← Back
The Comprehensive Aramaic Lexicon
← Return to the Text Browser
click on the file description for more information

60450: AphDem Aphrahat

Click on a word for lexical analysis
Click on a red-colored coordinate for comments and/or translations of the line

▲ earlier lines

]22[441:02 ܟܬܒ݁ܬ܂܂܂܀܂܂܂ ܐܢ ܓܝܪ ܐܢܫ ܢܩܪܐ ܒܗܠܝܢ ܡܐܡܪ̈ܐ܂
]22[441:03 ܘܢܫܟܚ ܡ̈ܠܐ ܕܠܐ ܫܠܡܢ ܠܪܥܝܢܗ܂ ܠܐ ܘܠܐ݁ ܠܗ ܕܢܒܙܚ܂
]22[441:04 ܡܛܠ ܕܡܕܡ ܕܟܬܝܒ ܒܗܠܝܢ ܪ̈ܫܐ܂ ܠܐ ܗܘܐ ܠܪܥܝܢܗ
]22[441:05 ܕܚܕ ܐܢܫ ܟܬܝܒܢ܂ ܘܐܦܠܐ ܠܦܝܣܐ ܕܚܕ ܩܪܘܝܐ܂ ܐܠܐ
]22[441:06 ܠܪܥܝܢܐ ܕܟܠܗ݀ ܥܕܬܐ܂ ܘܠܦܝܣܐ ܕܟܠܗ݀ ܗܝܡܢܘܬܐ܂ ܘܐܢ
]22[441:07 ܢܩܪܐ ܕܦܝܣܐ/ܘܒܦܝܣܐ#02#/ ܢܫܡܥ ܫܦܝܪ܂ ܘܐܢ ܠܐ ܐܝܬ
]22[441:08 ܠܝ ܠܡܐܡܪ܂ ܕܐܢܐ ܠܒ̈ܢܝ ܦܝܣܐ ܟܬܒ݁ܬ܂ ܘܠܐ ܠܡܒܙܚ̈ܢܐ܂
]22[441:09 ܘܐܢ ܬܘܒ ܢܫܟܚ ܡ݁ܢ ܕܩ݁ܪܐ ܡ̈ܠܐ ܕܠܢ ܒܚܕ ܐܣܟܝܡܐ
]22[441:10 ܐܡܝܪ̈ܢ܂ ܘܠܚܟܝܡܐ ܐܚܪܢܐ ܒܚܕ ܐܣܟܝܡܐ܂ ܒܗܕܐ ܠܐ
]22[441:11 ܢܬܕܘܕ܂ ܡܛܠ ܕܟܠܢܫ ܐܝܟ ܡܕܡ ܕܡܕܪܟ ܗܟܢܐ ܡܡܠܠ
