܘܚܘܢ ܠܗ |
| 012:037 | ܛܘܒ̈ܝܗܘܢ ܥܒ̈ܕܝܐ ܗܠܝ̈ܟ ܒܡܐ ܕܝܐܬܐ ܡܪܗܘܢ ܝܫܟܚ ܝܬ݁ܗܘܢ ܥܝܪ̈ܝܢ܃ ܐܡܝܢ ܐܡܪ ܐܢܐ ܠܟܘܢ ܕܗܘ ܐܣܪ ܚܪ̈ܨܘܝ ܘܡܪܒܥ ܝܬ݁ܗܘܢ ܘܝܥܒܘܪ ܘܝܫܡܫ ܝܬ݁ܗܘܢ |
| 012:038 | ܐܘܦ ܐܢ ܝܐܬܐ ܡܛܪܬܐ ܬܪ̈ܝܢܝܬܐ ܘܒܬܠܝܬ݁ܝܬܐ ܘܝܫܟܚ ܝܬ݁ܗܘܢ ܗܟܕܢ ܛܘܒܝܗ̈ܘܢ ܠܗܠܝ̈ܟ ܥܒ̈ܕܝܐ |
| 012:039 | ܗܕܐ ܕܝ ܗܘܘ ܝܕܥ̈ܝܢ ܕܐܠܘ ܗܘܐ ܝܕܥ ܡܪܗ ܕܒܝܬܐ ܒܗܝܕܐ ܫܥܐ ܓܢܦܐ ܐܬܐ ܐܝܬ݁ ܗܘܐ ܥܝܪ܃ ܘܠܐ ܗܘܐ ܫܒܩ ܒܝܬܗ ܕܝܬ݁ܚܬ݁ܪ |
| 012:040 | ܐܘܦ ܐܬܘܢ ܗܘܘ ܥܬܝܕܝܢ ܕܒܫܥܬܐ ܕܠܝܬ݁ ܐܬܘܢ ܡܣ̈ܟܝܢ ܒܪܗ ܕܓܒܪܐ ܐܬܐ |
| 013:011 | ܘܗܐ ܐܬܐ ܚܕܐ ܕܗܘܐ ܠܗ ܪܘܚ ܕܒܘܫ ܬܡܢܝܥܣܪ ܫ̈ܝܢܝܢ܃ ܗܘܬ ܓܒܝܚܐ ܘܠܐ ܗܘܬ ܝܟܠܐ ܕܬܪܡܐ ܠܥܠ ܗܘܠܣ |
| 013:012 | ܟܕ ܕܝ ܚܡܐ ܝܬ݁ܗ ܡܪܐ ܝܣܘܣ ܐܓܝܒ ܘܐܡܪ ܠܗ ܐܬܬܐ ܗܐ ܐܬ ܦܢܝܐ ܡܢ ܒܘܫܝܟܝ |
| 013:013 | ܘܐܣܝܡ ܥܠܗ ܐܝܕܘ̈ܝ ܘܒܪܫܥܬ݁ܗ ܐܙܕܩܦܬ݁ ܘܗܘܬ݁ ܡܫܒܚܐ ܠܐܠܗܐ |
| 013:014 | ܘܐܓܝܒ ܪܝܫ ܟܢܝܫܬܐ ܚܡܝܬ݁ ܕܒܫܘܒܬܐ ܐܣܝ ܡܪܐ ܝܣܘܣ܃ ܘܐܡܪ ܠܐܘܟ̈ܠܘܣܝܐ ܫܝ̈ܬܐ ܝܘ̈ܡܝܢ ܗܢܘܢ ܕܒܗܘܢ ܛܟܣܐ ܕܢܗܝ ܥ̈ܡܠܝܢ܃ ܒܗܘܢ ܐܘܢ ܗܘܘ ܐܬ݁ܪ̈ܝܢ ܘܡܬ̈ܐܣܝܢ܃ ܘܠܐ ܒܝܘܡܐ ܕܫܘܒܬܐ |
| 013:015 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗ܃ ܫܩܪܝܐ ܟܘܠ ܐܢܫ ܡܢܟܘܢ ܠܐ ܫܪܐ ܬܘܪܗ ܐܐ݁ ܚܡܪܗ ܡܢ ܐܘܪܝܐ ܒܫܘܒܬܐ ܘܐܙܠ ܡܫܩܐ ܠܗ |
| 013:016 | ܘܗܕܐ ܕܝ ܕܗܝ ܒܪܬܗ ܐܒܪܗM ܕܐܣܪܗ݀ ܣܛܢܐ ܗܐ ܬܡ̈ܢܝܥܣܪ̈ܐ݁ ܫ̈ܝܢܝܢ܃ ܠܐ ܗܘܐ ܛܟܣܐ ܕܬ݁ܫܬܪܝ ܡܢ ܗܕܝܢ ܐܣܪܐ ܒܝܘܡܐ ܕܫܘܒܬܐ |
| 013:017 | ܘܗ݀ܠܝܢ ܗܘܐ ܐܡܪ܃ ܘܗܘܘ ܒܗ̈ܬܝܢ ܡܢܗ ܟܘܠ ܗܠܝܢ ܕܗܘܘ ܩ̈ܐܡܝܢ ܠܩܘܒܠܗ܃ ܘܟܘܠ ܐܘܟܠܣܐ ܗܘܐ ܚܕܐ ܥܠ ܟܘܠ ܬܫܒ̈ܚܬܐ ܕܗ̈ܘܝ ܡܬ݁ܥܒ̈ܕܢ |
| 013:018 | ܠܡ݁ܢ ܗܝ ܕܡܝܐ ܡܠܟܘܬ݁ܗ ܕܐܠܗܐ ܘܠܡܝܢ ܝܕܡܐ ܝܬ݁ܗ |
| 013:019 | ܕܡܝܐ ܗܝ ܠܦܪܛܐ ܕܚܪܕܠ ܢܣܒ ܒܪܢܫ ܪܡܐ ܝܬ݁ܗ ܒܓܢܬ݁ܗ ܘܫܒ{ܐ}<ܚ>ܬ݁ ܘܐܬ݁ܥܒܕܬ݁ ܐܝܠܢ ܘܦܪܚܬܐ ܕܫܘܡܝܐ ܐܛܠܬ݁ ܒܥܢܦܬ݁ܗ |
| 013:020 | ܘܬܘܒܢ ܗܘܐ ܐܡܪ܃ ܠܡ݁ܢ ܝܕܡܐ ܡܠܟܘܬ݁ܗ ܕܐܠܗܐ܃ |
| 013:021 | ܕܡܝܐ ܗܝ ܠܚܡܝܪ ܕܢ ܕܢܣܒܬ݁ ܐܬܐ ܘܛܡܪܬ݁ ܝܬ݁ܗ ܒܬܠܬ݁ ܣܘܐܢ ܕܩܡܚ܃ ܥܕܡܐ ܕܝ ܕܚܡܥ ܟܘܠܗ |
| 013:022 | ܘܗܘܐ ܐܙܠ ܒܟܘܠ ܡܕܝܢ̈ܢ ܘܩܘܪ̈ܝܐ ܡܠܦ܃ ܘܒܡܝܙܠܗ ܗܘܐ ܥܒܪ ܠܝܪܘܫܠܝܡ܃ |
| 013:023 | ܘܐܡܪ ܠܗ ܚܕ ܐܢܫ ܡܪܝ ܐܢ ܨܝܒܚܕ ܗܢܘܢ ܗ̈ܠܝܢ ܕܡܫ̈ܬܘܙܒܝܢ܃ ܘܗܘ ܐܡܪ ܠܗܘܢ |
| 013:024 | ܐܬ̈ܟܬܫܘ ܕܬ݁ܥ̈ܘܠܘܢ ܒܬܪܥܐ ܠܚܨܢܐ ܕܣ̈ܓܝ ܝܒܥ̈ܘܢ ܕܝܥ̈ܘܠܘܢ ܘܠܐ ܝ̈ܟܘܠܘܢ |
| 013:025 | ܕܝܩܘܡ ܡܪܗ ܕܒܝܬܐ ܘܝܚܘܕ ܬܪܥܐ ܘܬܫܪ̈ܘܢ ܩ̈ܐܡܝܢ ܠܒܪ ܡܩ̈ܫܝܢ ܘܐܡܪ̈ܝܢ܃ ܡܪܝܐ ܡܪܝܐ ܦܬ݁ܘܚ ܠܢ܃ ܘܗܘ ܡܓܝܒ ܘܐܡܪ ܠܟܘܢ܃ ܠܝܬ݁ ܐܢܐ ܡܟܪ ܠܟܘܢ ܡܢ ܗܢ ܐܬܘܢ |
| 013:026 | ܘܒܟܝܢ ܬܫܪ̈ܘܢ ܐܡܪ̈ܝܢ ܐܟ̈ܠܝܢ ܩܘܕܡܝܟ ܘܫܬܝܢܗ܃ ܘܒܓܘ ܫܘܩ̈ܝܢܗ ܐܠܦܬ |
| 013:027 | ܘܗܘ ܐܡܪ ܐܡܝܢ ܐܡܪܢܐ ܠܟܘܢ ܕܠܝܬ݁ ܐܢܐ ܡܟܪ ܠܟܘܢ ܡܢ ܗܢ ܐܬܘܢ܃ ܪ̈ܚܘܩܘ ܡܢܝ ܟܘܠܟܘܢ ܓܪ ܦܥ̈ܠܝܢ ܒܛܘܠܘܡܝ |
| 013:028 | ܬ݁ܡ݁ܢ ܝܗܐ ܒܘܟܝܐ ܘܚܪ̈ܘܩܝܗܢ ܕܫܝܢ̈ܝܐ܃ ܟܕ ܬܚܡ̈ܘܢ ܠܐܒܪܗܡ ܘܠܐܝܣܚܩ ܘܠܝܥܩܘܒ܃ ܒܡܠܟܘܬ݁ܗ ܕܐܠܗܐ܃ ܘܐܬܘܢ ܢܦ̈ܩܝܢ ܠܒܪ |
| 013:029 | ܘܝܐܬ̈ܘܢ ܡܢ ܡܕܢܚܐ ܘܡܢ ܡܥܪܒܐ܃ ܘܡܢ ܓܪܒܝܐ ܘܡܢ ܬܝܡܢܐ ܘܝܬ݁ܢܝܚ̈ܘܢ ܒܡܠܟܘܬ݁ܗ ܕܐܠܗ |
| 014:001 | ܘܗܘܐ ܒܡܐ ܕܐܬܐ ܡܪܐ ܝܣܘܣ ܠܒܝܬܗ܃ ܕܚܕ ܡܢ ܐܪ̈ܟܘܢܝܗܘܢ ܕܦܪ̈ܝܫܝܝ ܕܝܟ̈ܘܠ ܠܚܡ ܒܫܘܒܬܐ ܘܗܢܘܢ ܗܘܘ ܡܢܛܪ̈ܝܢ ܠܗ |
| 014:002 | ܘܗܘܐ ܚܕ ܒܪܢܫ ܗܕܝܢ ܕܗܘܐ ܗܕܪܘܧܝܩܣ ܩܘܕܡܘܝ |
| 014:003 | ܘܐܓܝܒ ܡܪܐ ܝܣܘܣ ܘܐܡܪ ܠܩܘܒܠ ܣܦܪ̈ܝܐ ܘܦܪ̈ܝܫܝܝ܃ ܫܠܝܛ ܕܢܐܣܝ ܒܫܘܒܬܐ ܐܐ݁ ܠܐ |
| 014:004 | ܘܗܢܘܢ ܗܘ̈ܘ ܫ̈ܬܝܩܝܢ܃ ܘܨܕܗ ܘܐܣܝ ܝܬܗ ܘܦܢܐ ܝܬ݁ܗ |
| 014:005 | ܘܐܓܝܒ ܘܐܡܪ ܠܗܘܢ܃ ܡ݁ܢ ܡܢܟܘܢ ܚܡܪܗ ܐܐ݁ ܬܘܪܗ ܢܦܠ ܠܒܝܪܐ ܘܠܐ ܫܘܐ ܢܓܕ ܘܡܣܩ ܠܗ ܒܝܘܡܐ ܕܫܘܒܬܐ |
| 014:006 | ܘܠܐ ܝܟܘ̈ܠ ܕܝܓܝܒ̈ܘܢ ܝܬ݁ܗ ܠܩܘܒܠ ܗ̈ܠܝܢ |
| 014:007 | ܘܗܘܐ ܐܡܪ ܡܬ݁ܠ ܠܩܘܒܠ ܗ̈ܠܝܢ ܕܩܪ̈ܝܢ܃ ܚܡܐ݁ ܗܝܟ ܗܘ̈ܘ ܒܚܪ̈ܝܢ ܪܝܫ ܡܪ̈ܒܘܥܐ ܘܐܡܪ ܠܗܘܢ |
| 014:008 | ܟܕ ܬܬ݁ܩܪܐ ܡܢ ܐܢܫ ܠܡܫܬܘ܃ ܠܐ ܬܪܒܘܥ ܒܪܝܫ ܡܪ̈ܒܘܥܐ܃ ܕܠܐ ܐܡܬܝ ܝܗܐ ܐܢܫ ܡܝܐܩܪ ܡܢܟ ܩܪܐ ܡܢܗ |
| 014:009 | ܘܐܬܐ ܕܝܢ ܕܩܪܐ ܠܟ ܘܠܗ܃ ܘܝܐܡܘܪ ܠܟ ܗܒ ܐܬ݁ܪܐ ܠܗܕܢ܃ ܘܒܟܢ ܬܫܪܐ ܒܒܗܬܐ ܨܐܕ ܐܬ݁ܪܐ ܐܚܪܝܐ |
| 014:010 | ܐܠܐ ܟܕ ܬܬ݁ܩܪܐ ܐܙܠ ܪܒܘܥ ܠܟ ܒܐܬ݁ܪܐ ܐܚܪܝܐ܃ ܕܟܕ ܝܐܬܐ ܕܢ ܕܩܪܐ ܝܬ݁ܟ ܐܡܪ ܗܘ ܠܟ ܪܚܡܝ ܣܘܩ ܠܟܐ ܠܥܠ܃ ܘܒܟܢ ܗܘܝܐ ܠܟ ܬܫܒܝܚܐ ܩܘܕܡ ܟܘܠ ܗ̈ܠܝܢ ܕܪܒܝܥܝܢ ܥܡܟ |
| 014:011 | ܕܟܘܠ ܡ݁ܢ ܕܡܪܘܡܡ ܓܪܡܗ ܝܬ݁ܡܟܡܟ ܘܡ݁ܢ ܕܝܡܟܡܟ ܓܪܡܗ ܝܬ݁ܪܘܡܡ |
| 014:016 | ܒܪܢܫ ܚܕ ܥܒܕ ܚܫܡܝܬܐ ܪܒܬܐ |
| 014:017 | ܘܫܕܪ ܥܒܕܗ ܒܫܥܬ݁ܗ ܕܡܓܘܣܐ ܕܝܐܡܘܪ ܠܩܪ̈ܝܐ ܐܬ݁ܘ̈ ܕܗܐ ܟܘܠܐ ܥܬܝܕ |
