The Comprehensive Aramaic Lexicon

2.049:04	ܒܒܝܬܝ܃ ܣܓܝ ܩܨܦ ܘܗܟܢ ܐܡܪ ܗܘܐ܃ ܕܐܚܝܩܪ ܐܒܝ
2.049:05	ܣܐܒ ܘܚܟܡܬܗ ܙܥܪܬ܃ ܘܡܠܘ̈ܗܝ ܕܝܢ ܚܟܝܡ̈ܬܐ
2.049:06	ܫܛܝ ܠܗܝܢ܃ ܕܠܡܐ ܝܗܒ ܢܟܣ̈ܘܗܝ ܠܢܒܘܙܪܕܢ ܐܚܝ܃
2.049:07	ܘܠܝ ܢܪܚܩܢܝ ܡܢ ܒܝܬܗ܃ ܟܕ ܫܡܥܬ ܐܢܐ ܐܚܝܩܪ ܡ̈ܠܐ
2.049:08	ܗܠܝܢ܃ ܐܡܪܬ܂ ܚܒܠܟܝ ܚܟܡܬܝ ܕܐܦܟܗܟܝ ܢܕܢ ܒܪܝ܃
2.049:09	ܘܡ̈ܠܝ ܚܟܝܡ̈ܬܐ ܐܫܛ ܐܢܝܢ܃ ܟܕ ܫܡܥ ܕܝܢ ܢܕܢ ܒܪܝ
2.049:10	ܪܓܙ ܘܐܙܠ ܠܗ ܠܬܪܥܗ ܕܡܠܟܐ܂ ܘܒܝܫܬܐ ܐܬܚܫܒ
2.049:11	ܒܠܒܗ܃ ܘܝܬܒ ܟܬܒ ܐܓܪ̈ܬܐ ܬܪ̈ܬܝܢ ܠܬܪܝܢ ܡܠܟ̈ܝܢ
2.049:12	ܒܥܠܕܒܒܘ̈ܗܝ ܕܣܢܚܪܝܒ ܡܪܝ܃ ܚܕܐ ܕܝܢ ܠܐܟܝ ܒܪ
2.049:13	ܚ݂݁ܡܣܠܝܡ ܡܠܟܐ ܕܦܪܣ ܘܕܥܝܠܡ܃ ܡܢ ܐܚܝܩܪ ܣܦܪܐ
2.049:14	ܘܥܙܩܬܐ ܕܣܢܚܪܝܒ ܡܠܟܐ ܕܐܬܘܪ ܘܕܢܝܢܘܐ ܫܠܡ܂ ܟܕ
2.049:15	ܐܓܪܬܐ ܗܕܐ ܡܛܝܐ ܠܘܬܟ܃ ܩܘܡ ܬܐ ܠܐܘܪܥܝ
2.049:16	ܠܐܬܘܪ܃ ܘܐܢܐ ܡܥܠ ܐܢܐ ܠܟ ܠܐܬܘܪ܃ ܘܡܠܟܘܬܐ
2.049:17	ܬܐܚܘܕ ܒܗ݀ ܕܠܐ ܩܪܒܐ܃ ܘܟܬܒ ܐܓܪܬܐ ܐܚܪܬܐ܃
2.049:18	ܠܦܪܥܘܢ ܡܠܟܐ ܕܡܨܪܝܢ ܡܢ ܐܚܝܩܪ ܣܦܪܐ ܘܥܙܩܬܗ
2.049:19	ܕܡܠܟܐ ܕܐܬܘܪ ܘܕܢܝܢܘܐ ܫܠܡ܃ ܟܕ ܐܓܪܬܐ ܗܕܐ
2.049:20	ܬܡܛܐ ܠܘܬܟ܃ ܩܘܡ ܬܐ ܠܐܘܪܥܝ ܠܦܩܥܬ ܢܫܪܝܢ
2.049:21	ܕܝܬܒܐ ܒܬܝܡܢܐ ܠܝܘܡ ܚܡܫܐ ܘܥܣܪܝܢ ܒܐܒ ܝܪܚܐ܃
2.049:22	ܘܐܢܐ ܐܥܠܟ ܠܢܝܢܘܐ ܕܠܐ ܩܪܒܐ܂ ܘܡܠܟܘܬܐ
2.050:01	ܬܐܚܘܕ ܒܗ݀܃ ܘܕܡܝ ܐܢܝܢ ܟܬܝܒ̈ܬܗ ܠܟܬܒܬ ܐܝܕܐ
2.050:02	ܕܝܠܝ܂ ܘܚܬܡ ܐܢܝܢ ܒܐܦܕܢܐ ܕܡܠܟܐ ܘܐܙܠ܃ ܘܟܬܒ
2.050:03	ܬܘܒ ܐܓܪܬܐ ܐܚܪܬܐ ܠܘܬܝ܂ ܐܝܟ ܕܡܢ ܣܢܚܪܝܒ
2.050:04	ܡܠܟܐ ܡܪܝ܂ ܘܗܟܢ ܟܬܒܗ݀܂ ܡܢ ܣܢܚܪܝܒ ܡܠܟܐ
2.050:05	ܠܐܚܝܩܪ ܣܦܪܐ ܘܥܙܩܬܐ ܕܝܠܝ ܫܠܡ܂ ܟܕ ܐܓܪܬܐ
2.050:06	ܗܕܐ ܡܛܝܐ ܠܘܬܟ܃ ܟܢܫ ܠܟܠܗ ܚܝܠܐ ܠܛܘܪܐ ܗܘ
