The Comprehensive Aramaic Lexicon

]23[497:03	ܠܐ ܠܕܡܝܩܪ ܠܗ݀ ܝܕܥܐ܂ ܘܠܐ ܠܕܫܐܛ ܠܗ݀ ܦܪܫܐ܂ ܘܐܦ
]23[497:04	ܡ̈ܝܐ ܗܟܢܐ ܐܝܬܝܗܘܢ܂ ܒܪܝܬܐ ܐܢܘܢ ܓܝܪ ܕܠܐ ܦܘܪܫܢܐ܂
]23[497:05	ܫܡܫܐ ܘܣܗܪܐ ܘܟܘܟܒ̈ܐ܂ ܘܪ̈ܘܚܐ ܘܒܪ̈ܩܐ ܘܥܢ̈ܢܐ܂ ܘܢܘܪܐ
]23[497:06	ܘܡ̈ܝܐ܂ ܗܠܝܢ ܟܠܗܝܢ ܒܪ̈ܝܬܐ ܕܡܪܕܝܬܐ ܐܝܬ ܠܗܝܢ܂
]23[497:07	ܠܬܫܡܫܬܗ ܕܥܠܡܐ ܥܒ̈ܝܕܢ ܡܢ ܠܘܩܕܡ܂ ܘܟܕ ܡܪܕܐ ܪܕܝܢ
]23[497:08	ܠܝܬ ܒܗܝܢ ܦܘܪܫܢܐ܂ ܐܟܠܐ ܢܘܪܐ ܙܒܠܐ ܘܣܪܝܘܬܐ܂ ܘܠܐ
]23[497:09	ܐܡܪܐ ܟܕܘ܂ ܕܗܢܘ ܟܝܢܗ݀܂ ܘܕܢܚ ܫܡܫܐ ܥܠ ܫ̈ܠܕܐ ܘܥܠ
]23[497:10	ܣܝܢܐ܂ ܘܪܬܚ ܒܚܝܠܗ ܘܠܝܬ ܦܘܪܫܢܐ܂ ܓܪܦܝܢ ܡ̈ܝܐ ܟܠܗ݀
]23[497:11	ܛܡܐܘܬܐ܂ ܘܡܚܠܛܝܢ ܂܂܂݁ ‍[‍ܨܐܘܬܐ‍]‍ ܕܣܝܢܐ܂ ܘܠܝܬ
]23[497:12	ܒܗܘܢ ܝܕܥܬܐ ܕܢܦܫܐ܂ ܘܗܠܝܢ ܟܘܠܗܘܢ ܥܒ̈ܕܐ ܕܫܡܝܐ
]23[497:13	ܘܕܐܪܥܐ܂ ܠܬܫܡܫܬܗ ܗ݂ܘ ܕܥܠܡܐ ܥܒܝܕܝܢ܂ ܕܠܐ ܢܦܫܐ܂
]23[497:14	ܘܐܦ ܐܪܥܐ ܕܩܝܡܐ ܫܠܝܐܝܬ ܟܕ ܨܒ݁ܐ ܡܙܝܥ ܠܗ݀ ܡܢ
]23[497:15	ܫܪ̈ܫܝܗ݀܂ ܗܘܝܬ ܝܕܥ ܒܪ ܐܢܫܐ ܕܠܐ ܡܣܬܟܠ܂ ܕܨܒܝܢܗ
]23[497:16	ܕܐܠܗܐ ܫܩܝܠ ܠܟܠ ܡܕܡ܂ ܘܠܝܬ ܡܕܡ ܠܒܪ ܡܢ ܨܒܝܢܗ܂ ܚܢܢ
]23[497:17	ܕܝܢ ܕܝܕܥܢ ܕܚܕ ܗ݂ܘ ܐܠܗܐ ܢܘܕܐ ܘܢܣܓܘܕ ܘܢܗܠܠ ܘܢܪܡܪܡ
]23[497:18	ܘܢܗܕܪ ܘܢܩܕܫ ܘܢܫܒܚܗ݀ ܠܪܒܘܬܗ ܒܝܕ ܝܫܘܥ ܒܪܗ ܦܪܘܩܢ
