← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:009:01 ܢܵܣܹ݁ܒ݂ ܠܐܲܣܝ݂ܪܘ݂ܬ݂ܵܐ܃ ܘܠܵܐ ܫܐܝ݂ܠܵܐܝ݂ܬ݂ ܘܠܵܐ ܟܝܵܢܵܐܝ݂ܬ݂܃ ܡܠܘ݁ܐ݂ܵܐ
01:009:02 ܡܸܫܬ݁ܟܲܚ ܬܲܡܵܢ ܠܲܚܙܵܬ݂ܵܐ ܢܲܦܫܵܢܵܝܬ݂ܵܐ܃ ܕܬܸܣܬ݁ܡܸܟ݂ ܥܠܵܘܗܝ
01:009:03 ܩܢܘ݁ܡܵܐܝ݂ܬ݂܂ ܘܡܸܛܠܗܵܢܵܐ܃ ܠܘܵܬ݂ ܬܲܗܪܵܐ ܡܸܬ݂ܢܓܸܕ݂܃ ܒܥܲܡܝ݂ܨܘ݂ܬ݂ܵܐ
01:009:04 ܕܲܥܦܝ݂ܦܘ݂ܬ݂ ܪܸ̈ܓ݂ܫܹܐ ܒܸܣܪ̈ܵܢܵܝܹܐ ܘܢܲܦܫܵܢܵܝܹ̈ܐ܂ ܘܠܵܐ ܐܝ݂ܬ݂ ܫܒ݂ܝ݂ܠܵܐ
01:009:05 ܐܼܚܪܹܢܵܐ ܨܹܝܕ݂ ܚܘ݂ܒܵܐ ܪܘ݂ܚܵܢܵܐ܃ ܗܵܘ݁ ܕܐܝ݂ܬ݂ܵܘܗܝ ܨܵܝܘ݁ܪܵܐ ܕܝܘ݂ܩܢܵܐ
01:009:06 ܠܵܐ ܡܸܬ݂ܚܲܙܝܵܢܵܐ܃ ܐܸܠܵܐ ܐܸܢ ܠܘ݂ܩܕܲܡ ܒܲܡܪܲܚܡܵܢܘ݂ܬ݂ܵܐ ܐܼܢܵܫ ܢܫܲܪܸܐ܃
01:009:07 ܐܲܝܟ݂ ܒܲܪܬ݂ ܩܵܠܹܐ ܕܡܵܪܲܢ܃ ܕܲܠܘܵܬ݂ ܓܡܝ݂ܪܘ݂ܬܹܗ ܕܐܲܒ݂ܵܐ ܫܲܬ݂ܐܸܣܬ݂ܵܐ܃
01:009:08 ܠܗܵܕܹܐ ܦܵܩܹ݁ܕ݂ ܠܡܸܫܬܲܡܥܵܢܵܘ̈ܗܝ܀ ܐܼܚܪܹܬ݂ܵܐ ܗ݂ܼܝ ܡܸܠܬ݂ܵܐ
01:009:09 ܣܘ݂ܥܪܵܢܵܝܬ݂ܵܐ܃ ܘܲܐܼܚܪ̈ܵܢܝܵܬ݂ܵܐ ܐܸܢܹܝܢ ܡܸܠܹ̈ܐ ܫܲܦܝ݂ܪ̈ܵܬ݂ܵܐ܂ ܘܐܵܦ ܒܸܠܥܵܕ݂
01:009:10 ܢܸܣܝܵܢܵܐ ܕܨܸܒ݂̈ܘܵܬ݂ܵܐ܃ ܝܵܕ݂ܥܵܐ ܗ݂ܼܝ ܚܸܟ݂ܡܬ݂ܵܐ ܡܸܠܹܝ̈ܗ݀ ܡܨܲܒ݁ܬ݂ܵܐ܃
