The Comprehensive Aramaic Lexicon

2.059:06	ܠܝ ܒܝܬ ܡܫܪܝܐ܂ ܘܠܒܬܪܗ ܕܝܘܡܐ ܥܠܬ ܩܕܡܘܗܝ܂
2.059:07	ܘܣܓܕܬ ܠܗ ܘܫܐܠܬ ܒܫܠܡܗ܂ ܘܥܢܐ ܡܠܟܐ ܘܐܡܪ
2.059:08	ܠܝ܂ ܡ݁ܢ ܫܡܟ܂ ܘܐܢܐ ܐܡܪܬ ܠܗ܂ ܐܒܝܩܡ ܐܝܬܘܗܝ
2.059:09	ܫܡܝ܂ ܚܕ ܡܢ ܫܘܫܡܢ̈ܐ ܫܝ̈ܛܐ ܕܡܠܟܘܬܐ܂ ܘܥܢܐ
2.059:10	ܘܐܡܪ ܠܝ܂ ܗܟܢ ܐܬܬܫܝܛܬ ܡܢ ܡܪܟ ܥܕܡܐ
2.059:11	ܕܫܘܫܡܢܐ ܫܝܛܐ ܕܡܠܟܘܬܗ ܫܕܪ ܠܝ܂ ܙܠ ܐܒܝܩܡ
2.059:12	ܠܐܫܦܙܟ܂ ܘܩܕܡ ܒܨܦܪܐ ܘܬܐ ܠܘܬܝ܂ ܗܝܕܝܢ ܦܩܕ
2.059:13	ܡܠܟܐ ܠܪܘܪ̈ܒܢܘܗܝ܂ ܕܠܡܚܪ ܐܬܟܣܘ ܣܘܡܩܐ܂ ܘܗܘ
2.059:14	ܡܠܟܐ ܠܒܫ ܒܘܨܐ܂ ܘܝܬܒ ܥܠ ܟܘܪܣܝܗ܂ ܘܦܩܕ
2.059:15	ܘܥܠܬ ܠܩܕܡܘܗܝ ܘܐܡܪ ܠܝ܂ ܠܡ݁ܢ ܕܡܢܐ ܐܒܝܩܡ
2.059:16	ܘܠܡܢ ܕܡܝܢ ܪܘܪ̈ܒܢܝ܂ ܘܥܢܝܬ ܘܐܡܪܬ ܠܗ܂ ܕܡܐ ܐܢܬ
2.059:17	ܡܪܝ ܡܠܟܐ ܠܒܝܠ܂ ܘܪܘܪ̈ܒܢܝܟ ܠܟܘܡܪ̈ܘܗܝ܂ ܘܬܘܒ
2.059:18	ܐܡܪ ܠܝ܂ ܙܠ ܠܐܫܦܙܟ܂ ܘܠܡܚܪ ܬܐ ܠܘܬܝ܂ ܘܦܩܕ
2.059:19	ܡܠܟܐ ܠܪܘܪ̈ܒܢܘܗܝ ܕܠܡܚܪ ܠܒܫܘ ܠܒܘ̈ܫܐ ܕܟܬܢܐ
2.059:20	ܚܘܪܐ܂ ܘܗܘ ܡܠܟܐ ܠܒܫ ܚܘܪܐ ܘܝܬܒ ܥܠ ܟܘܪܣܝܗ܂
2.059:21	ܘܦܩܕ ܘܥܠܬ ܩܕܡܘܗܝ܂ ܘܐܡܪ ܠܝ ܠܡܢ ܕܡܐ ܐܢܐ
2.060:01	ܐܒܝܩܡ܂ ܘܪܘܪ̈ܒܢܝ ܠܡܢ ܕܡܝܢ܂ ܘܐܡܪܬ ܠܗ ܕܡܐ
2.060:02	ܐܢܬ ܡܪܝ ܡܠܟܐ ܠܫܡܫܐ ܘܪܘܪ̈ܒܢܝܟ ܠܙܠܝܩܘ̈ܗܝ܂
2.060:03	ܘܬܘܒ ܐܡܪ ܠܝ܂ ܙܠ ܠܟ ܠܐܫܦܙܟ ܘܠܡܚܪ ܬܐ
2.060:04	ܠܘܬܝ܂ ܘܦܩܕ ܬܘܒ ܡܠܟܐ ܠܪܘܪ̈ܒܢܘܗܝ܂ ܕܠܡܚܪ ܠܒܫܘ
2.060:05	ܐܘܟܡ̈ܐ܂ ܘܡܠܟܐ ܠܒܫ ܬܘܠܥܬܐ܂ ܘܦܩܕ ܘܥܠܬ
2.060:06	ܩܕܡܘܗܝ܂ ܘܐܡܪ ܠܝ܂ ܠܡ݁ܢ ܕܡܐ ܐܢܐ ܐܒܝܩܡ
2.060:07	ܘܪܘܪ̈ܒܢܝ ܠܡ݁ܢ ܕܡܝܢ܂ ܘܐܡܪܬ ܠܗ܂ ܕܡܐ ܐܢܬ ܡܪܝ
2.060:08	ܡܠܟܐ ܠܣܗܪܐ ܘܪܘܪ̈ܒܢܝܟ ܠܟܘܟܒ̈ܐ܂ ܘܬܘܒ ܐܡܪ
2.060:09	ܠܝ܂ ܙܠ ܠܒܝܬܟ܂ ܘܠܡܚܪ ܬܐ ܠܘܬܝ܂ ܘܦܩܕ ܡܠܟܐ
2.060:10	ܠܪܘܪ̈ܒܢܘܗܝ܂ ܕܠܡܚܪ ܠܒܫܘ ܠܒܘܫ̈ܐ ܕܨܘܒܥܢ̈ܝܢ