]23[497:19	ܕܓܒܢ ܠܗ܂ ܘܩܪܒܢ ܠܘܬܗ܂ ܘܒܗ ܝܕܥܢܝܗܝ܂ ܘܗܘܝܢ ܠܗ
]23[497:20	ܣܓܘ̈ܕܐ ܘܥܡܐ ܘܥܕܬܐ ܘܟܢܫܐ ܩܕܝܫܐ܂ ܫܘܒܚܐ ܘܐܝܩܪܐ
]23[498:01	ܠܐܒܐ ܘܠܒܪܗ ܘܠܪܘܚܗ ܚܝܬܐ ܘܩܕܝܫܬܐ܂ ܡܢ ܦܘܡܐ
]23[498:02	ܕܟܘܠܗܘܢ ܡܫܒܚܢܘ̈ܗܝ ܕܠܥܠ ܘܕܠܬܚܬ܂ ܠܥܠܡ ܥܠܡܝܢ ܐܡܝܢ
]23[498:03	ܘܐܡܝܢ܂܂܀܂܂ ܪܝܫ ܟܠܗܘܢ ܥܒ̈ܕܐ ܫܦܝܪ̈ܐ ܗܕܐ ܡܬܒܥܝܐ
]23[498:04	ܩܕܡ ܐܠܗܐ܂ ܕܢܗܝܡܢ ܐܢܫ ܕܚܕ ܗܘ ܐܠܗܐ ܘܥܡ ܗܝܡܢܘܬܐ
]23[498:05	ܠܡܛܪ ܦܘܩܕ̈ܢܐ܂ ܘܐܢ ܢܘܕܐ ܐܢܫ ܕܚܕ ܗ݂ܘ ܐܠܗܐ ܘܥܒܪ
]23[498:06	ܦܘܩ̈ܕܢܘܗܝ ܘܠܐ ܥܒ݁ܕ ܠܗܘܢ܂ ܠܐ ܫܪܝܪ ܠܗ ܕܚܕ ܗ݂ܘ
]23[498:07	ܐܠܗܐ܂ ܐܝܟ ܕܐܡܪ ܡܠܦܢܐ ܕܥܡܡ̈ܐ܂ ܕܡܘܕܝܢ ܕܝܕܥܝܢ
]23[498:08	ܠܐܠܗܐ܂ ܐܠܐ ܒܥܒܕܝ̈ܗܘܢ ܟܦܪܝܢ ܒܗ܂ ܘܐܦ ܐܫܥܝܐ
]23[498:09	ܐܡܪ܂ ܕܥܡܐ ܗܢܐ ܒܣܦܘ̈ܬܗ ܗ݂ܘ ܡܝܩܪ ܠܝ܂ ܘܠܒܗ ܪܚܝܩ
]23[498:10	ܡܢܝ܂ ܘܕܘܝܕ ܐܡܪ܂ ܒܦܘܡܗܘܢ ܡܒܪܟܝܢ ܘܒܠܒܗܘܢ
]23[498:11	ܠܝܛܝܢ܂ ܘܐܝܟܢܐ ܡܘܕܝܢ ܕܝܕܥܝܢ ܠܐܠܗܐ ܘܒܥܒ̈ܕܝܗܘܢ
]23[498:12	ܟܦܪܝܢ ܒܗ܂ ܐܢ ܢܗܝܡܢ ܐܢܫ ܕܚܕ ܗ݂ܘ ܐܠܗܐ܂ ܘܡܕܡ ܕܦܩ݁ܕ
]23[498:13	ܐܠܗܐ ܠܐ ܥܒ݁ܕ܂ ܠܐ ܫܪܝܪ ܠܗ ܕܚܕ ܗ݂ܘ ܐܠܗܐ܂ ܦܩ݁ܕ
]23[498:14	ܐܠܗܐ ܕܛܪܘ ܦܘܩ̈ܕܢܝ ܘܥܒܕܘ ܐܢܘܢ܂ ܘܡ݁ܢ ܕܠܐ ܢܛܪ
]23[498:15	ܦܘܩܕܢܘ̈ܗܝ ܕܐܠܗܐ܂ ܝܕܝܥܐ ܗܝ ܕܒܐܠܗܐ ܟܦܪ܂ ܡܛܠ
