The Comprehensive Aramaic Lexicon

08:01	ܝܐ܂ ܐܢ ܦܩ݁ܕ ܢܡܘܣܐ ܕܣܘܓܐܐ ܕܩܢܝܢܐ ܕܩܢ݁ܐ
08:02	ܓܒܪܐ܂ ܢܪܦܐ ܒܕܝܐܬܝܩܝ ܠܓܛܘܢ܂
08:03	ܦܩ݁ܕ ܢܡܘܣܐ ܕܢܪܦܐ܃ ܥܕܡܐ ܠܬܫ̈ܥ ܐܘܢܩ̈ܝܣ ܕܩܢܝܢܗ܂
08:04	ܘܢܦܘܫ ܬܠ݁ܬ ܐܘܢܩ̈ܝܣ ܠܝܪ̈ܘܬܐ܂
08:05	ܕܐܝܬܝܗ݀ ܗܟܢܐ܂ ܬܠ݁ܬ ܡܢ̈ܘܢ ܡ݂ܢ ܩܢܝܢܗ ܢܦܠܓ ܠܓܛܘܢ܃
08:06	ܘܚܕܐ ܠܝܪ̈ܘܬܘܗܝ܀
08:07	ܝܒ܂ ܐܢ ܫܠܝܛ ܠܗ݀ܘ ܕܥܒ݁ܕ ܕܝܐܬܝܩܝ ܕܢܪܦܐ ܠܢܘܡܝܩܐ
08:08	ܕܟܬ݁ܒ ܠܗ ܦܠܓܘܬܐ ܕܝܪܬܘܬܐ܂ ܐܘ݁ ܠܓܛܘܢ ܢܪܦܐ ܠܗ܂
08:09	ܫܠܝܛ ܠܗ ܠܓܒܪܐ ܕܢܪܦܐ܃ ܐܢܗ݂ܘ ܕܢܟܬܘܒ ܒܐܝܕ̈ܘܗܝ܂
08:10	ܐܘ݁ ܒܝܕ ܟܬܘܒܐ ܐܝܢܐ ܕܗ݂ܘ܃ ܐܠܐ ܝ݁ܕܥ ܣܦܪܐ܂
08:11	ܘܢܟܬܘܒ ܫܡܗ ܕܢܘܡܝܩܐ܂ ܘܕܝܗ̈ܒ ܠܗ ܠܓܛܘܢ܂ ܘܗ݀ܘ
08:12	ܡܕܡ ܕܝܗ݀ܒ ܠܗ ܒܫܡܗ܀
08:13	ܝܓ܂ ܐܢ ܫܠܝܛ ܠܓܒܪܐ ܕܢܩܝܡ ܠܥܒ݂ܕܗ ܫܠܝܛܐ
08:14	ܒܩܢܝܢܗ ܐܘ݁ ܐܦܝܛܪܘܦܐ ܐܘ݁ ܢܬܠ ܠܗ ܐܢܛܘܠܝܩܘܢ
08:15	ܕܡܬܦܫܩ ܦܘܩܕܢܐ ܐܘ݁ ܫܘܠܛܢܐ܃ ܥܠ ܐܝܠܝܢ ܨܒܘ̈ܬܐ ܕܨܒ݁ܐ
08:16	ܡܪܗ ܕܢܣܥܘܪ܂
08:17	ܠܓܒܪܐ ܕܝܢ ܡܦܣܝܢ ܠܗ ܢܡܘ̈ܣܐ܃ ܕܢܬܠ ܐܦ ܗ݂ܘ
08:18	ܫܘܠܛܢܐ ܠܒܪܗ ܕܢܗܘܐ ܐܦܝܛܪܘܦܐ ܘܫܠܝܛܐ ܥܠ ܢܟܣ̈ܘܗܝ
08:19	ܘܩܢܝܢܗ܀
08:20	ܝܕ܂ ܓܒܪܐ ܐܝܟܢܐ ܡܨܐ ܕܢܬܦܪܩ ܕܠܐ ܢܗܘܐ
08:21	ܐܦܝܛܪܘܦܐ ܠܝܬܡ̈ܐ ܒܢ̈ܝ ܐܚܘ̈ܗ݀ܝ ܐܘ݁ ܠܢܘܟܪ̈ܝܐ܂ ܡ݂ܢ ܦܘܩܕܢܐ
08:22	ܕܕܝ݁ܢܐ ܕܐܬܪܐ܂
08:23	ܐܢ ܢܓܕܫ ܘܐܝܬ ܠܗ ܠܓܒܪܐ ܚܡܫܐ ܒܢ̈ܝܢ ܕܟܪ̈ܐ
08:24	ܘܢܩ̈ܒܬܐ܃ ܡܚܪܪܝܢ ܠܗ ܢܡܘ̈ܣܐ ܡ݂ܢ ܗܢܐ ܥܡܠܐ
08:25	ܢܘܟܪܝܐ܃ ܘܝܗ݀ܒܝܢ ܠܗ ܢܡܘ̈ܣܐ ܕܢܥܡܠ ܘܢܬܪܣܐ ܒܢ̈ܝܐ
08:26	ܕܢܦܫܗ܂

08:27	ܐܢܕܝܢ ܒܨܝܪ ܡ݂ܢ ܚ̈ܡܫܐ ܒܢ̈ܝܢ ܐܝܬ ܠܗ܃ ܡܬܢܓܕ ܡ݂ܢ