The Comprehensive Aramaic Lexicon

10:01	ܐܡܝܢ ܐܡܝܢ ܐܡܪܢܐ ܠܟܘܢ ܕܡܢ ܕܠܐ ܥܐܠ ܡܢ ܬܪܥܐ ܠܕܪܬܐ ܕܐܝܬ ܒܗ ܥܢܐ ܐܠܐ ܣܠܩ ܠܗ ܡܢ ܕܘܟܐ ܐܚܪܢܝܐ ܗܘ ܓܝܣܐ ܘܓܢܒܐ
10:02	ܘܐܝܢܐ ܕܡܢ ܬܪܥܐ ܥܐܠ ܗܘ ܪܥܝܗ ܗܘ ܕܥܢܐ
10:03	ܢܛܪ ܬܪܥܐ ܦܬܚ ܠܗ ܬܪܥܐ ܘܥܢܐ ܫܡܥܐ ܩܠܗ ܘܚܝܘܬܗ ܗܘ ܩܪܐ ܥܪܒܐ ܒܫܡܗ ܘܗܘ ܡܦܩ ܠܗ
10:04	ܘܡܐ ܕܐܦܩ ܚܝܘܬܗ ܩܕܡܝܗ ܐܙܠ ܘܚܕܐ ܕܝܠܗ ܒܬܪܗ ܐܙܠܐ ܡܛܠ ܕܝܕܥܐ ܥܢܐ ܩܠܗ
10:05	ܒܬܪ ܢܘܟܪܝܐ ܕܝܢ ܠܐ ܐܙܠܐ ܥܢܐ ܐܠܐ ܡܬܦܣܩܐ ܥܢܐ ܡܢܗ ܡܛܠ ܕܠܐ ܝܕܥܐ ܩܠܗ ܕܢܘܟܪܝܐ܂
10:06	ܗܠܝܢ ܡܠܠ ܥܡܗܘܢ ܝܫܘܥ ܒܦܠܐܬܐ ܘܗܢܘܢ ܠܐ ܡܣܬܟܠܝܢ ܗܘܘ
10:07	ܬܘܒ ܐܡܪ ܠܗܘܢ ܝܫܘܥ ܐܡܝܢ ܐܡܝܢ ܐܡܪܢܐ ܠܟܘܢ ܕܐܢܐ ܐܢܐ ܬܪܥܗ ܕܥܢܐ
10:08	ܘܟܠ ܐܝܠܝܢ ܕܐܬܘ ܓܢܒ̈ܐ ܐܢܘܢ ܘܓܝܣ̈ܐ ܐܠܐ ܠܐ ܫܡܥܬ ܐܢܘܢ ܚܝܘܬܐ܂

10:09	ܐܢܐ ܐܢܐ ܬܪܥܗ ܕܥܢܐ܂ ܘܒܝ ܟܘܠ ܕܢܥܘܠ ܢܝܚܐ ܘܢܥܠ ܘܢܦܩ ܘܪܥܝܐ ܢܫܟܚ܂

10:10	ܓܢܒܐ ܕܝܢ ܠܐ ܐܬܐ ܐܠܐ ܕܢܓܢܒ ܘܢܩܛܠ ܘܢܘܒܕ ܐܢܐ ܕܝܢ ܐܬܝܬ ܕܚ̈ܝܐ ܢܗܘܘܢ ܠܗܘܢ ܘܝܘܬܪܢܐ ܢܗܘܐ ܠܗܘܢ܂
10:11	ܐܢܐ ܐܢܐ ܪܥܝܐ ܛܒܐ ܘܪܥܝܐ ܛܒܐ ܝܗܒ ܢܦܫܗ ܥܠ ܐܦܝ ܥܢܗ
10:12	ܐܓܝܪܐ ܕܝܢ ‍{‍ܫܩܘܪܐ‍}‍‍<‍ܢܩܘܕܐ‍>‍ ܕܠܐ ܗܘܬ ܕܝܠܗ ܥܢܐ ܡܐ ܕܚܙܐ ܕܐܒܐ ܕܐܬܐ ܫܒܩ ܠܗ ܠܥܢܐ ܘܥܪܩ ܘܐܬܐ ܕܐܒܐ ܚܛܦ ܘܡܒܕܪ
10:13	ܡܛܠ ܕܐܓܝܪܐ ܗ݂ܘ܂ ܒܗ܂ ܘܠܐ ܒܛܝܠ ܠܗ ܥܠܝܗ
10:14	ܐܢܐ ܐܢܐ ܪܥܝܐ ܛܒܐ ܘܝܕܥ ܐܢܐ ܠܕܝܠܝ ܘܝܕܥ ܠܝ ܕܝܠܝ ܘܡܬܝܕܥܢܐ ܡܢ ܕܝܠܝ