| 014:018 | ܘܫܪ̈ܝ ܟܘܠܗܘܢ ܡܢ ܚܕܐ ܕܠܐ ܨܒ̈ܝܢ܃ ܩܡܝܐ ܐܡܪ ܠܗ܃ ܚܩܠ ܙܒܢܬ݁ ܘܗܐ ܠܝ ܪܘܚܘܡ ܕܝ̈ܦܘܩ ܝܚܡܝ ܝܬ݁ܗ܃ ܐܢܐ ܒܥܐ ܡܢܟ ܗܘܝ ܚܫܝܒ ܠܝ ܕܠܝܬ݁ ܐܢܐ ܝܟܠ ܕܝ̈ܐܬܐ |
| 014:019 | ܘܚܘܪܢܐ ܐܡܪ ܚܡܝ̈ܫܐ ܦܕܢ̈ܝܢ ܕܬܘܪ̈ܝܢ ܙܒܢܬ݁ ܘܐܢܐ ܐܙܠ ܕܝܕܒܘܩ ܝܬ݁ܗܘܢ ܐܢܐ ܒܥܐ ܡܢܟ ܗܘܝ ܚܫܝܒ ܠܝ ܕܠܝܬ݁ ܐܢܐ ܝܟܠ ܕܝܐܬܐ |
| 014:020 | ܘܚܘܪܢܐ ܐܡܪ ܐܬܬܐ ܢܣܒܬ݁ ܘܠܓܠܠ ܟܕܝܢ ܠܝܬܢܐ ܝܟܠ ܕܝܐܬܐ |
| 014:021 | ܘܐܬܐ ܝܬܗ ܥܒܕܐ ܘܬ݁ܢܝ ܗܠܝܢ ܠܡܪܗ ܕܒܝܬܐ ܗܝܕܝܢ ܪܓܙ ܡܪܗ ܕܒܝܬܐ ܘܐܡܪ ܠܥܒܕܗ ܦܘܩ ܐܘܢ ܒܦܪܝܥ ܠܫܘܩ̈ܐ ܘܠܐܫ̈ܩ{ܢ}<ܩ>ܝܐ ܕܡܕܝܢܬܐ܃ ܘܐܥܠ ܠܟܐ ܠܡܣ̈ܟܝܢܝܐ ܘܠܚܫ̈ܝܫܝܐ ܘܠܣ̈ܡܝܐ |
| 014:022 | ܘܐܡܪ ܥܒܕܐ ܠܡܪܗ ܡܪ ܗܘܐ ܐܝܟ ܕܐܡܪܬ ܘܥܕ ܟܕܘ ܐܝܬ݁ ܐܬ݁ܪ |
| 014:023 | ܘܐܡܪ ܡܪܗ ܕܥܒܕܐ ܠܗ ܦܘܩ ܠܐܘܪ̈ܚܬܐ ܘܠܣܝ̈ܐܓܝܐ܃ ܘܐܢܘܣ ܝܬ݁ܗܘܢ ܕܝܥܘ̈ܠܘܢ ܕܝܬ݁ܡܠܐ ܒܝܬܝ |
| 014:024 | ܐܡܪܢܐ ܠܟܘܢ ܓܪ ܕܚܕ ܡܢ ܝܬ݁ܗܘܢ ܓܒܪ̈ܝܐ܃ ܕܐܬ݁ܩܪ̈ܝܘ ܠܐ ܝܛܥܘܡ̈ܘܢ ܡܓܘܣܝ ܣ̈ܐܓܝܢ ܐܢܘܢ ܩܪ̈ܝܐ ܘܙܥܘܪ̈ܝܢ ܓܒ̈ܝܐ |
| 015:011 | ܒܪܢܫ ܚܕ ܗܘܐ ܠܗ ܬܪ̈ܝܢ ܒܢܝܢ |
| 015:012 | ܘܐܡܪ ܙܥܘܪܐ ܠܐܒܘܝ ܐܒܐ ܗܒ ܠܝ ܚܘܠܩܝ ܡܐ ܕܢܦܠ ܠܝ ܡܢ ܐܘܣܝܐ ܕܝܠܟ܃ ܘܦܠܓ ܠܗ ܩܢܝܢܗ |
| 015:013 | ܘܡܢ ܒܬ݁ܪ ܨܝܒܚܕ ܝܘ̈ܡܝܢ ܟܢܫ ܟܘܠܐ ܝܬ݁ܗ ܒܪܗ ܙܥܘܪܐ ܘܐܙܠ ܠܗ ܠܐܪܥܐ ܪܚܝܩܐ܃ ܘܬ݁ܡܢ ܒܙܒܙ ܟܘܠ ܐܘܣܝܐ ܕܝܠܗ ܚܝܐ ܠܥܝܒܐܝܬ݁ |
| 015:014 | ܘܡܢ ܒܬ݁ܪ ܕܐܦܩ ܟܘܠܐ ܐܬ݁ܥܒܕ ܟܦܢ ܚܝܘܠ ܒܝܬܗ݀ ܐܪܥܐ܃ ܘܫܪܝ ܡܣܚܪ |
| 015:015 | ܘܐܙܠ ܐܬ݁ܕܒܩ ܠܚܕ ܡܢ ܒ̈ܢܝ ܡܕܝܢܬܐ ܕܝܬܗ݀ ܐܪܥܐ܃ ܘܫܠܚܗ ܠܛܘܪܐ ܕܝܪܥܐ ܚܘܙܝܪ̈ܝܢ |
| 015:016 | ܘܗܘܐ ܡܬ݁ܚܡܕ ܕܝܣܒܘܥ ܡܢ ܚܪ̈ܘܒܝܐ ܕܗܘܘ ܚܘܙܝܪ̈ܝܐ ܐܟ̈ܠܝܢ܃ ܘܐܢܫ ܠܐ ܗܘܐ ܝܗܒ ܠܗ |
| 015:017 | ܬܒ ܕܝ ܥܠ ܓܪܡܗ ܘܐܡܪ܃ ܟܡܐ ܐܓܝܪ̈ܝܢ ܒܒܝܬܗ ܕܐܒܐ ܡܘܬܪ̈ܝܢ ܠܚܡܐ ܘܐܢܐ ܟܐ ܐܒܕ ܒܟܦܢܐ |
| 015:018 | ܩܐܡ ܐܢܐ ܐܙܠ ܠܘܬ݁ ܐܒܐ܃ ܘܐܢܐ ܐܡܪ ܠܗ܃ ܐܒܐ ܐܣܟܠܬ݁ ܒܫܘܡܝܐ ܘܩܘܕܡܝܟ |
| 015:019 | ܥܘܕ ܠܝܬ݁ ܐܢܐ ܫܘܐ ܕܝܬ݁ܩܪܐ ܒܪܟ܃ ܥܒܕ ܝܬ݁ܝ ܗܝܟ ܚܕ ܡܢ ܐܓܝܪ̈ܝܟ |
| 015:020 | ܘܩܡ ܐܬܐ ܠܘܬ݁ ܐܒܘܝ܃ ܘܥܕ ܗܘ ܪܚܝܩ ܚܡܐ ܝܬܗ ܐܒܘܝ ܘܐܬ݁ܪܚܡ ܥܠܐܘܝ ܘܪܗܛ ܢܦܠ ܥܠ ܨܘܪܗ ܘܢܦܩ ܝܬܗ |
| 015:021 | ܘܐܡܪ ܠܗ ܒܪܗ ܐܒܐ܃ ܐܣܟܠܬ݁ ܒܫܡܝܐ ܘܩܘܕܡܝܟ܃ ܥܘܕ ܠܝܬ݁ ܐܢܐ ܫܘܐ ܕܝܬ݁ܩܪܐ ܒܪܟ |
| 015:022 | ܘܐܡܪ ܐܒܘܝ ܠܥܒܕ̈ܘܝ ܒܦܪܝܥ ܐܦܩ̈ܘ ܐܣܛܘܠܝܬܐ ܗܐܝ ܩܡܝܬܐ ܘܐܠܒܫ̈ܘ ܝܬܗ܃ ܘܗܒ̈ܘ ܥܙܩܬܐ ܒܐܝܕܗ܃ ܘܫܘܘܝܢ ܒܪ̈ܝܓܠܘܝ |
| 015:023 | ܘܐܝܬ݁ܘ ܬ݁ܘܪܐ ܦܛܝܡܐ ܘܟ̈ܘܣܘ ܝܬܗ ܢܝܟܘܠ ܘܢܒܣܘܡ |
| 015:024 | ܕܗܕܢ ܒܪܝ ܗܘܐ ܡܝܬ݁ ܘܚܝܐ܃ ܘܐܒܝܕ ܘܐܫܬܟܚ܃ ܘܫܪ̈ܝܘ ܒܣ̈ܡܝܢ |
| 015:025 | ܗܘܐ ܕܝ ܒܪܗ ܪܒܐ ܒܛܘܪܐ܃ ܘܟܕ ܐܬܐ ܩܪܒ ܠܗܢ ܕܒܝܬܐ ܘܫܡܥ ܐܫܘܝܘܬܐ ܕܩܠ̈ܐ ܘܙܡܪ̈ܝܐ |
| 015:026 | ܘܩܪܐ ܠܚܕ ܡܢ ܛܠ̈ܝܐ ܘܫܐܠ ܠܗ ܘܐܡܪ ܡ݁ܐ ܗܢܘܢ ܗ̈ܠܝܢ |
| 015:027 | ܗܘ ܕܝ ܐܡܪ ܠܗ ܕܐܬܐ ܐܚܘܟ܃ ܘܩܒܠܗ ܐܒܘܟ ܘܢܟܣ ܠܗ ܬܘܪܐ ܦܛܝܡܐ ܕܩܒܠܗ ܚܠܝܡ |
| 015:028 | ܘܪܓܙ ܘܠܐ ܗܘܐ ܨܒܐ ܕܝܥܘܠ܃ ܘܢܦܩ ܐܒܘܝ ܘܗܘܐ ܒܥܐ ܡܢܗ |
| 015:029 | ܗܘ ܕܝ ܐܓܝܒ ܘܐܡܪ ܠܐܒܘܝ܃ ܗܐ ܟܡܐ ܫܝܢ̈ܝܢ ܐܢܐ ܡܫܡܫ ܠܟ܃ ܘܡܢ ܝܘ̈ܡܐܝ ܦܩܘܕܟ ܠܐ ܐܥܒܪܬ݁܃ ܘܠܝ ܡܢ ܝܘܡ̈ܝܟ ܠܐ ܝܗܒ̈ܬ ܚܕ ܓܕܝ ܕܝܒܣܘܡ ܥܡ ܪ̈ܚܡܐܝ |
| 015:030 | ܘܟܕ ܐܬܐ ܗܕܝܢ ܒܪܟ ܕܐܟܠ ܩܢܝ̈ܢܝܟ ܥܡ ܙܢܝ̈ܬܐ܃ ܢܟܣܬ ܠܗ ܬ݁ܘܪܐ ܦܛܝܡܐ |
| 015:031 | ܗܘ ܕܝ ܐܡܪ ܠܗ ܒܪܝ ܐܬ ܥܡܝ ܐܬ ܒܟܘܠ ܥܪ܃ ܘܟܘܠ ܡܐ ܕܠܝ ܕܝܠܟ ܐܝܬ݁ ܗܘ |
| 015:032 | ܕܢܒܣܘܡ ܕܝ ܘܕܢܚܕܐ ܗܘܐ ܛܟܣܐ܃ ܕܗܕܢ ܐܚܘܟ ܗܘܐ ܡܝܬ݁ ܘܚܝܐ܃ ܘܐܒܝܕ ܗܘܐ ܘܐܫܬܟܚ |
| 016:010 | ܗܕܝܢ ܕܡܗܝܡܢ ܒܨܝ{ܕ}<ܒ>ܚܕ ܐܘܦ ܒܣܓܝ ܗܘ ܡܗܝܡܢ܃ ܘܕܝܢ ܕܒܨܝ{ܕ}<ܒ>ܚܕ ܛܠܘܡ ܐܘܦ ܒܣܓܝ ܗܘ ܛܠܘܡ |
| 016:011 | ܐܢ ܐܘܢ ܒܡܘܡܢܐ ܕܛܘܠ̈ܡܐ ܠܐ ܐܬ݁ܥܒܕܬܘܢ ܡܗ̈ܝܡܢܝܢ ܕܩܘܫܛܐ ܕܝ ܡ݁ܢ ܝܗܝܡܢ ܠܟܘܢ |
| 016:012 | ܘܐܢ ܒܢܘܟܪܝܐ ܡܗ̈ܝܡܢܝܢ ܠܐ ܐܬ݁ܥܒܕܬܘܢ܃ ܕܝܠܟܘܢ ܕܝ ܡ݁ܢ ܝܬܠ ܠܟܘܢ |
| 016:013 | ܠܝܬ݁ ܥܒܕ ܚܕ ܝܟܠ ܕܝܫܡܫ ܠܬ݁ܪ̈ܝܢ ܡܪ̈ܝܢ܃ ܐܐ݁ ܠܚܕ ܝܣܢܐ ܘܠܚܘܪܢܐ ܝܚܒ܃ ܐܐ ܡܢ ܚܕ ܝܩܒܠ ܘܥܠ ܚܘܪܢܐ ܝܒܣܘܪ܃ ܠܝܬ ܐܬܘܢ ܝܟܠܝ̈ܢ ܕܬܫܡ̈ܫܘܢ ܠܐܠܗܐ ܘܠܡܘܡܢܐ |
| 016:014 | ܘܗ̈ܘܘ ܫ̈ܡܥܝܢ ܦܪ̈ܝܫܝܝ ܕܗܘ̈ܘ ܪ̈ܚܡܝܢ ܟܣܦ̈ܝܐ ܘܗ̈ܘܘ ܡܡܝ̈ܩܝܢ ܒܗ |
| 016:015 | ܘܐܡܪ ܠܗܘܢ ܐܬܘܢ ܗܢ̈ܘܢ ܕܡܨ̈ܕܩܝܢ ܓܪ̈ܡܟܘܢ ܩܘܕܡ ܒ̈ܢܝܢܫܐ ܘܐܠܗܐ ܡܟܪ ܠܒܒ̈ܝܟܘܢ ܕܡܐ ܕܪܡ ܒܒ̈ܢܝܢܫܐ ܦܣܝܠ ܗܘ ܩܘܕܡ ܐܠܗܐ |
| 016:019 | ܒܪܢܫ ܕܝ ܚܕ ܗܘܐ ܥܬܝܪ܃ ܘܗܘܐ ܠܒܝܫ ܒܐܪܓܘܢܐ ܘܒܘܨܐ܃ ܘܗܘܐ ܒܣܡ ܒܟܘܠ ܝܘܡ ܢܗܝܪܐܝܬ |
| 016:020 | ܘܚܕ ܡܣܟܝܢ ܗܘܐ ܫܝܡܗ ܐܠܥܙܪܘܣ܃ ܘܗܘܐ ܪܡܐ ܩܘܕܡ ܬܪܥܗ ܢܓܕ ܒܫܚܢܐ |
