The Comprehensive Aramaic Lexicon

096:01	ܠܗ݀ܢܝܢ ܕܥ̈ܐܠܢ ܬ݂ܥܒܕ ܕܢܕܥ̈ܢ ܕܐܝܟܢܐ ܘܡܢܘ݂ ܐܝܬܝܗܝܢ܂ ܐܦ ܠܗ݀ܢܝܢ ܬܪܬܐ
096:02	ܐܢܝܢ ܕܢܦܘ݂ܫ̈ܢ܂ ܠܗܢܝܢ ܕܫܡܥ̈ܢ ܬܡܠܘܟ ܡܣܝܒܪܢܐܝ݂ܬ ܗܠܝܢ ܕܦܩ̈ܚܢ܂
096:03	ܠܐܝܠܝܢ܂ ܕܐܝ݂ܬܝܗܝܢ ܠܐ ܡܬܬܦܝܣ̈ܢܝܬܐ ܡܢ ܒܬܪ ܬܠܬ ܡܪ̈ܬܝܢܘܬܐ܂ ܠܐ
096:04	ܬܡܠܠ܂ ܠܐܝܠܝܢ ܕܨܒܝ̈ܢ ܕܒܒܬܘ݂ܠܘ݂ܬܐ܂ ܐܘ݁ ܒܕܟܝܘ݂ܬܐ ܢܗ̈ܘܝܢ ܬܚܒܒ܂
096:05	ܠܗܢܝܢ ܕܡ݂ܬܬܣܝ݂ܡ̈ܢ ܣܩܘ݂ܒܠܐܝܬ܂ ܬܪܕܐ ܥܡ ܢܟܦܘ݂ܬܐ ܘܫܠܝܘܬܐ܂ ܥܡ
096:06	ܟܠܢܫ ܬܗܘܐ ܡܫܝܢܐ܂ ܠܗ݀ܢܝܢ ܕܐܝ݂ܬܝܗܝܢ ܡܡ̈ܠܠܬ ܝܬܝ݂ܪ̈ܬܐ ܘܒܛܝ̈ܠܬܐ܂
096:07	ܒܝܬ ܠܗ݀ ܘܠܗܝܢ ܬܒܠܘܡ܂ ܐܢܕܝܢ ܠܐ ܢܫܡܥ̈ܢ܂ ܬܣܒ ܥܡܗ݀ ܣܒܬܐ܂ ܐܘ
096:08	ܠܡܫܡܥܬܐ ܕܐܦܝܣܩܘܦܐ ܬ݁ܣܩ܂ ܒܥܕܬܐ ܕܝܢ ܬܫܬܘ݁ܩ܂ ܒܨܠܘ݁ܬܐ
096:09	ܬܚܡܣܢ܂ ܠܗܠܝܢ ܕܟܪ̈ܝ݂ܗܢ ܬܣܥܘ݁ܪ܂ ܒܟܠ ܚܕ ܒܫܒܐ ܬܕܒ݁ܪ ܥܡܗ݀ ܚܕ
096:10	ܡܫܡܫܢܐ܂ ܐܘ݁ ܬܪܝܢ ܘܬܥܕܪ ܐܢܝܢ܀ ܐܢ ܡ݁ܢ ܐܝ݂ܬ ܠܗ݀ ܡܕܡ ܡܢ ܩܢܝܢܗ݀܂
096:11	ܠܗ݀ܢܐ ܥܠ ܡܣܟܢܐ ܘܥܠ ܡܗܝ̈ܡܢܐ ܬܥܒܕܝ݂ܘܗܝ܂ ܐܢܕܝܢ ܠܝܬ ܠܗ݀܂ ܡܢ
096:12	ܥܕܬܐ ܬܬܥܕܪ܀ ܠܐ ܡܕܡ ܥܠܡܢܝܐ ܬܦ݂ܠܘ݁ܚ܂ ܐܝܟ ܕܠܘܬ
096:13	ܢܣܝ݁ܢܐ܂ ܥܒ݁ܕ̈ܐ ܕܝܢ ܬܗܘܐ ܐܝ݂ܬ ܠܗ݀܂ ܗܠܝܢ ܕܪܘܚܐ܂ ܒܨ̈ܠܘܬܐ ܘܒܨܘ̈ܡܐ