01:009:11 ܘܠܲܡܡܲܠܵܠܘ݂ ܫܪܵܪܵܐ ܟܲܕ݂ ܠܵܐ ܡܦܵܣܵܐ ܒܹܗ܃ ܘܠܲܡܓܲܠܵܚܘ݂ ܥܲܠ
01:009:12 ܡܝܲܬ݁ܪܘ݂ܬ݂ܵܐ܃ ܟܲܕ݂ ܠܵܐ ܡܬ݂ܘ݁ܡ ܫܸܩܠܲܬ̤ ܢܸܣܝܵܢܵܐ ܕܦܘ݂ܠܚܵܢܵܗ݀܃ ܡܸܠܬ݂ܵܐ
01:009:13 ܕܡ݂ܢ ܦܘ݂ܠܚܵܢܵܐ܃ ܓܲܙܵܐ ܗ݂ܼܝ ܕܬ݂ܘ݂ܟ݂ܠܵܢܵܐ܂ ܘܚܸܟ݂ܡܬ݂ܵܐ ܒܲܛܝ݂ܠܬ݂ܵܐ܃
01:009:14 ܓܘ݂ܥܠܵܢܵܐ ܗ݂ܼܝ ܡܟܲܚܕ݂ܵܢܵܐ܂ ܐܲܝܟ݂ ܐܘ݂ܡܵܢܵܐ ܕܨܵܐܲܪ ܡܲܝ̈ܵܐ ܒܐܸܣܹ̈ܐ܃
01:009:15 ܘܲܠܨܲܗܝܹܗ ܕܢܸܬ݁ܠܘ݂ܢ ܦܘ݂ܝܵܓ݂ܵܐ ܠܵܐ ܡܸܫܟ݁ܚܝ݂ܢ܂ ܘܐܲܝܟ݂ ܕܚܵܙܹ݁ܐ܃
01:009:16 ܚܸܠܡܹ̈ܐ ܫܲܦܝ݂ܪܹ̈ܐ܀ ܐܲܝܢܵܐ ܕܹܝܢ ܕܡ݂ܢ ܢܸܣܝܵܢܵܐ ܕܥܲܡܠܹܗ ܡܡܲܠܸܠ
01:009:17 ܥܲܠ ܡܝܲܬ݁ܪܘ݂ܬ݂ܵܐ܃ ܐܲܝܟ݂ ܕܡ݂ܢ ܡܲܪ̈ܗܵܛܹܐ ܕܬܹܐܓ݂ܘ݂ܪܬܹܗ ܡܝܲܒܸ݁ܠ
01:009:18 ܡܸܠܬ݂ܵܐ ܠܫܵܡܘ݁ܥܵܘ̈ܗܝ܃ ܘܐܲܝܟ݂ ܕܡ݂ܢ ܩܸܢܝܵܢܵܐ ܕܢܲܦܫܹܗ ܙܵܪܲܥ݁
01:009:19 ܝܘ݂ܠܦܵܢܹܗ ܒܐܸܕ݂ܢܹ̈ܐ ܕܨܵܝܘ݁ܬ݂ܵܘ̈ܗܝ܂ ܦܵܬܲܚ݁ ܦܘ݂ܡܹܗ ܒܦܵܪܹܗܼܣܝ݂ܵܐ
01:009:20 ܥܲܡ ܒܢܵܘ̈ܗܝ ܪ̈ܘ݂ܚܵܢܹܐ܃ ܒܲܕ݂ܡܘ݂ܬ݂ ܝܲܥܩܘ݁ܒ݂ ܣܵܒ݂ܵܐ ܠܝܵܘܣܸܦ
01:009:21 ܢܲܟ݂ܦܵܐ܂ ܘܐܸܢܵܐ ܠܲܡ܃ ܗܵܐ ܝܸܗ݀ܒܹ݁ܬ݂ ܠܵܟ݂ ܡܢܵܬ݂ܵܐ ܚܕ݂ܵܐ ܝܲܬܝ݂ܪܬܵܐ ܥܲܠ
01:009:22 ܐܲܚܲܝ̈ܟ܃ ܕܢܸܣ݁ܒܹ݁ܬ݂ ܡ݂ܢ ܐܝ݂ܕ݂ܵܐ ܕܐܵܡܘ݁ܪ̈ܵܝܹܐ ܒܣܲܝܦܝ ܘܲܒ݂ܩܸܫܬ݁ܝ܀