]23[498:16	ܕܠܐ ܫܪܝܪ ܠܗ ܡܪܗܘܢ ܕܦܘܩ̈ܕܢܐ܂ ܐܡܪ ܐܠܗܐ ܕܠܐ
]23[498:17	ܬܩܛܘܠ܂ ܘܠܐ ܬܓܘܪ܂ ܘܠܐ ܬܓܢܘܒ܂ ܘܠܐ ܬܣܗܕ ܣܗܕܘܬ
]23[498:18	ܫܘܩܪܐ܂ ܝܩܪ ܠܐܒܘܟ ܘܠܐܡܟ܂ ܘܡܕܡ ܕܥܠܝܟ ܣܢܐ
]23[498:19	ܠܚܒܪܟ ܠܐ ܬܥܒܕ܂ ܡ݁ܢ ܓܝܪ ܕܡܗܝܡܢ ܕܐܠܗܐ ܕܐ݁ܢ
]23[498:20	ܠܩܛܘ̈ܠܐ ܠܐ ܩ݁ܛܠ ܘܡ݁ܢ ܕܩ݁ܛܠ ܠܐ ܫܪܝܪܐ
]23[499:01	ܠܗ ܕܐܝܬ ܐܠܗܐ܂ ܘܡ݁ܢ ܕܡܗܝܡܢ ܕܐܠܗܐ ܕܐܢ ܠܓܝܪ̈ܐ
]23[499:02	ܠܐ ܓܐܪ܂ ܘܡ݁ܢ ܕܓܐܪ ܠܐ ܫܪܝܪ ܠܗ ܕܐܝܬ ܐܠܗܐ܂
]23[499:03	ܘܡ݁ܢ ܕܡܗܝܡܢ ܕܐܠܗܐ ܕܐܢ ܠܓܢܒ̈ܐ ܠܐ ܓܢܒ݁܂ ܘܐܢ ܓܢܒ
]23[499:04	ܠܐ ܫܪܝܪܐ ܠܗ ܕܐܝܬ ܐܠܗܐ܂ ܘܐܦ ܟܠܗܘܢ ܦܘܩܕ̈ܢܐ
]23[499:05	ܗܟܢܐ ܐܝܬܝܗܘܢ܂ ܝܬܝܪܐܝܬ ܦܩ݁ܕ ܡܚܝܢܢ܂ ܕܠܐ ܬܐܡܐ
]23[499:06	ܡܘܡܬ ܫܘܩܪܐ܂ ܘܡ݁ܢ ܕܢܐܡܐ ܢܬܚܝܒ ܒܕܝܢܐ܂ ܡ݁ܢ ܕܫܪܝܪ
]23[499:07	ܠܗ ܕܚܕ ܗܘ ܐܠܗܐ ܐܝܟܢܐ ܝܡܐ ܒܗ ܘܡܕܓܠ܂ ܘܚܙܝ ܕܡ݁ܢ
]23[499:08	ܕܡܢ ܗܠܝܢ ܦܘܩܕ̈ܢܐ ܥܒܪ܂ ܝܕܝܥܐ ܗ݂ܝ ܕܒܐܠܗܐ ܟܦܪ܂
]23[499:09	ܝܬܝܪܐܝܬ ܕܝܢ ܒܝܫܐ ܩܕܡ ܐܠܗܐ ܡ݁ܢ ܕܝܡ݁ܐ ܘܡܕܓܠ
]23[499:10	ܒܡܘܡܬܗ܂ ܡܛܠ ܕܦܪܘܩܢ ܒܙܘܗܪܐ ܪܒܐ ܦܩܕ ܒܡܠܦܢܘܬܗ܂
]23[499:11	ܕܠܐ ܬܐܡܐ ܒܫܡܝܐ ܕܟܘܪܣܝܐ ܐܢܘܢ ܕܐܠܗܐ܂ ܕܠܐ ܟܕ
]23[499:12	ܬܐܡܐ ܘܬܕܓܠ ܒܫܡܝܐ܂ ܐܝܟܢ ܬܪܝܡ ܥܝܢ̈ܝܟ ܠܫܡܝܐ܂
]23[499:13	ܘܬܒܥܐ ܡܢ ܡ݁ܢ ܕܝܬܒ݁ ܒܫܡܝܐ܂ ܘܠܐ ܒܐܪܥܐ ܬܐܡܐ