| 016:021 | ܘܗܘܐ ܡܬܚܡܕ ܕܝܣܒܘܥ ܡܢ ܡܐ ܕܢܦܠ ܥܠ ܦܬ݁ܘܪܗ ܕܝܬ݁ܗ ܥܬܝܪܐ܃ ܘܠܐ ܐܢܫ ܝܗܒ ܗܘܐ ܠܗ ܐܠܐ ܕܐܘܦ ܟܠܒܝ̈ܐ ܗܘܘ ܐܬ̈ܝܢ ܡܠܚ̈ܟܝܢ ܡܚܘܬ̈ܗ |
| 016:022 | ܘܐܬ݁ܥܒܕ ܕܝܡܘܬ݁ ܝܬ݁ܗ ܡܣܟܝܢܐ܃ ܘܐܘ̈ܒܠܘ ܝܬ݁ܗ ܡ̈ܠܐܟܝܐ ܠܥܘܒܗ ܕܐܒܪܗܡ܃ ܡܝܬ݁ ܕܝ ܐܘܦ ܝܬ݁ܗ ܥܬܝܪܐ܃ ܘܐܬ݁ܩܒܪ ܘܢܦܠ ܒܫܝܘܠ |
| 016:023 | ܘܟܕ ܗܘ ܒܓܘ ܫܝܘܠ ܬܠܐ ܥܝܢ̈ܘܝ ܘܚܡܐ ܝܬ݁ܗ ܠܐܒܪܗܡ܃ ܡܢ ܪܘܚܩܐ ܘܠܠܥܙܪܘܣ ܒܥܘܒܗ |
| 016:024 | ܘܗܘ ܩܪܐ ܘܐܡܪ܃ ܐܒܐ ܐܒܪܗܡ ܐܬ݁ܪܚܡ ܥܠܐܝ܃ ܘܫܠܚ ܠܠܥܙܪܘܣ ܕܝܨܒܥ ܪܝܫ ܐܨܒܥܗ ܒܡܝܐ܃ ܘܝܩܪܒ ܠܠܝܫܢܝ ܕܗܐ ܐܢܐ ܝܩܝܕ ܒܗܕܐ ܫܠܗܒܝܬܐ |
| 016:025 | ܘܐܡܪ ܠܗ ܕܝ ܐܒܪܗܡ ܒܪܝ ܐܬ݁ܕܟܪ ܕܩܒܠܬ ܛܒ̈ܬܟ ܒܚܝ̈ܝܟ܃ ܘܠܥܙܪܘܣ ܟܢ ܘܟܘܬ݁ ܒܝܫ̈ܬܗ܃ ܘܟܕܘ ܟܐ ܗܘ ܡܬ݁ܢܚܡ܃ ܘܐܬ ܡܬ݁ܥܝܩ |
| 016:026 | ܘܒܟܘܠ ܗ̈ܠܝܢ ܕܝ ܦܚܬ ܪܒܐ ܐܝܬ ܒܝܢܢ ܠܒܝܢܟܘܢ ܡܫܪܪ܃ ܠܡܠܘ ܕܗ̈ܠܝܢ ܕܨ̈ܒܝܢ ܕܝܥܒܘܪ̈ܘܢ ܡܢ ܟܐ ܠܘܬ݁ܟܘܢ ܠܐ ܝܟܠܝܢ܃ ܘܠܐ ܡܢ ܬ݁ܡ݁ܢ ܠܘܬ݁ܢ܃ ܠܐ ܝܥܒܘܪ̈ܘܢ |
| 016:027 | ܘܗܘ ܐܡܪ ܠܗ܃ ܐܢܐ ܒܥܐ ܡܢܟ ܐܒܐ ܐܒܪܗܡ ܕܬܫܠܚ ܝܬ݁ܗ ܠܒܝܬܗ ܕܐܒܐ |
| 016:028 | ܐܝܬ݁ ܠܝ ܓܪ ܚܡܝ̈ܫܐ ܐܚ̈ܝܢ ܢܙܗܪ ܠܗܘܢ ܕܠܐ ܐܘܦ ܗ̈ܢܘܢ ܝܐܬ݁ܘܢ ܠܗܕܝܢ ܐܬ݁ܪܐ ܕܨܥܪܐ |
| 016:029 | ܘܐܡܪ ܠܗ ܐܒܪܗܡ ܐܝܬ݁ ܠܗܘܢ ܡܘܫܐ ܘܢܒܝܝ̈ܐ ܝܫܡܘ̈ܥܘܢ ܠܗܘܢ |
| 016:030 | ܘܗܘ ܕܝ ܐܡܪ ܠܐ ܐܒܐ ܐܒܪܗܡ ܐܠܐ ܐܢ ܐܢܫ ܡܢ ܒܝܢ ܡܝܬ̈ܝܐ ܐܙܠ ܠܘܬ݁ܗܘܢ ܠܐ ܝܬܗܘܢ |
| 016:031 | ܐܡܪ ܠܗ ܐܒܪܗܡ ܠܡܘܫܐ ܘܠܢܒ̈ܝܝܐ ܠܐ ܫܡ̈ܥܝܢ ܘܐܘܦ ܠܐ ܐܢ ܐܢܫ ܝܩܘܡ ܡܢ ܒܝܢ ܡܝ̈ܬܐ ܫܡ̈ܥܝܢ |
| 017:003 | ܐܣܬ݁ܟܠܘ ܠܓܪܡܟܘܢ܃ ܐܢ ܝܣܟܠ ܐܚܘܟ ܙܥܘܦ ܒܗ܃ ܘܐܢ ܬܗܐ ܫܒܘܩ ܠܗ |
| 017:004 | ܐܢ ܐܘܦ ܫܘܒܥܐ ܙ̈ܒܢܝܢ ܒܝܘܡܐ ܝܣܟܠ ܥܠܝܟ܃ ܘܫܘܒܥܬ݁ܝܐ ܝܬܘܒ ܠܘܬ݁ܟ ܘܝܐܡܘܪ ܬܗܐ ܐܢܐ ܫܘܒܘܩ ܠܝ܃ ܫܒܘܩ ܠܗ ܐܬ |
| 017:005 | ܘܐܡܪ̈ܘ ܕܝ ܫ̈ܠܝܚܝܐ ܠܡܪܐ ܐܘܣܦ ܠܢ ܗܝܡܢܘ |
| 017:006 | ܘܐܡܪ ܠܗܘܢ ܡܪܐ ܝܣܘܣ܃ ܐܢ ܐܝܬ݁ ܒܟܘܢ ܗܝܡܢܘ ܗܝܟ ܦܪܛܐ ܕܚܪܕܠ ܐܡܪ̈ܝܢ ܗܘܝܬܘܢ ܠܗܕܝܢ ܬܘܬܐ ܐܬ݁ܥܩܪ ܘܐܬܢܨܒ ܒܝܡܐ܃ ܘܗܘܐ ܫܡܥ ܠܟܘܢ܃ |
| 017:007 | ܡܢ ܕܝ ܡܢܟܘܢ ܕܠܗ ܥܒܕ ܪܕܐ ܐܐ݁ ܪܥܐ܃ ܕܟܕ ܥܠܠ ܡܢ ܛܘܪܐ܃ ܕܡܐ ܐܡܪ ܗܘ ܠܗ ܥܘܒܘܪ ܪܒܘܥ ܠܟ |
| 017:008 | ܐܠܐ ܠܝܬ݁ ܗܘ ܐܡܪ ܠܗ ܥܬܕ ܒܡܐ ܕܝܓܣ܃ ܘܐܘܣܘܪ ܚܪܨܝܟ ܘܫܡܫ ܝܬܝ܃ ܥܕܡܐ ܕܝܐܟܘܠ ܘܝܫܬܐ܃ ܘܒܬ݁ܪܟܢ ܬܝܟܘܠ ܘܬܫܬܐ |
| 017:009 | ܕܡܐ ܐܝܬ݁ ܠܗ ܛܝܒܘ ܕܥܒܕ ܡܐ ܕܐܬ݁ܦܩܕ܃ |
| 017:010 | ܗܟܕܢ ܐܘܦ ܐܬܘܢ ܟܕ ܬܥܒ̈ܕܘܢ ܟܘܠ ܡܐ ܕܐܬ݁ܦܩܕܬܘܢ ܗܘܘ ܐܡܪ̈ܝܢ ܕܥܒ̈ܕܝܢ ܕܠܝܬ݁ ܠܗܘܢ ܨܘܪܟ ܐܢܗ܃ ܕܡܐ ܕܗܘܝܢܗ ܚܝ̈ܒܝܢ ܕܢܥܒܕ ܥܒܕܢܗ |
| 017:011 | ܘܗܘܐ ܒܡܐ ܕܗܘܐ ܡܪܐ ܝܣܘܣ ܐܙܠ ܠܝܪܘܫܠܡ܃ ܗܘܐ ܥܒܪ ܒܡܨܥܬ ܫܡܪ̈ܝܢ ܘܓܠܝܠܐ |
| 017:012 | ܘܗܝܟ ܕܗܘ ܥܠܠ ܠܚܕܐ ܩܪܝܐ ܐܘܪ̈ܥܘ ܝܬ݁ܗ ܥܣܪ̈ܐ ܓܪ̈ܒܝܢ܃ ܗܠܝܢ ܕܝ ܩܡ̈ܘ ܡܢ ܪܘܚܩܐ |
| 017:013 | ܘܗܢܘܢ ܬܠ̈ܘ ܩ̈ܠܗܘܢ ܐܡܪ̈ܝܢ ܝܣܘܣ ܪܒܢ ܐܬ݁ܪܚܡ ܥܠܝܢܗ̈ |
| 017:014 | ܘܐܡܪ ܠܗܘܢ ܡܪܐ ܝܣܘܣ ܐܙ̈ܠܘ ܐܘ̈ܕܥܘ ܓܪܡܟܘܢ ܠܟܗܢ̈ܝܐ ܘܗܘܐ ܗܝܟ ܕܗܢܘܢ ܐܙ̈ܠܝܢ ܐܬ̈ܕܟܘ |
| 017:015 | ܘܚܕ ܡܢܗܘܢ ܕܝ ܟܕ ܚܡܐ ܕܐܬ݁ܣܝ ܬ݁ܒ ܒܩܠܐ ܪܒܐ ܡܫܒܚ ܠܐܠܗܐ |
| 017:016 | ܘܢܦܠ ܥܠ ܐܦ̈ܘܝ ܩܘܕܡ ܪܝܓ̈ܠܘܝ ܡܘܕܐ ܠܗ܃ ܘܗܘ ܗܘܐ ܫܡܪܐܝ |
| 017:017 | ܐܓܝܒ ܕܝ ܡܪܐ ܝܣܘܣ ܐܡܪ ܠܐ ܥܣܪܐ ܐܬ݁ܕܟܘ ܬܫܥܬܝܐ ܕܝ ܗܢ ܗܢܘܢ |
| 017:018 | ܕܠܐ ܐܫ̈ܬܟܚܘ ܕܝܬܘܒ̈ܘܢ ܝ̈ܬܠܘܢ ܬܫܒܘܚܬܐ ܠܐܠܗܐ܃ ܐܠܐ ܕܢ ܕܡܢ ܫܘܪܒܐ ܚܘܪܝ ܗܘ |
| 017:019 | ܘܗܘ ܐܡܪ ܠܗ܃ ܩܘܡ ܐܙܠ ܗܝܡܢܘܬ݁ܟ ܐܚܝܬ݁ ܝܬ݁ܟ |
| 018:001 | ܐܡܪ ܡܪܐ ܗܕܐ ܡܬܠܐ ܘܐܡܪ |
| 018:002 | ܕܝܐܢ ܚܕ ܗܘܐ ܒܚܕܐ ܡܕܝܢܐ܃ ܕܡܢ ܐܠܗܐ܃ ܠܐ ܗܘܐ ܕܚܠ܃ ܘܡܢ ܒܪܢܫ ܠܐ ܗܘܐ ܡܬ݁ܟܝܟ |
| 018:003 | ܘܚܕܐ ܐܪܡܠܐ ܗܘܬ݁ ܒܝܬ݁ܗ݀ ܡܕܝܢܬܐ܃ ܘܗܘܬ݁ ܐܬ݁ܝܐ ܠܘܬ݁ܗ ܘܐܡܪܐ ܠܗ ܥܒܕ ܢܩܡܝ ܡܢ ܐܢܛܝܕܝܩܝ |
| 018:004 | ܘܠܐ ܗܘܐ ܨܒܐ ܥܕܡܐ ܠܣܓܝ ܐܫܘܢ܃ ܘܡܢ ܒܬ݁ܪ ܗ̈ܠܝܢ ܐܡܪ ܒܓܪܡܗ܃ ܐܢ ܡܢ ܐܠܗܐ ܠܝܬܢܐ ܕܚܝܠ܃ ܘܡܢ ܒܪܢܫ ܠܝܬܢܐ ܡܬ݁ܟܝܟ |
| 018:005 | ܠܓܠܠ ܕܝ ܕܗܕܐ ܐܪܡܠܬܐ ܡܝܬܝܐ ܥܠܐܝ ܠܝܘܐ ܝܢܩܘܡ ܢܩܡܗ݀܃ ܕܠܐ ܠܫܝܨܘܝ ܬ݁ܗܐ ܐܬ݁ܝܐ ܡܡܪܥܐ ܠܝ |
| 018:006 | ܘܐܡܪ ܡܪܐ ܫܡܘ̈ܥܘ ܡܐ ܐܡܪ ܕܝܐܢܐ ܕܛܘܠܡܐ |
| 018:007 | ܐܠܗܐ ܕܝ ܠܐ ܝܥܒܕ ܢܩܡܗܘܢ ܕܒܚܝܪ̈ܘܝ ܗ̈ܠܝܢ ܕܡܨܘ̈ܚܝܢ ܠܘܬ݁ܗ ܝܘܡܐ ܘܠܝܠܝܐ܃ ܘܗܘ ܡܘܪܟ ܪܘܚܐ ܥܠܝܗܘܢ |
| 018:008 | ܐܢ ܐܡܪ ܐܢܐ ܠܟܘܢ ܕܝܥܒܕ ܢܩܡܗܘܢ ܒܦܪܝܥ |
| 018:010 | ܐܢ̈ܫ ܬܪ̈ܝܢ ܒܢ̈ܝܢܫ ܣ̈ܠܩܘ ܠܢܘܣܐ ܕܝܨܠ̈ܘܢ܃ ܚܕ ܦܪܝܫܐܝ ܘܚܘܪܢܐ ܡܟܣܐ |
| 018:011 | ܘܝܬܗ ܦܪܝܫܝܐ ܩܡ ܘܗ̈ܠܝܢ ܠܩܘܒܠ ܓܪܡܗ ܗܘܐ ܡܨܠܐ ܘܐܡܪ܃ ܐܠܗܐ ܡܫܬܘܕܝ ܐܢܐ ܠܟ ܕܠܝܬ݁ ܐܢܐ ܗܝܟ ܕܫܝܪܝܬ݁ ܒܢܝ̈ܢܫܐ ܚ̈ܛܘܦܝܐ ܘܛܠܘܡܝܐ ܓܝܐܪ̈ܝܐ܃ ܐܐ݁ ܐܘܦ ܟܘܬ݁ ܗܕܢ ܡܟܣܐ |
| 018:012 | ܨܐܡ ܐܢܐ ܓܪ ܬܪ̈ܝܢ ܙܒܢ̈ܝܢ ܒܫܘܒܬܐ ܘܡܥܣܪ ܐܢܐ ܟܘܠ ܡܐ ܕܐܢܐ ܩܢܐ |