2.050:07	ܕܡܬܩܪܐ ܨܝܨ܂ ܘܡܢ ܬܡܢ ܦܘܩ ܘܬܐ ܠܐܘܪܥܝ
2.050:08	ܠܦܩܥܬ ܢܫܪܝܢ ܕܝܬܒܐ ܒܬܝܡܢܐ܂ ܠܝܘܡ ܥܣܪܝܢ ܘܚܡܫܐ
2.050:09	ܒܐܒ ܝܪܚܐ܂ ܘܡܐ ܕܚܙܝܬܢܝ ܕܡܬܩܪܒ ܐܢܐ ܠܘܬܟ܃
2.050:10	ܣܕܘܪ ܚܝܠܐ ܠܘܩܒܠܝ ܐܝܟ ܓܒܪܐ ܕܥܬܝܕ ܠܩܪܒܐ܂
2.050:11	ܡܛܠ ܕܐܝ̈ܙܓܕܐ ܕܦܪܥܘܢ ܡܠܟܐ ܕܡܨܪܝܢ ܐܬܘ
2.050:12	ܠܘܬܝ܂ ܕܢܚܙܘܢ ܡ݁ܢ ܚܝܠܐ ܐܝܬ ܠܝ܂ ܘܫܕܪܗ݀ ܠܝ ܢܕܢ
2.050:13	ܒܪܝ ܠܐܓܪܬܐ ܗܕܐ ܒܐܝ̈ܕܝ ܬܪܝܢ ܦܠܚ̈ܐ ܕܡܠܟܐ܂
2.050:14	ܗܝܕܝܢ ܠܒܟ ܐܢܝܢ ܢܕܢ ܒܪܝ ܠܟܬܝ̈ܒܬܐ ܕܟܬܒ ܐܝܟ
2.050:15	ܗܘ ܕܡܫܟܚܘ ܐܫܟܚ ܐܢܝܢ܂ ܘܩܪܐ ܐܢܝܢ ܩܕܡ ܡܠܟܐ܂
2.050:16	ܘܟܕ ܫܡܥ ܐܢܝܢ ܡܠܟܐ ܡܪܝ ܐܝܠܠ ܘܐܡܪ܂ ܐܘ
2.050:17	ܐܠܗܐ ܡܢܐ ܚܛܝܬ ܠܗ ܠܐܚܝܩܪ ܕܗܟܢ ܢܥܒܕ ܠܝ܂
2.050:18	ܘܥܢܐ ܢܕܢ ܒܪܝ ܘܐܡܪ ܠܡܠܟܐ܂ ܡܪܝ ܠܐ ܬܩܨܦ
2.050:19	ܘܬܪܓܙ܂ ܩܘܡ ܢܐܙܠ ܠܦܩܥܬ ܢܫܪܝܢ ܠܝܘܡܐ ܗܘ
2.050:20	ܕܟܬܝܒ ܠܗ ܒܐܓܪܬܐ܂ ܘܐܢ ܫܪܝܪܐ ܟܠ ܕܦܩܕ ܐܢܬ
2.050:21	ܢܗܘܐ܂ ܘܕܒܪܗ ܢܕܢ ܒܪܝ ܠܡܠܟܐ ܡܪܝ܂ ܘܐܬܘ ܠܘܬܝ
2.051:01	ܠܦܩܥܬ ܢܫܪܝܢ܂ ܘܐܫܟܚܘܢܝ ܟܕ ܐܝܬ ܥܡܝ ܚܝܠܐ
2.051:02	ܣܓܝܐܐ ܕܟܢܝܫܝܢ ܬܡܢ܂ ܘܟܕ ܚܙܝܬܗ ܠܡܠܟܐ ܣܕܪܬ
2.051:03	ܚܝܠܐ ܠܩܘܒܠܗ܂ ܐܝܟ ܕܟܬܝܒ ܒܐܓܪܬܐ܂ ܘܟܕ ܚܙܐ
2.051:04	ܡܠܟܐ ܣܓܝ ܕܚܠ܂ ܥܢܐ ܢܕܢ ܒܪܝ ܘܐܡܪ ܠܗ܂ ܠܐ
2.051:05	ܬܙܘܥ ܠܟ ܡܪܝ ܡܠܟܐ܂ ܗܦܘܟ ܙܠ ܠܩܝܛܘܢܟ
2.051:06	ܒܫܠܡܐ܂ ܘܠܐܚܝܩܪ ܐܝܬܝܘܗܝ ܠܩܕܡܝܟ܂ ܗܝܕܝܢ ܡܪܝ
2.051:07	ܡܠܟܐ ܗܦܟ ܠܒܝܬܗ܂ ܘܢܕܢ ܒܪܝ ܐܬܐ ܠܘܬܝ
2.051:08	ܘܐܡܪ ܠܝ܂ ܟܠ ܕܥܒܕܬ ܫܦܝܪ ܥܒܕܬ܂ ܘܣܓܝ ܫܒܚܟ
2.051:09	ܡܠܟܐ ܘܦܩܕ ܠܟ ܕܐܦܛܪ ܚܝ̈ܠܘܬܐ ܘܢܐܙܠܘܢ ܐܢܫ
2.051:10	ܠܐܬܪܗ ܘܠܕܘܟܬܗ܂ ܘܐܢܬ ܒܠܚܘܕܝܟ ܬܐ ܠܘܬܝ܂
2.051:11	ܗܝܕܝܢ ܐܬܝܬ ܠܩܕܡ ܡܠܟܐ܂ ܘܟܕ ܚܙܢܝ ܐܡܪ ܠܝ܂