]22[441:12 ܠܫ̈ܡܘܥܐ܂ ܘܐܢܐ ܕܟܬܒ݁ܬ ܗܠܝܢ܂ ܐܦܢ ܡܢܗܝܢ ܡܢ ܡ̈ܠܐ
]22[441:13 ܠܐ ܫܠܡܢ ܠܕܐܡܘܪܐ ܐܚܪܢܐ܂ ܐܠܐ ܗܟܢܐ ܐܡܪ ܐܢܐ܂
]22[441:14 ܕܗ݀ܢܘܢ ܚܟܝܡ̈ܐ ܫܦܝܪ ܐܡܪܘ܂ ܘܐܢܐ ܗܟܢܐ ܐܬܚܙܝ ܠܝ
]22[441:15 ܕܐܡܠܠ܂ ܘܐܢ ܐܢܫ ܢܡܠܠ ܘܢܚܘܝܢܝ ܥܠ ܨܒܘ ܨܒܘ܂
]22[441:16 ܡܩܒܠ ܐܢܐ ܡܢܗ ܕܠܐ ܚܪܝܢܐ܂ ܟܠ ܡ݁ܢ ܕܩ݁ܪܐ ܒܟܬܒ̈ܐ
]22[441:17 ܩܕܝ̈ܫܐ ܩܕܡ̈ܝܐ ܘܐܚܪ̈ܝܐ܂ ܒܬܪ̈ܬܝܗܝܢ ܕܝܬܩ̈ܘܣ܂ ܘܒܦܝܣܐ
]22[441:18 ܩܪܐ ܝܠܦ ܘܡܠܦ܂ ܘܐܢ ܢܬܚܪܐ ܥܠ ܡܕܡ ܕܠܐ ܡܕܪܟ܂
]22[441:19 ܝܘܠܦܢܐ ܪܥܝܢܗ ܠܐ ܡܩܒܠ܂ ܐܠܐ ܐܢ ܢܫܟܚ ܡ̈ܠܐ
]22[441:20 ܕܥ̈ܛܠܢ ܡܢܗ܂ ܘܚܝܠܗܝܢ ܠܐ ܡܕܪܟ܂ ܗܟܢܐ ܢܐܡܪ܂
]22[442:01 ܕܡܕܡ ܕܟܬܝܒ ܫܦܝܪ ܟܬܝܒ܂ ܐܠܐ ܐܢܐ ܠܐ ܐܕܪܟܬ
]22[442:02 ܠܡܕܥ܂ ܘܐܢ ܢܫܐܠ ܥܠ ܡ̈ܠܐ ܕܥܣܩܢ ܡܢܗ܂ ܠܚܟܝܡ̈ܐ
]22[442:03 ܦܪ̈ܘܫܐ ܕܕܪܫܝܢ ܒܝܘܠܦܢܐ܂ ܟܕ ܥܠ ܚܕܐ ܡܠܐ ܢܐܡܪܘܢ
]22[442:04 ܠܗ ܥܣܪܐ ܚܟܝܡ̈ܝܢ ܥܣܪ ܐ̈ܦܝܢ ܕܡܒܣܡܐ ܠܗ ܢܩܒܠ܂
]22[442:05 ܘܕܠܐ ܒܣܡܐ ܠܗ ܠܐ ܢܡܝܩ ܒܚܟܝܡ̈ܐ܂ ܡܛܠ ܕܡܠܬܗ
]22[442:06 ܕܐܠܗܐ ܠܡܪܓܢܝܬܐ ܕܡܝܐ܂ ܕܠܟܠ ܐܦܝ̈ܗ݀ ܕܬܗܦܟܝܗ݀ ܚܙܘܐ