| 018:013 | ܘܝܬܗ ܡܟܣܐ ܡܢ ܪܘܚܩܐ ܗܘܐ ܩܐܡ܃ ܘܠܐ ܗܘܐ ܨܒܐ ܐܘܦ ܠܐ ܝܬܠܐ ܥܝܢ̈ܘܝ ܠܫܡܝܐ܃ ܐܠܐ ܗܘܐ ܡܚܐ ܥܠ ܚܕܝܗ ܘܐܡܪ܃ ܐܠܗܐ ܫܒܘܩ ܠܝ ܠܣܟܠܐ |
| 018:014 | ܘܐܡܪ ܐܢܐ ܠܟܘܢ ܕܢܚܬ݁ ܗܕܝܢ ܡܨܕܩ ܠܒܝܬܗ ܣܓܝ ܡܢ ܗܐܘ ܕܟܘܠ ܡܢ ܕܝܪܘܡܡ ܓܪܡܗ ܝܬ݁ܡܟܡܟ܃ ܘܡܢ ܕܝܡܟܡܟ ܓܪܡܗ ܝܬ݁ܪܘܡܡ |
| 018:018 | ܘܫܐܠ ܝܬ݁ܗ ܚܕ ܐܪܟܘܢ ܘܐܡܪ܃ ܡܠܦܢܐ ܛܒܐ ܡܐ ܝܥܒܕ ܕܚ̈ܝܝܢ ܕܠܥܠܡ ܝܪܘܬ݁ |
| 018:019 | ܘܐܡܪ ܠܗ ܡܪܐ ܝܣܘܣ ܡ݁ܐ ܐܬ ܐܡܪ ܠܝ ܛܒܐ܃ ܠܝܬ݁ ܛܒ ܐܠܐ ܚܕ ܐܠܗܐ |
| 018:020 | ܦܩ̈ܘܕܝܐ ܕܝ ܐܬ ܝܕܥ ܠܐ ܬܝܓܘܪ ܘܠܐ ܬܩܛܘܠ܃ ܠܐ ܬܓܢܘܒ ܘܠܐ ܬܣܝܕ ܕܓܠܝܢ ܐܘܩܪ ܠܐܒܘܟ ܘܠܐܝܡܟ ܘܠܩܪܝܒܟ ܐܝܟ ܢܦܫܟ |
| 018:021 | ܗܘ ܕܝ ܐܡܪ ܠܗ܃ ܗ̈ܠܝܢ ܟܘܠܗܝܢ ܢܛܪܬ݁ ܡܢ ܛܠܝܘܬ݁ܝ |
| 018:022 | ܘܟܕ ܫܡܥ ܡܪܐ ܝܣܘܣ ܐܡܪ ܠܗ܃ ܥܘܕ ܚܕܐ ܚܣܝܪܐ ܠܟ܃ ܟܘܠ ܡܐ ܕܠܟ ܙܒܢ ܘܦܠܓ ܠܡܣ̈ܟܝܢܝܐ ܘܗܘܝܐ ܠܟ ܣܝܡܐ ܒܓܘ ܫܘܡܝܐ܃ ܘܐܬܐ ܠܟ ܒܬ݁ܪܝ |
| 018:023 | ܘܗܘ ܫܡܥ ܗ̈ܠܝܢ ܗܘܐ ܡܨܝܩ܃ ܗܘܐ ܓܪ ܥܬܝܪ ܠܚܕܐ |
| 018:024 | ܘܚܡܐ ܝܬ݁ܗ ܡܪܐ ܝܣܘܣ ܘܐܡܪ ܩܫܐ ܠܗ̈ܠܝܢ ܕܠܗܘܢ ܢܟܝܣ̈ܝܢ ܕܝܥ̈ܘܠܘܢ ܠܡܠܟܘܬ݁ܗ ܕܐܠܗܐ |
| 018:025 | ܝܟܠ ܗܘ ܓܪ ܠܓܡܠܐ ܕܝܥܘܠ ܒܢܘܩܒ<ܘ>ܝ ܕܡܚܛܐ܃ ܐܐ݁ ܓܪ ܥܬܝܪ ܕܝܥܘܠ ܠܡܠܟܘܬܗ ܕܐܠܗܐ |
| 018:026 | ܘܐܡܪ̈ܘ ܗ̈ܠܝܢ ܕܫ̈ܡܥܘ ܘܡܢ ܝܟܠ ܕܝܚܐ |
| 018:027 | ܗܘ ܕܝ ܐܡܪ ܗ̈ܠܝܢ ܕܝ ܠܐ ܝܟܠ̈ܢ ܠܘܬ݁ ܒܢܝ̈ܢܫܐ ܠܘܬ݁ ܐܠܗܐ ܗܢܝܢ ܝܟ̈ܠܢ |
| 018:035 | ܘܗܘܐ ܟܕ ܩܪܒ ܡܪܐ ܝܣܘܣ ܠܝܪܝܚܘ܃ ܘܗܐ ܚܕ ܣܡܝܐ ܗܘܐ ܝܬܝܒ ܥܠ ܓܦ ܐܘܪܚܐ ܡܣܚܪ |
| 018:036 | ܟܕ ܕܝ ܫܡܥ ܐܘܟ̈ܠܣܐ ܥܒܪ ܗܘ ܫܐܠ ܡܐ ܗܘ ܗܕܢ |
| 018:037 | ܬ݁ܢܘ ܠܗ ܕܝܣܘܣ ܢܙܪܝܐ ܥܒܪ |
| 018:038 | ܘܗܘ ܐܨܝܚ ܘܐܡܪ ܝܣܘܣ ܒܪܗ ܕܕܘܝܕ ܐܬ݁ܪܚܡ ܥܠܐܝ |
| 018:039 | ܘܗ̈ܠܝܢ ܕܗܘܘ ܐܙ̈ܠܝܢ ܩܘ̈ܕܡܝܐ ܗܘܘ ܙܥ̈ܦܝܢ ܒܗ ܕܝܫܬܘܩ܃ ܗܘ ܕܝ ܥܠ ܕܝܬܝܪ ܗܘܐ ܡܨܘܚ ܒܪܗ ܕܕܘܝܕ ܐܬ݁ܪܚܡ ܥܠܐܝ |
| 018:040 | ܩܡ ܕܝ ܡܪܐ ܝܣܘܣ ܘܦܩܕ ܕܝܡܛܘܢ ܝܬܗ ܠܘܬ݁ܗ܃ ܟܕ ܕܝ ܩܪܒ ܒܟܢ ܫܐܠ ܝܬܗ ܘܐܡܪ |
| 018:041 | ܡܐ ܐܬ ܨܒܐ ܕܝܥܒܕ ܠܟ܃ ܘܗܘ ܐܡܪ ܡܪܝ ܕܝܚܡܐ |
| 018:042 | ܘܡܪܐ ܝܣܘܣ ܐܡܪ ܠܗ ܚܡܝ܃ ܗܝܡܢܘܬ݁ܟ܃ ܐܚܝܬ݁ ܝܬ݁ܟ |
| 018:043 | ܘܒܪܫܥܬ݁ܗ ܚܡܐ ܘܗܘܐ ܡܫܒܚ ܠܐܠܗܐ܃ ܘܟܘܠ ܩܗܠܐ ܕܚܡܐ ܝܗ̈ܒܘ ܬܫܒܘܚܬܐ ܠܐܠܗܐ |
| 019:001 | ܥܒܪ ܝܣܘܣ ܥܠܐ ܒܝܪܝܚܘ |
| 019:002 | ܘܗܐ ܚܕ ܐܢܫ ܕܫܝܡܗ ܡܬ݁ܡܪ ܙܟܐܝ ܘܗܘ ܪܝܫ ܡܟ̈ܣܝܐ܃ ܘܗܘܐ ܥܬܝܪ |
| 019:003 | ܘܗܘܐ ܒܥܐ ܕܝܚܡܐ ܠܡܪܐ ܝܣܘܣ ܡ݁ܢ ܗܘ܃ ܘܠܐ ܗܘܐ ܝܟܠ ܡܢ ܐܘܟܠܘܣܐ܃ ܕܗܘܐ ܩܘܨܪ ܒܩܘܡܬ݁ܗ |
| 019:004 | ܘܪܗܛ ܩܕܡ ܠܩܘܡܝܐ ܘܣܠܩ ܠܗ ܠܫܘܩܡܐ ܕܝܚܡܐ ܝܬܗ ܕܥܠ ܕܝܬܗ ܗܘܐ ܥܬܝܕ ܕܝܥܒܘܪ |
| 019:005 | ܘܟܕ ܐܬܐ ܡܪܐ ܝܫܘܥ ܠܝܬܗ ܐܬ݁ܪܐ ܐܣܬ݁ܟܠ ܘܚܡܐ ܝܬܗ ܘܐܡܪ ܠܗ܃ ܙܟܐܝ ܐܫܬܒܩ ܚܘܬ݁ ܕܝܘܡܕܢ ܓܪ ܒܒܝܬܟ ܧܢܛܘܣ ܠܝ ܕܝܗܐ ܐܢܐ |
| 019:006 | ܘܐܫܬܒ{ܩ}<ܫ> ܢܚܬ݁ ܘܩܒܠܗ ܚܕܐ |
| 019:007 | ܘܚ̈ܡܘ ܟܘܠܗܘܢ ܘܗܘܘ ܡܪ̈ܢܢܝܢ ܘܐܡܪܝܢ ܕܠܘܬ݁ ܓܒܪ ܣܟܠ ܥܠ ܕܝܫܪܐ |
| 019:008 | ܩܡ ܕܝ ܙܟܐܝ ܘܐܡܪ ܠܡܪܐ ܝܣܘܣ܃ ܗܐ ܦܠܓܘܬ݁ ܩܢܝܢܐܝ ܠܡܣ̈ܟܝܢܝܐ ܐܢܐ ܝܗܒ ܡܪܝ܃ ܘܐܢ ܕܝ ܠܐܢܫ ܟܘܠܡ ܛܠܡܬ݁ ܐܢܐ ܓܙܐ ܐܪܒܥܐ ܟܦܠܝ̈ܢ |
| 019:009 | ܘܐܡܪ ܠܗ ܡܪܐ ܝܣܘܣ ܝܘܡܕܝܢ ܚܝ̈ܝܐ ܠܗܕܢ ܒܝܬܐ ܐܬ݁ܥܒ̈ܕܘ܃ ܗܝܟ ܡܐ ܕܐܘܦ ܗܕܝܢ ܒܪܗ ܕܐܒܪܗܡ ܐܝܬ݁ ܗܘ |
| 019:010 | ܐܬܐ ܓܪ ܒܪܗ ܕܓܒܪܐ ܕܝܒܥܐ ܘܝܚܐ ܡܐ ܕܐܒܕ |
| 020:001 | ܘܗܘܐ ܒܚܕ ܡܢ ܝܘ̈ܡܝܐ ܗܝܟ ܕܗܘ ܡܠܦ ܠܩܗܠܐ ܒܢܘܣܐ ܘܡܒܣܪ܃ ܩܘܕܡ ܪܝܫ ܟܗ̈ܢܝܐ ܘܣܦܪ̈ܝܐ ܥܡ ܩܫ̈ܝܫ<ܝ>ܐ |
| 020:002 | ܘܐܡܪ̈ܘ ܠܘܬ݁ܗ܃ ܐܡܘܪ ܠܢ ܒܗܝܕܐ ܫܘܠܛܢܘ ܐܬ ܥܒܕ ܗ̈ܠܝܢ܃ ܐܐ݁ ܡ݁ܢ ܗܘ ܕܢ ܕܝܗܒ ܠܟ ܗܕܐ ܫܘܠܛܢܘܬܐ |
| 020:003 | ܘܐܓܝܒ ܘܐܡܪ ܠܗܘܢ ܝܫܘܠܢܟܘܢ ܐܘܦ ܐܢܐ ܚܕܐ ܡܠܐ܃ ܘܐܡܪ̈ܘ ܠܝ |
| 020:004 | ܡܨܒܘܥ<ܝ>ܬܐ ܕܝܘܚܢܝܣ ܡܢ ܗܢ ܗܘܬ݁܃ ܡܢ ܫܘܡܝܐ ܐܐ݁ ܡܢ ܒܢܝܢܫܐ |
| 020:005 | ܘܗܢ̈ܘܢ ܗܘܘ ܡܬ݁ܚܫ̈ܒܝܢ ܠܩܘܒܠ ܓܪ̈ܡܗܘܢ ܐܡܪ̈ܝܢ܃ ܐܢ ܢܝܡܘܪ ܡܢ ܫܘܡܝܐ ܐܡܪ ܗܘ ܠܢ ܠܡܐ ܠܐ ܗܝܡܢܬܘܢ ܠܗ |
| 020:006 | ܘܐܢ ܢܝܡܘܪ ܡܢ ܒܢܝܢܫܐ ܩܗܠܐ ܟܘܠܗ ܪܓܡ ܝܬܢ܃ ܡܦܣ ܗܘ ܓܪ ܝܘܚܢܝܣ ܢܒܐ݁ ܐܝܬ݁ ܗܘ |
| 020:007 | ܘܐܓ̈ܝܒܘ ܕܠܐ ܝܕܥܝܢ ܡܢ ܗܢ ܗܝ |
| 020:008 | ܘܡܪܐ ܝܣܘܣ ܐܡܪ ܠܗܘܢ܃ ܐܘܦ ܠܐ ܐܢܐ ܠܝܬܢܐ ܐܡܪ ܠܟܘܢ ܒܗܝܕܐ ܫܘܠܛܢܘ ܐܢܐ ܥܒܕ ܗ̈ܠܝܢ |
| 020:046 | ܐܙܕܗܪ̈ܘ ܡܢ ܣܦܪ̈ܝܐ ܗ̈ܠܝܢ ܕܨܒ̈ܝܢ ܕܝܗܠܟܘܢ ܒܐܣܛܘܠܘܐܢ܃ ܘܪ̈ܚܡܝܢ ܫܝܐܠ ܫܝܠܡܐ ܒܫܘܩ̈ܝܐ܃ ܘܪܝܫ ܡܝܬܘܒܝܬܐ ܒܟܢܝܫܬܐ܃ ܘܪܝܫ ܡܪ̈ܒܘܥܝ<ܬ>ܐ ܒܡܓ̈ܘܣܝܐ |
| 020:047 | ܗ̈ܠܝܢ ܕܐܟ̈ܠܝܢ ܒܐܬܗܝܢ ܕܐܪ̈ܡܠܬܐ܃ ܘܒܥܠܐ ܡܨ̈ܠܝܢ ܐܪ̈ܝܟܢ܃ ܘܗ̈ܠܝܢ ܝܣܒ̈ܘܢ ܕܝܢܐ ܡܝܬܪܐ |
| 021:001 | ܘܣܟܐ ܘܚܡܐ ܠܗ̈ܠܝܢ ܕܪ̈ܡܝܢ ܒܒܝܬ ܩܘܪ̈ܒܢܐ ܩܘܪ̈ܒܢܝܗܘܢ ܥܬܝܪ̈ܝܢ |