10:15	ܐܝܟܢܐ ܕܝܕܥ ܠܝ ܐܒܝ ܘܝܕܥ ܐܢܐ ܠܐܒܝ܂ ܘܢܦܫܝ ܣܐܡ ܐܢܐ ܥܠ ܐܦ̈ܝܗ ܕܥܢܐ܂
10:16	ܘܐܝܬ ܠܝ ܥܪܒܐ ܐܚܪܢܐ ܐܝܠܝܢ ܕܠܐ ܗܘܘ ܡܢܗ ܡܢ ܕܪܬܐ ܗܕܐ܂ ܘܐܦ ܠܗܘܢ ܘܠܐ ܠܝ ܠܡܝܬܝܘ ܐܢܘܢ ܘܐܦ ܗܢܘܢ ܩܠܝ ܢܫܡܥܘܢ ܘܬܗܘܐ ܥܢܐ ܟܘܠܗ ܚܕܐ ܘܚܕ ܪܥܝܐ
10:17	ܘܐܒܝ ܡܛܠ ܗܢܐ ܪܚܡ ܠܝ ܕܣܐܡ ܐܢܐ ܢܦܫܝ ܕܬܘܒ ܐܣܒܝܗ
10:18	ܘܠܐ ܐܝܬ ܐܢܫ ܫܩܠ ܠܗ ܡܢܝ܂ ܐܠܐ ܐܢܐ ܣܐܡ ܐܢܐ ܠܗ ܡܢܝ ܫܘܠܛܢܐ ܓܝܪ ܕܐܣܝܡܝܗܝ ܘܬܘܒ ܐܫܩܠܝܗܝ ܡܛܠ ܕܗܢܐ ܦܘܩܕܢܐ ܩܒܠܬ ܡܢ ܐܒܝ܂
10:19	ܘܟܕ ܗܠܝܢ ܡܡܠܠ ܗܘܐ ܗܘܬ ܗܘܬ ܦܠܓܘܬܐ ܒܝܢܝ ܝܗܘܕ̈ܝܐ
10:20	ܡܛܠ ܕܐܝܬ ܡܢܗܘܢ ܕܐܡܪ̈ܝܢ ܗܘܘ ܕܕܝܘܐ ܐܝܬ ܥܠܘܗܝ܂ ܘܡܫܢܐ ܫܢܐ ܡܢܐ ܩܝܡܝܢ ܐܢܬܘܢ ܘܨܝܬܝܢ ܠܗ܂
10:21	ܐܚܪܢܐ ܕܝܢ ܐܡܪܝܢ ܗܠܝܢ ܡ̈ܠܐ ܠܐ ܗܘܝ ܕܕܝܘܐ܂ ܠܡܐ ܕܝܘܐ ܡܫܟܚ ܣܡܝܐ ܠܡܦܬܚܘ܀
10:22	ܘܗܘܐ ܗܘܐ ܥܕܥܝܕܐ ܒܐܘܪܫܠܡ ܕܡܬܩܪܐ ܐܝܩܪ ܒܝܬ ܡܩܕܫܐ܂ ܘܣܬܘܐ ܗܘܐ
10:23	ܘܡܗܠܟ ܗܘܐ ܝܫܘܥ ܒܐܣܛܘܐ ܕܫܠܝܡܘܢ ܕܐܝܬ ܒܗܝܟܠܐ
10:24	ܘܓܥܘ ܚܕܪܘܗܝ ܝܗܘܕܝܐ ܘܐܡܪܝܢ ܠܗ ܥܕܡܐ ܠܐܡܬܝ ܢܣܒ ܐܢܬ ܢܫܡܬܢ ܐܢ ܐܢܬ ܗܘ ܡܫܝܚܐ ܐܡܪ ܠܢ ܦܫܝܩܐܝܬ
10:25	ܐܡܪ ܠܗܘܢ ܝܫܘܥ ܡܡܠܠ ܐܢܐ ܥܡܟܘܢ ܘܠܐ ܡܗܝܡܢܝܢ ܐܢܬܘܢ ܘܥܒ̈ܕܐ ܕܥܒܕ ܐܢܐ ܒܫܡܗ ܕܐܒܝ ܗܢܘܢ ܣܗܕܝܢ ܥܠܝ
10:26	ܐܠܐ ܐܢܬܘܢ ܠܐ ܡܗܝܡܢܝܢ ܐܢܬܘܢ ܡܛܠ ܕܠܐ ܗܘܝܬܘܢ ܡܢ ܢܩܘܬܝ ܐܝܟܢܐ ܕܐܡܪܬ ܠܟܘܢ