096:14	ܬܟܬܪ܂ ܠܐ ܡܕܡ ܥܡܝܩܐ ܬܒܥܐ܂ ܗܠܝܢ ܕܝ݁ܗܒ ܡܪܝܐ ܬܩܒܠ܂ ܠܒܢܝ̈ܐ
096:15	ܠܐ ܬܪܢܐ܂ ܠܥܕܬܐ ܬ݁ܫܠܡ ܐܢܘܢ܂ ܐܝܟܢܐ ܕܟܕ ܒܒܝܬܐ ܕܐܠܗܐ
096:16	ܡܬܗܦܟܝܢ܂ ܢܗܘܘܢ ܥ݁ܗܢܝܢ ܠܬܫܡܫܬܐ ܕܟܗܢܘܬܐ܂ ܫܐ̈ܠܬܐ ܕܝܠܗ݀ ܠܘܬ
096:17	ܐܠܗܐ ܡܩܒ̈ܠܬܐ ܢܗܘ̈ܝܢ܂ ܥ݁ܠܬܐ ܘܡܕܒܚܐ ܕܐܠܗܐ ܐܝܬܝܗܝܢ܂ ܗ݀ܢܝܢ
096:18	ܓܝܪ ܕܫܦܝܪܐܝ݂ܬ ܫܡܫ̈ܝܢ܂ ܡܢ ܪ̈ܝܫܝ ܡ̈ܠܐܟܐ ܢܫܬܒ̈ܚܢ܀ ܕܗ݀ܢܝܢ ܕܝܢ
096:19	ܕܐܝ݂ܬܝܗܝܢ ܐܣܘ̈ܛܝܬܐ ܘܦܩܪ̈ܬܐ ܘܪ̈ܘܝܬܐ ܘܒ݁ܓܘ݂̈ܠܬܐ܂ ܘܡܥܩܒ̈ܢܝܬܐ
096:20	ܘܒܝܫ̈ܬܐ܂ ܗ݀ܢܘ ܕܝܢ ܗ݀ܢܝܢ ܕܣܓܝ ܪ̈ܚܡܢ ܒܘ݂ܣ̈ܡܐ܂ ܨ̈ܠܡܐ ܕܢܦܫ̈ܬܗܝܢ܂
096:21	ܗ݂ܢܘܢ ܕܩܝ݁ܡܝܢ܂ ܩܕܡ ܐܒܐ ܕܢܘܗܪܐ ܐܒ݁ܕܝܢ܂ ܘܠܚܫܘܟܐ ܡܬܬܘܒܠܝ݂ܢ
096:22	ܠܡܥܡܪ܂ ܟܕ ܓܝܪ ܣ݁ܠܩܝܢ ܥܒ݁ܕ̈ܝܗܝܢ܂ ܗܠܝܢ ܕܐܦ ܡ݂ܬܚܙܝܢ ܠܩܕܡ ܡܪܝܡܐ܂
096:23	ܢ݁ܬܦܝܢ ܠܗܝܢ ܦܫܝ݂ܩܐܝ݂ܬ ܠܓܘ݂ܡܨܐ܂ ܕܐܝܟܢܐ ܕܡܢ ܒܬܪ ܕܡܫܬܚܠܦ ܘܥ݁ܒܪ
096:24	ܥ݁ܠܡܐ܂ ܗܢܐ܂ ܢܩܘ݂ܡܘܢ ܥܠܝܗܝܢ ܣܗ̈ܕܐ ܨ̈ܠܡܐ ܕܢܦܫ̈ܬܐ ܕܝ݂ܠܗܝܢ܂ ܟܕ
096:25	ܠܐ ܫ݁ܒܩܝ݂ܢ ܠܗܝܢ ܕܢܕܝ݂̈ܩܢ ܠܥܠ܂ ܕܟܠ ܓܝܪ ܢܦܫܐ ܨܠܡܐ ܘܛܘ݂ܦܣܐ ܩ݁ܐܡ
096:26	ܩܕܡ ܐܠܗܐ ܡܢ ܬܪ̈ܡܝ݂ܬܗ ܕܥܠܡܐ܂ ܡܛܠܗܕܐ ܬܬܓܒ݂ܐ ܗܝ݁ ܕܡܫܟܚܐ

096:27	ܕܬܐܪܘ݁ܥ ܩܕܡ ܦܝ̈ܐܠܝܐ ܩܕܝ݂̈ܫܬܐ܀ ܡܢ ܗ݀ܢܘܢ ܕܝܢ ܬܪܥܣܪ ܩܫܝ݂ܫ̈ܐ