| 021:002 | ܘܚܡܐ ܚܕܐ ܐܪܡܠܐ ܡܣܟܝܢܐ ܕܪܡܬ݁ ܬ݁ܡܢ ܬ݁ܪ̈ܝܢ ܙܘܙܝܢ |
| 021:003 | ܘܗܘ ܐܡܪ ܠܗܘܢ ܩܫܝܛܐܝܬ݁ ܐܢܐ ܐܡܪ ܠܟܘܢ܃ ܕܗܕܐ ܐܪܡܠܬܐ ܣܓܝ ܡܢ ܟܘܠܗܘܢ ܪܡ{ܝ}ܬ݁ |
| 021:004 | ܟܘܠ ܗ̈ܠܝܢ ܓܪ ܡܢ ܝܬ݁ܪܘܢܐ ܕܝܠܗܘܢ ܪ̈ܡܘ ܒܩܘܪ̈ܒܢܝܐ܃ ܗܕܐ ܕܝ ܡܢ ܚܣܪܘܢܗ ܟܘܠ ܩܢܝܢܐ ܕܗܘܐ ܠܗ ܪܡ{ܝ}ܬ݁ ܡ݁ܢ ܕܠܗ ܐܕܢ̈ܝܢ ܕܝܫܡܘܥ ܝܫܡܘܥ |
| 021:008 | ܚܡ̈ܘ ܕܠܐ ܬܛܥܘܢ ܣܓܝ ܓܪ ܝܐܬ݁ܘܢ ܥܠ ܫܝܡܝ ܐܡܪ̈ܝܢ ܐܢܐ ܗܘ܃ ܘܩܝܪܘܣܐ ܩܪܒ ܠܐ ܬ݁ܙ̈ܠܘܢ ܒܬܪܗܘܢ |
| 021:009 | ܟܕ ܬܫ̈ܡܥܘܢ ܩܪ̈ܒܝܢ ܘܥܘܪ̈ܒܒܝܢ ܠܐ ܬܬ݁ܪ̈ܗܒܘܢ܃ ܧܢܛܘܣ ܓܪ ܠܗ̈ܠܝܢ ܕܝܗܢ ܩܡܝ ܐܠܐ ܠܐ ܫܝܘܐ ܗܘܐ ܫܝܨܘܝܐ |
| 021:010 | ܒܟܝܢ ܐܡܪ ܠܟܘܢ ܝܩܘ̈ܡܘܢ ܡܝܢ ܥܠ ܡܝܢ܃ ܘܡܠܟܘ ܥܠ ܡܠܟܘ |
| 021:011 | ܘܙܘ̈ܥܢܝܢ ܪܒܪܒܝܢ ܒܐܬܪ̈ܝܢ ܐܬܪ̈ܝܢ ܘܟܦ̈ܢܝܢ ܘܡܘ̈ܬܢܝܢ ܝܗܘܢ ܘܕ̈ܚܠܢ ܘܐܬ̈ܝܢ ܪܒܪܒܝܢ ܡܢ ܫܘܡܝܐ ܝܗܘܢ |
| 021:012 | ܘܡܢ ܩܘܕܡ ܗ̈ܠܝܢ ܟܘܠ̈ܗܝܢ ܝܪ̈ܡܘܢ ܥܠܝܟܘܢ ܐܝܕܝ̈ܗܘܢ܃ ܘܝܪ̈ܕܦܘܢ ܝܬܟܘܢ ܘܝܡܣܘܪܘܢ ܒܟܢܝܫ̈ܬܐ ܘܒܚܒ̈ܘܫܝܐ ܘܬ݁ܝܙܘ̈ܠܘܢ ܠܩܘܕܡ ܡ̈ܠܟܝܢ܃ ܘܠܩܘܕܡ ܗܝܓ̈ܡܘܢܝܢ ܠܓܠܠ ܫܝܡܝ |
| 021:013 | ܡܛܝܐܢ ܕܝ ܠܟܘܢ ܗܠ̈ܝܢ ܠܣܗܕܘ |
| 021:014 | ܐܣܝܡ̈ܘ ܐܘܢ ܒܠܒ̈ܒܝܟܘܢ ܕܠܐ ܡܢ ܩܘܕܡ ܬܗܘܢ܃ ܡܝ̈ܬܝܠܦܝܢ ܕܬܝܬ݁ܠܘܢ ܐܧ̈ܠܘܓܝܐ |
| 021:015 | ܐܢܐ ܓܪ ܝܬܠ ܠܟܘܢ ܦܡ ܘܚܟܡܐ |
| 021:008 | ܚ̈ܡܘ ܕܠܐ ܬܛܥ̈ܘܢ܃ ܣܓܝ ܓܪ ܝܐܬ݁ܘܢ ܥܠ ܫܝܡܝ ܐܡܪ̈ܝܢ ܐܢܐ ܗܘ܃ ܘܩܝܪܘܣܐ ܩܪܒ ܠܐ ܬ݁ܙ̈ܠܘܢ ܒܬܪܗܘܢ |
| 021:009 | ܟܕ ܕܝ ܬܫ̈ܡܘܥܘܢ ܩܪ̈ܒܝܢ ܘܥܘܪ̈ܒܒܝܢ ܠܐ ܬܬ݁ܪ̈ܗܒܘܢ܃ ܧܢܛܘܣ ܓܪ ܠܗ̈ܠܝܢ ܕܝܗܢ ܩܡܐܝ܃ ܐܠܐ ܠܐ ܫܘܐ ܗܘܐ ܫܝܨܘܝܐ |
| 021:008 | ܚܡܘ܃܃܃ |
| 021:012 | ܡܢ ܐܢܫܝܢ ܝܪ̈ܡܘܢ ܥܠܝܟܘܢ ܐܝܕܝܗܘܢ ܘܝܪܕܘܦܘܢ ܘܝܡܣܘܪ̈ܘܢ ܝܬܟܘܢ ܒܟܢܝܫ̈ܬܐ ܘܒܚܘܒܘܫܝܐ ܘܬ݁ܝܙܠܘܢ ܠܩܘܕܡ ܡ̈ܠܟܝܢ ܘܠܩܘܕܡ ܗܝ̈ܓܡܘܢܝܢ ܠܓܠܠ ܫܝܡܝ |
| 021:013 | ܡܛܝܐܢ ܕܝ ܗܠܝܢ ܠܟܘܢ ܠܣܗܕܘ |
| 021:014 | ܐܣܝܡ̈ܘ ܐܘܢ ܒܠܒܝܟ̈ܘܢ ܕܠܐ ܡܢ ܩܘܕܡ ܬܗܘܢ ܡܬ̈ܝܠܦܝܢ ܕܬܬ݁ܠܘܢ ܐܧ̈ܘܠܓܝܐ |
| 021:015 | ܐܢܐ ܓܪ ܝܬܠ ܠܟܘܢ ܦܡ ܘܚܟܡܐ ܕܠܐ ܝܟܘܠܘܢ ܩܐܝܡܝܢ ܐܐ݁ ܐܡܪ̈ܝܢ ܠܩܘܒܠܗ܃ ܗܠܝܢ ܕܗܘܝܢ ܩܐܝܡܝܢ ܠܩܘܒܠܟܘܢ |
| 021:016 | ܬ݁ܬ݁ܡܣܪ̈ܘܢ ܕܝ ܐܘܦ ܡܢ ܐܢܫ̈ܝܟܘܢ ܘܡܢ ܐܚܝ̈ܟܘܢ ܘܡܢ ܩܪ̈ܝܒܝܟܘܢ܃ ܘܡܢ ܪ̈ܚܡܝܟܘܢ܃ ܘܝܩܛܘܠ̈ܘܢ ܡܢܟܘܢ |
| 021:017 | ܘܐܬܘܢ ܗܘܝܢ ܡ̈ܣܬܢܝܢ ܡܢ ܟܘܠܐ ܠܓܠܠ ܫܝܡܝ |
| 021:018 | ܘܙܡܐ ܕܝ ܡܢ ܪ̈ܝܫܝܟܘܢ ܠܐ ܬܝܒܘܕ |
| 021:019 | ܩܓܝܪ ܒܡܣܘܒܪܢܘܬ݁ܟܘܢ ܐܬܘܢ ܩ̈ܢܝܢ ܢܦܫ̈ܬܟܘܢ |
| 021:025 | ܘܝܗܘܢ ܐܬ݁ܝܢ ܒܫܝܡܫܐ ܘܒܙܗܪܐ ܘܒܟ̈ܘܟܒܝܐ ܘܥܠ ܐܪܥܐ ܠܚܨܘܢ ܕܡܝܢ̈ܝܢ ܒܬ݁ܡܝܗܘܬܗ ܕܩܠܗ ܕܝܡܐ ܘܕܙܘܥܢ̈ܐ |
| 021:026 | ܕܢܦ̈ܩܢ ܢܝܦ̈ܫܬܐ ܕܒ̈ܢܝܢܫܐ ܡܢ ܕܚܠܬܐ ܘܡܢ ܣܟܘܝܐ ܕܗ̈ܠܝܢ ܕܐܬ݁ܝܐܢ ܥܠ ܥܡܘܪܬܐ܃ ܚܝ̈ܠܝܐ ܓܪ ܕܫܘܡܝܐ ܝܙܕܥ̈ܙܥܘܢ |
| 021:027 | ܘܒܟܝܢ ܝܚ̈ܡܘܢ ܠܒܪܗ ܕܒܪܢܫܐ ܐܬܐ ܥܠ ܥܢܢܝ̈ܗܘܢ ܕܫܡܝܐ ܥܡ ܚܝܠ ܘܬܝܫܒܘܚܐ ܣܓܝ |
| 021:028 | ܐܕ̈ܝܩܘ ܘܬ̈ܠܘ ܪ̈ܝܫܝܟܘܢ ܕܩܪܒ ܦܘܪܩܢܟܘܢ |
| 021:029 | ܘܐܡܪ ܠܗܘܢ ܡܬ݁ܠ܃ ܚܡܝܬܘܢ ܬܝܢܬܐ ܘܟܘܠ ܐܝܠܢܝ̈ܐ |
| 021:030 | ܟܕ ܝܫܪ̈ܘܢ ܟܒܪ ܡܦܪ̈ܥܝܢ ܚ̈ܡܘ ܡܢܗܘܢ ܕܘ̈ܥܘ ܗܘ ܟܒܪ ܩܝܛܐ |
| 021:031 | ܗܟܕܝܢ ܐܘܦ ܐܬܘܢ ܟܕ ܬܚܡ̈ܘܢ ܗ̈ܠܝܢ ܡܝܬ݁ܥܒܕܢ ܕܘ̈ܥܘ ܕܩܪܒܬ݁ ܡܠܟܘܬܗ ܕܐܠܗܐ |
| 021:032 | ܐܡܝܢ ܐܡܪ ܠܟܘܢ ܕܠܐ ܝܥܒܘܪ ܗܕܝܢ ܕܪܐ ܥܕܡܐ ܕܟܘܠܐ ܝܬܥܒܝܕ |
| 021:033 | ܫܘܡܝܐ ܘܐܪܥܐ ܝܥܒܘܪ̈ܘܢ ܘܡܠܝ̈ ܕܝܠܝ ܠܐ ܝܥܒܘܪܢ |
| 021:034 | ܐܣܟܠܘ ܕܝ ܠܓܪܡܟܘܢ ܕܠܐ ܝܩܘܪ̈ܘܢ ܠܒܒܝܟܘܢ܃ ܒܫܬܐܝ ܕܚܡܪ ܘܒܪܘܝܘ ܘܒܨܦܘܢ ܕܥܠܡ܃ ܘܝܩܘܡ ܥܠܝܟܘܢ ܝܬܗ ܝܘܡܐ ܡܢ ܫܠܝܐ |
| 021:035 | ܗܝܟ ܦܚ ܓܪ ܗܘ ܐܬܐ ܥܠ ܟܘܠ ܐܦ̈ܝܗ݀ ܕܐܪܥܐ |
| 021:036 | ܗܘܘ ܫܗܪ̈ܝܢ ܒܟܘܠ ܩܝܪܘܣ܃ ܒܥܝܢ ܕܬܝܟܘܠܘܢ ܥܪ̈ܩܝܢ ܡܢ ܟܘܠ ܗ̈ܠܝܢ ܕܥܬܝܕܝܢ ܕܝܗܘܢ܃ ܘܬܝܩ̈ܘܡܘܢ ܩܘܕܡ ܒܪܗ ܕܒܪܢܫܐ |
| 021:025 | ܘܝܗ̈ܘܢ ܐܬ̈ܝܢ ܒܫܝܡܫܐ ܘܒܙܗܪܐ ܘܒܟܘ̈ܟܒܝܐ܃ ܘܥܠ ܐܪܥܐ ܠܚܘܨܝܢ ܕܡܝ̈ܢܝܢ܃ ܒܬܡܝܗܘܬܐ ܕܩܠܗ ܕܝܡܐ ܘܕܙ̈ܘܥܢܐ |
| 021:026 | ܕܢܦܩܢ ܢܦܫ̈ܬܐ ܕܒ̈ܢܝܢܫܐ ܡܢ ܕܚܠܬܐ ܘܡܢ ܣܟܘܝܐ ܕܗ̈ܠܝܢ ܕܐܬ̈ܝܐܢ ܥܠ ܥܡܪܬܐ܃ ܚ̈ܝܠܝܐ ܕܫܘܡܝܐ ܓܪ ܝܙܕܥܙܥܘܢ |
| 021:027 | ܘܒܟܢ ܝܚ̈ܡܘܢ ܠܒܪܗ ܕܓܒܪܐ ܐܬܐ ܒܥܢܢܝܐ ܥܡ ܚܝܠ ܘܬܫܒܘܚܐ ܣܓܝ |
| 021:033 | ܫܘܡܝܐ ܘܐܪܥܐ ܝܥܒܘܪ̈ܘܢ ܘܡܠ̈ܐܝ ܕܝܠܝ ܠܐ ܝܥܒܘܪ̈ܢ |
| 021:034 | ܐܣ̈ܬܟܠܘ ܕܝ ܠܓܪܡܟܘܢ ܕܠܐ ܝܘܩܘܪ̈ܘܢ ܠܒܒ̈ܝܟܘܢ ܒܫܬܐܝ ܕܚܡܪ ܘܒܪܘܝܘ܃ ܘܒܨܦܘ̈ܐܢ ܕܥܠܡ܃ ܘܝܩܘܡ ܥܠܝܟܘܢ ܝܬܗ ܝܘܡܐ ܡܢ ܫܠܝܐ |
| 021:035 | ܗܝܟ ܦܚ ܓܪ ܗܘ ܐܬܐ ܥܠ ܟܘܠ ܗ̈ܠܝܢ ܕܝܬܝܒ̈ܝܢ ܥܠ ܟܘܠ ܐܦܝ̈ܗ݀ ܕܐܪܥܐ |
| 021:036 | ܗܘܘ ܕܝ ܫܗܪ̈ܝܢ ܒܟܘܠ ܩܝܪܘܣ ܘܒ̈ܥܝܢ ܕܬܝܟ̈ܘܠܘܢ ܥܪ̈ܩܝܢ ܡܢ ܟܘܠ ܗ̈ܠܝܢ ܕܥ̈ܬܝܕܢ ܕܝܗ̈ܢ܃ ܘܬ݁ܩ̈ܘܡܘܢ ܩܘܕܡ ܒܪܗ ܕܓܒܪܐ |