10:27	ܥܪܒܐ ܕܝܠܝ ܩܠܝ ܫܡܥܝܢ ܘܐܢܐ ܝܕܥ ܠܗܘܢ ܘܗܢܘܢ ܐܬܝܢ ܒܬܪܝ
10:28	ܘܐܢܐ ܝܗܒܢܐ ܠܗܘܢ ܚ̈ܝܐ ܕܠܥܠܡ ܘܠܐ ܢܐܒܕܘܢ ܠܥܠܡ ܘܠܐ ܐܢܫ ܢܚܛܘܦ ܐܢܘܢ ܡܢ ܐܝܕܝ
10:29	ܡܛܠ ܕܐܒܐ ܕܝܗܒ ܠܝ ܡܢ ܟܘܠ ܪܒ ܗܘ܂ ܘܠܝܬ ܐܢܫ ܕܡܢ ܐܝܕܐ ܕܐܒܐ ܚܛܦ܂
10:30	ܐܢܐ ܘܐܒܝ ܚܕ ܐܢܚܢܢ
10:31	ܟܕ ܐܡܪ ܗܠܝܢ ܫܩܠܘ ܟܐܦ̈ܐ ܠܡܪܓܡܗ
10:32	ܐܡܪ ܠܗܘܢ ܝܫܘܥ ܣܓܝܐ ܥܒܕܐ ܕܐܒܐ ܚܘܝܬܟܘܢ ܡܛܠ ܐܝܢܐ ܡܢܗܘܢ ܡܢ ܥܒ̈ܕܐ ܪܓܡܝܢ ܐܢܬܘܢ ܠܝ
10:33	ܐܡܪܝܢ ܠܗ ܝܗܘ̈ܕܝܐ ܠܐ ܡܛܠ ܥܒܕܐ ܫܦܝܪܐ ܪܓܡܝܢ ܐܢܚܢܢ ܠܟ ܐܠܐ ܡܛܠ ܕܟܕ ܐܢܬ ܒܪ ܐܢܫܐ ܐܢܬ ܡܓܕܦ ܘܥܒܕ ܐܢܬ ܢܦܫܟ ܐܠܗ܂
10:34	ܐܡܪ ܠܗܘܢ ܝܫܘܥ ܠܐ ܗܘܐ ܗܟܢܐ ܒܢܡܘܣܐ ܟܬܝܒ ܕܐܢܐ ܐܡܪܬ ܕܐܠܗܐ ܐܢܬܘܢ
10:35	ܘܠܐ ܡܫܟܚܐ ܕܬܫܬܪܐ ܡܠܬܐ ܕܐܠܗܐ
10:36	ܠܐܝܢܐ ܕܐܒܐ ܩܕܫܗ ܘܫܕܪܗ ܠܥܠܡܐ ܐܡܪܝܢ ܐܢܬܘܢ ܕܡܓܕܦ ܐܢܬ ܥܠ ܕܐܡܪ ܠܟܘܢ ܕܒܪܗ ܕܐܠܗܐ
10:37	ܐܠܐ ܥܒܕܢܐ ܥܒ̈ܕܐ ܕܐܒܝ ܠܐ ܬܗܝܡܢܘܢܢܝ
10:38	ܘܐܢ ܕܝܢ ܥܒܕܢܐ ܘܐܦ ܐܢ ܠܝ ܠܐ ܡܗܝܡܢܝܢ ܐܢܬܘܢ ܠܗܘܢ ܠܥܒܕܐ ܗܝܡܢܘ ܘܬܕܥܘܢ ܕܐܢܐ ܒܐܒܐ ܐܢܐ ܘܐܒܝ ܒܝ ܗܘ
10:39	ܘܬܘܒ ܒܬܪ ܗܠܝܢ ܒܥܘ ܗܘܘ ܠܡܐܚܕܗ ܘܢܦܩ ܠܗ ܡܢ ܒܝܬ ܐܝܕܝܗܘܢ
10:40	ܘܐܙܠ ܠܗ ܠܥܒܪܐ ܕܝܘܪܕܢܢ ܠܐܬܪ ܕܡܥܡܕ ܗܘܐ ܝܘܚܢܢ ܡܢ ܩܕܝܡ ܬܡܢ
10:41	ܘܐܬܘ ܣܓܝܐܐ ܠܘܬܗ ܘܐܡܪܝܢ ܗܘܘ ܕܝܘܚܢܢ ܡܕܡ ܐܬܐ ܠܐ ܚܘܝ ܫܪܝܪ ܕܝܢ ܥܠ ܓܒܪܐ ܗܢܐ ܐܡܪ ܟܠܗܝܢ ܗܠܝܢ
10:42	ܘܣܓܝܐܐ ܗܝܡܢܘ ܒܗ܀