The Comprehensive Aramaic Lexicon

03:01	ܐܢܕܝܢ ܠܝܬ ܠܗ ܒܢ̈ܝܐ ܕܟܪ̈ܐ܂ ܒܢ̈ܬܐ ܐܘ݁ ܒܪܬܐ ܝ݁ܪܬܢ ܠܗ
03:02	ܠܓܒܪܐ܂
03:03	ܐܢܕܝܢ ܠܝܬ ܠܗ ܒܢ̈ܝܐ܂ ܫܠܝܛ ܗ݂ܘ ܕܢܘܪܬ ܠܟܠ ܕܨܒ݁ܐ܂
03:04	ܐܢܕܝܢ ܡܢܫܠܝ ܢܡܘܬ ܟܕ ܒܪܐ ܠܝܬ ܠܗ܃ ܘܠܐ ܢܟܬܘܒ
03:05	ܕܝܐܬܝܩܝ܃ ܝ݁ܪܬ ܠܗ܂ ܐܢ ܩܝܡ ܐܒܘܗܝ ܕܓܒܪܐ܂
03:06	ܐܢܕܝܢ ܠܐ ܩܝܡ ܐܒܘܗܝ܃ ܝ݁ܪܬܝܢ ܠܗ ܐܚܘ̈ܗܝ ܘܐܦ
03:07	ܐܚܘ̈ܬܗ ܫܘܝܐܝܬ܂
03:08	ܘܐܢ ܩ݁ܝܡܐ ܐܦ ܐܡܗ܃ ܐܦ ܗ݂ܝ ܡܬܡܢܝܐ ܐܝܟ ܚܕ ܡ݂ܢ
03:09	ܒܢ̈ܝܗ݀ ܫܘܝܐܝܬ ܒܝܪܬܘܬܐ ܕܒܪܗ݀܂

03:10	ܐܢܕܝܢ ܢܡܘܬ ܓܒܪܐ ܡܢܫܝܠ ܟܕ ܠܐ ܢܟܬܘܒ ܕܝܐܬܝܩܝ܃

03:11	ܘܠܐ ܐܝܬ ܠܗ ܠܐ ܐܒܐ ܘܠܐ ܐܡܐ ܘܠܐ ܒܢ̈ܝܐ܃ ܘܐܝܬ ܠܗ
03:12	ܕ̈ܕܐ܃ ܝ݁ܪܬܝܢ ܒܢ̈ܝ ܕ̈ܕܐ܂
03:13	ܘܐܢ ܓܡܪܬ ܠܗ݀ ܫܪܒܬܐ ܕܐܒܐ ܘܕܕ̈ܕܐ܃ ܘܡܬܩܪܝܐ
03:14	ܫܪܒܬܐ ܕܒܢ̈ܝ ܚܬܐ܃ ܐܘ݁ ܕܒܢ̈ܝ ܐܚܘ̈ܬܐ܂
03:15	ܘܐܢ ܓܡܪܬ ܠܗ݀ ܐܦ ܗܕܐ ܫܪܒܬܐ܃ ܡ̇ܬܩܪܝܐ ܫܪܒܬܐ
03:16	ܕܥ̈ܡܬܐ ܗܢܘ ܕܝܢ ܕܒܢ̈ܝܗܝܢ ܕܟܪ̈ܐ܂
03:17	ܘܐܢ ܠܝܬ ܠܗܝܢ ܕܟܪ̈ܐ܃ ܗܝܕܝܢ ܥ̈ܐܠܢ ܢܩܒ̈ܬܐ܂
03:18	ܗܟܢܐ ܗܘ݁ܐ ܝܘܒܠܐ ܕܝܪܬܘܬܐ ܕܪ̈ܝܢ ܕܪ̈ܝܢ܂ ܒܕܪܓܐ ܓܝܪ
03:19	ܩܕܡܝܐ ܒܠܚܘܕ ܡܫܬܘ̈ܝܢ ܕܢܐܪ̈ܬܢ ܢܩܒ̈ܬܐ ܥܡ ܕܟܪ̈ܐ ܡ݂ܢ
03:20	ܕܪܓܐ ܕܬܪ̈ܝܢ ܐܘ݁ ܕܬܠ݁ܬܐ ܐܘ݁ ܕܫܪܟܐ ܕܡܢ̈ܝܢܐ܃ ܡܬܪ̈ܚܩܢ
03:21	ܠܗܝܢ ܢܫ̈ܐ ܘܒܢ̈ܝܗܝܢ ܕܠܐ ܢܐܪ̈ܬܢ ܥܡ ܐܚܝ̈ܗܝܢ ܐܘ݁ ܥܡ ܒܢ̈ܝ
03:22	ܐܚܝ̈ܗܝܢ܂
03:23	ܐܝܬ ܠܗܝܢ ܓܝܪ ܝܪܬܘܬܐ ܠܢܫ̈ܐ ܕܢܐܪ̈ܬܢ ܥܡ ܐܚܝ̈ܗܝܢ
03:24	ܘܥܡ ܐܚܘ̈ܬܗܝܢ܃ ܐܢ ܢܡܘܬܘܢ ܕܠܐ ܕܝܐܬܝ̈ܩܐܣ
03:25	ܠܐܢܫܝ̈ܗܝܢ ܘܠܐܚܝ̈ܗܝܢ ܘܠܐܚܘ̈ܬܗܝܢ܂
03:26	ܗܢܘ ܕܪܓܐ ܩܕܡܝܐ܂ ܢܡܘ̈ܣܐ ܓܝܪ ܙܪܥܐ ܕܟܝܐ ܡܒܥܪܝܢ܂
03:27	ܘܐܝܢܐ ܕܩܪܝܒ ܠܗܢܐ ܡܩܪܒܝܢ ܠܝܪܬܘܬܐ ܕܡܬܩܪܝܐ
03:28	ܪܗܘܡܐܝܬ ܐܢܘܓܢܛܘܣ/ܐܢܕܓܢܛܘܣ#2#/ ܕܡܬܬܪܓܡ ܓܢܣܐ ܩܪܝܒܐ܂