| 022:001 | ܘܩܪܒ ܕܝ ܡܘܥܕܐ ܕܦ̈ܛܝܪܐ ܕܡܬܐܡܪ ܦ̈ܝܣܚܐ |
| 022:002 | ܘܗܘܘ ܒ̈ܥܝܢ ܪ̈ܝܫܝ ܟܗ̈ܢܝܐ ܘܣܦܪ̈ܝܐ ܗܝܟ ܝܩܛܘܠ̈ܘܢ ܝܬ݁ܗ܃ ܗܘܘ ܓܪ ܕܚ̈ܠܝܢ ܡܢ ܩܗܠܝܐ |
| 022:003 | ܘܥܠ ܣܛܢܐ ܒܝܘܕܣ ܕܡܬܐܡܪ ܙܟ̈ܪܝܘܛܐ܃ ܕܗܘܐ ܡܢ ܡܢܝܢܐ ܕܬ݁ܪ̈ܝܥܣܪܬܐ |
| 022:004 | ܘܐܙܠ ܡܠܝܠ ܥܡ ܪ̈ܝܫܝ ܟ̈ܗܢܝܐ ܘܐܣܛܪ̈ܛܝܓܝܐ܃ ܕܗܝܟ ܝܡܣܘܪ ܝܬ݁ܗ ܠܗܘܢ |
| 022:005 | ܘܚܕܘ̈ ܘܩ̈ܨܘ ܕܝܬ݁ܠ̈ܘܢ ܠܗ ܟܣܝܦ |
| 022:006 | ܘܐܫܬܘܕܝ ܘܗܘܐ ܒܥܐ ܩܝܪܘܣ ܕܫܘܐ ܕܝܡܣܘܪ ܝܬ݁ܗ ܠܗܘܢ ܕܠܐ ܐܟܠܘܣ |
| 022:007 | ܘܐܬܐ ܝܘܡܐ ܕܦ̈ܛܝܪܐ ܕܒܗ ܗܘܐ ܛܟܣܐ ܕܝܬ݁ܢܟܣ ܦ̈ܝܣܚܐ |
| 022:008 | ܘܫܠܝܚ ܠܧ̈ܛܪܘܣ ܘܠܝܘܚܢܝܣ ܐܡܪ܃ ܐܙܠ̈ܘ ܥܬ݁ܕܘ ܠܢ ܕܢܝܟܘܠ ܦ̈ܝܣܚܐ |
| 022:009 | ܘܗܢܘܢ ܕܝ ܐܡܪ̈ܘ ܠܗ܃ ܗܢ ܐܬ ܨܒܐ ܕܢܥܬ݁ܕ |
| 022:010 | ܘܗܘ ܐܡܪ ܠܗܘܢ܃ ܗܐ ܟܕ ܬ݁ܥܘܠ̈ܘܢ ܠܡܕܝܢܬܐ ܝܘܪܥ ܝܬ݁ܟܘܢ ܒܪܢܫ ܛܥܝܢ ܓܪܒ ܕܡܝܢ܃ ܐܙ̈ܠܘ ܒܬ݁ܪܗ ܠܒܝܬܗ ܕܗܘ ܥܐܠܠ |
| 022:011 | ܘܐܬܘܢ ܐܡܪ̈ܝܢ ܠܡܪܗ ܕܒܝܬܐ܃ ܐܡܪ ܠܟ ܡܠܦܢܐ ܗܢ ܗܘ ܒܝܬ ܡܫܪܝܐ ܗܢ ܕܢܝܟܘܠ ܦ̈ܝܣܚܐ ܥܡ ܬܠ̈ܡܝܕܐܝ |
| 022:012 | ܘܗܘ ܡܘܕܥ ܠܟܘܢ ܥܠܝ{ܐ} ܪܒܐ ܡܫܘܝܐ܃ ܘܬ݁ܡܢ ܥܬ݁ܕܘ |
| 022:013 | ܘܐܙܠ̈ܘ ܘܐܫ̈ܟܚܘ ܗܝܟ ܐܡܪ ܠܗܘܢ ܡܪܐ ܝܣܘܣ܃ ܘܥܬ݁ܕܘ ܦ̈ܣܚܐ |
| 022:014 | ܘܟܕ ܗܘܬ݁ ܫܥܬܐ ܪܒܥ ܘܬܪܝܥܣܪܬܐ ܫ̈ܠܝܚܝܐ ܥܡܗ |
| 022:015 | ܘܐܡܪ ܠܗܘܢ ܒܬܚܘܡܕܐ ܐܬܚܡܕܬ݁ ܕܝܟܘܠ ܗܕܢ ܦ̈ܝܣܚܐ ܥܡܟ̈ܘܢ܃ ܥܕ ܠܐ ܝ̈ܚܘܫ |
| 022:016 | ܐܡܪ ܐܢܐ ܠܟܘܢ ܓܪ ܕܥܘܕ ܠܐ ܝܟܘܠ ܡܢܗ ܥܕܡܐ ܕܝܫܬܠܡ ܒܡܠܟܘܬ݁ܗ ܕܐܠܗܐ |
| 022:017 | ܘܩܒܠ ܟܣܐ ܘܐܫܬܘܕܝ ܘܐܡܪ ܣ̈ܒܘ ܗܕܝܢ ܦܠܓܘ̈ ܒܝܢܬ݁ܟܘܢ |
| 022:018 | ܐܡܪ ܐܢܐ ܠܟܘܢ ܓܪ ܕܠܐ ܝܫܬܐ ܡܢ ܟܕܘ ܡܢ ܦܝܪ̈ܝܐ ܕܓܘܦܢܐ܃ ܥܕܡܐ ܕܬܝܬܐ ܡܠܟܘܬ݁ܗ ܕܐܠܗܐ |
| 022:019 | ܘܢܣܒ ܠܚܡܐ ܘܐܫܬܘܕܝ ܘܩܨܐ ܘܝܗܒ ܠܗܘܢ ܘܐܡܪ ܕܢ ܗܘ ܦܘܓܪܝ ܕܥܠ ܕܛܒ̈ܝܟܘܢ ܡܬ݁ܝܗܒ܃ ܗܕܝܢ ܗܘܘ ܥܒܕܝܢ ܠܕܝܟܪܘܢܝ ܕܝܠܝ |
| 022:020 | ܘܟܣܐ ܟܢ ܘܟܘܬ݁ ܡܢ ܒܬ݁ܪ ܕܐܟ̈ܠܘ ܐܡܪ ܗܕܝܢ ܟܣܐ ܗܘ ܕܕܝܬ݁ܝܩܐ ܚܕܬܐ ܒܐܕܡܝ ܕܝܠܝ ܕܚܘܠܦܝܟܘܢ ܡܫܬܦܝܟ |
| 022:021 | ܒܕܢ ܕܝ ܗܐ ܐܝܕܗ ܕܕܢ ܕܡܣܪ ܠܝ ܥܡܝ ܥܠ ܦܬ݁ܘܪܐ |
| 022:022 | ܘܒܪܗ ܕܒܪܢܫܐ܃ ܗܝܟ ܕܡܬ݁ܩܝܢ ܠܗ ܐܙܠ܃ ܒܪܢ ܕܝ ܘܝ ܠܗ ܠܝܬ݁ܗ ܒܪܢܫܐ ܕܒܐܝܕܗ ܗܘ ܡܬ݁ܡܣܪ |
| 022:023 | ܘܗܢܘܢ ܫܪ̈ܘ ܡܬ̈ܒܥܝܢ ܠܩܒܘܠ ܓܪ̈ܡܗܘܢ ܕܡܢ ܡܢܗܘܢ ܐܪܐ ܗܘ ܕܢ ܕܥܬܝܕ ܕܝܥܒܕ ܗܕܐ |
| 022:024 | ܘܗܘܐ ܒܝܢܬ݁ܗܘܢ ܐܘܦ ܡܪܝܘܢ ܕܡܢ ܡܢܗܘܢ ܣܒܪ ܝܗܐ ܪܒ |
| 022:025 | ܗܘ ܕܝ ܐܡܪ ܠܗܘܢ ܡܠܟ̈ܝܗܘܢ ܕܡܝܢܝ̈ܐ ܡܪ̈ܝܢ ܥܠܗܘܢ܃ ܘܗ̈ܠܝܢ ܕܫ̈ܠܝܛܝܢ ܒܗܘܢ ܡܝܛܒ̈ܢܝܢ ܡܝܬ݁ܩܪ̈ܝܢ |
| 022:026 | ܐܬܘܢ ܕܝ ܠܐ ܟܕܢ܃ ܐܠܐ ܪܒܐ ܕܒܟܘܢ ܝܗܐ ܗܝܟ ܙܥܘܪܐ܃ ܘܪܒܐ ܗܝܟ ܕܢ ܕܡܫܡܫ |
| 022:027 | ܡ݁ܢ ܓܪ ܪܘܒ ܕܝܢ ܕܪܒܝܥ܃܃܃܃܃܃܃܃ ܐܢܐ ܕܝ ܒܝܢܬ݁ܟܘܢ ܗܝܟ ܕܢ ܕܡܫܡܫ |
| 022:028 | ܘܐܬܘܢ ܗܢܘܢ ܗܠܝܢ ܕܟܬܪ̈ܬܘܢ ܥܡܝ ܒܢܣܝܘܢܝ |
| 022:029 | ܘܐܘܦ ܐܢܐ ܡܬܩܢ ܠܟܘܢ ܗܝܟ ܕܐܬ݁ܩܝܢ ܠܝ ܐܒܐ ܡܠܟܘ |
| 022:030 | ܕܬܗܘܢ ܐܟ̈ܠܝܢ ܘܫܬ݁ܝܢ ܥܠ ܦܬ݁ܘܪܝ ܒܡܠܟܘܬ݁ܝ܃ ܘܬܬ݁ܒ̈ܘܢ ܥܠ ܬ݁ܪܬܝܥܣܪ̈ܐ ܡܝܬܘܒܝܐܢ ܕܐܝ̈ܢܝܢ ܬ݁ܪܝܥܣܪ̈ܬܐ ܫܘܒ̈ܛܝܐ ܕܐܣܪܝܠ |
| 022:031 | ܐܡܪ ܕܝ ܡܪܐ ܝܣܘܣ ܣܝܡܘܢ ܣܝܡܘܢ܃ ܗܐ ܣܛܢܐ ܫܐܠ ܝܬ݁ܟܘܢ ܕܝܥܪܒܠ ܝܬ݁ܟܘܢ ܗܟܡܐ ܕܚܛܬܐ |
| 022:032 | ܐܢܐ ܕܝ ܒܥܝܬ ܠܛܒܟ ܕܠܐ ܬܣܘܦ ܗܝܡܢܘܬ݁ܟ܃ ܘܐܘܦ ܐܬ ܒܙܒܢ ܬܘܒ ܘܫܪܪ ܝܬ݁ܗܘܢ ܠܐܚ̈ܝܟ |
| 022:033 | ܘܗܘ ܐܡܪ ܠܗ ܡܪܝ ܥܡܟ ܐܢܐ ܥܬܝܕ ܕܐܘܦ ܠܦܠܩܐ݁ ܘܐܘܦ ܠܡܘܬܐ ܝܐܙܠ |
| 022:034 | ܗܘ ܕܝ ܡܪܐ ܝܣܘܣ ܐܡܪ ܠܝܗ ܐܡܪ ܐܢܐ ܠܟ ܧ̈ܛܪܐ ܕܠܐ ܝܩܪܐ ܬܪܢܓܘܠܐ ܝܘܡܕܝܢ ܥܕܡܐ ܕܬ݁ܠܬܐ ܙ̈ܒܢܝܢ ܬܟܦܘܪ ܒܝ܃ ܕܠܝܬ ܐܬ ܡܟܪ ܠܝ |
| 022:035 | ܘܐܡܪ ܠܗܘܢ ܟܕ ܫܠܚܬ݁ ܝܬ݁ܟܘܢ ܕܠܐ ܟܝܣ܃ ܘܕܠܐ ܧ̈ܝܪ ܘܕܠܐ ܫ̈ܘܘܝܢ܃ ܕܡܐ ܟܝܠܘܡ ܐܚܣܪ̈ܬܘܢ |
| 022:036 | ܗܢܘܢ ܕܝ ܐܡܪ̈ܘ ܘܠܐ ܟܝܠܘܡ ܗܘ ܕܝ ܐܡܪ ܠܗܘܢ ܐܠܐ ܟܕܘ ܡܢ ܕܠܗ ܟܝܣ ܝܣܒ ܘܟܝܢ ܘܟܘܬ݁ ܐܘܦ ܧ̈ܝܪ ܘܡ݁ܢ ܕܠܝܬ ܠܗ ܣܝܦ ܝܙܒܢ ܡܐܢܗ ܘܝܙܒܘܢ ܠܗ ܣܝܦ |
| 022:037 | ܐܡܪ ܐܢܐ ܠܟܘܢ ܓܪ ܕܥܘ̈ ܕܗܐ ܕܝ ܟܬ݁ܝܒܐ ܠܗ ܕܬܫܠܘܡ ܒܝ ܕܐܘܦ ܥܡ ܣܟ̈ܠܐ܃ ܝܬ݁ܚܫܒ ܡܐ ܓܪ ܕܥܠ ܕܛܒܝ ܫܝܨܘܝ ܠܗ |
| 022:038 | ܘܗܢܘܢ ܐܡܪ̈ܘ ܡܪܐ ܗܐ ܟܐ ܬ݁ܪ̈ܝܢ ܣܝ̈ܦܝܢ ܘܗܘ ܕܝ ܐܡܪ ܠܗܘܢ ܣܦܩ ܗܘ |
| 022:039 | ܘܢܦܩ ܐܙܠ ܡܪܢ [ܝ]ܣܘܣ ܗܝܟ [ܕܗ]ܘ ܐܠܘܦ [ܠܛ]ܘܪܐ ܕܙܝܬܝܐ [ܘܐ]ܙܠܘ ܒܬ݁ܪܗ [ܐܘܦ] ܬܠܡܝܕܘܝ |
| 022:043 | ܘܐܬ݁ܚܡܝ ܠܗ ܕܝ ܡܠܐܟ ܡܢ ܓܘ ܫܡܝܐ ܡܚܝܠ܃ ܝܬܗ |
| 022:044 | ܘܒܡܐ ܕܐܬ݁ܥܒܕ ܗܝܟ ܒܗܝܡܐ/ܒܗ ܝܘܡܐ/ ܒܝܨܝܦܘ ܗܘܐ ܡܨܠܐ ܘܐܬ݁ܥܒܕܬ݁܃ ܕܥܬ݁ܗ ܗܝܟ ܫܠܝܐܢ ܕܐܕܡܐ ܢܚ̈ܬܢ ܥܠ ܐܪܥܐ |