2.060:11	ܘܡܦܬܟܝܢ܂ ܘܬܪ̈ܥܝ ܗܝܟܠܐ ܢܬܟܣܘܢ ܣܘ̈ܡܩܐ܂ ܘܗܘ
2.060:12	ܡܠܟܐ ܠܒܫ ܡܝ̈ܠܬܐ܂ ܘܦܩܕ ܘܥܠܬ ܩܕܡܘܗܝ܂ ܘܐܡܪ
2.060:13	ܠܝ ܠܡ݁ܢ ܕܡܐ ܐܢܐ ܐܒܝܩܡ܂ ܘܪܘܪ̈ܒܢܝ ܠܡ݁ܢ ܕܡܝܢ܂
2.060:14	ܘܐܡܪܬ ܠܗ ܕܡܐ ܐܢܬ ܡܪܝ ܡܠܟܐ ܠܢܝܣܢ܂ ܘܪܘܪ̈ܒܢܝܟ
2.060:15	ܕܡܝܢ ܠܗܒܒ̈ܘܗܝ܂ ܗܝܕܝܢ ܡܠܟܐ ܐܡܪ ܠܝ܂ ܚܕܐ
2.060:16	ܙܒܢܬܐ ܕܡܝܬܢܝ ܠܒܝܠ܂ ܘܪܘܪ̈ܒܢܝ ܠܟܘܡܪ̈ܘܗܝ܂ ܘܕܬܪܬܝܢ
2.060:17	ܙܒܢܝܢ ܕܡܝܬܢܝ ܠܫܡܫܐ ܘܪܘܪ̈ܒܢܝ ܠܙܠܝܩܘܗܝ܂ ܘܕܬܠܬ
2.060:18	ܕܡܝܬܢܝ ܠܣܗܪܐ ܘܪܘܪ̈ܒܢܝ ܠܟܘܟ̈ܒܐ܂ ܘܕܐܪܒܥ ܕܡܝܬܢܝ
2.060:19	ܠܢܝܣܢ ܘܪܘܪ̈ܒܢܝ ܠܗܒܒܘ̈ܗܝ܂ ܡܟܝܠ ܐܡܪ ܠܝ ܐܒܝܩܡ
2.060:20	ܡܪܟ ܕܝܠܟ ܠܡ݁ܢ ܕܡܐ܂ ܘܐܢܐ ܥܢܝܬ ܘܐܡܪܬ ܠܗ܂
2.060:21	ܚܣ ܠܟ ܡܪܝ ܡܠܟܐ ܕܠܣܢܚܪܝܒ ܡܪܝ ܬܬܕܟܪ
2.061:01	ܟܕ ܐܢܬ ܝܬܝܒ܂ ܕܡܐ ܣܢܚܪܝܒ ܡܪܝ ܠ‍[‍܂܂܂܂܂܂݁݁‍]‍ܠ
2.061:02	ܘܪܘܪ̈ܒܢܘܗܝ ܠܒܪ̈ܩܐ ܕܗܘܝܢ ܒܥܢ̈ܢܐ ܕܐܡܬܝ ܕܨܒܐ
2.061:03	ܓܒܠ ܡܢ ܡܛܪܐ ܘܛܠܐ ܒܪܕܐ܂ ܘܐܢ ܪܥܡ ܟܠܐ
2.061:04	ܠܫܡܫܐ ܕܠܐ ܢܕܢܚ܂ ܘܠܙܠܝܩ̈ܘܗܝ ܕܠܐ ܢܬܚܙܘܢ݁
2.061:05	ܘܢܟܠܐ ܠܒܝܠ ܡܢ ܕܠܡܥܠ ܘܠܡܦܩ ܒܫܘܩܐ܂ ܘܠܪܘܪ̈ܒܢܘܗܝ
2.061:06	ܠܡܬܚܙܝܘ܂ ܘܢܟܠܐ ܠܣܗܪܐ ܡܢ ܕܠܡܕܢܚ ܘܠܟܘܟܒ̈ܘܗܝ
2.061:07	ܠܡܬܚܙܝܘ܂ ܘܟܕ ܗܠܝܢ ܫܡܥ ܡܠܟܐ ܣܓܝ ܩܨܦ
2.061:08	ܘܐܡܪ ܠܝ܂ ܒܚܝ̈ܘܗܝ ܕܡܪܟ ܡܘܡܢܐ ܠܟ ܐܡܪ ܠܝ
2.061:09	ܡ݁ܢ ܫܡܟ܂ ܘܥܢܝܬ ܘܐܡܪܬ ܠܗ܂ ܐܢܐ ܐܝܬܝ ܐܚܝܩܪ
2.061:10	ܣܦܪܐ܂ ܘܥܙܩܬܐ ܕܣܢܚܪܝܒ ܡܠܟܐ ܕܐܬܘܪ ܘܕܢܝܢܘܐ܂
2.061:11	ܘܐܡܪ ܠܝ ܡܠܟܐ܂ ܠܐ ܗܘܐ ܡܫܡܥ ܫܡܥܬ ܕܩܛܠܟ܂
2.061:12	ܡܪܟ܂ ܘܐܢܐ ܐܡܪܬ ܠܗ܂ ܥܕܟܝܠ ܐܝܬܝ ܒܚ̈ܝܐ ܡܪܝ
2.061:13	ܡܠܟܐ܂ ܘܐܠܗܐ ܫܘܙܒܢܝ ܡܢ ܡܕܡ ܕܠܐ ܥܒܕ ܐܝ̈ܕܝ܂
2.061:14	ܘܐܡܪ ܠܝ ܡܠܟܐ܂ ܙܠ ܐܚܝܩܪ ܠܒܝܬܟ ܘܠܡܚܪ ܬܐ