]22[442:07 ܫܦܝܪܐ ܐܝܟ ܠܗ݀܂ ܘܥܗܕ ܐܘ ܝܠܘܦܐ ܕܐܡܪ ܕܘܝܕ܂ ܕܡܢ

]22[442:08 ܟܠܗܘܢ ܡ̈ܠܦܢܝ ܝܠܦܬ܂ ܘܫܠܝܚܐ ܐܡܪ܂ ܕܟܠ ܟܬܒ ܕܒܪܘܚܐ
]22[442:09 ܗ݂ܘ ܕܐܠܗܐ ܗܘܝܬ ܩܪܐ܂ ܘܟܠ ܡܕܡ ܒܨܝ܂ ܘܕܫܦܝܪ ܐܚܘܕ܂
]22[442:10 ܘܡܢ ܟܠ ܨܒܘ ܒܝܫܐ ܥܪܘܩ܂ ܐܢ܆ܗܘ ܓܝܪ ܕܢܣܓܘܢ ܝܘܡ̈ܬܗ
]22[442:11 ܕܒܪܢܫܐ ܐܝܟ ܟܠܗܘܢ ܝܘܡ̈ܬܗ ܕܥܠܡܐ ܕܡܢ ܐܕܡ ܘܥܕ
]22[442:12 ܫܘܠܡ ܙܒ̈ܢܐ܂ ܘܢܬܒ ܘܢܪܢܐ ܒܟܬܒ̈ܐ ܩܕܝܫ̈ܐ܂ ܟܠܗ ܚܝܠܐ
]22[442:13 ܕܥܘܡܩܐ ܕܡ̈ܠܐ ܠܐ ܡܕܪܟ܂ ܘܥܠ ܚܟܡܬܗ ܕܐܠܗܐ ܐܢܫ
]22[442:14 ܠܐ ܡܫܟܚ ܕܢܩܘܡ܂ ܐܝܟ ܡܕܡ ܕܟܬܒ݁ܬ ܒܡܐܡܪܐ
]22[442:15 ܕܥܣܪܐ܂ ܒܪܡ ܕܝܢ ܟܠ ܐܡܘܪ̈ܐ ܐܝܠܝܢ ܕܡܢ ܓܙܐ ܪܒܐ
]22[442:16 ܠܐ ܢܣܒܝܢ ܫܝܛܢ ܘܒܣܝܪ̈ܢ ܡܠܝܗ̈ܘܢ܂ ܡܛܠ ܕܨܠܡܐ
]22[442:17 ܕܡܠܟܐ ܠܟܠ ܐܬܪ ܕܢܐܙܠ ܡܬܩܒܠ܂ ܘܐܝܢܐ ܕܐܝܬ ܒܗ
]22[442:18 ܙܐܦܐ ܡܣܬܠܐ ܘܠܐ ܡܬܩܒܠ܂ ܘܐܢ ܐܢܫ ܢܐܡܪ ܕܗܠܝܢ
]22[442:19 ܡܐܡܪ̈ܐ ܠܦܠܢ ܐܡܝܪܝܢ܂ ܗ݂ܘ ܡܐܠܦ ܢܐܠܦ܂ ܘܠܡܥܣܩ
]22[443:01 ܥܠ ܐܡܘܪܐ ܠܐ ܦܩܝܕ ܠܗ܂ ܐܦ ܐܢܐ ܐܝܟ ܙܥܘܪܘܬܝ ܗܠܝܢ
]22[443:02 ܟܬܒ݁ܬ܂ ܒܪܢܫܐ ܕܝܠܝܕ ܡܢ ܐܕܡ ܘܓܒܝܠ
]22[443:03 ܒܐܝ̈ܕܘܗܝ ܕܐܠܗܐ܂ ܕܬܠܡܝܕܐ ܐܢܐ ܕܟܬ̈ܒܐ ܩܕܝ̈ܫܐ܂
]22[443:04 ܡܪܢ ܓܝܪ ܐܡܪ܂ ܕܟܠ ܡ݁ܢ ܕܫܐܠ ܢܣܒ܂ ܘܕܒ݁ܥܐ ܡܫܟܚ܂
]22[443:05 ܘܕܢܩܫ ܦܬܚܝܢ ܠܗ܂ ܘܢܒܝܐ ܐܡܪ܂ ܕܐܫܘܕ ܪܘܚܝ ܥܠ ܟܠ
]22[443:06 ܒܣܪ ܒܝܘܡ̈ܬܐ ܐܚܪ̈ܝܐ ܘܢܬܢܒܘܢ܂ ܡܟܝܠ ܡ݁ܢ ܕܩܪܐ ܐܝܟ
]22[443:07 ܡܕܡ ܕܡܢ ܠܥܠ ܟܬܒ݁ܬ܂ ܒܦܝܣܐ ܢܩܪܐ ܘܢܨܠܐ ܥܠ ܐܡܘܪܐ
]22[443:08 ܐܚܐ ܕܓܘܐ܂ ܕܒܒܥܘܬܐ ܕܟܠܗ݀ ܥܕܬܐ ܕܐܠܗܐ܂ ܢܫܬܒܩܘܢ
]22[443:09 ܚܛܗܘ̈ܗܝ ܘܢܬܕܟܪ ܡ݁ܢ ܕܩܪܐ ܕܟܬܝܒ܂ ܕܢܫܬܘܬܦ ܗ݀ܘ ܡ݁ܢ
]22[443:10 ܕܫܡܥ ܡܠܬܐ ܠܗ݀ܘ ܡ݁ܢ ܕܡܫܡܥ ܠܗ݀ ܒܟܠܗܝܢ ܛܒܬ̈ܐ܂
]22[443:11 ܘܬܘܒ ܟܬܝܒ ܕܙܪܘܥܐ ܘܚܨܘܕܐ ܐܟܚܕܐ ܢܚܕܘܢ܂ ܘܟܠ
]22[443:12 ܐܢܫ ܐܝܟ ܥܡܠܗ ܐܓܪܗ ܡܩܒܠ܂ ܘܠܝܬ ܡܕܡ ܕܟܣܐ܂ ܕܠܐ
]22[443:13 ܠܟܠ ܒܪܢܫ ܢܬܓܠܐ܂܂܂܀܂܂܂

▼ later lines