| 022:045 | ܘܩܡ ܡܢ ܨܠܘܬܐ ܘܐܬܐ ܠܘܬ݁ ܬܠ̈ܡܝܕܝܐ ܘܐܫܟܝܚ ܝܬ݁ܗܘܢ ܕܡ̈ܝܟܝܢ ܗܘܝ ܓܪ ܥܝܢܝ̈ܗܘܢ ܝܩܝܪ̈ܝܢ |
| 023:032 | ܘܗܘܘ ܕܝ ܡܝܒ̈ܠܝܢ ܐܘܦ ܥܡ ܡܪܐ ܝܣܘܣ ܬ݁ܪ̈ܝܢ ܚܘܪ̈ܢܝܢ ܥܒ̈ܕܐܝ ܒ̈ܝܫܢ ܕܝܨܛܠܒ̈ܘܢ |
| 023:033 | ܘܟܕ ܐܬ̈ܘ ܥܠ ܐܬ݁ܪܐ ܗܕܢ ܕܡܬ݁ܩܪܐ ܓܘܠܓܘܠܬܐ ܬ݁ܡܢ ܨܠ̈ܒܘ ܝܬܗ ܘܠܗ̈ܠܝܟ ܥܒ̈ܕܝ ܒܝܫ̈ܬܐ ܚܕ ܡܢ ܝܡܝܢܐ ܘܚܕ ܡܢ ܣܡܠܐ |
| 023:034 | ܡܪܐ ܝܣܘܣ ܕܝ ܗܘܐ ܐܡܪ ܐܒܐ ܫܒܘܩ ܠܗܘܢ܃ ܠܐ ܓܪ ܝ̈ܕܥܝܢ ܡ݁ܐ ܗܢܘܢ ܥܒܕܝܢ܃ ܘܡܦ̈ܠܓܝܢ ܕܝ ܡܐܢ̈ܘ ܗܘܘ ܪ̈ܡܝܢ ܢܒܙܝܢ |
| 023:035 | ܘܗܘܐ ܩܗܠܐ ܩܐܡ ܚܡܐ܃ ܗܘܘ ܕܝ ܐܘܦ ܐܪ̈ܟܘܢܝܐ ܡܡܝܩ̈ܝܢ ܒܗ ܐܡܪ̈ܝܢ܃ ܠܚܘܪ̈ܢܝܢ ܐܚܝ܃ ܝܚܐ ܓܪܡܗ ܐܢ ܗܕܝܢ ܐܝܬ݁ ܗܘ ܡܫܝܚܐ ܒܪܗ ܕܐܠܗܐ ܒܚܝܪܗ |
| 023:036 | ܘܓܚ̈ܟܘ ܒܗ ܐܘܦ ܪ̈ܘܡܝܝ܃ ܩܪܒܝܢ ܘܡܩܪ̈ܒܝܢ ܠܗ ܚܠܐ |
| 023:037 | ܘܐܡܪ̈ܝܢ ܐܢ ܐܬ ܗܘ ܡܠܟܐ ܕܝܗ̈ܘܕܝܝ ܐܚܝ ܓܪܡܟ |
| 023:038 | ܗܘܐ ܕܝ ܟܬ݁ܝܒ ܥܠܘ ܒܟܬ̈ܒܝܢ ܗܝܠܝܢܣܛܝ ܘܪܘܡܐܣܛܝ ܘܥܒܪܐܣܛܝ܃ ܕܗܕܢ ܐܝܬ݁ ܗܘ ܡܠܟܗܘܢ ܕܝܗ̈ܘܕܝܝ |
| 023:039 | ܚܕ ܕܝ ܡܢ ܗ̈ܠܝܟ ܥܒ̈ܕܝ ܒܝܫ̈ܬܐ ܕܐܨ̈ܛܠܒܘ ܥܡܗ ܗܘܐ ܡܓܕܦ ܥܠܘܝ ܘܐܡܪ ܠܐ ܐܬ ܗܘ ܡܫܝܚܐ܃ ܐܚܝ ܓܪܡܟ ܘܐܚܝ ܝܬܢ |
| 023:040 | ܐܓܝܒ ܕܝ ܚܘܪܢܐ ܘܗܘܐ ܙܥܦ ܒܗ ܘܐܡܪ܃ ܐܘܦ ܠܐ ܡܢ ܐܠܗܐ ܠܝܬ݁ ܐܬ ܕܚܠ܃ ܕܒܗ ܒܕܝܢܐ ܐܢܗ ܐܘܦ ܐܢܗ |
| 023:041 | ܘܐܢܗ ܡܢ ܩܘܫܛ ܫܘ̈ܝܝܢ ܒܡܐ ܕܥܒܕܢܗ ܐܢܗ ܡܬ̈ܓܙܝܢ܃ ܕܢ ܕܝ ܟܘܠܘܡ ܒܝܫ ܠܐ ܥܒܕ |
| 023:042 | ܘܗܘܐ ܐܡܪ ܠܡܪܐ ܝܣܘܣ ܐܕܟܪ ܝܬ݁ܝ ܟܕ ܬܝܬܐ ܒܡܠܟܘܬ݁ܟ |
| 023:043 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗ܃ ܐܡܝܢ ܐܡܪ ܐܢܐ ܠܟ ܕܝܘܡܕܢ ܐܬ ܗܘܐ ܥܡܝ ܒܦܘܪܕܝܣܐ |
| 023:044 | ܘܗܘܐܝ ܗܝܟ ܫܝܬ݁ ܫܥ̈ܝܢ܃ ܘܫܝܡܫܐ ܐܩܒܠ܃ ܘܣܗܪܐ ܛܫܝ ܢܘܗܪܗ ܘܟܘ̈ܟܒܐ ܢܦ̈ܠܘ ܘܫܘ̈ܥܐ ܦܩ̈ܥܘ ܘܩܒܪ̈ܐ ܐܬ݁ܦ̈ܬܚܘ ܘܦܓܪ̈ܐ ܕܩ̈ܕܝܫܐ ܣܓܝܐ ܩܡ̈ܘ ܘܐܬܚ̈ܙܝܘ ܠܣܓ̈ܝܐ |
| 023:045 | ܘܐܬ݁ܒܙܥ ܦܪܣܗ ܕܢܘܣܐ ܡܢ ܡܨܥܬ݁ܗ |
| 023:046 | ܘܐܨܝܚ ܡܪܐ ܝܣܘܣ ܒܩܠ ܪܒ ܘܐܡܪ܃ ܐܒܐ ܒܝܢ ܐܝ̈ܕܝܟ ܐܢܐ ܡܣܪ ܪܘܚܝ܃ ܗܕܐ ܕܝ ܐܡܪ ܘܫܠܡ |
| 023:047 | ܘܟܕ ܚܡܐ ܩܢܛܪܝܘܢܐ ܡܐ ܐܬ݁ܥܒܕ܃ ܫܒܚ ܠܐܠܗܐ ܘܐܡܪ܃ ܡܢ ܩܘܫܛ ܕܗܕܢ ܒܪܢܫܐ ܨܕܝܩ ܗܘܐ |
| 023:048 | ܘܟܘܠ ܐܘܟܠܣ̈ܝܐ ܐܬ̈ܘ ܥܠ ܗܕܢ ܡܚܡܘܝܐ܃ ܘܟܕ ܚ̈ܡܘ ܟܘܠܡܐ ܕܐܬ݁ܥܒܕ ܗܘܘ ܡܚ̈ܝܝܢ ܥܠ ܚܕܝ̈ܝܬܗܘܢ ܘܬܐܒ̈ܝܢ |
| 023:049 | ܗܘܘ ܕܝ ܩܐܡ̈ܝܢ ܟܘܠ ܗ̈ܠܝܢ ܕܡܟܪ̈ܝܢ ܠܗ ܡܢ ܪܚܘܩܐ܃ ܢܝ̈ܫܝܐ ܕܝ ܗ̈ܠܝܢ ܕܐܬ̈ܝ ܒܬ݁ܪܗ ܡܢ ܓܠܝܠܐ ܚܡܝܐܢ ܗ̈ܠܝܢ |
| 023:039 | ܚܕ ܕܝ ܡܢ ܗ̈ܠܝܢ ܥܒ̈ܕܝ ܒܝܫ̈ܬܐ ܕܐܨ̈ܛܠܒܘ ܥܡܗ ܗܘܐ ܡܓܕܦ ܘܐܡܪ܃ ܠܐ ܐܬ ܗܘ ܡܫܝܚܐ ܐܚܝ ܓܪܡܟ ܘܐܚܝ ܝܬܢ |
| 023:040 | ܐܓܝܒ ܕܝ ܚܘܪܢܐ ܘܗܘܐ ܙܥܦ ܒܗ ܘܐܡܪ܃ ܐܘܦ ܠܐ ܡܢ ܐܠܗܐ ܠܝܬ݁ ܐܬ ܕܚܠ܃ ܕܒܗ ܒܕܝܢܐ ܐܢܗ ܐܘܦ ܐܢܗ |
| 023:041 | ܘܐܢܗ ܡܢ ܩܘܫܛ ܫܘ̈ܝܝܢ ܒܡܐ ܕܥܒܕܢܗ ܐܢܗ ܡܬ̈ܓܙܝܢ܃ ܕܝ ܟܘܠܘܡ ܒܝܫ ܠܐ ܥܒܕ ܘܗܘܐ ܐܡܪ ܠܡܪܐ ܝܣܘܣ ܐܕܟܪ ܝܬ݁ܝ ܟܕ ܬܬܐ ܒܡܠܟܘܬ݁ܟ |
| 023:042 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗ܃ ܐܡܝܢ ܐܡܝܢ ܐܡܪ ܐܢܐ ܠܟ ܕܝܘܡܕܢ ܐܬ ܗܘܐ ܥܡܝ ܒܦܘܪܕܝܣܐ |
| 024:001 | ܘܒܚܕ ܒܫܘܒܐ ܡܢ ܩܪܝܨܐ ܠܚܕܐ܃ ܐܬ̈ܐܝ ܥܠ ܡܩܒܘܪܬܐ ܘܐܝܬܐܝ̈ ܡܐ ܕܥܬ̈ܕܝ ܒܣ̈ܡܢܝܢ ܘܐܝܬ݁ ܗܘܐ ܥܡܗ̈ܝܢ܃܃܃܃܃܃܃ |
| 024:002 | ܐܫ̈ܟܚܝ ܕܝ ܟܝܦܐ ܡܥܓܠܐ ܡܢ ܬܪܥܐ ܕܡܩܒܘܪܬܐ |
| 024:003 | ܘܥ̈ܠܝ ܕܝ ܘܠܐ ܐܫ̈ܟܚܝ ܦܘܓܪܐ ܕܡܪܐ ܝܣܘܣ |
| 024:004 | ܐܬܥܒܕ ܕܝ ܒܡ݁ܐ ܕܗܘ̈ܐܝ ܡܬ̈ܚܫܒܢ ܥܠ ܛܒ ܗܕܐ܃ ܘܗܐ ܬܪܝܢ ܓܒܪ̈ܝܢ ܩܡ̈ܘ ܥܠܝܗ̈ܝܢ ܒܡ̈ܐܢܝܢ ܡܒ̈ܗܩܝܢ |
| 024:005 | ܗܢ̈ܝܢ ܕܝ ܐܬ̈ܥܒܕܝ ܒܕܚܠܐ ܪܒܐ܃ ܘܗܘ̈ܝ ܡܪ̈ܟܝܢܢ ܐܦ̈ܝܗܝܢ ܠܐܪܥܐ܃ ܘܐܡܪ̈ܘ ܠܗ̈ܝܢ ܝܬܗܘܢ ܓܒܪ̈ܝܐ ܡܐ ܐܬܝ̈ܢ ܒܥ̈ܝܢ ܚܝܐ ܥܡ ܡܝ̈ܬܝܐ |
| 024:006 | ܠܝܬ݁ ܗܘ ܟܐ ܐܠܐ ܩܡ܃ ܐܬ̈ܕܟܪ̈ܝܢ ܗܝܟ ܡܠܠ ܠܟܝ̈ܢ ܥܕ ܗܘ ܒܓܠܝܠܐ |
| 024:007 | ܐܡܪ܃ ܕܥܬܝܕ ܗܘ ܒܪܗ ܕܓܒܪܐ ܕܝܬ݁ܡܣܪ ܠܒܝܢ ܐܝܕܝܗ̈ܘܢ ܕܒ̈ܢܝܢܫܐ ܣܟ̈ܠܝܐ ܘܝܨܛܠܒ ܘܠܝܘܡܐ ܬ݁ܠܝܬ݁ܝܐ ܝܩܘܡ |
| 024:008 | ܘܒܟܢ ܐܬ݁ܕܟܪ̈ܝ ܡܠ̈ܘܝ |
| 024:009 | ܘܟܕ ܬ̈ܒܝ ܡܢ ܡܩܒܘܪܬܐ܃ ܒܟܢ ܬܢ̈ܐܝ ܗ݀ܠܝܢ ܟ̈ܘܠܗܝܢ ܠܚܕܥܣܪܬܐ ܘܠܫܝܪܝܬܐ ܟܘܠܗܘܢ |
| 024:010 | ܗ̈ܘܐܝ ܕܝ ܡܪܝܐܡ ܡܓܕܠܝܬܐ ܘܝܘܚܢܐ܃ ܘܡܪܝܐܡ ܐܡܗ ܕܝܥܩܘܒ ܘܫܝܪܝܬܐ ܥܡܗ̈ܝܢ ܗ̈ܘܝ ܐܡܪ̈ܝܢ ܗ݀ܠܝܢ ܠܫܠܝܚ̈ܝܐ |
| 024:011 | ܘܗ̈ܘܝ ܡܬ̈ܚܡܐܝܢ ܩܘܕܡܝܗܘܢ ܗܝܟ ܫܛܝܘ ܗ݀ܠܝܢ ܡܠ̈ܝܐ ܘܠܐ ܗܘܘ ܡܗܝ̈ܡܢܝܢ ܠܗ̈ܝܢ |
| 024:012 | ܧ̈ܛܪܘܣ ܕܝ ܩܡ ܪܗܛ ܠܡܩܒܘܪܬܐ ܘܐܕܝܩ ܘܚܡܐ ܡܐܢ̈ܝܢ ܒܠܚܘܕ ܟܝܬ̈ܢܝܐ ܘܐܙܠ ܠܓܪܡܗ ܘܗܘܐ ܬܡܗ ܥܠ ܡܐ ܕܐܬ݁ܥܒܕ |
| 024:012 | ܣܝܡܘܢ ܕܝ ܩܡ ܘܪܗܛ ܠܩܒܪܐ ܘܐܕܝܩ ܚܙܐ ܟܬ̈ܢܐ ܕܣ̈ܝܡܝܢ ܒܠܚܘܕ ܘܐܙܠ ܟܕ ܡܬܕܡܪ ܒܓܪܡܗ ܥܠ ܡܕܡ ܕܗܘܐ |
