The Comprehensive Aramaic Lexicon

116:01	ܗܘ݁ ܕܥ݁ܒܕ ܠܐ ܡܬܡ̈ܠܠܢܝܬܐ܂ ܐܘ݁ ܩ݁ܨܘ݁ܡܐ ܐܘ݁ ܡܓܘ݂ܫܐ܂ ܐܘ ܩ݁ܨܡ
116:02	ܒܡܝ̈ܬܐ܂ ܗܠܝܢ ܡܣܝܒܝ݂ܢ ܐܢܘܢ ܘܐܦܠܐ ܠܕܝ݂ܢܐ ܐܬ݁ܝܢ܂ ܠܚܘ݁ܫܐ ܐܘ݁
116:03	ܡܡܠܠ ܒܟܘܟ̈ܒܐ܂ ܐܘ݁ ܦܫܪ ܚ̈ܠܡܐ܂ ܐܘ ܡܢܚ݁ܫܢܐ܂ ܐܘ݁ ܡܟܢܫ ܥܡܐ܂ ܐܘ݁
116:04	ܚ݁ܐܪ ܒܟܘ̈ܟܒܐ܂ ܐܘ ܩܨ݁ܡ ܒܦܬܟܪ̈ܐ܂ ܐܘ݁ ܢܦܘܫ܂ ܘܟܕ ܦܐܫ ܢܬܬܘܡܐ
116:05	ܘܢܥܡܕ܂ ܐܢܕܝܢ ܠܐ܃ ܢܣܬܠܐ܀
116:06	ܐܢ ܐܢܫ ܕܪܘܟܬܐ ܐܝ݂ܬ ܠܗ܂ ܢܪܦܝܗ݀ ܘܒܢܡܘܣܐ ܢܙܕܘܓ ܘܢܫ݂ܡܥ
116:07	ܡܠܬܐ ܕܡܪܬܝܢܘ݂ܬܐ܀
116:08	ܓ̄܂ ܗܘ݁ ܐܝ݁ܢܐ ܕܡܬܬܪܬܐ ܥܡ ܟܠܗ݀ ܝܨܝܦܘ݂ܬܐ ܘܫܠܡܘܬܐ
116:09	ܕܐܘܢܓܠܝܘܢ ܟܕ ܫܡ݁ܥ܂ ܠܐ ܒܨܝܪ ܡܢ ܬܠܬ ܫܢܝ̈ܢ ܢܬܬܪܬܐ܂ ܘܐܢ ܗܘ݂
116:10	ܕܟܕ ܡ݁ܚܒ ܡ݂ܬܟܫܦ ܕܢܥ݂ܡܕ܃ ܢܥ݂ܡܕ܀
116:11	ܐܢܕܝܢ ܢܝ݂ܚܐ ܐܝܬܘܗܝ ܘܡܟܝ݂ܟܐ ܘܚܦܝ݂ܛܐ ܘܡ݂ܬܐܡܢ ܘܟ݁ܐܫ ܠܘܬ
116:12	ܗܘ݁ ܕܡ݁ܠܦ ܠܗ ܒܥܡܠܐ܂ ܒܫܗܪܐ܂ ܒܡܘܕܝܢܘܬܐ ܘܒܫܘ݂ܥܒܕܐ ܘܒܨ̈ܠܘܬܐ܂
116:13	ܘܩܠܝ݂ܠܐܝ݂ܬ ܨ݁ܒܐ ܕܢܥ݂ܡܕ܃ ܢܥ݂ܡܕ܂ ܠܘ ܓܝܪ ܙܒܢܐ ܡܬܬܕܝܢ܂ ܐܠܐ ܨܒܝ݁ܢܐ
116:14	ܕܗܝܡܢܘܬܐ܀
116:15	ܕ̄܂ ܗܠܝܢ ܗܟܝܠ ܕܡܬܬܪܬܝܢ ܡܢ ܒܬܪ ܕܫ݁ܠܐ ܡܠܦܢܐ ܢܨܠܘ݁ܢ ܣܛܪ
116:16	ܡܢ ܡܗܝ̈ܡܢܐ ܘܢܦܩܘܢ܂ ܐܝܟܢܐ ܕܢ݂ܠܦܘܢ ܡܗܝ̈ܡܢܐ܂ ܟܕ ܩ݁ܪܐ ܩܫܝܫܐ ܐܘ݁
116:17	ܡܫܡܫܢܐ ܚ݁ܕܬܐ ܐܘ݁ ܐܘܢ̈ܓܠܝܐ܀
116:18	ܢܫ̈ܐ ܡܗܝܡܢ̈ܬܐ ܒܥܕܬܐ ܡܢܗܝܢ ܘܠܗܝܢ ܢܩܘ݂ܡ̈ܢ܂ ܘܗܠܝܢ ܕܡܬܬܪ̈ܬܝܢ
116:19	ܡܢܗܝܢ ܘܠܗܝܢ܂ ܠܣܛܪ ܡ݂ܢ ܗ݀ܢܝܢ ܕܡܗܝ̈ܡܢܢ܂ ܟܠܗܝܢ ܕܝܢ ܦܪܝ݂ܫܐܝ݂ܬ ܡܢ

116:20	ܓܒܪ̈ܐ܂ ܛ̈ܠܝܬܐ ܐܦ ܗ݂ܢܝܢ ܠܣܛܪ܂ ܟܠܚܕܐ ܐܝܟ ܛܟܣܗ݀܀

116:21	ܓܒܪ̈ܐ ܡܢ ܝܡܝܢܐ ܘܢܫ̈ܐ ܡܢ ܣܡܠܐ܂ ܒܬܘ̈ܠܬܐ ܡܗܝܡܢ̈ܬܐ ܩܕܡܝ̈ܬܐ܂
116:22	ܘܗ݀ܢܝܢ ܕܡܬܬܪ̈ܬܝܢ ܠܒܬܘܠܘ݂ܬܐ ܒܣܬܪܗܝܢ܀
116:23	ܡܢ ܒܬܪ ܨܠܘ݁ܬܐ ܗ݀ܢܝܢ ܕܡܬܬܪ̈ܬܝܢ ܢܬ̈ܠܢ ܫܠܡܐ ܠܚܕ̈ܕܐ܂
116:24	ܐܦ ܓܒܪ̈ܐ ܠܓܒܪ̈ܐ܂ ܐܦ ܢܫ̈ܐ ܠܢܫ̈ܐ܀
116:25	ܟܠ ܐ݂ܢܬܬܐ ܬܟ݁ܣܐ ܪܝܫܗ݀ ܥܡ ܐܦ ܣܥܪܗ݀܂ ܢܫ̈ܐ ܗܕܝܪܐܝ݂ܬ ܘܦܐܝܐܝܬ