| 024:013 | ܘܗܐ ܬ݁ܪ̈ܝܢ ܡܢܗ̈ܘܢ ܒܗ ܒܝܬ݁ܗ ܝܘܡܐ ܗܘܘ ܐܙܠ̈ܝܢ ܠܩܪܝܐ ܪܚܝܩܐ ܡܢ ܝܪܘܫܠܝܡ ܡܐܐ ܘܫ̈ܝܬܝܢ ܐܣܛܕܝܢ ܕܫܝܡܗ ܥܡܐܘܣ |
| 024:014 | ܘܗܢܘܢ ܗܘܘ ܡܡ̈ܠܠܝܢ ܚܕ ܥܡ ܚܕ ܥܠ ܛܒ ܟܘܠ ܗ̈ܠܝܢ ܕܡ̈ܛܐܝ |
| 024:015 | ܘܗܘܐ ܗܝܟ ܕܗܢ̈ܘܢ ܡܡ̈ܠܠܝܢ ܘܡܬܒܥܝܢ܃ ܘܗܘ ܡܪܐ ܝܣܘܣ ܩܪܒ ܘܗܐ ܐܙܠ ܥܡܗ̈ܘܢ |
| 024:016 | ܘܥܝܢܝ̈ܗܘܢ ܗܘ̈ܝ ܨ̈ܝܕܢ ܕܠܐ ܝܟܪ̈ܘܢ ܝܬ݁ܗ |
| 024:017 | ܘܐܡܪ ܠܗܘܢ ܡܪܐ ܝܣܘܣ ܡܐ ܗ̈ܢܝܢ ܗ̈ܠܝܢ ܡ̈ܠܝܐ ܕܐܬܘܢ ܡܬ݁ܒ̈ܥܝܢ ܚܕ ܥܡ ܚܕ ܘܡܗ̈ܠܟܝܢ |
| 024:018 | ܘܐܓܝܒ ܚܕ ܡܢ̈ܗܘܢ ܕܫܝܡܗ ܩܠܝܘܧ̈ܐܣ ܘܐܡܪ ܠܗ܃ ܐܬ ܒܠܚܘܕܝܟ ܬܘܬ݁ܒ ܡܢ ܟܘܠ ܥܡܘܪ̈ܝܗ ܕܝܪܘܫܠܝܡ ܘܠܐ ܝܕܥܬ ܒܟܘܠ ܗ̈ܠܝܢ ܕܐܬ݁ܥܒܕ ܒܗ ܒܗ̈ܠܝܢ ܝܘ̈ܡܝܐ |
| 024:019 | ܗܘ ܕܝ ܐܡܪ ܠܗܘܢ ܗܠܝܢ܃ ܘܗ̈ܢܘܢ ܐܡܪ̈ܘ ܠܗ ܥܠ ܕܛܒܗ ܕܝܣܘܣ ܢܙܪܝܐ ܗܕܢ ܕܗܘܐ ܓܒܪ ܢܒܐ݁ ܚܝܘܠ ܒܥܘܒܕܐ ܘܒܡܠܬܐ ܩܘܕܡ ܐܠܗܐ ܘܩܘܕܡ ܟܘܠܗ ܩܝܗܠܐ |
| 024:020 | ܗܝܟ ܡܣܪ̈ܘ ܪ̈ܝܫܐ ܟܗ̈ܢܝܐ܃ ܐܘܦ ܐܪ̈ܟܘܢܝܗ ܕܥܡܐ ܠܕܝܢܗ ܕܡܘܬܐ ܘܨ̈ܠܒܘ ܝܬܗ |
| 024:021 | ܘܐܢܗ ܗܘܝܢܗ ܣܒܝܪ̈ܝܢ ܕܗܘ ܗܕܢ ܕܥܬܝܕ ܕܝܦܪܘܩ ܝܬܗ ܠܐܝܣܪܐܝܠ܃ ܐܠܐ ܥܡ ܟܘܠ ܗ̈ܠܝܢ ܗܕܢ ܝܘܡ ܬܠܝܬܐܝ ܐܝܬ݁ ܗܘ ܝܘܡܕܢ ܡܢ ܕܐܬ݁ܥܒ̈ܕܝ ܗ̈ܠܝܢ |
| 024:022 | ܐܠܐ ܐܘܦ ܢܝܫ̈ܝܢ ܡܢ ܕܝܠܢ ܐܬܡ̈ܗܝ ܝܬ݁ܢ ܕܐܬ̈ܐܝ ܡܢ ܓܘ ܩܪܝܨܐ ܥܠ ܡܩܒܘܪܬܐ |
| 024:023 | ܘܡܢ ܕܠܐ ܐܫ̈ܟܚܝ ܦܘܓܪܗ ܐܬ̈ܐܝ ܐܡܪܢ ܕܐܘܦ ܡܚܡܘܝ ܕܡ̈ܠܐܟܝܢ ܚ̈ܡܐܝ ܗܠܝܢ ܕܐܡܪ̈ܢ ܕܗܘ ܚܐܝ |
| 024:024 | ܘܐܙ̈ܠܘ ܐܢܫ̈ܝܢ ܡܢ ܗܠܝܢ ܕܗܘܘ ܥܡܢ ܠܡܩܒܘܪܬܐ܃ ܘܐܫ̈ܟܚܘ ܟܢ ܗܝܟ ܕܐܡܪ̈ܘ ܢ̈ܝܫܝܐ܃ ܐܠܐ ܕܠܐ ܚ̈ܡܘ ܝܬܗ |
| 024:025 | ܘܐܡܪ ܠܗ̈ܘܢ ܡܪܐ ܝܣܘܣ܃ ܐܘ ܚܣܝܪ̈ܝ ܬܝܪ̈ܬܐ ܘܝܩܪ̈ܐ ܠܒܐ ܕܝܗܝ̈ܡܢܘܢ ܠܟܘܠ ܡ݁ܐ ܕܡ̈ܠܠܘ ܢܒ̈ܝܝܐ |
| 024:026 | ܠܐ ܗ̈ܠܝܢ ܗܘܐ ܠܗ ܧ̈ܢܛܘܣ ܕܝܚܘܫ ܡܫܝܚܐ ܘܝܥܘܠ ܐܘܦ ܠܬܫܒܘܚܬܗ |
| 024:027 | ܘܫܪܝ ܡܢ ܡܘܫܐ ܘܡܢ ܟܘܠܗܘܢ ܢܒܝ̈ܝܐ ܡܬܪܓܡ ܠܗ̈ܘܢ ܡܐ ܕܗܘܐ ܒܟܘܠ ܟܬ̈ܒܝܐ ܥܠ ܕܛܒܗ |
| 024:028 | ܘܩܪ̈ܒܘ ܠܩܪܝܬܐ ܕܗܘܘ ܐܙ̈ܠܝܢ ܠܗ܃ ܘܗܘ ܥܒܕ ܓܪܡܗ ܐܙܠ ܠܪܚܝܩܐ ܡܢܗ |
| 024:029 | ܘܐܢܣ̈ܘ ܝܬܗ ܐܡܪܝܢ ܟܬܪ ܥܡܢ ܕܟܒܪ ܗܘ ܠܟܐ ܪܡܫܐ ܘܪܟܢ ܝܘܡܐ |
| 024:030 | ܘܥܠ ܕܝܟܬܪ ܥܡܗ̈ܘܢ ܘܗܘܐ ܡܢ ܒܬ݁ܪ ܕܪܒܥ ܥ̈ܡܗܘܢ ܢܣܒ ܠܚܡܐ ܘܒܪܟ ܘܩܨܐ ܘܗܘܐ ܡܘܫܛ ܠܗ̈ܘܢ |
| 024:031 | ܘܐܬܦ̈ܬܚܝ ܥ̈ܝܢܝܗܘܢ ܘܐܟܪ̈ܘ ܝܬܗ ܫܠܡ ܗܘ ܕܝ ܐܬܓܢܙ ܡ̈ܢܗܘܢ |
| 024:032 | ܘܐܡܪ̈ܘ ܚܕ ܠܚܕ ܠܐ ܠܒܢ ܗܘܐ ܝܩܕ ܒܓܘܢ܃ ܟܕ ܗܘܐ ܡܡܠܠ ܠܢ ܒܐܘܪܚܐ ܗܝܟ ܕܗܘܐ ܦܬ݁ܚ ܠܢ ܟܬ݁ܒ̈ܝܐ |
| 024:033 | ܘܩ̈ܡܘ ܒܗ ܒܫܥܬܐ ܘܬܒ̈ܘ ܠܗܘܢ ܠܝܪܘܫܠܝܡ܃ ܘܗܢ̈ܘܢ ܡܫ̈ܟܚܝܢ ܠܚܕܥܣܪ ܡܟ̈ܢܫܝܢ܃ ܘܠܗ̈ܠܝܢ ܕܗܘܘ ܥ̈ܡܗܘܢ |
| 024:034 | ܘܐܡܪ̈ܘ ܠܗܘܢ ܩܫܝܛܐܝܬ݁ ܩܡ ܡܪܐ ܘܐܬܚܡܝ ܠܣܝܡܘܢ |
| 024:035 | ܘܗܢ̈ܘܢ ܗ̈ܘܘ ܡܬܢܝܢ ܠܗܘܢ ܟܘܠ ܡ݁ܐ ܕܒܐܘܪܚܐ ܘܗܝܟ ܐܬ݁ܝܕܥ ܠܗܘܢ ܒܩܨܝܗ ܕܠܚܡܐ |
| 024:036 | ܘܗܝܟ ܕܗܢܘܢ ܡܡܠ̈ܠܝܢ ܐܬܐ ܡܪܐ ܝܣܘܣ ܘܩܡ ܒܡܨܥܬ݁ܗܘܢ ܘܐܡܪ ܠܗܘܢ ܫܝܠܡ ܠܟܘܢ܃ ܐܢܐ ܗܘ ܠܐ ܬ݁ܕܚ̈ܘܠܘܢ |
| 024:037 | ܗܢܘܢ ܕܝ ܐܬ݁ܪ̈ܗܒܘ ܘܗܘܘ ܒܕܚܠܐ܃ ܕܗܘܘ ܣܒܝܪ̈ܝܢ ܕܪܘܚ ܗܢܘܢ ܚܡܝܢ |
| 024:038 | ܘܐܡܪ ܠܗܘܢ ܡܐ ܐܬܘܢ ܡܬ݁ܥܪ̈ܒܒܝܢ܃ ܘܠܡܐ ܚ̈ܫܒܢ ܣ̈ܠܩܢ ܒܠܒ̈ܝܟܘܢ |
| 024:039 | ܚ̈ܡܘ ܐܝܕ̈ܐܝ ܘܪ̈ܝܓܠܐܝ ܘܝܕܥܘ ܕܐܢܐ ܗܘ܃ ܦ̈ܫܦ̈ܫܘ ܘܚ̈ܡܘ ܕܪܘܚܐ ܒܣܪ ܘܓܪ̈ܡܝܢ ܠܝܬ ܠܗ ܗܝܟ ܕܐܬܘܢ ܚܡ̈ܝܢ ܕܠܝ |
| 024:040 | ܘܗܕܐ ܐܡܪ ܘܐܘܕܥ ܠܗܘܢ ܐܝܕܘ̈ܝ ܘܪ̈ܝܓܠܘܝ |
| 024:041 | ܘܡܢ ܚܕܘܬܐ ܠܐ ܗܘܘ ܡܗ̈ܝܡܢܝܢ܃ ܘܗܢܘܢ ܗܘܘ ܡܬ̈ܡܗܝܢ܃ ܘܐܡܪ ܠܗܘܢ ܐܝܬ݁ ܥܡܟܘܢ ܗܟܐ ܟܘܠܡ ܕܢܝܟ̈ܘܠ |
| 024:042 | ܘܗܢܘܢ ܕܝ ܐܘ̈ܫܛܘ ܠܗ ܚܘܠܩܐ ܡܢ ܢܘܢ ܨܠܐ ܘܡܢ ܟܪܟܪܝ ܕܕܒܫ |
| 024:043 | ܘܟܕ ܐܟ̈ܠ ܩܘܕܡܝ̈ܗܘܢ܃ ܢܣܒ ܫܝܪܝܬܐ ܘܝܗܒ ܠܗܘܢ |
| 024:044 | ܘܐܡܪ ܠܗܘܢ ܗܠܝܢ ܗܢ̈ܘܢ ܡܠܝ̈ܐ ܕܡܠܠܬ ܠܟܘܢ ܥܕ ܐܢܐ ܥܡܟܘܢ܃ ܕܧ̈ܢܛܘܣ ܠܗ̈ܝܢ ܕܝܬ݁ܡܠܝܐ ܟܘܠ ܗ̈ܠܝܢ ܕܟܬ݁ܝܒܢ ܒܢܝܡܘܣܗ ܕܡܘܫܐ ܘܒܢܒ̈ܝܝܐ ܘܒܫܥ̈ܢܘܢܐ ܥܠ ܕܛܒܝ |
| 024:045 | ܒܟܢ ܦܬ݁ܚ ܠܒܗܘܢ ܕܝܬ݁ܒܘܢܢܘܢ ܒܟܬ݁ܒܝܐ |
| 024:046 | ܘܐܡܪ ܠܗܘܢ ܕܗܟܕܢ ܟܬ݁ܝܒ ܕܝܚܘܫ ܡܫܝܚܐ ܘܝܩܘܡ ܡܢ ܒܝܢ ܡܝܬ̈ܝܐ ܠܝܘܡܐ ܬ݁ܠܝܬ݁ܝܐ |
| 024:047 | ܘܝܬ݁ܟܪܙ ܒܫܝܡܗ ܬ݁ܗܘ ܘܫܘܒܩܢ ܕܣ̈ܟܠܢ ܒܟܘܠ̈ܗܘܢ ܡܝܢ̈ܝܐ܃ ܘܝܫܪܐ ܡܢ ܝܪܘܫܠܡ |
| 024:048 | ܣܗ̈ܕܝܗܝܢ ܕܗܠܝܢ܃܃܃܃܃܃܃ |
| 024:049 | ܘܗܐ ܐܢܐ ܡܫܠܚ ܩܨܝܨܬ݁ܗ ܕܐܒܐ ܥܠܝܟܘܢ܃ ܐܬܘܢ ܕܝ ܬܒ̈ܘ ܒܡܕܝܢܬܐ ܝܪܘܫܠܡ ܥܕܡܐ ܕܬܠܒܘܫ̈ܘܢ ܚܝܠܐ ܡܢ ܪܘܡܐ |
| 024:050 | ܘܐܦ̈ܩ ܝܬ݁ܗܘܢ ܥܕܡܐ ܠܒܝܬ݁ ܥܢܝܐ ܘܬܠܐ ܐܝܕܘ̈ܝ ܘܒܪܟ ܝܬܗܘܢ |
| 024:051 | ܘܗܐ ܗܝܟ ܕܗܘ ܡܒܪܟ ܠܗܘܢ܃ ܪܚܩ ܡܢܗܘܢ ܘܗܘܐ ܡܣܬܠܩ ܠܫܘܡܝܐ |
| 024:052 | ܗܢܘܢ ܕܝ ܣ̈ܓܕܘ ܠܗ ܘܬ̈ܒܘ ܠܗܘܢ ܠܝܪܘܫܠܡ ܒܚܕܘܐ ܪܒܐ |
| 024:053 | ܘܗܘܘ ܒܟܘܠ ܥܪ ܒܢܘܣܐ ܡܒܪ̈ܟܝܢ ܝܬܗ ܠܐܠܗܐ |